رواية ثارهم وبنت الفقير الفصل العاشر 10 - بقلم الكاتبة ترانيم 🤎

الثأر الثامن
ثارهم وبنت الفقير

بقلمي ترانيم ♥️

_شلونكم حلويني,صوتو عالقصه,وتعليقاتكم لاتنسوها ومتابعه للحساب ♥️...

... لبست الشال والعبايه وطلعت للصاله

نصدمت صدمه عمري من شفته كاعد بصف السيد بس لا البالي صدك

رجعت بسرعه للغرفه وقفلت الباب عليه

سيرين... يرببببي لا مستحيل مستحيل ماريده

الشهكه بلعومي والدمعه بطارف عيني اذا بدايتها هيج شلون نهايتنا من جه ابوي الي ماعرف عنه شي ومن جهه اهلي واخواني ماعرف ايشي عنهم ومن جهه اني وروحي بيد هالمجرم خطفني واسرني عنده وهسه يريد يربطني بيه

اموت ولااصير زوجه لهيج مجرم ... كمت رحت عالشباك حاولت افتحه مقفول

دخلت للحمام ادور على شي اكتل روحي بيه فقدت صرت مثل المجنونه احس مخلي حبل على رقبتي وعلى لحضه يخنكني بيه

رحت كعدت عالجربايه وابجي بدون صوت وادعي ربي بلكي احد يخلصني

دفنت وجهي بكفوف ايدي وامنع صوت شهكتي وماحس غير الباب ينفتح

دخل ضرار، اني قفلته شلون فتحه عاينت على ايده المفتاح ،سد الباب واجى تقدم عليه بكل برود

سحبني من شالي وسد حلكي وقرب وجها من وجهي ماصار يفصل بينا غير انش

ضرار وهوه يصك على سنونه... لحد هسه صابر عليج ومخليج براحتج بس وروح ابوي لوطخت براسي اخليج تتمنين لوماجايه على هالدنيا الغبره

حسيت روحي ختنكت بأيديه وهوه يقوي بقبضته على وجهي وشعري

ضرار... بدون حس هسه طلعين وياي وشكلج تكولين اي فاهمه

شمرني عالجربايه ضليت اضرب بصدري اريد الهوى يدخل لريتي

رجع لزمني من ايدي وهوه يقوي قبضته اكثر واكثر واني ماكو غير دموعي تجري

ضرار... خاف هالمره رحمت ابوج وعفته لا بالعباس المره الجايه اخليج تمشين بجنازته وخلي هالعناد وطوله لسانج يفيدنج

مثل الفريسه وكعت بايد صيادها هذا اني حالي حاصرني من كل الجهات وماخلى الي مهرب

شهكت واني اتوسل بيه... لاسوي هيج والله مادخلني خطفتني من اهلي واسرتني يمك وهسه جاي تكتب شهاده موتي ماريد رجعني لاهلي وعوفنا بحالنا

بدون مايسمعلي اجى وكومني عدل شالي وعباتي وحروره انفاسه تضرب بوجهي

ضرار ... امسحي دموعج وامشي وياي بليه صوت

خليت ايدي على وجهي واشهك وهوه بس يباوع ماحرك ساكن ولا حتى انقهر

سحبني من ايدي وطلعنى حجى وي الشيخ واني بالي ابد مويمه وبس دموعي تجري

كعدت وكعد بصفي لازم ايدي ويعصر بيها بس الالم موبأيدي بقلبي

شوي وندك الباب كام فتحه والشيخ حجى

_ بنيتي انتي مجبوره على هالزواج

سيرين... هزيتله راسي بدون ماحجي وبس دموع تجري

اجى ضرار ووياه مره جبيره ونفس الرجال الجان يم البنايه

اجو كعدو وحجى الشيخ موجه كلامه لضرار

_وليدي البت مارايده هالزواج ليش تجبرها

ضرار... شيخ شتفقنا احنى

الشيخ سكت هز راسه بأسف وبدى يقرا أيات واني كل كلمه يكولها احسه جاي يكتب بشهاده وفاتي موعقد زواجي

