الثأر الثالث والعشرون
ثارهم وبنت الفقير
بقلمي_ترانيم هادي ♥️🕊️.
لاتنسون تصوتون عالبارت حلويني
.
.
وتعاليقكم بين الفقرات لاتنسوها
.
.
ومتابعه للحساب ♥️🕊️,
taranim_09
تكول سيرين...
المايحصل عالحبيب
يضل يتيم
وتبقى بلسانه
بس الله كريم
تجاوبها مياده...
تموت البنيه
بحضن مابي عشك
والبنيه التنغصب
تموت كلما يقترب
_نهيت منه المكالمه ورجعت حتى اصعد للغرفه واشوفن كدامي ...
سيرين... وخرت منه على كيف وكمت احس ريكي يابس وبلعومي مجرح
ردت اشرب مي ناسيه اترس اخذت الدولكه ونزلت جوا واني يتخايلي يطلعلي شي
والغرفه بالطابق الثالث هسه ضرير شكو معلكنه فوك
رحت للمطبخ البيت يصوصي ماكو اي حس ردت ارجع وسمعت طكطكه برى
خفت عبالي حرامي طفيت الضوى مال مطبخ بسرعه خذت طاوه وتمشيت على كيف
سيرين... خافن يطلعلي اضربه على راسه والم البيت عليه اي احسن
طلعت برى واشوفن مياده بوجهي خلت ايدها على كلبها وتنفست بأريحه
مياده... دهر صابج خوفتيني عبالي احد منهم
سيرين... جاي سوين
مياده... جنت ادكن على ايهاب
سيرين... ليش متحجين بغرفتج وياه
مياده... خافن احد يسمعني لوضرار يجي ويلكفني عالاقل هناه اكلهم جنت بالحمام لوبالمطبخ
سيرين... خوفتيني عبالي حرامي
مياده... خايبه دمشي حرامي هيه ليش اكو احد يسترجي ويدوس العتبه چا غير ضرار يطره طر لويدفن روحه بسابع كبر يلكاه
سيرين... هوه هالشويب ماتفوته داهيه
مياده... امشي لاحد يكعد علينه
سيرين... بس غلط الي تسوي كدام ربج وشلون لو عرف ضرار بهالشي تتوقعين يرحمج
مياده... الله كريم
راحت هيه صعدت قبلي وانه اخذت المي وصعدت
اول مادخلت لكيت ضرار كاعد المبايل بيده وعاكد حواجبه احس الهبطه صعدت لراسي
حجى بعصبيه... وين جنتي
سيرين... ها جنت اجيب مي اي مي اجيب
ضرار... رجعي نامي يله
سيرين... ليش جاي يمي
ضرار... تعااالي نامي لاكوملج
سيرين... حناام يم رهف
عفت المي عالميز ورحت حتى انام يم رهف بسرعه سحبني من دشداشتي ووكعني بحظنه
ضرار... افصمج فصم وحك علي لاتعاندين ولاتنفرين مني
يحجي وياي وهوه صاك على سنونه ويخزرني ماتحملت بسرعه دموعي نزلت حتى ماعرفت اجاوبه وهوه بهالحاله
دفعني منه وكام راح يم رهف لف راسه ونام وانه اشهك بدموعي
سيرين ببجي... انشالله تموت
ضرار بعياط... كااااافي
عاط باعلى صوته لدرجه حتى رهف اخترعت من صوته وكامت تبجي
من الخوف غطيت راسي ونمت وهوه ضل يسكت برهف
شوي وغفيت للصبح يالله كعدت على صوتها كاعده على بطني وتضرب ييه حتى اكعد
رهف... ثينه ثينه ابه
سيرين... رهههف عوفيني انام شوي
وخرتها وانداريت خليت ايدي على عيونه النعاس بعده بعيوني ماشابعه نوم
رجعت صعدت على بطني عفتها براحتها وماحس غير بعضه بأيدي حسيت روحي شاغت من الألم عبالك عقرب وكرصني
سنونه صغار هيه طالعاتلها اربع اسنان نبتتهن بأيدي
سيرين... هخخخخ يااايمه
كامت ركضت عالباب تريد تطلع هوه مقفول وهيه قصيره كلش ماتلوحه حتى تفتحه
كمت اتفحص ايدي مسويه طبع على اربع اسنان
