رواية ثارهم وبنت الفقير الفصل الثاني والستون 62 - بقلم الكاتبة ترانيم 🤎

« سيريـن »

سيرين :- كعدت من الصبح حضرت الريوك ورتبت السفره ورتبت الصاله من الالعاب والملابس
وطلعت رشيت الحديقه

صعدت فوك حَــتى أكعدهم دخلت للغرفه بارده وظلمه رحت طفيت السبلت ووخرت البرده
عاينتله نايم بسابع نومه مايدري بالدنيا طشت ݪـو رشت

سيرين:- ضووووورااار
عوجت حلكي وجريت الكلمه عبالك دجاجه تتنعوص

رحت انتجيت بصفه اكعد وانده ماكو
علما عضيته من زنده عاط بأذني ماوخرت الا لمن صكني حسيت سوا ارتاح بمخي الشويب

ضرار:- خرب ييييومج جم مره كتلج لاتكعديني هيج

سيرين:- جا من أكعدك من اول مره اكعد عزيزي ليش تعبني واني أخاف على بشرتي لايبين بيها التعب

ضحك وسحبني من أيدي صار فوكي
ضرار:- شو حليانه شتخلين لوجهج

سيرين:- انه دوم حلوه بس هالفتره معتنيه ببشرتي زين اذا تريد اسويلك روتين بلكي وجهك يكشف لونه ويصير ابيض

عض شفته وهز راسه
ضرار:- ماعاجبج الاسمراني مو

لزمته من خدوده وضحكت
سيرين:- ششلون ماتعجبنني يــول ليش اكو احلا من سمارك  هيه بس سنونك ابيض من حياتي

ضربني على راسي بخفه وضحك
ضرار:- مره بحياتج اتغزلي عدل وتالي وي صلافتج

سيرين:- اااااوي وخر مني يله تأخرنا لازم انروح لبيت الحجي

باسني من خدي وكام رحت لغرفه البنات هذن هم يرادلهن صبر يالله يكعدن وخرت البرده اعاين لريحانه عايفه سريرها ونايمه يم رهف
رحت للفصمه الصغيره هاي مصيبه حاظنه رجلها ونايمه كعدت ومتعوده على ضحكتها اول متكعد

سيرين:- فصمااايتي ااااكعدي

رسل:- مه مه

سيرين:- يروح ماما تعالي

نزلتها بالكاع حركتها بطيئه تمشي وتوكع رحت للبنات احس روححـي طلعت وهنه ميكعدن جريت الغطى منهن واندهن بيهن :- بناااات ضراار ميرتاحن الا يتعببني اااي جا منو ابوججن

واسمع صوت عيطته:- ماترتاحين الا تشعليني وشعلين عشيرتي من الصبح

سيرين:- هههههههههه شبيك حبيبي اشااقه اااوي ولاتتحمل شقى

وانتن ااذا مكمتتن ماااكو روحه هناه تضلن

انه كلت هيج وهنه كامن على حيلهن
ريحانه:- ماتحلينه تنام تتالفتج
(ماتخلينه انام شسالفتج)

سيرين:- عزاااا يام لسانج ااي عليمن طلعين ياهي امج

ريحانه:- تتي امي (انـتِ)

سيرين:- بسيطه اشوف منو يحجي وياج

كامت شمرت نفسها عليه وحظنتني باستني من خدي وضحكت:- ماما اعبج

سيرين:- ييروحي يله كعدي اختج حَــتى انروح لبيت جدج

وخرت مني وصعدت على راس رهف:- تحف تعدي انلوح لبيت تتو

رهف:- وخررري راح ااشمرج

ريحانه:- تتمريني حَــتى اعفج من راتج
(تشمريني حتى اعضج من راسج)

سيرين:- يله حبيباتي كومو غسلو ونزلو تريكو

كامت رهف وشالت رسل أجت باستني ومشن يغسلن رتبت الغرفه وطلعت ملابسهن شكل واحد
دائما انسق الهن شكل واحد مثل التؤام هالشي عاجبني عبالك كلهن واحد