_و قد نصت الآيات الكريمة على حق المرأة في المهر فقد قال تعالى (وآتوا النساء صدقاتهن نحلة) أي: أعطوا النساء مهورهن عطاءً مفروضًا عليكم، وقال تعالى: (فانكحوهن بإذن أهلهن وآتوهن أجورهن بالمعروف)

بدى يرتل ايات وروحي صارت تنازع ، غمضت عيني واني بالي مويمهم ندسني ضرار وعاينت عليه خزرني وأشرلي حتى اجاوب ... عاينت عالشيخ ورجع سألني

سيرين... نعم قبلت وانت وكيلي

رجع سأل ضرار وهم جاوبه بحضور الشهود بهالحظه كرهته اضعاف كرهي اله

سلمو وراحو هوه كام سد الباب وراهم واني ماتحركت من مكاني ودموعي مثل الشلال يجرن جاي يحطمني ويحطم بحياتي

اجى جر الكرسي وكعد كدامي مارفعت راسي ولاعاينتله كارهه حتى شوفته

سيرين... وهاي صرت سجينتك واسيره عندك

ضرار... وجحيمي

عاينتله باستغراب عافني وراح طلع ... صرت ادك والطم على حضي وحياتي الضاعت بايدينه

بالساعه اني على هالحاله حسيت روحي تعبت ومعدتي كامت تكلب كلشي مماكله ووجع الراس احسه يحفر براسي

كمت اجر الهوى بالكوا نزعت لعبايه واحس روحي جاي تطلع عالبطيئ

اجى دخل شافني على هالحاله جان بيده جنطه صغيره شمرها واجى عليه

ضرار... وجج شبيج

ماجاوبته وبس دموعي تجري اني منا مختنكه ووجوده يخنكني بالزايد

سحبني من ايدي وكومني جنت لافه الشال فتحه وصار يدك على ظهري راح جاب مي شربني وغسل وجهي

ضرار... اششش اهدي كافي

سيرين... عووفني

ضرار... ماكدر

سيرين... مثل ماكدرت تخطفني من اهلي حتى تنتقم منهم تكدر ترجعني

ضرار... واتي شعليج حتى انتقم منج

سيرين باستغراب ... شنو ؟

فرك وجهى وزفر بغضب ، لزمني من شعري ويعت بيه

ضرار... بطلي هالفضول ولاتدخلين بشي

شبيه هذا منفصم مساع مابيه شي وهسه نكلب ثور عليه

سيرين... اخخخ شعري كطعته وخرررر

ضرار... دخلتي جحيمي وصرتي اسيرتي اثنينا راح نتحمل الجاينه

دفعني ووخر واني احس كلبي حيطلع من مكانه كلشي بيه يخوف تصرفاته غير وكلامه غير

ضرار... هذن الملابس دبري روحج بيهن علما اجيبلج والاكل بالثلاجه تلكي اسممي ولاضلين بليه اكل

راح وعافني كمت وصحتله... وين رايح وعايفني بحدي رجعني وروح

ضرار... اركدري لا اكسر رجليج وين تولين تردين وانه كم يوم وراجع بس وعلي لوفريتي ذيالج انهيج

خزرني وراح سمعت بس قفل الباب وراه برطمت وحصرتني البجيه بس مجاي تنزل دموعي

وحيده بهالشقه وبس صوت انفاسي وصوت دكات قلبي اسمعه مامتعوده اضل بحدي وماكو احد يمي والدنيا بدت تغرب

رحت حصرت نفسي بالزاويه وكلساع اتخايل شي لو احد يدخل عليه لويطلعلي جني

والتفكير هلك راسي اهلي شصار بيهم وبدر شلون حيكون موقفه اذا عرف صرت لغيره واحنى ننتضر بس نصير لبعض، بعدني عن حب طفولتي ومراهقتني ،وهسه ابوي رجع لوبعده وشسواله

