رواية ثارهم وبنت الفقير الفصل السابع والعشرون 27 - بقلم الكاتبة ترانيم 🤎

الثأر الواحد والعشرون

ثارهم وبنت الفقير

بقلمي_ترانيم هادي ♥️🕊️.

لاتنسون تصوتون عالبارت حلويني
.
.
وتعاليقكم بين الفقرات لاتنسوها
.
.
ومتابعه للحساب ♥️🕊️,
taranim_09

_نزع تشيرته وشمره لزمني من رقبتي وخنكني دفعني عالكنتور

وشك الدشداشه عليه من طولها

رجع خنكني من رقبتي صرت اجر بالنفس كوا وجهه مليان غضب ويصك على سنونه ركز على الجرح وفك عيونه مصدوم

ضرار... خر بالكـ*** انعل ابو الخلفج هسه

سحبني من ايدي وكعدني عالجربايه وانه بس اشهك بالبجي ودموعي مثل الشلال

اجى جايب علبه بيده وجهه احمر من العصبيه

ضرار بعياط... اااااسكتي ماسمع حسج

ضل ينضف بالجرح وصوته يرج بأذني حتى نسيت على شنو ضربني احس فقدت الذاكره من وراه وهوه مستمر يحجي ويرزل

ضرار... الله بلاني بوحده بس لسان وفوكاها عرمه كليلي شسويلج عفتج كلت بلكي تعقل وتحس على روحها اعوفنج براحتج تنجليين عليه احترمج دوسيني بالنعل شسوي اااحجي احاول استخطيج ومامد ايدي عليج تن*** بلسانج ووكاحتج

سيرين... كااافي تعيط

ضرار بستهزاء... اي ماااعيط ازعجتج مدام

سيرين... لاذب الصوج بيه وفوكاها تريد تعتدي عليه

انه حجيت هيج عيونه نطت وفك حلكه لزمني من خدي وهوه صاك على سنونه

ضرار... ولج شني اعتدي عليج

سيرين... لعد من تشك دشداشتي على طولها شيسمو هذا !!

ضرار... انعل تفكيرج الخـ*** شايفتني كـ*** اعتدي عليج

سيرين... ضليت ابجي واشهك وهوه يسوي بالجرح كمل وراح لبس تيشيرته ونزل شوي ورجع بيده مكناسه

لم الكزاز كله ونزله واني على فرد كعده وادردم عليه

سيرين... الشويب كسر كون يااايمه تعالي ليه وشوفي شسوا بيه

ضرار... خلصتي

سيرين... موكتلي كسر بايدي اذا اضربج ها وين راح كلامك لو طار وي الهوى

ضرار... لاتخليني امددج هناه وانهيج ولسانج تمدينه بطول *** اذا ماتوبتج اطلع *** و *** اصبريلي

سيرين... لاااتفشر الله ياخذك

ضرار... ياخذني واخلص من هالبلوه انه كـ*** جايبها لروحي

سيرين... على نفسك موعليه

ضرار... لاضلين تناشغين كومي لبسي دشداشه

سيرين... حتى نسيت نفسي بدون دشداشه من الفشله ضليت اشهك باعلى صوتي

راح هوه طلعلي من الكنتور واجى

ضرار... عليش هالبجي

سيرين... وخرر

نفخ بضيك وحجى:- ريحانه صـ*** مو جن كبران كبل لانجي ماجان هيج

سيرين... عاينتله بصدمه وحرت شجاوبه سحب الدشداشه من ايدي ولبسني ياها

ضرار... وخري خل انكبر

راح طفى الضوى ولف راسه ونام كمت للحمام غسلت وجهي صاير احمر من البجي من غير الجروح البيه

كعدت بالكاع ضميت رجليه لصدري واشهك بالبجي روحي خوت واني احبس بصوتي

شوي وانفتح الباب شافني عكد حاجبه مصدوم
اجى كعد بمستواي واني عيونه بلكوا مفتحتهن

ضرار... خرب بيه عليش فحطانه من البجي

سيرين ببجي... عوفني لوحتى بهاي ماراضي

ضرار... كومي بالله

سيرين... ماااريد

سحبتي من ايدي واخذني وراه نام عالجربايه وسحبني عليه

ضرار... هسه ابجي براحتج

سيرين... شدسوي عوفني

ضرار... ابجي عيطي بحضني

سيرين... كل دموعي من وراك وتريدني ابجي بحظنك

ضرار... شسوي اذا انتي تجفصين وتخليني كوا امد ايدي عليج

سيرين... طبعا ليش انت عندك غير الضرب

ضرار... انتي تـ*** الواحد بسوالفج ضبي لسانج وانه ماجيسج يعني هسه من صيحتي وعربدتي شستفاديتي كليلي؟