سيرين... ياايابه طابعتلي ساعه لونها ازرك
عاينتلي برائه ومبرطمه ،هففف يعني انتي لازم طلعين على ابوج موكتلج صيري عاقله وتالي وي وكاحتج
رهف... ثينه اكه _ سيرينه وكحه
سيرين... لاطولين لسانج وياي
طنبت عليه وهيه مبرطمه شفايفها
سيرين... هففف تعالي حبيبتي
اجت كعدت بحضني وتعاينلي ،جوعانه مو
رهف... عم ابه
سيرين... لاتعيديها وتعضيني وبطلي وكاحه وياي صيري وكحه وي الشويب انه شكايلتلج واذا سويتي الكتلج عليه اشبعج اكل
ضحكتلي بدون ماتفهم شي،ضرار كاعد زمان ورايح للشغل
اخذت رهف ونزلت جوا عمتي وبدور يم الحجيه
وجنوب وميس كاعدات يتريكن
ورباب ومالكه بالمطبخ رحت حتى احيب كلاصات للجاي
شافني عوجن حلكهن
رباب... صح النوم والله دنيا ظهر
سيرين... اي والمطلوب
جاوبنتي بجمود وأمر
مالكه... تكعدين حالج حالنه لاعروس ولامحنايه مكضيتها نوم للظهاري تراه موبيت ابوج كاعده
رباب... هسه كلشي اختلف حالج حالنه شنسوي احنى انتي تسوين تكعدين من الصبح موتكعدين الظهر تلكين كلشي مكمل وتجينا عالحاظر تتمخطرين
نزلت مياده من فوك وعلى صوتهن اجت عمتي والحجيه
مالكه... شرفت الثانيه
مياده... شمالجن كالبات الوجوه
سلافه... خايبات شمالجن تلعلعن
رباب... جده احجيلنه وي نسوان ضرار تراه احنه نتعب والبيت جبير المن نطير يكعد بالظهريه ويلكن كلشي كامل لاشغله ولاعمله
مياده... خايبه لاتلبكين علينه وشمسويه اتي اشو التمن تجيبينه بدون ملح لو الكنس مالج مشخل الوصخ دحسينه جوا المداد خايبه اسكتي احسلج
سيرين... نص الشغل تذبينه براسي وحتى شغلج تعوفي عليه وهسه جايه تحجين وينه شغلج انتي اشو البيت على حطته بوصخه اكمل اكلي واكوم انظفه اني والبنات وانتن ولوتعوفن الشغل عالنص لوماتمدن ايدجن
مياده... واذا على نومه الظهاريه عمتي الله يحفظها موجوده وهيه تحاسبنا على نومتنا وكعدتنا لاصيرين اتي وياها السلايف المتصافيات والتهن برواحجن
مالكه... جده شوفيهن كل وحده ماده لسانها شحجينه احنى ردناهن بس يساعدنا
سلافه... ها يالحيايه صفيتن سوا وبثيتن سمجن علينه خايبات كلجن تكعدن سوا ماكو وحده فوك خشمها ريشه وتكعدلي تتمخطر
بديعه... موصغار انتن كاعداتلي من الصبح تتعاركن على شغل البيت الشغل مقسم بينجن وكلوحده تعرف شني شغلها لازودن ولاتنقصن بالحجي
جنوب... سيرين يله تعالي خل نكمل ريوك
سيرين... اي حبيبتي جايه
بدور... اوف منجن امشينه يمه وجعتني رجليه من الوكفه
مياده... ياعمه وانتي شوكت واكفه اشو هالكم دقيقه وكفتي وجعنج رجلينج بس حقج مكضيتها اكل ونوم وكعده شلون مايوجعنج
بدور... خايبه هالمسطوره تجفين شرج مني لااسحلج من شعفتج حاطه عينج عاللكمه الاكله تف من عينج
مياده... وشدعواج عيني شحجيت
سلافه... لابارك الله بيجن ماوراجن بس المشاكل وجعتن راسي يالمسمومات تعالي يمه بديعه اخذيني لغرفتي لاانجلط من وراهن
سيرين... حجيه شربي دوا الضغط لايعلك علينه ضغطج
سلافه... حجت بت دنانير العرمه
