رواية ثارهم وبنت الفقير الفصل السابع والخمسون 57 - بقلم الكاتبة ترانيم 🤎

٥٠"

ثـارهم وبنت الـفقير

غربتي
وصوت النواعي ايــلوحني
ويلتم بديه
الصوت بي ريحة عيوني
وبي هلي اوحشة مسيه

_عريان السيد خلف

خليت ايدي على حلكي احبس صوت
شهكتي
سيرين... اريد اكلك شي

ضرار... شني ؟

سيرين... الكلام الي راح اكوله مراح يعجبك بس ماريد نستمر بعلاقتنا والاحسن كلشي ينتهي بينا

كل مشاعري وكل كلامي تجاهك مجرد تمثيل
انه مابيوم حبيتك ولاراح احبك

سديته منه بسرعه وقفلت المبايل كعدت ادك والطم ودموعي تجري مثل الشلال
كمت من مكاني ورحت للحمام فتحت المي
ويجري عليه وافرك بصدري
احس الهوى بلكوا يدخل لريتي وكل جسمي يختص

سيرين... ااطلع من باااالي اااريد ااااكرهك
خلصص يربببي راااح اااموت دخيلك ساعدني والله تعببببت شوووكت ارتاااح
شووووكت اشوفه السعاده بحيااااتي

خلصت وطلعت بدلت ملابسي ورحت فتحت المبايل ماكو منه لارساله ولامكالمه تعجبت من هدوئه والخوفني سكوته
عاينت على ايدي ترجف وكل جسمي يختص
سيرين... بله ماتخافين شيسوي مثلا وانه بعيده عنه

غمضت عيني وفززني رن التيلفون
عاينت للرقم بسرعه جاوبته من العياط
حسيت حنجرتي تجرحت
سيرين... ياااسافل ياحقير وربببي الايطيح حظك عالسويتته لاعبالك بهاي تصرفاتك
تخوفه لوتأذي بيك خير موخاتل ورى الجهاز وتهدني بيييه
سديته بوجهه ورجعت حضرته

غيد....
وراها بيومين رديت الموافق وحددو الخطبه
فرحتي جانت طافيه
وحيده ومالي غير امي وضرار
ماعندي اخت تفرحلي ولااخ
عمامي اتصلت بيهم ولاجن انه من دمهم
وبت اخوهم

كاعده يم امي ودموعي تجري
الحجيه... يايمه جا ليش البجي ؟

غيد... يمه يوم فرحتي وانه وحيده ماكو اب يفرحلي ولاخت تساعدني بخطبتي
ولاعندي اخ يوكفلي بس انه وانتي

ماجاوبتني مسدت على راسي شوي وسمعت دك الباب مسحت دموعي ورحت فتحته
واشوف مياده كدامي

مياده... خايبه وخري يالفاهيه تعبت من الوكفه

اجى زوجها وراها انطاها الجنط والعلاليك وراح
فاتت جوا تهلهل وتهلي
غيد... صراحه فأجاتيني بجيتج

مياده... خايبه حجيه هالبت تبط الكلب امشي جيبيلي مي

رحت جبتلها مي ورجعت وهيه تحجي وتخطط وي امي اندك الباب ورحت فتحته ودخلن جنوب وميس وياها

جنوب... كللللوووش شهل وجهه معبس ولاجن خطبتها كربت

غيد... ههههههه متفقات

ميس... تعالي

دخلن جوا بصوتهن وضحكهن ملن البيت عليه
مياده... ها شوفي خافن تكولين ماكتلج اضلن منا علما تخلص خطبتج

غيد... هلا بيج بس شلون ايهاب قبل

مياده... بوسه ودلع يرضى جا شني الرجال انتي بس تغمزيله يسرسح

جنوب... جا احنه وين رايحين اشو بيتكم بعد مسافه

غيد... جد فرحانه متتخيلن فرحتي بوجودجن وانتن يمي

ميس... يوم فرحتج ومانكون يمج شلون صير

غيد... ربي يخليجن الي

مياده... انه ماحبن هالحجي خايبات هذول الزعاطيط الي بطني موتوني امشي غيد جيبيلي شي اكله تلحكين عالسوالف

ميس... كعدنا سوالف وضحك وبس احنه شوي واندك الباب كمت فتحته واشوف ضرار كدامي
بلعت ريكي واحس كلبي وكع من مكانه
شلون اذا شاف مياده

ضرار... شبيج بويه شمالج صفنتي

ميس... ها ليش اجيت

خزرني ووخر مني راح دخل جوا ومشيت وراه
مياده كاعده ومنطلقه بالسوالف وضرار بس شافها قبض على ايده ودماراته بانت

