رواية ثارهم وبنت الفقير الفصل الخامس والأربعون 45 - بقلم الكاتبة ترانيم 🤎

"٣٩

ثارهم وبنت الـفقير

مياده...
منسدحه بالغرفه واسمع هوسه برى كمت ضميت لمبايل وطلعت
لكيت خالتي واكفه بعتبه الباب وتصيح
شافتني عوجت حلكها واجت عليه

_من بعد مابرتي اجيتي على وليدي شناقصه وياخذله مطلكه

مياده... خاله على كيفج وشبيها المطلكه ؟

_شبيها مو الله اعلم شعامله من مكسوره حتى يذبج الرجال وافتريتي على وليدي هسه قريتي براسه وخليتي يعقد عليج وبدون حتى مايشور امه

مياده... ااايهاب موطفل واقرا براسه وشبيها المطلكه مووبشر هاا
زواج مانجح وعلاقه ماستمرت وطلكنا شصاار قامت الدنيا اااي انه مطلكه وشبيه هااا شبببيها المطلكه ؟؟؟؟
حراااام وحده تتخلص من علاقه ماوراها غير بس التعب حرام وحده تتحرر من زواج هيه مرايدته هاااا شنووو ذنبها المطلكه وهالشكل تعاملوها

_وصيييحين بوجهي يالعرمه وعلي على جثتي اخلي وليدي ياخذج

مياده... انه هسه مرته لايهاب ودامه يحبني ورايدني مستعد يتخلا عن نفسه وميتخلا عني
...حركت كلبي بكلامها وانه استفزيتها اكثر كامت صيح وتعربد
شوي واجى ايهاب شافته وضلت تعربد كدامه بسبيل طلعني غلطانه

ايهاب... يمه انه هالحجي مايهمني ومياده مني وبيه صارت فدوه لكلبج لاتلوعين كلبي مره ثانيه كبل خسرتها وخسرت روحي وياها هسه اتخلى عن روحي وماتخلى عنها

_ولك يمه شلك بيها اجيبلك الاحسن منها

باسها من راسها جر الكرسي وكعدها
ايهاب... وانه مارايد غيرها

_هذا هوه دامك رايدها انه شلي غرض بيك اخذتها وحتى ماكلت خل اشور امي

ايهاب... يمه انتي على عيني وراسي بس مياده بكلبي ادعيلي اتوفق بهالزواج وداعتج تعبت بدونها

_هذا هوه يمه الله يسعدكم

مياده... خاله انه مامذنبه بشي زواجي من البدايه جان غلط وهسه كلشي انتهى وراح بديت حياتي وي ايهاب فدوه لاحد يوكف بطريقنا هالمره

_ولج انتي عرمه لسانج هالطوله ماتحمل وكاحتج

مياده... ممم لعيون ايهاب اصير عاقله

ايهاب... شفتي جنتج ههههههههه

دخل ابوي من برى شافنا استغرب كام ايهاب سلم عليه
ايهاب... اعذرنه ماخبرناكم على جيتنا بس اجينا نتفق عالمشيه وانشالله بغير وكت نحدد العرس

ابوي... اي بويه هلا بيك تعالو جوا

مياده... راحو همه جوا وانه رحت حضرت الكيك والعصير وديته اللهم كاعدين ويتناقشون
عود انه مستحيه ومارفع عيني
وماحس غير دايسه بطرف الفرشه عثرت بيها ووكعت انه والصينيه
من الفشله ضليت بمكاني عود ردت اكوم كمت ودفرت الصينيه برجلي على خالتي
طكيتها ركضه للغرفه وحبست روحي من فشلتي ضليت ابجي واشهك وملابسي مدمره عصير

مياده... هخخخ ياافشلتج انه ويني وين الخجل خرررب حظي شلون اطلع وجهي هسه

_شوي وراحو اجت امي تهلهل وتضحك
امي... الخميس اتفقنا عالخطبه

مياده... من فرحتي طكيتها هلهوله اركص واكمز احس نفسي طايره فوك السما
شعور ابد مينوصف وانه صرت للاحبه سنين انه وياه فراق,عذاب,حب,قهر, عانينا بحبنا هواي
بس بالاخير صرنا لبعض مهما صار ومهما مر علينه بالاخير انجمعنا
سنين واحنا علاقتنا انقطعت بس الله جمعنا من جديد مع انو صرت لغيره وكان ماممكن انو ارجعله بس ضل متمسك بيه
وانتظرني بكل جوارحه هوه بعيد عني بس خلا روحه وكلبه يمي
وماباقي هواي ويسجل اسمي بجنسيته

