" ٣٧ "
ثارهم وبنت الـفقير ♥️,
_عافتني وراحت اتكئات عالكاونتر رفعت أيدي ترجف ماعرف شبيه احوالي تخربطت كلش
سيرين... ربي دخيلك
همست اخر كلمه غمضت عيني وماحس غير عيطه رباب هزتنا هز
_لزمت كلبي بألم حسيت رجليه نشلن مايعينني
بلعت ريكي وايدي على كلبي
رحت وراها حتى اشوفها شبيها وكفت متصنمه بمكاني
واني اشوفها شلون مصتكه بمكانها وتختض اريد استوعب الموقف مكدرت حسيت حواسي توقفت من ذهول المظهر الكدامي
اخرها وكعت لاتحرك أيد ولارجل مثل الخشبه ووجها ازرك صار شفتها جرت نفس بقوه وغمضت عينها
انه شفتها وكعت وكأن كلبي وكع من مكانه ضليت الطم على وجهي واعيط
سيرين.... يمهههه الحكووووولي ضرررار وييينك الحكلييي بسسول الحك مررتك ماااتت ماااتت يررربي ساااعدني
_وكعت بالكاع ادك والطم اريد رجليه تعيني مكدرت طلعت عمتي بدور وبديعه وتتبعتهن مالكه
بدور... دخيلك يااااعلي ااااالولد وينهم
سيرين... مااااتت يرربي ماااتتتت وييينكمم
كمت على حيلي اشوف شبيها لزمتني عمتي من أيدي على صوتنا دخلو كلهم من برى
بسول... خيرر شصاير
بديعه... ولك يمه الحك مرتك تكهربت
اجى عليها يريد يلزمها لزمه عزام خافن يتكهرب وياها
بسول... عووووفني خلشوفهاا شبيها
سيرين... دخل ضرار من برى انه شفته وركضتله،ضرار فدووه شوفهاا شفتها كدامي تكهربت الله يخليك شووفها مااتت موو
_اريد اسيطر على نفسي مكدرت رجليه بلكوا واكفه عليهن فقدت توازني وماحسيت بشي بعد غير صوت وشوشه وظلام محاوطني من كل مكان ...
جنوب....
كاعده عالسجاده والقران بيدي ميس بيدها المبخره وعمتي ترتل بالقران
دخل علينه عمي يلهث
بشائر... خير شصاير
ذاكر... مرت بسول متكهربه وهسه همه بالمستشفى
ميس... وكعت المبخره من ايدي حتى ماحسيت بالوجع من وكعت على رجليه
بشائر... دخيلك ربي وشصار هسه
ذاكر... بعدكم مامخابرين لحد هسه ومانعرف شصاير
جنوب... عمي فدوه اخذنه لبيت اهلي
ذاكر... كومن خل اوصلجن ومناك اروحن اشوفهم
بشائر... اخذ البنات انه وشذر نبقى علما يجون
جنوب... كمت سحبت عباتي والشال حتى مادري بنفسي شلبست من الاستعجال
اول ما صلنا البيت مكلوب كلاب من الهوسه
دخلت للصاله النسوان كاعدات ام رباب واخواتهم امي وعمتي
كامت تلكتني اخت رباب حضنتني وطكتها بجيه
نوال... جنوب خيتي الوحيده مانعرف شحالها والله البارحه احجي وياها مابيها شي
جنوب... وفففف انشالله مايصيبها شي
بدور... ولجج كدامنا تختض وكعت وصارت مثل الخشبه
ميس... شصار هسه ليش ماكو لحد هسه خبر عنهم
بديعه... ماندري لحد هسه همه ماكو
جنوب... سيرين وينها
بديعه... يمه صعدي شوفيها البت وكعت ماندري شبيها
جنوب... عفتهم وصعدت فوك فتحت الباب جانت كاعده عيونها بالسقف ويجرن دموع
سيرين ؟
رحت يمها كعدت بطرف الجربايه لزمت أيدها عاينتلي وطكتها بجيه
جنوب... ياعيني ليش البجي مابيها شي
سيرين... بسببي انه جان لازم هسه بدالها موهيه
جنوب... قضاء وقدر قابل انتي شلج غرض
سيرين... فدوه طمنيني شصار وينها هسه
جنوب... لحد هسه ماكو خبر عنهم ويدكون على الولد مايجاوبون
سيرين... ضرار وينه
جنوب... وياهم كومي نزلينا جوا كلها جايه
سيرين... اي
كمت لبست شالي امشي واتكأ على جنوب مدري شبيه رجليه ماتعيني
دست على اخر بايه وعيطه رجت البيت
كلبي نقبظ احس بلكوا واكفه على حيلي
نزلنا جوا واجت اخت رباب دك وتطلم على وجها وصريخ النسوان يقشعر البدن ...
