الثأر التاسع والعشرون
ثارهم وبنت الفقير
بقلمي_ترانيم هادي ♥️🕊️.
⇠────────────────⇢
لاتنسون تصوتون عالبارت حلويني
.
.
وتعاليقكم بين الفقرات لاتنسوها
.
.
ومتابعه للحساب ♥️🕊️,
taranim_09
ولاتنسن تجن على التلي نزلت صوره لضرير 😓😂.
_ ضرار... مشصابني انتي بحضني وردت اطلع هالروح من هالجسد
سيرين... ش شنو !!
ضرار... ماريدن كربج بس بنفس الوكت محتاجه ماعرفن شنهي الاريده منج ولااعرف البيه من وراج لوهذا بس تفكير
سيرين... ضرار بديت اخاف منك كلش
ضرار... ماعرف شلون اجذبج الي انه ادور على كل تفاصيلج الاريدنها الي بس ماجاي اشوفنها كلشي بيج عقلج وروحج وكلبج كلهن موالي ليش ؟
سيرين... لان باختصار انه كلي موالك ولاراح اصير
ضرار... قصدج الكـ*** ، ضرب على راسي نقرات خفيفه وأشر على كلبي ، لساج تفكرين بيه وبعدج تحبي
سيرين... وخرر زودتها شهل حجي
سحبني من شعري وقربني عليه
ضرار... ااااحجي بعدج رايدته وانه شني !!! هااا انه شني بحياتج
سيرين... احس كلامه مستفز كلش وجاي يشكك بيه ردت استفزه كتله ، انت ولا شي بحياتي
_ خفت كلش من سكوته عاف شعري ابتسملي بخبث ولزمني من رقبتي بخفه
ضرار... صار
دفعني منه بقوه وكعت عالميز اجى سحبني من ايدي واخذني للغرفه قفل الباب وعاينلي
سيرين... فدوه شدسوي ترا انت استفزيتي بكلامك
ضرار... هسه اشوفنج شلون يصير الاستفزاز
بدون مقدمات سحبني من رجلي ونامي فوكي احس نكلب وحش عليه
ثكله ذابه عليه وراسه برقبتي
سيرين... الله يخليك وخررر خنكتني
كام شك عليه الدشداشه وشمرها فحطت من البجي جواه وهوه ولاهمه
لزم ايدي ومقوي قبضته احسهن نكسرن بأيده
اعاينله عيونه حمر ويصب عرق
ضرار... اششش صوتج
شهكت بالبجي بخنكه وألم ردته بس يهدني
سيرين... يااابهههه وينننك ااالحكني
تقدم عليه عضني من شفتي وروحي ضلت تنازع جواه مثل الحايط وثابت مسيطر بقبظته على كل جسمي
بعد مني وانه اجر النفس بلكوا اريد الهوى يدخل لريتي
ضرار... لاتحجين حجي اكبر منج واعرفي عواقب الحجي التكولي كبل لايطلع من هالشفاف
وخر مني وانه تبندت من البجي صرت اشهك بصوت عالي
حزت بخاطري وانه بهالحاله
ضرار... كاااااافيييي كووومي ناااااااااامي
عاط عيطه خلسني خلس ،كووومي نامي كلت
سيرين... لاتعيييط عليه فاهم
ضرار... عيدي شحجيتي ؟
سيرين... ب بس البس شي
راح جاب دشداشه شمرها عليه وطلع من الغرفه
كمت للحمام وقفلته عليه خفت لايرد عليه
سيرين... يرببي فدوه ااحميني مالي غيرك
رجليه احسهن نشلن من الحركه كمت اتكئ على الحايط وامشي عاينت بالمرايه رقبتي مشوهه عالاخر
والدم يجري من شفتي غسلت وخلصت خليت اذني عالباب ماكو ولاحركه بالغرفه
رحت اخذت الدشداشه لبستها ورحت لفيت راسي جوا الغطه
كتلت روحي بالبجي حتى عيوني صارت تغوش
سمعت طكه الباب
خليت ايدي على حلكي حتى نفس حبسته شوي نشال مني الغطى
ضرار... ليش هالبجي!!!