ميس... احم مياده

مياده... خايبه هااا

اندارت وعيونها جحضت كامت خذت عبايتها وراحت للغرفه
الحجيه... تعال يمه

ضرار... لاحجيه عدي شغل رايح
وجه نظره عليه وحجى،باجر تاخذن البت وتجهزن كلشي تحتاجه

ميس... صار خويه

عاف بيدي الفلوس ومشى شوي وطلعت مياده
لونها مخطوف
مياده... يايمه جا انه مافكرت بجيته

جنوب... واذا جا انتي شمسويه

هزت ايدها وكعدت
مياده... الاكللل وييين راح

غيد... اي يمعوده هالاجيت صبري

مياده... شصبببر واحنه خلصنا السوالف وانتي بعدج

غيد... عفت يمها الصينيه وتربعت كدامها،هستوني رحت

مياده... وخري مني خلني اعرف اكل

غيد... لثاني يوم اجى رضوان اخذنه انه وجنوب وميس علمود تحضيرات
ومياده يم الحجيه ابد ماعافني وكلشي هنه يحضرنه جمعتهن ولمتهن ,سوالفهن ملن عليه بس سيرين مكانها خالي
ومن نتصل عليها كلمه تحجي وتسده

سيرين...
ايام تمر عليه بأسواء مافيها كعدت الصبح
تعبانه ووجع راس يدك بيه
زكريا وامي وابوي بالمستشفى علمود المراجعه
خذت مبايلي لكيت الدنيا مخبوصه بالمكالمات
طنشت كلشي
وفتت على رقمه ماكو منه لارساله ولامكالمه

رجعت اتصلت على ميس جاوبتني
الاغاني وصوت الدك والركص يمها
ميس... مكانج خاالي

سيرين... ليش شكو

ميس... شنو شكو اليوم خطبه غيد وبسول

سيرين... عذريني والله دايخه

ميس... الله يساعدج

سيرين... وينها غيد

ميس... ثواني
فتحت الكامره ووجهتها عليها ام الصالون تمكيج بيها وبعد كومه عرايس غيرها خذته الها
بس سمعت بسيرين نزت

غيد... ريتتتج يمي

سيرين... حبيبتي ألف مبروك انشالله اعوضها الجج بالعرس

غيد... طوولتي هوااي

سيرين... ماضل شي هانت

غيد... سيرين

سيرين... ادري بيج خايفه طردي كل الافكار والتوتر من بالج وعيشي هالحظات بأحلى مافيها
وربي يسعدج وي بسول

غيد... اوف انشالله بس ادعيلي

ميس... خذته منها ورحت على جهه

سيرين... ضرار وينه

ميس... هستوني خابرته ليش

سيرين... ماعرف

ميس... صاير شي !!!

سيرين... ليش هوه شنو الماصاير

ميس... خوفتيني وحالتج ابد متطمن

سيرين... ولج انه الي خايفه من ضرار وتصرفاته

ميس... ليش حتى تخافين ؟

سيرين... احم مالاحظتي عليه شي يعني عصبيته تصرفاته

ميس... بالعكس حالته زينه ويمكن هوه اكثر واحد فرحان لغيد ليش هالاسئله

سيرين... ماكو شي لاشغلين بالج

شوي وسديته منها وانه احس دمي نشف
كلبي دكاته تسارعت وريكي يبس
سيرين... مايفوتها الي ومتأكده اكو شي باله
ترى ليش لحد هسه ساكن ومابين رده فعله
والله هالضرار يخوف

غيد...
خلصنا واجى رضوان ياخذنا اول ماوصلنا تعجبت عالكوشه والترتيب
ونسوان عمامي حالهن حال الغربه سلمن وكعدن

مياده تروح وتجي توزع وترتب وبطنها لخشمها نقهرت عليها وهيه بلكوا تجر بنفسها
شوي كالو اجو احس كلبي دكاته تظاربت
توتر,خوف,رجفه كلها تجمعت
غمضت عيني وبديت اقرا أيات

بالي ابد مويمهم والتوتر مسيطر عليه كالو حيعقدون كومني البنات ورى الباب
والمراسيم الي ابد متخلص السيد يريد يعقد
وجنوب ومياده خبصن الدنيا بالهلاهل والركص

بدى يقرأ أيات واردد وراه كل كلمه اكولها احسها تجرح بلعومي اخر كلمه نطقتها والهلاهل ابتدت
غيد... نعم وانت وكـيلي

