الثأر الثالث عشر
بقلمي_ترانيم هادي ♥️🕊️.
سيرين...
أعرف جيداً معنى أن يحتضن
الإنسان نفسه بنفسه
ويردد لا بأس أنا بخير.
_شلونكم حلويني..تصويتاتكم..وتعاليقكم بين
الفقرات لاتنسوها..ومتابعه للحساب ♥️🕊️,
taranim_09
سيرين...
احيانا بسبب تصرف مامدروس وبتهور نخسر هواي اشياء
وانه بسبب تصرفاتي وتهوري خسرت واولهم حريتي وانو ممكن بيوم ارجع لاهلي
بس مجنت متقبله هالواقع كل البالي جان انو اتخلص من ضرار باي طريقه ممكنه
بس بادت كل الطرق تأدي لطريق واحد وهوه طريقي نحو الضرار
حياتي صعبه جانت وخاصه من بعد مانطيته امل انو ممكن نعيش مثل زوجين طبيعين بالوقت الي مامتقبله حتى وجوده
وغلطي الاكبر وقت خليت أمل انو شي يوم اتخلص من ضرار وانجمع بحب طفولتي من جديد
بس الي ماحسبت حسابه هوه
ضرار شحيسوي لو عرف اني جاي امثل الحب عليه ؟
بيوم جنت كاعده بالغرفه ارتب بالملابس وضرار بالصاله اندك الباب بقوه
اول مره هيج يندك وخاصه احنى محد يجينا غير غيد والحجيه
كمت عفت الملابس من ايدي وطلعت وراه ... مالكيته توجهت لباب الشقه وعياطه يدوي البنايه
عاينت من الباب جان واكف هوه ومازن ... شكو من مصيبه وراكم هالمره
ضرار... ماكدر اروحن هسه واذا درو ياخذوها
مازن... چا شسوي ضلك هيج والدنيا كايمه من ورا سوالفك ماتعرف شنهي مسوين
ضرار... چا انه ليش لحد هسه ضال اعرفن لو اروح كلها راح تعرف
مازن... اول وتالي لازم يعرفون
ضرار... مووكتها بعدين باجر اروحن واسد حلوكهم ولد الكـ***
مازن... يله انه اليوم رايح وباجر اردن اشوفن الولد واعرفن اخبارهم
ضرار... لاتنسى خابرني
رحت بسرعه رجعت للعرفه وجن كلشي مسمعت سمعت طبك الباب طلعت
سيرين... خير منو الاجى
ضرار... مازن
سيرين... شيريد
عاين عليه وخزرني... سيرين وحك علي اذا عرفت تصنطين عليه اكص راسج مره ثانيه
سيرين... عششتو كص راسي هوه تايهتلك
عفته وطبكت باب الغرفه وماحس غير هوه ويقتحم الغرفه وعيونه مليانه غضب
اجى لزمني من زندي واظافيره نبتت بأيدي
ضرار... لجججج اتجفي الشر وضبي لسانج لاتخليني كوا امد ايدي عليج موصغيره اتي واكعد ارزل واضرب
سيرين... وأنت شعندك غير الضرب
دفعني حيل وطلع من الغرفه اسمعه يشيل ويركع بالاغراض مال صاله ... الاغراض شعليهن تذب خبالك بيهن
فركت ايدي بألم ... كسر بأيدك
تجاهلته وكعدت ارتب بالملابس وصوت عياطه وعربدته يدك براسي افرح من اشوفه ضايج ومقهور
خلصت كمت لفيت راسي ونمت مادريت بالدنيا طشت لورشت
_ماكعدت غير على صوته ... عود يحجي بهدوء بس صوته خشن يزرف بطبله اذني
فتحت عيني وتثاوبت بنعاس
ضرار... ريحانتي كومي يله
سيرين... ضُراااار عووفني خل اكمل نومتي
ضرار... لا اتعشي ورجعي نامي كلشي ماماكله بطنج فارغه
عكعدت حاجبي وعاينتله ... كاعد بطرف الجربايه وايده تتلمس بخدودي تنهد وحجى
ضرار... بويه ليش تخليني اذيج
سيرين... ممسويه شي
ضرار... كومي يله
عافني وكام كمت وراه غسلت لميت شعري وطلعت
عاينت للساعه جانت ب٩ شكد صايره انام هواي واصلا انام جتى اخلص من هالشويب