حسيت الجوع كطع امعائي والدوخه سيطرت عليه

سيرين... سيرين تقوي ولاتخافين ماكو شي اكيد لوهالخبيث ميأمن مجان عافني بحدي

وشعرفني ماناصبلي فخ هالخبيث مومال واحد يأمن بيه ربي ساعدني وخلصني

كمت نزعت الشال ورحت غسلت عاينت عالمرايه عيوني ورمانات واثار الضرب مطبوعه على وجهي وجرح خفيف بكصتي

شلاعب بحالي وهنه كم ساعه ضليت يمك لواضل كل عمري شتسوي بيه

رحت للمطبخ كلشي جان راقي ومرتب تذكرت مطبخنا شلون الطباخ بالكاع والسنك مثبتينه بسمارين والمواعين مخليهن بسله

بس عندي احلى واحسن من هالحياه الراح اعيشها

رحت للثلاجه طلعت بتيته واكو خبز هم طلعته بارد كلش

رحت قلمتها ورشيتلها ملح بس ماعرفت افتح الطباخ

خفت لايطك عليه ويحركني وريحه الغاز عبت البيت والمطبخ

كعدت بالكاع ابجي على حالي واندب حضي والريحه مال غاز احسها تزرف بخشمي كمت وخرت المنظم مال دبه وعفته

طلعت طماطه وخياره سويتهن وجبت الخبز بارد حتى مينوكل سويتلي لفه وكعدت اكل

وكلما اسمع طكطكه افز والتخيلات متروح من بالي ... خلصت ورحت للصاله اخذت الجنطه الجايبها جان بيها دشداشتين وداخليات وصابونه وشامبو وليفه ومشط وعطر

هذا منين جابهن وشلون يعرف يشتري هههههه هم طلع بيك خير

اخذتهن ورحت اسبح دخلت للحمام جان بيه مثل المسبح خرب حظي هذا شلون يسبحون بيه

وعالرفوف جان متروس شامبوات وغسولات صرت افتح بيهن واشمهن اكيد اله

ابو الوصخ صاير نظيف ولو هوه صدك نظيف اشو مترب من فوك لجوا واشم العطر بملابس

واني حتى مادري بنفسي شوكت طينت

صرت افتح بالبواري واسد حتى ماعرف افتحهن

رحت للمطبخ لكيت دولكه خذتها ورحت فتحت البواري وترست مي

واني اسبح وادردم وكلساع اعاين عالباب قافلته واتخايلي يدخل عليه

جلفت نفسي من فوك ليجوا عبالك صالي سنه ماسابحه خلصت وطلعت

غسلت الملابس الجنت بيهن والعبايه والشال وحرت وي اشرهن

نوب شينشفهن ،شريتهن بالحمام ،مشطت وخلص رحت للغرفه قفلت الباب ونمت

وكلساع افز من الخوف لواكوم اتأكد من الباب مع انو هوه مقفول

كعدت عركانه والبك يلسع بيه عاينت عالساعه جانت بثلاثه ونص والكهربا طافيه

وظلام دامس اريد اشوف مكدر صوت انفاسي وصوت دق الساعه مركزه وياه

كمت اتلمس بالاغراض ورحت عالشباك اريد افتحه مقفول

رجعت لمكاني وصوت رن الساعه احسه يرن بأذني عذاب بعذاب

للصبح اني نفس الكعده ومركزه على ميل الساعه شلون يدك

خليت ايدي على اذني وعطت ... اششش كااافي ااسكتي

كمت طلعت ادك باب الشقه واعيط كسرته ومحد يرد وهوه بعده مجاي عايفني طرطور لو حارس هناه

