"٤١"
ثأرهم وبنت الفقير
سيرين لـ ضرار...
اجيك من الصور للطيف
احضنك چذب بأحلامي
واگلك هاك ،
انا بدونك صور
متشابهة ايامي .
فلاش باك .... قبل سـاعات
انور... انتبه للطريق
ضرار... ولك طفيت كلش ومانايم من البارحه
انور... يمعوده ماضل شي ونوصل
ضرار... خل نصف شوي
انور... اي يلا
_صفينا يم كشك الليل بنصه وصوت الجلاب بعيد علينا
رحت على جهه لكيتها متصله اتصلت عليها مجاوب اكيد نايمه دزيتلها بصمه صوت
ضرار... دير بالج على روحج
تنهدت حسيت روحي صارت بصوتها احتاجيتها بهالحظه بكلشي بيه
تانيتها تجاوب عرفتها نايمه رحت يم انور يعاينلي ويضحك
ضرار... شمالك فاك حلكك
انور... مشتاك لبنتي
ضرار... هالرادين ماضل شي
انور... هخخ ولك
ضرار... شمالك ؟
انور... ولاجنك ابن عمي
ضرار... جا
انور... جنك مرتي
ضرار... هوه الماينام هيج يصير حاله
انور... ههههههه مووصوجك بس بعلي اشوفن روحي بيك صاير عدي اعز من روحي
ضربته على كتفه بخفه
ضرار... كلبي لاعب عليك
انور... دتعال ابوسك
ضرار... منا الوادم لاتخليني افلش سنونك
انور... هههههههههههه
ضرار... يلا امشينا
انور... اي يلا
ضرار... مشينا وكلساع مارين بسيطره والنعاس شوي شوي بدى ياخذنا
انور... شكد ضل ونوصل
ضرار... ساعه
انور... ولك ضرار ديربالك على بنتي
ضرار... استغربت من كلامه بلعت ريكي وعاينتله ... شني ؟
ماحس غير واحنا متصادمين بسياره دست بريك حتى اوكفها بسرعه نكلبت بينا انور من حلا روحه شمر نفسه من السياره واشوفنه صار جواها
العوده للحاظر ....
بسول... ضرار وانور مسوين حادث
سيرين... هوه كال هيج وكان صاعقه ونزلت علينه عمتي بسرعه وكعت من طولها والولد يردون يستوعبون الموقف انه للحظه حسيت كلبي راح يوكف ارتديت ليوره وكعت
عزام... رد خاابر علللليهم وين هسه همه
بسول... اصبر
سيرين... ضلون يتصلون على ارقامهم فوك العشر مرات يالله احد جاوبهم
بسول... بطريق الرده مكلوبه بيهم السياره واحد منهم صاير جوا السياره وحالته خطره والثاني مايعرفون حاله
بديعه... يمهه ااابني فدووه اغديلك اخذني اله
حطام... اهدي خنشوف وينهم هسه
درغام... ااامشونه حيدري خابر على رضوان يلحكنا
سيرين... همه طلعو وانه تلاحكيتهم حتى نسيت حالي الشال وكع من راسي والدشداشه خفيفه كلش
لزمتني دانه ودفعتها طلعت جانو يردون يصعدون اجى حيدري عليه عيونه حمر وعصبي
حيدري... خويه ردي وين جايه
سيرين... فدوه خل اجي ويااكم
حيدري... مووكتها والله انه اطمنج اذا عرفت شي
دفعني جوا وسد الباب كعد بالكاع ابجي وانحب اجت دانه كومتني كلها اوضاعها تخربطت عمتي تدك وتطلم والحجي بلكوا واكف على حيله ضغطه صعد
شوي والبيت نكلب كلاب وزودتها ام انور كاتله روحها بالبجي
هنه كاعدات بالصاله وانه كاعده على بايه الدرج دموعي متحجره بعيني والشهكه تزرف بكلبي وادعي بكلبي كون مابيه شي دخلت دنانير من برى تبجي وتنحب
عاينت عليه وغمتني
دنانير... هااا يالفكر ارتاحيتي من يوم الاجيتي وكلها نكلبت كلاب من يوووم الجبتج وانتي كسحتيني ماضلت مصيبه ماوكعت على روسنا وهسه جيتي وطيرتيها كلها يالغاكه
مالكه... كصتها فكر علينه هالططوه ماوراها كل خير
رضيا... بسجن البت شعليها لوشفتن رجلها موهنا وهكتن بيها
اردفت بتعب وحده
سلافه... وعلي اذا وحده بيجن حجت لوسوت مشكله اكومن اكسرها بالعصه واطردها من بيتي
_عفتهن وصعدت للغرفه لكيت رهف كاعده وتبجي ونوب انه كعدت ابجي وياها بدال ماسكتها صارت هيه تسكت بيه
سيرين... شففتي والله جنت حاسه حيصير شي انه فكرر على كولتهن منوو بعد حيمووت بسبب فكرري رباب راحت وهسه ضرار وانور مانعرف حاالهم يربببي دخيلك لاتفجعنا بأحد بيهم
تمدتت بالكاع بوضعيه الجنين ولساني ماتعب من الدعاء ابجي واشهك احس الالم بيه حااسه بيه متأذي وموبخير
شوكت وشلون وانه قبل ساعه احجي وياه كال ديربالج على روحج ليش هوه مدار باله على نفسه
رهف... ابه
سيرين... انشالله يرد بخير
ميس...
