رواية ذات العيون الناعسة الفصل الرابع وأربعون 44 - بقلم روان آل عبدالله

ويَبقي حُضنك احن الاماكن لقـلبـي..

الكاتبة روان عبدالله

علقو بين الفقرات و خلو نجمة
__________________

اجاني صوته مبحوح و صوته مبين تعبان

فهد. الو

حجيت بلهفه و رجفه

مريم. فهد فدوه شوف شاهين ليش ما يرد عليه

فهد. ما بي شي

مريم. فهد ما اصدك احس بي شي فدوه كول لا تشلع گلبي.... كولي صكر شبي اتصل عليه يطلع مغلق

فهد. وحك العباس ما بي شي شنو ما تفهمين هذيان كاعد جدامي

مريم. شبي صوتك لعد

فهد. حلكي من الهلاهل تشرح

كمت اضحك و دموعي ينزلن

مريم. اذا يمك انطي الفون خلي احجي معاه

فهد. اخاف تحجون رومانسيات و تلفوني ما بي حيل ما متعود على هيج سوالف

مريم. هيه مال رومانسيات انطيني صكر بسرعه

فهد. ولكككك شاهيننن..... يمعود تعال..... تعال بسرعه... نعله على *** حلكي كام يوجعني من وراك

شاهين. خيررر

فهد. هاك مريم فضحتني تريدك

شاهين. شجاب مريم عليك

فهد. دهاك و انت حقق معاها الربع عاشك و فهد يبتلي

اسمع صوت شاهين يحجي معاه و شتعلت بنار طلع ما بي شي و ما يجاوب عليه بسيطه انا اله

اجاني صوت شاهين و هوا يكول

شاهين. هااا

مريم. هوااا شنو الهااا عيشتني بقلق و خوف ساعات اتصل ما ترد دزيت الي فيدو تضربون طلق و اختفيت و انا اشتعلت كل شوي تجي بالي فكره سوده

شاهين. اسف يمعوده شبيج موبايلي يم علي يصور بي و اني كضيتها اجيب و انكل بهل كهوه و المي

مريم. خوفتني عليك ليش هيج تسوي بيه

شاهين. ما عبالي تخافين كلت هسه سمسمه بسابع حلم

مريم. روح شاهين لا تحجي معاي

شاهين بهمس. عروستي الحلوه زعلت مني يمعوده لا تزعلين باجر عرسنا

مريم. ايي و شنو يعني كيفي ازعل... و هسه انا مزاعلتك و لا تحجي معاي

حجيت هيج و سديت الخط بوجهه اريد اعيشه جزء بسيط من الي عشته

اتصل عليه اكثر من مره بس غلقت الفون و نمت

تمددت على السقف و ادركت باجر عرسي

فتحت عيوني بصدمه و صحت

مريم. عزههه صارت صدك السالفه معقوله باجر عرسي يمه احس برجفه

بقيت اتكلب بل فراش الخوف و التوتر اكلني اكل

حياه جديده ناس جديده و عيشه جديده و مسؤليات اكثر و اكبر

تمنيت هاي الليله انا بيت اهلي و بغرفتي و بحضن امي ليله الوداعيه

تمنيت احضن امي و اكول الها

شوفي بنتج الي جنتي تصيحيها صغيرونه شوفيها باجر عرسها بنتج كبرت و صارت مره.... بس الظروف القاسيه هيه الي كبرتني ميه سنه

دفنت راسي بل مخده و كمت ابجي

شكد اكول انا قويه و لازم انسه بس امي يا ناس امي مستحيل تروح من بالي

صح ربي عوضني بشاهين لو ادور كل الدنيا ما الكه مثله ولا راح الكه شخص يعوضني غيره

من بين نوبه البجي الي هدت حيلي رفعت راسي  من المخده

مسحت دموعي و فتحت الموبايل

لكيت شاهين متصل فوك العشر مرات من شفت الاتصالات و الرسائل مالته كبل كمت ابجي على حنيته الي انا ما مقدرتها

