الرابع والثلاثين
بقلمي_ترانيم هادي ♥️🕊️.
_حبايبي اريدكم تتفاعلون دوسو النجمه وعلقو بين الفقرات حتى القصه تصعد
ومتابعه للحساب ♥️🕊️,
taranim_09
_راح هوه للحمام كمت اني حتى ابدل ودك مبايله جان مخلي عالميز
رحت حتى اشوف منو يتصل شلته وعاينت للاسم(M العار)...
سيرين... منو هذا ؟
شلت المبايل بسرعه حتى اجاوب وماحس غير وهوه ساحبه من ايدي لزمني من شعري
سده وقرب وجها عليه
حجى بغضب وحده
ضرار... انهيج بالعباس
سيرين... م منو اتصل
ضرار... مالج شغغغل
سيرين... ميااده موو ؟
ضرار... ياخ*** مازن هذا
سيرين... عافني ومشى اخذ ملابسه وراح يبدل مبين هواي سوالف ضامه ومبين راح يتعبني وياه هواي
وممعروف الباله شنو ولاعلى شنو ناوي
بس الا اعرف بسيطه...
كمت اخذت دشداشه لبستها هوه طلع من الحمام خزرني ووخر مني
اخذت شالي حتى انزل جوا
ضرار... وييييين
سيرين... جوا وين يعني
ضرار... تعالي كعدي
سيرين... ماااريد
ضرار... تجين لوشلون ؟
سيرين... مالك شغل
ضحك وعكد حاجبه اجى يمي وكف كدامي
ضرار... الوكحه
سيرين... فتحت الباب حتى اطلع سحبني من ايدي وسداه
ضرار... وعلي اذا هسه ماركدتي بالغرفه اعرفن شلون اخليج تكعدين
سيرين... والله يالله مالك شغل
لزم حلكي وفركه بقوه
ضرار... البربوك حسج طالع
سحبني من ايدي ودفعني عالجربايه راح اخذ مبايله واجى سحبني ونام
سيرين... وخررر مني
ضرار... اششش صوتج يلعلع
سيرين... ءاﯢي شهلزكه
ضرار... وتاااااالي وياج
سيرين... عاط بيه خلسني خلس خزرني ورجع يلعب بالمبايل برطمت عليه والدمعه بطرف عيني
درت وجهي منه وغمضت عيني
سيرين... الله ياخذك
ضرار... ضال يمج ماياخذني
سيرين... الله ياخذ بس الزين
ضرار... بربوك مواطيح حظج
سيرين... فوك ماهو طايح جاي تنكته الي
ضرار... هخخ من لسانج
سيرين....
تجاهلته وضليت دايره وجهي وسارحه بافكاري كمت منه
رحت فتحت كنتوره واخذت المبايل الثاني ماحجى شي خليت السماعه
وضليت اسمع اغاني ودايره وجهي منه
طلعت اغنيه جانت نازله لمحمد عبد الجبار
تانيتكم..تانيتكم..تانيتكم
شمعة اشتعل والريح عالي وجيتكم
تانيتكم
شجرة وكتلهة العطش وين وين ابيتكم
عالباب اتاني شكثر عالباب
عالباب اتاني شكثر عالباب
عودوا علي عودوا يا غياب
عودوا علي عودوا يا غياب
احتاجيتكم كد الهوة والماي انا
احتاجيتكم
تانيتكم
_وصلت لهالمقطع خليت أيدي على حلكي احبس شهكتي
انسحب مني المبايل خليت ايدي على وجهي ودموعي تجري
وخر السماعه شغل الاغنيه وعافه عالميز
سحبني عليه وحضني وانه صوت شهكاتي كلماله يعلى
سيرين... تعبتني يالشويب الله يخلصني منك
ضرار... ابجي وطلعي البكلبج
سيرين... شحجي وشاكول كل السويته بيا ظلم والله ظلم
ماستاهل هالكد تعاقبني
خطفتني
وعذبتني
هنتني
وغربتني
كلهذا سويته بيا وانه على غلط اقترفته عاقبتني اكبر عقاب
حرمتني من اختي فوك حرماني لااهلي
ولازم كلشي تسوي اسكت واتقبله
كلشي اله حدود وانه تحملت بمافيه الكفايه ماعاد اكدر اتحمل تعبتتت
ضاله يمك ماعرف شنو موقعي بحياتك ولاشنو انه بحياتك مامعروف وجودي شنو
ولامعروف مصيري
ضرار... شلعتي كلبي وعيونج وجج واكع بين عقلي وكلبي حرت شسوي وحرت شلون اصرف
تعبان اكثر منج وربج
ماتعرفين شني المعذبني وملوع كلبي غيرج
الف سالفه وسالفه وكلهن يعتمد على شلعان كلبي
وجج انه مخبل وسرسري ومجرم وسفاح اعرفن متعبج وياي ومتعب روحي اكثر بوجودج
بس ماكدر اعوفنج وربج انتهي
_خلى جبينه على جبيني ويتنفس بقوه وانه بس دموعي تجري
تمدد بصفي وسحبني عليه ماعرف شكد مر وقت واحنا على هالحال
خويت من البجي علما نمت....
