رواية ثارهم وبنت الفقير الفصل التاسع 9 - بقلم الكاتبة ترانيم 🤎

الثأر السابع
ثارهم وبنت الفقير

بقلمي ترانيم هادي ♥️

_شلونهم حبيني لاتنسون تصوتون وتعلقون
♥️🕊️,

_وكفنى بمكان مابي احد وقليل سيارات تمر بيه
وكفو سياراتهم وبس التراب يتطاير نزل منها هوه والوياه

اجى سحبني من ايدي ونزلني

سيرين... عووووفني

جر ايدي بدون مايسمعلي وهمه ولاواحد نزل من سيارته حاصرني عالسياره
طلع المسدس من ظهره وخلاه براسي

غمضت عيني وتشاهدت على روحي ماحسيت غير ضغط بحركته على ايدي

ضرار... فتحي عينج وعايني عليه

فتحت عيوني ولتقت عيني بعينه جانن مليانات غضب وانتقام عكس عيوني مليانات دموع خوف ,ورهبه

جر الشال على شعري وخزرني والمسدس موجهه على راسي

ضرار... وحك علي بس اهيس حسج لواسمعن نحيبج افرغ هالسلاح براسج ومايرفلي جفن

حجى اخر كلمه بعياط وعيونه ناطات ويصك على سنونه ... هزيتله راسي بخوف

اندار وراه ونزلو كلهم اجو يمنى اعاينلهم كلهم نفس المشيه والوجه عبالك استنساخ ... شني مالكم
رداد ماكو احد يشتكي عليهم

اجو وكفو كدامنا هالقنقينه وكف بصفي ولسلاح بعده موجهه لراسي

درغام... نزل سلاحك لاافرغ الشاجور بمخك

حيدري... بطل حركات الافلام الهنديه وعيف البت شمالك نجلبت عليها

ضرار... هينه انه الك*** الجبتك وياي ماتبطل سوالفك الاافصم ظهرك

بنص هالقهر وهالحاله ضحكت على سوالفهم
عاينو عليه وخليت ايدي على حلكي

بسول... ضحكي خيتي هيه شباقي بالدنيا بس وجه ضرار وراح كليوم تصبحين بهالوجه

حركت شفتي معاجبني وهوه ضغط عالسلاح على راسي هسه لاهوه موتني ولاهوه منزله

عاينت عليه ورجعتله الخزره ... شلون بالله لوتموتني لوتوخره ترى وترتني

حيدري... عيني نزل سلاحك توترت الخانم

بسول... راح تعشعشون هناه لو نولي

ضرار... استغفرالله ربيي بطلو حجي ماصخ وخلوني امضرط

حيدري... بس بروح العزاز البت موحليان اكثر من كبل ، ضيق عيونه وباوعلي بتركيز ...بس مو جن عيونها حول

درغام... لك اغم هنه عيونها هجي حك لحيته وحجى ذات العيون الناعسه

ضرار بعياط... ك*** امشووو ولوووو وجه السلاح عليهم

وهمه كلواحد ركض السيارته بقى بس واحد

بسول... واته شنهي ماترد ويانه

ضرار... لا موهسه جم يوم واردن عدي شغل اخلصنه وارجع، بس خبرهم لايجيبون سيره ولايفتحون الموضوع واذا سمعت احد حاجي احطن جيله براسه واخلص منه

هز راسه وراد يروح لزمت ايده وبجيت... لاتعوفني فدوه رجعوني لاهلي وين حياخذني

جرني من ايدي ودفعني

بسول... على كيفك وياها ورجع عاين عليه... خيتي لاتخافين عبن كم يوم وتردين لاهلج

مسحت دموعي بطرف العبايه وحجيت... عليك الله صدك ترجعوني

هزلي راسه وابتسمملي ابتسامه كلها امل ابتسمت بوجها وعاط هذا المايتسمى

ضرار.... امشييي ولي لزكككت

بسول... والله وتاليتك انـتـهـه التوكع بيها

عافنا وراح اندار عليه لزمني من ايدي وصعدني السياره

اجى صعد وخليت ايدي على وجهي وابجي

سيرين بشهكه .... اااريد اهلي فدوه رجعني ماريد اروح وياك

خلى راسه على ستيرن السياره ونفخ بغضب رفع راسه وعاين عليه

ضرار... ارجعج بس موهسه

مشت السياره وكلساع ينزل يغسل ويشرب جكارته ويصعد لوينزل يخابر ومن يرجع يضل يعيط ويفشر