_التهيت احضر للخطبه ماضل شي ماجهزته طايره من الفرح
زواجي الاول ماتهنيت بيه حتى ماجهزت لنفسي
بس انه بسبب ضرار انجمعت وي ايهاب
لوماهوه ماجان اعرف مصيري هسه
ووين جنت ...
عشت هالايام بأحلى مافيها لاهتميت لحجي ولالمغثه الناس

_عاينت بالمرايه اخر نظره اجت حنين جرتها من ايدي واخذتها

حنين... يا كافي ولج النسوان يعاينن عليج

مياده... عليج الله حلوه طالعه ناقصني شي اذا ايهاب شافني شحيكول وففف متوتره كلش

ملاك... تخبلين طالعه لاتتوترين خافن من توتر تعرقين ونوب يسيح المكياج

مياده... يا صدك خلن المروحه عليه خاف المكياج يسيح

حنين... مايسيح الجو زين

مياده... سمعت صوت الهورنات اكيد اجو البنات عدلن البدله اختاريتها لون ماروني شدت جسمي طلعت تخبل
ضليت اقرا ايات بكلبي توترت كلش احس نفسي صخنت
رفعت عيني النسوان يباوعن ويتهامسن ماهتميت لاي شخص الفرح مالي كلبي بهالحظات
معازيم موهواي قليلين دخلن اخواته وامه الهوسات والهلال وانه الضحكه شاكه حلكي اريد اكوم اركص وامي تكرص وتعض بشفتها
شوي كالو راح يجي يلبس الحلقات

نزلت راسي عود خجلانه تذكرت من وكعت كدامهم وبديت العصير بلكوا كتمت ضحكتي دخل خواته سحبنه صار بنصهن يركصن ويهوسن وهوه عيونه مركزها عليه
اجى كعد يمي سحب أيدي وباسها

أيهاب... من بعد لوعه كلبي وتعب روحي صرتي الي

مياده... تدري ابد ممصدكه انو احنا نجمعنا معقوله يطلع حلم

ايهاب... مرررتي صرررتي ومسجلهه باسمي مووحلم وربج موحلم

مياده... حجاها بصوت مسموع رجع باس ايدي الضحكه شاكه حلكه وعيونه حمر مدمعه لوماعيب جان بجى

سيرين... الله يسعدكم انشالله متتخيلين شكد فرحتلج

مياده... ليش ختفيتي هالمده لاحس ولاخبر اخابر على ضرار هم ماكو

سيرين... شكلج حتى نفسي مالي خلكها تعبت كلش هالفتره وخاصه رباب ماعرف شلون حتخطى الموقف الشفته كدامي تعبت وحاايره ماعرف شصرف وشعمل

مياده... خيه الله يساعدج والبت الله يرحمها

سيرين...  اليقهر ماتت وهيه صغيره وفوكاها حامل مياده متتخيلين شعوري وهيه كدامي تموت انا شفتها شهكت شهكه الموت لاحركت أيد ولارجل
_خليت أيدي على حلكي وشهكت بالبجي هيه تهدي بيه حتى اسكت وتالي ضلت هيه هم تبجي وياي

مياده... شلعتي كلبي الله يساعدج شلون تحملتي

سيرين... لحد هسه ضرار مصبر عليه البيت وحشه كل وكتي وحيده رهف يمي تكضيها بجي ولعب احير شسوي ووين انطي وجهي
احس نفسي حتخبل من الوضع الاني بيه
مجاي اتحمل شي كلبي تعب من الوجع اكعد بالغرفه تركيزي كله يصير
بصوت دق الساعه
قطرات المي التجري بالحمام
كلشي جاي يسببلي ألم وتوتر
خوف,رهبه,قلق من الجايني
صرت اخاف انام وتمرلي الكوابيس
صرت اخاف اكعد الصبح وتتلكاني شي مصيبه
صرت اخاف من نفسي خايفه اتهور وأخذ هالروح بخطيه
تعبت كلشش جاي اموت ومحد حاس بيه