رحت للصاله كعدت واعاينله شلون يرتب بالاكل حتى ارتب مني اني اذا صحن بقت بيه زيتونه وحده اضمها بالثلاجه اتعاجز اغسل الصحن
سيرين... ضرار
ضرار... همم
سيرين... اذا تعرف ليش مساعدني بشغل البيت
عاينلي وخزرني... وانه اعوفن شغلي واكعد اكنس واجلف لحضرتج تعاي كليلي اتي شمسويه بالله
سيرين بكلبي... صدك هوه اني شمسويه شو الاكل من برى لوالحجيه تطبخه والمواعين انام واكعد الكا غيد غاسلتهن وبس من اضوج انظف الشقه
غلست ماجاوبته
تنهد وحجى... اكلي وكومي نامي كافي حجي
كعدنا ناكل بدون صوت واني بالي يم مبايله الاشعارات ابد ماسكتت ويتصلون عليه ويرفض
سيرين... ضرار ليش مجاوب موجاي يتصلون عليك
ضرار... خليهم لاشغلين بالج
كملنا كمت شلت الامواعي وسويتله جاي رحت وديته للغرفه جان نايم ويفرك راسه بألم
رحت عفتله الجاي عالميز
سيرين... شبيك
ضرار... راسي مصدع
سيرين... انروح للطبيب
ضرار... لا تلكين بالثلاجه شريط حبوب ابيض روحي جيبيلياه
رحت دورت عليه وجان اكوو شريط يشبهه بس كتابته زركه
عفت الي طلبه واخذتله الشريط الازرك
انطيته اله وهوه حتى ماباوع شربله حبايتين ونام
اعاينله شوي وكام يفرك راسه بألم ... حيل تستاهل
رحت كعدت على جهه سويت نفسي ملتهيه وهوه يتكلب من الالم
علما عاط عليه ضرار... سيييرين تعالي
سيرين بكلبي... يمه بس لاعرف
رحت وكف يم راسه كام سحبني من ايدي وكعدني
دفن راسه بحضني وحاضني بأيديه من خصري
سيرين... ضرار شبيك وخر
ضرار... راااسي راح يطك من الالم ماجاي ينحمل
سيرين... مواخذت علاج شوي ويهداء
ضرار... جاي يزيد الألم
سيرين... تندمت كلش لان نطيته الحبوب شعرفني مال شنو لايصير بيه شي نوب واني الابتلي
صرت اسويله مساج وهوه مستمر يتكلب ... اخرها كام من حضني
صار يفتر بالغرفه ويفرك براسه... بده يطك راسه بالحايط حتى يتخلص من الوجع
فتح الكنتور اخذ فانيله لبسها وطلع رحت لحكته راد يطلع وصحته
سيرين... اوووكف وين رايح وانت بهالحاله
ضرار... شوي وراجع نامي اتي
عافني ومشى ماهتميتله... يطبك طوب تستاهل
رحت لفيت راسي ونمت نومهه عميقه
_ الـنـاصـريه
زكريا... جدي چا تريدنا نجتف ايدينا ونعاين عليه شلون يسرح ويمرح وبتنا عدهم
_خايف لايأذيها عبن اعرفنه ماوراه بس المشاكل هوه جده ماكضه منو يكضه
اركان... انه اخذها
_ولكم شنهي البت لعبه اته تريدها وهذاك يريدها اعرفن شنهي البالك اركد احسلك
مرجان... بويه چا حقه واذا رادها
_ انه ابنك اعرفنه طايش وماوراه كل خير ومايريدها على صخام وجهه
_ بـغـداد ١٠:٤٥
مازن... اليوم اجت تكتلك وجان نجلطت شسوي بعد
ضرار... اذا ترتاح خليها
مازن... اته اول عمرك خرفت شمالك جنك مراهق
ضرار... هههههههههههه بس يمها اردن مراهق
مازن... ضلك هيج ثاني مره شوف شسوي
ضرار... لا ضل تاكل خ*** شوكت تولي
مازن... وجه ال** مكابلك وكاعد وين الحك اروحن هسه
ضرار... تروح لاحطن رجلي بط*** وحك علي اذا هسه مارحت ا** هناه واشوفن ياهو المايروح
مازن... كوم لك دايح احيرن بمشاكلك مخليني جاسوس عالعالم
ضرار... يله خل ارجع وانه الصبح اردن
مازن... الله وياك
سيرين...
