٣٧"
ثـارهم وبنت الـفقير
ضُـرار لـ سيرين ....
لا يهمك حجي العالم
ركز بيّه بس وحدي
مَحد مثلي بيك يموت
لا قبلي ولا بعدي
اواجه كلشي اني وياك
لو كُل البشر ضدي ...
سيرين... بدر
_لطمت على صدري شنو السالفه وشصاير يربي هذا ضرار على شي يوم
انجلط من وراه ومن ورى سوالفه ...
انه من الصدمه والحيره متصنمه بمكاني رفعت عيني واشوفنه دخل من برى مترهي والجكاره بحلكه عاينلي ضحك وراح يمهم
رضوان... شرف العار
ضرار... هلا بالجماعه شلونهم
درغام... تعال احجي شسالفه المسويها
انور... هيه سالفه وحده اشو كل سوالفه طايح حظها
ضرار... شمسوي مثلا جان عدي شغل
_سيرين عفتهم وصعدت لغرفتي نزعت الشال احس روحي حتطلع ضليت افتر بالغرفه وافرك بصدري
فجأه انفتح الباب ودخل تجاهلني ومشى رحت عليه لزمته من أيده
سيرين... وين جنت ؟
عاين عليه وابتسم
ضرار... مالج شغل
سيرين... لااااا الي شغل
ضرار... صووتج لااطيح حظج
سيرين... خلسني بعيطه راح اخذ ملابس وراح للحمام خليت أيدي على حلكي احبس صوت شهكتي حسيت بدوخه كلش قويه كعدت بطارف الجربايه دنكت راسي واشوف الدم ينزل
غمضت عيني واتنفس بقوه...
شوي وطلع من الحمام حتى مانتبهلي راح يمشط ويصوفر
اندار عليه وعكد حاجبه اجى عليه رفع راسي عافني ومشى جاب كلينس وضل يمسح بالدم
ضرار... ليش هيج ؟
سيرين... حتموتني
ضرار... دامها روحي معلكه بروحج كلشي يصيبج انه يصيبني
سيرين... مجاي تحس بيه تعبتني يالشويب
ضرار... انتي اقرب الي من شرايـيين كـلبي
شلون ماحس بيج كليلي
سيرين... اكرهك
ضرار... جذابه
سيرين... والله
ضرار... أفا تكرهين زوجج سر سعادتج
سيرين... سر تعاستي
ضرار... الفصمه مقبوله منج انه الج
سيرين... حضني من راسي باسني وتنهد حضنته من خصره ودموعي مثل الشلال
ضرار... ليش البجي ؟
سيرين... اهلي ليش نسوني ؟
ضرار... تؤ منو يكول
سيرين... بله نسوني وحتى ماسألو عني تخلو عني ولحد هسه همه ماكو ليش هيج سوو معقوله كرهوني
ضرار... أبويه انتي ماكو احد يحبج بكدهم
سيرين... وانت شعرفك
ضرار... اعرف
سيرين... زين وابويا شلونه لحد هسه مذكرني امي واخوتي شصار وياهم
ضرار... كلهم زينين ومنتظرين رجعتج
سيرين... لـشوكت !!
ضرار... هانت ماضل شي
سيرين... وخرت منه وكمت وكفت، يعني ارجع لاهلي ولحضن ابوي حنيه امي وسند اخواني
تنهد لدرجه حسيت حتى خشخشه بكلبه
ضرار... اي
سيرين... حضنته وراسي على صدره اسمع دكات كلبه وكأن راح يطلع من مكانه خليت ايدي على كلبه
ليش هيج دكات كلبك مومنتظمه؟
ضرار... ترجعين وتنسيني ؟
سيرين... تؤ انت حضل بحياتي مثل الندبه ماممكن تروح
ضرار... تكرهيني
سيرين... انه ماممكن اكره احد اضوج وانقهر وتحز بكلبي بس ماكدر اكره أحد شما سوا وياي
انه ماكرهك بس السويته وياي ماممكن ينسي ويغتفر ماوصف ذره من الحسستني اياه وانت كل لحظه بيها تموتني عالبطيئ
برودك واستفزازك كل هذا كافي انو يضل ينهش بروحي من العذاب الي تحسسني اياه
_فجأه رن مبايله وخر مني أخذه وطلع برى
زكريا... ولك شششسالفتك يالعار شلون هيج سوي
ضرار... وسم صوتك جنك صوت ك***
زكريا... يال*** شسوي انه هسه اضل اسدد لمصاييك والبت شوكت ترجعها طولت ترى ومنا المره ماضل شي على سفرها
ضرار... باقي كم شغله لازم اصفيها لاتنك براسي
زكريا... ليش هيج سويت؟
ضرار... الاغم صايرلي رجال هالمايع وجاي يريد يهد وانه براشدي درت وجها ضل مايندل طريقه
زكريا... الله عليك
ضرار... والله
زكريا... انه اروحن بعدين نحجي
ميس...
