الثأر السادس والعشرون
ثارهم وبنت الفقير
بقلمي_ترانيم هادي ♥️🕊️.
لاتنسون تصوتون عالبارت حلويني
.
.
وتعاليقكم بين الفقرات لاتنسوها
.
.
ومتابعه للحساب ♥️🕊️,
taranim_09
سيرين... اعاينلها منهاره وتحجي وتشهك بالبجي دموعها ابد ماتوقفت سدته منه ونطتني المبايل
وجهت نظري للباب واشوفن ضرار واكف
واكف وعاكد حاجبه ويعاينلنا احس كلبي على لحظه يوكف من الخوف الرجفه سرت جسمي
ضرار... بعدين اخابرك
سد المبايل واجى يمنا اتخطاني وراح لجنوب مسح دموعها ولزمها من ايدها اني بسرعه ظميت المبايل بملابسي
ضرار... شمالج ليش تبجين !!
سيرين... احم وين جنت
خزرني حتى اسكت ورجع يحجي وي جنوب
ضرار... جنوووب احجي منو محاجيج
_ضلت تشهك بالبجي سحبها عليه وحظنها وكعد يهدي بيها واني اريد الكلام يطلع من ثغري ماكو
ضرار... وجج بويه احجيلي منو وياج
جنوب... تشهك وتبجي ،مابيه شي
وجه نظره عليه وخازرني وخر منها واجى عليه
ضرار... احجي شبيها
سيرين... جنوب واكفه ووجها انكلب اصفر على ازرق واني احس كلبي صار بمعدتي
ضرار... اااااحجي
سيرين... من الخوف والتوتر حتى ماعرفت اجاوبه ... كتله جايتها الشهريه ومن الوجع تبجي
_ عاينت لجنوب ضربت على خدها بفشله وضرار وجهه انكلب احمر وصار يصب عرق
سيرين بتوتر... اي هوه هيج من الوجع تبجي مابيها شي شوي وتهدا
من الفشله عافنا وطلع بدون مايجاوبني وجنوب عود جانت تبجي تمرغلت بالكاع من الضحك وتلطم على خدها
جنوب... سووده عليه فشلللتيني
سيرين... ماعرف شلون طلعت ابالي
جنوب... يااايمه وين اطم روحي اليوم بعد والله ولااعاين بوجهه
سيرين... وفففف اسكتي والله احس كلبي وكع من مكانه همزين جان ملتهي يخابر وماسمع كلشي
جنوب... كلبي وجعني
سيرين... عاينتلها بقهر وعجزت شلون اواسيها كامت مسحت دموعها
جنوب... شكرا لان ساعدتيني ووكفتي وياي
سيرين... يمعوده اذا ماساعدتج ووكفت وياج شوكت اتسمى اخت
_حضنتني وكامت تبجي
جنوب... سيرين أذااني كلش هيج الحب يأذي والله لوادري ماجان حبيته
سيرين... الله يساعد كلبج
جنوب... ماتتخيلين الجرح الحفره بكلبي متعجبه على هيج شخص كالي احبج ورايدج كالي ماعوفج غصت بالحجي ورجعت كملت
يكلي جنوب احسب يوم يوم حتى تصيرين مرتي هاج شوفي اليوم يجيني خبر خطبته وانه الثوله مصدكه والله متندمه على كل مشاعري
سيرين... لاتحجين هيچي موذنبج اذا هوه موكد الوعد خلي بالج مرتاح لان ماغلطتي بشي وجنتي وفيه بمشاعرج وحبج اله هوه الي لازم يتندم لان خسر حبج وخسر بنت متتعوض بحياته
_ ضلت بس دموعها تجري اخذتها ورحت لغرفتها خفت لاضرار يرجع لكيت ميس عفتهن ونزلت جوا
رحت بدون محد يشوفني حذفت المكالمه ورجعت المبايل بمكانه
جانو كاعدين بالصاله رحت للمطبخ واني بالي يمهم
_ لليل فتحو موضوع المشيه مال ازان الخميس بعد ثلاث ايام يعني
نزلت جنوب من فوك الضحكه مرسومه على وجها بس وكلبها ....
