الخامس والثلاثين
بقلمي_ترانيم هادي ♥️🕊️.
_حبايبي اريدكم تتفاعلون دوسو النجمه وعلقو بين الفقرات حتى القصه تصعد ,
_اخر مره دكيت عليه اتصل شوي وجاوب
_الو
سيرين... مياده ؟
مياده... سيريين
سيرين... شهكت بالبجي وأيدي على كلبي، بعدجج عاايشه ميااده فدوه احجي صدك لو جاي احلم
مياده... يرووحيي ولج كلبي طاك عليج ردتت احصلنج ماكو كليلي شحالج
أذااج من وراي شصار من بعدي
سيرين... دموعي تجري مثل الشلال اريد استوعب الموقف احساسي ابد مينوصف وانه اسمع صوتها ممصدكه هيه عايشه شلون وشصار !!!!
متتت والله ماتتخيلين شصار بيا ولجج نصبت حداد وخسرت طفلي عشت بذنب
وقهر وعذاب متتخيلين شيصير بيا وانه اتخايل شلون أذوج وضربوج
مياده... فدوووه لكلبج لاتخافين عليه انه بخير
سيرين... كليلي شصار و وضرار ليش جذب عليا وكال ابوها كتلها وغسل عارها !!!!؟
_فلاش باك عوده للـماضي :
مياده...
شلت مبايلي حتى اتصل على أيهاب صار يومين ميجاوب لو مقفول
وصلتني رساله منه نزلت جوا لكيت سيرين بالمطبخ
مياده... سيرينه
سيرين... ها
مياده... اريدن اخابر
سيرين... عفييه مووكتها وضرار موجود على ساعه ينزل
مياده... لاتخافين يجي من الشغل تعبان وبساع ينام
سيرين... هففف والله كلبي ممرتاح
مياده... وجج هسه بسرعه لاتخافين بس عاينيلي
سيرين... صبري خل اشوف ضرار واجي
مياده... صعدت هيه شوي ونزلت
رحت للحمام البرى اتصلت على رقمه شوي وجاوب
ايهاب... ها يُبـا
مياده... وففف وين مختفي
ايهاب... حسافر
مياده... ش شنو ؟
ايهاب... ماكدر اضلن بعد على شي ساعه احد يلكفج تخابرين كليلي شسوين بوكتها
لااكدر الاخذج ولااكدر اضلن وياج شلحل ؟
مياده... لاسويها بالعباس انتهي انه عايشه على أمل شي يوم ننجمع ماريدن افقد هالامل
ايهاب... لشوكت ؟
سنين احنه على هالحال وداعتج تعبت حرت شلون احصلج
مياده... ربيت وياك وشبينا سوا انه روحي تعلكت بيك اذا رحت هالروح تطلع من الجسد
عصيت ربي وخنت ضرار اعرفن هالشي غلط
بس والله موبيدي
كلشي ضدي صار الظروف وابوي
محد وكف وياي بيوم النكسرت واجيت لهالبيت عروسه ماكو احد وكف وياي ونصفني
_سمعت صوت شهكته لو سجاجين وانغرزت بكلبي ماجان بس صوت بجينا ينسمع سديته منه
انتجيت عالباب وأيدي على حلكي
مياده... ربي دخيلك ساعدني هالروح تعبت من الوجع
شكثر اتحمل بعد لاعشت طفولتي مثل البنات ولاعشت حياتي ولاعندي اهل بيهم خير ويسندوني
روحي تتكطع وانه على هالحال لحد من اضلن هيج
_كمت مسحت دموعي وطلعت لوماطالعه احسلي لكيت ضرار واكف لو جن روحي طلعت
من الخوف شهكت والمبايل بيدي
كل الرسائل والمكالمات بيه ماحاذفتهن
سحب المبايل من أيدي وكعد يكلب بيه انه جسمي نشف دمه ردت احجي ودارني بكف
حسيت صار ارتجاج بمخي من قوته
سحبني من أيدي ويجرجر بيه
وسيرين تتوسل بيه
لحظات هيه مكدرت استوعب الموقف الانحطيت بيه
مكدرت احجي شي لوافتح حلكي شفته عصبي ودمارات أيده بارزه
لازمني من معصم أيدي من قوه قبضته حسيت أيدي نكسرت
صعدني للغرفه وشمرني قفل الباب واجى عليه
رجعت ليورى وهوه يتقدم عليه خفت كلش اول مره اشوفه بهالغضب والخوفني بروده وهدوءه
اجى كعد بمستواي
وجرني من شعري حسيت فروه راسي انشالت
ضرار... وتاليها طلع عدج ك*** وانه اكولن شمالها تتصفن صفنه المطي
وكل وكتها روحها تلوب
مياده... ضـ
قبل لااحجي دار وجهي بكف ورجع جرني من شعري
ضرار... شسويلج هسه ها اااااحجي شسويلج ؟
مياده... مووتني
ضرار... ههه موبهالسهوله
مياده... فدوه اسمعني
ضرار... اششش
خلى اصبعه على حلكه بمعنى اسكتي
عيونه حمر ويصب عرق دماراته باينه وقابض على أيده
كام فتح الكنتور جاب شال واجى سحب أيدي وربطها
الباب تكسر من الدك راح شغل جكاره وضل يشرب بيها خلصها يالله فتح الباب
ماسمع غير صوت عياطه والولد يهدون بيه
انه جسمي ماضلت بيه قطره دم
خفت من سكوته كلـش....