صرت ابجي وارجف ، يربي شسوي كعدت بالصاله تمددت عالقنفه ونمت

نفس الحلم ونفس المكان ونفس الاصوات

... امشي بنص الظلمه اريد صوتي يطلع احس بلعومي مجرح ماكدر اعيط

اعاين عالحفر وامشي اخاف اوكع بوحده منهن وكل حفره احسن من اخطي خطوه تكبر

شفت ابوي من بعيد يروح ويرجع والحيره مبينه بوجهه ، اي ابوي يمه ضوى ويمي ظلمه ليش
رحت اتقرب عليه بس مجاي يشوفني

سيرين بعياط... بااااابا تعالي

وصلت يمه ردت اعبر عليه وايدي نسحبت عاينت رجال ضخم وطويل مامبين منه شي

غير جسمه والسلاسل بايده وملفوفه على رقبته

سيرين... دفعته وعطت ،وخر ياااابه تعال اخذني

عاينت لابوي واكف ويباوع عليه وعاكد حواجبه
ويهز براسه

ياااابه شبيك ماتجيني تعال اخذني

لزم ايدي وعاينتله اريد اشوف وجها الظلمه مغطيته ،ركزت بوجها

_ضرار

_سيرين امشي وياي

_ماااااريد اريد ابوي

سحبني عليه وكعنا اثنينا بنفس الحفره،فزيت بس احس جسمي مبنج

احس بكلشي حواليه بس ماكدر افتح عيني ولاواحرك جسمي

سمعت صوت طكطكه يمي وخطوات قريبه مني

فتحت عيونه ومركزه عالسقف كمت عاينت بارجاء الشقه ماكو احد بس اني

كمت اتفقدت الباب مقفول ، رحت رجعت بمكاني واتلفت

سيرين ....

خليت ايدي على وجهي والحلم يتراوالي وحتى باحلامي ماخلصت مننننننك شرررااااايد للك عووووووووفني

عوووفني مااااريدك

فقدت صرت ابجي واعيط حرت شسوي بهالساعه ،حسيت الدنيا ضاكت عليه ماكو احد يسمعني

ماكو احد يسمع صوتي ولاصوت عياطي ،كمت بسرعه ادك بالباب حسيت ايديه تكسرت من الدك

خوف توتر احس روحي فقدت نفسي واني بوسط هالهدوء والوحده

رحت للحمام ترست مي وصرت اذب هلى نفسي واني بملابسي اريد ابرد ناري مجاي تبرد جاي احترك ومحد جاي يحس بيه

وين اهلي عني معقوله نسوني ليش لهسه ماجو اخذوني ، وابوي وينه عني

كمت طلعت بدلت ورحت للمطبخ طلعت خياره وطماطمه سويتهن ،عاينت عالخبز يابس عايفه الجيس مفتوح

ضرب راسي بثول وندبت حظي كلتهن هيج ورجعت نمت لاشي غير النوم والبجي والتفكير المستمر

_ يوم يجر يوم واني وحدي بهالشقه وصوت الضوضاء الي متخليني الليل انامه وصوت دقات الساعه الي احسها صارت عذاب نفسي الي

الطماطه والخيار الي بطني تكطعت منهن خلصن والطباخ ماعرف اشغله واذا اسوي الغاز يضل يتسرب من الدبه

مرات انام بدون اكل اترس بطني مي والليل كله اضل اتلوى من الألم

الساعه احسها صارت صديقتي عكد مامركزه بيها واحسب دقايق الي صوتها احسها يدوي الشقه

عذاب بعذاب داموت عالبطئ واني على هالحاله التفكير احسه جاي ينهش بيه

والوحده دتستولي على حياتي تعبت كلش ونفسيتي دمرت

اضل كاعده بالغرفه علما اغفى وماعرف الليل من النهار ألا اذا عاينت على ضوى الشباك

صرت انام ايام وساعات حتى اخلص من الوحده والعذاب النفسي الدا أعيشه

احسب يوم بعد يوم واكول هسه يجي وماكو صرت افتقد وجوده بس حتى يكون احد بجانبي ويخلصني من هالوحده المحاوطتني والاصوات التعذب بيه صوت قطرات المي وصوت دقات الساعه