جنوب... ها خيه وين صافنه
سيرين... شلون صرتي ؟
جنوب... چا انه شبيه
سيرين... لاتخفين الوجع بكلبج
جنوب... تهون والله كريم
جنوب...
هواي اشياء بسيطه رسمتهن بمخيلتي سعاده وي حبيب وزوج يحبني واحبه
ابد ماجنت متوقعه بين لحظه ويوم هالاحلام تتناثر وتصير رماد
ماجنت متوقعه الشخص البنيت احلامي وسعادتي وياه هوه الي راح يهدمني
جرح انحفر بكلبي وينهش بروحي خلاني اكره روحي لان جربت احب ...
تمنيت كل السمعته والوجع العشته بهاليوم يطلع حلم واكعد منه ...
اريد اوكف بوجه واعاتبه اريده يجاوبني ليش هيج يكسرني ويكرهني بروحي انه شنو ذنبي حتى يخليني احبه واتعلق بيه
ليش سوا هيج اذا هوه موكدها !!!
_ نزلت جوا من بعد ماكتلت روحي بالبجي اريد النار البكلبي تنطفي بس احسها جاي تحرك بداخلي اكثر واكثر
لاكتني سيرين تعاينلي بشرود وصافنه هالبنت تحير بغيرها اكثر من نفسها
رحت للصاله واستوقفني كلامهم وهمه يحجون بخطبته شيصير هسه لو اني اشاركهم هالفرحه ؟
كعدت يمهم واني احس كلامهم جمر وينزل على كلبي اريد اتعود اريد اتقبل الواقع العيشني بيه
عاينت لضرار يباوع عليه ، اعرفه مشغول باله وياي وروحه حتضل تلوب علما يعرف البيه
بالنسبه الي ضرار ابوي واخوي للحظه تمنيت لوابوي جان عايش
اريد اكله بنيتك كسرو كلبها ....
سيرين...
حسيت بخنكه ابد موطبيعيه طلعت برى بالحديقه اشم هوى كعدت بالكاع
ودموعي لااراديا تجري حاسه نفسي بغربه ابد موطبيعيه عكد ماحاول اتعود عليهم
بس ماجاي اتقبل الواقع الي اني عايشته يوم يوم احسب لشوفته اهلي طولت غيبتهم وغربتي عليهم
حيقرب الي سنه واني ماشايفتهم كلبي طاك عليهم وشحالهم هسه ...
سيرين... انه جسمي هناه بس روحي يمهم عجزت اوصف شعوري واني بعيده عن اهلي
طلع بسول عصبي نار وبيده جكارته بس وشافني عكد حاجبه واجى كعد يمي
بسول... خيتي شمالج
سيرين... مابيه شي بس شوي مختنكه
بسول... اعرفن شنهي البيج بس الله كريم انشالله تردين
سيرين... شوكت يجي هاليوم موتعبت
بسول... سلامتج من التعب
سيرين... ممم شبيك انت ليش هيچي عصبي
نفخ دهان الجكاره بضيق وحجى
بسول... ماعرفن البيه خويه واكع بين نارين وحاير
_قبل لايكمل طلع ضرار شافنا ابتسم واجى كعد يمنا
ضرار... خير اليوم كلها متكدره
بسول... مادري والله
سيرين... خليها بالكلب
ضرار... هسه اطلع هالكلب واعرفن شبيه
سيرين... هففف حتى على هاي لازم تدخل نفسك
ضرار... اي
بسول... يله خويه انه حروحن
ضرار... لاتطلع بهالليل
بسول... عدي شغل شوي وارد
ضرار... الله وياك
بسول...