واني ماخذه دور الصامت خاف يسويلي شي خليت راسي على الجامه ونمت نومه عميقه

ماكعدت غير وهوه يكعد بيه فتحت عيني جان فاتح الباب اليمي ومقرب راسه عليه

بعادتي من اكعد من النوم اخذلي صفنه حتى استوعب لواضل اتصفن وامط بجسمي

تثاوبت بنعاس وعاينت عليه وهوه مانطق ولاكلمه ستوعبت قربه وانفاسه التضرب بوجهي

نزيت من نومتي وركبتي توجعني عاينت ورا جان مرجع الكشن والعبايه كلها تراب من فوك ليجوا والشال راجع ورى ونص شعري طالع

بجيت على حالتي وصرت اشهك وهوه يستغفر وينافخ كل وكته

ضرار... وجج شسويتلج حتى تبجين

سيرين ببجي... كلهذا الاني بيه وتكلي شسويتلج

ضرار... بعدج ماشفتي شي

سيرين... يطبك طوب ماتخوفني وشتريد تسوي سوي

ضرار... رسم ابتسامه على ثغره حك لحيته وحجى... يصير خير

سكت شوي وحجى انزلي غسلي الطين البيدج

عاينتله باستغراب وعاينت على ايدي حتى مانتبهت ايديه كلهن تراب وطين منين اجى

انطاني المي وهوه متكئ على باب السياره ويعاين عليه، اعاين جان كدامنا مطعم وناس طابه وطالعه وكفت كدام السياج والسيارات تجي سريع

عاينت عليه ورجعت عاينت عالناس اعيط باعلى صوتي واكلهم خاطفني بلكي يخلصوني منه

شلت العبايه خاف اوكع بيها ردت اطكها ركضه بس الحقيره لزمني من ايدي عصرها حيل ورجعني للسياره

ضرار... مووكت تشغلين عكلج بهيج وكت عوفيه بعدين

سيرين... ليش شمسويه

خزرني اخذ بطل المي من ايدي وسحب ايدي غسلهن من الطين وغسل ايدي

سد الباب وقفل السياره راح جاب اكل شوي ورجع

كعد بمكانه جان جايب دجاجه شوي ومقبلات وعصاير سوالي لفه واخذ عصير ونطانياهن

ضرار... هاج سممي خل انولي

سيرين بكلبي... ولت روحك وخلصت منك

خلاهن بحضني واني مالي نفس احط لكمه بحلكي اشتاقيت لاهلي وشصار هسه

نداريتله جان فاتح الجام ويدخن وداير وجها عالشارع

حصرتني البجيه اريد اهلي ،باوع عليه ونفخ بضيك

ضرار خلى اصبعه على حلكه وحجى...ديربالج تبجين انحرج بالعباس

جحضت عيوني وصرت ابجي واشهك

سيرين ببجي... عفيه رجعني لاهلي اريدهم

ضرار ببرود... انسيهم

سيرين ببجي... هسه شصار بيهم اااريد ابويه امي شصار بحالها و وبدر واخوتي

ضرار... مايصيبهم شي كملي اكلج

رفعت راسي وعاينتله مبرطمه،دقني بروده كلش وعطت

ماااالك دخللل منو انـتـهـه حتى هسه جاااي وتتتحكم بيهه اجيييت طلعتني من بيتتت اهلي وسويت نفففسك بس انـتـهـه المظلللوم اصحى على نفففسك وكااافي جنان

حجيت اخر كلمه واشرلي اسكت وعيونه ناطة

ضرار... بله كلان خ*** ولسانج اتكصي كدامي

عافني ولزمت راسي بألم ودموعي تجري بدون صوت لم الاكل وعافه

ضرار... يطبج عرج لاتسسممين بلكني اخلص منج ومن لسانج يالعرمه

حرك السياره ومشى وطول الطريق بس يتصل كلشوي

اخر شي نفخ بغضب وجاوب

ضرار... هلا يالغاليه شلونج ،لاعندي شغل مارجع هسه ،خلي الولد يجهزون انه اتأخر ،اي يله خليها غير يوم

سيرين بكلبي... اكيد هاي امه عاينتله بخبث وحجيت،اااريد اااااكل جعت

سوى كتم للمبايل عاين عليه وخزرني

ضرار... خرب ابوج بسيطه

ضجت كلش من سب ابوي والله عباله يخوفني بخزرته جنه ثور ورجع حجى بالمبايل

ضرار... لاايمههه يامكسوره اكيد غلطانه ماكو احد يمي

سيرين بخبث... انطيني اااالاكل اليمك

وكف السياره بقوه بحيث ارتطم وجهي بالجامه الكدام حسيت راسي تفلش

سد المبايل وسحبني من عباتي

ضرار بعياط ... سووووالف الحياية بطلين ولججج وتالي وياااج استجني لاا اشكج نصين

سيرين بشهكه... وخر مني لاعبالك من تعيط وتضرب تخوفني لاغلطان وموانت تشكني اني اشكك