سيرين... لاشبهيني بيها اعرفنها تعرفني اوع
مالكه... نكرتي البطن الجابتج
سيرين... ههههههاااي انه امي نهايه اسمها وعفتها بالضيم حاله تبجي وتكتل بروحها عليه مودنانير النكرتني وعفيه لاحد يجيب سيرتها مزاجي يتعكر اوي
مالكه... خايبه ترحيلها فدوه موزين انتي بتها
سيرين... هذا من سوء حظي ،وكفت كدامها وتخوصرت وشدعواج هالكد دافعيلها والا اكلج
بدل مانكول طب الجره على فمها تطلع البنت لامها لااا
نكول طب الجره على فمها تطلع البنت لعمتها
حقج تدافعيلها ماثنينجن نفس الطباع
سلافه... بديعه امشي جيبيلي دواي وانه اعلمج بت جابر الوكحه
لزمت راسها اعاينلها حلكها صار ابيض خفت توكع ويذبنها براسي خوش نوب انسحل سحله من ضرير الشويب
رحت لزمتها ودفعت ايدي
سلافه... وخري ولج لاجيسيني
سيرين... حجيه علكيفج شحجيت انه
اردفت بدموع وقهر...انه شوفتج مامتحملتها عبن كلما اعاينلج اشوفن جابر جتال ابني مونوب جويعده بيتي وجدامي تخوطين وتتمخطرين
بكلامها قهرتني كلش خلتني احس بالذنب على غلطه مامقترفته
سيرين... حجيه خلي الله بين عيونج وفكري معقوله ابوي يكتل صديق طفولته والي متربي ويا بنفس البيت ورابين سوا وليش حتى يكتله ها ؟
سلافه... بسج حجي وروحي مني لابارك الله بالبطن النكلتج
راحت وكلوحده رجعت لشغلها اجت ميس وجنوب ومياده يمي ودموعي تلالي بعيني
جنوب... لاضوجين مقهوره وحجت هيج
مياده... ولج لاتبجين تعالن خلنه نتريك ولو هوه ماطلع ريوك سم صار
سحبتني من ايدي ورحنا للصاله شفت رهف كاعده يم الصينيه وتاكل حتى نسيت اوكلها ومدمره نفسها بالاكل
رحت كعدت يمها تضحك وتاكل كعدنا اني والبنات نتريك واوكل برهف
للظهر كلهم اجو وضرار يعاينلي ويخزر وين من يشوفني لوينتر بعصبيه لو يعيط صرت اتفاده المكان الهوه بيه
رحت حتى اجيبله جاي وهاي صار رابع استكان يشربه
جانو كلهم كاعدين بالصاله يسولفون ويضحكون بس هوه كالب خلقته ويطلع من عيونه نار
ضرار... ليش هيجي بارد
سيرين... لا هسه حميته
خزرني وعاف الستكان بيدي ،امشي سوي غيره
اخذته ورحت بدون ماحجي مالي خلك مشاكله
سويت غيره ورجعت وديته اله وهم ماعجبه
ضرار بعياط... يعني اريدن خ*** بيه خيرر ماكو
اذاا استكان جاي ماتعرفين سووي شتعررفين هاا
حطام... شمالك ولك ماعاجبك لاتشربه
حجى بجمود ونتر ضرار... امشي من وجهي
الدمعه بعيني تلالي بس مانزلتها عفتهم وصعدت لغرفتي
كلما احاول احبس دمعتي احسها تحرك بروحي لفيت راسي جوا البطانيه واشهك بالبجي
ومحد بحالي حتى محد كلف نفسه وصعد سمعت صوت الباب انفتح
شوي وانشال الغطى من راسي عاينتلها مياده واكفه وعاكده حواجبها
مياده... خايبه لاتبجين شمالج الله ذاب عليج بس بجي
سيرين... انتي شفتي شلون يتأمر عليه وفوكاها يفشلني كدامهم
مياده... اووف الله يساعدج خيه بس ضرار مايسوي هيجي بدون سبب وليش الا انتي يسختج ويدور حجه عليج
دخلت جنوب ومياده للغرفه ستغربن كعده مياده يمي
وكلامها ضل ابالي ليش جاي يسوي هيجي معقوله مسويه شي !!
