رواية ثارهم وبنت الفقير الفصل الحادي والستون 61 - بقلم الكاتبة ترانيم 🤎

سيرين:- وخر مني يالشششويب

ضرار:- هههههههاااي لك سربوت اهدا شمالك

سيرين:- اششش مااهدأ تطلقنني يلههه

ضرار:- اي هذا هوه السيد متانينا يله كومي

عاينتله بصدمه والدمعه وكفت بطرف عيني
كمت على حيلي دفعت الميز وخزرته
سيرين... حاااااامل حاامل فوووكهااا ااكتلك واكتل روحححي

ضرار... جا وفصماتنه ياليداريهن

سيرين... معلييك عوفني حممموت يربي قققهر

كام تقدم عليه سحب ايدي وباس الشامه
ضرار... يبوي صارت بعد ورزق من الله غيرنا يتمنى تصير عنده خلفه وانتي ماراضيه

سيرين... بس موهييجي ريحـانه عمرها كم شههر وفوكاها حامل
وصدك سوويتها وناوي تطلع فلوس المهر من خشمي

ضرار... ههههههاااي فدوه الج اجمعلج غيرهن

سيرين... صدك ؟

ضرار... وعـيونج الدولـبني

نفخت نفسي وابتسمتله لزمته من ايده وخليت راسي على كتفه :- قبل كم يوم سمعت مفتحين مول جديد بس منتظره راتبك حتى تاخذني اله

ضرار... اشو مقرره ومخططه ؟

سيرين... ايييي جا وين تريد تذب فلوسك هـــا لاطلعه ولامشيه وبالشهر مرة نشوف ضوا الشمس

ضرار... ياعايققه يبربوك ولجج انه ماديح بكدج

سيرين... اااوي وفوكاها ترى اشياء بسيطه هاي تكدر توفرها الي

عاينلي بخبث وعض شفته
ضرار... اي يالمسربته كليبي اكدر اوفرلج غير اشياء

سيرين... عوووفني حممموت

ضرار... شمالج ؟

سيرين... مااابيه شيي بس اريد ابقى ابحدي الله يخليك

باسني بطرف شفتي وراحح رحت وكفت كدام المرايه خصرت التيشيرت على جسمي واعاين على كبر بطني ستوها بارزه
بلعت رييكي وروحي تحترك ماعرف شبيه
ضلت بس دموعي تجري واشهك بالبجي رحت كعدت عالجربايه وافرك بصدري احس حتى الهوا يوجعني

اكره مزااجيتي واكره حالتي فجأه اكره الدنيا والبيها واتمنى احبس نفسي بمكان مظلم ومنعزل عن العالم ماكو احد بس اني كمت افتر بالغرقه اروح واارد اخرها مسحت دموعي ونزلت جوا

جان كاعد وفاتح مبايله ريحانه نايمه على رجله ورهف راسها على كتفه وتعاين افلام كارتون
سيرين... متتتتملون من الهوسه كلساع ااانظــف وبنااتتتك مييكعدن دللتهن زيااده

عاين عليه وخزرني
ضرار... صوووتج لاتعلي كدامهن بعدين حسابج

عاين على رهف وباسها من راسها
حبيبه ابوها كومي انتي واختج لغرفتكم وكملي دروسج

رهف... اي بابا كايمه

كام شال ريحانه صعدهن لغرفتهن ورجع عليه سحبني من أيدي وعصر فكي وخازرني
ضرار... سييييرين ترااا زودتيها وحك علي اانهيج

نترت ايده ووخرتها
سيرين... ايدك لاترفعها عليه وداعه بناتي ماصيرلك مره اذا هالايد انمدت عليه

اتراجع ليورا يفرك وجهه بعصبيه وماحس غير شال المزهريه وكاسرها دفر الميز وارتد ليورى راح اخذ اغراضه والسويج وطلع

_خليت وصعدت لغرفتي رحت سبحت وخلصت خليت مكياج قليل وشسورت شعري روحي ضلت تلوب وحايره شسوي تعبت من مزاجيتي أتعصب فجأه وتجيني نوبه اريد ابجي بس ماعرف ليش

ضليت افتر بالغرفه ولازمه بطني ودموعي تجري رحت نمت اريد اغمض عيني ماكدر وصوت شهكاتي بدى يتعالى