نايمين بليل وماحس غير المكالمات تتراكع كام رضوان يجاوب فتحت الضوه اعاينله عيونه جحضت وجهها اصفر سداه ورااح بسرعه عالكنتور يطلع ملابسه
ميس... خيير شصاير
رضوان... ضرار وانور سوو حادث وهسه همه بالمستشفى
ميس... سمعت هيج وكان واحد كفخني من صدمتي اريد استوعب السمعته
لاااا يمههه اااخوي شبببيه
اجى عليه لزمني ويهدي بيه
رضوان... ااهدي انشالله ماكو شي
ميس... الله يخليك اااخذني ويااك
رضوان... بعدين اخذج وعيونج خل اروحن هسه الولد محتاجيني
ميس... عافني وطلع كمت اخذت شالي نزل عمي من فوك وانمار الاتصالات ابد ماسكتت نزلت جنوب من فوك فحطانه من البجي همه راحو وضلينا ننحب ونبجي مانعرف شصار وياهم عمي شوي واجانه حتى نروح لاهلي لبسنا بس العبايات من الاستعجال لبست نعال تك وتك
اول ماوصلنا صوت العياط والبجي يرن بأذني
دخلنا واشوف مرت عمي وامي فحطانات من البجي عرفت السالفه موهينه
ميس... يمهه اخوي وينه
بديعه... وليييدي ولجج ماكو عنه خبر لاححس ولانفس منهم
جنوب... انشالله ماكو شي خل نتانيهم
لطمت على صدرها وشهكت
رحاب... ماتدري شحالهم واحد جوا السياره صاير والثاني مايدرون ميت لوعايش
ميس... اسم عليهم كاافي بجييي بيش متفاولات عليهم
دنانير... خايبه شمالج اركدي اجيتي تصيحين
جنوب... عفتهن وصعدت لغرفه سيرين ادك بيها متجاوب وبس صوت البجي مال رهف
سييييرين فتحي الباب ،وينننجج
خفت لاسوت بروحها شي نزلت بسرعه عليهم
جنوب... جده سيرييين مالها صووت وقافله الغرفه
سلافه... ولجن مابينه حييل خافن سوت بروحها شي
مالكه... مايصيبها شي عياره نسوان هاي
عفتهن ورحت صحت عمي اجى هوه وهارون كسرو الباب بالدك مينسمع صوتها بس صوت رهف ناطه من البجي
هارون... البت كاعده ورى الباب اذا نكسره يوكع عليها
ذاكر... والحل
هارون... هسه اجي
_ راح نزل شوي واجى بيده مثل الحديده حاده ضل يفتح بطرف القفل علما انفتح
دخل هوه بلكوا، سحبها من ورا الباب دخلت اعاينلها وجها ازرك وساكنه لاتحرك أيد ولارجل
جنوب... دخيلك يااربي شبيييها
هارون... امشي جيبيلها عبايه بسرعه
رحت جبت العبايه شمرتها عليها شالها هارون وانه شلت رهف نزلتها جوا وكلها تتسأل شبيها وشصار اخذناها للمستشفى ماكو غير الممرضات والدوام بعده مابادي اخذوها واحنى بقينا ننتظرها برى ساعه يالله طلع الدكتور
هارون... بشر دكتور شبيها
_البنت متعرضه لذبحه صدريه
من الصدمه لطمت على وجهي حسيت توازني اختل
جنوب... يمه اسم الله وهسه شلون صارت
_مانكدر نحدد هسه حالتها مومستقره ننتظرها تكعد
... الدكتور راح وعافنا بصدمتنا وكعت بالكاع ابجي وانحب
جنوب... ضرااار وين رحتتت تعااال شوف ريحانتك شصار بحالها يربببي شهل مصايب نزلت علينه
هارون... خلاص اهدي انشالله مابيها شي
خليت ايدي على وجهي واشهك بالبجي
جنوب... شلون مابيها شي سمعتهه شكاال
هارون... نتاني الوضع يستقر ونشوف تاليتها
ميس...