شوي ودخل عاينتله يبلع بريكه ومتوتر اجى كعد يمي سحب راسي وباسه
بسول... هسه صرتي مرتي ويوم التنزفين بغرفتي

غيد... اثكل بعد عيني

بسول... ليش هوه انه اشوفنج يضل ثكل

جنوب... خاايبين مووكت حجي حبها خويه

هوه جن ماصدك سحبني وباسني بطرف شفتي
ووخر، البنات كتلن رواحهن بالدك والركص
وجنوب ماخذه راحتها ابنها يم امي من الهوسه عايفته
ومياده كلهن يباوعن عليها ومستغربات جيتها وهيه مطنشه وتركص تكعد شوي ترتاح وتكوم تركص صدك بيومها تونست بوجودهن

ورى ماراحو اجو عمامي سلمو ورجعو ابد ماحسيت بوجودهم وكأنهم غربه ولاجن بنت اخوهم .... اجتي جنوب لبستني البركع وطلعت بس وجهي

غيد... ليش ؟

جنوب... ضرار يريد يشوفج

غيد... انه شفته لو جن شفت ابوي كمت حظنته ودموعي تجري باسني من راسي ويضحك

ضرار... بويه كبرتي وصرتي عروس وانتي لحد هسه تتزعلين اذا ماجبتلج حلويات

غيد... فدوه لكلبج اضل بنتك وادلل عليك

ضرار... بنص ضلعي مخليج

جنوب... احمم

ضرار... كلجن عمي

بسول... شو وخر خلني اشوف مرتي

ضرار... اااطلع كلها راحت شكو ضليت

ميس... ميصير تشوفها كبل العرس

بسول... هاي بيا كتاب صايره يمعودين

ضرار... شو تعال

غيد... سحبه ضرار وراحو ضليت اطكط صور وادز لسيرين من غير الصور والفيديوهات السويتهن وي البنات
خلصت بدلت وكعدت ارتب البيت وياهن
مياده اجى ايهاب اخذها وميس وجنوب اخذهن رضوان

سيرين...
كاعده بالغرفه وعيني عالسقف
فكره تاخذني وفكره توديني وعيني عالمبايل

غمضت عيني بقوه ورجفه سرت بجسمي
فززني صوت المبايل جاوبته بدون ماشوف منو

_فتحي الباب

سيرين... شنو ؟

سده بوجهي وانه احس كلبي وكع من مكانه
كمت بخطوات بطيئه اتقدم خطوه وارجع ميه خطوه ليورى بس فتحت الباب اندفع بقوه
دخل وسداه وراه

عاينلي بشر وابتسامه مرسومه على ثغره
بدون سابق انذار جرني طبكني عالحايط وخنكني
خازرني عيونه حمر وعروقه باينه

رجليه نرفعت عن الارض والنفس ضاك عليه
ضليت ارافس جوا وميوخر مثل الحايط
لايتحرك ولاينزاح حسيت على نفسي حفقد الوعي ماحس غير هادني وكعت بالكاع افرك برقبتي واكح اجر النفس اريده يدخل لريتي

كعد بمستواي وعيونه تتوزع على ملامحي
ضرار... شعبالج لو تدفنين روحج جوا الكاع انه وراج

سيرين... ضرار

ضرار... اششش ماهيس حسج كومي

كومني من أيدي لزمني من فكي من قوته حسيت اسناني تكسرت من قبضته أيد لازم بيها فكي
وأيده الثانيه لازم أيدي ورى ظهري

سيرين... فدوه عوفني بس خل افهمك

ضرار... وحك علي لاشوفيني طيتج مجال ودنيت نفسي عليج جيف احبنج وصرتي تلعبين وتخوطين براحتج
وروح ابوي انهييييج من حياااتي وماعاينلج

سحبني من ايدي للغرفه شمرني وسد الباب اجى كعد عالجربايه وعيونه مانزاحت مني
طلع جكارته يدخن ويزفر بعصبيه

ضرار... فكي حلكج واحجي

سيرين... ش شحجي

ضرار... عاايني ثولج تبطلي محد هناه بالعباس
اكظي بيج التوبه ومحد يدري بيج

سيرين... بلعت ريكي بخوف وانه اشوفه بهالحاله كاعد كدامي

بطوله وضخامته خفت من منظره وهوه لابس اسود تيشرت بارز عضلاته وانه اعاينلهن شرايين بارزات اذا يكفخني بعصبيه يموتني بمكاني
وخر الجماره ونف الدخان بوجهي
ضرار... سيريين توكحتي زياده بس هينه انه الج