خليت ونزلت جوا شوي واجى ضرار شايل ريحانه والبنات وراه وصوت ضحكهم يدوي البيت
خلصنه وصعدت أبدل والبنات هنه يرتبن نفسهن بس رسل انه ابدللها خلصت ورحت لغرفتهن
خلصنه ورحنه لبيت الحجي كلها هناك متعودين كل جمعه نلتم بالبيت الجبير

حيدري:- ياااهلا بالفصمات تعالن بعد عمجن

راحت رهف وريحانه اله ورسل تمشي وتوكع
درغام:- شو طولتو

ضرار:- هيه هاي النسوان الحجاب يرادله ساعتين مخصوص يالله تعجبها اللفه

سيرين:- ضرااار

ضرار:- بعد روحـه

سيرين:- ههههههه يبعدي

عفتهم ورحت للصاله البنات كلهن ملتمات والحجيه تنتر بيها ومعاجبها:- يا خايبات اجتت الغاكه هلا حبيبه

سيرين:- يييهلا والله بسووسو

رفعت عوجيتها وضربتني بزندي:- يا شني جا انه شني بزر الكعده وينه ضرير خله يجي يطينياها انعنع ضلوعها

سيرين:- ههههههههههه ريلاكس عييني ولاتتحملين شقى

ميس:- ليش هيه سيرين يايوم خافت منه

جنوب:- يا جا ولدي يخافون من ضرار انه لو مايسمعون كلمتي أخوفهم بضرار بـعد ولاسمع حسهم

سيرين:- اااوي شببيكم ترا والله ميخوف كييوت

غيد:- هههههههههه ويينك ياابه سوتك كيوت

دخل رضوان ووياه هارون
ونزل بسول من غرفته وضرار أجى هوه وحيدري

ضرار:- التمو العفطيه

رضوان:- ههـــلا برئيس عفطيتنا

سلافه:- خايبين شني تسكتو لا انه اعفطلكم

حيدري:- اااي بـعد جددجج سمعينا زيجج تحيه لبيت حطام

هوه كال هييج ولزمه ضرار دفعه منه وعاط:- لااتتستقوي عليه انه جيف انت اكبر مني ماسترجي اجاوز عليك

اتقدم عليه ضرار:- يالله بالله شلون تجاوز

رضوان:- يمعودين وخرو حَــتى نسيت اسلم على الفصمه

دفعههم واجى كعد كدامي:- دشوف طلايبهم يخلون واحد يتصافى

جاي نحجي ودخل درغام يضحك:- اكلك ضرار

ضرار:- خير انشالله

درغام:- شسوي لو أحد راد رهف من هسه

نتر وحجى بعصبيه
ضرار:- وروح ابوي ماخلي بكاعه

درغام:- ال حطام كلها تحب وتعشك جا ولدنا وحد

ضرار:- تسكت لو شلون تراها طفلهه ولاسمعها هالحجي

ضحك حيدري بقوه وحجى
حيدري:- دواره دواره يادنيا دواره ههههههههه

رضوان:- ربك مايفوت عمايلك لو نسيت سيرين وهيه بالمتوسطه ومخلي عينك عليها جا ماكلت طفله

ضرار:- وتالي وياكم راح اكوملكم بالعوجيه مال حجيه

سيرين:- عووفكم من بنتي مانطييها لاحد اريدها تخلص دراستها والي يعجبها تختاره

ضرار:- ببببنتي اشو بكيفكم تقررون

سيرين:- موبس بنتك وبنتي ههم

عاينلي وضحك بخفه عضك شفته وخزرني
ضرار:- وانه بيا حال والدفان يغمزلي

حيدري:- والله وبهالجمعه شرأيكم اجيبن أيلي

رضوان:- صدك شخبار حملها

حيدري:- مدري ياعار محبلها واجتني مبيضه أكيد من عفتها يم صديقي هم عده كم واحد زايغه عينه واعتدو عليها