سيرين... ابجي واشهك،ه هيج ابچي على حظي المزفت
ضرار... وتالي وي لسانج
سيرين... مالك شغل عووفني يله وخر
ضرار... بربوك كوا هيه
سيرين... انت البـ
حسيت هلى نفسي شردت اجفص خاطر هالمره صدك يكتلني بلا مايرفله چفن غطيت راسي خافن تجيني ضربه منه تنسيني حتى اسمي
ضرار... دخيلك ياعلي صبرني عليها
سمعت خطوات وطكطكه بالغرفه مدري شيسوي وهوه يحجي ومنفعل
ضرار... انه سـ*** اجيبن التعب لروحي فوكها جايبلي وحده ماكو بوكاحتها
سكت شوي وعاط ... ولد الكـ** اتأخرو يردوني اكعد اتانيهم شوكت يشرفون وينـ*** براحتهم
وخرت الغطى عاينتله جان اكو اوراق بيده لزم مبايله
سمعت رنه المبايل عافه على الميز وحجى
ضرار... وين وليت
هتان... هلا يولو وين رحت
ضرار... ببغداد
هتان... شسوي ها جاي عالحلوات عجل شبيهن بنات محافظتك
ضرار... نجب لك لاتضل تظ*** وين الملف الكتلك دزلياه
هتان... دحك عليه يولو انا جنت رايد ادزو الك بس مازن كال انا راح اخذو
ضرار... هالسـ*** مالكيت غيره
هتان... مالي خلك تتكاون وياي عجل هذا الاسمو مازن شغلو بس يكغض ورى البنات
ضرار... شوف هسه بيا زاويه تلكا ***
هتان... يووولو شو انت ماتكظب لسانك
ضرار... روح مني احسلك لاانزل عليك وباجر انتظرك
_سد منه المبايل وعاينلي بسرعه غطيت راسي
شوي واجى يمي الغطى على راسي وهوه حضني
سيرين... والله اااشو انت ناوي تكتلني وكلشوي خانكني
ضرار... سربوت سد حلكك خل انكبر
سيرين... انكبر مالي شغل بيك
وماحس غير ضاغط على راسي وخانكني بالغطى وسحبى مني
سيرين... لاااعبالك تخوووفني انه لوبضخامتك وبقوتك والله ايدك جان كسرتها قبل لاتمدها عليه
ضرار... اي اعرفنج وكحه وعرمه
سيرين... اي انه وكحه وعرمه هذا هوه معاجبك وخر مني
نفخ بعصبيه وعاينلي بخزره
ضرار... دخيلك ياعلي انه منين اجيب الصبر شلون اكرهن وحده عرمه ولسانها بطولها ولج وتالي وياج لسااااانج لاطولي
سيرين... لاااتعيط وانه هم اكدر اعيط بس اخاف على بلاعيمي تتجرح
_طكها ضحكه لدرجه حتى غص هوه يضحك وانه ابجي واشهك عباله اسكتله الشويب
ضرار... كافي ولج ليش البجي
سيرين... انه م مو ل لعبه عندك تصير وياي زين بمزاجك وراها تنكلب عليه
ضرار... اعرفن وحقج عليه انه غلطان
سيرين... حجيك مراح يفيدني بشي وهسه وخر مني اريد انام
دفعته درت وجهي وغطيت راسي خفت لايخنكي نوب وخرت الغطى
شذر...
كمت تسحبت على كيفي كلها نايمه والبيت ظلمه اخواني كلمن بغرفته
رحت للصاله ادور على مبايل امي اعرفها تشمره وماتسأل عليه
دورته لكيت بين الكوشات اخذته ورحت لغرفتي قفلتها خافن احد يجي
سجلت رقمه وتصلت عليه رفض المكالمه ورجع اتصل
زكريا... يهلا بوريدي
شذر... هلا بشرياني
زكريا... اشتعلت عشيرتي شحبج
شذر... ههههههه بطل غزلك المعوق
زكريا... بويه دعوفيني اشعل عشيرتي وعشيرتي هسه لا احنه مرتاحين من ورى مشاكلهم ولامخلينه نشوف رزق الله
شذر... ااصبر لاتستعجل على رزقك
زكريا... تكلي اصبر وانه ط*** احترك
شذر... وتااالي ليش تفشر
زكريا... مالي شغل كله من ضرار الس*** عودني عالفشار
شذر... موحلو هيجي ضرار اذا يفشر يشطح عالترابي بحيث الفشار ماعرف منين يخترعه
زكريا... هههههههههههه چا شعبالج هوه هالكـ** هيج يصير انه ماكاتلني غير البت بعدها عده وفوكها مترهي هيه مرته
شذر... دامها مرته مالنا شغل بيه
زكريا... ولج شني مالي شغل چا تردين اعوفن بت عمي عده وهوه جايبها سحول من ابوها
شذر... اشبيك تعيط اهداء
زكريا... هخخخ لو مارفيجي بس اعرفنه الس*** راديها من زمان
شذر... ليش ماتقدملها اذا جان رايدها
زكريا... بوكت اختفى عمي عبالي ضرار هوه ورى الصار بس الفاجأني بوكتها جان مسافر من كتله رد وحجيتله عالصار ويوم الي لكو عمي طايح العار ومأخره عالرجعه اثاري حاجزه يمه
شذر... وليش سوا هيج على ماعتقد حتى ينتقم من ابوها
زكريا... لا عبن ضرار موجاهل حتى يعاقب البت على شي موذنبها اهلي لو دارين هوه خاطفها
راح صير دمايه مالها تالي ومنها سمعه البت تصير بطين بين الناس
خليت ورحت للحله مناك لكيت عمي صايبته جلطه وعايلته حالتهم حاله ردتهم يحجون شكو شصاير عرفت ضرار الس*** سواها واخذ البت
شذر... وين وداها من اخذها وشسوالها !!!
