الثأر السابع والعشرون
ثارهم وبنت الفقير
بقلمي_ترانيم هادي ♥️🕊️
لاتنسون تصوتون عالبارت حلويني
.
وتعاليقكم بين الفقرات لاتنسوها
.
ومتابعه للحساب ♥️🕊️,
taranim_09
_ لحظات بين يدي معذبي
انفاس متخالطه ,همسات هادئه ,لمسات قاسيه
بعيدا عن العالم عن الكـره الي محاوطنا بهمساته نساني نفسي وضعت بحظـنه
بين الصاحيه والنايمه وهوه مقوي قبظته على ايدي همس بكل هدوء وحنيه
ضرار... شما اصيرن قوي بس حضنج يضعفني
باسني من كصتي وحتى مانتبهت شكال
ضرار... بويه اصحي
سيرين... اوي الشويب
ضرار... كومي ولج لاابتلي بيج مره ثانيه
سيرين... شسويت !!؟
ضرار... اخذتج
سيرين... وين ؟
ضرار... ههههههااااي
كام من يمي وانه بمكاني راح هوه مدري وين
واني كل الافكار تجمعت براسي
سيرين... صرت مرته هسه طيب وحياتي شلون حتكون وياه وففف يربي
شوي واجى يبتسملي اجى عليه سحبني من ايدي والغطى لافته على جسمي راد يسحبه ووخرت ايده
ضرار... تراه شفت المضموم شضمين
سيرين... ضرااار
اجى بدون مقدمه سحب الغطى بقوه شالني
ضرار... بس طلعين حسج انهييج
دفنت راسي برقبته واخذني للحمام شفت البانيو خفت لايغطني بيه مثل ماسوى
سيرين... يمههه وخر شمسويه
ضرار... كلشي مامسويه اليوم عجبتيني خليج هيج وانه اداريج
حجى اخر كلمه وعضلي شفته
سيرين... يععع وخرر مووبرضاتي
ضرار... ههههههههاااي انه اقنعج
سيرين... ضرار فدوه عوفني واطلع
_ هزلي راسه ومشى سد الباب وراه وانه غطيت نفسي بالمي لدرجه ختنكت يالله طلعت
سيرين... يررربي سااعدني شحالي ويااه شلون خليته هيجي يسوي
عاينت للاثار المطبوعه بكل مكان صرت اخذ مي واغسل بالاثاار اريدهن يوخرن غسلت كل جسمي حتى اتجرح بس ماهتميت
سيرين... ضرااار الحقير حتى جسمي غطيتتته بجحيممك الله يخلصني منننك
_ ماعرف شكد ضليت على هالحال علما تعبت من البجي اخذت المنشفه لفيتها وطلعت
لكيت الغرفه منظفه ومرتبه دخل هوه عاينلي وبتسم
ضرار... نعيما
_ ماجاوبته بس بتسمتله راح اخذ ملابس اجى يمي باسني بشفتي بوسه خفيفه ومشى يسبح
ماعرف شصابني بهالحظه وبشنو جنت افكر بس الاعرفه حايره كلش وواكعه بنار مالها مخرج
مشاعري متناقضه تجاهه لاهيه كره ولاهيه حب حايره بحياتي من بعد هسه شلون حتكون وياه
حنعيش مثل اي زوجين مستقرين بحياتهم وحياتي الاخذها مني واهلي شلون
انه حياتي مو وي ضرار مهما كانت كل الطرق مزدوده نحوه
المشاكل البين العشيرتين وكرهه لابوي وحياته وطبعه انه ماممكن اعيش هيچي وياه
عنده بنته ومرته انه شنو موقعي بحياته بالظبط
ليش هيچي ورطني وياه حيرني كلش عكد ماحاول افهمه افشل دائما
_ رحت بدلت ومشطت طلع من الحمام لابس بس بجامه والمنشفه مخليها على رقبته
