"٤٠ "
ثارهم وبنت الـفقير "
.
.لايك,تعليق بين الفقرات
متابعه لـ حساب الوتباد ♥️,
taranim_09
سيرين... يمهههه اخخخ يالشويب
عضني بخدي ووخر فحطان من الضحك ووجها صار احمر
ضرار... ههههههههاااي اريدن اضمج بروحي شلون ماكان بت اللذين ملوعتني
سيرين... هاي ليش عضيتني ؟
ضرار... ردت ابوسج بس انه شبعتج بوس لاصيرين طماعه
سيرين... مااريد بوستك تشفطني شفط
اني كلت هيج وهوه تمرغل من الضحك حتى صار يكح وعيونه دمعت
ضرار... الصلفه لسانج فالت بس حلو مال بوس
سيرين... يع وخررر عني كوم
ضرار... تعالي وين اكوم الصبح راح يطر علينه وانتي البربوك تتوكحين عليه
سيرين... انـتـهـه فاسق شسويلك
ضيق عينه وباوعلي
ضرار... اعرف
سيرين... نظراتك ابد مارتاحلها
ضرار... تعالي
تمدد بصفي وجرني عليه تنهد وحجى
ضرار... لاتفكرين بيوم تعوفين هالحظن
سيرين... ليش ؟
ضرار... ماكو غير حضن ضرار يلمج انه حظني الج ملجأ سيرين انه مجرم تجاه الشي الاريده اجرم بي اليلمج لحضنه بدالي الي بس
سيرين... انه موالك
ضرار... من يوم الـ نطقتي اسمي بوكتها حلفت ﭑنتـيي صرتي الي وعلي اجرم بيج واموتج وتحلمين صيرين لغيري
سيرين... فدوه خزفتني شقصدك عوووفني
ضرار... ههههههه لاتخافين
سيرين... تحبني ؟
ضرار... تؤ
سيرين... انه هم
ضرار... اعرف
سيرين... وخر ليش مقوي قبضتك هيجي
ضرار... نامي ماتعبتي ولج
سيرين... مانعسانه
غمضت عيني وتلمست خدي العضه توجع وخرت أيدي وحضنته خليت راسي برقبته وهوه شد على حظني
ضرار... لاتتوكحين
سيرين... صار
عضيته برقبته لطشت اسنوني بيه ماوخرت منه الالمن صكعني ووخري
ضرار... *** يالبربوك
سيرين... هههههههههههه
كام من يمي راح وكف كدام المرايه يتفحص رقبته
ضرار... شسويتي ولج ؟
سيرين... عضيتك
ضرار... وشلون راح اطلع هسه
سيرين... تستاهل مافكرت لمن عضيتني
ضرار... بالعباس اجي انهيج
سيرين... بس تهدد فارغ مثل جنطتي
اجى عليه وانه كمت عالجربايه
ضرار... انزلي خشوفج الفارغ
سيرين... أوي يالشويب ميصير اشاقه وياك ها
ضرار... انه فارغ ولج ؟
سيرين... مشيت باتجاهه وانه عالجربايه صرت اطول منه لزمني من خصري حضنته من رقبته
ضرار... بيج شي ساحل روحي سحل ؟
سيرين... شلون ؟
ضرار... صلافتج ووكاحتج لسانج ومشاكلج كلشي بيج انه بيه واريده
سيرين... شكد صاير حباب
ضرار... هههههههههاااي
سيرين... لاتضحك على فكره انت مليق وعكره وها شويب هم
ضرار... هخخ منج هوه كله اكبر منج بكم سنه
سيرين... احب اصيحلك الشويب اسم ممطروق وحلوو يمااااه
ضرار... طيني بوسه
سيرين... هههههههههههه ترا داحجي وين تفكيرك
ضرار... اي كملي اسمعج
سيرين... وخر خل انزل ،لا لا لا لاتنزلني
ضرار... شمالج ؟
سيرين... شيلني على ظهرك
ضرار... العرمه وسويتيني حمال
سيرين... وففف وشبيها مثلا واذا شلتني ها
ضحك بخفه اندار وتقدم عليه لزمته من ظهره ويفتر بيه بالغرفه
ضرار... تالي عمري اصير حمال للفصمه
سيرين... ههههههه فرني
ضرار... راح اكفخج اذا ماتسكتين
سيرين... تعال كدام المرايه هههههههه
ضرار... وتالي وياج
سيرين... يلا فدوه تعال ونطيني المبايل
راح وكف كدام المرايه نزل نفسه شوي وسحبت المبايل من على الميز
ضرار... شراح سوين
سيرين... ناخذ صوره
ضرار... وعلي اكسره براسج
سيرين... تكسره براسي مو ؟
ضرار... براس حيدري
سيرين... هههههههههههه
وكف كدام المرايه وضليت اخذ صور وهوه ينافخ من العصبيه اخرها تعب رجع ليورى وشمرني عالجربابه حسيت اضلاعي تكسرت
ضرار... كومي نامي باجر وراي شغل وانتي لحد هسه محنطه