اتصلت عليه اجاني صوته الرجولي بس جان خافت و بي كسره

شاهين. نعم

شهكت بكسره

مريم. صكر.... اسفه

تغيرت نبره صوته و صاح

شاهين. ليش تبجين

مريم. مو مهم

شاهين. كل دمعه من عينج تنزل تهمني... شبيج شكو هل بجي

مريم. مشتاقه لماما اريدها

سكت و انا بقيت اشهك من كل كلبي حجه و هوا يحجي بحنيه

شاهين. حبيبي هذا قضاء ربج و لازم تتقبلي امج موجودة و دوم معاج تسمعج و تشوفج من تبجين عليها... هسه اذا بجيتي و مهما بجيتي ما راح تستفادين شي... بمكان ما تبجين اقري الها قرءان و ادعي ربج تشوفيها بل حلم..

مريم. جايي ادعي والله بس مجاي تجيني

شاهين. ميخالف ضلي ادعي لا تملين.... يا بعد روحي شيهانتي تحمل هل ليله و باجر بحضيني

مريم. صكر هذا كلامك دا يوترني

شاهين. عود ردت اطمنج

مريم. مشكور ما قصرت.... صكري

شاهين. هاا يا بعدي

مريم. احبك اريدك دوم يمي امانه

شاهين. واني دوم يمج ما اعوفج

مريم. حروح انام

شاهين. روحي ارتاحي باجر وراج شغل جثير

مريم. شنو من شغل..... عاااا اوكف شقصدك

شاهين. هههههه بويه كل الخير والله

مريم. كلت الك لا توترني بكلامك

شاهين. ماشي بويه اسفين

مريم. صدك شدا تسوي

شاهين. والله الناس لسعها يمنه مجودره الظاهر راح يضلون لوجه الصبح

مريم. صدك والله

شاهين. لا مو صدك بس اني هيج كلت

مريم. اممم ياله بيباي بيبي حروح انام

شاهين. جاي اسجل نقاط سمسمه.... ياله روحي يصير خير

مريم. اوكف شنو من نقاط

شاهين. اذكرج بيهن باجر بل ليل

مريم. راح تجي باجر

شاهين. لا انتِ راح تجين بنفسج

مريم. شنو.... هاااا فهمت باجر نزوج

شاهين. اي على الخير استوعبتي

مريم. الخير يصيبك

شاهين. صايبني و مرمحني بهل اتراب

مريم. اممم اريد انام

شاهين. خلي الخط مفتوح

مريم. امم

شاهين. خلي على المخده اريد اسمع انفاسج

مريم. احبك

ذب حسره و همس

شاهين. اني هم احبج بعد رويحتي... خلي الموبايل على المخده و نامي اني هم راح اصعد لغرفتي انعل ابو الخطار لابوهم

مريم. هههه اوكي اعصابك حبيبي

خليت الموبايل يمي وانا فاصله تعب

فتحت سبيكر اريد اسمع شاهين شيحجي

شاهين. فهد الكهوه موجوده و المي لا تقصر بشي اني تا اروح انام تعبت

فهد. روح نام و اشبع نوم باجر وراك شغل للصبح

شاهين. خرب بكلينسه جاعد اخابر يل زفر

فهد. اقصد بل شغل يعني عرس و تعب هيج قصدي يا عيني شبيها نيتك

شاهين. ادعبل حبيبي روح ينادوك... صدك وين النونه علي اشو ماكو

فهد. كاضيها بجي و لطم ما يقبل يطلع من غرفته يصيح خاني الجنت بي اتباهه

شاهين. هههه لا صدك

فهد. عنده شغل بكركوك باجر يجي

شاهين. حيلل وين داشر هذا شوداه هناك

فهد. الحب وما يفعل راح على كركوك هوا و اعمه شلون انت ذيج السنه رايح جاي على الناصريه هسه زوجنا واحد ابتلشنا بل ثاني و تعال يفهد ابتلي بهل عشاك