ماكعدت غير على صوته وهوه ينده بيا
ضرار... ابويه انتي كعدي الواد اجت واحنا معلكين فوك
سيرين... ها
ضرار... وجعه بكلبي
سيرين... اوي وخر يالشويب
ضرار... البربوك كوومي بعدين اشوفنج حيل الشويب
سيرين... وخرت منه عاينت للساعه نزيت،يمههه العاالم
ضرار... ياعالم
سيرين... هففف كله من وراك هسه شيكولون علينه
ضرار... رجال ومرته شيكولون
سيرين... قصدك شويب ووحده بكد بنته
_اجى عليه راد يكضني طكيتها ركضـه للحمام وقفلته
سبحت على السريع بس شعري مابللته ياخذ وقت يالله ينشف
خلصت وطلعت جان كاعد وبيده مبايله ومبين عصبي
تجاهلته ومشيت وهوه راح يسبح شسورت شعري ،دورت بالكنتور على شي البسه طلعت فستان محجبات يصير للحفلات هم
مخصر عالجسم بني ومخطط بأسود وبيه حزام
طلع هوه التهى يبدل واني التهيت اخلي مكياج
ضعفانه كلش ووجهي شاحب
خليت مسكاره وكحله وحمره لون بني
ضرار... ها بويه خلصتي
سيرين... اي بس البس الشال
ضرار... متانيج
سيرين... اي
اخذت الشال لفيت ولبست كعب اسود رحت طلعت الذهب الجابه واصلا راح من بالي حتى اسأله
ضرار
ضرار... راحته
سيرين... هالذهب شوكت جبته وليش؟
ضرار... غير من نيشانج خوما تضل ايدج وركبتج فارغه وحقج هذا
سيرين... اي حق وانه مهري ميه الف
ضرار... يالله شلون تنكد وطيح حظي شجاب هالسالفه هسه
سيرين... شحجيت وكبيت بوجهي
مسح على وجها ونفخ بعصبيه
ضرار... اعذريني مدام بس فضيها
_لبست البتوت والساعه ووياها المحبس والحلقه والحجل لبسته
عاينت بالمرايه وابتسمت برضى...