طلعت من البيت وانه حاير وين اروح رجليه اخذتني الها لااراديا
ماجاي تطلع من عكلي تعبت وانه افكر بيها والتعبني اكثر وانه احاول انساها وابتعد عنها وصلت يم بابهم
وانه اتخايلها فجأه وتطلعلي كلبي مشتاك الها
تراجعت شوي وانه اعرفن الجاي اسوي غلط مزوج وبركبتي مره
عاينت من بعيد اجى حيدري ودرغام
حيدري... هم رديت
بسول... كلولي شسوي حاير
درغام... خويه امشي ماتفيدك شايف اذا الكبير درى الا يشك ط***
بسول... ماكدر انه اذا مو كل يوم اكحل عيني بشوفتها ماينحسب عليه يوم
حيدري... امشي وربك يحلها والله بيت حطام كلها واكعه الله يعينهم
درغام... اته فكر بروحك
حيدري... انه حرت بروحي انوب الوالد يكلي اذا ماتزوج ازوجك غصب مخربط بالاعدادات عباله بته الصغيره انه
بسول... چا شعرضك صير البكدك عدهم جهال
حيدري... چا غير الكا وحده بالاول يالله ازوج لو خري مري ازوج وهايهيه
درغام... اروحن اجيبن حليب وحفاظات للاولاد احسلي ضلو مثل الكـ*** واحد مكابل الثاني
حيدري... خويه امشي وهذا خلي يشوفله حفاظات تناسب طـ*** جهاله
بسول... امري لله امشي
زكريا...
اسحلاحي بيدي واتلفت بين الزرع مثل الحراميه موخوفا منهم بس اخافن يشوفوها وياي وتصيرلها مشاكل ... وكفت اتانيها يم مجانه مثل كل مره
شوي واجت تتلفت والخوف باين بعيونها
رويحتي تلوب عليها وعاشكها من سنين ومنورا المشاكل بين العشيرتين والكراهيه صعبه يرضون اخذنها اذا ماصار الصلح بينهم وانحلت المشاكل بس وعدتها تصير الي عبن اذا ماوفيت بوعدي شاربي ازينه جدامها
زكريا... هـا رويحتي
شذر... يهلا شتاكيتلك
زكريا... هالكم يوم ماكدر اجي عبن حروحن للحله ولازم اضل هناك
شذر... لشوكت نضل هيج
زكريا... اصبري ماضل شي عبن انه حجيت لامي عليج وهيه تقنع ابوي، بس ماضل غغـيـر جدي وانه اعرفنه مايرفضلي طلب بس لودرا انه رايد وحدة من صوبكم ماتوقع ردة فعله
شذر...شوفلنا حل انه ماكدر اضلن اشوفنك بالختلات وياساعه يشوفوني اخواني واقرا علئ ارواحنا السلام
زكريا... لاتخافين انه متاني بس حتى نلاكي الرجال واذا لكيناه كلشي راح ينحل
شذر... وففف شوكت تلاكو
زكريا... مامطولين انشالله عايني اريدنج تشوفيلي البت
شذر... انه شفتها بس من جابها لبيت الحجي بعد كم يوم اروحن يم عمي ويمكن هناك الاكيها
زكريا... لاتحسسيها بشي بس اطمني عليها
سيرين...
بسول طلع وضرار بقى برى رهف ضلت يم عمتي وانه صعدت لغرفتي احس روحي تعبانه بدون سبب ومالي خلك لايشي غير النوم
رحت اخذت ملابس ودخلت اسبح خلصت وطلعت لكيت ضرار بالغرفه وبيده المسدس
صابتني رهبه من شفت المسدس بيده وعطت
عاين عليه مستغرب عاف المسدس من ايده واجى عليه
ضرار... شمالج بويه
سيرين... ل ليش جايب المسدس
ضرار... جنت انضف بيه
سيرين... وففف مشصابني
_ سحبني من خصري وباسني بخدي
سيرين... ااوي لحيتك تبزز يالشويب
ضرار بضحكه... هههههههاااي يالفصمه ماشايفه الشويب من يكضج شيسوي
سيرين... لاا ماريد عوفني
ضرار... هسه انه شمسوي
سيرين... تحضن وتبوس بيه موعيب هاا
دفن راسه برقبتي وباسها
ضرار... فوك ماكاطعه عليه المي والكهربا وحتى البوسه ناشفه
سيرين... والله يبعدي هذا الموجود
ضيق عيونه وعض شفته
ضرار... خلينه شوي نطور
سيرين... لووين !!!