مياده... خيتي لاتفقدين الامل كلشي ينحل انشالله لاضمين بكلبج وتعزلين بروحج
ضرار يمج وانتي لوفتحتيله كلبج وحجيتي وطلبتي التردي
يسوي اليجرالج لاتقفلين على روحج هيج وتاليها محد يخسر غيرج
لاتحاسبين نفسج عالصار كلشي قضاء وقدر وماهي الايام وتمر

سيرين... وفففف حايره كلش صدك ماكلتي شوكت قررتو تسوون العرس

مياده... باقي لسبوعين

سيرين... حيييل بهالسرعه

مياده... هسه هوه جان لازم يسافر علمود شغله وبيني وبينج انه لوبيدي جان خليت العرس باجر

سيرين... هههههههههههه
_شوي وسديته منها نزلت جوا الولد كلهم جايين واصواتهم عاليه مبين داخلين بنقاش حاد
رحت كعدت يم عمتي اعاين لاانور عصبي وعيونه حمر

ضرار... غير تحجي شصاير لوضلك تعربد

درغام... يحبله وحده ويريدها ابوها مايطيها جيف مطلك وعده بت

بسول... ماشالله كلها على فرد وكفه احنه وين نلحك عليكم وانتم كلكم تردون تعرسون

حيدري... اهمشي تعرسولي صارلي ثلث اشهر متاني

انور... اريدنها وابوها قافل مايطيها العارات لاالمره المطلكه تسلم منهم ولاالرجال من يطلك يسلم منهم

ضرار... انشالله تنحل اروحن انه وجدي وعمي ونطلبها الك
حتى لوعاند وعربد وضل يرفض هيه الك الك

عزام... ضرار مصلح علاقات ياهو اليريد ينجمع بحبيبه اليريد يزوج ويخطب بكل وقت حاظر

ضرار... لاتخليني اكوملك مومرتك منا

عزام... هههههههههههه وبناتي بصفك ياحيف

حيدري... اي وانه شوكت تعرسولي

سلافه... خايبه اته شمالك مفلفل عالزواج

غيث... حجيه موطولنه هواي فضوها النا

ضرار... خل يجي جدي والله كريم لاتلحون جنكم ك****د

سيرين... عظ شفته بفشله ابد مايفشر كدامهم لويحجي غلط وخاصه الاطفال بسرعه يلكفون الكلمه

بديعه... يمه لسانك شجاك

انور... ماكال شي سمعتو شكال

درغام... لا شكال هوه يريد يعرسلهم فوك زينيته

كتف ايده وعاينلي
انور... شمالج خويه ماطلعين حسج

سيرين... ها

سلافه... البت مخلوسه كل وكتها ومايطلع حسها

غلست ماجاوبته
_شوي وراحو انه خليت كلشي وصعدت للغرفه اخذت ملابسي رحت سبحت وطلعت
شعري حليته على طوله مالي نفس حتى اخلي المشط على راسي هوه كوا يتمشط ويتعب
دخل ضرار للغرفه حتى من دخل مانتبهت عليه
راح يسبح
وانه شعري من قوه الجر حسيت حتى فروه راسي تكطعت
سيرين... يرببي شهل عذاااب
مشصابني رحت للكنتور جبت المكص ورجعت كدام المرايه
دموعي تنزل لااراديا حالتي كلش متخربطه نار بكلبي ماجاي تنطفي
طلع ضرار من الحمام اجى اتكأ عالميز كتف ايدي وعاينلي

ضرار... يله كصي

سيرين... ش شنو ؟

ضرار... موردتي تكصي

سيرين... لاا

لزمني من ايدي سحبني عليه وحضني
ضرار... كليلي شبيج

سيرين... ماعرف شبيه بس تعبانه لااعرف الاريده شنو والااعرف الصايبني بس تعبت كلش

ضرار... التعب بروحي ولابيج اهدي وكافي دموع

سيرين... جر الكرسي وكعدني لزم أيدي وعيونه مركزها بعيني وعاكد حواجبه

ضرار... طلعي البكلبج ولاضمين شي

حضنته من خصره ودموعي تجري مثل الشلال
سيرين... مجاي اكدر اتخطى الصار ضرار حمووت من القهر
ماعرف شلون انسى موتها كدامي تجيني بأحلامي اتخايلها كدامي بكل زاويه بالبيت احس هيه بيها
ليشش هيجي والله موانه الموتتها انه لويرجع بيه الوكت مجان خليتها تروح بمكاني
وفوكاها ااهلي ماكو عنهم اي خبر لاسألو عني ولاكالو بتنا وين راحت نسوووني وماااعاد سالو عني ضرااار اهلي ااريدهم ليش هيجي
ليش بس المصايب والمشاكل تصير وياي
شنو ذنبي واعاني بهالشكل
انه شما احجي وشما اسولف ماممكن اوصف النار التچوي بكلبي