هذا كله داحسه ينهش بيه عالبطيئ ، حرت شوصف حالتي لان العايشه صعب كلش

كعدت من النوم وجسمي مكسر عاينت عالشباك الدنيا جانت لليل ركزت نضري بالساعه بالعشر وربع

ضليت مركزه بيها شوكت تخلص ايامي واخلص موكافي هيييج

كمت بسرعه وشعري محلول الي من اجيت ولحد هسه بس يوكع

رحت جريت الكرسي وصعدت عليه جبت الساعه ونزلت

سيرين....كااااااافيييييي

شمرتهاا بعيد وصرت افتر بالغرفه

كااافييي تعبتتتت ليييش هالعذاب ربببي اخذ روحي وخلصني ليشش هيييج هااا شنوو ذنبي

صرتت اشمر واكسر بالغراض ،رحت شلت الساعه وصرت اكسر بيها وعياطي يدوي البيت

كااافييي تعبببت والله تعبببت اااسكتي

شمرتها عالمرايه تكسرت صارت اشلاء مشيت بخطوات متثاقله وحتى محسيت بالكزاز الي نهش رجليه والدم صار يجري

شلتها وخررت الميل منها وشمرتها بعيد وخرت الكزازه من رجلي والدم ترس الكاع

مشيت بدون ماهتم حصرت نفسي بزاويه الغرفه وضميت رجليه لصدري ودموعي يتسابقن

غفيت بمكاني واني على هالحاله،ماكعدت غير على صوت حركه بالغرفه وصوت خطوات

هالخطوات صرت اعرفهن صرت اتخيلهن حتى بأحلامي افتح عيني ومالكى شي

ضليت مغمضه عيوني ماحسيت غير على ايد نحطت على خدي

نزيت بسرعه شفته كاعد بصفي عاينت بأرجاء الغرفه نضيفه وكلشي بمكانه واني عالجربايه

رجع لزمني وعيونه هالمره عكس الغضب والكره ذبلانات وكلهن حزن تمنيت كل عمره يضل هيج

نترت ايده وكمت ،اخخخخ رجلي

ضرار... اكعدي رجلج مشكوكه لاتمشين عليها

سيرين... ليش اجيت هاا

اجى سحبني من ايدي وكعدني بصفه

ضرار... ليش هيج مسويه بروحج ،تلمس وجهي بحركات عشوائيه ويذب حسرات

سيرين... شجابك ؟

ضرار... الحجي الي شهدت على عقدنا شقتها بصف شقتنا سامعه عياطج وخابرتني

سيرين بتسمت ابتسامه باهته وحجيت... عووفني هالمره لحد ماتطلع روحي خليني ا..

ماكملت وسد حلكي كام اجى كدامي قرب وجهه من وجهي وخلى كصته على كصتي وبس حروره انفاسه

مابدرت مني اي رده فعل ولاحركه احسه هوه الي مستلذ بتعذيبي

بسببه اني بهالحاله غمض عيونه وحجى

ضرار... موبس انتي

سيرين... ماكو غيري جاي يتعذب وماكو غيري جاي يحترك دتموت بيه عالبطيئ

دفعته وكمت منه حتى نسيت ألم رجليه رحت للمطبخ

اجى وراي عباله اريد انتحر اتقربت عليه بسرعه سحبت المسدس البخاصرته وجهته على راسي

عيونه نطت وبلع ريقه بصعوبه

ضرار... وججج تخبلتي بالعباس اموتج ،جيبي المسدس

سيرين... رجعني لاهلي

ضرار ... انه صرت اهلج

سيرين.... لااااا موانته اااريد ابوي وامي واخواني شصاير بيهم و وبدر الي حرمتني حتى من حب طفولتي كلي شسوي بعد اكثر من هيج