كعدت الصبح على صوت ضرار وهوه ينده بيه
ضرار... ريحانتي كومي كافي نوم
سيرين... فزيت من نومي اعاين للساعه...خير شصاير
ضرار... حروحن كم يوم وارد
كمت من مكاني وهه واكف كدامي شعري صاير هوسه والنعاس بعيوني
سرين... مثل كل مره تاخذلك مده وترجع
ضرار... هالمره غير
سيرين... شلون
ضرار... ماريد اتأخر بس كعدت حتى اكلج وهسه ردي نامي
طلع من الغرفه ورحت وراه باوعتله جان لابس
بنطرون اسود وفانيله سوده نص ردن بارزه عضلاته وحذاء ابيض وجكارته الي متوكع من ايده بس صدك طالع حلو انتبهت المسدس بظهره
سيرين بكلبي... خرب هذا بس لايطلع بالمافيا هههههههه نوب مثل هذول الي يقتلون ويخطفون
ضربت على خدي بصدمه وادردم ... بس لاصدك ولهيج خطفني
قاطع تفكيري وهوه يحجي... هواي تتصفنين
سيرين... ضرار ليش عندك مسدس
ضرار... احتاجه
سيرين... بشنو
ضرار... مالج شغل
سيرين... محد يحاسبك اذا لكو عندك سلاح
ضرار... عندي رخصه
سيرين... ها
ضرار... بعد عندج اسئله
سيرين... اي
عاينت عليه، مررت اصابعي على شرايين عضلاته البارزه وحجيت ... هالشرايين خيطلعن من مكانهن ليش هيجي
هوه سمع هيج وطكها ضحكه بصوت عالي
سيرين... شبيك تضحك
سحبني من خصري وزفر الدخان بوجهي ختكت كلش
سيرين... ضرااار خنكتني
قربني عليه اكثر باسني من كصتي شوي طول وحجى
ضرار... يله انه رايح
سيرين... خلي غيد والحجيه يجون يمي
ضرار... موهناه راحن
سيرين... وين
ضرار... ماعرف
سيرين... زين شلون حتأمن وتخليني بحدي
ضرار... مأمن كلش زين والا مجان عفتج بحدج
وخرني منه اخذ الجنطه ومشى رجع التفتلي وحجى
ضرار... سيرينه ديربالج على روحج هالروح لوتأذت انه الاتأذه بمكانج
عافني وراح خلاني بحيرته والتفكير محاوطني شصاير وياه وليش بس يوصي بيه
من بعد ماراح ضرار يوم يجر يوم واني بالشقه وحيده
لاالحجيه وغيد بينت ولاضرار ايام تمر ابطئ من الساعه وهمه اخبارهم نكطعت
تخبلت كلش واني بهالحاله نفسيتي تعبت وصحتي تدهورت
والمشكله ماعرف وين اختفو فجأه وليش بقوني بحدي
هالمكان صرت احسه عذاب نفسي الي، اربع حياطين محاوطتني وصوت افكاري ودقات الساعه
صرت انام واكعد نفس الحاله ... كرهت ضرار لان بسببه هالحاله
شعور صعب كلش من تضل وحيد مع نفسك تنام وتكعد على نفس المنوال وكليوم ينعاد عليك
مر اسبوعن بالظبط جنت كاعده بالغرفه وصافنه بالفراغ الصاير بحياتي
واني احس رحي تلوب سمعت طكطه برى ماهتميت ضليت نايمه بمكاني
شوي وسمعت اصوات كمت طلعت برى لكيت غيد والحجيه وضرار بالصاله كاعدين
الحجيه... هلا يمه تعالي ليه
رحت سلمت عليها برود وحتى مباوعت بوجوهم ماطايقه احد بيهم ولا اريد اسمع حسهم
عفتهم ورجعت للغرفه دفنت نفسي بفراشي
احس طاقتي بدت تنفذ مو كادره اتحمل اكثر من الااني بيه
انه شنو ذنبي حتى يصير بيه هيج وليش جاي يصير وياي كل هالشي
عايشه حياه لامن اختياري ولاتناسبني انجبرت على حياه موطايقتها ولاطايقه عيشتها
اجى ضرار كعد بصفي انطيته ظهري ورفعت الغطى على راسي
ضرار... مشتاقلج
سيرين...
