الثأر الرابـع والعشرون
ثارهم وبنت الفقير
بقلمي_ترانيم هادي ♥️🕊️.
لاتنسون تصوتون عالبارت حلويني
.
.
وتعاليقكم بين الفقرات لاتنسوها
.
.
ومتابعه للحساب ♥️🕊️,
taranim_09
_ ضل يعاين عليه اعاينله وجه احمر من العصبيه والاكثر بروده وسكوته خوفني اخر شي نطق
وكأن عداد موتي ابتدى ...
ضرار... شني البينج وبين بدر ؟
سيرين بتوتر... ش شنو ماكو شي
ضرار... وهوه صاك على سنونه بعصبيه... من كلتي حبيب طفولتج قصدج على بدر ؟
ضليت بس اشهك بدموعي ماكدر اجاوبه وهوه عاط من الخوف بسرعه جاوبته
سيرين... اي اي هوه
ضرار... بعدج تحبي ؟
سيرين... ضرار فدوه عووفني وخر جاي تخوفني
ضرار... عاط بقوه ورعيد،چا مااااخفتي من طفرررتي وياا
سيرين... لاوالله مامسويه شي لاتحجي هيج
ضرار... اششش اسألج وجاوبي بس تزيدين لوتنقصين حرف انهيج والله
هزيتله راسي واني اشهك بالبجي
ضرار... من جانت غيد تطيج المبايل جنتي تحجي ويا ؟
نزلت راسي ودموعي مثل الشلال لزمني من فكي وقربني عليه صار يفصل بينا انش غمضت عيني وبلكوا الحجي يطلع من ثغري
سيرين ببجي... اي ويا
ضرار... حاجيتله كلشي يخصنا كللللشي كايلتله مامتقررربلج يالبر*** ماااخذني مهر قيمته ميههه الف اااحجي
ولج عاايقه ماضال شي ماااحاجيته وانه الـ** عايفج براحتج استخطيتج واغلس على اغلاطج
وتالي تغدريني وي هالعار
سيرين... كلشي اسوي بسببك انت سبب اخطائي انت الي وصلتني لهالحال لاتلومني على كلشي اسوي
عكد حاجبه وصار يتنفس سريع خفت من حالته وخرت ايدي منه وحضنت وجهي بكفوف ايدي خفت تجيني منه ضربه
سيرين... فدوه عووفني لاسويلي شي تعبت منك ومن ضربك اارحمني واعتقني لاتعذبني اكثر مالي ذنب بشي تعععبت والله تعععبت
الغرفه صارت هدوء وبس صوت البجي ينسمع لزم ايدي ووخرها خلا راسه على كصتي ويتنفس سريع
حجى بهدوء وكلمات متقاطعه بتناهيد كلها ألم وحسرات، نفخ بضيق وصدره يصعد وينزل
رفعت راسي والتقت عيني بعينه مليانات كلام ووجع ودموع خلف الرجل الي يظهر قسوته وبروده
الي اعلن طغيانه تجاهي وصرت انا اسيرته الي يداوي جراحه مقابل دموعي وأهاتي اعلن تمرده وجبروته تجاهي مقابل ضعفي ...