نوال... اااااختي رااااحت ماااااتت ماااتت ولججج جنننوووب اختي مااات وفوكاها حامل
سيرين... لطمت على وجهي وانه اسمع الخبر مثل الصاعقه ونزلت عليه
ام رباب... ااخذوني الهاا اردها بيا ذنب تروح وهيه بهالعمر بعدها صغيره شافت من دنياها
_وكعت على ركبي ادك والطم اريد استوعب الموقف شلون واني شفتها كدامي تموت
حسيت الدنيا اظلمت بعيني اجت ميس لزمتني وتبجي
سيرين... ببسبي بسبي مااات يررربي من ورااي انه جان لازم هسهه بدالها
ميس... لااتحجين هيج هذا يومهاا
سيرين... ولجج حااااامل وهيه اتااني يوم يوم حتى تصيرلهاا خلففههه وهسه راااحت بسببي
_شوي والبيت نكلب كلاب انه على فرد كعده ادك والطم احس حتى حيلي انهد الدم يجري من وجهي وملابسي شككتها
الوم بروحي وادعي كون يطلع حلم
شكلها وهيه شلون تختض كدامي ابد ميروح من بالي وانه شفتها كدامي تموت
كومتني جنوب وغيد اخذني لغرفه عمتي يحركن بيه وانه مثل الجثه
غيد... فدوه احجي شي لاسكتين
جنوب... شعملت بحالها جيبي شي خل نمسح الدم
_اعاينلها ساكته وجها ازرك والدم يجري مشككه ملابسها وشعرها كطعته
رحت جبتلها ملابس سود لبستها ومسحت الدم وهيه ماحركت ساكن ولاحركت رمش
سمعت صوتهم كالو اجت الجنازه
سيرين... كلبي صار يدك طبول من كالو اجت الجنازه والعياط احسه يرج بروحي رج
كمت طلعت برى التابوت بالنص اختها وامها واكعات عالتابوت ومكطعات نفسهن
شمرت نفسي عالتابوت ادك والطم فقدت عالاخر
وانه اتذكر اخر موقف وياها شلون جانت خايفه وحاسه بروحها لزمتني حتى ماروح وراحت هيه ابدالي
ام رباب... بنيتي ردي ليهه مااافكرتي بلوعه كلبي وشيصير بيه بفراكج اااكعدي يمهه وردي لحظني
_خرمشت وجها عاطت بصوت عالي
شوي كالو الجنازه راح تطلع اختها تشبثت بالتابوت ونامت عليها
نوال... ويياااها ااخذوني خيييتي مااعوفنها
_لبستني غيد عبايه على راسي دخلو اخوانها اثنين وضرار وبسول ،اجى بسول باس التابوت وكام حتى يشيلها
كامت امها لزمت بسول وتتوسله
ام رباب... ولك ااابنيييتي وين ماااخذيها بعدننني ماااشابعه منهاا
اجى اخو رباب لزم امه حضنته وضل يبجي هوه وياها وكعت بالكاع شالها على جهه واجى شالو التابوت
اختها كطعت روحها تكطع وكعت على رجل اخوها حتى يعوف التابوت همه اثنينهم فحطانين من البجي شالنها النسوان ووخرنها
رحت لزمت ضرار واتوسله
سيرين... اااخذني ويياكم فدووه
ضرار... مييس اخذيها ديري بالج عليها
سيرين... اجت ميس سحبتني انه كطعت روحي من البجي خلاص انتهت
ماتت وراحت عند ربها ماتت وهيه بداخلها روح مالحكت حتى تفرح بحملها وهيه سنين تنتظر حتى تفرح بطفل يربى بأحشائها ....