زكريا... من كالولي ضرار ورى السالفه عفت ورديت للناصريه خفت لايتهور ويسوي شي كالولي مسافر
اروح وارد يكولون مسافر وانه ماخليت شبر بالناصريه والحله يعتب عليه
سبع اشهر ضرار ماله اثر بالناصريه وادكن عليه ماكو طلع من ماخذها عاقد عليها سيد ومحكمه
ومن جابها لاهله يالله دريت جان مخليها بغداد
شذر... سبع اشهر هيه يمه وابوها ليش ماحجى
زكريا... انه وابوي جنى دوم نروحله الرجال تعب كلش راد يبوس رجلين حتى يردوله بته صار يجي ويانه للناصريه ويدور هوه بروحه جان كلما يريد يروح يم صوب الحجي ابوي جان يمنعى
ليش مابيوم ردينا لكينا صايبته جلطه بس عدت على خير طلع ضرار العار دازله عقد بته
شذر... هففف دخت والله هالضرار احسه مجرم سفاح وين اكو واحد هيج يسوي لاوبحده فر العالم فر وفوكها مخطط لكلشي بحذافه وتدبير
زكريا... هوه سالفته دوخ والسواه مايدخل العكل اخذها بطريقه كلش غلط وبالاخير هوه الي راح يخسر
شذر... شنو قصدك !!!
زكريا... اول وتالي البت مرجعها لاهلها ماضل يم ضرار
سيرين...
كعدت الصبح بس اني بالغرفه عاينت للساعه ب١١ الظهر
موعلى اساس نرجع اليوم هففف
كمت من الفراش رحت غسلت وطلعت للصاله فارغه
سيرين... وين راح ؟؟
طلعت للطارمه الجو يخبل رحت افتح الباب مينفتح عرفته مقفول
رجعت سويتلي ريوك ورجعت تريكت وخلصت رتبت البيت ونظفته
صارت بـ١ سويت غدا انه موكلش بالطبخ بس سويت نواشف
خلصت ورحت حتى اسبح للاربعه العصر يالله اجى ضرار
وانه كضيتها افتر بالبيت لوكاعده بالمرجوحه البرى حتى مليت من الفر
اول مادخل اجى باسني موقف البارحه حاز بخاطري ووجهي عليه ثكيل
ضرار... شلونج
سيرين... زينه
ضرار... سويتي ماسويتي
سيرين... ماسويت شي
ضرار... هخخ امشي بدلي حتى نرد
سيرين... هسه ؟؟
ضرار... اي
سيرين... حيصير الليل وانت تريدهسه
ضرار... اي احسن
_عفته ومشيت احضر نفسي رتبت الملابس ولميتهن والاغراض
ورحت ابدل خلصت وطلعت لكيته يخابر تجاهلته ورحت خليت مكياج خفيف ولفه الشال شمرته باهمال
ضرار... ها خلصتي
هزيتله راسي ومشى اخذ الاغراض ومشى شوي ورد اشرلي امشي
الدنيا جانت ستوها جاي تغرب طلعنى واحنى طول الطريق ساكتين
يحاول يفتح موضوع بس مانطيته مجال خلص تعبت يعربد ويضرب ويرجع كأن مصاير شي
الطريق طويل وملل كلش نفوت من سيطره لسيطره لدرجه حسيت راسي صار طبل من الدوخه
سيرين... نطيني مبايلك
ضرار... شسوين بيه
سيرين... اريد احجي وي اهلي
خزرني ودار وجها شمر المبايل بحضني وهوه يسوق حتى ماعاينلي تفأجات عبالي راح يرفض
جان مبايله من هذن الحديثات لمس حتى ماعرف استخدمه
اخذه مني طلع رقم وانطانيا رن شوي واجاني صوت
رجـلاً جعلـني فتاه مدللة رجُـل لامثيل لـه
سيرين... يابهه
جابر... ريحانتي
_شهكت بالبجي وهوه يبجي ويحجي
شحالج يبعد روحي خفت اموتن وانه اضل بحسرتج شلونج بويه أمذينج يسمعوج حجي من وراي
سيرين... بخيرر يابه محد مأذيني وكلها زينه وياي
بالربع ساعه احنى بس نحجي مكدرت اجاوبه الشهكه بكلبي والغصه بلعومي
جابر... سمعيني حسج وطيبي روحي
سيرين... ل ليش لحد هسه عايفني شوكت تجيني والله ميته عليك يابهه انه بنتك اتعاقبت على ذنب موذنبي انه ج جان هسه لازم بكربك وبحضنك
غصيت بشهكتي وماكدرت اكمل
جابر... بويه كله من ايدي ريتني ميت ولا هسه حالج من وراي وداعتج مكسور بدونج شمعتي من بعدج انه حالي اظلم
سيرين... فدوه اروحلك لاتحجي هيج انه بيك سانده نفسي ماتنكسر ولايجي يوم تنكسر دامني عايشه انه لساتني شمعه بحياتك مراح تنطفي