جبينه على جبيني وانفاس متخالطه صوت شهكاتي اتعالى ونظراته القاسيه تتوزع على معالم وجهي
لزم وجهي بكفوفه الخشنه غطن معالمي وهوه ينفخ بألم وتعب
ضرار... انه تعبان اكثر منج ومن روحي ومن الدنيا والبيها تعبت وانه ادفن بوجعي تعبت وانه اشوفن جابر بوجهج
اعاينلج وجن جابر جدامي اتخايله من انجتل ابوي جدامي وعلى ايد منو ؟
متروس وجع وجبتج لظلامي حتى اتعالج بيج صارت دموعج الي مثل الجمر وينزل على كلبي
انتي التعبتيني
سيرين... صاارت دموعي ووجعني علاج الك وانه الي جاي اتعذب خلصني وخلص حالك وعوفني
ضرار... ماكدر اعوفنج انه روحي مربوطه بروحج اذا عفتج مايضلي حيل خسرت سندي وعزوتي من كبل وخسرتج وياه من بعد ماحصلتج ماكدر اعوفنج
سيرين... بالاخر انت الي راح تخسر راح تخسر نفسك وتخسرني
ضرار... راضي بكلشي بس مارضى بخسارتج خليج وياي وانداوي جراحنا سيرين طلعيني من الظلام المحاوطني تعبت من الكره البكلبي والانتقام البعكلي
سيرين... سحبتني لظلامك وسجنتني هالظلام صار حتى انه محاوطني
ضرار... يستحيل اخليج صيرين مثلي انتي نور وهالنور اريدنه يتغلب عالظلام العيشتج بيه
سيرين... دموعي كثرت وكلامه احسه يجرح بكلبي حيرني بتصرفاته
ضرار... انه مالومج على شي اعرفن جبتج بطريقه غلط بس ماكو شي يرد على حاله انسي كلشي صار والجاينه احسن
باسني من جبيني وكام طلع ... احس الدنيا ضاكت عليه مسحت دموعي وانه حيلي مهدود
رحت توضيت ورجعت مالي غير ربي فرشت المصلايه
مجرد مارفعت ايدي للدعاء ادموعي صار تجري صرت اشهك بالبجي وادعي ربي
خليت راسي عالتربه وصوت شهكاتي تعالى بالغرفه
سيرين... ربي مالي غيرك بالاني بيه انصفني ودليني عالطريق الصح خلصني من اسري وساعدني
عجزت احجي شي صرت اردد بدعاء ابوي
الي بكل صلاه اسمعه يردده
هالدعاء راحه ومستجاب :
اللهم إني عبدك، وابن عبدك، وابن أمتك، ناصيتي بيدك، ماضٍ في حكمك، عدل في قضاؤك، أسألك بكل اسم. هو لك سميت به نفسك، أو علمته أحداً من خلقك، أو أنزلته في كتابك، أو استأثرت به في علم الغيب عندك، أن تجعل القرآن ربيع قلبي. ونور صدري، وجلاء حزني، وذهاب همي، إلا أذهب الله همه وحزنه وأبدله مكانه فرجاً.
ساعات اني على هالحاله شوي رتاحيت وهديت حضنت نفسي عالمصلايه وكأن كلشي سيئ صار وياي مثل الشريط ومر بذاكرتي
شلون اخذني من بين احضان اهلي الضرب الاخذته منه والتعذيب كلامه والسجاجين الغرسها بروحي كلشي مر ابالي واني اتحسر على نفسي والعيشني اياه وين جنت ووين صرت ....
نمت وماحسيت على شي بعد اريد ارتاح شوي من وجعي والواقع العايشته
_كعدت على حلم حلو وطيف ابوي يمرلي روحي مشتاكه اله شهور وانه لاسامهه حسه ولاشايفته
سيرين... يابه شوكت تجي لريحانتك تعال وشوف بنيتك شحالها تعال ومرلي اريدك تحضني وتمسد على راسي وتكلي انه بظهرج محد يأذيج لاضرار ولاغيره طولت عليه هوااي
كمت نزعت العبايه وعفتها على صفحه رحت اعاين على نفسي بالمرايه
الوجه شاحب والعيون حمر ورمانات السواد محاوط عيوني واثار الضرب مطبوعه بخدي
بجيت على حالي
مسحت دموعي بقسوه واني احجي وي نفسي كدام المرايه
سيرين... ريحانه كااافي بجي كااافي بشنو راح يفيد البجي قوي نفسج وعيشي تعودي على هالوجع والاأذيه تعووودي على جحيم ضرار وكرهه
دموعي ينزلن واني امسحهن بقسوه لدرجه جرحت وجهي وماهمني