شوي وأجى قفل الباب وشمر المفتاح راح شغل جكاره ثانيه جر الكرسي وكعد كدامي
وانه حتى صوت شهكتي حبسته
سحب نفس من الجكاره وحجى
ضرار... احجي
مياده... ش شحجي
ضرار... لااااتستغبين وحك علي اذا هسه ماحجيتي كلشي وبالحرف الواحد
ومنو هذا الك*** الجايه تتمعشكين وياه وابيتي
مياده... ماعندي شي اكوله
ضربني كف دار وجهي الدم ضل يجري من خشمي على حلكي سحبني من شعري ورجع دار وجهي بكف من قوته حسيت راسي افتر واختل توازني
عافني وراح طلع من الغرفه بس قفل الباب سمعته
ماعرف شكد مر وقت واني على نفس الكعده جسمي يختض من الخوف ودموعي بللني
_دخل للغرفه بخطوات بطيئه قفل الباب والجكاره ابد موكعت من ايده
راح للكنتور طلع حزام شهكت من الخوف وجسمي صار يختض
مياده... فدوه لاسويلي شي
اجى تقدم عليه كعد بمستواي ابتسم تك خد وحجى
ضرار... تحجين يو لا؟
مياده... هزيتله راسي برفض
اعرف اذا احجي راح افتح ابواب ماراح تنسد واذا عرف ايهاب الي احجي وياه راح يأذيه ومراح يعديها على خير
وماحس غير ضربه بزندي بالحزام
هيه ضربه بس روحي شاغت حتى مكدرت اصرخ
ضربني مره ثانيه
طلعت صرخه مكتومه وخر الجكاره من حلكه
وماحس غير وهوه نابتها برجلي
قبض على رجليه
والجكاره تجوي برجلي الثانيه
حنجرتي تجرحت من العياط احس روحي طلعت من الألم
بالحال الااني بيه ماكسر كلبي غير سيرين وهيه تتوسل وتعيط عليه يفتح الباب
موتتني وهيه تعيط ودك بالباب
تمنيتها لواختي من امي
سيرين اعتبرتها مثل اختي واختي وصديقتي
بهالبيت الوحيده الكدرت افتحلها كلبي وتواسيني
حتى اخواتي من امي وابوي مومثلها ولامثل حنيتها وخوفها عليه وكأن صدك اختها
احن علـيه من امي الي حتى مايوم سالت عليه...
سيرين... الله يخللليك عووووفها عاااقبني بدالها بس لاتأذيها
افففتححح كاااافي وخر منها لاااتضربهاااا
_ماهتميت لشي عكد ماهتميت لصوتها وبجيها
شوي والباب احسه تكسر من الدك
انكسر الباب ودخل عزام وبسول
سحبه بسول
وعيطه جنوب هزتنا كلهم طلعو وبس صوتهم وهمه يصيحون على سيرين
خفت لاصارلها شي
مر وقت رجع ضرار وجها احمر ومحتقن من العصبيه
راح للكنتور طلع ملابس وراح يسبح
واني على نفس الكعده
سبح وطلع وقفل الباب عليه،فتحت الشال من ايدي اتلمست الجرح الصار برجلي من ورى الجكاره...ضميت رجليه لصدري ودموعي تجري
مياده...