لنص الليل وهوه ماكو حتى ماعرفت ليش طلع وشصاير
شوي ودخل حتى ماباوع عليه وكأن مموجوده
اتخطاني وراح
كمت لزمته من أيده عاينلي وعكد حاجبه
ميس... وين جنت كل هالوقت
رضوان... تحاسبيني ؟
ميس... مااجاي احاسبك انه مرتك ومن حقي اعرف فجأه تروح لامن كال ولا من درى
رضوان... جان عدي شغل وخلصته
ميس... شنو هالشغله ؟
رضوان... لااتلحين وايشي يخصني مالج دخل بيه
ميس... دفع أيدي وراح لزم كلبي بوجع واتكئات عالكرسي،يربي شسالفته ليش هيج يعاملني بشنو مقصر وياه مسويه شي غلط وهيج يجافيني شنو غلطي
شوي واجى وانه على نفس الوكفه درت زجهي منه ماريد يشوف دموعي لواضعف كدامه
اجى لزم ايدي ودارني عليه
رضوان... لاتبجين
ميس... مومهم عوف ايدي
رضوان... اصبري عليه والله تعبان وانتي جدامي عصبيتي تصير بوجهج
ميس... عوف ايدي ؟
_عاف ايدي تخطيته ومشيت للحمام غسلت وجهي عاينت بالمرايه
هذا حال عروس فرحانه ماتهنيت حتى بفرحتي كل وقته لو شغل لو يطلع مايوم اجى وسألني شلونج وشمحتاجه
انتضره بليل منا علما انام اكعد الصبح الكاه طالع صتحتى غالبا ماشوفه
اذا مرايد هالزواج ليش ورطتني وياك
مسحت دموعي وعاينت على نفسي
ميس... موانه اليكسرني رجال واخوي بظهري دامك انت رايد هالشي
وعلى كولت ضرار العين بالعين والبادي اظلم
رحت طلعت من الحمام اخذت سيت من الجايبتهن لبسته خليت حمره خفيفه رتبت شعري وطلعت وهوه يعاينلي مستغرب طفيت الضوه ورحت نمت وهوه على فرد وكفه
شوي وحسيته اجى يمي حضني من خصري
تدنيت منه ووخرت أيده
رضوان... استغفرالله
_كعدت الصبح قبله سبحت وطلعت امشط لكيته كاعد
رضوان... صباح الخير
ميس... هلا
تجاهلته ورحت امشط وهوه بس يعاين ستخدمت بروده وتجاهله وياي من بعدها صرت اتجاهله بس اقوم بواجباتي تجاهه
وحتى كلامي قل وياه وهوه من يشوفني هيج يضل يتحرمص من العصبيه ويشوفله سالفه حتى يفتحها
طلعت حتى اسوي ريوك رحت للمطبخ لكيت جنوب وانمار واكفه تسوي جاي
وهوه حاظنها
ميس... ترى المطبخ هذا موغرفتكم
همه شافوني انمار حار وين ينطي وجها
انمار... هخخ يمه لحكيلي تتحارش بيه انه رجال فقير يصلي ويصوم
ميس... اي خطيه كلش بحيث جاي للمطبخ وتحظن هناه
انمار... يله مرتي سويلنه الريوك وجيبي هاي كاطعه رزقي من صبح
ميس... هههههههههههه
رضوان... خير اصواتكم طالعه
انمار... ماكو شي ميصير نضحك
رضوان... وانت شسوي بالمطبخ
انمار... اليوم عاجبني احجي وي ميوس لوهم ماترضى
ميس... خلا أيده على كتفي اجى رضوان سحب أيده ولواها ورى ظهره
رضوان... امشي وياي
ميس... سحبه من أيده وطلعو بالحديقه،والله الاخبلك اصبرلي
سيرين...