حسيت على نفسي شحجيت ،خاف جان شوي متعاطف وياي النظرات الشفتهن كافي تخليني بهالحظه حتى انهي حياتي بس اني اضعف من هيج

ضرار... كلتي حبيب طفولتج

صار يتقرب عليه بخطوات بطيئه

نزلت المسدس ردت اتخطاه ولزمني من شعري وحصرني بزاويه الثلاجه

ضرار... خاف شوي جنت رايد ارحمج واخلصج من الا أنتي بيه وحك علي حخليج تعيشين اضعاف العذاب العايشته هسه وخليها ابالج

سحب المسدس من ايدي وجهه لراسي...الك** مالج وصار يضرب ضربات خفيفه على راسي...طلعي من عكلج ماكو والعباس انهيكم

سيرين....

كل كلمه لازم ندفع ضريبتها وانه الي دفعت ضريبه افعالي وكلامي ماجنت متوقعه بيوم حياتي حتصير بهالسوء

وبهالحظه صدك بدى عذابي وي ضرار وبديت بدايه حياتي وياه ووي جحيمه

بدى جحيمي وهالجحيم ماكو غيري عايشه

جحيم ونيران ضرار

بعدها اجى وكعد بالشقه نجمعنا تحت سقف واحد صارت اوامره لاتطاق وتصرفاته كلمالها تسوء

ومعاملته كافيه انو تخليني اكره نفسي والساعه الي نولدت بيها ، صار يدور حجج حتى يرزل بيه

وكلشي يحجيه بأمر ونتر من غير خشمه الرافعه ويطب ويطلع وهوه مبوز

نفسيتي تعبت وصحتي تراجعت كلش بحيث اضل يومين بله اكل مايهتم ولا يسأل

يغمى عليه واكعد وهوه ميدري بيه وحتى نومه بيها خير ماكو ، الليل كله يضل يفتر ومخابراته وصوته العالي احس عبالك يصير هجوم علينه من يحجي

وكلشوي نازه بسبب صوته وحسه العالي

واذا حجى وي احد لو يرزله ويفشر عليه حتى بالشقى ... لويتعارك وياه ويسده بوجهه واني الاتحمل تكسير الاغراض لواخذلي حصه من عصبيته

_ مره هوه جان كاعد بالصاله واني بالغرفه نايمه ماحسيت غير على عيطته ترن بأذني كمت بسرعه اريد اندل دربي

طلعت لكيته يخابر ويفشر واني النعاس بعده بعيوني ومطفيه كلش

ضرار... تعااااي شيلي الكزاز

سيرين... اشو والله ماشيله اضل كل شوي واني منضفه ترى موطفل انـتـهـه واضل انضف وراك

_صدك طلعها لروحي وماعدت اتحمل تصرفاته الي لاتطاق ابدا ... وتمنيت لوساكته احسلي ولاحاجيه

اجى سحبني من شعري راد يضربني

ضرار... عيدي شكلتي

سيرين... اخخخ الله يكسر ايدك انشالله

لزمني من فكي ولازم شعري شمرني ليورى وكعت عالميز حسيت ظهري تكسر

ضرار... كايلج لاترادين بس الحجي مايفيد وي الك*** اتعلمتي عالأهاين والرزايل مو

سيرين ببجي... والله مااعيدها عوفني

بدون مايسمعلي انهد عليه بالضرب اريد احد يخلصني منه ماكو حسيته روحي تنازع لاهيه باقيه ولاهيه طالعه بجسدي

ماعافني الا لمن تعب راح كعد على القنفه وينافخ

لميت شعري الي تكطع بأيدي والدم من كل مكان ماعرف منين يجري

ضرار بعياط... كومي لمي الهوسه ... كام اخذ مفتاح الشقه و السويج وطلع

واني بمكاني وبس دموعي تجري بألم

كمت بلكوا اجر بنفسي رحت للغرفه خذت دشداشه من العندي ورحت بدلت عاينت بالمرايه طرف شفتي
مشكوك وصاير منظره مو حلو