بالرغم من العشته وكلشي سيئ مريت بيه الجروح والألم العشته جنت دائما استخدمه سلاح حتى اتقوى بيه
بس هالقوه خسرتني هواي واولهن نفسي حطام داخلي محد حس بيه
الانسان عكد مايكون قوي
شي يوم وهالقوه تتفتت ومايبقى غير بس الرماد
ماعشت الحياه الاريدها والي ممكن اكون مرتاحه بيها
وعيت عالدنيا بعائله يمقتون فيها البنت يعتبروها مجرد غم ماتجيب غير العار اللهم مامنها كل فائده غير انو تخلف وتقضي واجباتهم
عائله يقدسون فيها الولد باعتباره حيكون سند وعزوه لاهله .....
كرهت كوني نولدت بنت كرهت لان نولدت بمجتمع عاق يحرمون المرأه من انو تعيش حياتها حسب متريد
مجتمع يمنع المرأه فيه انو تمارس حريتها تحت مسمى البنت عوره"عيب تسوين هذا"هذا ولد وانتي بنت"عيب طلعين صوتج"عيب ترفعين عينج"عيب تحجين"مامنج كل فائده"
عيب .... عيب .... عيب
كبرت وانه اسمع هالكلمه بسبب العيب وانه نحرمت من ابسط الاشياء والي هيه
انو اكمل دراستي واخذ شهاده افتخر بنفسي لان حققت النجاح ، بسبب انو البنت ميصير تكون أعلى شأن من زوجها
كل عمري كضيته وانه ماسمع غير ابوي وهوه يكول" ازوجج واخلص منج
"الله بلاني بخلفه بس بنات"
"اريد ولد يعيني بكبرتي"
"ماريد خلفه البنات اريدن ولد"
وامي ماعدها غير انو
تكول" المراه مالها غير بيت رجلها
كلامهم كان كافي انو يحطمني لاشلاء
كرهوني بنفسي الف مره وليش ؟
بس لان انولدت بنت بمجتمع
ينبذون البنت ويقدسون الولد فيه الى متى نضل على هالـحـال ....
شهكت بالبجي احس خلاص صبري وكل قوتي نفذت انه ليش وعلى شنو عايشه
لااهل بيهم خير يوكفون بظهري
ولااحد ينصفني ويكدر يلمني ....
قاطع تفكيري صوت الباب ستغربت منو شوي واجاني صوت سيرين مكدرت احبس صوت شهكتي كمت حتى افتح الباب لكيته مقفول مقفول
مياده... سيرينه
سيرين... ش شسوااالج اذاج مو
مياده... لاتخافين السوا شي قليله انه توقعت رده فعله اقوى
سيرين... ضربج مو ؟
مياده... الله كريم
سيرين... كسر بأيده
مياده... خييه عذريني دخلتج وياي ورطت روحي وورطتج وياي
سيرين... لاتحجين هيج دامج مثل اختي كلشي اسوي قليل
مياده... فدوه لكلبج احن عليه حتى من امي
روحي منا كبل لايجي وصير مشكله ثانيه
سيرين ببجي... ماروح علما اطلعج اصبري هسه اجي
_خليت أيدي على حلكي ودموعي ماتوقفت حاولت تفتح الباب مكدرت علما راحت
لليل يالله اجى ضرار خزرني واجى تقدم عليه
كعد بمستواي فرك وجها وحجى...