سيرين... شكد حلوه اني
لزمني من ايدي قبل لانطلع عاين عليه لزم وجهي وباسني بطرف شفتي
ضرار... ماريد اخرب الحمره
سيرين... اكرهك
ضرار... شكراً
_نزلنا جوا كلهم جانو ملتمين البنات بغرفه عمتي يبدلن ويحضرن بنفسهم
ضرار... الله بالخير
حطام... هلا بويه
سلافه... هايالغاكه تغير حالج
ضرار... حجيه شمالج وي مرتي
دخل انور وحيدري ووياهم درغام
حيدري... يهههلا وأخيراً بينو عصافير بيت حطام
انور... هلا خيتي شلون الصحه
سيرين... الحمدلله
غيث... عمي شهل حلا
ضرار... امشووو شكو داحسين رواحكم بين النسوان
حطام... أنعم الله عليك
ضرار... اعذرني جدي انه على هذول العارات
درغام... امشي لك بيت جدنا
اوس... راح تجي الوادم وانتم معشعشين هنا امشونا
ضرار... امشو وياي
_طلعو كلهم وبقينا بس احنا والمعازيم كومه بس كرايبهم جايين
رحت للاستقبال كلشي محضر ومجهز الكوشه والنشرات المغطيتها كلشي حلو
التهيت انه ورباب وياي وي المعازيم مالكه يم اهلها رايحه
رحت لغرفه عمتي كاعدات دانه وزها وفيروز وناهد
ورهف يمهن بس شافتني اجت تركض عليه
شلتها وهيه تبوس بيا وتعض
سيرين... فدوه للبنات
رهف... امه امه
سيرين... يروح الـ ماما
اخذتها بدلتلها ورتبتها وهيه بحضني مترضى بالكاع
اخر فتره هملتها كلش وصرت حتى ماشيلها لواهتم بيها وضرار من يشوفها يمي وانه متجاهلتها ياخذها يم جنوب وميس لويم عمتي
اجت الحجيه وغيد والتهيت وياها ماعندي غير جنوب وميس وغيد اكثر سوالفي واكدر اخذ راحتي وياهن
لشوي كالو اجو جايبهن عزام من الصالون
جنوب....
مفروض هذا اسعد يوم بحياتي بس كلشي طافي بنظري مختنكه من كلشي وواكعه بنار مالها مخرج عاينت بالمرايا ودموعي نزلت
اجت ام الصالون يمي وهمست
_حبيبتي انتي مجبوره ؟
جنوب... لاابد بس تعبان شوي
_الله يساعدج
جنوب... خلصنا شوي واجى عزام ياخذنا فيروز وناهد ويانه اول مارجعنا هوسه والاغاني
من غير التعب والجوع
كعدنا وهنه بدن يركصن ويهلهن فرحانات بس انه ابد مفرحانه احسهن فرحانات لحزني
وغيد مكضيتها تدك بالركص وتهوس فرحانه اكثر من العرايس
اجت سيرين وبيدها رهف فدوه لكلبها تخبل ونازكه
فرحت من نزعت الاسود وشوي فرهت على نفسها طول الفتره المرت وهيه حابسه نفسها ومنعزله
سيرين... الف مبروك حبايبي
ميس... الله يبارك بيج
جنوب... تعاي كعدي يمي
سيرين... هههههه هسه يجي انمار ويكعد انه شكو
جنوب... هففف حموت
عافت رهف بالكاع وهيه شمرت نفسها على ميس وتلزم ببدلتها
سيرين... خير شبيج
جنوب... حمووت من القهر وجج كلبي موجر نار كليلي شسوي
سيرين... لاتخافين واقري ايات وانشالله كل خير
وانه متأكده شي يوم الفرحه مراح تفاركج
وهالنار البكلبج الله يجعلها برداً وسلاماً
جنوب... الله يخليج الي
سيرين... يلا كافي اضحكي جاي يعاينن عليج
ميس... شدعوه هالكد نسوان
سيرين... هههههه شنسوي كولها كرايب الحجي حطام
ميس...