ضرار... ريحانتي سمعيني حسج
سيرين... اريد انام عوفني الله يخليك
جر مني الغطى سحبني عليه وحظني لحضنه وخلا راسه على راسي
ضرار... زعلانه
سيرين... مومهم وعلشنو حتى ازعل مواول مره تسوي هيج وتحبسني مثل الحيوانات بين اربع حيطان
ضرار... وججج والله روحي طاكه عليج واتي لوتعرفين الصاير ماجان حجيتي هيج
سيرين... وشيصير اكثر من الا اني بيه ؟
ضرار... كلها عرفت انه زوجتج بدون علم احد وصايره هوسه بين ولد عمج وولدنا
سيرين... عندي ولد عم
ضرار... اي
سيرين... اي كمل
ضرار... اي المهم السالفه ومابيها محد راضي على هالزواج يكولون ماخذها مثل الفصليه بسبب ثارك واحنى من زمان فضينا السالفه بفصل وهدر دم جابر
شهكت بألم وحجيت... ابوي بريئ والله
ضرار... اعرف
سيرين... ضرار فهمني السالفه ترا دخت والله
ضرار... بيوم الاختفى ابوج الحجي درى وعباله انه الي ورى السالفه
سيرين... يعني موانت الي خطفت ابويه
ضرار... اي
سيرين... زين شلون من اتصلت عليه كدامنا و...
ضرار... اسكتي خل اكمل
سيرين... اي كمل
ضرار... الجماعه الي جان ابوج يروح وياهم هالك***
شافو ابوج لاله ظهر ولاعده عشيره رادو يورطو وياهم
سيرين... سوده عليه عافوها كلها واجو على ابوي شيردون منه
ضرار... خل امظ***
سيرين... كمل
ضرار... الفتره الي ضل بيها عدهم ماخليت ساق** بالعشيره مايدور على ابوج
سيرين... ليش تفشر
ضرار... بس من انفعل
سيرين... زين احنى ليش مادرينى وشهل حب الي نزل عليك حتى دور على ابويه و شسمه حتى من بلغنى الشرطه فقدو الامل انو يلكو
ضرار... ادري لان اصلا هوه ماجان بنفس المحافظه وحكومه ضاله بيد الزعاطيط مخليج ترحين وتردين دورين عليه بروحج همه مستريحين شيسووله يعني
سيرين... شعرفك ؟
ضرار... اي احجيلج من الاخير من لكو رجعت خطفته
سيرين... ضرااار وتكلي موانت الخطفته
ضرار... هههههههههههه يومين ورديته خليته يرتاح يمي
سيرين... ؟؟؟
ضرار... انه لكيتها فرصه منها اخذج ومنها هم احرك كلبه بس خرب يومه هوه الجاي يحرك كلبي
سيرين... اسم الله على كلبه بيك ولابيه
ضرار... انه كلبي هم مشعول ماتكولين عليه اسم الله
سيرين... انـتـهـه كلبك مايهمني الي يهمني ابويه وبس اي كمل وبعد
ذب حسره ورجع يحجي ... اي انه من اخذتج رديته لاهله بس اعترف الطريقه الاخذتج بيها جانت غلط وانو ممكن اتشوه سمعتج وتسويلي مشاكل
ابوج التهى يدور عليج وانه تقريبا اختفيت منه كل هالفتره ويدرون بيه موهناه مسافر
سيرين ... ليش هسه جاي تكلي هالحجي
ضرار... يردون ياخذوج مني وانه مارضاها
سيرين... ضرار داحس نفسي بفلم كل الي صار مجاي استوعبه ولاجاي يدخل لعقلي
ضرار... المهم بيوم الي عقدنا رحت ووديتله العقد بظرف مرتب وعليه اسمي واسمج ههههههههههه