فتح عيونه على وسعهن وخزرني لزم حلكي وفركه حيل

ضرار... وهوه صاك سنونه بالعباس انهيج اذا حجيتي هالحجي لولكفتي كلمه من الخ* الاكوله انهيجج والله

حسيت بطعم الدم بحلكي ودموعي شكد ماسيطر عليهن ينزلن عافني ضرب الستيرن وخلى راسه عليه

ضرار... استغفرالله انه بشنو ورطت روحي الله ياااخذك يجابر

سيرين... الله ياخذك كون كول امين

ضرار... انعل ابوج سدددددي حلكججج لاتحجين سدددددي

ضل يعيط ويفشر ساعه يستغفر وساعه يكفر مرض شبيه هذا موبعقله فوك ماجايبني سحل

رجع يسوق واني تعبت من البحي والعياط مسحت حلكي من الدم خليت راسي عالجامه وغفيت

... نزيت من نفس الحلم اليترددلي فتحت عيني وهذا صوت عياطه يرن بأذني من يمي تعبت من العياط والحجي هوه شلون مايتعب ولايمل

رفعت راسي والشمس تضرب بيه باوعت عالساعه الي بالسياره الكترونيه ماعرف شنو جانت بثلاثه ونص

انتبهت على لوحهه جبيره مكتوب
(بغداد ترحب بكم )

نزيت بسرعه وعطت... ووووين

عاينت عليه وباوعلي بستغراب،شمالج

سيرين ... وين ماخذني وشنسوي جايين لبغداد

ضرار ... نلصمي لا افلش راسج

خفت منه وسكتت اكيد يسويها ويفشلني تفلش
بعد ساعه تقريبا وصلنه لمنطقه شبه معزول جانت بيوت هادئه كلش وكل بيت بعيد عن غيره وقليل سيارات تمر ييه وندخل من دربونه ونطلع من دربونه

نزلنا يم بنايه جبيره جان واكف رجال جبير سلم عليه ومشى بقيت واكفه بمكاني

ضرار... ماتمشين لوتردين اشيلج

سيرين... وين جبتني ؟

ضرار... بدون مقدمات اجى سحبني من ايدي وحجى،مالج شغل انلصمي وامشي ورايه

نترت ايده ومشيت النكس المجنون

دخلنا ومشى كدامي رجليه تعبت من الدرج وهوه كل ثلاث بايات يعبر واني امشي وااوكف من التعب

اخر شي دخت وكلشي مماكله وهذا يسوحل بيه كعدت بالكاع ولزمت راسي بألم وهوه نساني وراح حتى ميباوع وراه

كعدت شيوي واسمع خطواته يركض عباله هربت شافني واجى كعد كدامي

ضرار... سيرينتي شمالج ؟

سيرين... ماكدر امشي تعبت وراسي الوجع موتني

ضرار... كومي ماضل شي ونوصل المصعد عطلان والشقه بالطابق الرابع

كومني من ايدي ولزمني واني بلكوا مسيطره على وكفتي

وصلنى راح فتح الباب وسحبني دخلنا عاينت عالشقه مرتبه وصغيره

ضرار ... امشي ارتاحي وتلكين الاكل بالثلاجه انه حروحن شوي وارجع وقسم بالله اذا حاولتي تسوين شي لوتفرين ذيالج محد يخلصج مني لااتي ولااهلج

مشى ماسعت غير قفل الباب

رحت اكتشف الشقه جانت حلوه ومرتبه والوانها
هادئة كلش

رحت للحمام جان بداخل الغرفه سبحت بسرعه قبل لايجي ورجعت بنفس الملابس العليه

رحت للغرفه اخذت مشط ومشطت وكلساع اعاين عالباب خاف يجي احسه هالشخص صار كابوس بحياتي

ضفرت شعري وماحس غير الباب ينفتح عاينتله ورديت ليورى انضربت رجلي بالميز حسيت روحي شاغت الله لاينطيك

ضل واكف بمكانه ومانطق بكلمه اخرها تحمحم وحجى بنتر

ضرار... لبسي بسرعه وتعاي

عافني وراح حتى بدون ماسأل وين وليش ؟

لبست الشال والعبايه وطلعت للصاله

نصدمت صدمه عمري من شفته هوه ....

_ترى منو شافت ونصدمت (توقعاتكم)؟

يـــتـــــــبــــــــع....