سيرين... نام انـتـهـه انه شوي وانام
راح طفى الضوه وتمدد اخذت المبايل اكلب بالفيس وماحس غير ساحبه من أيدي
ضرار... منو سوالج الحساب ؟
سيرين... جنوب
ضرار... ماتعرفيله شلون تسوي
سيرين... اي مبيها شي اتعلمله
ضرار... تعالي
مد أيده حتى انام تدنيت يمه ونمت على أيده باسني من راسي وحجى
ضرار... شي ماتعرفيله لاسوي ولاتكربين منه هالبرنامج موبهالسهوله تنزلي وتندمجين بيه اشخاص من فىات مختلفه منهم الزين والموزين
وانتي هيج برامج ماتعرفيها ولاتعرفين خطورتها لاتنزليها تردين شي كليلي وانه اسوي الج
سيرين... ممم زين اذا اريد احجي وي البنات او وياك شلون
ضرار... حنزلج برامج مراسله وتكدرين منه تحجي
سيرين... طلعلي صفحتك
ضرار... شسوين بيها
سيرين... اريد اشوفها
ضل يكلب شوي وانطاه الي عاينت لصفحته مخلي صورته شخصيه
ناشر صوره كاعد بأريحه ويمه النركيله لابس اسود مع لحيته وشعره الاسود نافخ دخان الاركيله ومبتسم بخفه
ضرار... لاصفنين
سيرين... هههههه حلو هناه
دخلت عالتعليقات منهم بس أصدقاءه مجاوبهن واكثريتهن بنات يتغزلن ويضحكن
سيرين... يعع شعاجبهن بيك وهنه ياهو اليشوفنه ناشر صورته هيجي يتغزلن بيه
ضرار... موكلهن اكو بنات زينات مايتدنن لهيج سوالف اما هذن نوعهن يفضل الحلا والغزل
سيرين... الله عليك كلشي مافهمت
ضرار... انتي عكلج تحديثه قديم
سيرين... حدثه الي
ضرار... لاعوفي هيج اذا احدثه الج خافن ابرمجه على اسلوبي
ضليت اكلب بالمبايل شوي عاينتله نايم بسبات طفيت المبايل بسته بخده ونمت
ميس...
كعدت الصبح مالكيته كمت سبحت وخلصت جانو كلهم كاعدين بس جنوب وشذر مموجودات صبحت عليهم رحت للمطبخ لكيت جنوب تحضر بالريوك
جنوب... ولجج امشي صيحي المشعوذه
ميس... يمعوده شيكعدها
شذر... خير عليمن تحجن
جنوب... عليجج
شذر... والله وماغيرج المشعوذه
ميس... راح تبدي المشاكل امشن لالجاي يبرد وانتن تدخلن بنقاس تافه
جنوب... امشنا حتى نروح نبارك للولد
ميس... ودينا الريوك وكلها كاعده شوي وعمي حجى
ذاكر... العصر نروح نرد مرت ازان
رضوان... وليش حتى ترد ؟
بشائر... جا يمه صالها شهور يم اهلها خل تصالح هيه ورجلها ويردون
رضوان... موتريد تطلك ليش تلحون عليها
انمار... احمم يلا رضوان امشينا
رضوان... ايي
ميس... كلها استغربت اسلوبه والطريقه الحجى بيها غلست وماخليت بالي وياه خلصنا ورحنا نبدل حتى عمي يودينا لاهلي
اول ماوصلنا البيت هوسه حتى يباركون للولد
عيني اجت على سيرين
لابسه فستان مخصر وبيه نفشه خفيفه فدوه الها طالعه تخبل
اول ماشافتنا اجت تركض تسلم علينه
ميس... لاضلين تشتغلين خل هنه يشتغلن
سيرين... هههههه انه مرت الجبير لازم ادير بالي على كلشي
ميس... يبو فدوه لمرت اخوي
جنوب... خايبات حضلن واكفات وهذول شدعواهم طولو
سيرين... ماباقي هواي ويجون خل اروح اكعد ضرار
عفتهن وصعدت فوك الغرفه ظلمه وبارده شغلت الضوى وفتحت البردات رحت يمه جريت الغطى ورجع جره
سيرين... ضراار كافي نووم اكعد حيجي حيدري وليث وانت نايم والعالم جوا
ضرار... امشي نزلي لاكوملج
سيرين... كووووم
جرني من أيدي وخلا الغطى علينه
ضرار... وجهه الصبح يالله نمت من وراج وحتى مارحت للشغل
سيرين... مممم واذا هاا يلا كووم عفيه
ضرار... اي كايم بس طلعيلي ملابس
سيرين... وليش موانت تطلع
ضرار... العرمه جا ياهي مرتي
سيرين... اي انـتـهـه عندك ايدين وطلع
ضرار... وتاالي
سيرين... اي صار
راح هوه يسبح وانه حضرت الملابس عاينت بالمرايه اثار عضته باين بلكوا خفيته بالكريم همزين محد انتبه