_حسيت روحي خوت من البجي والقهر ماعرف اذا نمت لواغمى عليه ظلام حاوطني وحسيت حركه جسمي نشلت
ماكعدت غير على ثكل بجسمي فتحت عيني الغرفه ضواها خافت وبارده ضرار حاضني ومبايله بيده

وخرت منه ونزيت من مكاني اضرب بنفسي حتى اصحى
سيرين... حلم لو صدك

ضرار... اششش ردي نامي

سيرين... ضرار اغمى عليه لوشنو

ضرار... تعالي

سيرين... عاينت للساعه ب3 بليل يربي شصار
رحت يمه جرني عليه لحضنه باسني من رقبتي وشفتي

ضرار... ابويه انتي لاتقفلين على روحج بالحزن والتفكير الصار وي رباب قضاء وقدر وهذا يومها الله يرحمها

سيرين... بس ليش تجي بأحلامي ومرات اتخايلها يمي بحيث اخاف افتح عيني واشوفها كدامي مرات احسها بالغرفه بالمطبخ بالصاله صرت اشوفها بكل مكان

ضرار... ماهي الاهلاوس بصريه و حسيه من شفتيها كدامج تموت الموقف ضل ابالج
وماراح
وانتي بالتفكير بيها زاد سوء وكمتي تتخيليها ابويه انتي الحزن مراح يفيد بشي يضرج ويضر روحج
تعايشي وي الصار واتقبلي

سيرين... ماكدر التفكير والخوف والقلق تعبني كلش ماكدر اعيش وكان كلشي مصار

ضرار... بدل ماضغطين على نفسج بالعزله والتفكير تخطي هالشي
انه دوم اعاينلج تتصفنين هواي وتعزلين بروحج
حاولي طلعين من الانتي بيه
هسه مثلا من تجيج ساعه ماتعرفين شسوين والحزن مسيطر عليج
اطردي الافكار من بالج واشغلي روحج بشي
واذا حتاجيتي تفضفضين
انه موجود بكربج بس لاتأذين روحج بهالطريقه

سيرين... وانه شلون اتخلص من كل هذا

ضرار... تخلصي من التفكير طردي الافكار من بالج وجودها ماهو الاتخيلات يجسدها عقلج
قللي الضغط والضيق على نفسج
بدل ماتكعدين وتحبسسن روحج بالغرفه
الهي روحج بشغله تخليج تنشغلين
بدل ماتذبين اللوم على روحج بموتها فكري ماهو الاقضاء وقدر وهذا يومها الله يرحمها

سيرين... جريت أيده ونمت عليها حضنته من خصره بحيث ردت ادخل روحي بروحه
كل كلامه صح احس من سولفتله ارتاحيت شوي وفرغت البداخلي

باسني من راسي وحضني بأثنين أيده
ضرار... ديربالج على روحي

سيرين... شنو

ضرار... انه روحي بيج لاتعبيها ولج

سيرين... هههههه صير حباب وماتعبها

ضرار... نامي لااملصج هناه

سيرين... غير انت متخليني انام

باسني من شفتي وخر ادنى مني حضني من خصري وجهه برقبتي ويتنفس بقوه
ضرار... اششش كافي ولج

سيرين... هفف وخر خنكتني

دفعته بخفه وخر وخزرني
ضرار... وعلي اذا ماركدتي اخلي الواوي يعرس عليج

سيرين... منو هذا

ضرار... مالج شغل

سيرين... حضنته ونمت
الصبح كعدت من وكت لكيته رايح للشغل
فتحت عيني بس اني بالغرفه طردت الافكار من بالي وكمت
كمت اخذ ملابس ورحت اسبح خلصت وطلعت اعاين على نفسي بالمرايه
ضعفانه كلش ووجهي شاحب مابي لون