عبالي راح يفرح النا بس طلع نحس
سيرين... شصار
ضرار... من الفرحه انجلط
نزيت بسرعه وكمت ... تحجي صدك ؟
هزل راسه وسكت
سيرين... يمممه عمت عيني يررربي كله منورااي انه السبب بحالته الله لايننننيطك الله يخلصني منننك
فقدت كلش كمت اعيط واكسر بالاغراض
سيرين... عيييشتني بعذااااب وفوكااها بسببك ابوي يوصلل للموتتت الله لاااينطيييك كلي شسوي بعد اكثر من هييييج
كاام هوه يهدي بيه ويلزمني احس روحي تعبت كلش من التحمل
هوه لازمني ويهدي بيه حسيت جسمي تشنج واطرافي ثلجت فقدت وماحسيت بشي بعد
غيد ...
كاعدين بالصاله ومانحس غير صوت التكسير وعياط سيرين كمت بسرعه عبالي ضرار سوالها شي
شفتها تكسر بالاغراض وتعيط ودموعها مثل الشلال يجرن ضرار لازمها بلكوا مسيطر عليها
ويهدي بيها بس هيه ولاجن تسمع اخرها وكعت من طولها لاتحرك ايد ولارجل
ضرار... وجج بويه اكعدي لاتهدين حيلي عليج
كام شالها وداها عالجربايه رحت كعدت يمها وحايره شسوي
اشوفها كاضيه ظاله بس عظام وجها شاحب والسواد محاوط عيونها
اجى ضرار جايب مي غسلها بلكي تصحى وهيه ماكو
شوي والنفس صارت تجره بلكوا ووجها صار ينكلب ازرق
غيد نتفظت من مكاني وعطت... ماتتتتت مو !
ضرار... اشششش كومي بسرعه جيبيلي ملابس الها خل اوديها للمستشفى
ركضت للكنتور طلعت عبايتها وانه اخذت عبايه امي حتى لبستها بالمكلوب مادري بروحي
طلعنى وطول الطريق اتلمس نبضها دلكت اصابعها متشنجات وبارده ثلج
غيد... استعجللل البنتتتت حتموووت يررربي كلله من ورااانا
وكف السياره بسرعه وعاينلي احس اجت تنكلب بينا سحب ايدها تلمس نبضها ورجع يسوق
بالخمس مرات اجينى نسوي حادث تعجبت بعدنا عايشين عالسواقه الي يسوقها ضرار
نزلنا بسرعه وكبل اخذوها حتى ماخلونا ندخل وياها
غيد... ليش صارلها هيج
ضرار... انه بس حجيتلها ماردت اضمن اكثر عليها اول وتالي هيه تعرف بس انفعلت زايد
بالساعه احنى واكفين وضرار كلساع متعارك وي احد بس حتى يدخلونه
اخر شي اجو الامن طلعو وهوه هد عليهم كظو كلهم وطردو برى المستشفى
رحت لحكته لكيت الناس تهدي بيه وهوه يتوعدلهم
غيد... يابه فدوه كافي مووكتها
ضرار... هينه خوات ال
ندسته بيده قبل لايحجي كلمه ويفضحنا
ضرار... روحي ضلي يمها شوي ولاحكج
عفته ومشيت لان موخلك اتجادل
رحت يم سيرين لحد هسه مايرضون يدخلونا ولايرضون يكولون شبيها
شوي واجى ضرار متشخص ولاجن ستوه جان عياط خابص المستشفى نتبهت عليه جاي بفانيله ام التعلاكه مال بيت
اجى وكف يمي وطلع جكارته يدخن
غيد... مايقبلون
ضرار... موانه بكيفهم فوك ماحاملهم لحد هسه وهمه جوا نايمين
غيد... اصبر خل ننتظر
ضرار... الحجيه ضلت بحدها
غيد... شلون هسه واحنى خاف نتأخر
ضرار... وديت مازن الها
هزيتله راسي واني اتذكر اخر موقف صار يانه
غيد...