ضرار... لشفافج
سيرين... ياااا وخررر
ضرار... بويه حتى حرام عليج وين حقوق الزوج وين رضا الزوج
سيرين... هههههههههههه
ضرار... ها شكلتي
سيرين... ماريد
ضرار... بكيفج انتي الخسرانه ، سكت ورجع حجى فصمايه ملاحظه شي ؟
سيرين... شنو !!
ضرار... صايره تميلين لكربي
سيرين... ها
ضرار... ماريدن ترجعين تعيدين لغلط وتمثلين بمشاعرج سيرين خليج واضحه وياي وعيونج
السربتن كلبي التردي يجرالج
سيرين... اي بس هالمره مجاي امثل بمشاعري اعرف غلطت بس الغلط الاكبر منك
ضرار... وانه كتلج كبل نصلح اغلاطنا والجاينه احسن
سيرين... وأهلي ؟
_ بلع ريكه وعاين عليه سحبني عليه بقوه وطبك شفايفه على شفايف
باسني بوسه خفيفه ووخر
ضرار... ماريد الامور تطور امشي نامي
سيرين... شسويت ؟!
ضرار... بستج
سيرين... وخرررر شلون تجرأ هاا
_ وخرت منه ورحت دفنت نفسي بالبطانيه واني احس كلبي صار بمعدتي اول مره يتجرأ ويبوسني متعوده اذا باسني من خدي لو من كصتي
حسيت روحي صخنت من المستحه الشويب بس لاقصده الامور من تطور يضل يبوسني من شفايفي
_ماحس غير الغطى ينشال اجى نام بصفي وسحبني عليه وحظني وجهي مقابيل وجهه انفاسنه متخالطه ونظراته الخبيثه تتوزع على معالم وجهي وابتسامه خفيفه مرسومه على ثغره
سيرين... هخخ وخر حتى بنومتي لحكتني
ضرار... انه بكل خطوه وراج
سيرين... ماريد حل عني احسلك
ضرار... ها شكلنه على لسانج ؟
سيرين... شكلت
ضرار... هم كلما تجفصين بكلمه لوتحجين حجايه ماتعجب هالسان امعطه
سيرين... اوي وخررر مننني انت شطحت عالترابي
ضرار... خل نتسامر اليوم
سيرين... شنو
_ بدون مايجاوبني دفن راسه برقبتي وحظني
سيرين... ضرار
ماجاوبني خلا راسه برقبتي يشم بيه وحظني
دفعته بخفه وهوه سحب ايدي وقبض عليهم همس يم اذني بخفه
ضرار... اششش لاتتحركين جواي
سيرين... عفيه شدسوي
_ماصحيت غير على كرصه بخصري حسيت نشال الجلد
سيرين... اااه
ضرار... اششش لاطلعين صوت خرب بالك***
عاينتله العرق يصب منه وعيونه حمر يتنفس بسرعه
سيرين... ضرار شبيك
غمض عينه بقوه وبلع ريكه
ضرار... سيرين كومي لبسي لاانهيج ماريد أاذيج
حجى اخر كلمه وكام مني راح اخذ ملابس وراح للحمام
عاينت لنفسي بس بملابس الدخليه دشداشتي وينها
ضربت على صدري والعن بروحي
سيرين... ياايمه تسوفلت من ورى الشويب شعامل بيه وانه شمالني نسيت روحي
_ كمت بسرعه قبل لايطلع خذت دشداشه لبستها وطفرت بفراشي
التوتر والرجفه خذتني اريد استوعب حالي والصار
ستسلمت للنوم وهوه ضل كاعد
لثاني يوم العصر اجى ازان عرفت جيته على جنوب هيه بس لمحته عاافتهم وصعدت لغرفتها
ومادخلت بينهم عفتها براحتها بس نظرات ضرار ملاحكتها وخايفه لايكون يدري ومغلس
وهيه كل وكتها مكضيتها بجي بغرفتها وحتى اكلها كطعته من وراه
وحتى هوه أيس من شوفتها خلا وراح .. لحد بيوم مشيته محد راحت بينا بس عمتي بديعه وبدور الحجيه تعبانه من رجليها متكدر