مخليه ايدي على خدي وصافنه حتى تعبت من البجي من جهه انور وضرار مانعرف حالتهم ومن جهه سيرين مانعرف شصابها
اردفت بتعب
بديعه... بنيتي خابريهم شوفي شبيها البت
ميس... اتصل على جنوب مجاوب هسه اشوفن هارون
كمت منهن طلعت برى ورهف اجت تركض تثاوب وبلكوا مفتحه عيونها اتصلت على هارون شوي وجاوبني احس بكلامه حتى حيلي انهد
ميس... فلكك شنييي ذبحهه وهسهه شحالها
هارون... بعدها ماكاعده نشوف علما تستقر حالتها
ميس... الله يخليك خابرني وطمني عليه
هارون... انشالله
ميس... سديته منه ورحت كعدت يم جدتي
بدور... ها بشري
اخذت نفس وزفرت بخنكه
ميس... متعرضه لذبحه قلبيه
لطمت على وجها وصرخت
بديعه... البتتت راحت فلك ااسود نزل عليننه من يرد ضرااار شكله مرتتتك بالمستشفى تلكاها
دانه... عمه اهدي فدوه انشالله مابيها شي
رضيا... حقهاا البت جا مواستلمتها الخوثه والبومه
دنانير... حجت ام العثك
رضيا... الله عليجج ولجج موبتج مايحن كلبج عليها غيرجج يتمنى البزر وانتي شامره نعمه الله
سلافه... لاتعبين بالحجي وياها هايه لاتهما بزر ولايهمها شي ام الفطور
مالكه... شبيحن ستلمتنها علكيفجن شسوت
ضربتها بالعصه بخاصرتها لدرجه عضت اصبعها حتى تكتم صرختها
سلافه... لاشوفيني ساكته ومانطكت كلمه وحك علي ادوسجن هناه واشوفن ياهي تفك حلكها
رحاب... بسجنن من هالحجي شجاجن
باسمه... شمالج حجيه جا عالاقل احترمي وجودنا
سلافه... انه التكعد بنص بيتي وماتحترم اهل الدار لاحترمها ولاريدنها تعتب الباب
دنانير... هايهيه حجيه وصل بسمارج
خلت العبايه على راسها وراحت وتلاحكتها امها باسمه ومالكه ،روحه بلا رده
طلعت رقم رضوان اتصل عليه ميجاوب للصبح
واحنا على فرد كعده خابرو على عمي هجاس
منتظرينه يحجي
ضل يحجي وياهم ويستفسر سداه تنهد وحجى
هجاس... ناقليهم لمستشفى**** حالتهم خطره لويضلون يو لا
حجى هيج وامي وكعت على طولها ماحركت ساكن احس كوا واكفه على حيلي
ماريد اخسر ابوي مره ثانيه تيتمت وانه بعمر صغير لاشفته ولاشفت حنانه بس ضرار كلما اعاينله وكأن جاي اعاين لابوي
كلشي بيه حنيته,خوفه,دلاله,اهتمامه هوه الي رباني وصارلي اب ماممكن اتخيل اخسره بهالطريقه
اوضاعنا كلش تخربطت كاعدين بالبيت وبس على مخابرتهم نتطمن عليهم
بقى بسول ورضوان ودرغام باقي الولد رجعو لان مايخلوهم وحتى وجودهم ماله فائده دامهم بغيبوبه ومايعرفون شوكت يكعدون وحالتهم كلمالها تنتكس
اتصلت على جنوب جاوبتني بلهفه انه ماتحملت ضليت ابجي واشهك
ميس... ولجج راح اخسر ابوي مامعروف شحاله هسه وفوكاها يكولون لويضلون يولا
جنوب... وفففف موبس ابوجج ولجج ميس صارلي أب وااخ معقولهه نخسره هيج
ميس... ادعي ربج مايصيبهم شي
جنوب... لساني ماسكت من الدعاء
ميس... سيرين شلونها
جنوب... وففف شحجيلج لحد هسه ماكاعده وعايشه عالاجهزه همزين تلاحكناها جان هسه اسم الله ميته وكلساع تختنك حالتها كلش سيئه
ميس... يربي اذا ضرار طلع وشافها هيج والله يموت
جنوب... ماعرف والله نشوف تاليتها
ميس... يلا انه حروحن اذا صار شي خابريني
سديته منها عاينت لرهف وملك حاضنات لعاباتهن والنعاس باين عليهن شذنبهن هسه
اخذتهن لغرفه امي سديت الباب ونومتهن
شفت مبايلي رجعت تصلت على رضوان جاوبني
رضوان... الو
ميس... رضوااان
رضوان... ااهدي ياعيني شبيج
ميس... اخوي ماعرف حالته وتكلي شبيج فدوه طمني شلونه