نزلت جوا لكيت رهف تبجي وعمتي تسكت بيها
شافتني اجت حظنتني من رجليه حتى اشيلها
سيرين... ياعيني ليش البجي
بديعه... تعاركت وي بنات عزام وذبن لعابتها
سيرين... وفففف شبيهن وياها
شلتها اسكت بيها وهيه تبجي وتحجي عليهن
رهف... اعفهن واقل ابه(اعظهن واكول لبابا)
سيرين... يجي البابا واخلي يجيبلج غيرها
رهف... امه اكه ماليد (ماما الوكحه ماريد)
سيرين... جا شتردين
رهف... ابه
نزلت رباب من فوك ضحكت وحجت
رباب... هيلا يرمانه
سيرين... هههههههه هيلا يرمانه
رباب... هيلا يمه
سيرين... منو هيه الزعلانه
رباب... هيلا يمه
سيرين... الحلوه زعلانه
رباب... هيلا يمه
سيرين... رهوفه الزعلانه
رباب... هيلا يمه
سيرين... منهو اليراضيها
رباب.... ابوها يراضيها
سيرين... هههههه هيلا يمه
رباب... صايغ تراجيها
سيرين... هههههههههههه هيلا يمه
دخل ضرار وياه حيدري وانور ودرغام
اجى شال رهف وباسها
ضرار... شبيها حبيبه ابوها
سيرين... زعلانه جيف بنات عزام شمرن لعابتها
ضرار... افا عليهن هالوكحات هسه اجيبلج غيرها
رهف... اعفهن
ضرار... ابويه بعدين
_راحو همه للاستقبال رباب راحت تسويلهم جاي شوي واجى رحاب ووياه الحجي
كلهم التمو بالاستقبال
وهذا كله بس حتى يردون حيدري واوس يزوجون وغيث مع انو تحدد عرسه ورجع أجله
حيدري... مالكم شغل خوب تريد تجبرني عبالك بتك الصغيره
رحاب... ولك انه وتالي وياك ازوجك بلكي تعقل
ضرار... نوب لايزوج ويخبل البت وياه
حيدري... انه هالحجي مايمشي وياي مابالي وحده
سيرين... دخلت ناهد من برى سمعت الهوسه وكفت تتسمع وانه هم مشصابني وكفت كدامها
رحاب... موانه اريدلك بت عمك فيروز
انور... يلا نتوكل
حيدري... وين انه البت مثل اختي شني ازوجها نوب
حطام... چا شبيها ماتريدها
حيدري... جدي مابيها شي بس انه ماهاويها
ضرار... ابالك وحده ؟
عاين لضرار ضحك وهزله راسه
ضرار... هذا هوه انه اصرف وياه لاضغطون عليه اكثر
درغام... والله وطلعت اكو وحده بعكلك غير المشاكل
حيدري... ابن عمي يحلها الي مومثلكم صافين عليه وجايين تجبروني
انور... نزوجك ونخلص منك خاطر نلتفت لهذول المسربتين
رحاب... ياهم ؟
انور... جا نسيتو غيث وليث وهم اوس
ضرار... عوفهم هذول خليهم عليه
سيرين... عاينت لناهد الدمعه بطرف عينها اجت للمطبخ رحت وراها تمسح بدموعها
ناهد... حيزوج
سيرين... شبيج
ناهد... احبه
سيرين... حيدري!!؟
ناهد... اي
_ماحجت شي وحرت شحجي وياها والعرفته هوه رايدله وحده يعني ميحب ناهد ولامفكر بيها
سيرين... يربي شلون سالفه هسه ولاواحد اخذ اليريده وكلها مشلوعه كلوبها
راحت هيه بدون ماتحجي حتى وهمه ضلو يسولفون بمواضيع رحت اخذت مبايل عمتي وصعدت للغرفه حتى احجي وي مياده
اول ماجاوبتني اجاني صوتها
مياده... ولجج سيييرين انفتحت بوجهي وراح اخذ الاحبهههه
سيرين... لحضه وحده وحده فهميني
مياده... هههههههههههه خطبببتي بعد كممم يووم ومن منوو مننن ايهااااب
سيرين... عزااا شلون وشوكت وانه ليش مادري
مياده... خااايبه لوماضرار جان هسهه انه لغيره صايره
سيرين... شنو ؟
بدت تسولفلي الصار وياها ووكفه ضرار وياها وشلون قانع ابوها ومتصل على أيهاب يجي ويعقد عليها
شلون وشوكت صار كلهذا ...