جنوب...
الفاتحه سويناها ابيت جدي عالم تروح وتجي مالنا مجال حتى نحك روسنا
سيرين حالتها تخربطت كلش تكوم وتوكع ضرار مشغول عنها بالفاتحه وي الزلم
وبسول عجزت اوصف حاله وخاصه من بعد مادرى مرته حامل وهمه سنين يراجعون من دكتور لدكتور علمود حملها
انه وبنات خوالي طول الفاتحه على فرد وكفه
غيد...
واكفه بالمطبخ اسوي جاي اجيب بالاستكاين واخلي الشغل ابد ميخلص قسمنا بيناتنا
شوي ودخل بسول للمطبخ
عاينتله منزل راسه وجها تعبان كلش
غيد... البقيه بحياتك
بسول... حياتج الباقيه
غيد... خلصت الجاي خل أحد يجي ياخذه
بسول... اي انه اجيت اخذه
غيد... صبيته اله راح اخذه واجى وياه اوس دخل ضرار وجها تعبان
الغتره لافها على راسه وعيونه محاوطهن السواد
ضرار... هلا بويه شلونج
غيد... هلا ياب الحمد لله
ضرار... غيد اريدنج صعدين سيرين للغرفه
غيد... شلون وهيه نايمه حالتها كلش تعبانه
ضرار... ابويه انتي اعرف بس صعديها الي حتى لو تكعديها
غيد... يالله
ضرار... سويلي طريق خل أصعد
غيد... رحت شفت النسوان كلهن بالاستقبال الصاله بس بنات عمه كاعدات وموغريبات
_محد بالصاله بس البنات كاعدات
ضرار... انتضرج
غيد... صار
عافني وصعد رحت لغرفه عمتي لكيتها كاعده وصافنه بالساعه
ورهف يمها تلعب بلعابتها
سيرين كومي اكعدي ضرار يريدج
سيرين... عوفيني واطلعي
غيد... ياعيني ليش هيجي سوين بنفسج
سيرين... بسببي ماتت
غيد... وففف تعالي وياي هسه
كمت لزمتها تمشي وتتكأ عليه حتى حركتها ثكيله وجها شاحب وعيونها حمر من البجي
صعدتها للغرفه ضرار اول ماشافها
عيونه جحضت اجى عليها سحبها عليه وحضنها
باسها من راسها تنهد وحجى
ضرار... شصاير بحالها اعوفنها كم يوم هيج يصير بيها
غيد... من اول يوم الفاتحه وهيه على هالحال بس دموعها تجري ودك وتلطم لكمه متعوف بحلكها
ضرار... ياراحتي وتعبي ليش مسويه بحالج هيج
غيد... عفتهم وطلعت من الغرفه نزلت جوا اخت نوال جانت طالعه من الغرفه
وجها مجرح من الطم وامها حالتها انكس تكوم وتوكع
سيرين...