من غير اثار الضرب المطبوعه بوجهي والزراك البجسمي

اخذت المشط حتى امشط وشعري بس يوكع جنت معتنيه بيه كلش وامي تموت عليه

وهسه صار نصه يوكع بايدي بجيت عالحاله الااني بيها ووين وصلت

خلصت بسرعه قبل لايجي ورحت نضف الهوسه والكزاز

رحت للمطبخ صالي يومين مماكله بس على مي بطني والثلاجه فارغه وهوه لويجيب اكل من برى لوميجيب

سديتها ورجعت للغرفه التفكير ماخذني ولحد هسه اتمنى بس اسمع خبر عن أهلي مو راضي يرجعني ولا راضي يخليني احجي وياهم

بليل رجع جايب اكل وياه ، ابد مايخليني استخدم الطباخ وهوه كلما يسوي الدبه تضل تسرب غاز وصار كله من برى يشتري

بس اعرفه عباله من طك فيوزاتي احرك روحي

من الجوع كمت اخذته من ايده وهوه يباوعلي باستغراب

حتى مرات ينسى اذا اكلت او لا،رحت للمطبخ فتحته جان جايب مشاوي ودجاج شوي ومقبلات

جبت صحون واخذت الحصه الاكبر وعفتله الباقي وهوه واكف بمكانه ويباوعلي باستغراب

عفته ورحت للغرفه واكل بشراهه حتى حسيت بالم بطني

اجى دخل عليه جايب وياه بطل مي عافه يمي واني ابد ماعاينتله

ضرار... اكلي على كيف لاتغصين

هزيتله راسي واني مستمره اكل بقى واكف فوك راسي حتى استحيت نفسي هسه يكول ماشايفه

رفعت راسي عاينتله لكيت يباوعلي بحيره

ضرار ... شكد صالج مماكله؟

سيرين... اللكمه بحلكي وجاوبته،يومين

ضرار... ليش ماتحجين والاكل الجيبه يضل علما يعفن ماتكالي

سيرين... ماريد منك شي

ضرار... چا الجاي تاكليه منين ؟

عفت الااكل وكمت سحبني من ايدي ورجعني

ضرار... عمي كعدي كملي اكلج بالعافيه عليج لاتموتين من الجوع وابتلي بيج

اول مره اشوفه يبتسم عبالي ماعده سنون حتى يضحك مكضيها مطنب بوجهي وعا لطالعه والنازله ينتر بيه