سيرين... ش شجابك ها

كام تقدم عليه لزمني من زندي وكومني
مافتحت حلكي وحتى النفس كطعته
حجى وهوه خازرني
ضرار... مبايلج وينه

سيرين... هناك

من الخوف والارتباك حتى نسيت المبايل مابي رمز وكل محادثات بيه
راح اخذه الجكاره ابد موكعت من ايده كعد يكلب بيه وشبه ابتسامه مرسومه على ثغره
اخرها طكها ضحكه لدرجه عيونه دمعت كام اجى يمي وخازرني

ضرار... شايفه من تشغلين عكلج تخربين الاول والتالي

سيرين... هاا

ضرار... وجعااااا وتالي وياااج ها

سيرين... عفيه لاصيحح لاحد يسمعنا

لزمني من اذني بقوه وخازرني نهضمت كلش
منه ودموعي بسرعه نزلت
ضرار... الحجي مايفيد وياجج وانتي رديتها ليش البجي ، انه شغله وحده شاكتني
ضرب على راسي وعاط،الله ااااالمن خلا العقل غير تفكرين وتصرفين عدل

سيرين... موقصدي والله

ضرار... انتهينا

عافني وطلع ركظت وراه حضنته من ورى
حركته سكنت وتجمد بمكانه وبس صوت دقات قلبه ينسمع
سيرين... ماممكن بشي يوم ننتهي

اندار عليه بلع ريكه ماحس غير حاظني
وقابض عليه حسيته للحظه يريد يدخلني بداخله
شوي ودفعني منه

ضرار... من شوكت يهددج

سيرين... ها

ضرار... ااااصحي

سيرين... م من زمان

ضرار... ليش ماكتيلي

سيرين... كالي بس تحجين ماتردد اخلي الطلقه براسه والأحسن تبتعدين منه حتى محد يتأذى

ضرار... وانه طلقه تفيد وياي ؟

سيرين... مااعرف مافكرت بشي غير من دزلي صوره وهوه مصوب المسدس عليك

ضرار... ارد واشوفن شغلي وياه مبين هواي طيته مجال

سيرين... وعمتي

ضرار... مايصيبها شي ابنها عار ولازم يتربى

طلع من الشقه وماعرفت وين راح اعاين لايدي ترجف وبلكوا اجر النفس من الخوف
سيرين... كل طلعاته بالوقت الخطأ شجابه يربي

عاينت للساعه ماباقي هواي على رجعتهم كمت نظفت الشقه ورتبتها وغرفه امي نظفتها
خلصت رحت سبحت وطلعت اعاين لرقبتي اثار اصابعه باينه سمعت دك الباب رحت فتحته
لزمت امي بلكوا تجر خطواتها
وابوي مواحسن من حالتها رحت وديتها لغرفتها وتمددت بصفها

سيرين... شحالج

نهايه... كلشي بيد ربج

سيرين... هوه القادر على شفائج

نهايه... انشالله واخلص من هالعذاب

سيرين... حظنتها لزمت ايدها ترجف وتجر النفس بضيق عاينتلها ساكنه

نهايه... لاتخافين مابيه شي بس اريد ارتاح شوي

سيرين... نامي وانه يمج

نامت هيه وانه كمت طلعت للصاله ابوي جان يصلي فجأه دخل ضرار وزكريا راحو كعدو بدون مايحجون
عفتهم ورحت لغرفتي خذت مبايلي واتصلت على ميس

ميس... ها منو نكتل

سيرين... جنتي تدرين جاي !!

ميس... البارحه يالله درينا من جاب رهف يمي

سيرين... جان مخطط من زمان

ميس... ههههههه شتاقلج

سيرين... يمعوده لا اجى علمود المشاكل
صارت سالفه والايطلعها من خشمي يخلني اتندم على يومي