شوي وطلع انتبهت لرقبته زركه
سيرين بكلبي... يمكن بعده مامنتبه للعضه جان هسه شامرني من الطابق الثالث خل افلت بجلدي احسلي
تسحبت على كيف حتى اروح وصاحني
ضرار... وين راايحه
سيرين... ااا انزل جوا
ضرار... تانيني ننزل سوا
سيرين... شفته راح للمرايه يبدل شوي وعيونه جحضت عاينلي ورجع عاين بالمرايه
ضرار... **** شمممسويه
سيرين... شمسويه ؟
ضرار... تعااالي
سيرين... ضرار والله ماعيدها اشاقه شبيك
ضرار... شكلت ؟
سيرين... رحت يمه عاكد حواجبه وخازرني جرني من خصري وخر الشال وعضني من رقبتي
حسيت روحي شاغت كرصته بخاصرته يالله وخر
ضرار... وكـحه
سيرين... هخخخ يمه هااي ليييش فوك ماعاضني بخدي وحتى الاثر بلكوا خفيته
ضرار... وانه هالاثر شلون اخفي
سيرين... اخليلك كريم
ضرار... ***
سيرين... فوكاها موصوجك
ضرار... تعااي شني هذا الابسته حاصر صـ** وفوكاها طالعه حلوه
سيرين... انه حلوه بكل حالاتي
ضرار... كعدي خل ابدل وننزل
انتضرته يبدل خلص راح جاب لصقه مال جروح خلاها لرقبته وبياخه الدشداشه غطاها
سيرين... هههههههههههه
عاينلي بالمرايه وخزرني عضيت شفتي حتى اكتم ضحكتي كمت جنت لابسه حذاء فلات نزعتها ولبست كعب حتى اصير بطوله
ضرار... يلا مرتي امشينا
سيرين... يلا زوجي
ضرار... الفصمه
سيرين... هههههههههههه الشويب
نزلنا جوا كلها تعاين علينه وتضحك راح سلم عالحجيه وامه ورجع لزمني من أيدي
بديعه... يمه هدها البت ماطايره
شذر... عمه حقه ضلك لازمها
جنوب... شبيها رقبتك ؟
سيرين... عاين لجنوب ورجع عاين عليه بخزره
ضرار... انجرحت البارحه
بديعه... ياايمه تعال خلني اشوفه
سيرين... لاعمه ميحتاج ضمدت الجرح
ضرار... حروحن اشوفنهم وين صارو
راح هوه وانه والبنات بقينا نحضر شوي وكالو اجو المعازيم يرحون ويردون حيلي نهد بالشغل ورى الغدا كلها طشت وانه بقيت انظف بالبيت ضرار طلع هوه ورضوان اخذت رهف وصعدت لغرفتي
جنوب...
رجعنا من اهلي رحت بدلت وطلعت لكيت انمار كاعد وبيده تيلفون عاكد حواجبه وقابض على أيده
انمار... شجنتي سوين ؟
جنوب... شنوو شسوي ؟
انمار... راايحح
كام حتى يطلع وصحته
جنوب... وين ؟
انمار... نرد مرت ازان
مانطاني مجال حتى احجي حاله متغير ابد مايحجي وياي بهالاسلوب
لبست شالي ورحت لميس دكيت باب غرفتها ودخلت جانت متمدده عالجربايه شافتني ودارت وجها
جنوب... ميس شبيج
ميس... طلعي وعوفيني
جنوب... شمالكم اليوم كلها كالبها خلقها
رحت يمها درتها واشوفها عيونها حمر من البجي خلت أيدها على وجها وضلت تشهك
ميس... جنوب مااريده اريد ارد لاهلي
جنوب... فهميني شكو ومنو الماتردي
ميس... رضوان
جنوب... شبيه ؟
ميس... اول مارجعت من اهلي اخذت ملابس ورحت اسبح خلصت وطلعت رتبت ملابسنا المغسولات اخذت ملابس رضوان حتى اعوفهن بالكنتور رتبت وعفتهن
جذبني البوم مال صور اخذته ماجان بي أي صوره وحده رجعته لمكانه بس انتبهت اكو صوره جوا أخذتها وشفتها صوره ريم
جنوب... شسوي صورتها عنده ؟
ميس... دخل للغرفه وشافها بيدي اجئ سحبها مني ولوى أيدي ورى ظهري
رضوان... ليييش تمدييين ايدج على ااغرااضي
ميس... هخخخ رضوااان أيدي حتكسىرها
اردف بحقد وغضب
رضوان... اي اكسرها واعلكها بركبتج بس اشوفنج ماده أيدج
دفعني اخذ الصوره ورجعها لمكانها عافني وطلع خلاني اطحن بروحي طحن وفوكاها يمد أيده عليه من غير بروده ومجافاته وياي ليش حتى اتحمله وانه عندي اخوي بظهري مااريد علاقتهم من وراي تخرب
جنوب... كافي بجي ومن يجي اسألي وافهمي منه ليش الصوره عنده وسبب تعامله وياج هيج