اجى تقدم عليه ولزم وجهي نزل ايده على رقبتي
عكد حاجبه وبسرعه سحب ايدي يعاينلها
عاينت صايره حمره واثار اضافري مطبوعه خزرني وعاكد حواجبه
ضرار... شني هاي ؟
سيرين... ضرار
ضل ساكت شوي نفخ بغضب باس الشامه البيدي وطلع من الغرفه بدون مايحجي
سيرين... لااسوي هيج وتعيشني بتأنيب الضمير اقسي عليه وخليني اكرهك انه وانت مولبعض
رحت حتى انام ضليت اتكلب والنوم طار من عيني وضرار مدري وين راح
سمعت طكه الباب بسرعه غمضت عيني اسمع بس طكطكه الاغراض
حسيت عليه اجى ونام يمي حظني من خصري وراسه برقبتي
ضرار... نحجي شوي لو تنعسين
سيرين... نايمه
ضرار... ماشي، خلا ايده جوى راسي وسحبني عليه بقوه
سيرين... ضراار خنكتني وخر
ضرار... لج بربوك مساع جنت فوكج ماكلتي ختنكت
سيرين... شلون فشله يربي،انت شبيه لساانك فالت
تنهد سكت شوي وحجى
ضرار... سيرينه
سيرين... همم
ضرار... احجيلي شني المضوجج
سيرين... كلشي
ضرار... مثل !!!
سيرين... حياتي ويااك وشلون حتكون وحتى الي صار بينا
ضرار... الي صار هسه يصير بين اي متزوجين وانه اول وتالي جان لازم اخذج
سيرين... وهسه من اخذتني شصار مجرد كم نقطه دم تأكدت اذا انه بنت او لا وين الثقه
ضرار... ولجج وبعدين وياج اتي ضلين طلعين حجي من هالعكل ماوراه بس المشاكل انه لواريد جان اول ماجبتج وصرتي مرتي اخذج بس ماردت اجبرج على شي
سيرين... لا بس هسه جبرتني
ضرار... ههههههاااي اي من اول بوسه خدرتي بحضني
_كرصته بزنده ودرت وجهي وهوه بس يضحك خلى راسه على راسي وحضني من ورى
ضرار... لاتفكرين بشي واتي وياي واعرفن شنهي البالج وبشنو تفكرين حياتج وي غيري منهيه
يحوز نفترك ومانضل سوى بس ضلين لضرار
سيرين... اوي شنو حجزتني طابو
ضرار... انه من زمان حاجزج
سيرين... مممم من شوكت
ضرار... من اتي هالكدج وصيحيلي بابه
نزيت من مكاني ونداريت عليه
سيرين... انه !!!
ضحكلي وحواجبه معكوده نام على ظهره وخلا ايده جوى راسه
سيرين... ضرررار هسه تحجيلي
ضرار... شحجي
سيرين... كلشي من اوووول ماولدت ولحد هسه
ضرار... اي موانه جنت مخلي كامره بط*** حتى اعرف شصار وماصا وياج
سيرين... هفففف ضرار كااافي هيچي وسولفلي
ضرار... اي
سيرين... يررربي شكد مستفزز ااااااكرهك
ضرار... هههههه عكد المحبه تكرهيني
سيرين... حموت من القهر
ضرار... سلامتج بويه عمرج اطول من عمري
سيرين... وانه كايلتلك انت متموت
ضرار... اي نموت سوى
سيرين... وخر
_ ردت اكوم سحبني من ايدي وبس يضحك
سيرين... لاااتضحك
ضرار... چا انه ضاحك بحلكج
سيرين... ممم
ضرار... تعالي خل شوي نلعب
سيرين... الصبح حيطر علينه وانت تريد تلعب
ضرار... انه العابي مختلفه مثلا
سيرين... مثلا !!!