جنوب... توقعناج كاعده وتبجين
ميس... عيفي البجي بشنو يفيدج
الله ذب عليه دموع مثل الشلال ضليت ابجي واشهك وادردم عالشويب
مياده حضنتني هيه متعرف شلون تواسيني لوتهديني وتبين نفسها قاسيه بس كلش حنينه
مياده... ولج خشمج انفخ من البجي اوع
جنوب... سيرين لايغمى عليج انوب اهدي
سيرين... وليش حتى يغمى عليه
ميس... هوه اتي كلما ضرار يحاجيج لازم يغمى عليج
مياده... چا انه شو يكظي بيه العافيه ومايغمى عليه بالعكس اصيرن جني حصان
جنوب... چا هالبت مايعه مامنها فايده
هنه يضحكن واني ابجي واضحك اخرها عاطت عليه مياده وكامت
مياده... خاااايبه كافي خلصتي دموووعج وفريهن لبعدين شو وخري من حضني وخرري
عافتنا وطلعت شوي والبنات راحن كمت سبحت ورجعت
سيرين... الشويب عشتو والله كالب وجهك عليه وتعيط وبحسك العالي تخوفني لاوالله ماخافن منك اي اخاف بس من ضربتك الازرك
خلصت رحت لفيت راسي ونمت للعصر يالله كعدت شابعه نوم
بدلت وخليت شوي مكياج ورتبت نفسي
سيرين... الله اني شكد حلوه والله ماستاهل ماخذه هالشويب بس هوه هم حلو سكتت ورجعت ادردم ، لايع موحلو
نزلت جوا الولد جانو طالعين ورباب بغرفتها ومالكه لكيتها رايحه لاهلها عايفه بناتها يم عمتي
ميس... صح النوم خيه
سيرين... ماعرفت شجاوبها كلتلها الله يصحح بدنج
جنوب... هههههههههههه
ميس... هههههههه شكرا
سلافه... هايالغاكه شمالج دحستي روحج فوك
سيرين... دحست روحي من حفيدج لان لوباقيه جان سوا ارتاج بمخي
بديعه... خايبه وشماله ابني
سلافه... بت جابر ماعاجبها كومي ولج سويلنا چاي
سيرين... مومتخليني اجيس ايدي عالاكل خافن اخلي سم الكم مونوبه اسوي چاي
سلافه... انه عاجبني يالصفيره بس لاتبثين سمج بيه
سيرين... ممم ماشي حسويلكم جاي بس حضرو الكيك
سلافه... تتشرط الصفيره ولج هالكيك بس ليه شكو دحستي خشمج وياي
سيرين... ليش بس الج والله احنى هم نريد منه
سلافه... خايبه تاكلين سم دامج خليتي عينج على هالكيكات اكيدن اغص بيهن
سيرين... هههههههههههه
عفتهن ورحت اسوي جاي احاول اكسب الحجيه بالسوالف بس من ضوجني تضل داهر بيه وانه ماسكت لازم اجاوبها
ومن ناحيه عذرتها عالتسوي وحقها بس موحقها تلومني على شي موذنبي
سويت الجاي وحضرت الصينيه راحت مياده حتى تعدل فراش بالحديقه وكلنا كعدنا برا
شوي وكعدت رهف الخدود مغطيات وجهه والشفايف حمر ومدمرات ككو كل وكتهن، والنعاس بعيونها لابسه نعال تك واحد وضفيرته وحده مفتوحه ولعابتها بيدها
رهف... ثينه
سيرين... اوي يروح سيرين تعالي ليه شهل وصخ
يااا
شلتها غسلتلها وكعدت وي البنات والحجيه مخليه كرسيها متكدر تكعد بالكاع
سلافه... خايبه شماله جايج فاهي مثلج
سيرين... والله اشو يخبل بدل ماتكولين عاشت ايدج
سلافه... من نكسرت ايدج
سيرين... اسم الله
ميس... جده موهذا ثاني استكان تشربي
سلافه... وج سدي حلكج ام شعفه
مياده... اي زين بس مونفس الجاي الاسوي
بدور... انتي طابه للمطبخ حتى تسوين جاي
مياده... وهذاك اليوم منو سوا ؟
بدور... جايبته بارد
مياده... شغلت النار وعفته رجعت لكيت الطباخ طافي وصبيته طلعت الدبه مخلصه غاز شلي غرض انه
بديعه... انتن تضلن تتداهرن
شوي واجت مالكه وصلها اخوها وراح الضحكه شاكه حلكها وفرحانه
سلافه... شماله حلكج هالعرضه فاكته
مالكه... انه فرحانه عبن اخوي ازان واخيرا قبل يزوج
بديعه... اي عالخير يمه ياهي الي راح يزوجها
مالكه... بعدهم مامحددين بس امي شايفتله وحده وتكول عاجبته
سيرين... اعاين لجنوب وجها نكلب والدمعه بطرف عينها تلالي بس بقت صامده
شوي وكامت اخذت رهف وصعدت لغرفتها دكيت الباب ماجاني صوتها
دخلت جانت نايمه عالجربايه وصافنه ودموعها تجري
سيرين... جنوب
شافتني ودموعها زادت رحت يمها حضنتها واهدي بيها
جنوب... شوفي بسرعه راح يزوج
سيرين... لاتلومي وهوه كلج وحجى وياج هواي وانتي الي ماردتي ليش هسه تبجين
جنوب... ماجنت مستعده ابد سيرين كلبي وجعني من كالت حيزوج معناها نساني وشاف حياته انه ثوله كليوم منتظرته اكولن هسه يرد وماكو
سيرين... تحبي !!