شوي وكالو اجت الزفه اجت سيرين لبستنا البركع لان اثنينهم حيدخلون والبدلات مكشفه
الهلاهل البتدت والهوسات ضليت اردد ايات
كلبي دكاته تسارعت ورجفه بجسمي
خايفه اخطي هالخطوه واتندم بعدين
اجى كعد يمي كلشي مكدر اشوف من البركع
سيرين... اعاينلهم ضلن يتراجفن شفت انمار لزم ايد جنوب وربت عليها
هذول شلون حتكون عيشتهم وهمه بهالحال
تمنيت لوجنوب صايره لرضوان
اقلها اثنينهم نفس الجرح ويفهمون المرو بيه
هيج حتدمر حياه شخصين مالهم ذنب ميس وانمار
سوو مراسيم الحنه وراحو لليل ضلو يحضرون لحنه الشباب
وجنوب وميس كضنها بس بجي وغيد ورباب ناصبات عليهن
غيد... والله يالله اشو بيتهم منا لهنا وداكاتها بجي
رباب... اقلها البيت راح يفرغ
غيد... وهم تقل وجبات الاكل
جنوب... جده عاينين عليهن ولجن لاتخلني الغي العرس واخليجن تنطحن راس براس
سلافه... موهيه بكيفج لغيتي والزفه باجر چا غير اكسر العوجيه على ظهرج
ميس... هههههههههههه
_لليل يالله اجو الولد غيد والحجيه ليث وداهن
شلت رهف ورحت لغرفه عمتي
لكيت الباب مقفول ادكه متفتح كلبي احترك نار وانه بهالحاله
نزلت رهف من ايدي وانه على نفس الوكفه اعرف هوه ورى السالفه حتى اصعد يمه
طلع عزام من غرفته وشافني واكفه
عزام... هلا خويه محتاجه شي
سيرين... ها لا سلامتك
عزام... جا ماترحين لغرفتج
سيرين... اي هسه حروح
شلت رهف وصعدت فوك لكيته يحجي بالمبايل بس شافني سداه وابتسم
اجر اخذ رهف من ايدي وراح ردت اروح انام بغرفه مياده جاي اطلع وعاط
ضرار... تعاااالي
سيرين... خير
ضرار... وسم احجي عدل
سيرين... بكلبك السم
عاف رهف واجى عليه وانه حضرت نفسي للضربه شفته عكد حواجبه وقابض على ايده
عفت ايدي على وجهي وارتديت ليورى
لزمني من كتفي وباس أيدي وخرت ايدي جان منزل نفسه لمستواي ومبتسم
ضرار... امشي نامي كافي طوله لسانج وعرامه
سيرين... انت كلت لعمتي تقفل غرفتها ؟
ضرار... انه شوكت
سيرين... سوالفك اعرفها ليش هيجي سويت
ضرار... وجج انتي ضلين بحركان كلبج امشي احسلج
سيرين... وفف ومن ورى منو حركه كلبي
ضرار... اي هسه نجيب الاطفاء ونطفي كلبج
سيرين... وخر مني يالازرك
عضيت شفتي وعيوني جحضت شجفصت انه
ضرار... سيرييين ترى كثرن
سيرين... اا ش شسمه غير اشاقه وياك وخر
دفعته بخفه رحت نزعت الشال والذهب
اخذت ملابس ورحت اسبح
طلعت لكيته نايم ورهف نايمه على صدره عافها بنصنا وهوه بعده حاضنها
يربي انه ماتحمل شوفته اتخايله شلون كتل مياده وبسببه هيه ماتت فوكاها موت طفلي
ضليت واكفه بمكاني واعاينله بحقد باوع عليه وحجى
ضرار... ماتفيدج الوكفه تجين تنامين لوشلون باجر ورانا كعده
رحت جريت الغطى ونمت عيني على رهف اعاينلها تخبل بيضه والخدود ماليات وجها كلشي بيها حلو سوالفها وخفه دمها وضحكتها
سيرين... همزين ماطلعت عليك هالبنت
ضرار... ليش بويه شبيه وماتطلع عليه
سيرين... ابد كلشي بيها يختلف واصلا لوطالعه نفسك جان حركت روحي
كرصني بزندي بلكوا كتمت صوتي حتى ماعيط
ضرار... طالعه على امها الله يرحمها
سيرين... عجيبه شلون تحملتك
ضرار... الله انطاها الصبر
سيرين... هههههههههههه