ميس... جا انتي بعد تعرفي شمالج

سيرين... ماعرف كلشي مجاي استوعب وحتى جيته

ميس... احجي وي سيرين وماحس غير احد حاظني ودافن وجهه برقبتي

سيرين... خير شبيج ؟

ميس... ها شبيه مابيه شي
كرصني من خصري طلعت صرخه مكتومه

سيرين... احم يله نحجي بغير وقت

ميس... لاااا

قبل لاكمل سدت المبايل دفعته بخفه ووخرت منه
شووف شسوييت شكد عيب

رضوان... شمسوي ؟

ميس... اوف شلون هيييج تجي فجأه وتبوسني

لزمني من ايدي وقربني عليه باسني بطرف
شفتي
رضوان... اركدي بويه

ميس... وخــر

رضوان... صدك نسيت اكلج

ميس... كول

رضوان... هالسنه كلها فرخت احنه ليش مانفرخ وياهم

ميس... اي مواني دجاجه وتريدني افرخ وياهن

رضوان... لا لا مايصير هييج لازم نجيب ابن عم لفقار خوما يضل وحيد

ميس... ميحتاج مرتاح بعيشته فقار فكر بعيشتك

رضوان... اي والله اخت ضرار ضامه عليه الغايب والحاضر

جريت الكلمه بدلع
ميس... رضوااان

رضوان... روحـه شو تعالي خل نكمل سالوفتنه

ميس... ههههههه

سيرين... مر كم يوم على وجوده يروح وي ابوي للمستشفى ومن يرجع يروح للشقه مستأجرها هوه وزكريا

بوكتها كعدت حتى نروح بدلت وخلصت لكيت امي وابوي مكملين نزلنا جوا جان زكريا ينتظرنا
اول ماوصلنا الدكتور جان ستوه جاي
حتى سالفته نسيتها وغميت نفسي عالموقف الحطيت نفسي بيه
راحو همه وانه كعدت بصاله الانتظار وزكريا ماعرف وين مشى واشوف الدكتور جاي
واتتبعه ضرار يمشي ومترهي بمشيته

عساف... شلونك يحلو

سيرين... ها الحمدلله

عساف... تجين نشرب كهوه

سيرين... لاهسه شربت

ماشوف غير ضرار فايت من يمنا اتخطانا ولاكأن موجودين بلعت ريكي بتوتر وانه عيوني تتبعه

عساف... منو هذا ؟

سيرين... منو

عساف... بيج شي ليش متوتره

سيرين... لا بس شوي تعبانه

اجت الممرضه صاحته وراح خذت جنطتي ومشيت أشوفه واكف وداير وجهه والممرضه
وراه لزمت أيده وعافت ورقه بيها
انه كدامه واكفه وحتى مانظرلي ولانظره ضحك الها وراحت
لزمت كلبي بألم والدمعه بطرف عيني رحت يمه سحبت ايده واخذت الورقه منه فتحتها جانت كاتبه رقمها
سيرين... شنو هاي ضرار ؟

ضرار... مالج شغل التهي بروحج

عافني ومشى وانه دموعي تجري مثل الشلال
كعدت على جهه افرك بأيدي واهز برجلي
ودموعي ابد ماتوقفت
سيرين... الله ياااخذك انت وياها ياحقير ابو النسوان نوب اجيت عالمصريات مافادنك العراقيات

شفت نفس الممرضه جايه انه كمت شلت جنطتي ولبستها رحت فتت من يمها ودفعتها بقوه حتى حسيت كتفي نخلع من مكانه
هيه ارتدت ليورى ووكعت
سيرين... اااوي شبييج مشوفيين

خزرتها ورحت يم ابوي حتى ماخليتها تجاوب
وهوه كاعد كدامي وعينه بمبايله متجاهلني وكأني مرئيه ومانشاف

مر كم يوم وهوه نفس المعامله الدكتور خصمت السالفه وياه حتى لاانطي امل واخلي وين ماروح لاحكني
وضرار تصرفاته تخليني اشيل روحي واركعها من القهر تغير كلش جان اذا ماسمع صوتي لو اتصل عليه الكا الدنيا مخبوصه باتصالاته
كل يوم يدزلي رساله الصبح ويصورلي وين يروح ووين يجي وهسه ابد حتى اتصال منه ماكو
وانه عاندت وياه وبتصرفاتي صرت اتجاهله وحتى ماعاينله وهوه وكأنه حجر مايحرك ساكن

بيوم كعدت الصبح امي وابوي وزكريا رايحين
ماكو اي صوت وبس انه طلعت جان باب شقتهم مفتوح وهمه بصفنه
مشيت على كيف ودخلت جوا وبس صوت الضحك ماله
جان كاعد عالقنفه ومنطيني ظهره وكفت بدون حس وهوه مندمج بتيلفونه

ضرار... اي يروح ضرار انشالله ماضل شي_يبوي مالج شغل باحد المهم انه رايدج

سيرين... لطمت على وجهي وشهكت بصوت
هوه شافني بسرعه سداه وانه دموعي بدت تاخذ مجراها

ضرار... شكو جايه ؟

سيرين... م منو هايي جنت تحجي وياها

ضرار... مالج شغل

سيرين... بلعت ريكي والغصه بلعومي جانت اكو مزهريه بصفي شلتها وركعتها بالكاع
اجى لزمني من زندي وخازرني