حاضني ومقوي قبظته عليه ويتنفس بقوه احس فاصله عن العالم روحي تعبت من تأنيب الضمير كلش
ضرار... سمعيني حسج ليش ساكته
سيرين... ضَـرار بسببي رباب ماتت انه جان لازم الاموت موهيه
ضرار... ولجج شهل حجي مالج شغل انتي هذا يومها وراحت يم ربها البت تكهربت وماتت الله يرحمها
سيرين... بس انه الي شغلت الغساله شلون ماتكهربت
ضرار... صاير طبك بالدكمه مال غساله والواير طالع سيمه لازمته ومتكهربه بيه
سيرين... كعدت ابجي والطم وهوه لازمني ويهدي بيه ، ضَرار كدااامي ماااتت وطلعت روحها
شفتها شلون شهكت شهكه الموت وانه واكفه واتفرج عليها ماكدرت انقذها واسويلها شي
ضرار... سيررررين اافهمي اتي مالج شغل بموتها البتت هذا يومها وراحت لدارها
اترحميلها واقريلها قران البجي والطم بشنو راح يفيدها غير يتعب روحها كومي وياي
سيرين... كومني من أيدي كمت وكعت ماكدر حيلي ميساعد
ضرار... شبيها رجلج ؟
سيرين... ماعرف مكدر امشي عليهن
ضرار... حاولي تكومين لاتعبين روحي
سيرين... كومني من أيدي كعدني عالجربايه راح نزعت دشداشه والغتره
اجى عليه كومني راح ترس مي ورجعلي
ضرار... تسبحين لواسبحج
سيرين... عوفني
ضرار... صار
شك عليه الدشداشه من طولها وشمرها سحبني للحمام راح فتح الدوش وجرني عليه
احس حتى مالي طاقه اتجادل وياه لوافك حلكي
وكفني جوا الدوش فتح شعري وانه مثل العبه اتحرك بيده
ضرار... لاشلعين كـلبي بهذا حالج
حضني عليه صرنا اثنينا جوا الدوش صرت اشهك بالبجي منظرها وهيه تختض كدامي ابد ميروح من بالي
حضني من خصري سحب أيدي وباسها
وخرني راح سد الدوش وطلع عافني وطلع شوي واجى جايبلي ملابس وياه
ضرار... جنت اسبح لرهف وابدلها وهسه انتي يله بويه تعالي البسج
سيرين... اني البس وخر
ضرار... تؤ مايصير لازم اكمل المعروف
اجى عود يريد ينشف شعري من المي لفه حسيته تكطع من فروته
سيرين... ااوي موهيج كطعته
ضرار... فصمه طويل وماعرفن انشفه
سيرين... فدوه خليني بحدي البس واطلع
ضرار... صار متانيج موطولين
سيرين... عافني وطلع انداريت اعاين بالمرايه عاينت على رقبتي كلها زراق ، هوه هذا معروفك ؟
نشفت شعري اخذت الملابس جايبلي بس دشداشه والوان
سيرين... ضراااار
ضرار... ها
سيرين... اريد داخليااات
ضرار... انه وين اندلهن اطيج واحد من لب***
سيرين... تلكاهن بثاني خانه شوفهن
ضرار... ولجج انتي شكد صلفه وين الخجل والمستحه طلعبين مني داخليات
سيرين... على اساس انت مشايفهن اشو بس تفتح الكنتور هنه كدامك
ضرار... انتي لسانج يرادله كص ماكو يضل يهلهل عليه
_شوي ودك الباب فتحته اخذت منه الملابس بدلت وطلعت جان نايم ومخلي ايده على عيونه
ضرار... تعالي يمي
سيرين... ماريد
ضرار... عاقل
سيرين... شـويب
ضرار... الفصـمه
_عفته ومشيت مشطت وخلصت ردت ابدل ملابسي الوان وهيه بس دشداشه وحده وشكها
سيرين... هسه من شكيتها شلبس كونيه ؟
ضرار... البسي س*** و*** وافتري بيهن كدامي شعدج رايحه
سيرين... موكت فسوقيتك
ضرار... هههههههه بس وياج فسوقيتي تطلع
سيرين... انزل جيبلي دشداشه من جنوب
ضرار... ولج شنزل انه صالي سبوع مانايم تكلي انزل تعالي نامي لاوعلي اكومن اشمرج من ثالث طابق وارد انام
سيرين... ماستبعد تسويها دمد أيدك عليه عبالك اسكت
ضرار... انه وتالي وي لسانج
سيرين... شحاجيه ها !!!