سيرين... كافي حزن يوم جديد وحياه جديده

تنهدت بأريحه نشفت شعري وشسورته خليت شوي مكياج نزلت جوا كلها بالشغل
رحت سويت ريوك وكعدت رهف وياي
رهف... امه

سيرين... يروح الـ ماما كومي خل ناكل

غسلتلها ومشط شعرها مكفش هيه شعرها طويل وثخين يتعب بالتمشيط ودومه تخلي محلول تضل تكمز بيه
كعدن بنات عزام جنى وجنه خلصت وكمت نظفت البيت من فوك ليجوا
والبنات وياي عود يساعدني كلساع متعاركات ويردن يتصالحن يسون تحاد عليه يبللني بالمي
اخرها تعبتي كلش اخذتهن
ووديتهن يم عمتي ورجعت اكمل شغلي
خلصت كلشي وطلعت برى نظفت الحديقه والملابس اليرادلها غسل خليتهن بالغساله خفت افتحها
طلعت الحجيه تمشي وتتكئ بعوجيتها

سلافه... خايبه كافي شغل امشي كعدي المسعده نايمه للظهاري شنهي بيت اهلها

سيرين... ماضل شي خلصت كلشي

سلافه... ولج امشي كعديها لااكسرج بالعصه

سيرين... هههههه اي رايحه

رحت اكعدها عود ادك الباب كسرته وهيه ماكو اخرها اجت الحجيه اقتحمت عليها الغرفه يالله كعدت غسلتها غسل بالرزايل وهيه ولاهمها نوب تريد ترجع تنام

سلافه... يبااااه خاايبات مهات العثك ياخذن ويخلفن وهنه خايسات

بدور... حجيه على كيفج وي روحج

سلافه... بت دنانير العرمه جا هيه دنانير مربيتها وتافله بحلكها ماشالله اثنينهن نفس الكصه (قصدها على مالكه جيف نفس سوالف دنانير 😂)

سيرين... هههههههههههه

سلافه... ها يالغاكه امشي سويلي جاي وصعدي لغرفتج ديربالج جيسين شي اريدن هالغبره تبدي بشغلها

سيرين... اي ماشي

رحت سويتلها جاي ووديته الها صعدت للغرفه سبحت وخلصت
حرت شسوي عمتي تسوي الغدا وضرار بعده مجاي رحت للكنتور طلعت مبايله
هوه بيه نت وعايفه بدون رمز صرت اشاهد فيديوهات وادخل من برنامج لبرنامج
اخرها طلعلي فيد مال عنايه مال بشره وتنظيف
رحت بحث وضليت احفظ بيهن
نزلت جوا طلعت المواد وخلطتهن كلهن هوه جان بالقهوه وسهل كلش
اخذت رهف وصعدت للغرفه خليت منه وخليت لرهف وياي
رحت جبت صبغ اظافر صبغت ايديناتنا والماسك شوي وشلته

سيرين... الله شلوني حلوه

رهف... علوه

سيرين... مكيجت وبدلت نزلت جوا ضرار ستوه جان جاي نايم بحضن عمتي وتمسد على راسه
عاينلي غمزلي وضحك

سيرين... الله يساعدك

ضرار... بناتي شلونهن

سيرين... راحت رهف شمرت نفسها بحضنه

رهف... خلي ماك (خليت ماسك)

ضرار... شني ؟

سيرين... ههههه قصدها ماسك

ضرار... الله واكولننن زايده جمال ولو انتن بدون هالمكسات حلوات

سيرين... هههههههههههه

ضرار... شمالج

سيرين... ماسك اسمه

ضرار... نفسشي ابويه

سيرين... حروح احضر الغدا بين مايجون الولد

بديعه... يمه بس سون الزلاطه

رحت للمطبخ احضر بالاكل ومالكه دردم وتذب حجي ماهتميتلها وطنشتها وهيه من تشوفني متجاهلتها تشيل نفسها وتركعها
_للعصر كلهم يطلعون انه اطلع بالحديقه رتبت كعده حضرت الكيك والعصير
واجى انور ودرغام واتبعهم حيدري مخلي حيه على رقبته
انه شفته جفلت من مكاني حتى من الخوف تصنمت