ضرار... اخليج تحبيني بوسه
_ بروده نرفزني انه محروك كلبي وهوه يضحك الخنكه وصلت لخشمي ودموعي مثل الشلال ضل تجري
كام سحبني عليه ويسكت بيه
ضرار... انه لو اعرف هاي عيونج مايخلصن دموع
سيرين... خلص عوفني
ضرار... ماعوفج
سحبني عليه نام وخلا راسي على ايده باسني بخفه على شفتي وسكت شوي ورجع حجى
ضرار... امي اكيد حجتلج شلون جانت علاقه جابر بابوي
سيرين... اي
ضرار... بس ماكلت شنهي انت علاقتج وياي
سيرين... ضرار ترى كل عمري جان سنه او سنتين علاقتيش متكلي
ضرار... بالله هذا اللسان مايسكت شوي اي المهم اتي وميس جنتن ثنينجن بنفس العمر
دنانير الوكحه
سيرين... هههههه شنو دنانير الوكحه
ضرار... چا انه مجذب
سيرين... عوفك منها كمل
ضرار... من دنانير جان تجي وتجيبج وياهه انه الك*** جنت لازك بيج وماهدج صرت اروحن لصوبكم بس حتى اشوفنج وطلعج وياي
انه وولد عمج جنه دوم مشاكل من وراج الك** جانو مخلين عينهم عليج بس ربيتهم
سيرين... اوي فدوه اريد اشوفهم
كرصني بزندي وعاين عليه عاكد حواجبه
ضرار... بربوك عايقه شسوين بيهم صخمين عيونج بشوفتهم
سيرين... وخررر وتالي وي لسانك انت شاطح عالترابي واصلا كل هذا عمتي حجتلي عليه
ضرار... ههههههه اي نعيد الحجي ابوي من كد المشاكل الاسويها وي ولد عمج يدكني وهم ارد يوم بعد يوم وانتي تكبرين جدامي
والله تصدكين انه جنت فرحان بيج اكثر من ابوج
سيرين... ليش !!!
ضرار... جاهل جنت ولطشت بيج والااكلج انه ك*** خليت عيني عليج
سيرين... هههههههههههه يعع وتعترف بنفسك
ضرار... چا بويه شمحلاها من شوفين وتاشريلي بيدج حتى اجي واشيلنج لو من تشبعيني بوس وتعضعض
سيرين... ضراار لاجذب انه مسويه هچي !!
ضرار... أنعم الله سويتيني جذاب
سيرين... اي اكيد جنت طفله ومافهم وانت مكيف عالوضع
ضرار... سيرين حييل تعلقت بيج من اخذج ابوج اسودت بعيني الدنيا
عمرج ثلث سنين وهجمتي كلبي وهسه هالكدج وسربتي كلبي
بيوم الصارت المشكله كبلها اتي بحظني وافتر بيج
وراها بساعه ابوي جدامي ينكتل ، تنهد بألم وحجى
كلها جانت سلاحهم بيدهم ويرعدون جان عمري ١٢ لو ١٣ بوكتها وانه ابوي جدامي يصارع الموت واشوفنه شلون مات ومالحكنا عليه
تأذيت بموت ابوي وبروحتج
من عافتج دنانير جدج جان يريد يردج بس كالو جابر طلع من الديره وي بته وماندري وين
مرت سنين وكلما اكبر وانه كلبي يوج نار عليج لومالمشكله صايره جان هسه اتي رابيه جدامي
ماجان عدي غير صورتج وانتي صغيره وقديمه بكل مره اعاينلها وانه اتخايلج شلون صرتي وشحالج هسه
_ لحد ماجدي ععرف بمجان ابوج من جانت عمتج تجي للناصري
جدي مودي احد وراها وهناك داري جابر بالحله ويشتغل وي رجل عمتج
_ منعني اخطي خطوه الكم ماكدرت الا اشوفن جابر شحاله وانتي شصارب بيج
عرفت مجانكم وخليت واحد يراقبكم ويجيبلي اخباركم
سيرين... من شوكت هالحجي
ضرار... من اتي عمرج تقريبا 12 سنه
سيرين... صدكككك ؟
ضرار... اي اول مره رحت بيها وشفتج من بعيد هخخخ شملاحج
جنتي راده من المدرسه ودموعج على خدج يجرن وضفايرج يمشن وياج
صدريتج متربه وشعرج صاير هوسه
يمكن جنتي متعاركه وكاتلاتج ههههههه
سيرين... هههههه اوي كمل
عاينلي اخذ نفس وحجى
ضرار... شفتج وردت روحي ولاجن عايش جنت وجج طفله وسبيتيني
تنهد وحجى ، صرت كل فتره اروحن وارد ومن هذاك الوكت وانه وراج
خطوه خطوه صرت مثل ظلج بعيده عني بس انه اقرب الج من روحج جنت
وى ماتخرجت تزوجت جنات الله يرحمها جانت وياي
سيرين...