كام عليه بسرعه لزمني من زندي وسحبني شمرني عالجربايه ورد نام
ضرار... خل اسمع صوتج طالع وشوفي شسوي
سيرين... مكروه
ضرار... البربوك الصلفه
_خلا أيده على عينه ونام حرت وين اروح كمت تمددت يمه غمضت عيني وطيف رباب مرلي بسرعه نزيت من مكاني
سيرين... يربببي ليش ااشوفها بكل مكان مااالي دخل بموتهاا ضراااار
كام على حيلي جرني عليه ويقرأ ايات
ضرار... اششش اهدي
سيرين... بسس انهه ااشوفها ضررااار انه مادخلني بموووتها ليشش تمرلي
ضرار... تعب كلبي اهدي ماكو شي
سيرين... دفعته بخفه ودرت وجهي عنه هوه ماحجى شي ابد جر الغطى وغطاني
غمضت عيني اريدالنوم يمرلي والتفكير احسه ينهش بيه
ميس...
كاعدين بالصاله كلمن راح لبيته اليوم الختاميه مال سبعه
البيت حالته حاله والظلام محاوطنا
جنوب... هسه شنسوي
ميس... شنسوي
جنوب... سيرين وينها
ميس... صعدتها غيد لغرفتها
جنوب... ليش هيه غيد وينها
ميس... وين كاعدن انتي بس تتسئلين راحت من زمان لبيتهم
جنوب... ولج هالبت شمالها خافن نوب تسودنت
ميس... خلي ذكائج الخارق على جهه حقها اذا هيه شافت البت كدامها تموت يربي قهر ونوب حامل
جنوب... الله يرحمها
ميس... امها واختها شوكت راحن
جنوب... قبل شوي اجى اخو رباب اخذهن وراح
ميس... وهالبيت فضى
جنوب... انمار ماشايفته صار سبوع بس يخابرني من مبايل عمتي
ميس... وففف رضوان اصلا لاسأل ولاعرفت اخباره ولج وكأن مرتاح وانه مويمه
جنوب... اكيد ملتهي وي الولد ماشوفيهم على فرد وكفـه
ميس... اشوف تاليتها ويـن توصل
اجت عمتي وبيدها المبايل
بشائر... عمه اجى رضوان ياخذنا كومن بدلن
ميس... انه ماروحن بغير وكت عود اخوي يرجعني
بشائر... هاج المبايل واحجي وياه
ميس... اخذت منها المبايل اول ماسمعته صوته وهوه يزفر الهوى
رضوان... شسوين ضاله
ميس... اخوي مشايفته لحد هسه وانه باقيه بيت اهلي تكدر تمرلي بعد كم يوم
رضوان... ست ميس وفوكاها تتشرطين
ميس... باي
سديته منه ونطيت المبايل لجنوب كلبي طك من بروده وأهماله اريد اعرف غلطي وياه شنو حتى يعاملني هيج ....
راحت عمتي وجنوب وشذر وانه بقيت نظفنا البيت انه وبنات عمامي حسيت حيلي انهد
بقو شوي وراحو البيت فرغ والولد كلهم بعدهم مجايين
رحت لهيت نفسي احضر بالعشى شوي وكلهم اجو وياهم رضوان
تجاهلته وهوه بس يخزر بيه وعيونه حمر
ركضت على بسول حضنته وبسته من خده حاله تعبان وضعفان كلش
ميس... البقيه بحياتك حبيبي
بسول... حبيبه اخوها حياتج الباقيه
ميس... ادخلو شوي ويجهز العشى
دخلو كلهم للاستقبال وانه التهيت احضر بالعشى
انداريت واشوف رضوان واكف ومكتف أيده عاكد حواجبه ويخزر بيه تجاهلته ورجعت احضر بالعشى
وماحس غير ساحبني من أيدي ولازمني من فكي من قوه قبضته حسيت أيدي نكسرت
رضوان... وعلي اذا ماعقلتي اطيح حظج ولج شهل ااسلوب مال سدين المبايل بوجهي ومطيتني الاذن الطرشه شيييسموها هااا اااحجي يالفهيمه هذا اسلوب وحده تعامل زوجها بهالطريقه