_عالنص وطفى المبايل
ضرار... خلص شحن
_نطيته المبايل وكعدت ابجي كلبي تعب من البجي وهوه عايفني حتى ماحجى وياي
وكف السياره نص الطريق
ضرار... ابويه انتي كافي بجي
سيرين... اريد اهلي وابوي
_سحبني من راسي وحضني ضليت ابجي وهوه يهدي بيه وحاضني
وخر مني نزل من السياره واخذ وياه بطل مي اجى من جهتي فتح الباب وسحبني من ايدي
غسل وجهي ورجعني اجى صعد جان اكو خاولي صغير مخلي اله اخذه ومسح وجهي
ضرار... سربوت فحطان من البجي وتريد ترد
سيرين... اي اريد ارد لاهلي
تنهد وحجى بعتب
ضرار... ريحانتي اذا اجى شي يوم الله لايجيبه
سيرين... شنو !!!!
ضرار... اجتج فرصه حتى تردين لاهلج تعوفيني وتتخلين عن كربي ؟
سيرين... وانه متانيه هاليوم بفارغ الصبر
_ضل يعاين عليه تفاديت نظراته دار وجهه اخذ جكاره ونزل
اعاينله يدخن وداير ظهره عليه خلص واجى صعد بدون مايحجي
_نص الطريق ونزل يجيب عشى ووياه اجى جايبلي جيس حلويات جان اكو مطعم وبصفه محل جبير
انه فاهيه بالاكل كلش اللكمه اضل ساعه اعض بيها
كعد يسويلي لفات ويطيني كضيت الطريق كله اكل من الحلويات
وهوه كلشوي يكول لاتكثرين
لويييين يالله وصلنا كلها جانت نايمه والبيت مابي ولاصوت كلمن بغرفته
جاب هوه الاغراض صعدهن للغرفه وانه اخذت ملابس ورحت اسبح
اول ماطلعت راح دخل يسبح الاغراض عفتهن مابيه حيل ارتبهن
مشطت ورحت لفيت راسي ونمت شوي وحسيته اجى نام حظني من ورى وراسه دافنه برقبتي
مابيه حيل اجادله وبنص الليل نسويلنه عركه نمت وماحسيت بالدنيا طشت لورشت
_ماكعدت غير واني شعري يتهلس رهف كاعده فوك راسي تجر بشعري وتعض بيه
وضرار يضحك ويشجع بيها
سيرين... اااوي شهل وكاحه من صبح
سحبتها من راسي كمت وشمرت نفسها بحظني
رهف... امه ثينه
سيرين... اافيش ياريحتج ، حظنتها بقوه وكان سنين هيه مويمي
ضرار... تعضعض وتبوس وانه معيشتني بجفاف
سيرين... بنيتي وبكيفي موزين اخليك تحظني
ضرار... هخخخ يبربوك
سيرين... هفففف لاااتفشر
ضرار... اتي عكلج وينه تراها موفشار
سيرين... مادري احسها فشار
عفت رهف يمه وكمت غسلت وبدلت
ضرار... امشي ننزل
شال هوه رهف ونزل قبلي ،نزلت البنات جانن كاعدات بالصاله والبقيه بالاستقبال
شافني وركضن عليه
جنوب... خايبه شني جن سنه ماشايفيج
اجت مياده جرتني من شعري وحظنتني فحطت من الضحك على حركتها
مياده... خايبه دوخري صوجي انه احظنج
سيرين... هههههههههههه وليش جريتيني من شعري
مياده... جا انه ادري البارحه شفت مسلسل اجت حبيبته مدري مرته رادت تروح اشو لزمها من راسها وحظنها
ميس... هههههههههههه واجيتي طبقيها يمنا
مياده... وخر خايبات تعالن نتريك
_رحت سلمت على البقيه ورجعت سويت الجاي ووديته وكعدنا نتريك اني والبنات ولكعده متخلى من سوالفهن وضحكهن
بحيث صوت للضحك عالي كلش وهمه كاعدين بالاستقبال الحلو انو لايسكتونا ولايقيدونا بالعكس يضحكون لضحكنا
_شوي واجى ابن درغام واخته ادم وحوراء وبت انور وياهم ملك
ضرار... ها لك ابن العار شلونك
راح ضرار الهم باسهم ووخر
ادم... الحمد لله عمو
ضرار... وينه ابوك
ادم... ابوي طلع للشغل عمو وينها رهف
ضرار... ولك موجن جياتك كثرانه ودومك تسال على بتي
سيرين... ضرار شبيك وي الطفل عوفه
ادم... عمه انه موطفل ماشوفيني زلمه
_بسته من خده وكمت
سيرين... فدوه اروح انه ههههههه
ضرار... البربوك شو تبوسين براحتج
سيرين... بزععت من لساانك يرببي
راحو دخلو جوا واحنى بقينا واكفين
ضرار... انه حروحن للشغل
سيرين... اي روح
ضرار... بعدج ضايجه !!