رضوان... انشالله خير
ميس... يرببي ااااحجي لاتخوفني
رضوان... انور حالته شوي مستقره بس ضرار كلش متأذي بأصاباته
هوه كال هيج انه ضليت ادك والطم دخلن البنات يهدن بيه وانه فاقده
ميس... ااااارييييد اااخووي خللل ياااخذ روحي بس لايصيبه شي
البنات نطن من البجي ويهدن بيه اجت دانه المبايل بيدها انطتنيا واني ماتوقفت عن البجي
رضوان... ولجج شسويتي شني هذااا حالج
ميس... احلفك بعزيز كلبك تعال ااخذني يم اخوي والله اموت واطك اذا ضليت هيج
رضوان... وين جايه بنص الزلم ادعيله يكومه بالسلامه وانه اطمنج عليه
ميس... يرببي موتنسى فدوه
رضوان... سيرين وينها
ميس... بالمستشفى
رضوان... شني ؟
ميس... صابتها ذبحه صدريه
رضوان... لااله إلا الله منو رااح وياها
ميس... جنوب وهارون
رضوان... سدي خلشوفهم
ميس... سديته منه وكعدنا ننتظر ساعات تمر ابطئ من الساعه
حاله انور مستقره بس ضرار حالته خطره سيرين مواقل منه وهيه على شي ساعه تختنك وتموت وحالتها كلمالها تنتكس أكثر
مر اربع ايام واحنا لاليلنا لليل ولانهارنا نهار انور من بعد خمس عمليات صاير فطر براسه ونزيف حاد مسببه تهتك لانسجه المخ
من غير الكسور والرضوض الي بجسمه والي احتمال جبير يكون فاقد الحركه بأعضاء معينه من جسمه
ضرار حالته استقرت كلش بس الاصابات الخطره بأنور متأذي كلش
اضافه انو لحد هسه يسوون فحوصات ويردون ليورى إصابات الأنسجة الرخوة وهيكل الرأس والعنق
الحادث جان كلش جبير وخطر بحيث بساع انتشر عالمواقع ومدى خطورته
السياره الي ارتطمو بيها صاحبها مابي جروح بليغه بس سيارتهم متضرره كلش بحيث شفتها شلون مكلوبه ومتكسره تكسر حمدت الله وشكرته لان طلعو منها عالصوره الشفتها جانت مدعوسه بالكاع ومشتعله نار
جنوب....
ضليت اروح وارد للمستشفى وانمار وياي سيرين حالتها ماتغيرت وعلى حطتها خليت انمار ورحت للكافتيريا احس راسي صاير طبل
منا سيرين لحد هسه ماكعدت ومن جهه انور وضرار حالتهم تخوف
اخذت جاي الي ولانمار وصعدت جان لازم راسه بألم وعيونه حمر
انمار... خل اوصلج ماتعبتي
جنوب... ماكدر اعوفنها كبل لاتكعد
انمار... وهااي المشكله اذا طولت اكثر من اسبوع يجوز تدخل بغيبوبه
جنوب... الله يشافيها
انمار... انشالله
جنوب... كعدنا شوي وطلع الدكتور من غرفه سيرين
انمار... دكتور بشر شلون صارت
_الحمد الله حالتها استقرت وكعدت بس لازملها راحه راح اكتبلها على ادويه ومغذي جيبوهن الها
انمار... وشوكت نكدر نطلعها
_هسه مانكدر نحدد الانتأكد من حالتها
انمار... إنشاءالله
ميس... حضرت الاكل وملابس وانتضرت واحد منهم يجي طول الفتره وهمه يتناوبون بيناتهم بس رضوان ابد ماشفته ولااجى ولاحتى اتصل ماهتميت وانه بالي يم اخوي وابن عمي
عفت الجنطه وعلب الاكل على جهه ودخل رضوان عاينتله تعبان كلش
رضوان... هلا بويه شلونج
ميس... شلوني يعني
رضوان... لاتخافين يكومون بالسلامه
ميس... ممم حضرت الاكل والجنط
رضوان... اي هوه اجيت اخذه
ميس... اي
رضوان... يلا انه رايح ديربالج على روحج
ميس... عافني وراح تنهدت من بروده فجأه اتصل مبايلي شفتها جنوب بسرعه رديت عليها
جنوب... ميييس سيررين كعدت
ميس... الحمد لله والشكر وشلونها هسه
جنوب... حالتها مستقره وانشالله كم يوم ونطلعها
ميس... طمنيني عليها
جنوب... ماشي يلا حروحن اشوفها
سيرين...