ضرار... اخر فرصه الج وعلي اذا ماحجيتي كلشي ابوج موجود هوه يصرف وياج
مياده... شهكت بدموعي ونزلت راسي،كلي شحجي ؟
ضرار... دامج مارايده هالزواج ليش رضيتي؟
مياده... مارضيت انجبرت انه بالمستشفى وبنص الموت ويوم عرسي تحدد
ضرار... نجبرتي ؟
مياده... هزيتله راسي وانه اشهك بالبجي فرك وجها بعصبيه كام طلع جكاره ورثها راح جر الكرسي وكعد كدامي
ضرار... كملي
مياده... بيوم الاجت عمتي وخطبتني انه رفضت بس ابوي تخبل عليه لان رفضت بوكتها كتلني وصلت للموت
بالمستشفى واختي خابرتني كالت تحددت مشيتج
حاولت ارفض واحجي ماجنت احصل غير الضرب ردت احجي وياك لو اشوفنك بس انه حتى ماشفتك ولاعرفتك بس بليله العرس
من تزوجنا انه مشاكلي كثرت ردتك تمل وتطلكني بس ماصار
حتى بيوم التطكني ابوي جان فوكاها يكتلني ويردني الك
ضرار... المبايل منين جبتني والعار التحجين وياه منين تعرفي ؟
مياده... اختي جابتلي المبايل
سحب نفس من الجماره وعاط عليه فزز كلبي
ضرار... كمممملي
مياده... ا ايهاب ابن خالتي
_شفته عيونه بكصته صارت وقابض على أيده نفخ الدخان بوجهي وكام
ضرار... هينه انه الج انتي وهذيج الصلفه
مياده... لا فدوووه والله مالها دخل لاتأذيها
_طلع بدون ميجاوبني كلبي وكع من مكانه خفت لايأذي سيرين بسببي
يوم يجر يوم وانه على حالي ماطلعني من الغرفه أبد بس ميس جانت تجيب الاكل وتودي وسيرين تجي احجي وياها من ورى الباب وتروح ضرار ابد ماتقرب مني لوحجى شي وياي
خفت من سكوته كلش
وبنفس الوكت تأنيب الضمير موتني سكوته وهدوء خوفني بس ندمني اكثر
مانكر احترامه واهتمامه ابد ماقصر وياي بشي لوطلبت شي ورفضته دللني اكثر من ابوي
شكد ماغلط واسوي مشاكل واجاوز ينطيني اكثر من فرصه اعدل نفسي وانه ازيد مانقص
جان حتى من يضربني
يصالحني بطريقه مملحوظه
لويجيبلي شي انه اريده واحبه لويفتح سالفه او موضوع وياي بطريقه غير مباشره
ويرجع يفهمني غلطي ويحجي بس انه جنت اريده يمل مني ويطلكني بس ابد مامل وصبر وياي
مايستاهل الخيانه والمجافاه الجازيته بيها....
بيوم كاعده مثل كليوم نفس الرنه ونفس الكعده انفتح الباب ودخل عليه ضرار
ضرار... بدون حس هسه تحضرين روحج وتجين وياي
مياده... و وين ماخذني !!؟
ضرار... شكلت ؟
مياده... خفت من عصبيته كمت حضرت نفسي جان كاعد ويدك بالجكاير
ضرار... اخذيج ملابس بيمن تصخمين
مياده... اي
رحت طلعت جنطه خليت بيها كم قطعه وانه دكات كلبي احسها طبول
خفت كلش من سكوته وين ماخذني وشراح يسوي بيه؟
نزلنا جوا كلهم نصدمو من شوفتنا ردت اشوف سيرين ماهي وصيت جنوب تسلملي عليها
وانه مشيت وياه نحو المجهول
كل البالي جان راح يكتلني لو يأذيني
ماعرفت بشنو يفكر لو شنو الرايده مني
وشراح يسوي بيه ....
بس الفأجاني من وصلنا لبيت اهلي
مياده... ليش اجينا هناه ؟
ضرار... انزلي
مياده... نزل هوه وانه نزلت وراه دك الباب طلعت الزعاطيط تتراكض جانت اختي موجوده
زعلانه يم اهلي
ابوي شافنا تفأجاه وعيونه جحضت
ابوي... هلا بويه تعالو تفضلو
_دخل للاستقبال وانه رحت للغرفه الثانيه امي واختي جانن كاعدات من شافتني لطمت على صدرها
امي... فلك صابجن بس لاهم زعلانه
مياده... تجاهلتها ورحت سلمت على اختي وجها بيه كدمات مال ضرب حضنتني وبجت
حنين... شلونج
مياده... بخير خيتي بخير
شوي وصاحني ابوي خليت على راسي العبايه ورحت
دكيت الباب ودخلت ماضل دعاء ماقريته الاشوي واقرا الفاتحه على روحي