سيرين... مومهم
_عفته ومشيت جوى
مر كم يوم وانه نفس موقفي ابد مانطيته مجال ودوم اتجاهله وهوه من يشوفني هيج يشيل روحه ويركعها
حتى يتعلم موكل مره يجرح ويداوي موانه الي اضل كلساع يكفخ بيها ويرد يصالح براحته
ورى كم يوم سمعنا حددو عرس ازان وجنوب كلمالها حالتها تتنكس بحيث مره صعدت لغرفتها فتحت الباب لكيتها متوجهه لصلاتها تبجي وتدعي
جنوب... يااارب دخيلك طلعه من كلبي اجبر بخاطري وريحني من الكاعد اعيشه شيل حبه من كلبي اريد اكرهه اريد انسااا راح ياخذ غيري وانه الي متعذبه
ربببي انه يتيمه واما الايتيم فلا تقهر خلاني احبه واتعلق بيه
خاني وخذلني انه ماراح ادعي عليه ولااكولن شي يضره
بس ادعي الله يسعده واريد تريحني وتجبر بخاطري
_صارت تبين نفسها قويه بس اعرف البداخلها وشكد هيه مكسوره ومتأذيه
اما مياده سالفتها سالفه ايهاب كلما يريد ينهي علاقته خوفا عليها لاحد يسمعها تحجي وياه لوضرار يلكفها
حالتها تنتكس اكثر واكثر اعاينلها تتحرمص عليه
تكلي ... ولج سيرين انه روحي بيه هالروح من تروح اضلن بس جسد
_جمعتها هيه وياه صعبه كلش وخاصه هيه مزوجه
اما انه حالتي ماتقل سوء عن حالتهن اشتياق وغربه
تعبت من البجي كلش اكوم واكعد وانه ادعي ربي يجمعني بأهلي شي يوم
عرس غيث تحدد ورى عرس ازان اما رضوان مرا يجيني بحده ومرات هوه وانمار
يطمنون عليه ويرحون اعاين لرضوان كلماله يذبل السواد محاوطه وبس يذب حسرات الجكاره ابد متوكع من ايده
_بليل خلصت شغل وصعدت لغرفتي سبحت ولبست برموده كلش حلوه عليه طلعت
وشعري سويته ضفيره راخيه دخل ضرار للغرفه تجاهلته وهوه ضال يطكطك بالاغراض
ذب حسره ومشى يسبح ،شويب ضلك هيج متحرمس
شوي وطلعت وانه واكفه كدام المرايه اخلي بالحمر وامسح الوانهن بارزه كلش
بس عجبتني وحده لونها ماروني كلش حلوه خليتها واجى ضرار وكف ورايه عود يريد يشمط
اخذ المشط ووكف يمشط وخرت منه سمعت بس شمره المشط عالميز
اجى عليه سحبني عليه بحيث مايفصل بينا ولاانش
سيرين... ممكن توخر
ضرار... حضلين هيج !!!؟
سيرين... مفهمت
ضرار... تفههههمين كلش زييين
سيرين... لاتصيح بوجهي
ضرار... استغفرالله ربببي
سيرين... اذا خلصت وخر اريد انام
ضرار... سيرين ماتعبتي من مجافاتي لحدمن ضلين هيج
سيرين... لحد ماتبطل تكفخ وتعربد وانه لازم اتقبل بكل رحابه صدر بطللللل اسلوبك وبطلللل تعاملني وكأن عندك فصليه عياااطك وضررربك تكعد تحضن وتبوس تضرب وتداوي كلهذااا ولازم اضل ساكته واتقبله منك العلاقهه لازم يكون بيها احترام وتفاهم حتى تستمر انت احتراااامك تجاهي ممحي واي تفاهم ماعندك
اذا ضليت هيج انه مستحيل اتقبلك لوااقبل نفسي بحضنك احترامي وكرامتي اهم منك ومن هالزواج وباسلوبك انت تكدر تكسبني وتبعدني عنك
ضرار... كلهذا بكلبج عليه هذا هوه التردي يجرالج
سيرين... انه ماريد بس حجي والي بكلبي عليك هواي لاوحده ولاثنين
ضرار... بس خليج يمي والتردين يصير
سيرين... وانه شنو موقعي بحياتك ها !؟؟ عندك وحده ومثل متكول ماضل شي وتحصلها
ضرار... شني تغارين ؟؟
سيرين... لا ماغار
ضرار... هالكلب ماسكنته غير وحده والروحه ماخذتها غـير
سيرين... غير منو ؟؟؟