ماعرف شكد مر وقت وانه عايشه بوسط الظلام ماكو غير طيفه يمرلي غمضت عيني واني استرجع الحلم الجنت عايشه بيه
شفته يركض ويلهث من التعب عاينلي عيونه مدمعه ويهز براسه
ضرار... ريحانه ديري بالج على روحي
فتحت عيني عاينت بأرجاء الغرفه ودموعي تجري كلبي ينغزني وبلكوا اجى النفس الاجهزه محاوطتني وبس صوتها يرن بأذني همست بتعب وألم
سيرين... ضرار وينك عني ترضاها هذا حالي
دخل الدكتور للغرفه انتبهت لنفسي الشال نازل ورقبتي ظاهره خزرته وهوه مستغرب تصرفاتي احس وكأن مسويه غلط وغير ضرار يشوفني
جريت الشال وهوه فهم قصدي اتحمحم واجى يقيس ويتفحص
_معافاه انشالله
سيرين... دكتور فدوه وينه ضرار
_هسه اصيحه
سيرين... طلع من الغرفه وعافني اتذكرت اخر مره شلون كلبي تعب من القهر كتلت روحي بالبجي وانه ادعي كون مايصيبه شي حسيت بفراغ بكلبي,بحياتي,بروحي
وكأن راح يتمني انه وبنته ويعوفنا شهكاتي تعالت وكلبي الألم يعصر بيه حسيت بوخزات بكلبي وكأن احس احد ويطعن بيه النفس ضاك وحركتي نشلت شهكت اريد الهوى يدخل لريتي
ماكو احد يمي بس رهف تبجي اريد اكوم على حيلي مكدرت غمضت عيني وماذكر غير بس أسمه نطقته ... ضرار
دخلت جنوب للغرفه هيه وانمار اجو يتحمدولي ويحجون انه فاصله عنهم
سيرين... فدوه ضرار وينه وشلون صار ليش ماجاني
انمار... خويه يجيج بس اهدي مابي شي وحالته مستقره
سيرين... الله يخليك اخذني اله اريد اشوفه
انمار... اتعافي وانه اخذج بس علكيفج وي روحج
جنوب... اهدي وجهج صار ازرك شبيج
سيرين... ضليت اتنفس بقوه اريد تنفسي ينتظم غمضت عيني وابلع بريكي ... ريحانه دير بالج على روحج
تذكرت هالكلمه ودموعي تجري مثل الشلال همست بيني وبين نفسي ... حدير بالي على نفسي جيف روحك بيه
_ضليت يومين بالمستشفى بعدها كتبولي ورقه خروج مارضيت اروح دكيت رجل الاياخذوني لضرار انمار وجنوب وحتى رضوان يقنعون بيه حتى ارد وانه عاندت وياهم الااشوفه
رضوان... خيتي مووكتها الزلم تارسه المستشفى
سيرين... ماارايده شي بس اشوفه
رضوان... غير مره فدوه اغديلج لاتعبيني
سيرين... رضوااان لاتشلع كلبي اشوفه من بعيد الله يخليك
زفر بغضب وحجى
رضوان... بليل اجي اخذج بس لاتكولين لوحده منهن ماكو كلهن يردن يجن
سيرين... اي ماشي انتظرك
سديته منه مدلي انمار ايده وجنوب لازمتني وصلنا للبيت عمامه جانو موجودين كلهم وكرايبهم
دخلت جوا رهف جانت كاعده هيه وملك عالدرج مغندبات والعابات بيديهن اول ماشافتني صحكت واجت تركض عليه
رهف... امه ثينه (ماما سيرينه)
نزلت بمستواها مكدر اشيلها ضميتها لصدري ابوس واشم بيها
سيرين... يروحي فدوه اروحلج
طلعت عمتي من غرفتها ولازمتها فيروز شافتني بجت ونزلت راسها رحتلها حضنتها واثنينا اطلقنا العناء لدموعنا
بديعه... يمه لوصايبج شي شجان كلت لضرار
سيرين... كافي بجي هالواكفه كدامج
بديعه... فدوه اغديلج دير بالج على رويحتج
من الهوسه دخت كلش عفتهم ورحت لغرفه عمتي تمددت ورهف وين ماروح وراي اجت فتحت الباب اجت جرت أيدي ونامت عليها عاينت ملك بنت انور واكفه بعيد وتعاين صحتلها اجتني تركض
سيرين... حبيبتي ليش واكفه هيج
ملك... اليد بابا
سيرين... وففف تعالي بعدين يجي ويجيبلج العاب
_جريتها لحضني كلبي تكطع عليهن يربي شحالهن واحنه مانعرف شحالهم نمت شوي وكلساع افز واعاين للساعه