بسول:- الله يسود وجهك اكتلها واغسل عارها

حيدري:- أكتل أوس بمكانها فده لروحها وماكتلها هاي العزيزه انه كلما اعاينلها أشوفن مرت الغالي همين نفس الفصيله ونفس النسل
بس ايلي سمها مايموت مرت الغالي هاي سمها يهلك

سيرين:- على فكره بسمارك طخ بخشمي ماكو داعي تلمح

ضرار:- وتالي وياك وين أكو مثل حيتي

سيرين:- ضرااااار

ميس:- ههههههههههههههه بس جايبها صح ايلي أصفر باسود وسيرين هم شعرها اصفر باسود خوش تطبيق

سيرين:-خوش تطبيق موو وووخرو

كمت منهم ولزمني ضرار من ايدي وحظني كدامهم ضحك وحجى:- انه مثل حيتي ماكو مسربتتني ولكم

حيدري:- شو مكظينها محاضن كدامي وين مرتتي

سيرين:- ههههههههههههههه

:- لحد هسه اوضاعنا مثل ماهيه وكلشي تمام حياتنا ماشيه وهادئه نوعاً ما
مطيه وقتي لبناتي وضرار

ميس وجنوب اوضاعهن مستقره وي رضوان وانمار وي اولادهن وعيالهن
اما غيد هيه وبسول مثل توم وجيري يومهم ميمر بدون مشاكل بس ورى شوي يرجعون عادي

مياده استقرت ابيتها ودائما على تواصل وياها واذا رحت لاهلي تجي يمي وخاصه انو صارت منا وبينا وايهاب صديق لابوي وصار يتشارك هوه وزكريا بشغلهم وعلاقتهم حلوه

اما اهلي علاقتهم رجعت وي ال حطام احسن من قبل امي مستمرين بفحوصات روتينيه گــل شهر للتأكد من صحتها وحالتها بخصوص المرض مع انو انتهى وراح بس للتأكد مراد ومرتضى ملتهين بمدرستهن وليال  صارت بالمتوسطه حبيبتي كبرانه

بدر من بعد زواجه سافر للخارج وهناك مأسس شغله وباخر فتره يكولون مرته حامل وممتأكدين اتصاله ويانه قليل وغالبا مانعرف اخباره بس بوقت عطلته يرجع للعراق
أما ازان لحد هسه مازوج ومكظيها سفرات وونسه وطبعاً ونسته واتصالاته وطلعاته وي البنات ماتخلى

ملك بنت انور كلش مستقره ماشيه بحياتها ومدرستها وحيدري قايم بكلشي تحتاجه وممقصر وياها بشي

:- خلصنا غدا وكلنا كعدنا بالاستقبال ملتمين والضحك والسوالف ماليتنا

شوي واشوف بنتي ريحانه أجت تركض ختلت وراي واجت مالكه وراها انطتني ذيج الخزره وتنافخ من العصبيه خلت وراحت
اجت كعدت بحظني وباستني :- خير ياستار شمسويه

ريحانه:- ماتلج تتحلين مني
(ماكلج تزعلين مني)

سيرين:- لا انت بنتي الحلوه مازعل منج

ريحانه:- تمعتها تحلج تيرين التحبه تحتلها مكيته التحبه

(سمعتها تكلج سيرين ال** صحتلها مالكه ال***)

سديت حلكها وخزرتها همزين محد يفهم كلامها:- عزاا منو معلمج تحجين هيج

ريحانه:- بابا يتول لاتحلون احد يتحي على امتن اليتحي عليها رتنه

(بابا يكول لاتخلون احد يحجي على امجن اليحتب عليها ردنه )

سيرين:- اااششش عيب لاتجاوزين على الاكبر منج ااصبرلي اابوكم راح يفسد أخلاقكم

ريحانه:- بابا العلو لاتحتين عليه اتله عليج

(بابا الحلو لاتحجين عليه ترى اكله عليج)

