الثأر الثاني والعشرون
ثارهم وبنت الفقير
بقلمي_ترانيم هادي ♥️🕊️.
لاتنسون تصوتون عالبارت حلويني
.
وتعاليقكم بين الفقرات لاتنسوها
.
ومتابعه للحساب ♥️🕊️,
taranim_09
_شافتني وكامت اجت يمي سحبتني من ايدي
وقفلت الباب
مياده... كعدي اريدن احجي وياج
كعدت بطرف الجربايه وخرت الملابس وكعدت تنهدت وبس دموعها تجري
تريد تحجي من ورى شهكاتها متجمع ولاحرف
سيرين... اهدي علكيفج وي روحج
مياده... ا اريد اح احجي تعب كلبي
سيرين... احجيلي بكلي اساعدج
مياده... انه بت حالي حال البنات حقي احب وانحب احنى سبع بنات ابوي جان يتذمر من عدنا وجيف خلفته بس بنات دوم مشاكل وي امي
صار يزوجنا بعمر صغير وكلهن محافضات لوكرايب ولاوحده بيهن مرتاحه هاي الزوجها سكير وهاي الماخذ عليها والي مدبره عيشتها كوا
اخر وحده انه جنت احبن ابن خالتي وهوه هم عبن من سافر حتى يدرس كال من ارد اخطبج من اهلج
الله شاهد حبني حتى اكثر من روحي حبيته وتمنيته يكون قسمتي بس ماصار
علاقتنا نظيفه جانت ماغلطنا بشي ولازنينا
بس حبينا بعض شنو الغلط السويته ؟
من سافر بعد ماحجيت وياه عبن لاعدي تيلفون ولاشي اكدرن اتواصل وياه وليش ماوحده من نسوان ديرتنا شايفتني بوكتها ام ضرار جانت رايدتله مره لبنها
وعلى حضي اجت وطلبتني رفضت انه من رفضت ابوي وكع بيه ودكني كسر ايدي بوكتها
شهكت بدموعها خلت ايدها على حلكها تحبس صوت بجيها وتبجي
ردلهم خبر بالموافقه وانه بالمستشفى لامن درى ولامن علم
من طلعت يالله دريت وجان باقي يومين حتى تجي المشيه كالهم وكعت من الدرج وانكسرت ايدها وانه ردت طريقه حتى اتواصل بيها وي ابن خالتي ماكو
كطعت الاكل ملخت روحي لطمت بجيت مافاد جان اذا سمع بيه ابجي يجي يدكني ويطلع
ولحد هسه كلامه ابالي من يكلي
... ضليتي بس انتي اريد اخلص منج وارتاح
بنته انه شلون يسوي هيج كلامه سجاجين وطعن بكلبي ريتني ميته ولاسامعه حجيه كرهني بروحي لان ولدت بنت حسسني انه عار عليه ويريد يخلص مني
صارت المشيه وكلشي تم وانه حتى ماشايفه العريس اتخيلي اسمه عرفته بليله العرس
كبل الحنه بيوم بت عمتي اجتني جانت تدري بعلاقتنا وتدري بينا نحب بعض
خذت مبايلها ودكيت عليه ويرفض اخر شي دكيت وجاوبني ماجاني غير بس صوته وهوه يشهك ببجيته
كطعها لروحي بصوت شهكته تمنيت الموت ولاالموقف الجنت بيه
مياده... فدوه لاتبجي ماستاهل والله
ايهاب... كتلج انتضريني شلون سوين هيج
مياده... والله غصب عني موبرضاتي ودااعتك
انه بين الحياه والموت وهمه يحددون موعد عرسي موووعرسي اجنازوتي
ايهاب... ميااده اروحلج فددوه اصبري ولاتااخذين والله ااموت انه طيارتي باجر راد
سيرين... وشصار بعدين !!