اجت غيد بيدها صينيه الاكل وعيونها حمر مبين باجيه عافتها عالميز واجت حظنتني وتبجي
غيد... هيجج سوون بيه انتي بينج وبين الموت خطوط وابويه ضرار هذاك هوه روحي تلوب حتى اعرف شحاله
سيرين... وفففف لاتشلعين كلبي والله ميته قهر انشالله يكوم بالسلامه
غيد... انشالله كومي اكلي حتى تاخذين دواج
سيرين... ماشتهي كلي الله يخليج ماريد
غيد... والعلاج شلون بيه اكلي شوي
سيرين... كعدت رهف وملك ياكلن وياي وغيد يمي اجت جنوب وميس جنوب راحت وتمددت بفراشي ذبتها نومه حالتها كلش تعبانه وميس اجت يمنا وصافنه
لليل وانه روحي تلوب متانيه رضوان شوكت يجي غيد وميس وجنوب يمي ولاعافني لنص الليل كلها نامت والخطار راحو يالله اجى شافنا انصدم من تجمعنا
رضوان... خير مجتمعات ؟
سيرين... موكلت اخذج
رضوان... كلت اخذج ماكلت اخذجن
ميس... اخذنا وياك بس نشوفهم من بعيد الله يخليك
رضوان... تؤ ولاوحده تجي
غيد... اي ماشي هسه انروح بنص الليل ابحدنا ولاتكول ماكنالك
رضوان... اشوفن ياهي تخطي خطوه وعلي امددها بالحديقه وادفنها
جنوب... عشتتتو هسه اخابر انمار يجي ياخذنا
رضوان... استغفرالله ربي بدلن بسرعه ماريد عمتي تحس خافن تدري واذا تشوفه بهالحاله تنجلط
اخذت شالي والعبايه لبستهن نزلت دانه من فوك هيه ليث ياخذها مرات حتى تشوف اخوها ضلت يم البنات خاف يكعدن راح رضوان انطى خبر للحجي طلعنا الدنيا جانت لليل الجو بيه نسمه هوى وبروده
مشينا وانه طول الطريق ادعي الله
اول ماوصلنا كلبي دكاته تعالت ودموعي تجري حسيت بلكوا واكفه على حيلي بس قويت نفسي صعدنا المصعد ووصلنا للطابق الهمه بيه
جان بسول ودرغام موجودين شافونا تفأجأو
بسول... ليش جبتهن
رضوان... انشل حالهن خوما اعوفهن شوي واردهن
درغام... ممنوع الزيارات هسه
رضوان... شمالك انطيت كم فلس فوتونه
سيرين... عفتهم يحجون وانه خطواتي اخذتني ريحه الديتول تخنكس وصوت الاجهزه احسه يدك بروحي كلبي نقبض من هالحال اول مره اوكع بهيج موقف مشيت للغرفه الجانو واكفين كدامها
شفت أنور شهكت بصوت خليت أيدي على كلبي والألم بدى يجتاحني كلبي انعصر من حالته
الاجهزه بكل مكان التجبير بأيده ورجليه وبطننه ملفوفه وراسه ووجها بحيث مامبين منه شي غير الضماد والتجبير بلعت ريكي ودموعي تجري ضليت امشي واتكئ رجليه احسهن مايعينني
غمضت عيني ماريد كلبي ينفجع وكفت كدام الحاجز الي يفصله جام يخلينا نشوفه
شفته دكات كلبي اتعالت دموعي تجري مثل الشلال رجفه سرت بجسمي وصرت اختض اطرافي ثلجت خليت أيدي على حلكي احبس صوت شهكتي
اعاينله مليان جروح حالته ماتقل سوء عن حاله انور خليت راسي عالجام واشهك بالبجي
سيرين... موكلت رادلج ويينك عني لحد هسه ماجيتني كتلي دير بالج على روحج لبش مادرت بالك على نفسك شلون سسوي بيه هيييج ضليت ساعات انتظرك حتى ترد ويينك ليش مارديت
ضليت ابجي واشهك شهكاتي اتعالت وكعت بالكاع ابجي وانحب
اجن البنات كملنها عليه من كعدن يبجن وياي وكأن ردتها حجه
درغام... خويه كومن مايفيد البجي
ميس... يرببي هذا موحاال شصاير بيهم
رضوان... كومن يلا خل اردجن المرضى راح يكعدون
جنوب... عوفنا شوي
رضوان... ابويه انتن بعدين اجيبجن ماريد احس يحس عليجن
رحعنا وانه منظرهم ابد ميروح من بالي حالتي كلمالها تسوء وخاصه من اشوفه بهالحاله