نزلت من حظني ولزمتها ولااكدر لوكاحتها ولسانها خايفه اذا تكبر يمكن تهجج ال حطام كلهن نوب يكولون سيرين ماعرفت تربي اصبريلي يالفصمه

ريحانه:- عوفيني ماحافن الا اعفها

اعاينلها متعصبه الخدود حمر وتخزرني عافتني وراحت هالكدج ووكحه وفوكاها يكولون وكحات عليج عمي وين انه اجي بوكاحتها تبيعني وتشتريني هالفصمه

راحت مني وكمت شلت رسل ورحت حَــتى اغسلها واسمع مالكه وزها يسولفن كلامهن أحسه مثل السجاجين ويطلعن بكلبي خليت ورجعت والصخونه احسها صعدت لراسي معقوله الحقد هيج عامي عليهن ولايوم اتذكر أذيتهن لو مسيتهن بحجايه دوم كافه شري وعلى كد السلام وياهن

لليل رجعنا وانه ماطايقه الدنيا ضرار لاحظ ضوجتي وزعلي ماحبيت اضوجه وياي ومشيت الامور طبيعي اتفقت وياه يوديني لاهلي صار هواي مرايحتلهم

:- الدنيا عصريه ضرار طالع والبنات برى كاعده انظف بالحديقه وماشوف غير بناتي دخلن يركضن
ريحانه ركضت كبل جوا ورهف اجت وراي واشوف ادم ابن ضرغام عصبي ويخوزر
ادم:- عمههه ماصيحين برهف شطولها وطالعه بليه حجاب وفوكاها تكمز بنص الشارع

رهف:- موشغلك لاتدخل بيه

خزرتها:- ماما عيب اكبر منج

رهف:- يووم حسره عليه وطلعت يجيني لبسي حجاب لاطلعين لاتلعبين وي هذا ولاضحكين وي ذاك ااااوف ترا زودتها يجي بابا واني احجي ويااه

جتفت ايديها ومبرطمه الدمعه باقي شوي وتنزل
طلعت ريحانه شافت اختها مغندبه وغندبت وياها
ادم:- انـتِ الثانيه شبيج نوبه

ريحانه:- موثغلك لاتثيح على خختي(اختي)

راح وكف كدام رهف ويخوزر بيها
ادم:- عيب هالطولج وبنص الشارع جدام الولد تكمزين

رهف:- مويمنه همه وواكفه كدام البنات

ريحانه:- مويمنه واحفه ادام البنات

ادم:- اسكتي أنت الفصمه الثانيه

:-عفتهم ودخلت كل مره هيج يتزاعلون ويتصالحون
جانت رسل نايمه ع القنفه ومطلعه افلام كارتون شافتني وتأشرلي بيدها حتى اشيلها:- اااوي فصمايتي شو بالله وريني اسنانج

ضحكت واسنانه الاماميات بينن هسه يالله اسنانها بدن يظهرن وحسره عليه اضوجها لو شي ونبتتهن بيه شلتها ورحت اخذت مبايلي اتصلت عليه رفضه ورجع اتصل

ضرار:- هـــا سربوت

سيرين:- شويب شو تأخرت

ضرار:- اي حبيبي شوي واجيك

سيرين:- اممم موتتأخر ترى مشتاقين

ضرار:- هخخ منك شكد مسربت تانيني شوي وجايك

سيرين:- ههههههههههااي باااي

ضرار:- الله وياك يالمسربتني

سديته منه وطلعت برى جانن كاعدات بالمرجوحه ويبسبسن :- ماما شوكت نروح لبيت جدو

سيرين:- هسه خابرت ابوج شوي ويجي

رهف:- اي كايمين نبدل

سيرين:- ملابسكم رتبتها تلكوهن ع السرير ولاتعوفن الحنفيه مفتوحه

اجن يردن يدخلن جنت واكفه يم الباب
ريحانه:- وحري لاعفج

سيرين:- شكد متوكحه يربي

راحت هيه واختها وانه كعدت بالمرجوحه ورسل يمي
شوي وسمعت دك الباب كمت فتحته اله جان التعب باين عليه وحاله مبهذل :- تعبان