دخلت رهف للغرفه لعابتها بيدها وتفرك بعيونها أجت نامت يمي وحضنتني من راسي
رهف... بابا شثوالج(شسوالج)

سيرين... مسوالي شي بس مريضه

رهف... ناخذج للطبيب لاتبجين

سيرين... فدوه اروحلج لاتخافين اختج وينها

رهف... نومتها

سيرين... كومي حبيبتي انتي هم نامي باجر عندج دوام

رهف... اي ياام رايحه

باستني من خدي وراحت ضليت انتضره وماكو بحيث حتى من الاتصالات مليت علما غفيت واني انتضره
للصبح كعدت نزلت جوا جان كاعد هوه وبناته يتريكون تجاهلني وكاني مرئيه
شوي ودك هورن الخط مال رهف

بعادته اذا كعدت متأخر عليهم هوه يحضر جنطتها ويوصلها وخاصه بفتره حملي أيدي مكدر اشيلها واكظيها بس نوب وخمول راحت رهف وانه رحت صبيت جاي وكعدت يمه عينه بمبايله ولارفعها
سيرين... ضرااار

تجاهلني وحتى مجاوبني ضليت انافخ حسيت
حتى الدخان صار يطلع من خشمي كمت ضربت الميز
وايدي على بطني:- مووواحجي ليش هيجي متجاهلني

خزرني وكام اخذ اغراضه راح باس ريحانه ومشى لشغله التهيت انظف وارتب بالبيت وريـحانه يمي وهيه حركه كلش ووكحه متكعد بمكان لو تكعد تكسر بالعابها لو تروح للحديقه تضل تاكل بالاوراق الواكعه

خلصت كلشي باقي ساعه ويرجعون
كمت أخذت مبايلي
ودزيتله رساله:-
12:12
عيونك الباگن گليبي وتعبني
شگد آحًـبّـهِنِ "ضرار

عفت المبايل صعدت لغرفتي سبحت انه وريـحانه
وحضرت ملابس الها ولرهف اشتريلهن كله متشابه انه وياهن بحيث من تلبسهن عبالك تؤام
بدلتلها مثل ملابسي ونزلت جوا انتظرهم سمعت رن مبايلي اعاينله بدر يتصل
من بعد ماتزوجت ورى زواجي بشهرين سافر للخارج وهناك بدى بمشروع اله وبدى يطور من نفسه وكل فتره يجي هنا
علاقتنا زينه وتمنيت لو بيوم يلاكي الي تحبه وتستاهله بس من نظراته وكلامه وعيونه التلاحكني بطلت اتأمل

بدر... شلونه وضعج
سيرين... ممم زينه وانت
بدر... تدرين شنو ؟
سيرين... شنو
بدر... عرفت شغله انو الحب الاول ميموت ولاينتهي
بس يجي حب غيره يدفنه حي
سيرين... بدر شبيك؟
بدر... بس حتى من دفنته ماجاي اتخلص منه
ولجج تعبتت تزوجت ولحد هسه ماناسيج كليلي شسوي
سيرين... ش شنو تزوجت ومن شوكت ؟
بدر... بأجازتي ناوي ارد واخبر الكل
سيرين... ومن بعد ماتزوجت ناوي تخبرهم
بدر... سكتي احسلجج بديت وياها وجاي احاول اتناساج اريد شغله وحده منج
سيرين... شنو ؟
بدر... ادعيلي بكل صلاه الج انسى حبج

سداه مني وخلاني بحيرتي
سمعت دك الباب اخذت ريحانه ونزلت جوا
رحت فتحته:- هلا حبيباتي شلونكم
ملك:-ثينين خالتو
سيرين:-يله تعالو ادخلو

خذتهن ودخلت جوا اخذت مبايلي
عاينتله جان داز (..؟)
شوي وكتب:- غدي البنات انه ماجي هسه عندي شغل

نفخت بضيج وشمرت المبايل معناها لليل يالله
يجي:- روحن غسلن وبدلن ملابسجن حتى اصب غدا
رهف:-اي صار