خفت يحجي لابوي عالسويته بالنسبه الي ضرار ارحم الي من ابوي
ضرار... عمي وهاي جدام بتك
ابوي... خير صاير شي لوهم عملت مشكله
ضرار... عمي كل خير
ابوي... اعذرني وليدي عوفها عليه وانه اربيها لهالبت ماتوب من المشاكل
ضرار... هالمره انه الغلطان البت مالها شغل هسه هيه موجوده
دام ماكو تفاهم ولاموده بين الطرفين ماممكن انو يستمر الزواج
عمي بتك ماقصرت بشي ولاغلطت بشي
بس انه ماكدر اعوفنها معلكه لاهيه سما ولاهيه كاع اريدن هالزواج وبوجودك ينتهي
ابوي... وليدي على كيفك جا هيه لعبه وتنهي كلشي
تنهد وحجى
ضرار... مياده روحي اريدن احجي وي ابوج شوي
مياده... كمت من يمهم سديت الباب ورحت ماكدرت اوكف بدون ماعرف شكو رحت على كيف ووكفت اتسمع
ضرار... ياعمي جا انه كلساع اعيد البت مامقصره وياي ولاعامله غلط
بس كتلك هالزواج لازم ينتهي انه بتك دام رايد غيرها واحبنها ماكدر اخليها على ذمتي
ابوي... ابني حتى لوجيب مره على راسها حقك هذا عليش تطلكها
ضرار... والبت الاريده ماترضى توكع على مره
مياده... وخرت من الباب ورحت للغرفه اجت حنين يمي حظنتها وضليت اشهك بالبجي
حرك كلبي فوك ماانه غلطانه
يذب الصوج بيه ماانطى بيه كدام ابوي حتى لايسويلي شي
وابوي يريد يلزكني بيه كوا
حنين... الله يساعد كلبج هذا حظنا بعد شنسوي
مياده... وجج تعبت والله لحدمن
حنين... الله كريم
_اجت بت حنين الصغيره صاحتني حتى اروح
كمت رحت يمهم ابوي عافنا وطلع كام ضرار وكف كدامي تنهد وحجى...
ضرار... مياده انتي طالق طالق طالق
مياده... خليت ايدي على حلكي وشهكت بالبجي... سامحني الله يخليك
ضرار... من اليوم انتي حره وماعاد متقيده بهالزواج
مياده... حجى اخر كلمه ومشى قبل لايطلع لزمت أيده وحجيت
الله يوفقك وتعيش مرتاح وي الرايدها فدوه ديربالك على سيرين
ماتتحمل الاأذيه ترفه وتتكلب عليك احضنها تراها بس حظنك يحويها
الله يهدي الكلوب ويطفي النار البينكم
ضرار... محتاجه شي بعد؟
مياده... سامحني واعذرني على كلشي سويته
ضرار... معذوره وديربالج بيوم تعيدين الغلط مرتين تراها موكل واحد تغلطين وياه يغفرلج
_ قبل لايطلع عاف المبايل بيدي راح هوه وانه كعدت ابجي وانحب اجت اختي وامي يمي
شوي واجى ابوي يصيح ويلوم بيه
ابوي... همداج على هالخلفه هاج شوفي وحده زعلانه والثانيه ردتلي مطلكه وين اطي وجهي منهن
امي... على كيفك وي روحك يصيرلك شي يفيدني
ابوي... وججج يامره اتطلكت منو بحالها بعد لهالعار شسوي وشعمل ماعرفت تحوي الرجال وهالطيرته بت الفكر
مياده... كام اجى عليه دار وجهي بكف وضربني برجله على خاصرتي
روحي شاغت من الالم الحسيت بيه راد يرجع يضربني واختي لزمته ضربها ووخرها
حسيت جسمي تشنج من الألم عضيت اصبع أيدي حتى اكتم صرختي...
وامي تهدي بيه حتى يسكت
قويت نفسي وكمت على حيلي
مياده... كااااااافيييييي
طلعت صرخه مكتومه بكلبي تعبت من الكتمان والسكوت
كااااافي كااااافي كاااافي شنو من اب انت بدال مادير بالك علينه وتحوينا
جاي انت فوك الضيم العايشي تزودها علينه
لاازم تكون اب نفتخر بيه ونرفع راسنا بيك
موذنبااا اجينا بنات مممموذنبنا
عشيتنا عذاب بعذاب وقهر, ضرب ,اهانه, اجبار ,
ضل شي ماسوووويته بحقنا كلوحده بينا عايشه بضيم هاي بدال ما تلمنا جاي تشمر بيناا وطيح بحضنا
كلللللي وييين تروح من الله وييين تروحح
الله على كل ظالم وحوبه كل وحده بينا
ماتروحح بالعباس مابريلك الذمه ليوم الدين...