شاهين. اودعناكم

فهد. ادري ما تحب تحجي جثير زين على الاقل عبرني بچم كلمه

شاهين. ولي لك

فهد. رحم الله والديك

سديت السبيكر وانا بغمضه قربت الموبايل عليه نمت

بين النايمه و الكاعده سمعت صوت شاهين يحجي معاي بس ما جنت اكدر ارد عليه

فزيت على دك الباب

كمت كوه فتحته اجت بوجهي راما و هيه شاده وصله على خصرها و تركص

باوعت عليها و انا كوه مفتحه صحت

مريم. خيرر شبيج

مرام. اليوم عرسج وانه فرحان كلش كلش فرحان و امي فرحانه و عمامي شلع كلهم فرحانين

مريم. ربي صبرني

مرام. يله كدامج دقيقتين على مود تتحظرين انريد انروح للصالون

مريم. امم ثواني و نازله

سديت الباب باوعت للساعه سبعه الصبح

غمضت عيوني اريد ارجع انام احس حيلي مهدود

سحبت الموبايل لكيت الخط مفصول

رحت غسلت وجهي و لبست تراك و طلعت الغراض الي احتاجهم يم باب الغرفه لبست حذاء رياضي و شلت العبايه بايدي

نزلت جوه و شلت نص الغراض معاي

راحت راما تجيب القسم الاخر و انا كعدت اتريك

ضحى. اكلي زين راح تضلين كل النهار بلا اكل

مريم. ليش لعد شنو اموت

ضحى. راح تشوفين التوتر يسد شهيتج

مريم. هوا انا هسه دا ارجف ليش ما ادري

ضحى. طبيعي هذا الشي الي عليج تهدين و فكري بيها الوضع طبيعي كلش

خليت ايدي على فكي و همست بابتسامة

مريم. خالتو ربي عوضني بشاهين احس صار هوا اهلي و كل ناسي

ضحى. حبيبتي ربج ما ينسى عبده ياما شفتي العذاب ياما شفتي موت اهلج كدامج بس ربج عوضج بشخص نساج كل المضه