ميس... خفت كلش منه يحجي وصاك على سنونه دفعت أيده ووخرته،ايدك لاتمدها عليه لو هسه دريت انه زوجتك وينك طول الفتره المرت لاكلت أسال ولاارفع مبايل
ماكلفت نفسك تجي وتسأل دامك ماقايم بواجبك تجااهلي كزوجه ولاتعاملني معامله وكأني مرتك انسى اعاملك بحسن وطيبه
_راد يحجي ودخلت عمتي للمطبخ
بدور... ها عمه شو طولتي
ميس... اي خلصت
_وخر مني وراح طلع ضميت أكل لسيرين وضرار ورتبت السفره
كعدت يم اخوي عزام وهوه كدامي بس يخوزر بيه تجاهلته ومباوعت عليه حتى
خلصو شلت الصينيه ومالكه ودتلهم الجاي
رضوان... اذا خلصتي نكدر نروح
حطام... جدي وين رايحين ضلو اليوم
رضوان... غير مره انشالله اجيت اخذ مرتي طولت كعدتها لازم ترد لبيتها
ميس... انه ضاله يم اهلي مارايحه وياك
خزرني وصك على سنونه ويفر بالسبحه
رضوان... متانيج برى خلصي وتعالي
ميس... كام سلم عليهم وطلع وانه ضليت اطحن بروحي من العصبيه
بديعه... يمه كومي روحي وي رجلج
ميس... وفففف اي رايحه
غيث... شمالج تنافخين
بسول... صاير شي ؟
ميس... لا بس انه ردت اضل اليوم
ليث... خيتي غير مره انه اجيبج واشوفنه شلون يردج
ميس... فدوه لكلبك
رحت حضرت نفسي طلعت لكيت برى يطحن بالجكاير السبحه بيده والغتره شامرها على رقبته
رضوان... امشي خاتون
ميس... اي
_اول ماوصلنا جنوب فتحت الباب هوه دخل جوا وجنوب تعاينلي وتضحك
ميس... ليش الضحك ؟
جنوب... ماتحمل غيابج وجابج
ميس... هههههههههههه سواها عناد جيف مارضيت ارد وجابني
جنوب... خرب حظج دوخري
ميس... عفتها وصعدت لغرفتي هوه بقى يحجي وي عمي رتبت الغرفه صايره هوسه اخذت ملابس ورحت سبحت
اول ماطلعت هوه دخل عفته ورحت امشط نزع دشداشه ويخزر بيه
رضوان... طلعيلي جفن خل اسبح
ميس... صار
رضوان... ادبسززز وجنج مكيفه
ميس... ماجاوبته عرفته يدورله حجه بس حتى نتعارك ويطلع عصبيته وسوالفي وياه لان اعانده وانتر عليه
رحت طلعتله ملابس ونطيتهن اله
رضوان... طلعيلي غيرهن البارحه لبستهن
رحت طلعتله غيرهن ونطيتهن اله
_بهالليل ترديني البس هالخنكه جيبيلي شي خفيف
جبتله غيرهن وهم معجبنه وكفت بمكاني تنهدت وهوه صاك سنونه
ميس... كلللشي ميعجبك تريد انت طلع
ردت اروح جرني من أيدي وعاصرها
رضوان... ااااحجي عدل وخششمج لاترفعي وعلي اذا مابطلتي نترتج ورفعه الخشم اطيححح حظجج
عناد وصلافه تبطليها فااااهمه
ميس... بلعت غصتي ماريد دموعي تنزل واضعف كدامه
حزت بخاطري وهوه يصيح بوجهي وينتر انه اخواني اذا احد رفع صوته بوجهي اخذلي زعله واضل مطنبه علما يراضوني
_عاف أيدي ووخر اخذ ملابس ومشى خليت ايدي على وجهي مكدرت اسيطر على دموعي
شوي وطلع من الحمام درت وجهي منه اخذت شالي ردت اطلع وجرني من أيدي
طبكني عالحايط وجسمه قريب على جسمي مايفصل بينا شي
رفع راسي باسني من عيوني يعاينلي وعاكد حاجبه
رضوان... ميس هالاسلوب مايمشي وياي لاعبالج بهالعناد والنتر يفيدج لووحده غيرج بالعباس جان عرفت شلون اصرف وياها
سيرين...