راحن هنه وعفت ريحانه تلعب حضرت الطاوله
وصبيت أكل شوي وأجن كملن غداهن ويساعدني بالمواعين خلصت ورحت جبت حبشكلات
وطلعت افلام كارتون اعاين وياهن متعوده
الدنيا ظهريه والجو صيف ... من بعد المظاهرات الي ارتدت بـ انحاء العراق
شهداء وخسائر كلش جبيره الولد جانو يطلعون وي المتظاهرين لحد ما اخر شي حيدري ورضوان انصابو
والحجي حلف عليهم الي يروح لو يخطي خطوه
مايحجي وياه بعد
بس لامحال وياهم صارو يرحون لبغداد وهناك وي المتظاهرين وضرار وياهم حجيت وزعلت حتى لايروح وخاصه انو الاوضاع ابد موزينه وكل يوم نسمع جايبين شهيد بيوت فقدت ولدها
اخر شي زعلت يم أهلي اخذت البنات ورحت مارجعت الا لمن حلف مايروحح والحجي ادخل
وحجى وياهم من بعدها صارو بس يودون مساعدات
واحتياجات للمتظاهرين

:-للعصر دزيتله رساله.. حروح اودي ملك انه والبنات
:-لاتتأخرين

ماجاوبته كمت بدلت انه وياهن قفلت البيبان
وطلعت اتمشى انه وياهن ريحانه شايلتها
ورهف وملك يتمشن بصفي
:-اتذكرت اخر مره من راسلته
حتى اروح لبيت خالي جان رايد يدزلي واحد
من الولد يوديني وهوه جان بشغله
وانه جنت رايده اروح ابحدي اريد اعتمد على نفسي
:-لادز احد انه اروح ابحدي
:-وين رايحه ابحدج
:- واذا رحت ؟ موصغيره انه وبناتي وياي وبيتهم ميبعد علينه غير كم خطوه وانه اريد اعتمد على نفسي لحدمن اتضل تودي اخوانك لو انت توديني اعرف وفاهمه موطفله واضل معتمده على غيري
وانه لو احتاج شغله لو اطلع وامشي لشوكت يضلون اخوانك يودوني
-من بعدها صرت انه اروحح لخوالي لو البيت الحجي
وهوه ممقصر ابد يطلعنا ويمشينا بس ماحب على كم خطوه ويجي واحد من الولد ياخذني ويوديني
واضل معتمده عليهم

وصلت جانت ناهد تمسح ويمها ابنها سلمت عليها ودخلت جوا الولد طالعين وبس ام انور جانت نايمه
وابن حيدري سماه انور صاعد عليها

صحت عليه حتى يوخر منها:- ااانور تعال
هيه نزت بسرعه وكامت
رحاب:- يمه وليدي انور وينه

عصرني كلبي عليها والدمعه بطرف عيني صارت
سيرين:- إسم الله على كيفجج
رحاب:- هلا يمه تعالي كعدي ليش واكفه

رحت سلمت عليها وكعدت اسولف يمها
شوي واجى حيدري هوه وأوس
حيدري:- ياههلا بفصمتنه شلونه الوضع

سيرين:- هلا بيك مختتفي هالايام

راح كعد وخلا رجل على رجل
حيدري:- مثل متعرفين بيت حطام كلها معتمده عليه
شغل واعمال اكيد ماخلص

ناهد:-الي يكول شايل الدنيا على ظهرك وانت
شغلك تنطي لااوس يخلصه

حيدري:- ااسكتي يمعوده لاتنهدين عليه
انـتِ اعرفج ماترديني اكعد

ناهد:- جا حقي اذا انت وولدك تكظيها لعب
وتسخت وانه البنكلادش اضل افتر وانظف وراكم
لو تروح تلعب طوبه انت وياهم بالحديقه والطين يوصل لخشمي لو اطلع المسبح وتخبصون الدنيا

حيدري:- اي بعد اخذيلج راشدي

رحاب:- خايبين هيه زلم ماتنحمل زين عليها وحاملتك

بهالاثناء دخل عمي رزام:- اي يامره احنه ماننحمل
جا النك مالجن ينحمل من الصبح لليل لالسان يتعب
ولا روحجن تتعب من الحجي

شافني اجى باسني من راسي وكعد بصفي
شوي ودخل ضرار سلم عليهم وحتى ماعاينلي تجاهلني وكعد بصف حيدري ... لليل رجعنا ولاواحد يحجي وي الثاني
لثاني يوم جمعه وعطله واحنه متعودين بكل جمعه لو انروح لبيت الحجي لو لبيت جدي
خلصنا ورحنا لبيت الحجي جانو كلهم كاعدين بالاستقبال سلمت عليهم ورحت للصاله