انه من فرحتي الها مشصابني وطكيتها هلهوله
سيرين... كلووووشش مبارك
مياده... هههههههههههه الله يبارك بيج
سيرين... الله يسعدج
مياده... سيرينه فرحتي مانطيها لاحد بهالحظه وانه ماباقي كم يوم على خطبتني ومن الشخص الاحبه صبرت سنين وتعذبت
بس الله عوضني بأحلى شي هسه
سيرين... ربي يعوضج على كلشي مريتي بيه
مياده... وففف كلهذا بسبب ضرار لوماهوه جان انه هسه ميته وحتى لو مميته جان انه ماخذه رجال بكد جدي
سيرين... ضرار شعرفه ؟
مياده... ياا ولجج مخلي احد يراقبنا
سيرين... عزااا ليش وشعرفج
مياده... كليوم اصعد عالسطح واعاين لواحد من بعيد وعينه على بابنا خفت لااكون مشتبه لو جاي على غير شي بس صار كل يوم تتكرر كعدته انه شكيت ضرار مخلي اتصلت بيه وحجيتله ماجاوبني واتأكدت هوه المخلي
سيرين... مخليلكم حارس شخصي حتى يعرف اخباركم
مياده... اي ويجوز بيوم الصارت المشكله هوه كايل لضرار واجانه
سيرين... هالضرار كلشي يسوي
مياده... ماتجين لخطبتي
سيرين... ماعتقد الشويب يخليني
مياده... خايبه شمالج فاهيه بوسه بحظنه يرضى
سيرين... جليد كلشي ميفيد وياه
مياده... ههههه يمج يذوب هالجليد
_شوي وسديته منها سجلت رقم ابوي حتى احجي وياهم يطلعلي غير متوفر حذفته ورجعت سجلت رقم امي هم يطلع غير متوفر
حذفت سجل المكالمات ونزلت جوا جانو كلهم طالعين كلبي باد على اهلي ليش ماكو وشصاير وياهم ابد ممرتاحه احس روحي تلوب
شوي واجى ضرار من برى عاينلي واجى حظني من خصري
ضرار... شمالها روحج تلوب
سيرين... ها شعرفك !!؟
ضرار... جا انه موكايله روحي بروحج ايشي يصيبها يصيبني كبلج
سيرين... ماعرف بس روحي تلوب على اهلي ابد ممرتاحه
ضرار... سربوت لاتخافين زينين
سيرين... الشويب
ضرار... روحه
سيرين... شيبتك
ضرار... همزين الشيب بعده ماطاكني شجان سويتي
سيرين... هوه حظي اخذلي شويب اريدلي واحد شباب
شفته عيونه بكصته صارت وخرت منه وطكيتها ركضه يم عمتي
لليل خلصت كل الشغل وصعدت للغرفه رحت سبحت وبدلت طلعت جان كاعد ويعاينلي بعصبيه
تجاهلت نظراته ورحت امشط بشعري
ضرار... احمم اريدن اكلج شغله
سيرين... شنو ؟
كام تقدم عليه حظني من خصري باسني برقبتي وحجى
ضرار... تذكرين اخر مره من جنا بغداد وكتلج عاجبتني وحده واريدنها
سيرين... كلبي وجعني من كلامه احس الخنكه احتلت روحي ، ش شنو ؟
ضرار... باجر اروحن لبغداد واجيبها
سيرين... تشاقه مو ؟
ضرار... لا
سيرين... ليش تجيبها
ضرار... حتى اعرفها على اهلي وهم تتعرف على امي
سيرين... وهيه اهلها وين عنها حتى يخلوها تجي وي رجال غريب
ضرار... خطيبتي شلون رجال غريب
سيرين... بلعت غصتي والدموع متجمعه بعيني،عمتي مراح ترضى
ضرار... تؤ تقبل وحتى اذا مقبلت انه اقنعها
سيرين... وانه ؟
ضرار... انتي ضلين مرتي
سيرين... هههه
ضرار... ليش الضحك ؟
سيرين... اذا خلصت وخر مني اريد انام
ضرار... اي روحي نامي