واحنى اصلا مرايدين نروح بس الولد والحجي كلهم راحو
لليل يالله رجعو وهم بوكتها رجعه رضوان من السفر وهم اطر يرجع يسافر وازان زعل منه لاحضر مشيته ولاراح يحظر خطبته
خلو لمتهم يمنا للصبح واحنى لمتنا بغرفه البنات بس جنوب على حالها وكلمالها تصير أسوا
_ قبل يومين من خطبه ازان مثل كل مره اخلص شغلي واصعد لغرفتي ورهف تضل يم عمتي ومرات يمي
رحت سبحت وطلعت امشط بشعري ودخل ضرار وجهه مايتفسر من العصبيه والمبايل بيده
حتى خفت لاتجيني تايهه منه
عفت شعري على النص لفيته ورحت غطيت راسي وهوه يتصل مدري بمنو يفشر ويعيط
ضرار... عاين لك س*** تسوي الكتلك عليه وتروح تشوف وانه باجر جاي_مالك شغل لاصير براسي شريف وانت ط*** _ يله الله وياك
_ سد المكالمه وماسمعت صوته
ضرار... سيرين
سيرين... غلست عليه سويت روحي نايمه
ضرار... ويامن احجي
سيرين... وخرت الغطى وعاينتله ،هاا
ضرار... باجر رايحين لبغداد
سيرين... هوه كلي هيج وفزيت من نومتي،ليش شكو شنسوي
ضرار... ماكو شي بس كم يوم ورادين
سيرين... اي وخطبه ازان باقيلها بس يومين
ضرار... لاتناقشين وباجر رايحين بس انه وياج
سيرين... راح نزع فانيلته واجى سحبني عليه ونام
سيرين...ضرار شصاير ؟
ضرار... ماصاير شي
سيرين... ليش هيچي فجاه تريدنا نروح لبغداد
ضرار... احسن
سيرين... همم
_ للصبح هوه كعدني حتى احضر روحي لبست بنطرون وبدي من الجبتهن ومكياج خفيف
شافني ماحجى ولاعلق على ملابسي وهنه مابيهن شي مستورات
حضرت جنطه لملابسنا واخذت بس الشغلات النحتاجهن
خلصنا ونزلنا جوى الولد جانو كاعدين حتى يرحون للشغل
حطام... ها بويه رايح
ضرار... اي جدي هم يالله
سلافه... چا اته شغلك الاهسه يطلع والغاكه شسوي رايحه وياك
ضرار... هههههههاااي
ندسته بزنده الشويب يضحك عليه عفتهم ورحت اودع البنات ورهف نايمه
صاحاني حتى نروح طلعت جان واكف هوه وبسول يحجون
ضرار... بس تخلص الخطبه وارد
بسول... چا انت شسوي رايح
ضرار... احسن حتى مناك يجيني
بسول... هايهيه
ضرار... ديربالك على الحجيه وكليوم مرلهن خافن محتاجات شي وخلي الولد يمرولهن كلساع
بسول... لاتوصي انه موجود
ضرار... يله انه رايح
بسول... الله وياك
_ مشينى وطول الطريق ساكتين واتصالاته الي متسكت تقريبا للعصر وصلنى لبغداد عبالي حياخذني لنفس الشقه الجنت كاعده بيها
بس اخذني لمطنقه راقيه وحلوه كلش
سيرين... وين اجينا
ضرار... عندي بيت هناه وكلما اجي لبغداد اكعدن بيه
سيرين... ليش خليتني بالشقه اذا عندك بيت
ضرار... موبس انه اجي الولد دومهم
سيرين... بس وين احنى هسه
ضرار... الكراده
سيرين... اي
نزلت انطاني المفتاح وهوه صف السياره دخلت جان اكو حديقه صغيره مليانه ورد متت عليها
تصميمه جان بسيط وحلو وصغير يعني موجبير كلش
مأثث وكامل حتى نظيف
ضرار... شلونه عجبج
سيرين... كللش
ضرار... يله روحي بدلي وارتاحي وانه اروحن اجيبن غدا واجي
سيرين... تعوفني بحدي
لزم ايدي وباسها
ضرار... هسه ارد ماروح بعيد
