الثأر الثلاثين
بقلمي_ترانيم هادي ♥️🕊️.
_حبايبي اريدكم تتفاعلون دوسو النجمه وعلقو بين الفقرات حتى القصه تصعد
.
ومتابعه للحساب ♥️🕊️,
taranim_09
نزل رضوان من السياره وبيده الاسلاح طبكت سياره ضرار ونزل منها
همزين هوسه ومحد شافهم اخذ منه الاسلاح ودفعه بقوه
راح ضرار ودى سلاح لسياره واجى سحب رضوان
ومشو
شذر... شفتي ؟؟؟
سيرين... اي شفت
شذر... اخوي يحبها بس الحقيره حجتها ابوها جبرها ووافقت خايفه لاتصير مشكله بينه هوه وازان ويتخاربون
سيرين... لاانشالله ماكو هيج
شذر... اجى وبيده السلاح يعني شتتوقعين يسوي
_ماجاوبتها وضلينا نعاين حفلتهم تخبل وكلش تونس اخرها اعاينلهم دخلو لبيت جدي حيان
سيرين... وين راحو !
شذر... هسه شوفين
سيرين... تعبت خل ننزل
شذر... خايبه لحد هسه ماشفتي الونسه الزينه
سيرين... هذا كله وتكليلي بعدج ماشايفه
شذر... هههههه صبري وعاينيلهم
_صدك شوي وطلعو ولدنا نصدمت من شفتهم لابسين دشاديش والغترات
سيرين... يمممه باع الجمال
شذر... هههههههههههه ولججج والله يخبلون
سيرين... ولاشايفتهم هيچي
شذر... اي مودائما يلبسوهن
_اجى حيدري رافع دشداشته والغتره مخليها على كتفه والسبحه بيده بس صدك حلو طالع
اصلا ولاعرفته
رجع لزم الطبل واجى درغام بيده طبل صارو يدكون باحتراف
بلكوا ميزت بينهم كلهم نفس الهيئه والضخامه والشكل والاالوان الابسيها كلهن مقاربات لبعض
شتغلن النشرات وبدى الدبج وكلهم يهوسون ودبجه اهل الجنوب معروفه حركوها حرك
شفت ضرار ورضوان اجو كلبي وكع خفت لاصير مشكله راحو لازان سلمو عليه ووكفو يمه
شوي وبدون يدبجون حيدري ودرغام سوو حماس موطبيعي
اجى ازان سحب رضوان وضرار صار ضرار
شذر... كيك والله
سيرين... ضرار شكد حـلو
شذر... اي ولـج عايني حركاته محترف كلش
سيرين... والله احلاهم
شذر... خايبه دستقري
سيرين... هههههههههههه
_شوي ونزلنا جوى تعبنا من الوكفه نومت رهف نعست كلش ومرت خالو بغرفتها
ضلينا اني وشذر نسوي اكل وهيه سوالفها وضحكها تسوي واهس واصلا احنى تعشينا قبل لانجي بس الكعده ولاتحلى بدون اكل
لليل يالله اجى خالو ووياه انمار ورضوان
انمار... يههههلا والله اكولن اليوم الشمس طالعه بليل
سيرين... هههههه هلا بيك
رضوان... انه اروح انام تعبـان
_راح رضـوان واحنى بقينا نحضر بالعشى وانمار واكف علينه ياكل ويرد اليورى
سيرين... هفففف اذا تاخذ بعد مالك حصه بالعشى
انمار... ولج الساعه راح صير ب١ وتكلي عشى وفوكاها تكطعين عليه الاكل ياااحيف اي والله
شذر... ميفيد هالحجي موخلصت حتى الكباب اسوي وارد اليورى
انمار... يمممممه تعالي شوفيهن مخليات عينهن عالكبابايه الاحطها بحلكي
_اجت مرت خالو وتعاينله باستغراب
بشائر... ولك شني هذا صوتك كمزتنه عوفهن يسون الاكل لاضل واكف على روس الفرخات
شذر... هههههههههههه
انمار... انه صوجي عفت لمه الشباب واجانه ابوي يسوحل بينه جابني للمشعوذات صفيتي وياهن صاااار والله ولااكل وياكم