مازن جان صديق ضرار روح بروح وكلشي يسووه سوا واقرب اله
دائما يوصي علينه اذا راح لوغاب عنا ... مجنت مهتمتله ولادايره بال اله
جنت اشوفه من بعيد مرات وي ضرار لومن يجيبلنا المسواك يودي ويروح
بيوم جان عندي امتحان وسادس صعب بالعاده ضرار يجي يراجعلي الماده ويشجعني طول الامتحان يضل منتضرني
كعدت انتضره وهوه ماكو والوقت بدى ينفذ ،اندك الباب كمت ركض فتحته
مازن... سلام عليكم
غيد... وعليكم السلام تفضل
مازن... خيتي اجيت اخذج حتى اوصلج وضرار مايكدر هسه يرد عده شغل ويرجع متأخر
غيد... ضجت كلش وعبست بوجهه ... ماريد اني اروح بحدي
مازن... جا ضلي والامتحانات ماباقيلها شي وتبدي
طلعت امي وشافت سلمت عليه وهم قنعتني حتى اروح ويا
طلعنى سوا واني وياه احس المعلومات طارت من بالي
اول مره اكون يم رجال بحدي بس ضرار ومتعوده عليه دائما
ومن بعدها جياته كثرت صرت اشوفه اكثر من امي حتى
وبيوم ندك الباب طلعت افتحه وامي بالغرفه نايمه
طلعت لكيته مازن وبيده المسواك سلمت عليه عادي دخل المسواك للمطبخ وطلع اجى وكف كدامي ويعاينلي ابد مارتاح لنظراته وكله مشاكل
اتذكر مره لاكينه مصاحب وحده مزوجه رايح لبيتها ولاكفها زوجها وهم صارت مشكله شكبرها وشكدها وادخل ضرار من غير المشاكل التصير بحياته
غيد... متروح لوبعد محتاج شي
مازن... اعتبرها طرده لوشني
غيد... شتريد تعتبرها بكيفك بس موحلوه وكفتك واحنى ماكو احد يمنا
مازن... تنهد وحجى... شوفي انه لااحب المح ولااعرف اعبر بس شوفي وحك علي انه رايدج وحابج وصدكي نيتي وياج شريفه
غيد... مقدره مشاعرك بس اعذرني والاحسن هالمشاعر لاتكبر بداخلك واخليك تتأمل بشي مراح يصير انه ابن عمي ناهي عليه ومن زمان رايدني
ماخلاني اكمل عافني وطلع ... احس جرحته بس ماحب الف وادور واروح اسوي علاقات واني ابن عمي حتى ماشايفه خلقته شلونها
امي وضرار معوضيني عن كلشي ... من بعدها صرت اشوفه مرات وكلما اشوفه يخزرني ويوخر
لحد ماشوي شوي رجعت علاقتنا طبيعيه وبس السلام ارتاحيت كلش بس دائما اتفادى
_ قاطع تفكيري خروج الدكتور من الغرفه كمناله وهوه بروده اعصابه موطبيعيه علما عاط ضرار يالله حجى
ضرار... تضل تتمخطر لوتحجي
_انت بمستشفى موبالشارع رجاءا احترم نفسك
ضرار بهمس... المايع
غيد... اعذرنه دكتور بس شلون صارت سيرين
_ مابيها شي بس متعرضه لانهيار عصبي
ضرار... متعرضه لانهيار عصبي وتكلي مابيها شي
_ صير انـتـهـه بمكاني وروح عالجها
غيد... يابه فدوه كاافي اي دكتور وشلون صارت