هوه يحجي وانه دموعي مثل الشلال بليله ويوم كلشي يضيع
بسبب مشكله حياتنا خربت وماضل غير الكره والثار
كل كلمه يكولها كلبي يوجعني وانه اتخيل حياتنا شلون جانت وشصارت
سيرين... اي وشلون تعرفت عليها
ضرار... ها
_ دار وجهه وماجاوبني حسيته يتهرب من سؤالي ومايريد يجاوب
مشصابني وبدون تفكير سألته
سيرين... تحبني !!!
عاينلي ورسم ابتسامه على ثغره
ضرار... تؤ انه الاحبها ماباقي شي وتصير الي
سيرين... هيه تدري
هزلي راسه وغمض عينه ، مزوج قبلي وهم فوكاها يحب
حسيت كلبي حيطلع من مكانه على حقارته ولعبته العبها وياي
شتحمل اكثر من هيج وفوكاها فرحان حتى تصير اله
وخر منه درت وجهي وغطيت بالنوم تعبت من التفكير كلش
جنوب...
البيت مخبوص بالتحظيرات لخطبته وانه احضر وياهم
دعيت ربي يصبرني عالاني بيه اريد اكرهه اريده يطلع من كلبي أذاني كلش واليوم جايه احضر خطبته
رجع تفكيري على اخر مره شفته من راح ضرار ووياه سيرين
مثل كل مره اغسل بمواعين الغدى وانه القهر يدك بكلبي يحضرون ويحجون بخطبته مالي حق لااحجي ولاادخل
فززني صوته انداريت واجى تقدم عليه
ازان... جنوب
جنوب... اطلع برررى شرايد
ازان... بس احجي وياج
جنوب... ماعندك حجي وياااي روح كتلك لاتخليني اعيط والمهم عليك
بدون مايسمعني قبض على ايدي وسحبني وراه
مشى بيه للمخزن وقفل الباب
جنوب... جااااي سوووي وخر من طريقي
ازان... ماوخر قبل لااحجي وياج
جنوب... ماااريد
ازان... اششش كافي اهدي واسمعيني
_ تعبت من الحجي وكلبي محمل عليه وبس دموعي تجري
جنوب... ليش هيج سويت ؟
ازان... وداعتج نجبرت والله موبيدي جنوب وامي رادت تموت من وراي ماكدرت اكسر خاطرها وابني سعادتي على موتتها
جنوب... وانه ؟
ازان... انتي حبيبتي الماكدرت احصلها
جنوب... هههههههههههه
ازان... ليش الضحك ؟
جنوب... ههههههه عذرك اقبح من فعلتك انه موحبيبتك فاااهم واحد مثلك مستحيل اكون وياه
لوصدك تحبني ورايدني جان حاربت الدنيا كلها حتى تاخذني موجاي تكلي امي ماتقبل ونجبرت
اصحى على نفسسك انت موبنت وتنجبر وعاين عليه واسمع زين من اليوم ديربالك لسانك يطخ لساني بس على كد السلام
والله ثم والله اذا حاولت تتجاوز حدودك وياي لوتمسني بشي ابوي موجود وجدي همه يصرفون وياك
ازان... ابوج ؟
جنوب... اي ابوي ضرار
ازان... اعرفن تحبيني وهالحجي بس لسان جنوب فدوه اصبري عليه اخذها كم شهر واطلكها واخذج
جنوب... ههههه من كل عقلك تحجي شنو من شخص انت يربببي هم زين بينت على حقيقتك وشنو معدنك وخرررر
_ دفعته ومشيت حتى مانطيته مجال يحجي شوي رتاحيت من حجيت وعيطت عليه