سلافه:- ياخايبه اجت الغاكه

سيرين:- شلوننج سوسو مشتاقين

شالت عوجيتها وضربتني على رجلي
سلافه:- خفه لهالحلك الاعولج ولج شني سوسو

سيرين:- اااوي جا موزين ادلعج موصوجج

عظت اصبعها وتتوعدلي
سلافه:- دخلني اكظج لامانعنع ظلوعج يالصفيره

سيرين:- هههههههه على كيفج لايرتفع السكر

اجن البنات كعدن بحظنها تكيف عليهن
وهنه يحبنها رحت كعدت بصف عمتي وخليت راسي
بحظنها وتمسد على راسي
وانه اعاينلهم اصواتهم وهمه يسولفون
ونسوان احمويني صارن مثل صديقاتي واخواتي
غيد ودانه اطفالهن وي اطفال وبنات عزام
يفترن ويضحكن
غيد صار عدها علي و فاطمه
ودانه عدها هشام لين وليلى
اما مالكه بس بناتها الؤام وبعدها ماصار عدها علاقتي سطحيه بيها وع كد السلام ومرات حتى متسلم مبتعده عنها وماحتك بيها

صبينا غدا ووقت خلصنه لمينا البيت ونظفنا انه
والبنات
بعادتي من اضوج بسرعه يبين عليه والاكثر تجاهله وبروده وياي وقت يزعل يموتني

رحت يم عمتي وحجيت:- عمه اابنج تعبني

بديعه:- ريحانته يمه يتعب روحه ولايتعبج
انتي الي ماخليتيله مجال يا يختار كسره كليبه لو تعب روحه دولبتي وليدي ولج

سيرين:- هههههههه الي يحب يتحمل

اجو الولد كعدو يمنه ويسولفون وحجت سلافه:- جا ولك ضرير شمالك وي الغاكه

ضرار:- جده متوكحه زياااده

سلافه:- ياخايبه اكسرك بالعصه وروح ابوك مارضاها عليك اذا شفتها ضايجه لو متكدره من وراك

ضرار:- ها صفيتي وراها اعرفج حتى لو هيه الغلطانه
لازم تصيرين الحامي الها

مسدت على راسي وحجت:- هذا هوه دامك تحبها تتحمل وكاحتها لو نسيت تراها ريحانتك

_ ضيق عيونه والجكاره بحلكه هز راسه وغمزلي
درت وجهي عنه وكلبي محمل عليه

شوي واجن ميس وجنوب
جنوب:- خااايبين شني جا متغدين ومامتانيني

ميس:- هستوجج خلصتي مو راح طكين

انمار:- خليها ماشوفيها ضعفانه

رضوان:- موجنها برميل وينه الضعف انا لااراه

جنوب:- ضرااااار

راحت لضراار مبرطمه وبطنها لخشمها واصله
اجت ملاك وولد ميس فقار علي
سيرين:- حبيبي فدوه اروحلكم

ضرار:- مالكمم شغل بيها بويه اكلي برااحتتج

رضوان:- مايريد يهبط معنوياتج

جنوب:- انمار انت تحبني هيج مو

هوه صفن وضحك بخفه:- معنااها تضحك عليه مو؟

انمار:- يببببوي ولجج ماعليج باحد تعالي كعدي بسدي

جنوب:- صااار معليك كاعده بصف ابوي

ضرار:- هههههاااي على كيفج بويه

سيرين:- لليل رجعنا للبيت وانه وجهي مايكصه السيف عود هوه الزعلان انه فوكاها زعلت
وهوه يعاين ويخزر بيه ماحجى ولاعلق ،خلصت كل شغلي وصعدت لغرفتي مرتبه ونظيفه بس عطرتها
وهوه بالصاله يشتغل
نومت البنات بغرفتهن ورحت سبحت وبدلت
كعدت اراسل بالبنات شوي وسديته ضليت اكلب بالمبايل شفت منشور جذبني عنوانه(أنثى كامله) ضحكت وانه مويم الانوثه قريته وعجبني اسوي مثله