_عافنا وطلع من المطبخ عود زعلان ومطنب خالو ومرته نامو ضلينا بس احنى
رحنى فرشنا بالحديقه الجو حلو وصافي رتبنا الصينيه ووديناها
طلع انمار ويعاينلنا
سيرين... احم يله تعال اكل
انمار... مواخافن احط اللكمه بحلكي واغص بيها
سيرين... لاا يله تعال لايبرد وحتى تضوك طبخي
انمار... يله دامج لحيتي اكل كم لكمه
شذر... اي سحلت روحها عليك حتى تاكل هههههه
انمار... هم حجت والله الاافين حظج
شذر... وينه ابوي
انمار... اكعدي اكلي يله
سيرين... ورضوان خل اصيحه
_رحت لغرفه رصوان دكيتها يالله جان كاعد ويدخن ريحه الجكاير تخنك كلش
رضوان... هلا خيتي محتاجه شي
سيرين... اي تعال اكعد ويانه لاتعزل نفسك بهالطريقه وحابس نفسك بافكارك
رضوان... ماريدن انتو كعدو
سيرين... ممم لخااطري يله تعال
رضوان... هخخ سيرين تعبان كلش
_رحت كعدت بصفه وهوه مدنك
سيرين... سلامتك من التعب لاسوي هيچي بنفسك وخليك قوي الحزن مراح يفيدك بشي لويصلح الخراب البداخلك بالعكس مثل هيج مواقف لازم تقوي نفسك وتواجهها
( وعسَى انٍ تكرهو شيئاً وهوه خيرا لكم وعَسى ان تحُبِو شيئا وهُو شراً لكمِ )
رضوان... سيرينه اتانيها يوم يوم حتى تكبر جدامي والقران كلت بس ارجع من السفر اخذ امي حتى تخطبها اروحن وارد الكاها عاقده ويامن وي ابن عمي انه سوي
سيرين... ربك يحلها وانشالله الجايك احسن
رضوان... والنعم بالله
سيرين... يلا هسه تكوم
رضوان... اي بويه جاي
_رحنى ثنينا لكينا شذر وانمار يتعاركون
رضوان... خيييير شبيكم
شذر... شوفه يريد ياكل كبل لانلتم
انمار... اشو كضيتوها سوالف والاكل برد وهسه شرفتو
رضوان... يلا لك اتاني الاكبر منك
انمار... الله على الظالم
رضوان... للللك هاي عليمن
انمار... اكعد خويه خل ناكل موحتى معدتي وكعت من مكانها
_ كعدنا ناكل سوا والكعده ماخلت من سوالف انمار مثل حيدري كلش
خلصو راح هوه ورضوان حتى يشترولنا انتضرناهم بالحديقه
شوي واجو اتعجبت من جيه ضرار وياهم
ضرار... الله بالخير
سيرين... ها ليش جيت
ضرار... وجج طرديني
سيرين... لاا بس هيجي
رضوان... شسويله لهالعار لكيته يفتر مدري شماله
ضرار... ماجايني نوم وطلعت چا تطلبني
انمار... هايه علينه ، وغمزله متمشي متمشي
ضرار... شلون راح افكس عيونك
رضوان... هاجن بويه هاي الحلويات واته تعال هم لوتريد تروح
_اتحمحم وحجى
ضرار... بويه سيرين تجين وياي
انمار... هههههههههههه والله عرررفت ياابويه
رضوان... وين ماخذها بهالليل ارجع منين ماجيت
شذر... غير مرته ويريدها
ضرار... هذا الحجي الزين مومثل هالعفطيه
رضوان... امشي لك ماتروح وياك تعالي خويه
_اعاينلهم يتجادلون وميته على سوالفهم اجى رضوان لزمني من ايدي
وضرار اجى ولوى ايده ورى ضهره
انمار... حيهووو يله اخوتي شوفوني هالعضلات المنفوخه لوبس نفخ
سيرين... انفخ عليهن يفشن
ضرار... ولجججج
سيرين... هههههههههههه عوووفه ليش لازم ايده
ضرار... عاار لاتلزمها