حيدري... لاتخافين مابيها سنون

انور... كضيتها ويانه مابيها سنون وهسه يجي ضرار يكتلها الك

حيدري... خافن هذيج المره من كتل أيلي سكتت لا هالمره وحك علي اكلب الدنيا

درغام... سكتو اي خويه شمسوي

سيرين... هههههه كعدو خل اجيب العصير

عفتهم ورحت اجت الحجيه واجى ليث وغيث وعمتي بدور وبديعه كعدو برى
وضرار شوي واجى عاين لحيدري ماحجى شي بس ضحك

ضرار... ولك شلون مخليها تتحرك عليك

حيدري... شبيها عالاقل جلدها مثل جلد مرتك يتغير بسرعه

شمر عليه النفاضه وكام
سيرين... هههههههههههه

ضرار... تضحك الفطيره

سيرين... ههههههه جا شسوي

انور... صدك شسميتها

حيدري... على اسم المرحومه سميتها ايلي

درغام... اي وانشالله هم تلحكها

حيدري... اجيبن عشره غيرها

ضرار... منين جيبهن ؟

عاين لضرار بلع ريكه وسكت
حيدري... ليش تسأل ؟

ضرار... احجي

حيدري... من ابن الكصاب

انور... ياطايح الحظ ابوه كصاب وابنه العار مكضيها يربي حيايه هههههههه

ضرار... هينه انه الكم

دخل بسول من برى اجى كعد يمهم وهم شاركهم السوالف
انور... كون نسويلنه روحه للشط

حيدري... هههههههههههه

ضرار... وسم شمالك

حيدري... تتذكرون من شمرنا بسول بالشط

بسول... عارات شسويلكم

سيرين... ياا ليش !!

انور... ها شوفي جدي مايخلينا تروح هناك عبنه غميج ومره التمينا كلنا ورحنا سوا
وردنا نشوفه غميج يولا حرنا شلون نعرف بقينا واكفين بالساعه
اخرها مانحس غير حيدري ودرغام لازمين بسول وشامري بالشط وهمه يصيحون عليه

حيدري... ها غركت لو بعدك
بسول...وهوه يطلع راسه يكلهم لا لا تعالو

سيرين... هههههههههههه

بسول... وتذكر من مره جنا كاعدين واجى ضرار من الشغل وتعبان وشايل الدنيا على جتافه والطنكوره واصله لخشمه
اجى كعد يمنى صاح على ميس تجيبله مي وهيه ماسمعته
كام ليث صار خير عود جايله بطل مي واطاه اله
شربه وطلع قاصر امي من تنضف تعوفه بطل جابه واطاه اله

سيرين... اوي شكـد خطيه

كرصني من زندي وهمس
ضرار... لاتتنعوصين

سيرين... هههههههه اي كملو

درغام... اي وهاي مره جان عدما بنيان مال بيت عمي واحنى الولد وياهم وكل واحد كاض كرك ويعبي تراب بالسطول متعاونين
انور شمر عليه تراب بالغلط وانه هم شمرت عليه السكط هم رجع شمر عليه وانه هم واحد يردها للثاني علما  تعاركنه بنص التراب وفاككونه الولد
بس واحد يذب بسمار للثاني هوه اجى باتجاهي شايل الكرك
عبالي يريد يطكني انه شلت الكرك مالي وكسرته براسه وثمن خياطات براسه والصوندات لعبوها على ظهري تلعب

انور... هههههههههههه اهمشي الكتله مال جدي غط راسك بالتراب

سيرين...
لليل اجى الحجي ووياه اجى هجاس ورزام حتى يحددون العرس وصدك حددو بعد اسبوعين نفس موعد عرس مياده
ورى اسبوع  راح الحجي وضرار حتى يخطبون لانور
العصر اجو ووياهم انور ضايج وعصبي مبين مقابلين بس ضرار مترهي ويضحك

بديعه... بشرو يمه رضو لا

ضرار... اي رضو

سلافه... جا شبي هالفرخ ينافخ

ضرار... هههههههاااي ابوها خلا مهر يكسر الظهر وهوه دامه يحبها ورايدها لازم يرضى بكلشي