كمت طلعت واحد من السيتات العندي رتبت نفسي
وضليت واكفه كدام المرايه سمعت خطواته
وسويت نفسي ملتهيه اجى شافني ووكف متفأجاه
تحمحم وراح يبدل وبس يعاين
اخذت الحمره أخلي منها واتماوع وهوه يعاين ومبتسم بخفه
أخرها اخذت العطر رشيت منه :- ااااوي شهل عطر

ضرار:- شبي

رحت امشي بخفه دنكت رقبتي عليه :-حبيبي شمه شكد ريحته حلوه

لزمني من خصري وكعدني بحظنه:- شكد بربوك

سيرين:- ههههههاااي وخر يالشويب

ضرار:- خل نتسامر للصبح اركدي

سيرين:- ماااريد طلقني اريد ارتاح والغايب الكم

ضرار:- دمشي لج فصمايه

سيرين:- ما طلقني ونطيني حقوقي

ضرار:- اي صار

سيرين:-
باسني من رقبتي وبدت حرب المحبين

:-ايام هادئه تمر علينه وحملي كلش صعب
نساوتي ومزاجيتي كلش تعب
وضرار متحملني ومطول خلك وياي شهور تمر على حملي وبأخر فحص الي تبين انو حامل بنت
فرحه ضرار ابد ماتخيلتها متقل عنه فرحته بريحانه

بوكت انتشرت جائحه وباء كورونا الي جان ابد ممتوقع انصابو كلهم جنت ملتزمه بالتعقيم والنظافه بحيث ماخلي ضرار يدخل البيت الا يعقم نفسه من فوك ليجوا
منهم انصابو الحجي والحجيه وابوي ومراد
التزمنا بالحجر الصحي بس وي ضرار والولد ماكو التزام بحيث حتى بوقت الحجر ومنع التجوال هوه والولد مايخلا يوم بدون تجمعاتهم
وجانو كلش متهاونين بالمرض
بس الي جانو ممتوقعين هوه اصابه بسول ورضوان
بالوباء والي بوقتها كلها انحجرت
وصدك بعدها ماتجمعو خافو على عائلاتهم...

حملي مر على خير وطبعاً مساعده ضرار وبنتي رهف
مثل النسمه اذا تشوفني اشتغل لو اشيل شي تجي تساعدني وحتى ضرار مرات يشوفني متنحسه
ومابيه حتى اشيل ايدي هوه يطبخ الي يعرفله ومعتني بيه وببناته ماردت اهمل احد بيهم واتهاون وياهم مع انو اتمرض دائما واتنحس بس ابد ماقصرت لاتجاه بناتي ولاتجاه زوجي

:-تمر الشهور وزاد فرد لعائلتي ونورت دنياي
بنتي "رسُـل

رجعت لحياتي وصارت اهتماماتي كلها ببيتي وبناتي وزوجي مطيه وقتي وحياتي الهم
جان ضرار رايدني اكمل الجامعه بس مردت بهالوقت
وخاصه انو بناتي صغار ويرادلهن عنايه ماريد اهملهن
أجلتها علما يكبرن والله يسهلها عليه

حياتي ماشيه باحلى مافيها وي ضرار الي باد لحد هسه يعاملني وجن بعدني بنت الـ سنتين سنه
الي حرت شلون اوصف حبه وهوه يوم بعد يوم واحس حبه الي يزيد

جنوب وميس حياتهن ماشيه وي ازواجهن واطفالهن
ماكو شي جديد بحياتهن بس جنوب زاد فرد لعائلتها
ولدت بنت سمتها "ساره
مياده من بعد مران وروان واحمد ماحملت وجانت مكتفيه بيهم حياتها هادئه وحلوه وي ايهاب واطفالها

:-مثل كل يوم اخلص شغلي وارتب نفسي
اخذت مبايلي وجان واصلني مسج من رؤيا فتحته
ودخلت عليه جانت دازتلي رابط دخلت عليه وضليت أكلب لفتني اسم العنوان وضليت أقرا للنهايه بعدها صارت تدزلي واقرا قصص على برنامج التلي واضيع وقت بيهن العجبني وقت اقرا انسى نفسي واضل مندمجه بيهن .... وراها بفتره دزتلي رابط برنامج ونزلته وضليت اقرا القصص بيه واي قصه تعجبني ادزها بكروب البنات حتى يقرن وياي وكل مره نخلص ونكعد نتناقش بخصوص الاحداث والقصص الي نقراها بوكتها دزيتلهن قصه وكعدنا كلنا نقراها