سيرين... كافي وجع وكاافي ضعف عيشي بقوه وعوفيي الضعف
رحت سبحت وطلعت رتبت نفسي وخفيت اثار الجروح المرسومه بوجهي
كلبي تعب من الوجع وعيوني شبعت من البجي
نزلت جوا جانو كلهم كاعدين بالصاله وحتى ضرار سلمت عليهم وعفتهم
ستغربو تصرفاتي ومحد نطق وياي كلمه رحت للمطبخ ادور بالجدور
صبيتلي اكل وكعدت اكل اجت ميس وراي وكعدت كدامي
ميس... سيرين شبيج
سيرين... خير شبيه
ميس... ليش تصرفين هيج
سيرين... وشبيه تصرفاتي ؟
ماجاوبتني عافتني ومشت شوي واجت مياده عيونها حمر مبين باجيه اجت تربعت كدامي وتاكل
سيرين... ليش باجيه ؟
الغصه بلعومها والدموع تلالي بعيونها
مياده... شني ذنبنا ومن هسه عايشين بوجع وكلوحده همها اكبر من عمرها
سيرين... وهذا نصيبنا من الحياه
مياده... وانه تعبت من هالحياه لااهل بيهم خير ولا دنيا بيها خير
نزلت دمعتها بسرعه مسحتها بقسوه ورجعت تاكل نقهرت على حالي وحالها بس مابيدنا شي
خلصنا كمت شلت الاكل ورحت لغرفه عمتي جانت كاعده وبيدها القران ورهف تمشط بلعابتها
شافتني ضحكت وتاشرلي بايدها حتى اشيلها رحت يمها شلتها واشم بيها احس راحتي يمها
ريتني باقي طفله ولاكبرانه لافهم من هالدنيا شي ولافهم وجعها
همه كلهم طلعو وضرار نضراته تلاحكني طلع وياهم واحنى فرشنا بالحديقه اني وميس وجنوب ومياده ويانه
كلوحده صافنه بهمها جنوب من بعد ماسمعت بخطوبه ازان نفسيتها تغيرت ومياده تظم الوجع بكلبها والدمعه تلالي بعينها
ميس شارده بتفكيرها وانه تعبت حتى من التفكير والوجع
لوكت الغروب دخلت ميس ومياده واني وجنوب بقينا كاعدين لهيت نفسي الاعب برهف
شوي ودخل ازان من برى جنوب شافته ونتفضت صارت تتهرب بنظراتها منه
ازان... سلام عليكم
سيرين... وعليكم السلام
ازان... خيتي شلونج
سيرين... الحمد لله
حسيته يريد يحجي ومتوتر ستأذنت منه وعفتهم
ومشيت
جنوب...
اجى تقدم عليه وكعد جدامي عاينتله بنظره فارغه خاليه من اي مشاعر
اتنهد وحجى...عمي شصايبج شني هذا حالج
جنوب... مثل شنو ؟
ازان... جنوب شبيج
جنوب... كل خير بيه شبيه مثلا
ازان... ها انشالله دومج
جنوب... اي مبروك عالخطوبه
ازان... ها
جنوب... ها
ازان... احم ها اي الله يبارك بيج
جنوب... الدمعه بطارف عيني صارت وهوه يبتسم ويسولف وكانما مصاير شي
كمت حتى اروح بسرعه جرني من ايدي ماخلاني اروح
جنوب... وخر ايدك شدسوي
ازان... شمسوي
جنوب... عوف ايدي
ازان... هالايد مستحيل اعوفنها بيوم
جنوب... هههههههه
ازان... ليش الضحك
جنوب... ماباقي شي وتزوج وجاي دور حب ورى خطيبتك ععوفني كلت
ازان... اششش ولج حسج عالي صاير
جنوب... اي بكيفي مااادخلك
ازان... وجج عمي باجر من نزوج هم هيج حسج
جنوب... اااي
استوعبت على نفسي شجفصت عاينت عليه باستغراب وهوه حابس ضحكته ماتحملت نزلت دمعتي بسرعه
ازان... خرب بيك ازان وجج ليش البجي
جنوب... وخر مني
ازان... تحبيني ؟
جنوب... عاينتله واشهك بالبجي،لاا اكرهك ومستحيل احبك
ازان... انه هم احبنج
جنوب... كلللت مااحبك
ازان... ههههههههه بالعباس احبنج
سكت شوي ورجع حجى
ازان... موشلعتي كلبي وانه اركض وراج ولج ليش ماتكولين ازان احبك يله كوليها
جنوب... ماكول
ازان... انه اعرفن شلون اخليج تكوليها يله انه رايح وها شوفي خابريني بليل اريدن احجي وياج
جنوب... شتحجي
ازان... عمي لاصيرين فاهيه خايريني ومعليج
جنوب... وشلون اخابرك بالهوى