_انهاريت كلش كلبي محمل هواي احس روحي طلعت وانه احجي بس تعبت من الكتمان
انساحت روحي مكدرت احرك لايد ولارجل اخر شي شفته حنين وهيه تلزمني
_وهاي انه حالي هالكم يوم البيت مشحون وبس مشاكل خواتي كلساع رايحات وجايات ابوي يضوج من الجهال ولان يطولن بجيتهن
وانه طيح حظي عبن مطلكه صرت الهوى حرام اتنفسه
والمبايل ضامته خافن يشوفه وياخذه مني
سيرين... يربي الله يساعدج ويهدي عليكم
مياده... تهون
سيرين... ضرار ليش كلي ابوها كتلها وغسل عارها ؟
مياده... مادري انه اتصل عليه حتى احجي وياج مايرضى
واصلا بلكوا يجاوبني يجوز راد يعاقبج بدون لايضرب ولايأذي
سيرين... وففف موتني ولجج عيشني بعذاب نفسي اريد اعرف لباله شنو وعلى شنو ناوي
مياده... يحير الواحد وياه جا ماكتلج طايح بأيهاب ومكسره وهسه هوه بالمستشفى
سيرين... عزاااا اسود وبعدين
مياده... رايحله بليل لمكان شغله وكدام الوادم متحاجين حجايه منا ومنا صايره عركه بيناتهم
واكع بايهاب وكاسر أيده من غير الرضوض الي بجسمه
سيرين... وهسه شلون صار
مياده... زين صار بس تدرين شنو ؟
سيرين... شنو !!
مياده... انه اضلن كل عمري ممنونه لضرار عالسواه ماممكن انسى وكفته وياي وكلشي سوا بحقي
صح تأذيت بس كلشي يهون لو ماهوه جان هسه انه ماعايشه وكاعده احجي وياج لوواحد غيره جان فضحني وبساع انكتل
موكل رجال يتحمل مرته تخونه وابيته ويستر عليها
حررني من علاقه ماوراها بس التعب وهسه انه بيت اهلي صح موكلش زينين بس هالله هالله وياهم والاهم الاحبنه هسه صارتلي فرصه حتى ننجمع
سيرين... الله يوفقج بحياتج انه بكل صلاه ادعيلج ربي يجمعكم بالحلال وتخلصون من كل عالتعب خلي أملج بالله جبير
ولاتفكرين بيوم تفقدين الامل
مياده... والنعم بالله
سيرين... يالله حروح خافن يكعد ضرار
مياده... الله وياج
سيرين... باي
مياده... سييرينه
سيرين... ها عيني
مياده... ماممكن انسى وكفتج وياي ربي يحفظج ويوفقج فدوه لكلبج عذريني اذا بيوم أذيتج بدون قصد وطفي النار البينكم انتي وضرار تراها العصبيه عاميته ومايعرف شنو اليريده حاير بين كلبه وعقله
تراها ماتدرين شني اليدور باله وعلى شنو ناوي اكسبي تراه ماكو احد بكده يستاهلج
سيرين... كلامها كلش حيرني والاخص ضرار ليش هيج سوا وشحيستفاد
سديته منها ورجعت المبايل لعمتي صعدت للغرفه جان نايم هوه ورهف مخليها على صدره وهيه حاضنته
رحت يمهم تمدد بصفه مشيت اصبعي على معالم وجها
تعبتني وياك شنو البالك ليش سويت هيج شنو قصدك من كتلي اكرهيني
معقوله صاير شي ومتكوله؟
ساعدت مياده بدون لاتأذيها بس العذاب النفسي الخليتها تحسه كافي
عجزت افسرك ....
نزيت من صفنتي على صوته
ضرار... سربوت شمالك صافن
سيرين... دأفكر
ضرار... ابويه انتي نامي ولاتفكرين بشي
سيرين... مد أيده عليه وخرتها ونمت عليها
باسني من راسي ورجع نام....
ميس...