دخلت على الكروب لكيتهن يسولفن
ومتفقات يردن كل وحده تكتب قصتها
رؤيا:- جربن اكتبنها متخسرن شي

مياده:-جا شبيها حياتي حتى اكتب قصتي

جنوب:- مثلا انه حبيت وانخنت وانخذلت والله عوضني بالاحسن وعوضني باطفالي

ميس:- ههههههه وانه الي تزوجت واكتشفت انو لاحبني ولاجان رايد هالزواج وجان حاب غيري بس كسبته وكسبت قلبه والله رزقني ببنت من عنده

رؤيا:- حايره اذا اكتب قصتي او لا

غيد:- اكتبيها خيه

مياده:- انه قصتي مرتبطه بسيرين
وتدرن شنو قصتها اقوى من عدنا من الي شافته والي تعرضتله

سيرين:- لادخلني يمعودات وشبيها قصتي مثلا واكتبها

رؤيا:- فكري بالموضوع وبالعكس هواي بيها حياتج
شلون بديتي وي ضرار وشلون صارت حياتكم
الي عانيتي ومريتي بي

سيرين:- الي صار وياي عادي وانتو شفتو وقريتو
صاير الاضرب والاقوى
وعرفت انو انه اهون من غيري

:-سدينا الموضوع ومحد حجت بي بس الفكره ضلت ابالي
واخر شي حبيتها وردت اكتب قصتي
ماعرفت شسوي ومنين ابدي راسلت رؤيا ورجعت فتحت الموضوع وي البنات
بعدها اتفقنا وراسلت كم كاتبه بس محد جانت تجاوبني واكو بيهن مشغولات لو عدهن قصص علما أيست ونسيت السالفه....

بعدها بفتره دزت رؤيا بالكروب قصه وكعدت أقراها
بحيث كل سطر بيها وكل كلمه اقراها كلبي يوجعني ودموعي ابد ماتوقفت
المعاناه والألم والحزن الي شافته ترفه انه بالنسبه الي حياتي اهون ،حمدت ربي وشكرته الف مره ع الي عايشته

خلصت القصه وجنت واصله للنهايه
علقت وطلعت من البرنامج لليل فتحته جانت نفسها الكاتبه مجاوبتني فرحت ورحت كبل راسلتها
بسرعه جاوبتني وضلينه نحجي وافقت تكتب قصتي
بس الا بعلم الكل

البنات بسهوله قنعن ازواجهن مياده ايهاب لو يموت مايرفضلها طلب وميس تعرف شلون تقنع رضوان وجنوب بس تغندب بوجه انمار يسوي الاكو والماكو
بس ضل ضرار واعرفه موبسهوله يقتنع
وخاصه انو ميحب احد يتطرق لحياتنا لو اشارك شي بينا كدام أحد
حجيت وياه ورفض للموضوع حاولت أكثر من مره وبكل مره جان يرفض وميوافق حتى اكتب القصه
اخرها تعبت من النك والملحه عليه

:-اخذت بناتي ونزلت جوا جان يشتغل راحن كعدن بحظنه وانه وكفت على جهه
رهف:-بابا ماما زعلانه

ضرار:-شبيها

ريحانه:- اجي ابك(تبجي بسببك)

ضرار:- اشش ولجن عوفنها بعدين اشوفها

رهف:- بابا ليش متخليها تكتب قصتها
ماما خطيه موانت تحبه

ضرار:- اعرفنها لهالفصمه دازتجن عليه خلنها تركد

ريحانه:- ماتددي (ماتدري)

ضرار:- ماتدري ووواكفه تتسمع مو

حسيت بفشله عفتهم وصعدت لغرفتي شوي وجابهن
راح نومهن وانه عفت رسل بسريرها رحت نمت
ودرت وجهي عنه اجى حضني من ورى ووخرت منه انداريت عليه عاكد حواجبه
سيرين:- خنكتني وخر