ميس... ميفيد تعبت من الحجي والنك شسوي بعد كليلي انطيته مجال هواي عفته براحته تجاهلته احجي وياه كلشي ميفيد شسووي
جنوب... وفففف الله يساعدج
ميس... اريد احجي وي سيرين
جنوب... اوكفي هسه اسوي كروب واضيفنها
سيرين... كاعده بالغرفه والمبايل بيدي اكلب بيه وصلني اشعار مال رساله دخلت عليه جانت جنوب مسويه كروب هيه وميس ويحجن بيه
صارن يدزن بصمات وانه وياهن نسولف بمواضيع مختلفه
بس القهرني ميس تبجي وتشهك بسبب تعامل رضوان وياها شذنبها هيه وهيجي يعاملها
بدون متدري طلبت رقمه من جنوب ودزته عفته بعدين اتصل بيه لان اكيد هسه هوه يم ضرار
التهيت وياهن وحتى مانتبهت للساعه
اجت رهف يمي تسحب بالمبايل واوخرها
سيرين... رهففف كاافي وخري هسه انطي الج
هيه زعلت ووخرت مني ضليت اراسل ومانتبهتلها من طلعت كمت وراها واشوفها تريد تنزل الدرج انه من خوفي بسرعه عطت عليها عاينتلي ورجعت ليورى وماشوف غير ضرار لازمها حسيت كلبي وكف من الهبطه
هوه شالها ويسكت بيها اجى يمي وخازرني
ضرار... وينججج عنهااا لواااكعه هسه
سيرين... م مانتبهت جنت ااحجي بالمبايل
قاطعني بعيطه قبل لااكمل حتى حسيت أذني صوفرت من عياطه
ضرار... ملتهيههه بالخـ*** وعااايفه البتت وييين بالج جان من ااالتهيتي عنهاا
سيرين... عافني ومشى أختنكت كلش وكلبي جمر عودني على هدوءه ماعرف شبيه صرت اضوج وانقهر اذا عاط عليه بلعت غصتي ورحت للغرفه بدل واجى تمدد ورهف يمه تفرك بعيونها اعرفها نعسانه الظهر انومها
خزرني ودار وجهه ملتهي بالتيلفون رحت تمددت عالقنفه واجت رهف يمي تبوس بيه وتلعب
رهف... ابه طقج(بابا طكج)
هزيتلها راسي عكدت حاجبها وبرطمت
رهف... اعفه (اعضه)
وخرت مني وراحت يمه صعدت عليه وعضته من أيده وهوه يوخر بيها اخذت المبايل احجي وي البنات يتسألن وين جنت حجيتلهن وانه الغصه حركت كلبي والدمعه نزلت من عيني مسحتها بسرعه ودرت وجهي طفيت المبايل وغفيت شوي وحسيته اجى يمي ينده بيه غلست وماجاوبته جرني عليه وشالني دفعته ولزمني بقوه
سيرين... وخرررر شكو شايلني
ضرار... اااسكتي
نزلني عالجربايه واجى تمدد درت وجهي اجت رهف حضنتني ونمت للمغرب كعدت مالكيته بس رهف تناغي يم راسي وتجر بشعري
اخذتها ونزلت جوا عمتي بديعه وبدور ودانه كاعدات رحت يمهن
دانه سوالفها كلش حلوه بس تستحي زياده ماحسستها بشي بسرعه ندمجت وياها سمعت دك الباب رحت فتحته جان انور جايب بنته وياه
انور... هلا خويه شلونج
سيرين... هلا بيك الحمد لله تعال اتفضل
انور... ضرار وينه
سيرين... طالع شوي ويجي
انور... العار شوكت ماجي الكاه دايح
عضشفته بفشله غلست عليه راح دخل جوا سويت جاي ووديته الهم
بديعه... يمه جا البت وين شفتها
انور... عمه مره شفتها جايه من دوامها وندليت بيتهم
بديعه... خافن نوب تطلع نفس مرتك خايب
انور... تؤ انه كبل كلشي حجيت وياها وفهمتها ماريدنها بس مره الي اريدنها ام لبنتي ماكو الله وياها
انه بفضول بسرعه كلت
سيرين... ليش شبيها مرتك
تنهد وحجى
انور... خويه الزواج المابي احترام ولاتفاهم انه ماحبن المره التتجاسر وتعاند وفوكاها ماتحترم لامي ولااحتي شلي بهيج وحده
سيرين... الله يعوضك
انور... الله عوضني بس ماباقي هواي واخذنها
سيرين... انشالله
شوي واجى ضرار هوه والولد بيهم طبع العصر يطلعون كلهم ابد مايضلون بالبيت قبل الصلاه يردون يعاينلي وانه متجاهلته الشويب اعلمك شلون تعيط بوجهي كعدو يتناقشون علمو المشيه مال انور وحايرين شوكت يسوونها اخرها اتفقو بنهايه الشهر المشيه
ميس...