_عض شفته وعاينلي لزم وجهي بكفوف ايديه الضخمه وباسني بقوه وخر
ضرار... غيرج
سيرين... ها شنو
_ رجع باسني من رقبتي و لمساته بدت تتجرأ اكثر
مانمت غير وهوه حاظني بقوه
_ثاني يوم عمتي بديعه وبدور ومياده راحن حتى يجيبلنا ملابس
مرحنى وياهن لان اصلا انه مشتريه بس هنه اصرن يجيبن
العرس سوو بيت خالو رسلان كلما يقرب العرس وانه اخاف اكثر من جهه جنوب ومن جهه ثانيه رضوان
بيوم الحنه حضرنا نفسنا حتى ضرار ياخذنا رتبت ملابسي وملابس رهف وياي بجنطه وحضرت احتياجاتي للحفله
مياده ماجت راحت يم اهلها
اجى ضرار وراي حضني من وره وباسني
ضرار... سيري
سيرين... ها
ضرار... ليش ماضلين انه اخذج وياي
سيرين... تؤ اريد اروح
ضرار... بربوك بعتيني
سيرين... ضراااار
ضرار... عيونه
سيرين... يله حنتأخر
ضرار... ابويه انتي ماريدن احد تاخذلج صور وضلي يم امي وعمتي ولاتردحين هواي
والي تحاجيج كلي لعمتي بدور تعرف شلون تصرف وياهن لوتكليلي
سيرين... ممم ماشي بعد اكو شي
ضرار... ماعدج غير الفستان الجبتي
سيرين... ليش شبيه ؟؟؟
ضرار... فاضح كلش
سيرين... لابس عاجبني كلش
ضرار... هخخخ من عنادج صـ*** يطلع ورجليج يضون يطلعن منه
سيرين... هوه هيجي ضرار والله عاجبني شبيك وهيه الحفله بس بنات
ضرار... اعرفن العيون حصير عليج
سيرين... هههههههههههه تغاار
ضرار... سمطتيني
سيرين... عاادي فدوه الي
ضرار... ضحكي شرايحلج
_صفن شوي وكان تذكر شي راح للكنتور فتحه ومدري شطلع واجاني
طلع حلقه من علبه سحب ايدي ولبسنياها
ضرار... جايبها من زمان وكلما اريد اطي الج طنكرين بوجهي
سيرين... وليش الاهسه لبستنياها
ضرار... حتى يعرفن اتي مزوجه
سيرين... اي
_نزل قبلي وانه اخذت الجنطه ونزلت كلهم جانو مكملين ومنتظرينا
اصرو الانروح بالسياره وهمه بيتهم كم خطوه علينه
اول ماوصلنا اتلكتنا مرت خالي مهجه تهوس وتهلهل وكابلتها مالكه وعمتي بدور ودنانير
خالاته وكرايبهم كلهم موجودين وكفت يم جنوب وهيه بلكوا مسيطره على دمعتها حتى ماتنزل وترجف
جنوب... هالفرحه لازم الي
سيرين... اهدي لاينتبهون علينه
_سلمنى عليهم احس حتى راسي افتر منهم
فتنى للاستقبال خالاته موجودات وكرايبهم كومه بنات
رحاب... هلا بسورها ونورها تعالي ليه جده
عفت رهف بيد ميس ورحتلها باستني وماوخرت مني ابد عرفتها شكد حنينه وكلبها طيب
باسمه... جده شلونج
سيرين... الحمدلله بخير
_ضلن كلهن يتسألن مني هاي ومني وعمتي تجاوبهن مرت ابني الجبير
وعرفو ضرار مزوج ثنين وانه مرته الثانيه
رحت يم عمتي كعدت شوي واجت مرت خالي ذاكر ووياها بنت تقريبا شوي بعمري
سلمت عليهن وكعدن يمنا
شذر... خافن ماعرفتيني انه بت ذاكر يعني بت خالج
سيرين... مشايفتج
شذر... اي صح ماجايه لبيت الحجي ولاملتقين وانشالله بالايام الجايه حنتعرف اكثر
سيرين... انشالله
شذر... كومي خنروح يم البنات
سيرين... لاعفيه ماعرف وحده بيهن ومن جيت ماشفتيهن شلون يعايننلي
شذر... ههههه خايبه كومي هسه اعرفج عليهن وشوفي
_رهف بقت يم عمتي ورحت وياها جانن كلهن كاعدات لمتهن كلش حلوه بس ولااعرف وحده بيهن
كعدت شذر تعرفني عليهن وميس وجنوب
يمي بس جنوب بالها مويمنا ابد والييسال نكلهم مريضه ومالها خلك