ازان... من مبايل عمتي لوالحجيه هاي المبايلات الضاله
عافني ومشى كبل لايطلع دزلي بوسه بالهوى ومشى ،احس فراشات كلبي كامت تركص من الفرح
كمت طكيتها ركضه للبنات والكاهن واكفات ويعاينن علينه
جنوب... جاي سوون
سيرين... شنسوي مثلا هنا واكفين
جنوب... دوووخرن عود اجيت اسولفلجن
ميس... ميحتاج سمعنا كلشي
جنوب... ولجن يحبني وااانه احبنه
سيرين... هههههههههههه اوي اثكلي
جنوب... دولللي خل اروحن اكل جعت
سيرين... راحت جنوب ونشوف ضرار اجى هوه والولد اتبعه رضوان وانمار وياهم هارون
العصبيه تطلع من عيونهم ويتصايحون وضرار من غير شي هوه يخوف نوب عصبي
دخلو للاستقبال واصواتهم تعالت شوي واجت عمتي صاحتني
دخلت وكلهم وجهو نظرهم عليه وضرار يعاينلي بعصبيه ويخزر بيه
ضرار... شكووو اجيتي
رضوان... مالك شغل بيها انه ردتها
ضرار... ولك شني مالي شغل بيها مرررتي وانه اصرف وياها
انمار... تعالي خيتي كعدي هناه اشرلي اكعد بصفه رحت كعدت شوي بعيد عنه
كام ضرار صفك ايد بأيد واجى كعد بالنص
انمار... شكو دحست روحك بينا
ضرار... اسكت لك شكو مكعدها بصفك
رضوان... سيرين تجي وياي
بسول... وشسوي رايحه وياك
هارون... عبن احنه مسؤلين عليها وحقنا ناخذها ويانه لوتريدها تضل مكفخه لضرار
ضرار... لك سـ*** لاتجفص لاكوملك
رضوان... وهوه شحجى كبيت عليه
سيرين... اصواتهم تعالت وهمه بعدهم يتصايحون عبالي بس ضرار عصبي طلعو كلهم نفس الشرار
اجت عمتي والحجيه والبنات كعدن وهمه بعدهم يحجون كام رضوان اجى وكف كدامي
وضرار شوي ويكب عليه من عصبيته مد ايده على خدي وضرار لزم ايده ونترها
ضرار... وخر ايدك لك ولاجيسها
رضوان... هاي انت طاكها
خزره ضرار وانه نزلت راسي عرفت عليمن السالفه
رضوان... خيتي كومي وياي
انمار... سيري امشي خل ناخذج
جاوبه ضرار بعصبيه
ضرار... ولك شني سيري اختك الصغيره تصيحلها سيري
انمار... اكيد سيرين مثل اختي ومني وبيه
ضرار... ربي صبرني على هالك***يد
سلافه... خايب شماله لسانك وانتم كعدو خل نعرف شصايبكم منورى هالغاكه
كعد رضوان كدامي عالطبله ضرار قابض ايده من العصبيه ورضوان الشرار يتطاير من عيونه واحد يخزر بالثاني
رضوان... جده رايدين ناخذ سيرين ويانه
سلافه... وهيه شعدها رايحه وياكم
رضوان... احنه رايديها چا شكو ضاله يم ضرار شوكت مايريد يكفخ ويعربد عليها جده تراها احنه بظهرها ودامها منا لازم يحسب حساب النا كبل لايمد ايده عليها ويعرف احنه بظهرها
سلافه... ولك شني اشو تحجي بكيفك وتنتر بت دنانير العرمه لسانها اطول من روحها من ورى وكاحتها طايحه بالمشاكل هيه وحفيدي
هارون... جده وهسه عمتي شدخلها
سلافه... عبن هيه وبتها ثنينهن نفس الكصه انه اخلص من وحده تجيني الثانيه
رضوان... سيرين يله خيتي كومي
ضرار... ماتخطي خطوه برى
رضوان... سييرين كومي
شفت النقاش بيناتهم احتد خفت لاصير بيناتهم مشكله من وراي
كام رضوان سحبني من ايدي وضرار دفعه
ضرار... اااايدك لاااكسرها
رضوان... لاتاخذنا بصيااحك وسيرين اليوم تجي وياي
سيرين... فدوه كافي ليش هالمشاكل اهدو
ضرار... سيرين امشي مناا
اجى رضوان سحبني من ايدي وخلاني ورى ظهره وضرار عيونه بكصته صارت
ضرار... لااا جيسسسها
رضوان... مالك شغل
ضرار... ابن السـ*** شني مالي شغل
حطام... شنهيي الصاير
ذاكر... أنعم الله عليك سويتني سـ***
ضرار... اعذرني عمي