انور... ولك قطني وانه بجيبي فلس اخضر ماكو

حطام... جا ليش ماتعرس كبل الولد

انور... لاجدي ورى عرسهم نحدد المشيه ماريدن بسرعه

ميس...
رحت للغرفه لكيته يبدل تخطيته ومشيت طلعت ملابس ورحت ابدل

رضوان... انه رايح انمار يوصلكم

ميس... اي

نفخ بعصبيه وطلع طول الفتره المرت وانه استخدمت وياه اسلوب التجاهل والبرود
يضل يطحن بنفسه طحن
يضل يدور حجج حتى يحجي لو نتعارك وانه ابد مانطي فرصه حتى يسويله مشكله
طلع هوه وانه رحت بدلت وخلصت
لكيت جنوب وانمار ينتظروني

ميس... ها نروح

انمار... اي يلا

ميس... وصلنا لبيت اهلي وراح محد من اخواني موجود كل وكتهم طالعين

سيرين... ضرار طلع وي رضوان وبسول راح هوه وانور لبغداد عزام اخذ مرته لاهلها وليث وغيث طالعين وانه هالمكابله رهف وكاعده

جنوب... خايبه الله يساعدج ماطكين من ضوجه

سيرين... وففف جا شسوي
طلعت مبايل من جنطتها وفتحته

جنوب... انمار ورضوان جابولنا هالمبايلات

ميس... خايبه ولااعرفله متعلمه على مال امي العب بيه الحيه

سيرين... اوي بالعافيه شكد حلوات

جنوب... خلي ضرار يجيبلج

سيرين... ماعتقد يرضى

ميس... ليش ميرضى

سيرين... صدك وليش ميرضى
عفتهن ورحت اخذت مبايل عمتي اتصلت عليه بسرعه جاوبني

ضرار... هلا حجيه

سيرين... انه موالحجيه سيرين

ضرار... هلا بمرتي شمحتاجه

سيرين... ممم جيبلي مبايل

ضرار... شني

سيرين... جنوب وميس جايبات مبايلات اريد مثلهن واحسن

ضرار... عوفج من المبايل شلج بيه

سيرين... ماااريد بطلت
سديته بوجه وشمرت المبايل رحت يمهن يسولفن وي عمتي

ميس... ها بشري

سيرين... ماقبل

جنوب... اي صدك شوكت نروح نجيب ملابس

سيرين... ملابس المن

جنوب... خايبه شمالج جا للعرس شتلبسين

سيرين... راحت من بالي

ميس... باجر خل ياخذونا

جنوب... منو ؟

ميس... عشتوو ازواجنا جا المن مزوجين

سيرين... اي وتتوقعين ضرار يضل يفرفر وياي

ميس... اي يرضى بس كليله

سيرين... كلشي ماريد منه المبايل وماقبل يجيبلي

جنوب... يجي واقنعي يجيبلج شمالج

سيرين... لليل اجى ضرار ووياه رضوان اخذ جنوب وميس
عافنا وصعد للغرفه وصاحني وراه حتى اصعد انه عاندت وياه وماصعدت
وي العشى نزل وهم تجاهلته لنص الليل خلصت شغل البيت يالله صعدت لكيته يخابر اول ماشافني خزرني ودار وجها
انه رحت افتح بيبان الكنتور واركعهن

سيرين... وفف وين راحن الملابس

ضرار... ب**** تلكيهن جاااي اخابر بالك***

سيرين... ومنو يمك انـتـهـه

ضرار... وعلي اااذا مارحتي منااا اكوم انهيج بالعباس

سيرين... عفته ورحت اسبح ماجادلته لوحجيت جان عصبي كلش وميتحاجى
خلصت وطلعت رحت امشط شفت علبه مال مبايل الضحكه شكت حلكي اخذتها وفتحتها فارغه عاينتله كاعد ويعاينلي طلع مبايل من جيبه

ضرار... البربوك تسدينه بوجهي وتنترين وفوكاها اصيحنج عبالك احجي وي الحايط

سيرين... ممم هالمبايل الي

ضرار... ردت اطي الج بس بطلت

سيرين... برطمت بوجهه عفت العلبه عالميز فتحت شعري وخليت حمره وهوه يباوع مستغرب رحت اتمشى يمه سحبت أيده وكعدت بحضنه