رحت للكنتور حظرت الملابس ورتبتهن طلع من الحمام سابح نطيته المنشفه
وحتى مباوع بوجهي لو حجى كلمه من اتزوجنا ولحد هسه احنا على نفس الوضع
تنهدت وحجيت
ميس... اصبلك غدا
رضوان... لا
ميس... عافني ومشى اخذ مبايله وراح ينام عفته وطلعت عمي وعمتي كاعدين بالصاله شذر بغرفتها وجنوب بالمطبخ
رحت يمها واكفه وصافنه عاينتلي عيونها مدمعه
اجت يمي لزمت أيدي وتبلع بريكها
جنوب... ولج جاي اموت كليلي شسوي مخنوكهه وروحي تلوب ماكدر ابقى وياه وانه ماحبه ولااريده
ميس... لا تتخبلين وانسي الماضي وابدي حياتج لاسوين هيج وتلعبين بحالج مثل ماسوت مياده وهسه مانعرف ميته لو عايشه
نزلت دموعها وشهكت بالبجي
جنوب... صعبه عليه بيوم وليله اصيرن مره لغير الاحبه لحد هسه كلبي يوجعني من خذلانه
عايش مرتاح وي مرته وانه هناه روحي تتعذب شذنبي انه ؟
ميس... حضنتها وهيه تبجي دخل انمار للمطبخ شافنا واستغرب وكفتنا
انمار... شكو ؟
ميس... ها
انمار... ليش هالبجي ؟
ميس... ه هوه شسمه ماكو شي بس اشتاقت لامها
راح يمها سحبها عليه ويمسح بدموعها
انمار... ياعيني ليش البجي العصر اخذج بس كافي بجي
ميس... عفتهم ورحت تمنيت جنوب تتقبل انمار مبين عليه يحبها ورايدها
رحت للغرفه تمدتت بصفه ملتهي بالمبايل وابد ماملاحظ حتى وجودي وكأن مرئيه
عاف المبايل من أيده وانطاني ظهره
درت وجهي منه دموعي لااراديا نزلن
نقهرت على حالي وماعرف ليش يسوي هيج
مرايدني ليش طلبتني من اهلي ....
سيرين...
للعصر لكيته نازل هوه ورهف احس بنشاط وفرحه بكلبي
كمت اخذت دشداشه مرتبه مخصره عليه رحت سبحت ولبستها شسورت شعري
خليت مكياج خفيف كلش لبست الحجل احبه لان من امشي يطلع صوت
اخذت شالي ونزلت جوا جانو كاعدين بالصاله
سيرين... هلا
_هلا بيج
سيرين... تعجبو على حالي عفتهم ورحت اسوي نمنميات للكعده اجت رباب يمي تساعدني وتسولف وانه هم كيفت عالسوالف وياها
حضرت الجاي للكباريه وسويت عصير رتبت الفطاير والكيك بصحون
رحت نضفت الحديقه من الالعاب مال اطفال والورق كنسته وخليت فراش
صحتهم كلهم طلعو بالحديقه
بسول... خويه هالكده رتبيها النا كل يوم
سيرين... هههههه تدلل
اجى ضرار من برى بنات عزام ووياهن رهف واطفال درغام حوراء وادم وبنت انور ملك
مشتريلهم وجايبهم وياه
ضرار... ولد الاوادم سلوبوني
سيرين... اوي فدوه تعالو حبايبي
اجو عليه خليتلهم فراش كعده بحدهم وطشو حلوياتهم جبتلهم الكيك والعصير
كعدتهم تخبل والاحلا سوالفهم عبالك طلاسم بس همه يفهموها
كولهن بنات وبس ابن درغام ادم كام عافهن واجى يمنا
ليث... خيرك شو اجيت
ادم... عمو چا تريدني اكعد وي البنوات
غيث... واذا چا كلكم جهال
ادم... لاعمي انه رجال ماشوفني شكدني
لزمه ضرار وباسه
ضرار... ماعليك بيهم اكعد بويه رجال والنعم منك
سيرين... كملت الكعده من اجن جنوب وميس جايبهن انمار
جنوب... يهلا والله اجيت بالوكت المناسب
سلمت عليهم واجت عليه حضنتني بقوه وكان سنه ماشايفتني
جنوب... طاك كلبي عليج يالبذاته
سيرين... ياعيني شلونج
جنوب... وففف مدري
سيرين... اجت ميس سلمت عليها مبين عليها متكدره وضايجه
الكعده صارت عباره عن سوالف وضحك صدك تونست بيومها وطلعت نفسي من العزله والكابه العشت بيها
كاعده بصف ضرار وبصفي جنوب والجهه الثانيه ميس هوه بنصنا وحاظنا عبالك بناته ومتشبث بينا
عزام... خويه شكو حاظناته طاير منجن
ضرار... هههههااي عوفهن ابوهن ويدللن عليه
سيرين...