رضوان... خرب بيييك مالك شغل
_دفعه ووخر وراح كعد عالكرسي كعدنا كلنا بس ضرار على كرسي
اعرفه مايكعد اذا مومخاد يتكئ عليهن كمت جبت مخاد واجيت
انمار... باااعو هلااا هههههههه
شذر... شعليك عوفهم ههههههههههه
سيرين... هففف شبيك انت وياها
ضرار... تعالي بويه معليج بيهم
رضوان... اي علينه
اخذ مني المخاد وكعد طشرنا الحلويات بالكاع وانمار لازم يشاركنا
سيرين... انطيني الحلك
انمار... وخررري انه اريده
شذر... عوووف نصهم اشو كلهن خذتهن
رضوان... ذبببهن انه المن جبتتهن لزكت روحك وياهن
انمار... خايبين هنه حلويات ماخذيهن للكبر وانتن يللله ماطي ولاحاجه
سيرين... انطيني بس الحلك
انمار... ياحلك خرب
ضرار... ههههههههههاااي اطيها الككو ابو الحلوك
انمار... هيهي هوه انه جبته الي
سيرين... ضرااار كله خليطينياه
ضرار... تطي الها لواطلعه من خشمك
انمار... شمره وعبس، الكبير كبر راسجج
ضرار... لك لادردم جنك دلاله
كعدناا سوالف وضحك والعركات الي بيناتهم ابد متخلص صدك تونست كلش
_لل٣ طفينا كلش راح ضرار هوه ورضوان طلعو واحنى وصعدنا لغرفه شذر
نمت عالجربايه انه ورهف وهيه بالكاع مرضت
لثاني يوم كعدنا من وكت والي هوه يصادف عرس ازان
ودانا خالو لكيت عيالي كلهم موجودين اعاين لجنوب الدمعه بطرف عينها
عيونها ورمانات ووجها شاحب شافتني وبرطمت شفافها
كلبي نكسر على حالتها مابيدي شي عليها
رحت كعدت يمها ولزمتني من ايدي
جنوب... جاي اموت والله سيرين سااعديني فدوه
سيرين... سوده عليه شبيدي
جنوب... ماكدر وانه اشوفنه كدامي ينزف
سيرين...
عجزت شجاوبها لورى الغدى التهينا نبدل لبست رسمي من شذر كلش حلو طلع اول مره هيج البس
وياه شال ابيض وحذاء بلونه والمكياج شذر سوتلياه خفيف بس حمره طوخ
قنعت عمتي نبقى لان اصلا همه راح يجيبون العروس ويجون مالها داعي نروح
بقينا انه وجنوب وشذر وميس من غير المعازيم
ورى ساعات كالو اجت الزفه
_فلاش باك الليله الماضيه
رضوان...
طلعنا بالسياره رحنا للشط لكينا زكريا منتظرنا
زكريا... هلا بالضلوع
ضرار... هلا ولك شعجب جاي من وكت
زكريا... اريدن اعرف هالمسربت شماله
ضرار... عوفه خويه هذا واكع بالعشك
زكريا... اعرفن چا شماله جنه وجه ط***
ضرار... راح كعد قريب عالشط طلع جكاره ورثها ، اليحبها خطبها ابن عمه وباجر زفتهم
زكريا... عاط بتفاجأ، خرب بالك***
رضوان... وخر لاحد ينك براسي
راح وكعد بصف ضرار وتلاحكهم زكريا
زكريا... خويه العشك يلوع
ضرار... الموكدها لايعشك ويحب
زكريا... ماتسكت اشو لحد هسه طايح حظك وكلشي مامحصل
ضرار... كلشي احصلنه التهي بروحك وحير بتعيسه الحظ الرايدها
زكريا بكلبي... چا لوتعرف الرايدها منكم لاونوب اخت رضوان الايشكون ط*** وصلتين
رضوان... كلولي شنهي الحل !!!؟
ضرار... خويه البت موقسمتك ياحل تريده وهيه باجر زفتها
_قاطعهم رن تيلفون رضوان
ضرار... لاتنسى هسه صارت حرمه لغيرك ومره لابن عمك لاتخون الثقه وتصير ناقص