مياده... بشهكه وبجي، بيوم عرسي طيارته وصلت اخذوني منا بدلتي جدامه واني اعاينله كتل روحه الولد كاضينه بلكوا
ردت اعوف الدنيا واروحنله ماتتخيلين شنو شعوري واني انزف لغيره
حجايه ابوي همسها بأذني
لاتردين بيوم لهالبيت عبن تردين منا ازوجج منا ماكو بت تضل بيتي
ازوجت ضرار وجيت لهالبيت بيوم السبعه بت عمتي جابتلي تيلفون هوه دازه بيدها
كمت احجي وياه بدون محد يدري هوه كطع علاقتنا اكثر من مره وفهمني هالشي حرام ومايصير
بس ماكدرت روحي معلكه بيه شبيت عليه وعلى حبه بيوم وليله اصيرن لغيره
كرهت اهلي كرهت ابوي لان من وراه حسسني بالعار من روحي وانه مامسويه غلط
كرهت امي لان بسبب ضعفها بناتها بهالحاله وكلوحده الضيم ملاحكها
حلفت ماخليهم يرتاحون ولايشوفون الراحه صرت اسوي مشاكل بهالبيت
ضرار جان زين وياي حتى على العلاقه ماجبرني بس جان لازم ياخذني واصيرن مرته
صرت اشرب مانع خافن احبل واضل معلكه كل عمري وكل شهر اسويلي زعله حاى اروحن لاهلي واجيبن مانع لوبت عمتي هيه جيبلي
وانه مشاكلي كثرت كرهتهم كلهم بيه حتى اخلي ضرار يطلكني لويعوفني كعد يتافهم وياي عرفته مايحب المره الجسره والتعاند صرت اسوي عكس اليريده وكلشي يضوجه
مل هوه صار اذا مامشيت بالحجي والتفاهم يكتنلني انه اكيف من يكتلني حتى اروحن زعلانه لاهلي واكدر اشوفن ايهاب
بس فوك الكتل الاخذه من ضرار يزودها عليه ابوي يكتلني كتله يوصلني للموت وهوه بيده يردني لعيالي
انه ازيدن مانقص وصالي على هالحال من بدايه زواجي ولحد هسه
صارت تبجي وتشهك حرت شلون اواسيها ، حالها مثل حالي بس الفرق هيه ابن خالتها وانه ابن عمتي
حضنتها واثنينا نشهك بالبجي
مياده... موذنبي بالجاي يصير بس يستاهلون انه هم تعبت وتعذبت شنهي الغلط السويته حتى اعيشن هالعيشه
سيرين... ربج يفرجها اصبري
مياده... الصبر هم اله حدود جاي اموت ومحد حاس بيه شفتيهن يحجن على اخلاقي وتربيتي
هاي مواخلاقي ولاتربيتي جبببروني اصيرن هيج
اريدن بس اخلص من العذاب العايشته وتأنيب الضمير وانه اخونن ضرار وروحي الي معلكه يم غيره
سيرين... عجزت شجاوبها وبس دموعنا تجري شفت نفسي بيها والي هيه عايشته
ابد ماجنت متوقعه حياتها هيج وشنو البداخلها
مياده... بس انتي حجيتلج عبن روحي طكت وانه اكتم بداخلي احتاجيت احد اشكيله همي ويهون عليه
سيرين... وانه بكل وكت موجوده
مياده... عذريني عالسويته
سيرين... وانه هم عذريني
كمت وكفت مسحت دموعها وضحكت
مياده... خايبه كووومي ماحبن البجي
سيرين... دموعي تجري وكان ردتها حجه حتى ابجي، انه مكضيتها على الاقل شي وابجي
مياده... دكوومي يالفاهيه خليج كويه شتفيد الدموع
سيرين... عكد مايكون الشخص قوي بداخله حرب تخلي ينهار
مياده... انه مايفيد الحجي وياي كومي ولج طلعي من غرفتي خلني المن الهوسه وانزللهن عبالهن يخلصن
سيرين... هههههههههههه اي رايحه
عفتها ورحت لغرفتي سبحت وبدلت نزلت جوا لكيتهم هسه جايين
بسول... وين الغدا موطكت مصاريني
بديعه... هسه يمه اصبر
غيث... يمه شنصبر والحبايب يشتغلن على كيفهن
حطام... خايب شمالكم اركدو
سلافه... يلااا يالمحنايات وييينجن
عاينت عليه وحجت ،واتي ماتحركين ايدج وياهن
سيرين... هنه كومه ويشتغلن انه شكو
سلافه... امشي يالصفيره جيبي الاكل وياهن
سيرين... غير اخبل شبيه صفره