مريم. و النعم بالله

كمت غسلت و خليت الغراض بل سياره

لبست عبايتي و حجابي و توجهنا للصالون

متوتره و الي يكولي شبيج كبل ابجي من الخوف

اتصل عليه شاهين

مريم. هلا عمري

شاهين. يا بعد روحي... وين انتِ حالياً

مريم. بل طريق للصالون

شاهين. ليش احسج مو على بعضج حبيبي

مريم. مبيه بس شوي نعسانه و خايفه

شاهين. من شنو خايفه

مريم. مدري من كل شي

شاهين. اهدي عادي كلش

مريم. صكري

شاهين. هاا يا روح صكر

مريم. خايفه منك و من اهلك لا ما يتقبلوني

شاهين. من اهلي حقج بس مني ليش

مريم. صكر مدري احس لسه مو مستعده لكل شي

شاهين. لا تفكرين هيج ولا تشيلين هم متفهم الموضوع اني

مريم. ماشي

شاهين. اهدي حبيبي

مريم. ماشي عمري انت

شاهين. شتكولين البس القاط لو الدشداشه

مريم. ثنينهم محلوات

شاهين. عجل شلبس برموده و بدي

مريم. ههه لا... البس بدلتك العسكريه السوده

شاهين. اني بزعان منها... انوب البسها بعرسي

مريم. حباب والله حلوه عليك هيج تبين ضخامتك و البيريه تموت عليك

شاهين. لا

مريم. حباب لا تكسر خاطري

شاهين. ماشي ادللي

مريم. فدوه عمري

شاهين. راح اروح اكمل النواقص

مريم. ماشي قلبي

سديت الخط و كعدت احجي مع البنات في سبيل ازيل التوتر

وصلنا للصالون دخلت و ام الصالون ستقبلتي بل ترحيب شكلها تذكرتني

قدمت النا حلويات و كهوه كعدنا انا و البنات انكص صور و ستوريات

اجه دوري طلبت ام الصولون نفسها هيه تمكيجني

طلعت الها الصوره المكياج و بلشت بوجهي

خلصت وجهي فتحت عيوني و نصدمت من كميه الفخامه و نظافه الميكب

عيوني مسحوبات و بارز لونهن بشكل

بلشت بشعري فضلت يبقه مفتوح بس بي رفعه خفيفه من فوك و ينزل خصلتين من كدام

سويت شعري و خلصت بل 40 :12

البنات لسه ما خلصن دخلت لبست الفستان و جان قياس على جسمي

ختاريته مو ابيض كلش و ختاريت ضهره و الصدر مفتوح

بوكتها شاهين ما رضه عليه بس انا عاندت و قنعته البس فوكه كبوس

لبست فستاني و كعدت اخذ صور اخذت لنص وجهي و بعثتها لشاهين

شافها رأسن و بقه ربع ساعه يالله رد

كبل اتصل عليه

مريم. هلا قلبي

شاهين. شنو هاي ولچ

مريم. شنو لا تخوفني

شاهين. شنو هل جمال شنو هل نزاكه ما تتخيلن الفرحه الي اجتني من شفت صورتج هاي بس صوره و نص وجهج و هيج احس الكاع ما شايلتني شلون لو اشوفج

مريم. فدوه حبيبي

شاهين. افتحي كامرة خلي اشوفج

مريم. توو مفاجأة حبيبي

شاهين. ما اكدر اصبر احس كلبي يريد يطلع من حلكي وحك هذا الله... يولي شكد احبج اني وحق هذا الله اعشقج ما اصدك اليوم عرسي و انتِ مريتي الي راح تصير بحضني اليوم.... مجاعد استوعب اليوم راح نتزوج و راح انعيش حياتنا كلها سويه

مريم. ولا انا صكر

شاهين. يروح صكر و عافيته كون اضمج بضلوعي محد يشوفج بس اني

مريم. اويي حبيبي استحي

شاهين. هههه بس لا لبستي هذا المصلخ

مريم. هههه شنو هذا

شاهين. هذا الفستان الي جلبتي بي

مريم. امم لبسته ماكو غيره

شاهين. ماشي سمسمه سهله نتفاهم بل ليل ههه

مريم. بطلت ما اتزوج

شاهين. هههه اتشاقه

مريم. روح شاهين تحظر

شاهين. ياله مع سلامة

مريم. بايي صكر

سديت الخط منه و ضليت كاعده نص ساعه و خلصن البنات

طلعنا من الصالون و صعدت بل سياره

بقه خالو يحجي معاي و يشاقيني

وصلنا للبيت و اتصلت على شاهين

اجاني صوت فهد يهلهل

بعدت الموبايل عن اذني لان احس الطبله اذني تمزكت

فهد. لك هله حبيب الكلب اليوم عروسة، منقذتي المحتحته اشونكي

مريم. تمام بس على فكره انا ما اكول اشونكي

فهد. غلسي..... كبرت سمسمه ذاك النهار جنتي جاهل و خاله ايدج بحلكج

مريم. فهد....شبيك

فهد. منقذتي ردت ابارك الج يول

مريم. الله يبارك بيك فهودي يوم الك و اشوفك احلى عريس

فهد. فدوه لگلبج بس لا تتأملين ما راح اصير عريس

مريم. ليش شنو ناقصك الف بنت تتمناك

فهد. والله الي احبها حبت غيري وانه جازت نفسي من الحب و الزواج رغم جانت نيتي زواج.

مريم. يااا صدك تحجي فهد والله الي حبت غيرك مخبله وين اكو مثلك

تغيرت نبره صوته و كام يسولف بكسره

فهد. هيه بعد صارت مو مهم المهم هسه انتو

مريم. فدوه فهد لا تشيل بخاطرك والله ربك راح يعوضك بالي احسن منها و الزواج قسمه ونصيب

فهد. ونعم بالله مريومة

مريم. يمته تجون

فهد. هسه احنى بل طريق طلعنا من الانبار

مريم. بعد كم ساعه و توصلون

فهد. هيج ساعتين ثلاث مو كلنا اجينه قسم اجو و قسم راح يتلكونا بدايه الانبار و ندخل للقاعة زفه كامله

مريم. امم حلو زين شجاب موبايل صكر يمك

فهد. من الخبصه شمر عليه اغراضه البيره و المسدس و الموبايل و النضاره و صعد و شخط السياره اول واحد كوه لحكناه