رضوان... اعرفن وانه كتلك حرمت عليه من اليوم الصارت لغيري
_كمت بعيد عنهم رفضته ورجعت تصلت
رضوان... هلا بلوعتي
ريم... شلونك
رضوان... شلوني واتي صرتي لغيري ؟؟
ريم... غصت بالبجي وشهكت،لوما اهلي جان هسه انه عروسه الك
رضوان... عشك سنين انتهى بهالبساطه وهسه جايه تكليلي لوما اهلي اتي لوصابره عليه ومتانيه بس ارد
ريم... انتظرتك هواي بس
رضوان بعياط... وللللللج شنتظررررتي هاااا سنيييين صااابر عليج كلماااا اريييد اجي تكليلي من اكبر لواخلص درااااسه اااحجي شمنتظرهه
ريم ببجي... فدوه علكيفك لاتلووومني من جهه ضغط اهلي عليه انه حتى لورافضه بوكتها ماجان قبلو والله ماجنت ادري يصير ابن عمك و
قاطعها قبل لاتكمل كلامها
رضوان... سمعيني زين وخلي هالحجي معلك بالج دامج صرتي حرمه لابن عمي تحرمين عليه ليوم الدين حالج حال اختي
_سديته منه واتكئات عالسياره معقوله بهالبساطه تتخلى وترضى بغيري باعتني بسهوله
_نرجع للحاضر ...
واكفين شوي بعيد اعاين شوي وطلع لازمها من ايدها
ردت انزل وضرار لزمني
ضرار... اكعد
رضوان... رااااح ياااخذهااا ولك انه رايدهاا وعاشكهااا سنييين بيوم وليله تنوخذ مني بروح ابوك سوي شي ماكدر اتحمل وانه اشوفنها كدامي تنزف
ضرار... ولك شسوي هاالتشوف انزفت كداممك كافي صبيانيه احسلك
رضوان... ربببي دخيلك صبرني
_مشت السيارات واحنه وراهم علما وصلو سحبت السلاح ردت انزل ولزمني ضرار من ايدي
ضرار... كبل لاسوي شي فكر ولاتتهور
رضوان... هذا هوه شسوي بعد
سيرين...
من اجت الزفه بقت جنوب يم شذر وميس خليت الشال وطلعت للطارمه
نزل ازان من السياره واجى نزل عروسته من الهوسه لمحت رضوان السلاح بيده
خفت لايسوي شي سحب سلاحه وضل يرمي بالجو
ذبحو دم فدى يم رجلين العروسه ودخلو
_ضليت واكفه وحرت شسوي رحت يم البنات كعدت يمهن
من الهوسه راسي صدع ودخت كلش
شوي ودخلو للغرفه مراسيمهم هواي وانه احس حيغمى عليه من الهوسه
جنوب... سيرين فدوه ارحميني واخذيني ماكدر راح انفجر
سيرين... يربي شسوي اصبري هسه اجي
_كمت اخذت مبايل عمتي وطلعت من الهوسه تصلت على ضرار شوي وجاوبني
ضرار... ها يابه
سيرين... هلا وين انت
ضرار... خير بويه شصاير
سيرين... شسمه بس جنوب حالتها شوي متخربطه تكدر تجي تاخذنا
ضرار... شوي وجايجن حضري روحج
سيرين... ماشي
_سديته منه ورجعت جوا كلت لعمتي حتى لايضل بالها حضرنا نفسنا شوي واتصل
حتى نطلع
سيرين... اتصل ضرار يله خنروح
ميس... هاج رهف خل اخذ الاغراض
شذر... يعني عايفات العرس ورايحات ضلن شوي
سيرين... غير مره مشوفين شصار بحالها
شذر... الله يصبرها
_طلعنا لكينا صاف السياره بالباب شوي باقي ويطببها بالبيت
صعدن البنات ورى وانه صعدت بصفه مدري شبيه جسمي يغتض ومغص بمعدتي
ضرار... بويه شصاير
سيرين... ماكو شي بس شوي تعبانه
ضرار... اي غير اعرف ليش تعبانه
سيرين... سوالف تخص البنات لاتقلق