_للظهر اتغدينا وكلهن كعدن يبدلن ويمكيجن شذر اخذتنا لغرفه مابيها احد
هنه التهن يبدلن وانه كعدت ابدل لرهف حبيبتي جنها اميره لبستها بدله زركه بلون فستاني وهيه مدبدبه وبيضه تخبل طلعت
شذر سوتلها تسريحه حلوه ونص شعرها محلول حتى خفت عليها من العين جنت لابسه كلاده بيها عين وزركه لبستها الها وهيه تفتر بدلتها فرحانه بيها
انه كمت خليت ميس شسور بشعري هوه طويل ويرادله وقت نوب اجت جنوب وياها متت يالله خلصلته
كمت لبست الفستان جان طويل ومن يم الرجل فتحه على طول واردانه خفيف كلش ونفش
شذر... يا فلك باع الرجلين تضوي
سيرين... هههههههههههه مولهالدرجه
ميس... لويشوفج ضرار
شذر... مايهدها
سيرين... رتبت شعري عفته محلول والمكياج شذر خلتلي ونوب جابت عدسات اخاف اخليهن ودموعي دمعت من وراهن لعبت بحالي لعب والمسكاره سالت
رجعت مسحت المكياج ومكيجتني بس صدك طلعت حلوه بحيث العدسات غيرن ملامحي
والمكياج عبالك صالون داخله دخلت مرت خالو بشائر
بشائر... اللهم صلي على محمد يايمه چا اتي كوا جيبين العين الج
شذر... عروس طالعه
بشائر... والله احلاا
سيرين... شكرا
بشائر... خايبات حتى نسيت عليمن اجيت هاج يمه هذا ذهبج جابه ضرار يكول نسته
سيرين... ذهبي ؟؟؟
_انطتني الذهب وراحت جانن علبتين فتحت العلبه بتوت سته بيه وكلاده عليها اسمه ووياهن تراجي ومحبس
اخذت العلبه الثانيه جانت بيها ساعه ووياها المحبس وحجل كلش حلوات
شدعوا هالكد وليش جابه خاف موالي
لبست الساعه والمحبس مالها
والكلاده والتراجي مالبستهن البتوت احسهن هوسه عليه صير
نطيت العلب لميس حتى تنطيهن لعمتي خلصنى ونزلنا جوا لزمت رهف من ايدها انه واميرتي نمشي
عمتي تعاينلي وتقرا المعوذات صاحتني الحجيه حتى اروح يمها
سلافه... يمدهوره چا اليوم منيتج العيون كلها عليج
سيرين... هههههه غصبن عني طلعت حلوه
سلافه... يالغاكه استجني هاج
طلعت اسوار ابو اليره لبستنياه واسمعها تقرا المعوذات وتصلي
سلافه... لاتفترين اكعدي يمي لويم بديعه وغطي روحج
سيرين... اممم ماشي
رحت كعدت يم عمتي والبنات يركصن كلساع تجي وحده تريد تكومني واني حتى ماعرف اركص رهف يمي وتنفش بشعرها وتصفك
شوي وكالو راح يرحون كمت لبست الشال والعبايه تخردلت كلش ورهف بأيدي
ميس... سيرين ضرار كال بسيارتي تجن
سيرين... شوكت كال
ميس... قبل شوي
سيرين... اي ماشي
_كلهن طلعن وطلعت اني وجنوب وميس وويانه شذر
اشرلنا ضرار من بعيد على سيارته غطيت وجهي بالعبايه ورهف بأيدي ونوب لابسه كعب حالي نشل
صعدن البنات ورى واني يمه السياره مضلله عدلت العبايه والشال وهوه شوي واجى عاين عليه وبلع ريكه
ضرار... شطالعه ولج
شذر... احم نحنو هنا
ضرار... چا مترحن وي الوادم
ميس... طرده بنزاكه
شذر... باقين يمك منروح
ضرار... هههههههااي اي بويه ضلن شعليجن انتن
عاين لجنوب وحجى،بويه شمالج ليش تعبانه ووجهج مصفر
جنوب... مابيه بس شوي تعبانه
ضرار... متأكده
جنوب... اي
_هز راسه وشغل السياره ومطلع الاغاني مالنا خلك ابد وهالزواج من الاساس غلط
وصلنى وهوه يمشي ويوصي يريد حتى عيونا نغطيها خبصنا خبص
العروس جانت حلوه كلش بس الفرحه طافيه بوجها الهلاهل والركص مسكتت ابد
جنوب...