وخر مني هوه راح لف راسه ونام لفيت شعري خليت حمره وكحله عاينت بالمرايه
سيرين... ياحيف انه ياخذ عليه فوك مامعيشني كوا وياه وربي ماخليك تصبح الصبح على السويته وياي عبالك افوتها الك
نزلت جوا رهف يم عمتي نايمه وكلهم بغرفهم رحت للمطبخ اخذت سجينه حاده وايدي ترجف
مشصابني والقوه ماعرف منين اجتني حتى اسوي هيج
صعدت فوك للغرفه جان مخلي أيده على عيونه ونايم شغلت ضوا الغرفه والسجينه بيدي
سيرين... خافن قبل ماسويتها وقتلتك لاوالله هالمره اسويها وشيصير خيصير
جايبني تسوحل بيه وهسه جاي تريد تزوج عليه هينه
جسمي اختض من الخوف الشيطان تربع بعقلي ويكلي سويها رحت تقدمت عليه وخطواتي متعيني رجليه ترجف وكفت كدامه رفعت السجينه وهوه بسرعه نز كام سحبني عليه وخنكني وأيده الثانيه قبض على أيدي بيها والسجين لازمتها
ضرار... يبربوك منيلج كل هالجرأه
سيرين... وخرررررر ايدك مني
ضرار... اشعل الجابج ولججج تخبلتني
دفعني بقوه سحبني من أيدي وصاك على سنونه
سيرين... ااااي تخبللللت يله وشسوي تضررربني يلهههه اضرب تعاقبني يله عاقب شتريد تسوي سوي متخووووفني ولاتهز شعرايه مني
ضرار... مجنونه
سيرين... عووووف أيدي اررريد اخلص منك يالشويب تريد تجيب مره على راسي فوك ماعايشه وياك وخاطفني من أهلي ومتحمله غضبك وتعربد ماااالك تريد تحيب مره على راسي بالعباس اخلي السجين بكلبك واخلص منك واليصير خيصير
هوه يعاينلي والابتسامه شاكه حلكه عاكد حواجبه وقابض عليه بقوه بدون سابق انذار
سحبني من راسي وباسني
ضرار... عمي كوا هيه وكحه شسويلج
سيرين... لااتبوسني فااهم
ضرار... ابوسج اقوى
سيرين... وخر مني
ضرار... ذبي السجين من ايدج
_ شمرتها بعيد رحت جريت الغطى لفيت راسي ونمت هوه طفى الضوى واجى تمدد يمي
غفيت شوي حركت نفسي حتى اندار هوه بسرعه فز كام على حيله فاك عيونه ويعاين عليه بعصبيه
كام بسرعه فتح الضوى واجى يمي
سيرين... هههههههههههه
ضرار... وجع
سيرين... ههههههههه ماسويلك شي نام
ضرار... وحك علي افصم ظهرج يالعرمه
سيرين... هههههههههههه تـصبـﺢ عـلئ ﺧـﺧـير
_جريت الغطى على راسي اجى هوه خنكني بيه
ووخره
ضرار... ولج شلون سوين هيج وترفعين السجينه عليه
سيرين... حتى لاتفكر وتجيب مره عليه عبالك افوتها هيهي
ضرار... جا شمالها روحج حتركت من سمعتي اريدن اجيبن مره ولو انشالله تحترك روحي كبل لاافكر مره ثانيه اجيبن غيرج
سيرين... انشالله
ضرار... تغارين
سيرين... تؤ ماغار
ضرار... ههههههههاي اي مبين
سيرين... تحبني ؟
سكت بلع ريكه وحجى
ضرار... لا ماحبج
سيرين... شعور متبادل
درت وجهي عنه هوه حظني وجرني عليه
لثاني يوم العصر انه واكفه بالمطبخ ودخلت ناهد
عبايتها طايره والضحكه شاكه حلكها
سحبتني للصاله نزعت عبايتها وضلت تركص وطك اصبع
سيرين... فرحيني وياج
ناهد... ولج خطبني
سيرين... منو
ناهد... حيدري
ميس...