ليث... والله تعجبني الثقه الشايلتها چا مثل ثقتي ممروده بالخيس
سيرين... هههههههههههه واحد غير يحجي الصدك
نزلت مياده من فوك عفتهم ورحت للمطبخ ومالكه ورباب يتهامسن
مياده... شوفيهن هالحيايه جاي يتفقن ياهي التنكل الاكل
سيرين... هههههههههههه
عاينن علينه مستغربات
رباب... خير ملتمات الحبايب
مياده... انه وضرتي اتي شكو نبصتي
مالكه... دهااج اتي وضرتج ودن الاكل
مياده... اي نودي شكو بيها
اجى ضرار من برى هوه ودرغام وانور
درغام... يهلا بالربع
مالكه... هلا بيك
ضرار... خير مجتمعات اليوم
مياده... كل خير تعالو حتى نتغدا
انور... والله اجى بوكته يله نتغدا
درغام... انت منو عزمك امشي ولي
انور... واته شكو بعدك ضال ماتولي
ضرار... بسكم مناكر وثنيتكم ترحون يلههه
درغام... ها ابن العم مامرجيه منك تطردنا علمود ماعون تمن
انور... وهم تمن بدون شعريه يمكن
ضرار... وتتشرط فوكاها
انور... امشي ابن عمي خنشوف جدنا
لزم درغام من ايده وراحو جوا اجى ضرار عليه هنه ممنتبهات يصبن اكل
باسني من خدي وراح بدون مايحجي،عاينت لمياده تباوع وتضحك
مياده... خافن نوب ببوسه يحبلج هههههه
خزرتها ورجعت تصب بالاكل
صرنا نودي بالاكل انه ومياده وهمه متعجبين على هدوئنه حتى ضرار
سلافه... الله يهديجن
مياده... اي حجيه انشالله
سلافه... حجت
مياده... چا اخيطن حلكي تردين
ضرار... ميااااااده
مياده... هايبعدي محتاج شي
هز راسه وخزرها وراحت كعدت يمه اخذت رهف لحضني ورحت كعدت يم جنوب وميس وهوه كدامي
كلما ارفع راسي يخزرني ماهتميت ورجعت اكل
_للعصر جنا كاعدين بالحديقه انه والبنات ودخل حيدري من برى
مخلي حيه على رقبته ويتمخطر بمشيته
حيدري... هلا بالضلوع
هنه شافنه وكل وحده طكتها ركضه ليجوا واني ضليت كاعده بمكاني ورهف بحضني
حيدري... والله وكفو ماتخافين من هالحيه
سيرين... ماخاف
حيدري... طبعا اثنينجن نفس الفصيله
وخرها من رقبته وكعت بالكاع اجت باتجاهي رهف نطت من البجي كمت بسرعه شلتها والحيه كدامي
سيرين... يممههه وخررررها
حيدري... اصبري لاتعيطين تخوفيها
سيرين... حتتتعضني ضرااااار الحكني وينننك
حيدري... ولج لاصيحي بدون سنون هالحيه
سيرين... ضررررررااار
اجى شالها وكلهم طلعو
حطام... خيررر شصاير
سيرين... حييه
عاين لحيدري وهوه واكف والحيه على رقبته
ضرار... انعل عشيرتك
حيدري طكها ركضه وضرار ركض وراه جان اكو بوري ورى الباب سحبه ومشى
حطام... االحكهم
بسول... جدي عوفه خيربي
عزام... هسه وين وصلو بالركض
ليث... خنروح نشجعكم نشوف ياهو اليكتل
غيث... ابن عمي وابن امي يله امشونه
حطام... طيح الله حظكم واحد انكس من الثاني
_اخذت رهف اسكت بيها وهمه شوي واجو ضرار بيده البوري ويلهث واتبعه حيدري عصبيته ناطه من عيونه
اجو كعدو كلهم بدون مايحجون
سلافه... شمالكم وجوهكم تتلاطم
حيدري... حفيدج كتل الحيه
ضرار... مواكومن اكسرك ضال تفتر بيها وهذاك اليوم امك جان نجلطت وهم رديتها وجاي اليوم
مخليها جدام مرتي وعياطها واصل للشارع سـ** اركد
_عض شفته بفشله وفرك كصته
حطام... ولك شنهي هذا فشارك
ضرار... اعذرني جدي
سيرين... هههههههههههه
التفتو عليه وانه من الفشله ابتسمتلهم
سيرين بكلبي... متدري بلسانه من يمده
حيدري... تدري بيش جايبها ماجان كتلتها تراها بدون سنون
بسول... لاضوج نجيبلك غيرها
حيدري... انه ماريدن غير أيلي
عزام... مني ايلي !!