سيرين... ماشي
راح هوه واني ضليت اكتشف بالبيت مريح كلش وهادئ رحت لغرفه النوم
سبحت ومشطت وشعري يرادله وقت يالله يتمشط وهوه لسه ماجاي
خلصت وخليت مكياج خفيف ردت اطلع وانفتح الباب
سيرين... ضرار
ضرار... كل هالحلاه الي
سيرين... لا
ضرار... كوا تتحارش بيه وانه رجال كاتله الحر والبرد
سيرين... هههههههههههه
_ سحبني عليه باسني من رقبتي وخر
سيرين... جعتتت
ضرار... شرأيجج ناكل غير شي
سيرين... تؤ كلشي ماريد
ضرار... هخخخ من جابر
سيرين... ضرااار
ضرار... ها ها
سيرين... هففف يله كافي
ضرار... اكضج يولا
سيرين... تراه هسه انه بحضنك شتكض
ضرار... ها
سيرين... ها
ضرار... احم هوه شسمه عفت الاكل بالمطبخ روحي اكلي
سيرين... وانت
ضرار... بس اسبح واجي
سيرين... حنتظرك
_ عفته ومشيت بين ماحضرت الاكل ورتبته بصينيه اجى
اجى وكعدنا ناكل هوه ملتهي بمبايله واني الفضول ياكل بيه اريد اعرف شيسوي
ضرار... وتالي وياج !!
سيرين... شنو
ضرار... انتي ماتطبطلين دخلين روحج بكلشي
سيرين... اوي وهسه انه شمسويه
ضرار... كملي اكلج وامشي نامي
_ سكت شوي ورجع حجى
ضرار... سيرين جنوب بيها شي ؟
سيرين... هوه كال هيج والكمه طلعت من خشمي اريد ابلعها ماكدر وكفت بلعومي حسيتها
صار يدك على ظهري هوه ايده خشنه نوب اني مخنوكه فسخني تفسخ
شربت مي يالله بلعتها
ضرار... الله علكيفج شمالج
سيرين... اجر النفس بلكوا واحجي،ايدك
ضرار... شبيها
سيرين... كسرته لظهري وخر
وخر ايده ويعاينلي
ضرار... اي وين جنى
سيرين... جنى ناكل
ضرار... احجي
سيرين... شحجي
ضرار... وحك علي اذا ماحجيتي اعلكج بدال البنكه وشوفن شلون ظمين عليه
سيرين... عشتو والله الشويب تخوفني
_ هوه عيونه صارت بكصته عاف المبايل واني دفعته بايدي ورحت طكيتها ركضه للغرفه صرت مثل النمر الوردي حتى مالحك عليه
قفلت الباب واجى يدك ويتوعدلي
ضرار... ااااافتحي
سيرين... اريد انام لاتزعجني
ضرار... ههههههههااااي تدللـين
_ رحت بخفه اتسمع ماكو لاحس ولاحركه
سيرين... فلك صابك يالازرك هسه اني شبيه ندكيت وياه نوب يسحل بيه البيت ومحد بحالي
رحت لفيت راسي ونمت من التعب حتى ماحسيت بروحي
ماكعدت غير على ركعه قويه عبالي صار اعصار كمت اريد اندل دربي وعيوني مغمضات
وماحست غير واني واكعه على وجهي صرخت بصوت
ضرار... الله الله بويه شماالج كومي
سيرين... يمههه شصاار
ضرار... شني ؟؟؟
سيرين... ضرار شهل صوت وشلون دخلت
ضرار... بس دفرته انفتح
سيرين... وففف كلبي شلون سوي هيچي والله عبالي صار شي
ضرار... بربوك صالي ساعه واكف وادكن بالباب واتي نايمه من العصر
سيرين... ماادري ولاحسيت بنفسي وخر شوي مني
_ كام وشالني كعدني بطرف الجربايه ويعاين
سيرين... شهل نظرات وخر
ضرار... انتي تتحارشين بيه
سيرين... هههههههههههه انه شوكت
ضرار... ماعرف
وخر مني ومبايله وكع انه صابني ثول ودفرته برجلي جوى الجربايه
ضرار... خرب بالك*** موراح اكسر رجلج