ضرار:- تالي وياج

سيرين:- خيير اريد انام شلون بالله

خزرني ونتر بوجهي
ضرار:- نااامي

نغثيت كلش منه والحروره صعدت لخشمي غطيت وجهي ماتحملت وطكيتها بجيه اجى وخر الغطى حظني ويبوس بيه

ضرار:- خرب بال*** اشش ولج كافي لاتبجين والله موقصدي

سيرين:- عووفني بحالي

ضرار:- اعوفن روحي وماعوفج يالفصمه

سيرين:- اريد اكتب قصتي

ضرار:- شبيها ز*** وتكتبيها

سيرين:- معليك انت بس وافق

ضرار:- من شوكت الوادم تعرفنا وتعرف البينا وشصاير ويانه

سيرين:- ميعرفونا موبس احنه نكتب قصتنا
لو تشوف وتقرا مراح تعلق ابد

ضرار:- اشوفن مامرتاح لهالسالفه

سيرين:- معليييه تواافق

ضرار:-امري لله براحتج

سيرين:- ههههههااي يمه الشويب شكد احبك

ضرار:- يالمسربتتني

:- للصبح رديت خبر للبنات وصدك كتبت قصتي
وبدت وياي وبفتره قصيره كسبت اخت وصديقه
بعادتي ماحجي كلشي لجان حتى لو الشخص قريب عليه بس تعجبت على نفسي شلون حجيتلها
باسلوبها والحنيه الي بصوتها وكلامها حسيت وكان جاي احجي وي نفسي
شريط حياتي مر ابالي وكلما احجي نفسيتي
تتدمر ودموعي ماتنشف بس دائما جانت تهون عليه
وبكل طرق تحاول تواسيني

صحتني على أخطائي السويتها الي صارت بدون قصد جانت تنطيني عذر على غلطي وبنفس الوقت تعلمني على غلطي
طول الفتره المرت وانه وقتي وياها هواي علمتني ونصحتني مع انو جانت اصغر مني بس حسيتها وكأن هيه الأكبر بدون شعور أكعد احجيلها يومي واسولف وياها

بعدها حددت موعد ونزل اول بارت من قصتي
اول مافتحت مبايلي جانت دازه بالكروب
ترانيم:- يــولي نزل اول بارت

كبل رحت شفته ودموعي على خدي استفقدت ايامي وشلون جانت وشلون صارت بعدها
استمرت قصتي وجنت اول وحده متحمسه حتى اشاهدها واسترجع كل ذكرياتي وأحداثي والبنات وياي نص الاحداث محاجيتهن الها والي صارت بغداد من خلال القصه عرفنها وحتى ميس وجنوب وغيد صارن يلومن بضرار وبالي سوا وياي يوم وياه ويوم عليه

الفرحني لمن ترتر تدزلي تعليقات الي كلها مدح
ونص البنات وكلامهن الي يدخل القلب بكل سطر جانن يهونن عليه فرحت وحسيت نفسي بيناتهن مثل اخواتي نص التعليقات الي جانت تغث وتسم البدن
وأكثرهن لامني على تصرفاتي بس عذرتهم
وتركيزي جان ع التعليقات الأيجابيه

سيرين:- مسحت دموعي وايدي على حلكي امنع شهكتي وقت وصلت لنهايه قصتي دخلت على رسالتها وجاوبتها
ترانيم:- الـنهايه
سيرين:- كـاتبتي
ترانيم :- احبج أنه ومصكوعاتي
سيرين:- يالمسربتاتني

نزلت جوا جانن البنات يباوعن وضرار كاعد وبيده رسل رحت كعدت يمه لزمت ايده وخليت راسي على كتفه

سيرين:- تحبني ؟

ضرار:- على حبج انه عايش

سيرين:- قبل كم يوم سمعت اغنيه
بيها ...
دجلة وفرات قصة عشق

ضرار:- وعشكنا ؟

سيرين:-
ضرار وسيرين قصة عشق
طول الحياة ما نفترق
مهما يصير نبقى سوة
وسط الظلام حبنا ضوة

ثارهم وبنت الفقير 💗🥺
ولازالت حياتهم مستمره ....

- 12:12 انزللكم كم صوره تخصهم ع التلي
الي تريد الرابط تراسلني خاص

او الي ماعدها تلي انشرهن ع الانستا
حسابي الانستا

taranim.hadi

مصگــوعات حسابي الانستا ❤️❤️🫂🥺.