ايام تمر ابطئ من الساعه حالتي كلمالها تسوء رجعت وحيده
من بعد ماجاانن ميس وجنوب ورباب اكدر احجي واضحك وياهن
هسه كلشي ماكو مالكه تنظف وتدخل لغرفتها وعمتي بديعه وبدور كل وكتهن يأدن واجبات
ماكو غير رهف
اكظي كل وكتي وياها العب اضحك اسولف ومن يرجع ضرار من شغله لو يوديني للحجيه
لو يطلعني بس انه كلشي مايهمني وكان الدنيا نطفت بعيني الخنكه والاحلام ابد متفاركني
وضرار من يشوفني عازله نفسي لوساكته
يحير شلون يطلعني من الجو الانه بيه
يمكن بهالبيت احلى شي بيه ضرار ورهف
صوت ضحكهم وسوالفهم دائما ماليه عليه
يمكن لوماهمه جان انه هسه متخبله عالااخر
بسول يطب ويطلع ساكت وبس يدخن بنص الليل انزل جوا اشوفه كاعد وعينه مركزها على نفس المكان الي رباب ماتت بيه
دائما يشغللها شمعه ويوزع ثوابات بروحها
انقهر واضوج على حالته بس مابيدي شي عليه
باربعين رباب ضرار ماخلاني اروح خلاني اطحن بنفسي طحن توسلت وبجيث ولاقبل
وداني لبيت خالو ذاكر بس خالي ومرته راحو البقيه ضلو
من بعد الكوابيس وطيفها اليمرلي بعد ولاشفتها دائما اقرالها قران لواشغللها شمعه واترحملها العرفله اسوي الها
صح علاقتي بيها موقويه كلش بس عشت وياها وبينا ايام حلوه مانكر مرات زينه وياي وموزينه بس لاتجوز على الميت الا الرحمه
الايام تمر ودخلنا بسنه 2017 ماكو شي تغير من حالي الوحده,الغربه,الحيره العايشتها بخصوص أهلي
ماكو عنهم اي أخبار وضرار اذا أساله يغلس وميجاوبني سكتت وماعاد سألته بس بكل صلاه وانه ادعي ربي انو يجمعني بيهم
وحتى لومانجمعت بأهلي ادعي ربي يكونون بخير
جنت فارشه فراش بالحديقه رهف وبنات عزام يلعبن يمي
دخلت الحجيه سلافه وعمتي بديعه وبدور وياهن كمت جبتلها كرسي وكعدت
سيرين... وين جنتن
بدور... جا مالكه ماكالتلج رحنا لبيت ام رباب نشوفها
سيرين... شلونها
بديعه... شوي احسن بس تنوح على بتها
سلافه... بديعه اطيها القطعه خلها تنزع الاسود
سيرين... طلعت عمتي من علاكه قطعه قماش مخيطه الوان
بديعه... هاج يمه انزعي الاسود ولبسيها
سيرين... عمه ماريد
سلافه... جا هيه بكيفج امشي يالغاكه مايصلح تضلن لابسات اسود
سيرين... خافن عيب انزعه والسنه بعدها
سلافه... ولج شنهي عيب الاربعين دارت وحزنتن هواي الاسود بشنو يفيد مايجيب غير الهم والغم امشي جده نزعي لاتلوعين افادي
سيرين... ماشي
اخذتها ورحت نزعت الاسود ولبستها احس حتى مظلم عليه لليل يالله اجو الولد انه جنت واكفه بالمطبخ اسوي عشى ورهف يمي تكرط خيار
سمعت هوسه بالاستقبال دخل ضرار للمطبخ اجى شال رهف وباسها سحبني من خصري وباسني بطرف شفتي
ضرار... شلونهن بناتي
رهف... ثينين
ضرار... حبيبه ابوها امشي يم عمامج
نزلها بالكاع وراحت هيه تركض
عاينلي وعظ شفته
ضرار... واخيرا بين لونج
سيرين... ماردت انزعه بس الحجيه كالت ميصلح نضل لابسين اسود فوك مامصخمه اتصخم بالزايد