ضرار:- يمج يروح التعب

دخل جوا وانا رحت وراه

سيرين:- اممم

ضرار:- ااحجي الي بكلبجج يبوي لاشلين حالي

سيرين:- ع اساس متعرف مومتظرتك حتى توديني لاهلي

ضرار:- رجال تعبان كاتله الحصاد تتلكيني هيح

سيرين:- اااوي والله يالله اركصلك تريد

ضرار:- اذا بيها مجال اركصيلي شفتج خوش تركصين

سيرين:- ههههههههههاااي تعال حبيبي وعوفك من هالسرابيت

- عفت رسل يمه وهوه صعد يبدل حضرتله الغدا
وانه صعدت فوك حضرت نفسي
ولميت أغراضي خلصنا كلشي ورحنا لاهلي اول ماوصلنا اشوفهم كلهم ملتمين بالحديقه وكعده العصر ماكو احلا منها
ريحه الجاي الي تعط منه ريحه الهيل أجدادي واهلي وولد عمي ونسوانهم واخواني سوالف وضحك
مجرد ماشفتهم گــل هم اتلاشا من روحي

راحن البنات يركضن اللهم ضلينا كاعدين شوي وضرار شوي وراح هوه وزكريا
اخذت اغراضي وصعدت لغرفتي فتحتها مثل ماهيه

اغراضي من انه وطفله كنتوري خشب من القديم وجربايتي ام النفر جددتها بس بقيت كلشي على حاله ماغيرت بيها شي كلشي يخصني على حاله
ملابسي العابي صوري من بعد ماتركناه محد فتحه بس نص الاغراض جانت الفيران ماكلته والتراب معبيها

عفت اغراضي ونزلت جوا رهف كاعده بحضن ابوي علاقتها بيه كلش قويه يمكن حتى اقوى من علاقتها بأبوها وريحانه ورسل كاعدات يمهم
رحت للمطبخ لكيت امي تطبخ حظنتها من ورى وبستها

نهايه:- هـــا يمه

الضحكه شاكه حلكها والحنيه الي بصوتها
ماليتني:- شجاي تسوين

نهايه:- جاي اسوي حلويات للبنيات

سيرين:- عوفيها من ايدج انه اكمل

نهايه:- امشي بنيتي ارتاحي هنه يحبنها من ايدي ومتعوده كلما يجني اسويلهن

سيرين:- فدوه لكلببج

خلصنا ورحنا كعدت بصف ابوي حاظني بثنين ايديه ويبوس براسي السبحه بايده ويمسد على راسي
مابيوم لكيت بحنيته ولالكيت براحتي يمه ابوي مختلف ومعزته تختلف عن الكل شما اوصفه ماكو كلمه ممكن توصفه

بناتي محاوطاتني واخواني كاعدين وامي يمي كظينها سوالف وضحك ولاحسيت بالوقت وياهم

شوي وسمعنا دك الباب سمعت صوتها كمت رحتلها اول ماشافتني ضحكت واجت حظنتني وباستني
مياده:- بـعد روححـي خاايبه مشتاقتلج

سيرين:- والله انه هم بس ملتهيه كلش

مياده:- خايبه دوخري جا تعوفيني واكفه

دفعتني بخفه ووخرت هذا اسلوبها ماتبين حبها ولاحنيتها راحت سلمت على اهلي وكعدت وجهالها خبصو البيت وي بناتي عفتهم يلعبون واحنه صعدنا لغرفتي

راحت تمددت على الجربايه وتمددت بصفها
مياده:- هواي حجي بكلبج سولفيلي

سيرين:- ماعرف شسولف

مياده:- الي مضوجج

سيرين:- العالم والدنيا والي بيها

مياده:- شبيهم ؟

نزلت دمعتي مسحتها بسرعه وحجيت
سيرين:- مايخلوني اعيش كلما اعاين ليكدام الكاهم يذكروني بالماضي كلما احاول اتناسه واعيش حياتي طبيعي يذكروني بالماضي
شبيدي علييهم جاي يأذوني بكلامهم شكد ماكون قويه واتخطا بس كلشي واله حد
انه شذنبي كليلي شنو الغلط الي سويته حياتي ماعشتها مثل البنات كظيتها من عمري 19 ولحد هسه لاحكيني