ميس... هههههههههههه
_هز راسه بفشله وسكت سمعته يكول
ضرار... البربوك مولسان رشاشه
سيرين... سمعتك
ضرار... غير مخليه اذنج بحلكي
سيرين... هففف عفيه سوق بسرعه احس نفسي حتطلع اريد اتقيأ
ضرار... شمالجن اليوم لو هم سوالف بنات
سيرين... هههههههههههه لا
_وصلنا هوه وبقى برى جنوب هيه وميس صعدن لغرفتها
رحت غسلت احس روحي حتطلع مخنوكه كلش وألم بمعدتي موطبيعي وظهري احسه صاير نصين
لزمت رهف مابيه حيل اشيلها والغرفه بالطابق الثالث روحي طلعت يالله وصلت لغرفه البنات
دخلت لكيت جنوب نايمه بحضن ميس وفحطانه من البجي قفلت الباب خافن ضرار يجي
سيرين... ياعيني علكيفج وي روحج
جنوب... اخذها وصارت مرته وانه الي تعبت بحبه
ميس... وجج ميستاهل هالبجي والله
جنوب... شيقنع كلبي كليلي
_ضلت هيه تشهك بالبجي اجت رهف كعدت يمها وحضنتها
رهف... ابه عفج ( بابا عضج )
سيرين... مريضه راسها ديوجعها
رهف... ثينه اكه
سيرين... فوك لسانج وياي تكليلي وكحه
جنوب... حبيبتي فدوه لكلبج
_عفتهن ورحت لغرفتي الدنيا صارت ليل وهمه بعدهم ماجايين نزلت جوا
سمعت صوت ضرار برى طلعت لكيته هوه ورضوان بالحديقه
رضوان كاعد وحاضن راسه وضرار واكف ويشرب بجكارته
رضوان... اخذهاا الجنت احلم بيها اتانيها يوم يوم حتى تكبر سنين هيه جدامي اخافن عليها اكثر من روحي وتالي باعتني
ضرار... بويه اصبر الله يعوضك
رضوان... ولك شصببببر وهيه انزفت جدامي اعاينله شلون يكضها ويحجي ويااها ااانه جنت اتاني هاليوم لحضه لحضهه وتاااالي شصار
ضرار... شما صارت بعيده عليك وحتى لواخذت اذا مقسومه الك يدور الوكت وترد الك
رضوان...
وي صفكت الزفوج انه امي
صاحت ترضاها يالعباس
مرت ابني راحت
جنوب...
زينب عليج حسين ولـ عالنهر طاح
تعثريلي ذاك الكال ما روحن وراح
سيرين... رحت يمهم وكفت بصف ضرار وهوه حضني من كتفي
لاسوي بروحك هيچي بشنو حيفيدك انت اقوى من انو تكسرك وحده بيوم وليله تخلت عنك
_كام نكت ملابسه وتنهد عيونه حمر وحاله مبهذل
رضوان... الله كـريم
ضرار... وين كايم
رضوان... اريدن اضل بحدي
ضرار... ديربالك على روحك
_مشى هوه واحنى بقينا واكفين باسني من راسي وحجى
ضرار... شماله وجهج مصفر
سيرين... مابيه شي بس تعبانه شوي
ضرار... امشي بويه ارتاحي ولاتنزلين
سيرين... وانت وين رايح
ضرار... ماروحن
سيرين... اي
_صعدت فوك وانه روحي خاويه ألم يروح ويجي شربت مهدء ونمت
ماكعدت غير على ثكل عرفته ضرار حاضني من ظهري وكل حيله ذابه عليه
وخرت ايده انداريت جان غاط بنومه اخذت ايده ونمت عليها
كعدت شبعانه نوم ومابيه حيل اكومن ضليت اتكلب اخرها مليت كلش
صرت اكعد بضرار وميكعد
خليت راسي على صدره وغمضت عيني مشصابني فزيت بسرعه وعطت
غطيت راسي وانه اطرافي جمدت ورجفه سرت بجسمي للحضات فقدت وبس صوت وشوشه
ضرار... سييييرين شماالج
فتحت عيني ضرار جان حاضني اسمعه يقرا أيات وينفخ على راسي ختنكت منه ودفعته غثيان صابني