لليل يالله رجع عفته وطلعت من الغرفه رحت حضرت العشى انه وشذر وجنوب تلوب تروح وترجع
شذر... خير شبيج
جنوب... وينهم لسه ماجو وانمار اتصل عليه ماكو
ميس... موعلى اساس يرجعون ريم شمالج تلوبين
جنوب... موانمار اتصل عليه ماكو وكل مره بس اخابره يجاوبني بسرعه
دانحجي وهمه دخلو وديتلهم المي وانمار عصبي ابد ميتحاجى
شذر... شصار
انمار... البت قافله ماتريد ترجع وفوكاها اخوها العار يكمز والله لومالكباريه كاعدين جان عرفت اصرف وياه
طلع رضوان من الغرفه يعاينلهم بفضول
رضوان... ها ماردت مو ؟
ذاكر... لا بويه رجعت لرجلها
غمض عينه بقوه وقبض على أيده لزمت ايد جنوب احس حتى كلبي تعب من الوجع همس بخفه
جنوب... اهدي شبيج
ميس... حيموتني ولج جنوب شوفي شلون يلوب عليها شسالفته
جنوب... اششش لاحد يسمعج اهدي كافي
ميس... لليل خلصت تنظيف ورحت للغرفه جانكاعد والمبايل بيده شافني قفله ودار وجها رحت اخذت ملابس وسبحت اول ماطلعت جان يخابر شافني وسد المبايل
رضوان... شمالج ؟
ميس... اااريد اااعرف انـتـهـه شمالك ليش هيج حالك وصورتهاا لريم شسوي عندك
رضوان... حسج لاتعلي
ميس... ااااحجي خلاص تعبت من السكوت كلي ااذا مارايدني ليش اخذتني موكلت لاخوي حدير بالي عليها ووين كلامه هااا
جاوبني بضيق وبرود
رضوان... البت ماعدي شي وياها من راد ازان يشوفها امي جابت صورتها حتى تشوفها اله انه خذتها ونسيتها يمي
ميس... عذرك ابد مومنطقي وليش حتى تنساها يمك وانت ليش اخذتها اصلا ؟
رضوان... ولججج بطلي شك وطلعي هالافكار من راااسجج البت مره ابن عمي وماممكن اسوي غلط وياها واخونن ازان
ميس... عجزت أجاوبه سكتت واشوفن وين يوصل بتصرفاته وأعذاره
سيرين...
عفتهم وكمت طلعت بالحديقه حسيت بخنكه موطبيعيه ضليت أقرا ايات غمضت عيني للحظه طيف رباب مرلي فتحت عيني بسرعه وعطت
على صوتي كلهم أجو احوالي تخربطت وضليت أعيط ضرار حظني وضل يقرأ ايات اريد انطق الكلمه احس احد كاظ لساني مكدرت احجي
ضرار... اسم الله دخيلك ياعلي سيرين اااهدي ابويه انتي شبيج
انور... ضرار شيلها فوتها جوا شمالك اختضيت وياها
شالني هوه وفوتني بالصاله شفت وجهه صار اصفر ويبلع بريكه عود يدلك بايدي اشوف يرجف حتى حسيته حيبجي قويت نفسي وحجيت
سيرين... لاتخاف مابيه شي
ضرار... شلون مابيج شي شصابج هسه مابيج شي
سيرين... ماعرف
بديعه... يمه اخذها لغرفتها
ضرار... بيج حيل تمشين
سيرين... مابيه شي والله بس شوي ختنكت ليش هالخوف
ضحك وحك راسه
انور... دحجي وي الجبير هسه انفخ عليه دموعه ينزلن
ضرار... ***
سيرين... هههههههههه
بدور... يلا كومو تعشو انشالله ماكو شي
سيرين... كمت حضرت العشى وي عمتي ومالكه راحت عمتي وانه ومالكه بقينا اجت يمي وتعاينلي من فوك ليجوا
مالكه... ركبج جن ؟
سيرين... شنو
مالكه... خافن بيج جن نوبه ليش ماناخذج لسيد
سيرين... منيلج هالحجي وخري لاكفخج على حلكج اشوفج ياهي البيها جن
مالكه... وفوكاها طبج مرض موصوجج
سيرين... عوفي السيد الج ولدنانير بلكي تعقلن وتبطلن تحشرن هالخشم بكلشي
مالكه... ياك*** عمتي شعليها
سيرين... دفعتها اخذت الاكل ووديته ضوجتني الحقيره غلست عليها ماريد اسوي مشكله بهالليل ورى العشى اجى حيدري ودرغام ووياهم هارون وازان جنت واكفه بالمطبخ واسوي بالجاي وقاطعني صوته
هارون... هلا يبا شلونج
سيرين... هلا بيك الحمد الله
هارون... والجبير شلونه وياج ؟
سيرين... هههههه قصدك ضرار
هارون... ولج هالعقده شلون متحملته الله يساعدج انه شوي احجي وياه يشلع كلبي يضل يز*** عليه
سيرين... هههههههه لاا موبهالسوء والله حباب
دخل ضرار للمطبخ يعاينلنا مستغرب
ضرار... خير ضحكوني وياكم
هارون... ها هيج ماكو شي جنت اكلها ادير بالها عليك وموتشلع كلبك مو
عاينلي وغمزلي
سيرين... ها ااي ااي هههههههه
ضرار... تروح منا لاشلع شعرات شواربك
هارون... لادخيلك انه كوه لامهن
سيرين... هههههههههههه
تمرغلت من الضحك وهارون ماعرف شبيه طكها ضحكه وياي وضرار يخزر بيه حتى اسكت
لنص الليل همه راحو صعدت للغرفه شوي واجى ضرار راح بدل وتمدد
وانه هسه يالله تذكرت عود زعلانه جريت الغطى ولفيت راسي اجى اتدنى يمي وحضني خلا الغطى على روسنا باسني بقوه من رقبتي وخلا راسه على راسي
ضرار... علعلتي كلـبي
سيرين... اريد انام عوفني
ضرار... تعالي بويه تمددي بروحي
سيرين... الشويب اكرهك
ضرار... الفصمه اكص لسانج
سيرين... ليش عيطت بوجهي
ضرار... وفوكاها ولجج اشوفن البت واكفه على اخر بايه هاي لوواكعه اسم الله عليها بساعتها ميته سيرين المبايل لهاج عنها باجر شوف عليمن يلهيج
سيرين... بس انه ماجان قصدي
ضرار... اعرفن عذريني بويه هسه رضيتي
سيرين... هوه هيج اليعتذر
ضرار... لا
سيرين... چا ؟
ضرار... وشحلات الچا بشفاج
باسني بخفه من شفتي كام وخر الغطى وذب حيله عليه خلا ايده بطرف ادشداشه وشكها
سيرين... ضراااار ححرك روحي من وراااك الدشداشه اريدها
ضرار... عوفج منها اجيبلج غير
سيرين... هههههههههههه
ضرار... لوجدد جان فتحت بيهن محل بس مشككات
سيرين... ليش هيجي والله ضوجتني جديده لبستها
ضرار... موكتلج اجيبلج غيرها
سيرين... من اكون وياك اللبس الشككتهن احسلي
ضرار... هسه عوفج من الدشاديش خل نبدي بغير سالفه
سيرين... ياسالفه
_قبض على ايدي وباسني من رقبتي....