دخل متكشخ على اخر حبايه زين ماهمه حالي وماهمه كسرتي
راح كعد بصفها وانه روحي تحرمصت ضليت انازع من الألم
كعد يحنيها وانه متصنمه بمكاني كلشي انتهى وفقدت اخر ذره احساس بكلبي تجاهه
طلعنى وانه الدنيا طالعه من عيني البنات يحجن ويسولفن وياي بس انه بالي مويمهن
سيرين...
رجعنى ضرار لبيت خالو بدلت ملابسي بس المكياج مامسحته عفته
لليل يالله الولد التهو يحضرون للحنه مال شباب وضرار خابرنا حتى نروح
اخذت اغراضي ورهف تمشي كدامي جان ضرار وخالو ذاكر ورضوان واكفين بالحديقه يسولفون
رحت يمهم كضني خالو وباسني من راسي
ذاكر... شلونها بنيتي
سيرين... الحمد لله خالو
ذاكر... وشلونه ضرير وياج
سيرين... عاينت لضرار عكدلي حاجبه ،زين وياي
ذاكر... سيرين تضل يمي اليوم
ضرار... عمي شنهي مريتي ترد وياي
ذاكر... ولك وانه شنهي غريب عنها وكتلك تجي وياي اليوم عبن خالها وحكها تروح وتجيني
ضرار... سيرين راضيه بهالحجي
سيرين... ضحكت ولزمت ايد خالو،اي راضيه
رضوان... شفتها حتى هيه راضيه يله روح وباجر ترد وياك
ضرار... هذا هوه بس اليوم باجر ترد وياي
ذاكر... لاتحرمصني وامشي
ضرار... اي رايح بس اريدن احجي وياها
اجى عليه سحبني من ايدي واخذني على جهه
ضرار... بناتي شعدج ضاله
سيرين... هيجي وانه رايده اضل اليوم يم خالو
ضرار... براحتج بويه ديربالج على روحج
سيرين... ماشي
راح هوه راد ياخذ رهف وهيه نطت من البجي عليه
سيرين... عوفها يمي
ضرار... لا خلني اخذها تعبج
سيرين... اوي فدوه الها حتى لوتعبني
اجى نطانياها وهمس
ضرار... بربوك لاتتنعوصين
سيرين... بكييفي
ضرار... هخخ اكضج يولا
رضوان... يلههه شنهي لزكت
ضرار... امشي لك رادلك هينه
_راح ضرار وطلعت بشائر وشذر
شذر... شعجب رضى يفاركج
بشائر... وجج انه وتالي وياج
سيرين... هههههههه الله هادي عليه
رضوان... يله بويه تمشن اوديجن
شذر... اي يلهه
_اخذنا رضوان وهوه كلساع ينتر ويخزر جانو يحضرون بالحنه الاضويه والكراسي ماليه الشارع بيتهم قريب كلش بعد كم خطوه
وصلنى هوه وراح
بشائر... يمه اخذي راحتج البيت بيتج
سيرين... ماتقصرين
شذر... يمه من تبدي الحفله نصعد فوك
بشائر... وجج وين صاعده واخوانج اذا شافوج معلكه يشمروج من سطح
شذر... لا ميشوفوناا
_ اخذتني لغرفتها نطتني دشداشه وشال الاغاني بدت لبستهن عالسريع
وصعدنا فوك طفت اضويه السطح حتى محد يشوفنا
ضلينا نباوع اعاين للشارع مليان ناس من طول للطول
وكلهم يركصون وخابصين الدنيا
شفت حيدري اجى وبيده طبله يدك بيها ويركص وكابله انمار وهارون ودرغام علكوها علك للدنيا
بعدين راح هارون وماشوف غير وهوه شايل ازان على ظهره اعاينله الفرحه ماليته وجنوب بالظيم حالها
استمرو ساعات من الركص شفت من بعيد سياره رضوان طبكت ووراها سياره ضرار
نزل رضوان من السياره وبيده الاسلاح ....
_ يــــتـبــع . . . . .
والي عنده سؤال استفسار ايشي يجي عالنستا♥️,
حسابي الانستغرام :
taranim.hadi
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!