رجع لزمني ويهدي بيه شوي هديت بس روحي خاويه
ضرار... دخيلك ربي سمعيني حسج بويه
سيرين... ضرار ظهررري مووتني من الوجع فدوه سوي شي
ضرار... كومي خل اخذج للدكتور
سيرين... ماكدر بس عووفني
ضرار... اهدي كافي
_سحبني عليه حضني بقوه وضل يردد أيات اريد اسكته لان كل كلمه يكولها يصيبني غثيان وصداع اكثر
وجع اسفل ظهري ماينحمل حسيت جسمي تبند من الألم وضيق بصدري
نمت ماحسيت بشي بعد بس يمكن خويت من التعب
_لثاني يوم كعدت مالكيت احد يمي نزلت جوا جانت مياده جايه وهمه رايحيين حتى يباركون لازان
كعدت يمهن وانه مالي خلك لشي كاعده واحس العرق يصب من جسمي وصداع وخمول صابني
للعصر اجى ضرار اخذني للدكتور سويت فحوصات وحتى تحاليل بس كلها سليمه
_حالتي صارت أسوأ صرت انفر من الكل كره بداخلي تجاهم خاصه ضرار يسايرني وكل اهتمامه بيه حتى شغله يعوفه ويجي يضل يمي
هملت نفسي والكل من غير الضيق الي بصدري والألم الي أسفل ظهري روحي تشوغ من الالم
شحوب بوجهي ابد موطبيعي وبروده بأطرافي
_ جنت كاعده بغرفتي ومالي خلك لشي دخلت عليه مياده ووياها جنوب ورهف
تجاهلتهن مدري ليش مع انو هنه اليهتمن بيه وحتى اكل يوكلني
مياده... ها خيه ماتجين يمنا
سيرين... ماريد عوفني
جنوب... لحدمن تضلين حابسه روحج
سيرين... احسن
مياده... عايني لرهف صالج شكد ماكاضتها ولاملاعبتها
_درت وجهيي عنهن اريدهن يطلعن حتى انام مع انو اكثر وقتي مكضيته نوم
طلعت جنوب ورهف وضلت مياده يمي اجت كعدتني بلكوا وتذب حسرات
راحت للكنتور فتحته وطلعت ملابس سحبتني من ايدي وانه بس جسد يتحرك بدون روح
اعاينلها بس مابيه لااحجي ولاطلع كلمه من ثغري كعدتني
وصارت هيه تسبحني وتقرا ايات اريد اسكتها لان الصداع موتني
سبحتني وخلصت حتى هيه لبستني ومشطت شعري
شوي ودخل ضرار ماحجى شي وبس يعاينلي
ضرار... شلون صارت
مياده... على حالها
ضرار... انزلي اتي هسه اجي انه
مياده... صار
_راحت مياده وبقى هوه اجى حضني من راسي وباسني
ضرار... ياتعبي وراحتي كليلي شصايبج بويه
راح جاب شال لبسنياه سحبني من ايدي ونزلنا جوى كلهم جانو كاعدين بالصاله وجان رضوان وانمار ويااهم شذر جايين
رضوان اول ماشافني اجى عليه ولزمني للحضه شفت الغضب بعيونه مع انو حاله جان تعبان كلش وضعفان من غير السواد المحاوطه
بسول... عاش من شافج بويه
رضوان... خيتي شني هذا حالج ااحجي شمالج خافن ضرار محاجيج
بدور... هذا حالها نهد من ردت من العرس مشصابها
ضرار... باجر اخذها لبغداد فريت بيها الدكاتره وكلهم نفس الحجي
سلافه... وين ماخذها تعال جده جيبها ليه
سحبني ضرار من ايدي وكعدني يمها قرت أيات ونفخت على وجهي حسيت بغثيان موطبيعي
ردت اتقيأ بس ماكدر روحي طلعت
اجى ضرار لزمني وحضني
ضرار... شمااالج ولج لانخوفيني عليج
سلافه... لاتخاف عليها هالبت صايبتها عين
بديعه... عمه هذا حال وحده صايبتها عين
سلافه... چا حقها اذا هيه لبست الازرك وطلعت رجلها تضوي شلون ماصيبها عين