ضرار... صوتج
سيرين... لحد هسه مكتلي شلون تقدمتلها وشلون حبيتها ولو انت كلبك مشعوط ومحترك لايحب ولاينحب
ضرار... مالج شغل
سيرين... وففف سولفلي اريد اعرف شلون تعرفتو على بعض وتزوجتو
ضرار... ماجنت ناوي ازوج
سيرين... شنو ؟
ضرار... اول سنه بالكليه اثنينا جنا نفس القسم وربج ابد ماحاولت اختلط بوحده لو اسوي علاقات جنت رايح وراد بدربي
بالمرحله الثانيه يالله نتبهت على جنات
اعرفنها جانت دائما تحاول تتقرب بس جنت اصدها البت ماشفت شي يوم عليها غلط
بيوم اجت واعترفت
جنات... انطيني فرصه
ضرار... وجج يافرصه بويه انه مومال حب ماكدر احبنج
جنات... ليش ؟
ضرار... مالج شغل
جنات... انطيني سبب مقنع يخليك ماترضى
ضرار... انه بكلبي ماكو غير وحده ماممكن احبن غيرها
سيرين... وبعدها شصار
ضرار... حتى من بعد ماكلتلها البت مافكت ياخه وجانت مصره جان باقي النه سنه ونتخرج
وهم ردت وانه ابد ماجرحتها لوكسرتها بكلمه بالعكس جنت صريح وياها فهمتها بس جانت مصره
جنات... انه راضيه بكلشي المهم اضل وياك وبقربك حتى لو تحب اعرف هسه هيه موالك بس متأكده شي يوم حخليك تحبني
ضرار... ماممكن
جنات... كلشي ممكن
ضرار... حاولت اقنعها وجانت قافله ههههه لوانت لو ماريد
حجيتلها كلشي وماضميت شي جنت صريح وياها العليه سويته وبكلشي جانت راضيه
تخرجنا يالله خطبتها من اهلها
بدايه الزواج زينين بس شوي شوي بدت المشاكل وصارت تلومني
ماطكيتها على أيدها لوجبرتها
سيرين... جان رفضت
ضرار... جاي احجي صار ساعه ومثل ميكولون اخذ اليحبك ولاتاخذ التحبه
سيرين... تدري شنو ؟
ضرار... !!!!!
سيرين... لوجنات عايشه لحد هسه جان شلت بلوكه وضربتها على راسها اريد بس اسألها شعجبج بالشويب
بس الله يرحمها ويغفرها يوم اختارتك
ضرار.... ****
سيرين... يع انه متعجبه شلون داخل كليه ومتخرج وفوكاها اسلوبك اسلوب واحد سفاح ومجرم
اصلا ولامبين عليك دارس ومتخرج
ضرار... طفي الضوه ونامي مبين هواي جفصين وانه صبري ضيق
عفت راسي عالمخده ونزيت
سيرين... لحضههه اوكف منو الجنت تحبها ؟
ضرار... بويه مالج شغل حتى بهاي حشرتي روحج
سيرين... ماراح الح بس شي يوم انت بنفسك تكلي
طفيت الضوى ونمت للصبح كعدت البيت مكلوب كلام على فرد وكفه كلنا بحيث انضف ونرد ليورى
علما خلصنا كلش يالله صعدت للغرفه الحجيه مكدرت تجي تعبانه كلش
شوي وصعد ضرار للغرفه سبح قبلي بدل ونزل من الصبح عصبي وابد ميتحاجى
رتبت نفسي ونزلت جوا ادور على رهف مكضيتها ركض ولعب وكلشوي موصخه ملابسها بدلتلها وهم رجعت شلت حالي
_شوي واجن البنات اعاينلهن ببدلاتهن البيض يخبلن طالعات
بسبب ضرار حتى مافرحت لابدله ولابزواج
الزفه اجت وهنه فحطن من البجي المكياج رباب تعدل الهن وهنه مابطلن بجي
لبسناهن البركع واحتياجاتهن حتى يزفوهن للفندق
لبست شالي وطلعت ولازمه رهف خاف تروح
طلعن اثنينهن راح ضرار وحضننه ويبوسن بيه
اعاينله حاضنهن بقوه وعيونه حمر
لوماعيب جان بجي
حجى وياهن وهنه مستمرات بالبجي انه مشصابني فحطانه وياهن بالبجي
ضل ضرار يوصي انمار ورضوان عليهن وكلساع يعيد الحجي