ضرار... شببيج تخبلتي

سيرين... ليش هييجي ويننه حبببك الي و وهاي منو الرايدها

جاوبني ببرود وعدم اهتمام
ضرار... ملاحظه صرتتي هواي تدخليين ؟

سيرين... عووووفني

ضرار... ترحيين لاوحك علي انهيج

سيرين... ماااااروح قبل لاعرف منو هاااي

ضرار... لاتدخلين احسلج

سيرين... ااابو النسوان هيه هاي مكاننتك من وحده لوحده تتمرجح

ماحس غير لازمني من فكي ويعصر بيه
شهكت بدموعي وهوه خازرني وعيونه ناطات من العصبيه دفعته وركضت للشقه
وايدي على كلبي اختنكت كلش والنفس ضاك عليه كعدت بالصاله وضميت رجليه لصدري ابجي واشهك
سيرين... والله ماااستاهل السويته هييجي تكسر ثقتي بيك وتتخلى عننني و وينه وعدك الي
وكلاممك بلحظه نسيت كلشي بيناا

احجي واشهك بالبجي سمعت صوت خطوات قريبه مني رفعت راسي وعاينتله واكف والجكاره بأيده وعاكد حواجبه اجى كعد بمستواي ونفخ الدخان بوجهي
ضرار... الله يعوضج

من كلامه حسيت كلبي انعصر
جاوبته وانه ابجي واشهك
سيرين... العوض لله الدنيا متوكف على احد
هسه تكدر تروح منا موحلوه جيتك يمي وانت غريب
ضرار... اي يبوي رايح

عافني ومشى وانه ادك والطم صدك
تندمت لان نطيته فرصه كسر كل ذره مشاعر
تجاهه علما مليت كمت لفيت راسي ونمت
ونغزات بكلبي تروح وتجي
خفت لاترجع تصيبني ذبحه قلبيه

ميس...
ايام تمر علينه والسنين تمر بسرعه
علاقتي برضوان كلش زينه تغير بتصرفاته
واسلوبه واطباعه

ازان من بعد كلام ومشاكل وي اهله
وكلام الولد بأنو يقنعو حتى مايسافر
بس هوه جان مصر على قراره وصدك سواها وقدم للخارج

اما جنوب وانمار مستقرين بحياتهم وي فقار
الي كلما يكبر يصير احلى واحلا
خفه دمه وضحكته ترن بالبيت
يتكلب من حضن لحضن مالي علينه كلش

مياده دخلت بشهرها ووضعها
كلماله يتخربط بأخر فحص الها
تبين انو حامل بولد وبنت تؤام
طايره من الفرح بحملها واولهم ايهاب الي
مدللها وقايم بكلشي تحتاجه

غيد وبسول هذول مثل توم وجيري
من جهه غيد وعنادها ونكدها وبسول الي
بس تزعل يحير شلون يراضيها وانه لازم ادخل
طرف ثالث بينهم حتى اقيم الصلح بينهم
يردون يتصالحون وثاني يوم الكاهم متحاجين
عرسهم طول بسبب سفر ضرار
والي لحد هسه ماراجع

وسيرين بالخارج رغم الصعاب واوضاعها وحالتهم الي كلمالها تسوء
ابد ماستسلمت وواكفه على حيلها
حالتها تخربطت والي كلما اتصل عليها
بس تشهك بالبجي وماكو غير دموعها تشرح سوء حالتها والي مراضيه تفضح عن سبب ألمها

وبيوم كعدت الصبح على رنه تيلفون
سيرين... وااااخيرا احنه راجعين

سيرين....
سنه كامله مرت علينه بأسواء مافيها
سنه ماشفنا بيها الفرح وماكو غير بس
الحزن حاوطنا ....
علاج امي والجراحات
والكيماويات الي عذابه ياكل بيها وينهش بروحها من الألم
كل الالم والعمليه والعلاجات والجرع والدموع
من بعد رحله طــــــــويله من العلاجات والعذاب
كدرت تتشافا من المرض ...

انه وضرار علاقتنا شبه انتهت وسحبت نفسي منه وهوه هم او هوه الي راد هالشي وابتعد
تجاهلني عالاخر طول مده كعدته ووجوده
لاكلام ولاسلام ولاحتى مكالمه او رساله
التهى وي ابوي وزكريا وصوت ضحكاته وكلامه عالمبايل .... ابتعدت عنه بس ابد مانسيت حبنا والي عشنا هوه نسى الي بينا بس كلش صعب عليه انسا الي كسرني وقهرني اتخلى عني وانه الي بدون تفكير نهيت علاقتنا بسبيل بس حتى مخلي يتأذى بسببي وبسبب تهديدات بدر والي حسيته رادها فرصه بس حتى ينهي الي بينا

خلصنا من العلاجات والصراخ والمرض
وصار الوكت الي نرد لعراقنا
عكد مايكون البلد الي احنه بيه حلو
بس ابد ماكو احلى كاعنا
عشنا بوسط غربه,ناس,اماكن,لهجه,وسكن مختلفه...