جنوب... اهدي ولاتنقهرين الله يعرف الانسب النا واذا موازان قسمتي ولغيري هذا هوه لااريده ولاافكر بيه
قاطع تفكيري صوت امي
جنوب... ها
بدور... امشي بدلي يمه ماضل وكت
جنوب... اي رايحه
_ صعدت للغرفه لكيت البنات كلهن منهن يمكيجن ويشسورن ووحده تمكيج للثانيه وانه بالي ابد مويهمهن
ميس... ياا بعدج يله بدلي
جنوب... اي هسه
_ هنه كلهن خلصن قبلي ونزلن واني بقيت اجهز بنفسي لبست فستان طويل بارز جسمي كلش حلو طلع وشعري طويل حليته على طول وشسورته ومكياج خفيف بس حمره طوختها ندك الباب ودخلت مياده
مياده... يله خيه راح يرحون
جنوب... اي اجيت
لبست شال وعليه العبايه ونزلت جوى
طلعنى واني كل خطوه اخطيها كلبي ينمر اعاينلهن فرحانات ويهوسن
(هاي الرادها وهاي التمناها)
موهيه والله انه لازم هسه اكون فرحانه ببدلتي
اعاين للعروسه كاعده والضحكه طافيه على وجها حلوه وملامحها احلى
شوي وصاحو راح يدخل يلپسها الحلقه اجت ميس يمي ولزمتني
دخل واني روحي صارت تنازع
جنوب... ربببي صبرني وطفي نااري
ميس... اهدي
جنوب... شهدأ وانه الاحبه اخذ غيري
ميس... وففف الله يصبرج
جنوب... ميس كلبي وجعني ساااعديني ماتحمل وانه اشوفنه يلبسها الحلقه جدامي انه لازم اكو بمكانها
سيرين...
مدري بيش الساعه كعدت شبعانه نوم الغرفه بارده وظلمه بس ضوى خفيف مشغله عاينت للساعه بـ ٣
هسه دنيا صبح لو لليل
كمت شغلت ضوى الغرفه وطلعت للصاله لكيت ضرار كاعد ويشتغل بالابتوب
عاينلي وضحك
ضرار... صح النوم
سيرين... ها دنيا صبح لو ليل
ضرار... بويه شمالج دنيا العصر
سيرين... حيييل شكد نايمه
غمزلي وابتسم بخبث
ضرار... ماكعدتج اكيد تعبانه من البارحه
سيرين... لاا وفففف
ضرار... هههههاااي سلامتج من الاوففف
سيرين... سلامتي منك
_ ندك الباب قوي منو يجينا بهالوكت
ضرار... طبي جوى ولاطلعين ولبسيلج شي يستر
راح هوه بسرعه وسد الباب وراه انه طكيتها ركضه سحبت دشداشه لبستها على ملابسي واخذت شال
الصوت جان مواضح رحت للمطبخ الشباك جان يطل عالحديقه
شفت رضوان وضرار اجى جر الكرسي اله ودفعه
شجابه هناه وليش اجى
رضوان... رحمه لله وخررر
ضرار... اهدا ولك شمالك
جر الكرسي وكعد عليه ضم راسه بيديه وينافخ من العصبيه
رضوان... لهيج كتلي لاتجي مو
ضرار... اعرفن لوجاي تخربها وتصير مشاكل مالها تالي
رضوان... ولللك شلللون هااا كلي شلون ومن شوكت رحت شهر بس
ضرار... كافي صوتك نصي وحتى لوتدري شراح تسوي دام هيه رضت بغيرك انساها
رضوان... شنسا هاا وانه اشوفن حبيبتي تنزف لابن عمي ....
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!