سيرين... لارد

ضرار... انه من استخطيج وماحاجيج اكولن هيه تحس على روحها وتعرف غلطها واشوفنج تزيدين ماتتقصين شسوي بهالحاله انه

سيرين... كلشي بالتفاهم بس انت ايدك والضرب

ضرار... انه كـ*** اذا عصبت ماشوفن دربي ابتعدي عني ولاتجفصين بمصاريني مأاذيج ولاجيسج اذا انتي ماترتاحين الاتبـ*** يالله سكتين

سيرين... ليش تفشر !!

ضرار... انه شوكت مفشر ؟

سيرين... ليش معاقبت مرتك اجيت عليه

ضرار... ولج شعاقب منها وانه اريدن اشوفن شي صاحي بيها

كرصني من خصري وغمزلي ... صايره خطيره البربوك

سيرين... وتالي وي لسانك

ضرار... شبيه

سيرين... ماجاوبته ضلينا اثنينا ساكتين تعجبت على ارواحنا ساعه نكون مشتعلين مثل النار وساعه ابرد من الثلج

عاينتله لكيت غافي شبسرعه نام ، ماعرف ليش نقهرت عليه انه هم لساني صاير فالت بس كله من وراك حتى خليتني افشر

انه هسه شسوي حرت وي هالشويب

ليش موراضي ترجعني لاهلي وتخلص نفسك ونفسي من التعب الي عايشينه ؟

اغفيت من التعب او يمكن خويت من الضرب الاخذته

_ماكعدت غير على لمساته تتوزع على كل انش بوجهي فتحت عيني وجهي مقابيل وجهه

ضرار... صح النوم

سيرين... هاا

ضرار... جوعان

سيرين... لعد متاكل

ضرار... كومي سويلي شي

سيرين... روح لمرتك هيه سويلك

ضرار... سيييرين

سيرين... بيش الساعه

ضرار... ب٨

سيرين... حييل شكد نايمين

ضرار... كومي حتى امرن للحجيه اشوفهن خاف محتاجات شي

شيرين... اجي وياك ولاتكول لا

ضرار... امرلي لله يله كومي

سيرين... كمت  غسلت ورجعت مشطت شعري ضفرته على طول عاينت على وجهي يخوف

هيه هاي هم خلقه خرب حظج سيرين لوساكته ماجان حلصتي هالضرب

_اخذت من المكياج الجبته وضليت اخفي بيه واني ادردم عليهم محروك كلبي منهم

سيرين... الهاشه ماكله وجهي كسر بايدج كون فوكاها الشويب زيدها عليه

ضرار... لادردمين

سيرين... انه شحاجيه ها

_اجى تقدم عليه وكف كدامي ويتلمس الجرح

ضرار... هخخ منج

عافني وراح اخذ ملابسه ودخل يسبح ، خليت حمره خفيفه وكحل

سيرين... ههههه رغم الجروح اضل حلوه احلى من هالشويب ومياده العوبه

خذت شالي ونزلت جوا الولد كلهم كاعدين بالاستقبال بس البنات بالمطبخ

لاكتني الحجيه كاعده ويمها عمتي بدور وبديعه

سلافه... صح النوم يالمعصعصه

سيرين... عشتو وشبيه معصعصه خوما تردين هايشه اصيرن مثل بعض الناس

سلافه... وج يالغاكه شكصدج

سيرين... ماقصدي شي

بديعه... يمه سيرين روحي يم البنات

سيرين... صار

عفتهن ورحت للمطبخ مياده جانت واكفه وتسوي زلاطه شافتني عوجت حلكها والبنات يحضرن بالعشى