ضرار... افا عليج مصخمه مو انه اوخر الصخام منج
سيرين... شكرا ماريد
ضرار... بليل نتفق شلون نوخر الصخام هسه مووكتها
سيرين... ههههههه اااوي وخرر يالشويب
ضرار... شتعل الشويب بالله طيني شي منا منا
سيرين... عفت الطماطه بحلكه ووخرت منه، ليش هالهوسه
ضرار... جاي يتفقون على خطبه حيدري ومن جهه عرس غيث طول كلش ويجوز هوه وحيدري بنفس اليوم
ومتانين دوره السنه مال مرت بسول وهوه من درى هيج ماراضي واجى حجه وي جدي حتى يقدمو
سيرين... وهسه شصار
ضرار... نزوجهم وبعدين يشوفولي مره
سيرين... اي خيشوفولك حتى قبل لاتصبح الصبح انت يم ربك بدل ماركص بعرسك اروح الطم يم كبرك
ضرار... احد كلج انتي خطيره ؟
سيرين... اي انـتـهـه هسه كتلي
ضرار... واخطر شي بيج عيونج
سيرين... شبيهن ؟
ضرار... كافيات حتى يدولبني ومايخلني اشوف غيرهن
نداريت عليه وجهت السجين على وجها ضحك بخبث وحضني من خصري
سيرين... بعدك تريد تزوج مو ؟
ضرار... انتي نسواني كلهن اذا اريد ازوج ارد اخذج ثنين وثلاث واربع
سيرين... عفيه بالشاطر
ضرار... اي هسه شكلتي ماكو تصبيره كبل العشى
سيرين... تؤ ماكو شي وهسه مكتلي شصار
ضرار... نعرسلهم ونفك منهم بعدنا مامحددين
سيرين... خل نعرس وياهم
سكت عكد حاجبه وحجى
ضرار... موهسه احنه كدامنا هواي شغلات وبعدها اسويلج التردي
سيرين... ابد مافهمك
ضرار... انشالله تفهميني
سيرين... اخذت السفره ونطيتها اله،هاك روح وديها
ضرار... اشتغل عندج
سيرين... وففف هسه شكو بيها زوجي وجاي تساعدني
ضرار... الفصمـه جيبيها
سيرين... اخذ السفره ووداها حضرت الاكل بصينه حتى اودي
اجى غيث وليث
غيث... مرت اخي جيبي لاتعبين روحج
ليث... احنا نودي
سيرين... عاشت ايديكم هاك هاي
_رحت سلمت عليهم وكعدت بصف ضرار
حيدري... وأخيراً بينتي ضرار وين تضم بمرتك
ضرار... بـداخلي اضمنها
سيرين... احس صخنت من المستحه غيث وليث صوفرو والحجي عاط بيهم كعدو ياكلون
ورهف تكمز من حضن لحضن
خلصو شلت الاكل وسويتلهم الجاي
بديعه... ريحانه كعدي خل مالكه تكمل
سيرين... ماعندي شي خلصت
عزام... خويه تعالي كعدي ضاله تفترين ضرار كعد مرتك
صرار... هههههاااي تعالي ابويه كعدي
سيرين... رحت كعدت بصف ضرار ماعرف شبيه مستحيه وهوه كضاها بس يكرص ويندز بيه اكرص اخزر ابد ميفيد وياه
كعدو يتفقون على عرس حيدري وغيث وهمه كلما حجو يردون يأجلو اخرها حسمو القرار ويسوو نفس اليوم
حيدري جانو محددين خطبتهم ١٢ بالشهر بس التغت وهسه مراح يسوون خطبه بس عقد سيد والحنه والعرس يسون...
شذر...
اخذت مبايل امي وصعدت للغرفه كلمن بغرفته قفلت الباب سجلت رقمه بس اتصلت رفضني ورجع اتصل
زكريا... يهلا بليلي
شذر... هلا بسماي
زكريا... احزري شكو ؟
شذر... خير ؟
زكريا... ماباقي هواي وكلشي ينتهي الصلح الجنا متانينه من سنين راح يفض
الحاجز ينشال وسيرين ترد لاهلها .....
يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!