_ البنت اعصابها تلفانه وهالشي ناتج عن الظغوطات النفسيه او متعرضه لصدمه بس سيطرنا على حالتها وايضا عدها سوء تغذيه الاحسن تنتبهون لحالتها وحنطيكم تعليمات تفيدكم
غيد... انه بلكوا واكفه على حيلي وهذا ضال يحجي ويرجع ليورى وكلساع عايد نفس الكلام علما نتر عليه ضرار
ضرار... شوكت نطلعها
_خل يخلص المغذي وتكدرون طلعوها
غيد... اي وهسه نكدر نشوفها لوهم اكو بعد تعليمات
_لا تكدرون تشوفوها
دخلنا لغرفتها لكينى الاجهزه محاوطتها صدك تقهر وانه اشوفنها شوي شوي جاي تذبل
اول ماجابها ضرار تعجبت عليها الخدود تارسه وجها والتعب باين عليها بس وجن محليها اكثر كلت حقه رايدها ومتمسك بيها هسه جاي تنتهي عالبطيئ
ضرار... جاي تذبل وكله من وراي
غيد... وشنو الحل تظلون هيج
ضرار... ماعرف حاير شسوي خل تطلع والله كريم
شوي وبدت تصحى بس ولانطقت كلمه وتتفادانا بنظراتها
غيد... حمد لله على السلامه
سيرين.... كعدت واني الألم يجتاح بكل جسمي
وريحه المستشفى احسها تخنك بيه
عبالي اخلص من هالدنيا الغبره بس مبين موتي مطول
سيرين... اريد اطلع ختنكت كلش
غيد... خل يخلص المغذي ونطلع
كام ضرار بدون مايحجي وطلع وعافنا شوي ودخل نفس الدكتور وتلاحكه ضرار
اجى فحصها وضرار واكف فوك راسه يروح منا ويجي منا اخرها سحب ايدها ولزمها اجى ضرار وخر ايده وخزره
ضرار... شمالك ماشوف وجعتها
غيد... هههههههههههه
عاين عليه وخزرني بلكوا كتمت ضحكتي واني اشوفه شلون يتحرمص عليها
حجى وي الدكتور وطلع كعد يوخر بالمغذي وشمره
غيد... ليش شمرته
ضرار... خيولي اعرفنه هالمايع كام يحوص
غيد... يله خل نروح
ضرار... اي يله
سيرين... اعاينلهم بس مالي خلك لشي اجى ضرار لبسني العبايه وشالني
ماجادلته ولاشي دفنت راسي بركبته ومشينى واني احس عيون الناس كلها علينه
خجلت وتندمت لان مامنعته حاضني لصدره ويمشي بيه واني من الخجل ظامنه وجهي بركبته
حسيته توتر وصدره كام يصعد وينزل
غيد...
كعدت سيرين بالصدر واني ورى بس كلشوي واشوفن ضرار يعاينلها ومتوتر
وهيه مثل الجماد ساكته وبس صافنه ياتفتح بقفل الباب ياتسده
وجهت نضري الها وماشوف غير هيه وتفتح باب السياره وتشمر نفسها .....
_( توقعاتكم للبارت الجاي 🌚؟)
_ياترى شنو الي راح يصير وي سيرين؟
_وهل راح تكدر ترجع لأهلها وضرار حيعوفها ؟
⇠──────⋆⋆⋆─────⇢
حببببببببب جبير الكم عزاااا متتخيلون الفرحه واني اقرا كلامكم وتشجيعكم عالقصه
يولي اجعصكم جعص 🥺🥺♥️🫂.
( ضرار 👇... )
وشسمه هالصوره مقاربه لجسم ضرار
تقريبا يشبهه بهالشكل كلش 😂🤍.
واذا لكيت صوره اله انزلها 😘🫂♥️.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!