لمينا اغراضنا دفعنا الايجار وكلشي يخصنا
موعد طيارتنا بعد ساعتين
امشي واحس الفرحه ماسايعتني التعب البروحي والألم الي بكلبي وأخيراً لكيت شي يفرحني
شفاء امي وتخلصها من الألم
ورجعتنا لديرتنا واهلنا

امشي والضحكه شاكه حلكي همه يمشون قبلي وانه وراهم اعاينله متجاهلني عالاخر
شلت نظري منه وعاينت للجهه الثانيه

اجى زكريا لزمني من كتفي ضحك وغنى
زكريا...
راجعين يا وطنا راجعين
نعوضك تعب السنين راجعين
راجعين يا وطنا راجعين
نعوضك تعب السنين راجعين
يا اللي ما نلقى حضن يشبـه حنانك
ومن هو بالدنيا ترى يعوض مكانك

سيرين... ويا عراق الصابرين راجعين
يا أبو الناس الطيبين راجعين

زكريا... هخخخ يبا بعد ماااخطي خطووه وداعت الغوالي

سيرين... ههههههه تعيش وتعوضها

زكريا... سيريين طك كلبي

سيرين... سلامه كلبك

زكريا... اريدنها تعبت من بعدها

سيرين... انه اخطبها الك

زكريا... والله لوهيج بنات العم لوميرادن

سيرين... اي اي لاتعجن زايد

زكريا... امشي يُبه موصوجج

سيرين...
وهناك اول ماوصلنا تفأجاه من بيت الحجي حطام كلهم يمنا
تلكونا بالذبايح وصوت الرمي

دخلنا جوا واشوف البنات كدامي فرد وكفه اجن وحضنني
ميس... حمد لله على السلامه

جنوب... يبووو طك كلبي عليجج

غيد... واخيرااا رجعتي

سيرين... فززني صوتها وجن روحي ردتلي
اجت تصفك وصوت ضحكتها يرن
ضفايرها يمشن وياها ونعالها تك وتك

رهف... ماما

سيرين... ركضت حضنتها لصدري ردت اضمها بروحي ،يروححح ماما فدوه لهالحلك

رهف... اجي وياج

سيرين... بعد روحي ويين ماروح انتي بكلبـي

المعازيم يرحون ويجون والبنات مكيفات
على امي بحيث محاوطاتها ويدكن سوالف
وياها

وانه رهف وملك يمي اعاينلها لحبيبتي كبرانه
وكلمالها تحلا
علما خلصت العزيمه وكلها راحت رهف كتلت روحها بالبجي بس حتى تضل يمي وضرار عاند الاياخذها

ميس... عوفيها غير يوم اجيبها الج

سيرين... فدوه ليش ميعوفها مشوفيها شلون فحطانه بالبجي

ميس... لوتشوفي الشرار يطلع من عيونه مدري شماله

سيرين... ماشي

مشو وانه صعدت للغرفه رتبت الاغراض اخذت ملابس ورحت اسبح
اطلع واتفأجأ بدر كاعد ومبايلي بأيده

بدر... نعيماً

سيرين... الله ينعنع ضلوعك منين يجي النعيم وانت كدامي

بدر... سيييرين شهل وكاحه

سيرين... اطلع برا

كام تقدم عليه دفعته ووخرت منه
شنووو من بشر فهمننني شلووون هيجي تسوي وتهددني بضرار ياخي اافهم انه احب ضرااار وماممكن ارجعلك

بدر... غيرج علييه من بعد كلشي سوا بيج ورجعتيله
اصحي على روحج وين سيرين الجانت بس تشوفني جاي تحير شسوي
وين سيرين وحبها لبدر ومن تكولين ماصير لغيرك واضل الك ؟
احجي وين راح كلامج هسه
ارجعي سيرين الربت وياي ربيتي وماكو غير بدر على لسانج

لزمت راسي ودموعي تجري كعدت عالجربايه
وهوه واكف
سيرين... تغيرت موانه سيرين الطفله
تغيرت بوكت ماطلعت من بيت اهلي مخطوفه
وكت ماعشت اسواء ايامي واسواء سنين بحياتي
عشت بجحيم ضرار
بس ماعرف شلون حبيته لهالجحيم