سيرين:- حظي الورطني وجابني يمك شعامله بحياته وتورطت وياكم

هزيت ايدي وحجيت ولو هيه شباقي بيها

سمعت صوته من الصاله يصيح،كااافي دردمين وكملي اكلج

خلصت وكمت شلت الصينيه لكيته نايم بالصاله رحت للمطبخ الاكل ماله على حطته

سويتلي بعد لفه منه وضميت الباقي اكلت وخلص غسلت ورجت حتى انام

مااجاني نوم واذا كل وقتي مكضيتها نوم كمت لبست شالي وطلعت للصاله

هدوء قاتم والاضويه خافته وبس اني افتر بالشقه وهوه نايم رحت تقربت يمه

فكرت ليش ماقتله وهوه نايم وهيج ارجع لااهلي واخلصهم من شره

بس جبانه ومستحيل اسويها عاينت عالميز كل اغراضه الابتوب ومبايلاته والمفاتيح

ردت ارجع ووكفت بمكاني حايره شسوي حتى اخلص منه ،هسه هوه نايم والمفاتيح يمي

سبحت المفاتحين على كيف ورحت للغرفه بسرعه سحبت عباتي ولبستها

رحت افتح باب الشقه قافله جربت المفاتيح علما طلعلي المفتاح

الدنيا جانت نص الليل وماكو احد طالع والبنايه هدوء كلش

طلعت وعفت الباب مفتوح حتى ماندل منين اطلع ولافكرت وين اروح وحتى فلوس ماعندي

المهم اخلص منه واروح اشتكي عليه اي هيج احسن

نزلت من نفس الدرج الجابني منه علما طلعت

شفت رجال جان مخلي كرسي ونايم نفسه الشفته من اجينى ونفسه الشهد على زواجنا

طلعت على كيف قبل لايكعد ويحس عليه وبس صوت نباح الكلاب اخذتني رجليه لطريق مجهول وبس اني بيه

اول مره اجي لهيج اماكن والوحدي قويت نفسي وصرت امشي بسرعه حتى ابتعد من المكان هذا

البنايه بعيده شوي عن البيوت طبيت بفرع بصف البنايه وصرت امشي واتلفت اتخايله يطلع كدامي لويراقبني خاف جان راحمني هالمره كتلي يصير عمل شعبي

خفت كلش وتمنيت لوباقيه امشي وادعي ربي يخلصني من الا اني بيه

ماعرف وين وجهتي او وين رايحه مافكرت بشي ولافكرت بالعواقب الي راح اتحملها بسبب تهوري

شفت بيت ويمه حديقه صغيره كلش ، رحت فتحت بابها ودخلت حصرت نفسي بين السنادين البيها

والجلاب احسها صارت قريبه عليه ،ساعات اني على هالحاله

الليل كله ادعي وابجي بدون صوت علما شفت النهار بدى يطلع

نتضرت كم ساعه حتى الشمس تطلع لو السيارات تتحرك

والنعاس بدى يسيطر عليه بلكوا حامله نفسي

سمعت صوت فتح الباب دنكت راسي حتى ميشوفوني علما شفت صوت السياره تحركت يالله كمت نكتت عبايتي وعدلت شالي

رحت فتحت باب الحديقه وانفتح الباب

طلع رجال وعاينلي باستغراب زمخ عليه وحجى بنتر

_جاااي سوين

لساني نعكد وعجزت شجاوبه

سيرين... هوه شسمه تيهت الطريق وضميت نفسي من الجلاب

_وشلون جيتي هناه ؟

سيرين... ها اجيت برجليه

فرك وجها وبلكوا كتم ضحكته هسه شحجيت اني حتى يضحك

_يابه من شوكت انتي هناه

سيرين بكلبي... شعليك انـتـهـه وشكد تسأل هسه طلعت من بيتنا وتيهت

_ها يالله وخري من طريقي خل اروح

عفته ومشيت واني احس بلكوا مفتحه عيوني عاينتله ركب سيارته وراح

وصلت لنهايه الفرع كعدت على طابوكه والهث مدري شبيه دكات كلبي احسها صارت طبول ورجفه بجسمي

سيرين... يمههه شبيه وشصاير بحالي؟

وماحس غير سياره طبكت نزل منها نفس الرجال الشفته وضرار وياه

هالمره صدك تشاهدت على روحي ....

(توقعاتكم للبارت الجاي 🌚)؟

يـــتـــــــبــــــــع....
_ وانشالله تكونون راضين بالبارت

جد تعبت كلش بكتابته وخاصه ممتعوده اكتب بارت طويل بس لعيونكم ،وموعدتكم اذا تفاعلكم يعجبني اسوي بارت طويل لوانزللكم بارت اضافي 😘🤎🕊️ ....

ليِش اعاتَب؟
انتَ دَليت الحُزن
عَنوان وَجهي..
وانتَ دَليت البَواچي
دروَب خَدي..
وانَه غير السكَتة
صَاحب للسَوَالف ياهو عَندي؟
الله شاهد تَعبتني
الله شاهد مَانمت لَيلة بُطر
لَو مَا لچمتك فَززتني.