ضلمه محاوطتني من كل مكان اامـشي واتعثر
حجيت واحس الكلمه بلكوا تطلع من ثغري
سيرين... ضرااااار وين رحت
غرف محاوطتني وكلهن تطلع اصوات غريبه منهن حسيت بلعومي تجرح اريد اعيط اريد احد يساعدني ورجلي احسهن مشلولات بالكوا امشي
تمشيت بخفه عاينت الحفر بكل بمكان مثل الدوامه وشوي شوي جاي تكبر الحفر ضليت امشي خاف أوكع بشي حفره شفت أبوي طلع من وحده من الغرف ركضتله وحضنته
جابر... لاترحيله
سيرين... بابا ضرار وينه
جابر... راح
_التفتت للصوت الوراي عاينتله ضرار واكف
ردت اروحله وايدي انلزمت عاينت ابوي وينه ووين راح ماكو غير شخص والظلام مغطي قابض على ايدي بقوه
عاينت لضرار اريده يجيني يعاينلي عاكد حواجبه بعصبيه ويهز براسه ضل يرجع ليورى علما وكع بالحفره
سيرين... ضراااار
_نزيت من الحلم عركانه واجر النفس بلكوا عاينت على نفسي العرق يصب مثل المي متغطيه بشرشف الجربايه
سيرين... يربي شهل حلم دخيلك رربي استر اول مره حلمت لمن طلعنا من بيتنا وثاني مره من انخطف ابوي
هالمره ضرار الي وكع بالحفره شنو يعني
جريت الغطى لفيت نفسي بيه وكمت ادور على مبايلي كلبت الغرفه هوه كدامي ومانتبهت عليه
اتصلت عليه بسرعه جاوبني
ضرار... هلا بوبه
سيرين... وين انـت
ضرار... بالشغل
سيرين... فدوه ارجع ضرار حمووت بالنبي احس حيلي انهد مابيه انفجع بشي بعد
ضرار... اهدي كليلي شبيج
سيرين... ماعرف بس خايفه كلش تعالي
ضرار... هسه جاي لاضلين بحدج بالغرفه انزلي يم امي
سيرين... ااي
سبحت ورتبت الغرفه نزلت جوا جانن كاعدات بالصاله حتى نسيت اصبح عليهن وبس اباوع بوجوهن لزمتني دانه من ايدي حتى مانتبهت شكالت
دانه... سيرين شبيج ؟
سيرين... ها شبيه
بديعه... يمه صارلنا ساعه نحجي وياج وانتي صافنه
سيرين... ها مانتبهت وينها رهف
دانه... بغرفه عمتي
عفتهن ورحت لغرفه عمتي تمددت بصف رهف دموعي تجري واشهك بالبجي مادري بنفسي بسرعه غفيت
كعدت على لمساته تتوزع على معالم وجهي فتحت عيني جان كاعد ويتلمس بوجهي ورهف تفرك بعيونها ستوها كاعده ضفيرتها مفتوحه وتثاوب ضحك بوجهي وحجى
ضرار... كليلي شبيج ليش هيج حالج
سيرين... كمت حضنته جرني لحضنه وباسني من رقبتي كعدت اسولفله وانه ابجي واشهك
ضرار... انشالله ماكو شي اهدي كافي بجي
سيرين... واذا صار شي هالمره اموت
ضرار... إسم الله عليج شيصير مثلا كومي يالفصمه الشغل فوك راسي ورجعتيني
سيرين... اي كايمه
للعصر ضرار جان طالع انه جنت اشر بالملابس حضني من ورى وباسني
ضرار... حروحن للبصره
سيرين... ليش ؟
ضرار... عدي شغل هناك كم يوم وارد
سيرين... فدوه لاتروح
ضرار... ياراحتي لاسوين هيج بسرعه تكظي وارد
سيرين... تتأخر
ضرار... موهواي
سيرين... شوكت تروح
ضرار... هسه
سيرين... اي ماشي
صعدت للغرفه حضرت ملابسه بجنطه ورتبتهن خلص سبح راح بدل واجى باسني بقوه وحضني
ضرار... ديربالج على روحج
سيرين... لان روحك بيه
جر نفس قوي يعاينلي ماعرفت افسر نظراته
ضرار... رهف ديربالج عليها واذا حتاجيتي شي كلي لبسول لاتستحين وبليل انزلي نامي يم امي لاضلين بحدج هناه ومبايلج عوفي مشتغل حتى اتصل عليج
سيرين... اي ماشي
ضرار... اطيني
سيرين... شنو
ضرار... الجنطه
سيرين... ها اي
انطيته الجنطه باسني بخدي ومشى خطواتي اخذتني باتجاهه اطرافي ثلجت وكلبي دكاته تسارعت فتح الباب بخفه اندار عليه عاف الجنطه وحظني بقوه حسيت اضلاعي من قوه قبضته تكسرت