ضرار... جاي سوين

سيرين... شمسويه ها ؟

ضرار... كومي سيرين

سيرين... حضنته من رقبته بسته بخفه من شفته ووخرت ، المن جبته ؟

ضرار... ها

سيرين... الموبايل؟

ضرار... الج

سيرين... جا انطينا

طلعه اخذته منه وكمت تمددت عالجربايه وهوه يباوعلي ويضحك
ضرار... تعالي عيديها

سيرين... تعال علمني عليه

ضرار... اي اعلمج عليه

سيرين... اجى تمدد يمي جرني عليه

ضرار... يالمسربـته كـليبي تسربت

سيرين... يالمطيـح حظ كـلبي

ضرار... أفا عليج هسه ارجع حظ كلبج بس خل يحن شوي

سيرين... شنو ؟

ضرار... اعلمج شلون تستخدمينه

سيرين... اي

لثاني يوم كعدت لكيت جنوب وميس ومرت خالو وشذر جايات
سيرين... هههههه موكلتي ازواجنا ياخذونا

عوجت حلكها وغمت كصتها
ميس... لوساكته احسلي يكلي شسوي رايح اقيس الفساتين بدالج

جنوب... ملتهي وي الولد جان اجى

سيرين... انه اصلا نسيت اكله

ميس... اي اطى فلوس لامي حتى تشتريلج

سيرين... انتن روحن وجيبلي على ذوقجن تعبانه كلش يااااا

جنوب... خيررر ؟

سيرين... نسيت اكلجن جابلي مبايل

ميس... صدك

سيرين... اي

كعدت يمهن وجبت المبايل نزللي برامج وفتحنها الي شوي وراحن وعمتي وياهن مارحت وياهن
التهيت بالمبايل وفتحت فيس بيه

مياده...
واكفه كدام المرايه واعاين لنفسي اليوم انه صرت لحبيبي ومن بعد عناء نجمعنا
اجت بس اختي ملاك وياي اتصلو علينه حتى نطلع لبست البركع والبدله بلكوا امشي من وراها
اول ماوصلنا تلكونا بالهلاهل والهوسات الزفه شوي وتجي صحت اختي حنين تجيبلي مبايلي
تانيتها حتى تتصل تمنيتها لووياي بهاليوم
شوي ورن تيلفوني

سيرين... الففف مبروك مهنايه انشالله

مياده... الله يبارك بيج  ريتج يمي بهاليوم

سيرين... وفففف اليوم عرس حيدري وليث مكدرت اجي والبيت مكلوب كلاب من الهوسه

مياده... خيه الله يساعدج ادعيلي فدوه تعبت يالله كدرت ارتاح

سيرين... انه بكل صلاه ادعي الله يسعدج وين ماجنتي

مياده... فدوه لكلبج

سيرين... سديته منها عاينت لنفسي جاهزه لزمت رهف ونزلت جوا ناهد ودانه كاعدات والتوتر مبين عليهن العرس سوو ابيت الحجي لان جبير ومعازيم هواي وحارو وين يسوون العرس وهنه اثنينهن بنات عم ماكو فرق ابيت منو يسوو صاحت عمتي عليهن حتى الزفه تطلع لبسنهن البركع
اعاينلهن كلش حلوات طالعات وامهاتهن يوصن ويحجن وياهن

تنهدت بألم وحسره امي هم مثلهن رادت تفرح بيه وابوي راد يسلمني بيد زوجي بس ماتحقق ولاشي الحمد لله على كل حال

زفوهن للفندق محد راح بينا وكلها طشت لبيوتتها وطبعا الهوسه واكعه بروسنا التهينا بالتنضيف من فوك ليجوا
انهد حيلي يالله خلصت ضرار اجى وصعد قبلي صعدت فوك جان واكف كدام المرايه ويمشط
فتت من يمه بسرعه جرني عليه

سيرين... شبيك عوفني

ضرار... خل نعرس جا احنه وحد

سيرين... يافاسق عوووفني

ضرار... خل اواريج هههههه

سيرين... تؤ ماريد اشوف شييي يمااااا

لزم وجهي بأثنين أيديه وباسني بقوه وخر مني
عاين عليه ضيق عيونه عض شفته وضحك
سيرين... شهل نظرات ؟
ماحس غير شاك الدشداشه عليه

ضرار... كملي !!!!

سيرين... موحتى الدشدايش خلصن من وراااك يربي

يــــتـبــع . . . . .