هزت راسها وشهك بدموعها اجت ميس تهدي بيها وكعدت تبجي وياها وانه هم مشصابني كعدت انوح وياهن
جنوب... بالله انتن ليش تبجن
ميس... انه ماتحمل اشوفن احد كدامي يبجي ومابجي وياه
سيرين... وياجن عالواهس
بعز الضوجه الاحنه بيها نضحك ونبجي هدت شوي وعفناها بحدها
خذت رهف سبحتها وبدلتلها كعدت امشط بشعرها واحاول اسويلها تسريحه بس كلشي ماعرف وهيه شعرها بسواد الليل وسرح وطويل
حبيبتي تخبل
سيرين... وهاي خلصنه يله كومي
كامت كدامي تفر بشعرها سويتلها ذيل الحصان ههههه وطلعتلها كذلتها
رهف... الوه_حلوه
سيرين... سحبتها واعضعض بخدودها،تخبلين
رهف... ثينه اكه_سيرينه وكحه
سيرين... هههههههه شو صيحلي ماما
رهف... ثينه
سيرين... هفف انتي بنيتي هههههه يله شو كولي ماما
رهف... امه
سيرين... ماعرف شصابني من حجت هالكلمه حضنتها وابوس بيها ،اذا رحت شلون حعوفج ومنو يدير باله عليج اكثر مني
لليل اجى ضرار هوه والولد وياه الحجي ماسالت وين جان العرفته جانو بالكيعان
ستغربت تصرفاته والشرار يتطاير من عيونه وبس يخوزر بيه كلها نتبهت عليه بس ماحجو
رحت اخذتلهم الجاي وصلت يمه منتجي عالمخده ورهف تجر بلحيته واسمعها تكله
رهف... ثينه امه اچي_سيرينه تبجي
سيرين... صحتها حتى تجيني وهوه لازمها ميخليها عفتهم ومشيت شوي
سمعت صوت الحجيه تصيحني وهاي اول مره تصيحني باسمي كله تسميني لوبت جابر لوالغاكه
واصلا تعودت على اسم الغاكه اكثر من اسمي
رحت جانت كاعده وبيدها القران باسته وعافته على جهه
سلافه... تعالي ليه يالغاكه
سيرين... هههههههههههه
سلافه... خايبه شمالج
سيرين... ممم لاهيج
سلافه... عايني عليه تاخذين رهف وصعدين لغرفتج وماتنزلين منها
سيرين... ليش !!
سلافه... جا اتي ماشفتي ضرير شلون حاد سنونه عليج ويريدله حجه بس حتى يكوم يكسرج ومايمل
سيرين... والله اشو شنو يكسرني تايهتله لوفصليه عنده وشبيه اليوم جنه ثور هايج عليه
ماحس غير لازمني من ايدي ودار وجهي بكف والله من قوه الكف حسيت الدنيا افترت بيه جرني عليه من شعري وعاط
ضرار... تحترمين روحج وتضبين لسانج لاهنا ادوسج واعلمنج الثور شيسوي سسمعتي
حجى اخر كلمه بعياط على صوته كلهم اجو مستغربين تصرفاته
سلافه... وخر منها ولك عيف البت شمالك هديت عليها
حطام... ضرااار وخر ايدك منها
دفعني حيل اجيت اوكع بس بسرعه لزم الميز
بديعه... يمه شبيك وي البت
ضرار... مااابيه شي ااانه ومرررتي لاااحد يدخل
ليث... خويه مرتك بس مايصير تضربها
غيث... مايحقلك تضربها تريد تفاهم وياها اذا عدك شي
ضرار... وجنننن كبرررتو صرتو تعلمون اخوكم الجبير شيسوي وشلون يصرف
حطام... ولك لاتعلي صوتك وفهمنا شصاير
سيرين... واكفه بمكاني وهمه يلومونه وانه ماحركت ساكن وحابسه دموعي وشهكتي بلكوا
اجت رهف تمشي وتوكع وتبجي
رهف... امه امه
اجت لزمت دشداشتي تريدني اشيلها
سيرين... ياروح ماما ليش البجي ها
اعاينله عكد حاجبه مستغرب شلتها وطلعت لاكاني بسول نازل من فوك شافني