عضني من رقبتي ودفعته ضحك وغمزلي
ضرار... من ارد اسويلج غيره
سيرين... اااوي وخر يالشويب
جر أيدي وباس الشامه شال الجنطه وهوه متشبث بأيدي نزلنا جوا انور جان جاينا هوه وحيدري
انور... ها نروح
ضرار... اي ماعدي شي
اجت رهف تركض عليه نزل بمستواها باسها وهيه تشبثت برقبته تريد تروح وياه شلتها منه وهيه مبرطمه
انور... يله شوكت نروح
ضرار... اامشينا
سيرين... عاينت لانور اخذ بنته من حيدري جان شايلها باسها بقوه وهيه تدفع بيه ضاجت من لحيته وخر منها وهيه باسته
انور... دير بالك عليها
حيدري... بعيني جا انتم وين رايحين هوه كم يوم وتردون
بسول... جا انـت ليش رايح وياه
انور... فرد مره اروحن اشوفن المعرض
سيرين... راحو همه حسيت بفراغ جبير بكلبي التهيت اسوي بالعشى خلصت وصعدت للغرفه اخذت مبايلي واتصلت عليه شوي وجاوبني
ضرار... هلا
سيرين... وصلت
ضرار... لابعدني
سيرين... من توصل خابرني
ضرار... صار
سيرين... سديته منه اخذت المبايل ونزلت جوا لليل عدلت فراش الي ولرهف بغرفه عمتي وكل شوي اشوف مبايلي ماتصل عليه
علما غفيت وانه انتظره لثاني يوم كعدت لكيته متصل وحتى مراسلني كومه رسائل
وبصمات بصوته اخر شي دازلي مقطع مال اغنيه
شغلتها وانه كل كلمه منها احس كلبي ينقبض اكثر وصلت لمقطع منها دموعي لاأراديا تجري
معرفت كلشي بحياتي
بس عرفت شلون احبك
انت روحي وامنياتي
وفتحت عيني على حبك
خلي كلشي يصير ضدي
انت لا تخليني وحدي
المهم تبقى انت عندي
واني اظل ساكن بقلبك
رجعت دزيتله الاغنيه الغناها الي لمن جنى بغداد لحد هسه عالكه ببالي دزيتها اله ماجان عنده نت عفت المبايل كمت سويت ريوك والسماعه بأذني كلساع اعيد الاغنيه
دانه... خايبه شسالفتج صرتي عايدتها اكثر من عشر مرات
سيرين... هههههه حلوه تسمعيها
دانه... عكد مالصوت عالي حفظتها
سيرين... هههههه يله تعالي
دانه... اي جايه
سيرين... التهيت بالتنظيف صعدت للغرفه رتبتها وغيرت الفرشه والبرادي خلصت حتى ارتب ملابس ضرار
طلعتهن كلهن والاوراق والملفات العايفهن بخانه ميرضى اتقرب منهن طلعتهن اعاينلهن كلشي مافهمت منهن ونصهن بالانكليزي
بس جذبني عقد مال زواجنا
اخذته قريته عليه توقيعي وتوقيعه عقد المحكمه حتى ناسيته
اسمي بصف أسمه والبصمه وتوقيع الشهود عاينت عالمقدم والمعجل من شفته حسيت وكأن واحد كفخني نصدمت من المبلغ المخلي
سيرين... كال ميه االف شنو هذا يربي ليش جذب وماكال هالكد مخلي يربي هذا شسالفته ووين يريد يوصل
عكد مالرقم جبير بلعت ريكي رحت اخذت مبايلي وطكيتله صوره رجعته لمكانه وانه الضحكه شاكه حلكي مشغله اغنيه ومندمجه بيها
موشغله اريد مبلغ عالي لوالفلوس مهمه بس من كال ميه الف حسيت نفسي رخيصه كلش وكأن مشتريني ،من شفت العقد المبلغ جان جبير المخلي والتسأولات بالي ضلت تاخذني وتوديني
خلصت وكمت سويت ماسكات مال وجه وللجسم اطلع وادز بكروب البنات وهنه عالواهس يسوون ودانه تسوي وياي كلوحده حبست نفسها بغرفتها والماسك على جسمنا ووجهنا يضوج من ينشف عالوجه والجسم بس نتيجته حلوه
شوي واتصل ضرار رفضته واتصلت عليه كام اول ماشافني فتح حلكه وعيونه مصدوم
ضرار... شعامله بروحج
سيرين... شلونك
ضرار... ها بويه الحمد لله وانتي
سيرين... زينه جاي اخلي ماسكات
ضرار... ملطخه روحج هاي هم عمله