كاعدين بالصاله ونزل انمار من فوك بحيث من خطواته حسيت الدرج حيوكع
ذاكر... خير شصااير
انمار... ازان متحاجي هوه ومرته طاك البت وموت الطفل حامل ومايدري بيها وهسه ماخذيها للمستشفى
بشائر... صخااام اسود وشصار هسه
انمار... ماعرف هسه هالرايح اشوفن
دخل رضوان من برى هسه اجى
رضوان... شكو
ذاكر... ازان طاك مرته ومايدري بيها حامل وهسه همه بالمستشفى
رضوان... شلووون يطكها هالعار
بشائر... شمالك يمه هوه ومرته
انمار... ها هوه تجي وياي خنروح
رضوان... اي اجي يله امشي
ميس... راحو همه واحنى بقينا راح عمي وعمتي لبيت اخوه رسلان واحنى بقينا
جنوب... كون رايحين
ميس... جنوب
جنوب... ها
ميس... شفتي الخوف البعيونه عليها
جنوب... عليمن؟
ميس... على ريم
جنوب... ولج منين جبتي هالحجي
ميس... انه مرته واعرف محد حس ولاحظ شلون رجف وعيونه جحضت من درى ازان طاكها ومأذيها معقوله اكو شي وضامه
شذر... لاتوهوسين ماكو شي بس اخوي يضوج من واحد يطكله مره وهالشفتي تفأجاه من درى ازان مأذي مرته
ميس... صدك
شذر... اي
ميس... انتظرناهم لليل يالله اجو تعبانين ومدخنين من العصبيه بس ابد مومثل رضوان عصبي ويفور
طردت الافكار من بالي واني استمعلهم
انمار... البت اجهضت ومخابره اهلها وجايين وبنص المستشفى تحاجو اخوانها وي ازان
وحرنا شنسوي من جهه البت مانعرف حالتها واخوانها جايين يردون يهدون
ذاكر... وشصار
انمار... حلينا السالفه وهيه راحت وي اهلها تصيح طلكوني منه
بشائر... الله يساعدها جا الخسرته غير بزرها
جنوب... اسمعلهم وساكته تعجبت على نفسي عالبرود البكلبي
احس اريد اغم نفسي الف مره لان حبيت هيج واحد مثل ازان عاينت لانمار مبين التعب عليه مسدت على أيده عاينلي وابتسم بوجهي
كلشي بيه يختلف عن ازان
انمار اسلوبه وتصرفاته وتعامله وياي غير
دعيت ربي يقوي علاقتنا واكدر ابني نفسي وياه بعيداً عن ماضي ازان
ميس... رحت وراه للغرفه من عصبيته يشمر بالاغراض تشمر
عجزت افسر تصرفاته اخذ ملابسه وراح يسبح
سيرين...
الحياه تمشي ويوم يجر يوم
احسب اليوم,والشهر,والسنه
ايام تمر وانه احسب لايامي
شوكت الوكت يمرلي ويجمعني بأهلي
انه وضرار علاقتنا زينه تصرفاته كلش تغيرت وياي اهتمامه وكل وكته يكضي وياي انه ورهف
بحيث اقارن بين تصرفاته قبل وبعد متغير ١٨٠ درجه صرت حتى لواغلط وياه لو نتحاجه يفوتها الي وخاصه بعد لارفع أيده عليه ولاجرب يضربني
ميس وجنوب حياتهن مستمره وكل فتره يمرلنا اما غيد والحجيه على حالهن كل فتره ضرار يوديني الهن كم ساعه ويرجع ياخذني
مياده من بعد خطبه وعقد محكمه صارت رسميا مرته لأيهاب من بعد عناء وتعب الله جمعهم سوا واثبتو حبهم كدام الكل من بعد كلشي مرو بيه
بين فتره وفتره اتصل عليها من مبايل عمتي واحجي وياها وجنت متأكده ضرار يدري بس ماحجى ابد
حاولت اتصل بأهلي بس كلشي مستفاديت الرقم غير متوفر
وانه الحيره تاكل بيا معقوله نسوني وليش لحد هسه مابينو وشحالهم بدوني ؟
حبيبتي رهوفه ماليه عليه بسوالفها وانه اشوفها يوم بعد يوم وهيه تكبر كدامي
من اجيت عمرها جان ثلث سنين ماباقي غير شهرين ويصير عمرها اربع سنين
اعاينلها مثل الورد وتفتح كدامي اعتبرتها مثل بنتي لدرجه صارت الي بنت واخت وصديقه اعوض بيها حرماني
اشوفن بيها اختي ليال الي من يوم اجيت وماشفتها هسه كبرت وصار عمرها ست سنوات ...