بدر... جاي توهمين نفسج بهالشي هذا موحب

سيرين... مجاااي تفهمني حبه لضرار اتخطى كلشي ماتخيل نفسي بدون حببه
مجرم,طاغي,خطير بس بحبه كدر يغلبني

بدر... اششش زوودتيها كتلجج موحب هذا
عشك سنين محيتي بوجودج يم هال***

سيرين... اااطلع برااا زودتها

بدر... كلمتين هنه وخليهن ترچيه بأذنج
سيرين لبدر اما ضرار هذا انتهى
اااوعي على نفسج عااافج وهسه يريد ياخذ
جااايتني تتبجين عليه

سيرين... اااطلع

عطت بيه عافني وطلع كل جسمي يختض
رجفه سيطرت عليه لزمت كلبي
ونغزات موتتني حسيت حيغمى عليه ودموعي مثل الشلال

انفتح الباب ودخل مراد
مراد... خويه شبيج

سيرين... مراااد تعببت يربي

اجى عليه حضني ويمسد على راسي
مراد... شراااد منج وليش جان يمج

سيرين... مااريده تعبببت يربببي كلها بكفه
وكلامه بكفه ماتحمل ألم بعد شسويي
الله ليييش هيجي يعذبننني لحدمن اااتحمل
جاي يأذوني كلشش بدر من جهه وضرار من جهه شسووي كليييي شسوي

مراد... ااهدي خويه ولاتحجين هييج
ماعاش اليأذيجج وانه يمجج
كومي ومسحي دموعج هسه اردلج

عافني ومشى وانه على نفس الكعده ابجي وانحب دخل مرتضى ووياه مراد
اجو كوموني وانه اشهك بالبجي

مرتضى... سرينه كافي بجي

مراد... مسحي دموعج وعلي نبهته وحتى لوعمتي تزعل وصير مشكله اكظي عليه اذا تكربلج

مرتضى... لاتجاوز اكبر منك واذا ابوي سمعك يزعل

مراد... ليش ماسد حلكك ماشوفه شلون شوغ روحها وطلع انه لوجاي وسامعه وعلي ماعديها على خير وشترييدني اعاينلهه شلون يعد ويصفط عليها

مرتضى... تعالي سرينه نامي بصفي

سيرين... كام هوه تمدد ورحت تمددت بصفه اجى مراد جر ايدي ونام
حسيت بالأمان بنصهم الله رزقني بيهم
سند وعوض

نيالي بيكم

مراد... والله احنه هنيالنه بيج

سيرين... دائما من جنت اسمع كلام العالم من يكولون مره الاب سيئه وماممكن تكون مثل الام الحقيقية واذا مره الاب موزينه اولادها يطلعون مثلها
بس ابد ماجنت اصدك واضوج من الكلام اليكولون امي وحنيتها جانت الي ام,اخت,صديقه
وجابتلي اخوه كدها وينشد بيهم الظهر انه اذا شي يوم وكعت لوتأذيت انتو الي راح تسندوني ومتأكده تضحون بارواحكم حتى تحموني

مراد... مالج شغل بكلام احد العالم شغلها تجيب وتودي بالحجي
المهم احنه يمج وانسي كلشي اليأذيج بحجايه لويمسج بدر يو ضرار انتي بس كليلي
وعيونج اسوي المايعجب

سيرين... يروحححي ربي يحفظكم الي

مرتضى... ضرار مايسوي شي بس بدر

سيرين... وشمعنا ميسوي شي ؟

مرتضى... عبن هوه يحبج هسه ويريدج
مثل ما انه احبن وداد

سيرين... وداد منو ؟

مرتضى... ابوها يشتغل عد جدي علمود الحراسه ومرات تجي يمه وتروح وانه دوم اشوفنها

سيرين... يربببي وينك وين الحب

مراد... ههههههههه

مرتضى... جا ليش انه هم اريدن احب مثل ماضرار حبج وانتي صغيره

سيرين... منووو كلك ؟

مراد... زكريا كايله لاتحجي سالفه بس تعرفي هذا يكتهن كت

سيرين... اوففف انسو السالفه انتو بعدكم صغار مومال هيجي سوالف

مراد... هوه انتي اكبر من عدي بكم سنه

مرتضى... كبار

سيرين... اي اي فدوه للكبار

شوي عافوني وراحو وانه رجعت نمت

لثاني يوم كعدت على عياط رجنا رج
كمت اريد اندل دربي بس شالي لبسته
وزلت جوا واشوف....

يـــــتـــبع ....