سيرين... هسه وجهي لووجهك وجسمي هم
ضرار... اي اشحده اليفك حلكه بالله هاي شلابسه
_جنت لابسه كيمونه متغطي شي أصلا وبرموده خزرته ودرته الكامره
سيرين... دور وجهك يافاسق
ضرار... سربوت تسويلي اغرائات وتكلي دور وجهك
سيرين... انت منحرف وعينك زايغه
ضرار... اطلعلج من المبايل افصمج فصم يالصلفه
سيرين... ممم شكراً
تنهد وحجى رجع راسه عالكرسي
مضيق عيونه ويباوعلي
ضرار... مشتاكلج
سيرين... انه هم
ضرار... شني ؟
سيرين... ممم البارحه رحت شوكت لحكت تشتاقلي
ضرار... مالج شغل
سيرين... ضلينه شوي نحجي بعدها راح يكمل شغله خمس ايام وهوه بالبصره لايام احسها تمشي بطئ وهوه مويمي كليوم اتصل عليه لوهوه واذا ميكدر نضل نحجي بصمات
وقبل منام افتح كام وياه مرات مكدر اطلع بره عمتي نايمه هيه ورهف عيب احجي يمها
اخذت المبايل وصعدت لغرفتي
شوي واتصل فتحته جان وجها تعبان كلش
ويتثاوب
سيرين... شنو هذا حالك
ضرار... ولجج تعبان كلش وهذا انور العار متاني لحد هسه ماجاي اريد ارد
سيرين... صارلك خمس ايام موطولت
ضرار... هوه رادلج
سيرين... صدك شوكت ؟
ضرار... هسه
سيرين... بهالليل
ضرار... ماعلينه شي وجه الصبح انه يمج
سيرين... شفت انور دخل للغرفه على كيف درت الكامره اعاينله واكف ومكتف أيده وضرار يحجي
انور... ماااتفضها وفوكاها يكلي طولت
ضرار... يالعاار شلون هيج تدخل
انور... فضني انه مطفي وهذا جايني يتسربت بهالليل
سيرين... هههههههه
انور... خووويه هدي نريد نرد
سيرين... تفشلت كدامه طلعه ضرار سلمت عليه وسديته كمت بدلت ورتبت نفسي مشجاني وكلساع اعاين بالمبايل علما غفيت
_أصوات مألوفه ظلام محاوطني امشي واتعثر حفر بكل مكان
اشخاص بالظلام ممبين منهم شي، شفت ضرار كدامي رحتله امشي واعثر
سيرين... ضرار
_ابقي بمكانج
سيرين... فدوه تعال اخذني
_ماكدر
ضل يتراجع وانه اتقدم اريد اوصله بس احس المسافه بعيده علما وكع وانه نزيت من الحلم صوت الأذان تعالى وي الله اكبر
انه كلبي دكاته علت وجسمي احسه نشل
كمت فتحت شباك الغرفه اريد الهوى يدخل لريتي بلكوا اجر النفس دموعي تجري والنفس ضاك عليه
سيرين... ربي بجاهك لاتفجعني بعزيز كلبي
شهل حلم ليش يمرلي وضرار ليش بكل مره هوه اليوكع بالحفره ؟
ليش لحد هسه ماجاي جان لازم هسه هوه واصل ؟
رحت اخذت مبايلي لكيت مكالمه فائته منه ودازلي بصمه يكول بيها
_ديربالج على روحج
اتصلت عليه ميجاوب خبصته خبص بالمكالمات وهوه ماكو كمت اخذت شالي رحت لغرفه بسول دكيت الباب طلعلي مغمض
بسول... ها خويه شمحتاجه
سيرين... ضرار مااكو اتصل عليه ميجاوب
عكد حاجبه راح اخذ مبايله ويتصل عليهم ماكو ولاواحد يجاوب
راح دك الباب على عزام كعد ليث وغيث ابد ولاواحد منهم يجاوب نزلو جوا شوي واجى حيدري ودرغام ماضلت أيه ماقريتها احس بلكوا واكفه على حيلي دانه تهدي بيه
بس انه فاصله عنهم معقوله صارله شي ؟
طلعت عمتي من غرفتها والحجي كعد وجها شاحب وتبلع بريكها
بديعه... وينه ضرار
بسول... يمه ردي نامي ليش كعدتي
بديعه... كلبي واجعني على ابني
سيرين... شهكاتي اتعالت كلامها زرف كلبي شوي وبسول رجع اتصل يالله جاوب
تنفست بأريحه عبالي هوه
شفته المبايل وكع من أيده واختل توزانه
درغام... احجي جاوبك يولا؟
بسول... ضرار وانور مسوين حادث
يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!