الوضع بالبيت ابد متغير مالكه ماوراها غير بس المشاكل هيه وبناتها بحيث صارت تدفعهن على رهف حتى يكتلنها لويكسرن ألعابها
اما رباب تحسب يوم بعد يوم حتى تصيرلها خلفه مراجعاتهم من الطبيب كل شهر
بسول ابد مالح عليها ولايضغط بس هيه من الحجي التسمعه
بأصرارها تخلي ياخذها للدكتور كل شهر
علاقتها كلش زينه وياي وماشفت منها شي موزين غير اذا صفت وي مالكه تنكلب عليه
كاعده بالحديقه الدنيا مغيمه واندند بصوت خافت كل كلمه بهالاغنيه يطبع بروحي ...
اشتياقي,وغربتي,ذكرياتي,وحنيه ابوي
لوغيمت دنياي
ولوغيمت دنياي
دنيا تحس بيك
والله يابويه
دنيا تحس بيك
والله يابويه
وبعيوني دمعه تصير
بعيوني دمعه تصير
وبروحي اباريك
والله يابويه
وبروحي اباريك
والله يابويه
مسحت دموعي على ذكراهم مرت
سنه واربع اشهر وانه يم ضرار
الايام تمر أبطى من الساعه ومايفصلنا عن
سنه 2017 غير شهر واحد...
سنين تمر وتروح العالم تستقبل السنه بكل حب وفرح وهمه يتمنون هالسنه تمر عليهم بخير وسلامه ....
كلشي تغير بلمح البصر اتغيرت حياتنا وبيوم وليله كلشي انهدم
اتذكر كل تاريخ وكل لحظه مرت عليه بهالسنين الفاتت ومن هالسنه وانه حياتي بدت تتغير وذكرهن مطبوع ابالي ...
سنه 2016/11/3
كاعده بالحديقه وقاطع شرودي صوت رباب وهيه تصيحني
كمت مسحت دموعي ودخلت جوا جانت واكفه بدون متحجي
رباب... ها وين جنتي
سيرين... كاعده برى
رباب... خيتي اعذريني على كلشي
سيرين... شنو
رباب... وففف مدري شبيه بس كلبي ابد ممرتاح
لزمتها من أيدها بارد كلش ووجها اصفر
سيرين... بيج شي ليش هيج تعبانه
رباب... ادعيلي فدوه انه يمكن حامل بس خايفه لااطلع غلطانه
سيرين... ياااعيني لعد غير تحجين حتى نتأكد
رباب... ماعرف خايفه كلش
سيرين... لاتخافين الله ميضيع تعبكم والعلاجات التاخذيها مايضلج حيل منها
رباب... انشالله
سيرين... حروح اشوف الغساله عفتها مشتغله ديربالج على رهف لاتطلع
رباب... تعالي انه اروحن اشوفنها
سيرين... لاميحتاج
رباب... ابقي بمكانج انه رايحه
سيرين... لزمت أيدي ورجفه سرت بكل جسمي وكلبي انقبظ
رباب... خير شبيج
سيرين... مدري بس كلبي ممرتاح
رباب... خيه بسول هسه يجي صبيله عشى لاتخلي جوعان
_عافتني وراحت اتكئات عالكاونتر رفعت أيدي ترجف ماعرف شبيه احوالي تخربطت كلش
سيرين... ربي دخيلك
همست اخر كلمه غمضت عيني وماحس غير عيطه رباب هزتنا هز .....
يــــتـبــع . . . . .
💔...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!