محد بينا راح بس عمتي بدور وبديعه ياخذوهن للتصوير ومناك للفندق
صعدت فوك بدلت ملابسي ونزلت جوا التهيت بالتنظيف كفينا البيت كف عمام ضرار كلمن راح لبيته محد ضل
اجو الولد للبيت ووياهم ضرار والحجي وديتلهم االمي وهمه وجوهم ميكصها السيف
بسول... احنه شمالنه زوجناهن
عزام... شعوطن كلبي بدموعهن اكيد بعدهن فحطانات من البجي
ضرار... نروح نجيبهن ونجي
ليث... اي والله ونعوفهن يمنا المن الزواج
حطام... شمالكم ولكم شني جبتوهن
سلافه... خايبه ضغبون جنكم نسوان اول وتالي بيتهن يم رجلهن
بسول... جده وحشه البيت بدونهن
عزام... هيج وكت كاعدات يمنا وبس صوت ضحكهن ينسمع
حطام... يامره كوميلنا هذول تخبلو
ضرار... تعالي بويه المي راح يوكع من ايدج
سيرين... صفنت عليهم وعلى محبتهم الهن مع انو جنوب تصير بت عمتهم وميس اختهم
بس مايوم شفتهم فرقو بيناتهن
اعاينلهم محروكه كلوبهم عليهن ماتحملو غيابهن كم ساعه
بس انه اخواني تحملو غيابي شهور ولحد هسه لاشفتهم ولاسمعت حسهم
مرتضى ومراد انه لوانطي روحي ماممكن اتخيل حبهم الي ، الدمعه بطرف عيني صارت والمي بيدي يختض
قاطعني من شرودي صوت ضرار عفت المي ورحت كعدت بصفه
ضرار... شبيج ؟
سيرين... تذكرت اخواني
ضرار... الله كريم
سيرين... شنو ؟
ضرار... هيج كومي نامي انتي ورهف اروحن اجيب امي وعمتي
سيرين... اي
_مر كم يوم على عرس ميس وجنوب وانه بكل حواسي عيني ورى ضرار
بحيث اذا مبايله رن اركض قبله اشوف منو
اكثر اتصالاته جانت على رقم واحد
وهوه ابد ماينزل المبايل من ايده بحيث حتى من ينام يعوفه يم راسه
انه حالتي احسها تخربطت اكثر من قبل كل الوقت مكضيته الهي نفسي بالتنظيف
قبل جانن ميس وجنوب سوالفهن وكعدتي وياهن
هسه ماكو احد رباب علاقتي زينه وياها بس مومثلهن ومالكه هاي اصلا ماتبين بس بوكت الاكل عايفه بناتها بغرفتها وكاعده حتى وي رهف ماتخليهن يلعبن
_انتضرته يدخل للحمام رهف كاعده تلعب بلعابتها عاف اغراضه عالميز بس المبايل ماكو
اخذ ملابسه ودخل لاحمام
كمت بسرعه دورت المبايل بملابسه مخلي فتحت رمز مبايله مخلي اسمي واسم رهف
دخلت عالوتساب والفايبر والماسنجر مابيهن شي بس محادثات قديمه دخلت على سجل المكالمات اخر مكالمه فائته والقبلها مدتها
" ٤٥ دقيق
بسرعه اخذت قلم الكحل وسجلت الرقم على أيدي خرجت من البرامج ورجعت المبايل لمكانه
وانه جسمي يختض وريكي يبس
رحت يم رهف تعاين عليه وتضحك
رهف... اكك ابه(اكول لباب)
سيرين... عزاا ازاعلج وماحجي وياج
رهف... ثينه اكه
سيرين... اوي فدوه اجيبلج ككو حلوك
_ضليت الاعب بيها والهيها خفت لاصدك تكله
طلع من الحمام يعاينلي وعاكد حاجبه
ضرار... شبيه وجهج اصفر؟
سيرين... ها لا مابيه شي اصبلك غدا
ضرار... لااريد انام شوي واكعد
_راح هوه نام ورهف راحت يمه انه عفتهم ونزلت جوا رحت اخذت مبايل عمتي وصعدت لغرفه جنوب سديت الباب
وانه احس كلبي حيطلع من مكانه اطرافي ثلجت وجسمي يختض
دكيت الرقم واتصلت عليه مرتين اتصل ومحد يجاوب
اخر مره دكيت عليه اتصل شوي وجاوب
_الو
سيرين... مياده ؟
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!