اجتني رهف تركض وتوكع لابسه نعال تك وتك وحلكها دومه مدمر

شلتها وهيه ضحكتها ماليتني

سيرين... ااااوي فدوه اروح انه للبنات

_اجت جنوب وميس شافني تفاجان

جنوب... وين جنتي ولج عبالنا موتج ودفنج

ميس... كلما نريد نصعد جده ماتخلينه

سيرين... لاشيسوي مثلا نمنا ونسينه الصار

مياده... اي من التكفخ المطبوع بوجهج

سيرين... ههههااي بس مونفس التكفخ المرسوم على هالخلقه

مالكه... والله نسوان

سيرين... تهي بهي

رباب... يله عيني مدي ايدج ويانه لومحنايه

سيرين... وانتن كومه موجودات خايفه على ايديناتجن

ميس... حضلن هيج كافي والولد منتظرين العشى خفن ايديجن

جنوب بهمس... وج انتي ماسكتين عبالي فقيره فلك صابج

سيرين... الفقير مايعيش بيناتهم عاملتهن بالطيب مافاد خليني اعاملهن مثل مايعاملني والله كريم

جنوب... والله هذن مايفيد وياهن الطيب مهات دوده

انه سمعت هيج وطكيتها ضحكه لدرجه حتى غصيت

جنوب... ياافلك صوتج

سيرين... ضرار مأثر عالكل بحيث مخلي الكل لسانه فالت

جنوب... ولج شمأثر كولي لاعب لعب انتي شايفته من يعصب يجيب جده السابع عشر يحطه جدامه ومايخلي غلطه مايغلطها

سيرين... على نفسي تعودت عليه وصارت عندي عادي لدرجه حتى الفشار اليكوله صار مطبوع بعقلي

ميس... ولجن كافي سوالف امشن

نزل ضرار من فوك مبدل وكاشخ راح باس الحجيه وامه وعمته واجى يمنى

حضن ميس من كتفها ويضحكلنه ولاعبالك الي رافع خشمه وعصبيته ناطه من عيونه

ضرار... شلونهن بناتي

ميس... بخير

رهف بس شافته شمرت نفسها عليه

ضرار... هلا برويحتي وججج بويه شهل تلعوص

ميس... كلساع اغسللها وترجع توصخ نفسها تعبتني

ضرار... بنيتي ليش تعبين عمتج لاصيرين وكحه مثل هذيج البت

جنوب... احم منيه !!