شذر... جده خافن سحر
سلافه... شجابج عالسحوره ولج
شذر... شجابني يعني هيج يجوز سحر
سلافه... اسكتي يام شعفه تعال جده جيبها لحجرتي
اخذت عوجيتها ومشت سحبني هوه واخذني يمها
كعدت يمها وبيدها القران سحبتني عليها ونومتني بحضنها
سلافه... روح جده لاضل واكف
ضرار... خلني اطمن عليها
سلافه... انشالله ترد بخير واحسن
_راح هوه وهيه ضلت تقرأ أيات وتنفخ على راسي غثيان وألم صرت اصب عرق
احس روحي يغمى عليه بس بعدني صاحيه
ضلت تقرأ أيات صح الالم بعده بس شوي ارتاحيت شوي
_هيه من عجايز كبل وتعرف بهالسوالف بحيث صار كليوم تنومني بحضنها وتقرا ايات حتى مرات اغفى ومادري بنفسي
تكعدني الكا رجلها خدرانه
صار ضرار كليوم ينزليني يمها وحتى هوه صار يسبحني ويوكلني صحتي صارت زينه بس بعده مهتم بيه
التزمت بقراءه ايات من القران والصلاه شوي شوي بديت اتعافى وارجع لصحتي
سلافه... خايبه يالغاكه چا اتي ناويه تكطمين رجليه براسج مدوحس
سيرين... هههههههههههه مدري بنفسي اغفى
سلافه... ميلي عني ولجج
سيرين... هسه شخسرانه دخل اكمل نومتي
سلافه... خايبات اطني العصه خلني اكسرها على ظهرها
سيرين... زوجي ميخليج
سلافه... چا هذا المخربك اعرفنج ساحرته انه الج
سيرين... هههههههههههه
_هيه تحجي بحركان كلب اعرفها مومن كلبها بس ماكدرت الزم ضحكتي تمرغلت بالكاع من الضحك
سلافه... ولك ضريييير تعال ليه كض هالصخله
سيرين... هههههههههههه يمه بطنني
_دخل ضرار جان ستوه راد من الشغل والتعب باين عليه
اجى كعد يمنا ويعاينلي
ضرار... شمالجن بويه
سيرين... ممم الحجيه تكول انه ساحرتك
عاينلها وضحك
ضرار... اي والله
سلافه... انه اعلمنج مدولبه حاله
سيرين... ضراااار
ضرار... ههههههاااي عبن كلشي بيج يسحر
سلافه... كوم مني يمه خل ام رجلين البيض تفيدك
ضرار... هسه انه شمحصل منهن
سيرين... هفففف وخررر
ضرار... تعالي ابويه انتي لاضوجين
_ عفتهم ومشيت رحت للصاله جنوب وميس ورهف كاعدات
وبالمطبخ رباب ومياده وزها بغرفته
مياده... ها خيه شمحتاجه
سيرين... هيچي بس مليت من الكعده
مياده... چا لاتحبسين روحج كل وكتج
سيرين... ممم شكراً
مياده... شنهي !!؟
سيرين... لان وكفتي وياي ومعفتيني
مياده... چا غير اخيتي واوكفن وياج ميلي مني ولج ماريدن هالحجي
سيرين... ههههههه ماشي
رباب... اطيني خل اودي السفره
مياده... اي هاج
_راحت رباب هالكم يوم زينه وتساعدنا
مياده... البت مابيها شي بس من تصف وي مالكه المسمومه تضل تقرا براسها وتدفعها عالمشاكل وهايه فاهيه تمشي وراها
سيرين... الله يعينها لعد منو عمتها
مياده... دعوفيهن هالمسمومات امشينا خل نودي الغدى
سيرين... اي يله
_للعصر اجت مرت خالو بشائر وشذر كاعدين كلنا بالحديقه والولد طلعو
بشائر... حجيه انه ماريدن اضيع وكت واحجيها الج من الاخير اجيت اطلب ايد البنيات لولدي ....
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!