عفناهم وكمنا صعدنا لغرفتهن القديمه كعدنا نسولف شوي ومبين كل وحده بيهن همها بكلبها
ميس... البرود والمجافاه العايشه بيها ابد موطبيعيه مرات احسه مارايدني وكوا متحملني وانه اعذرنه خافن ضغوطات من شغله والتعب
بس ماكدر اتحمل تجاهله وبروده وياي
ماريد افرض نفسي عليه واخلي يتقبلني بلكوا اذا مارايدني ولارايد هالزواج ليش اخذني
سيرين... حبيبتي اصبري عليه طلعي من هوه العايشه صيري صديقه اله قبل لاتكونين زوجته انتي هسه صرتي زوجته ومع الوقت راح يتقبلج وتتحسن علاقتكم
ميس... ماعتقد كبل لانجي تحاجينا على سببه تافه والاحرى هوه الي سوا المشكله وغثني بالحجي
رحتله جان جاي يبدل حتى يطلع
ميس... حتطلع
رضوان... اي
ميس... وديني لاهلي بطريقك
رضوان... كلت لانمار هوه حيوصلجن
ميس... وليش موانت انمار ياخذ زوجته انه شكو
رضوان... لاسويها سالفه عليه روحي وياهم وفضيها مالي مجال
سيرين... تنهدت بألم وسكتت ماعرف شجاوبها شكلها كلبه معلك يم غيرج واتزوج بس حتى ينساها
جنوب... الله يهدي الكلوب
ميس... الله يهديج هم
جنوب... شبيه انه
ميس... ليش منو جانت الظهر تبجي
جنوب... صعبه عليه بمده قصيره انسا الصار وياي
سيرين... وانتي لازم تنسين وتصحين على نفسج لاتوكعين بالغلط الوكعت مياده بيه وانجرفت وراه
انمار يحبج ورايدج انطي فرصه لعلاقتكم ولاتخربيها ازان لو يستاهلج ورايدج جان حارب علمود ياخذج موحجته امه مترضى
انسي الصار وياج وخلي الج درس تتعلمين منه هسه انتي صرتي على ذمه رجال يحبج ورايدج انمار ميستاهل مجافاتج اله
جنوب... وفففف حرت شصرف وشعمل الله كريم احاول ابدي حياتي بعيدا عن الماضي
سيرين... بقن شوي واخذهن انمار نضفت البيت والعشى على رباب تسوي والمواعين على مالكه وصعدت للغرفه لكيت ضرار كاعد ويشتغل عالاوراق اخذت دشداشه قصيره لبستها اجيت امشط بشعري انه مشسورته بس ضفرته
ماعرف ليش فجأه مر بدر ابالي كل ذكرياتي وياه مثل الشريط ومر عليه
طول المده المرت ابد مافكرت بيه كلما يجي ابالي
معقوله نسيته وبطلت احبه ؟
لامانسيته بس انه هسه على ذمه غيره
زين يمكن بطلت احبه
شبسرعه نسيته معقوله وجودي يم ضرار نهى حب بدر بكلبي لو شنو ؟
غمضت عيني بحيره وانه اطرد الافكار من بالي
ماحس غير وهوه حاضني باسني من رقبتي ويعاين عليه بالمرايه
ضرار... موجاي اصيحج وين شارده
سيرين... ها ماسمعتك
_ دارني عليه وباسني بهدوء
دفعته مني بخفه وخر مني خلى جبينه على جبيني ويتنفس بقوه
ضرار... ماسويـلج شي
سيرين... ش شنو ؟
باسني بخفه بطرف شفتي ومسحها سحبني من أيدي نام وسحبني عليه
سيرين... ضُرار شدسوي
ضرار... سكتي لاسكتج بطريقتي
سيرين... فاسق
ضرار... هههههاااي
سيرين... يستفزني كلش من يضحك هالضحكه باسني من راسي ومقوي قبضته اخذ مبايله يكلب بيه وانه بس اعاين
سيرين... ضرار عوفني
ضرار... اي
سيرين... كمت منه اخذت دشداشه بدلتها لان قصيره نزلت جوا رحت لغرفه عمتي شفت مبايلها تفقدته
مكالمه فائته خليته بملابسي وصعدت على كيف لغرفه جنوب
سديت الباب بخفه ، ردت اتصل على أهلي بس فجأه رن التيلفون بيدي
من التوتر حتى ماعرفت أسده رفضت المكالمه وانه احس كلبي حيطلع من مكانه
عايزت للمكالمه مكتوب ام سامر الخياطه
سيرين... خرب حظي المصخم وكتج اله وياي تتصلين
سجلت رقم مياده حتى اتصل عليها فجأه انفتح الباب ودخل ضرار ....
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!