ضل يعاين عليه قرب ايده على خدي وحجى
بسول... ضرار طكج ؟
شهكت بالبجي والحسره بداخلي ماجاوبته وصعدت لغرفتي
سيرين... احسه روحي تريد تطلع شهل ذل الي عايشه بيه يوم يصير وياي زين وبعدها ينكلب عليه يضرب ويعيط ويعربد ولازم اكعد واتحمله
كعدت بالكاع ضميت رجليه لصدري ونتجيت عالجربايه فرغت دموعي كلهن
اجتني رهف توخر بأيدي وتبجي وخرت ايدي اعاينلها مبرطمه
عاينتلي ومسحت دموعي بأيديها الناعمات وتريد تكعد بحظني حظنتها بقوه احس اريد حضن ارتمي بيه
واشكيله حالي تعبت من الاني بيه ولشوكت اضل هيج
ميس... جنا كاعدين بالصاله وشوي ونسمع عياط ضرار كمنا حتى نشوف شصاير لكينا لازم سيرين من شعرها ويعيط عليها
مبين جان ضاربه طبع اصابعه باين بوجها جانت ساكته ومانطقت ولاكلمه
الصدمنه من اجت رهف وتصيح لسيرين ماما ابد ماسمعنا هالكلمه من حلكها بيوم هيه خذتها وراحت
شوي اجى اتصال لضرار راح طلع برى اخذتني رجليه وراه اسمعه يعيط ويفشر
ضرار... ابن الكـ*** انهيك انت وياها _ طلع راسك يالاغم شمالك خاتل _ انـ*** عرضك واشوفنك شلون تحجي هينه اصبرلي
سد المبايل حتى مالحكت اروح هوه اجى مستعجل مدري من عصبيته حتى ماشافني
شفته صعد فوك خفت لايسوي شي لسيرين وتروح بيده ركضت بسرعه للصاله حتى اكللهم
ميس... جدي ضرار صعد لسيرين خافن لايسويلها شي وهوه عصبي
اخواني كامو بسرعه اعاينلهم طكوها ركضه فوك ولحكتهم
سيرين... كاعده بالغرفه وماحس غير الباب يندفر ويدخل ضرار
خفت منه كلش يتنفس بسرعه من عصبيته عيونه حمر ودمارات كصته باينه انتبهتله قابظ ايده بقوه لدرجه شرايينه بارزه
الرجفه سيطرت عليه والخوف سر بجسمي حسيت كلبي وكع من مكانه واني اشوفه بهالحاله
اجو الولد وراه وعاط عليهم
ضرار... برااااااا
بسول... تعال ويانه وعوف البت
ضرار... لاحد يدخل كلت
عزام... وتريد تموتها بيدك
ضرار... مرتي وانه اصرف وياها اموتها اكتلها مالكم شغل
بسول... خافن شفتها ضعيفه وبحدها انه اخوها وبظهرها وهسه تعال ويانه وعوفك من العصبيه
اجى تقدم عليه حظنت رهف بخوف لزمه بسول من ايده ودفعه اخذ رهف من ايدي وراح انطاها لميس
نفك بضيك وعصبيه
ضرار... ماحاجيها
بسول... كاااافي كنالك انت جاي هاااد عليها وتكلي ماحاجيها
ضرار... كلت ماحاجيها امشي لاتلح
دفع بسول وقفل الباب اسمعهم يعيطون ويدكون بالباب اخر شي عاط عليهم ماسمعت صوتهم بعد
عاين عليه وانه احس رجليه نشلن من الخوف اريد اكو ماكدر وبس دموعي تجري
اجى تقدم عليه بخطوات بطيئه وانه احسب خطوات موتي
كعد بمستواي وسحبني من شعري وهوه صاك على سنونه
سيرين... فدوه عوفني والله ماعيدها
أشر باصبعه على حلكه بمعنى سكتي سديت حلكي وبس دموعي تجري
ضل يعاين عليه اعاينله وجه احمر من العصبيه والاكثر بروده وسكوته خوفني اخر شي نطق
وكأن عداد موتي ابتدى ...
ضرار... شني البينج وبين بدر ؟
_ يــــتـبــع . . . . .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!