حطام... كعدو ولاحد يهوبز
سحبني ضرار من ورى رضوان ولزمني وايده قابضها على ايدي
كعدو يتناقشون والنقاش احتد بين رضوان وضرار
سلافه... بت جابر راح يتكاتلون الفروخ من وراها
سيرين... هههههههههههه
من ضحكت كلها ندارت عليه ماضحكني غير من كالت الفروخ همه شكبر الواحد وشضخمه من تكولها تحسسني انو همه زعاطيط
انمار... هههههههههههه
هارون... وانت شمالك تضحك
انمار... وياها عالواهس
دخلو درغام وحيدري شافونا تفأجاو
حيدري... خير مجلس التعاون العربي متجمع اليوم شصاير
بسول... بسك انت شكو جيت
حيدري... لاوفوكاها تطردني من بيت جدي
درغام... شبيها الوجوه تتلاطم
حطام... تكعدون لو تولون مالي خلك دوخه راس هذول كافي عليه
اجو كعدو وكملت كعدتهم من اجى انور
حيدري... التمن الحبايب
سيرين... هههههههههههه
مدري شصابني الله ذب عليه بس ضحك وضرار يخوزر بيه
انور... كل كعده تكعدوها ماوراها خير
حيدري... هوه انت دامك اجيت راح الخير
حطام... بسكممم امشو طلعو
عاط عليهم نخلسو اشوفهم حابسين الضحكه مدري عليمن
شوي وكامو اجى خالي ذاكر ورضوان واكف بعصبيه ومجتف ايده
ذاكر... بويه تجين وياي لوضلين وي رجلج
سيرين... عاينت لضرار وكأن جاي يوصلي بنظراته ماروح
حرت شكلهم بس هزيتله راسي برفض
رضوان... ماراح الحن اكثر عليج بس بالعباس اذا دريت مسويلج شي لوجايسج لاتترددين وتكليلي وانه اعرفن اصرف وياه
ضرار... ولك لاشوفني ساكتلك وصابر على رفعه خشمك موجن طولت هواي بالحجي يله انصرف
حيدري... ذكرني بالسلطان من يكول انصرف
حطام... انكسرت ايدي على هالتربيه
ضرار... جدي اعذرنه
دفع المزهريه وتكسرت عافنا ومشى شوي وكلهم راحو
صعدت للغرفه لكيته كاعد والغرفه متروسه ريحه جكاير ولدخان يخنك
رحت تقربت منه بخطوات متثاقله كعدت شوي بعيد عنه
ضرار... ليش مارحتي وياهم ؟
سيرين... ها
ضرار... اجتج فرصه حتى تتخلصين مني جان رحتي وياهم
سيرين... ماعرف بس مردت اعوفك
ضرار... بس يجي يوم وتعوفيني
سيرين... هاليوم بعيد
ضرار... تكربي
سيرين... لا ماريد
ضرار... ماسويلج شي
تقربت عليه شوي سحب ايدي خلا راسه بحضني وجسمه عالجربايه
ضلينا ساكتين بدون صوت حركت ايدي على وجها لزمها وباس الشامه البيها
ضرار... استچني
سيرين... ضرار نام عدل خل اطلع قمل من شعرك
ضرار... هههههههههههه
سيرين... ليش الضحك
ضرار... بويه بطلي صيرين طفله واسمه كمل موقمل شمالج تعوجين بحلكج
سيرين... طفله !!!!
ضرار... طفله كـليبي
سيرين... وخر مني يله
ضرار... اششش سدي حلكج وخليني اعرف انام
سيرين... ماا وخر وليش بحضني هاي لواني نايمه بحضنتك موجانت زكطتني
ماحس غير كارصني بخصري عبالك حيه
ضرار... ولج شايفتني مطي ازكطج
سيرين... اوي مدري
ضرار... وبعدين شرايحلي انتي بحضني هيجي الفج وضمج جوى كـليبي
سيرين... لا شكرآ ماريد
ضرار... اي نشوف
باس ايدي ورجع غمض عيونه
سيرين... ليش الاهالشامه تبوسها
ضرار... كايلج هالشامه احبنها
سيرين... تحبها !!!!
ضرار... هالشامه مـوطني
سيرين... اوي ضرار مااعرفتك انه متعوده على عصبيتك اكثر من هدوئك
ضرار... بويه سدي حلكج وركدي
سيرين... ماشي
_ومانحس غير صوت الطلق وكأن صار علينه هجوم ....
_ يــــتـبــع . . . . .
والي عنده سؤال استفسار ايشي يجي عالنستا♥️,
حسابي الانستغرام :
taranim.hadi
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!