صرت بين يومين او ثلاثه واحد من الولد ياخذي بليل اشوفه وارد حالتهم استقرت احسن من قبل بس المخوفنا لحد هسه ولاواحد بيهم كعد من الغيبوبه
عمتي وام انور مابطلن نوح وبجي كل واحد بينا حالته ماتقل سوء عن غيره الحجيه صحتها بدت تتراجع ويوميه متخربطه
صار بسول ياخذ عمتي والحجيه وام انور يشوفنهم ويردهن من يردن يضلن ينوحن ويبجن
رهف وملك درت بالي عليهن بس كلش صعب وخاصه ملك متعوده على ابوها ومابطلت بجي ورهف من تشوفها تبجي على ابوها تكعد تبجي وياها واحير شلون اسكتهن
_كعد الصبح مثل كل يوم فارغ مابي لاحياه ولانوم رحت للمطبخ البنات جانن يحظرن بالريوك الولد جانو كاعدين بالاستقبال فجاه سمعنا واحد عاط خليت ايدي على كلبي ورحت اريد اعرف شصار حسيت الدنيا طفت بعيني
حجيت بخوف ورجفه
سيرين... ش شصار فدوه ؟
حيدري... لاتخافين ماصار شي
سيرين... جا ليش عطت
حيدري... ااااانور وااخيرا كعد وحالته استجابت للعلاج
سيرين... وضرار !!!
انمار... نتاني كم يوم دامه وضعه مستقر
سيرين... فرحت لان انور كعد بس فرحتي طافيه وضرار لحد هسه هوه بغيبوبه ويجوز تستمر الله أعلم
للعصر الحجي والحجيه وعمتي وام انور وابوه راحو للمستشفى وانه بقيت اطحن بروحي اصلي وادعي الله يشافيهم
وراها بعشر أيام موايام وكأن سم وجاي ينتشر بجسمي عالبطيئ من بعد ماجنت اروح اشوفن ضرار صار رضوان وبسول مايخلوني
سيرين... اخذني خل اشوفه
بسول... خيتي ماكدر ماشوفين حالتج شلون تتعب كلما ترحين
سيرين... ماكدر اضل انتظر بدون ماشوفه
بسول... هخخ خليها باجر اجي واخذنج
سيرين... اي ماشي
لثاني يوم كعدت احسب دقيقه دقيقه احس الساعه حتى متمشي للعصر اجى بسول عبالي راح ياخذني بس فأجاني من حجى ووجها باين عليه الفرح
بسول... ضرار كعد
بديعه... يمه صدك
بسول... وداعتج
حطام... وشلونه
بسول... الحمد لله اجيت اخذ احتياجات الهم وارد حتى نتطمن من تطلع الفحوصات
سيرين... تصنمت بمكاني اريد استوعب كلامه من فرحتي سجدت بالكاع واشكر ربي ودموعي تجري لحد هالحظه مامسوعبه الكاله
ميس... سيييرين سمعتي شكااال اااخوي واخيراا كعد
سيرين... وفففف انشالله يطلع بخير وسلامه
بديعه... وليدي اخذني اشوفه
بسول... اخذجن بس موهسه
سيرين... اكتفيت مالحيت اكثر عليه ، مر كم يوم وانه بس أسأل ماطلبت منهم ياخذوني عمتي والبنات مرات يرحن ويجن
لحد مابيوم خابرني رضوان كالي حجي اخذج حسيت نفسي مومستعده اشوفه وبنفس الوقت اريد اشوفه
كمت بدلت لبست صايتي عاينت لوجهي شاحب وكلش ضعفانه
خليت حمره وطلعت انتظره شوي واجى وانه طول الطريق اتنهد واتنفس بقوه مشبيه
اول ما وصلنا هوه يمشي كدامي وانه خطواتي صارت بطيئه وصلنا للطابق الهمه بس محد جام موجود بس بسول سلمت عليه وراح هوه ورضوان على جهه
رحت بأتجاه الغرفه الهوه بيها فتحت الباب ببطئ كفختني ريحه الديتول وصوت الاجهزه سديته رحت يمه شفته مغمض عيونه وعاكد حاجبه بلعت ريكي والكلمه حسيتها بلكوا طلعت من ثغري
سيرين... ضرار
فتح عينه وعاينلي عيونه ضحكت مع انو الجروح ماليته بس نظرته ماتغيرت تجاهي
ضرار... هخخخ وينج عني ياراحتي
شهكت بالبجي خليت أيدي على وجهي وابجي وهوه يتنهد بألم
ضرار... لاشلعين كلبي ولجج ميت والله
سيرين... حمد لله على السلامه