سمعتهن يكولن فوك ماجابها مثل الفصليه ودك ضرب واهاين وباقيه وياه لاحساس ولاكرامه وحظها كاعد بيت بحدها والذهب يتلت بايدها

:- كلت اخر كلمه وشهكت بالبجي
موبيدي شفتي الي صاار انه لو عايفته جان كلبي وكلبه انكسر
يعني غلطي انو سامحته وبديت من جديد وي زوج وبيت وعائله وبناتي ؟

حظنتني وتمسد على راسي
مياده:- الغلط موبيج الغلط بيههم وانه متاكده لو عايفته هم جان حجو عليج ولو باقيه وياه هم جان حجو عليج العالم ماترضى لابالزين ولابالشين

سيرين:- تحمملت كلامهم والله ماكدر اتحمل بـعد مايخلوني اعيش بسلامه

مياده:- ربج يجاازيهم التهي برجلج وبناتج ومعليج بيهم انـتِ راضيه بحياتج ومامسويه غلط
لاضوجين ولاتتكدرين خلييهم بقهرهم وداعتج ماكدرو يوصلون للي انـتِ بي وجاي يسقطونج بكلامهم

كراامتج رديتيها بيوم ازوجتي بشروطج وموافقتج ومشيه على طول الشارع گــل بنت تتمنى مثل مشيتج وفوكاها حببه الج يضااهي الكل وبيتج معززة ومكرمه وبناتج مثل الورد عيشي حياتج واتعلمي تنطيهم الاذن الطرشه حتى تعيشين بسلامه

سيرين:- انشالله

مياده:- خااايبه شني دكومي انه ماحبن الهم والغم وخرري مني فلشتيني براسج يالعوبه

سيرين:- ههههههههههههههه فدوه لكلبجج تدريين شنو معزتج بكلببي مثثل روحي واااكثر احسج تسرين بروحي وااقرب الي من نفسي انه لو اضيع الكا طريقي يمج

مياده:- خييتي وانه ههم جا لوتفتحين كلبي وتشوفين حبج ومعزتج جا طميتي روحج

سيرين:- ههههههههههههههه ااي ااي

لليل اجى ايهاب اخذها وراح البنات نامن يم اهلي وانه سبحت ونظفت وصعدت لغرفتي مشطت شعري تعطرت وخليت حمره متعوده قبل لا انام اسويلي جو
رتبت الفراش وشغلت قران بالغرفه

سمعت مبايلي يدك رحت فتحته واجاني صوته
ضرار:- سربتيني بطولج وحركاتج بعيده عني بس اقرب الي من الوريد

سيرين:- حبيبي الشويب

ضرار:- روحـه افتحي الشباك وعاينيلي

لبست شالي ورحت فتحت الشباك اعاينله جان متجي على سيارته ويعاينلي أشرلي بايده وعلى قلبه:- شوكت تبطل توكف هالوكفه كلما اجي لاهلي

ضرار:- احبن اوكف هيج وكفه تذكرني بايامنا من جنا نلتقي ولحد هسه انه استرجع ذكرياتي وياج

سيرين:- شوكت تنسا

ضرار:- فصمه انه انسى روححـي ومانسى ايشي يخصج كلشي محفور بكلبي البال لو نسى الكلب ماينسى

سيرين:- اويلي على حبك

عااط بصوت وضحك
ضرار:- هخخخ يالمسربته كليبي

- ثارهم وبنت الفقير
تــــرانيــم هــادي ❤️

ولازالت حــياتهم مستمـره ....

لاتنسون تجون ؏ــلى الانستا
حنشرللكم ريلز يخص سيرين وبناتها 🥺😂♥️

حسابي الانستا ...
taranim.hadi