مريم. دير بالك على البيريه لا تضيع اريده يلبسها على مود ناخذ صور

فهد. اذا ما سكتي هسه احطها باثم (حلك) النونه علي

مريم. اكولك هذا شاهين خابصني بي علي و النونه منو هذا

فهد. هذا ضرتج بعد كلبي شدي راسج من هسه

مريم. شحده انا اله

فهد. انشوف

مريم. بايي

فهد. هلوو

سديت الخط وانا كلبي يوجعني على فهد شلون يحجي بكسره گلب مبين لحد هسه يحبها

دعيت اله من كل گلبي ربي يرزقه بنت احسن منها و يعوضه عن كل الي مضه

شغلن البنات الديجي و كمنه نركص احلى شي الناس الي جايه قليله فا اخذنه راحتنا بكل شي

ضلينه نركص و صورنا كعدت تعبانه باوعت على مكياجي ما بي شي

عدلت شعري اجت خالتي و بيدها صحن

بي فواكه مقطعه خلتهن بحضني و انطتني شوكه

باستني من راسي و همست باذني

ضحى. بنيتي اليوم احلى عروسه ان شاء الله ايامج كلها سعاده و حب ربي ينطيج على كد نيتج و يرزقج باطفال يعوضونج عن كل التعب و يحفظ الج شاهين

حضنتها و حجيت بخنكه

مريم. خالتوو....عتبرتج امي والله ما جنت اريد افركج و افارك حضنج... حضنتيني و حتويتيني بوكت كل الناس تخلت عني لو ما انتِ جان انا هسه بل شارع ربي يحفظ و يطول بعمرج

بتعدت عنها و بست ايدها و راسها..

كعدت بمكاني و كمت اكل بل فواكه

اتصل عليه شاهين

مريم. هلا حبيبي

اجاني فهد و هوا يذب حسره همس

فهد. ثول كون انه فهد مو كلت الج الموبايل يمي

مريم. شمدريني جااا

فهد. تحظري وصلنا الناصريه

مريم. ماشي

سديت الخط و كل البيت دخل انذار

عدلت حمرتي و شعري و كعدت متوتره و افرك بايدي

احس رجليني يرجفن و الرجفه حتلت جسمي صرت ادعي رجليه ما يبيدن و اوكع بل كاع

سمعت الهوسه و صوت الطلق الجهال صارت تصيح اجوو

بطني لوتني و صرت اريد استفرغ من القلق

رجليه بادت صرت ما احس بيهن

دخل شاهين و خالي

خالتي كرصتني عود كومي و انا ما بيه ارفع اصبعي

كعد يمي شاهين وانا مدنكه مسك ايدي و همس بخوف

شاهين. شبيج كليبي

رفعت راسي و نزلت دموعي بخوف

همست برجفه و بجي

مريم. صكري ضمني بحضنك فدوه

بدون تردد ضمني بحضنه و صار يمسح على ضهري بحنيه

سمعت صوت البنات يصيحن بس ما اهتميت

ختلت بحضنه و صرت اسمع صوت نبض گلبه

ضمني اكثر و همس باذني

شاهين. حبيبي.... شبيج ليش هل رجفه ليش هل خوف ترا ما راح اكلج... خلي بالج كلشي راح يصير بكيفج انتِ، و من زمان كايل الج هل شي فا اطمني.... يله اهدي كافي رجفه و خلي انروح