عاين عليه ورجع عاين لجنوب...تعرف روحها

جنوب... هوه من نضراتك عرفناها

ضرار... انه اخليها تعقل

سيرين... ضرااار

ضرار... ها بويه

سيرين... برطمت عليه عفتهم ورحت واسمع صوت ضحكته

لهيت نفسي وارتب بالاكل خلصن وودن السفره
واني ضليت اودي بالاكل وياهن

احس بالفشله منهم وهمه ابدا ماحسسوني بشي وتعاملو وي الموضوع عادي

بديعه... يمه سيرينه اكعدي يم رجلج

سيرين... وليش ماكعد يمج

أشرتلي بحاجبها رحت كعدت يمه ومياده من الجهه الثانيه

سيرين بهمس... عشتو مسفطنا وكاعد بنصنا لعد الثالثه وين تكعدها فوك راسي

ضرار... لاتلحين بالحجي سدي حلكج واكلي

سيرين... سمعتني

ضرار... اششش

خزرني ورجع ياكل رهف كلساع تنتقل بحضن واني الكمه بلكوا ابلعها احس كلهم يسمعوها

خلصنا وغسلنا المواعين ورحت وديتلهم الجاي وايدي تختض بحيث الجاي صار بصحن الاستكان

ليث... منا علما توصليلي الجاي مخلص جيبي

كان واخذ الصينيه من ايدي وهمه يضحكون من الفشله ماعرفت شسوي

عود ردت اروح انداريت وندفعت بالميز

حطام... الله علكيفج بويه

سلافه... خايبه شمالج كمتي تناطحين

الدمعه بطارف عيني صارت من الفشله رحت بدون ماجاوبهم وصاحني ضرار

ضرار... بويه تعالي وين رايحه

انداريتله حتى مكدرت اجاوبه

درت وجهي بزعل
وماحس غير انركع بحافه الحايط مال باب

واني ردتها حجه حتى ابجي كام ضرار يسكت بيه وهمه يضحكون

عزام... خايبين شمالكم وي البت خجلتوها

بسول... هوه استكان جاي وجابته مخلص بس عاشت ايدج ولاضايك مثله من كبل

ضرار... خزرهم وعاط عليهم،كافي ولكم

سحبني من ايدي اخذني وطلعني واني اريد اطم نفسي من الفشله

ضرار... وج كافي ليش هالبجي

سيرين... وخر كله من وراك

عكد حاجبه وفتح حلكه بتفاجأ

ضرار... ولج انه بيها عليها

سيرين... الجاي خلص

ضرار... ميخالف نسوي غيره

سيرين... عووفني

سحبني عليه وحضني باسني من كصتي وهوه يضحك

ضرار... ههههههاااي هسه غير اعرف ليش تبجين

سيرين... موكلت نروح للحجيه يله اخذني

ضرار... اي تدللين يله امشي بدلي

وخرت منه وعيوني مغوشه من الدموع

سيرين... ناخذ جنوب وميس ويانه

ضرار... اي ناخذهن

سيرين... اي ماشي انتضرنا نبدل ونجي

كمت طكيتها ركضه وهوه صاح

ضرار... سمعت بيها طلعه نشفن حتى الدموع

صعدت لغرفه ميس وجنوب لكيتهن ينضفن بالغرفه كالباتها كلاب

سيرين... جاي سون

ميس... جاي نضف

جنوب... والله لومافارغه ولاجان نظفتها

ميس... موترديني انضف وصاختج والحلويات التذبيهن جوا الجربايه

جنوب... عاد شلونج اشو الكنتور كالبته مانعرف ملابسي من ملابسج

سيرين... هسه عوفن هالحجي بدلن خنروح للحجيه ضرار كال

اني كلت هيج ذبن الغراض من ايدهن وراحن يبدلن

عفتهن ورحت لكيت ضرار يخابر اخذت صايه لبستها وطلعت شال وحذاء خليت حمره شوي

ضرار... وج وين رايحين احنى

سيرين... للحجيه غير

ضرار... چا ليش هالكد معدله روحج

سيرين... تريدني اروح مبهذله

ضرار... لاعمي شلون طلعين مبهذله

اندك الباب ودخلت جنوب وميس مبدلات

جنوب... خلصنه امشينا

ضرار... شبسرعه

ميس... ليش شعدنا احنى

ضرار... اي امشن

راح هوه قبلنا واجت جنوب اخذت من عطره وترست نفسها وميس هم

سيرين... هاي جاي سون

ميس... نخلي عطر

جنوب... ولج امشي كافي لايشمنا

سيرين... ههههههه هوه غير العطر حتى الجلب يشمه

جنوب... لاياجلبه دمشي ولج

نزلنا جوا شفت ضرار واكف بيده رهف ويحجي وي مياده وهيه بس تهز براسها

وعمتي بديعه وبدور كاعدات ويسولفن رباب بغرفتها ومالكه كاعده يمهن وتمشط بناتها

بدور... هلا يمه وين رايحات

ضرار... راح اخذهن للحجيه شوي ونرد

بديعه... الله وياكم وليدي

ضرار... محتاجات شي كبل لانروح

بديعه... لا يمه

باسها من راسها وعاين لمياده

ضرار... تجين ويانه

مياده... لا مابيه حيل روحو انتو

مشن البنات قبلي ردت اصعد ورى مقفول الباب رحت من الجهه الثانيه هم مقفول

دكيت عالجامه جنوب تعاينلي بطرف عينها ودارت وجها

وضرار يباوعلي وجهه احمر من الضحك
رحت كعدت يمه ومطنبه عليهم

جنوب... معلينه ضرار قفل البيبان

سيرين... وليش سويت هيج

ضرار... غلس ماجاوبني وحج،يله نمشي

اندار شغل السياره واشوفن حيدري جاي من بعيد
شافنا سرع بمشيته

ضرار... اجيت بوكتك

شغل السياره ومشى باتجاه حيدري لدرجه صار قريب عليه وهوه شافه وطكها ركضه وضرار يمشي وراه بالسياره ويعيط عليه

حيدري... يببببوو رااح يكتلني

ميس... هههههههههههه ااسررع

ضرار... صاار

هوه ماصدك قوه سرعه السياره وحيدري مستمر يركض لدرجه التراب يتطاير وراه تعجبت على سرعته بالركض يريد يفلت بروحه العزيزه