ضرار... انتي سلامتي
شيرين... لييش عفتني ها موكلت راح اردلج هوه هذا وعدك
ضرار... وجج انه لوبيدي اضلن معلك يمج تعبت بدونج انه قريب الموت ومارحتي من بالي
سيرين... وففف لاتحجي هيج والله كلبي خلصان
ضرار... طيني ايدج
قربتله أيدي سحبها بخفه حركته بطيئه كلش وأيده الثانيه مجبره
باسها وضل متشبث بيها تقربت بسته بطرف شفته وانه دموعي موراضيه تتوقف
ضرار... كافي بجي حركتيني والله
سيرين... عوفني ابجي لوحتى بهاي مترضى
ضرار... سربوت ولاتعقل
سيرين... شوي واجت الممرضه طلعتني سلمت عليه ورحت حتى يرجعني رضوان قبل لاروح رحت لغرفه انور لكيته كاعد وبسول يمه
انور... يهلا بمره الغالي
سيرين... حمد لله على السلامه
انور... الله يسلمج خويه
سيرين... شلونك
انور... هههههه عود ردت ازوج دباع شصار بحالي زوجووني يمعودين خافن حتى البت من تشوفني ماتضل
بسول... يمعود نزووجك بس بالاول طيب
انور... اي شعليها اتاني واسوي عرس اخلي الدنيا تحجي بيه
سيرين... ههههه انشالله
انور... خويه بتي شلونها
سيرين... الحمد لله دايره بالي عليها وتنتظر جيتك
انور... جايها بس خل اطيبن بوسيها الي وكليلها انه اذا مويمها تلكاني بكلبها
سيرين... يوصل
دخل رضوان للغرفه
رضوان... ها نروح
سيرين... اي يلا
من بعدها منعهم احد يجيبني للمستشفى واذا احجي والحك يخابرني يكلي... بس تجين اكص راسج من اجي اشبعي شوف بيه
بطلت اروحله وصرت احجي وياه بالميايل اسلم عليه واتطمن واسده منه
مر 26 يوم وهمه حالتهم كلش مستقره لحد هسه مامحددين شوكت يكدرون يخرجوهم
_بيوم كعدت من النوم الخطار جياتهم خفت والبنات ردن مرات يجن الدنيا جانت عصريه ومغيمه كلش تراب بحيث من شفت الجو ختنكت كلش طلعت ملك من الغرفه تفرك بعيونها ومبرطمه رحت شلتها وتتلفت
سيرين... شبيج ؟
ملك... بابا اقى ياحذني (بابا اجى ياخذني)
سيرين... اووه حيجيبلج االعاب كومههه تعالي نسوي اكل جوعانه مو
ملك... اليد بابا
سيرين... يربي شسوي هسه
_نزل بسول من فوك محضر نفسه حتى يروح
سيرين... حتروح
بسول... اي خويه محتاجه شي
سيرين... اريد اروح وياك
بسول... ماشفتي شلون حذر واحد من عدنا احد يجيبج
سيرين... والله ميصير هيج يعني كلها تروح وتجي وانه ليش لا
بسول... هخخ خوش بدلي حتى نروح
سيرين... هههههه اي بسرعه
رحت عفت ملك يم عمتي بدلت ونزلت لكيته ينتظرني صعدت وانه طول الطريق كلبي يدك سريع مختنكه كلش واطرافي مثلجه رجعت راسي عالكشن وغمضت عيني
نغزه سرت بجسمي ودموعي جرت من شفت رباب واكفه ومن جهه أنور وضرار بسرعه فزيت
لدرجه للحظه جنا حنسوي حادث
بسول... شبببيج
سيرين... يمهه كلبي
بسول... شصابج
سيرين... جريت نفس اريد اسيطر على دكات كلبي ،ما مابيه شي بس فدوه استعجل شوي
بسول... اذا مابيج حيل ارجعج غير مره اجيبنج
سيرين... لا لا مابيه شي
بسول... صار
سيرين... شوي ووصلنا صف السياره وانه امشي ببطئ احس خطواتي ماتعيني اجى وكف يمي يعاينلي مستغرب
بسول... خويه بيج شي
سيرين... لا
دك مبايل فر السويج بأصبعه وجاوب شفته عيونه جحضت بلع ريكه جر نفس قوي والمبايل بأذنه
بسول... احجي شصار
سيرين... سكت شوي ورجع حجى
بسول... ضرار بلع ريكه وحجى ،مات
يـــــتـــبع ....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!