ضرار... هههههاااي الحيه مسميها أيلي
دخلو درغام وياه انور واتبعه اشخاص ماعرفهم
عدلت شالي واني كاعده بصف عمتي وجنوب وقيس يمي وكلها متجمعه
رضوان... شلونهم الجماعه
نمار... اجينا نعزي رفيجنا سمعنا ماتت مرته
انور... هههههههههههه المطكعه
درغام... الله يرحمها خوش مره جانت
_هوه يعاينلهم بعصبيه وهمه يحششون ويضحكون
قيس... چا لوشوف شصار بسيرين من هدها عليها
رضوان... وينها سيرين
اشرت عبيه وهوه باوعلي
رضوان... خيتي شلونج
سيرين... الحمدالله
انمار... خاب جنها عمتي دنانير شوفها
بديعه... يمه خافن ماتعرفيهم هذول ولد خالج ذاكر
رضوان... حقها ماتعرفنه انشالله بالايام الجايه تعرفنا اكثر
حيدري... يله انه رايح
كام وكف وسحبه ضرار من ايده ورجع كعد
ضرار... اكعد لك وين رايح
حيدري... اريد لروح شرايد بعد
ضرار... ولك لاضل كالب خلقتك لاكلبها الك
حيدري... وأيلي
رضوان... نزوجك غيرها
درغام... شوكت الفاتحه لازم نقيم بالواجب لخاطر ابن عمنا
انور... اي طبعا بالاول خل نشيعها
ضرار... تلكوها يم البستان قيمو بالواجب وانه حاضر
انمار... ماتقصر
حطام... بسكم من الولد شمالكم ويا
سلافه... ماطلعت حيه
حيدري... رجعو الفلوس الذبيتهن عليها
ميس... موكتلي اخذتها من صديقك ببلاش
عاين لميس وخزرها
رضوان... صاير لوتي هوه هههههههه
شوي واجى هجاس ورزام كمت اني والبنات نسوي جايات والي يردون كهوه
البيت انملى بصوات ضحكهم وسوالفهم وانه ندمجت وياهم وخاصه ماحسسوني انه غريبه لوحسسوني بشي محلو بالعكس شقاهم وسوالفهم وياي وضرار يخزر بيه لويوديني على جاي كلساع وهوه مايشربه
كمت حتى اجيبله جاي والولد راحو اجى رضوان وانمار للمطبخ
ساكتين وكأنهم متوترين
سيرين... ها خوي محتاج شي
رضوان... سالمه خيتي ضرار شلونه وياج
سيرين... ها زين وياي
انمار... احنه ماملتقين كبل ولاحاجين وبسبب المشاكل والظروف الصارت هسه يالله درينا اتي بت عمه دنانير
رضوان... خيتي اذا حتاجيتي شي لوصار شي وياج احنى موجودي وكليوم امرلج اشوفنج
اجى ضرار شافنا وعكد حاجبه وكف يمي وحضني من جتفي
ضرار... خير ولكم
رضوان... هم جيت موجاي نحجي وي بت عمتنه
ضرار... نجب لك احجي بوجودي يله ولي طولتوو
انمار... امشي اخووي اامشي بكل صلافه واكف ويطردنا جدام مرته
ضرار... ههههههاااي الله وياكم
رضوان... ديربالك على سيرينه
ضرار... مخليها بعيوني
انمار... ومن تنعمي عيونها وين تخليها
ضرار... بكلبي
رضوان... خيتي ديربالج على رويحتج يله اودعناكم
سيرين... الله وياكم
راحو وهوهو بقى واكف سحبني عليه وحضني من خصري
ضرار... مشتاقلج
سيرين... همم
ضرار... سمعيني حسج
سيرين... ها
باسني قريب على شفتي وخر ،لليل خلصت الشغل وصعدت لغرفتي حتى انام
ورهف يمي بدلتلها وبدلت ملابسي ودخل ضرار
ضرار... شلونهن بناتي
سيرين... زينين
ضرار... هخخ طفي الضوه خلنام
سيرين... وين تنام
ضرار... هنا
سيرين... ليش !!
ضرار... شني ليش غير مريتي وانامن يمها
سيرين... ومياده
ضرار... حك لحيته وغمزلي،نسواني لازم اعدل بينجن يوم يمج ويوم يمها
سيرين... شكرا ماريد تعدل بينا تكدر تروحلها
ضرار... هههههاااي موانه بكيفج
اجى شال رهف وراح نام وهيه بحضنه
سيرين... الشويب يعدل بينا هوه
كمت اخذت فراش وعدلته بالكاع
ضرار... ووووين ؟
سيرين... اوي وشبيك تعيط وانه اكيد مانام وياك على فراش واحد
ضرار... موانه ابزز
سيرين... صوتك عالي حتكعد البنت
ضرار... هينه
لفيت راسي ونمت وهوه ينافخ من العصبيه
ماعرف شكد مر وكت وكعدت اعاين لضرار نايم يمي وحاضني
سيرين... شوكت اجيت وانه مثل الميت لاحسيت ولاشي
مياده...
خليت المبايل بـهدامي ونزلت جوا بدون ماحد يحس عليه ... كلها نايمه والبيت يدوي
رحت للحمام البرى وفكيت خط عليه...واجاني صوته اليردلي روحي
...ماكدر اتحمله عبنه هوه نايم يمي واتخايلك بمجانه ورويحتك تمرني كلما يتكربلي
ايهاب... كلبي يتكطع كلما اتخيلج بحظنه
مياده... نزلت دموعي بقهر ،اعرفن الجاي اسوي غلط بس ماكدر اعوفنه
الواحد من يتعود على شي صعبه يعوفه وانه صارت روحي بيه
نهيت منه المكالمه ورجعت حتى اصعد للغرفه واشوفن كدامي ...
_ يــــتـبــع . . . . .
والي عنده سؤال استفسار ايشي يجي عالنستا♥️,
حسابي الانستغرام :
taranim.hadi
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!