حيدري... يعيط ويركض ... وييين تروح من الله ياااعلم رااح يكتلني

ضرار... السـ*** فضحنا

غير اتجاه طريقنا وماشفناه بعد ومانحس غير جام السياره ينركع

وكف السياره اندارينه ونشوف حيدري لازم الطابوك ويشمر عالسياره

سيرين... هههههههههه حقه

ضرار... مايرتاح الا احطه جوا السياره

رجع السياره ليورى وهوه طكها ركضه ، وصلنى اعاين للبيت صغير وبسيط بس كلش مرتب من برى

دكينا الباب طلعت غيد لافه الشال على راسها ومخليه ماسك

ضرار... وجج انتي كل وكتج تخلين بهذن على وجهج

غيد... خايبين منورينا اليوم جا شسوي واني مكابله اربع حيطان

سلمنا عليها ودخلنى جوا الحجيه كاعده وتسبح يمها قوري الجاي وعلبه الكعك

كعدتتا صارت عباره عن سوالف وضحك حتى ضرار ويانه وصوت ضحكته الي يرن بارجاء البيت

عكس عصبيته وعياطه سوالفه جانت ماليتنه

سيرين...

مخلي راسه بحضن الحجيه ورهف كاعده على بطنه وتلعب بلعابتها واحنى محاوطيهم

تمنيت هالفرحه والضحكه دوم وبنفس الوقت تذكرت اهلي وكعداتهم

شلونهم وشلون حالهم هسه ابوي شحاله وامي وين صفت

مراد ومرتضى التهو عني لوبعدهم يذكروني وبدر معقوله نساني

بس اجى بدر ابالي عاينت لضرار

سيرين بكلبي... انه لحد هسه عندي أمل ارجع لاهلي بيوم بس مع كل هذا عرفت غلطي وياك شنو وتغاضيت عن حبي وحب طفولتي حتى ماخونك ببالي واكون خاينه بحقك وبحق نفسي

بس شوكت تحس بيه وبالي بكلبي انه هم بشر  مثلك وعندي مشاعر واحساس زين ليش مجاي تحس باحساسي

جنوب... سييرين وين صفنتي كومي خنروح

سيرين... ها اي كايمه

_رجعنا للبيت اخذت رهف وطكيتها ركضه لغرفتي بدلت ورجعت حتى انوم برهف وهيه تلعب وتناغي

شوي ودخل ضرار راح للكنتور اخذ ملابسه وطلع
وانه لفيت راسي ونمت ورهف بحضني

_لصبح يالله كعدت على صوت رهف وهيه تجر بشعري وتبجي

سيرين... هخخخ شعري شبيج من صبح

رهف... ام_عم

سيرين... جوعانه

رهف... ثينه ام

سيرين... ياروح سيرين هسه اوكلج

كمت اخذتها غسلت وغسلتلها لبست شالي ونزلت جوا

صبحت عليهم جانو كاعدين بس الولد طالعين للشغل وضرار وياهم

رحت حضرت الريوك ورباب ومالكه يدردمن لان كاعده متأخره ومياده تروح وتجي تفتر فوك راسي ماهتميتلهن وكعدت اكل انه ورهف

خلصت وديتها يم عمتي وطلعت حتى انضف الحوش والحديقه

نضفته واحس حيلي انهد شوي وسمعت عيطه عمتي عفت البيدي ورحت

لكيتها واكفه وتعيط على مياده

مياده... عشتوو وانه شنهي اشتغل عدكم واكعدن انضف من الصبح لليل

بديعه... ولجج شمنظفه وانتي مكضيتها تسخت ونوم ولي من وجهي

مياده... واله اشو بكيفي اروح ماروح مالج شغل

بدور... ولج يالعوبه مواكلن لضرار اخلي يكسرج من فوك ليجوا لاتراددين وامشي ولي لابارك الله بهيج وحده لااخلاق ولاتربيه

مياده... هيهي والله عفت الاخلاق الكم

عافتهن وصعدت فوك وهنه ضلن يحجن عليها
رجعت لميت اغراض التنظيف

وصعدت فوك حتى ابدل ملابسي ماعرف ليش اخذتني رجليه لغرفتها

فتحت الباب بدون مادكه جانت تصفط بالملابس وتشهك بالبجي تعجبت عليها وليش حتى تبجي

شافتني وكامت اجت يمي سحبتني من ايدي
وقفلت الباب

_ يــــتـبــع . . . . .

لاتنسون تتفاعلون وتصوتون 🙂♥️😍...

والي عنده سؤال استفسار ايشي يجي عالنستا♥️,

حسابي الانستغرام :
taranim.hadi