سيرين... شمسويه
_ خزرني ودنك يجيب المبايل هوه ضخم والمبايل صار جوى
اشو ماحس غير رافع الجربايه واني كاعده طلع المبايل ووخر
سيرين... انت جاي تدرب عليه لو شنو ؟
ضرار... بعدين ادرب عليج كومي خل نطلع
سيرين... اي ماشي
_ سمعت بيها طلعه حتى العركه نسيتها رحت بدلت وخلصت قبله
طلعنى وضلينا نتمشى بدون السياره الاماكن جانت تخبل ومزدحمه الدنيا ليل بس الناس بعدها
رحنى لمطعم وكلشي اريده ينزله تذكرت اول ماجابني جنت رايده اخسره فلوسه اخذت نص المطعم هسه المن اخذ
ضرار... اعرف بيمن تفكرين اكلي وخل نروح
سيرين... ها بشنو ؟
ضرار... سيرين وبعدين وحتى اذا تردين تاخذين اكل زايد اخذنه بالبيت واوكله الج غصب
سيرين... اي ماشي هوه راح اكل على كدي
ضرار... عفيه
_ تعشينا وطلعنى بالرجعه جان اكو محل ملابس مثل المول كتلت روحي عليه والوقت جان متأخر علما اخذني يالله سكتت عنه
يمكن نص الفلوس صرفتهن عالملابس اني عندي كومه بس مدري شبيه ماشبع من المشترى
اخذت وياي للبنات والي اخذت قطع قصيرات كلش ومخصرات عالجسم وعطورات وبوكس مكياج شتريت
رحت للعامله حتى تحسبهن خلصت رحت اخذت منه فلوس ووديتهن
سيرين... ضرار عفيه شيل نصهن
ضرار... تالي عمري اصيرن حمال لبت جابر
سيرين... هفف وخر اني اشيلهن خافن اتعبك
ضرار... ههههههه جيبي انه اشيلهن
_ اخذهن من ايدي واني لازمه ايده وكلما يريد نرجع ماقبل علما فريته فر وكعت رجلينن من المشي يالله رجعنى
اول مارجعنى رحت طكيتها ركضه للغرفه ارتب بالملابس
عود اريد امكيج صرت جني السحاره التطلع وي توم وجيري
سيرين... خرب حظي باع شلعبت بحالي
رحت للحمام غسلت وجهي رجعت اخذت دشداشه من الجبتهن لبستها
خليت بس حمره هاي الاعرفها وحليت شعري على طوله
سيرين... الله شكد حلوه والله الشويب نياله بيه
دخل للغرفه ضل يعاينلي ويضحك
ضرار... الشويب لازم بكل كلمه تكوليها تذكري
سيرين... احس الشويب لايكلك اكثر
_ اجى تقدم عليه لزمني من ايدي وسحبني عليه
وعيونه تتفحصني
ضرار... ليش هالكد حلوه ؟
سيرين بكلبي... اني شبيه ماكعد هسه هذا شلون يوخر نوب لابستله ازرك ومحمره هيهي كملت
ضرار... وين صفنتي؟
سيرين... ها شنو
_ ماجاوبني لزمني من راسي قربني عليه وباسني من خدي
لزم ايدي بقوه خلاها ورى ظهري والايد الثانيه لازمني من خصري
سيرين... ضرار
ضرار... سيرينه كافي صبرت هواي
سيرين... شنو !!!
_بدون مايجاوبني دفن راسه برقبتي وبوساته صارت تتوزع على معالم جسمي نزل ايديه اثنينهن على خصري بقوه
نزل نفسه شوي وماحس غير وهوه شاك الدشداشه على طولها
_ لحظات بين يدي معذبي
انفاس متخالطه ,همسات هادئه ,لمسات قاسيه
بعيدا عن العالم عن الكـره الي محاوطنا بهمساته نساني نفسي وضعت بحظـنه
بين الصاحيه والنايمه وهوه مقوي قبظته على ايدي همس بكل هدوء وحنيه
ضرار... شما اصيرن قوي بس حضنج يضعفني
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!