زول منه قوست شفتي و هزيت راسي

كام و سحبني من ايدي صاح

شاهين. الكبوس وينه

اجت راما تركض انطته الكبوس و اجت بسرعه مسحت دموعي بخفه و عدلت شعري

شاهين لبسني الكبوس و مسك ايدي و باسها سحبني من ايدي و طلعنا بره

نمشي و الكل يمشي ورانه و النسوان يهلهن

تلكونه الولد و صارو يضربون طلق فوكنه

ختلت بضهر شاهين و كبل تشبثت بي حيل

وصلنا للسيارة بالف يا علي

صعت من كدام و كبل ذبيت الكبوس و تنفست براحه

صعد شاهين و باوع عليه خله ايده على خده و همس

شاهين. شهل جمال سمسمتي... هنيالي والله

نتبهت عليه لابس البدله العسكريه مالته و البيريه باوعت عليه بحب و همست

مريم. هنيالي بيك على هل جمال والله

رفعت ايدي و مسحت فكه و شواربه خليت ايدي على شفته باسها و مسحت على شواربه و همست

مريم. احبك

شاهين. احبچ اني اكثر

جرني و قربني عليه خله شفته على شفتي و كام يحرك شواربه على وجهي

غمضت عيوني و انا مطمنه من قربه

فزينه ثنينه على صوت دكه الشباك

اجانه صوت واحد يصيح...

علي. يلهه شاهين بسرعه انريد انمشي حرك

فهد. مووو وكت رومانسية الدنيه مكلوبه وانتو تتباوسون

باوعت على شاهين بصدمه و شاهين فتح الشباك تفل عليه و رجع سده

مريم. شاهين شنو اتفقنه احنى

شاهين. شسوي جبرني

مريم. حتلووو

حرك السياره و حجه

شاهين. ميخالف بيني و بينهم

مريم. درت وجهي ما عاجبني كلامه

شغل اغاني و جر ايدي باسها

ترك ايدي و دخل ايده بجيب البدله و طلع كندر

ضحك بخفه و همس

شاهين. ما ناسيج ابد... هاج اكلي عافيات كليبي

اخذت الكندر و بست ايده همست

مريم. فدوه اروحلك انا

كضينه الطريق نتغزل و مشغلين اغاني و انصور

وصلنا للانبار تلكونه السيارات البقيه و كاموم يضربون طلق

نزلو فهد و ولد معرفهم و كام يركصون بنص الشارع

نزل شاهين و كام يدبج معاهم

صورتهم و جان الفيديو يخبل

اباوع على فهد ترك ايد شاهين ورجع الى وره و طلع موبايله و كام يفرك بعيونه و يباوع على الموبايل

ترك ايدهم شاهين و صاح

شاهين. يله شباب للسيارات

تفرقو اجه باتجاه السيارة شاهين

اباوع على هيبته بل ملابس العسكرية لبس نضارته و زدادت جماليته

صورته اجه صعد و حرك السياره

وصلنا للقاعه و نزلنا

دخلنا و شغلو اغنيه حسين الجسمي مالت ادخلي عمري

دخلنا انا و شاهين و وكفنا بل نص خفتت الأضواء و صرنا نركص سلو على اغنيه اليسا عبالي حبيبي

خلصنا ركص صعدنا للكوشه صورنا صور بل كامره و كمنه انسوي وضعيات

و شاهين بدون ما تكوله المصوره سوي هيج شي هوا ما مقصر

خال ايده بخصري و يكرص بيه

كل شوي يدنك يبوسني من رقبتي لو من خدي و من طارف شفتي

كل هذا الشي و الناس تباوع علينا

خلصنا التصوير و راح شاهين على قاعه الولد و بده الركص

بدن يجن النسوان يسلمن و يبوسن

اباوع على امه كاعده و يمها نسوان يباوعن و يخزرن..

اجن عماته و سلمن عليه من طارف خشمهن و راحن

اجه العشه و صارت الكل يتعشا وانا ميته جوه لو يعزموني كبل اكعد ينصهم

ما اعرف احد بل قاعه كلها غربه

اتصلت على شاهين

اجاني صوت و هوا يسوالف مع زلم

انتظرته يخلص همس بصوت ناصي

شاهين. هاا سمسمه

مريم. تعبت و جعت يمته يخلص العرس

شاهين. من يخلصون العشه تفض السالفه

مريم. اوكي حبيبي

اجن بنات و كعدن يمي

شاهين بصياح . لا تاكلين شي منهن ديري بالج

مريم. اوكي وصلت

شاهين. عود اني اوكلج بأيدي يول.

مريم. ماشي عمري.

باوعت على البنات حجت وحده منهن

_ عيونج طبيعيه

مريم. ههه اي

سحبتها وحده و راحت و البقيه كلهن كامن

تعجبت من تصرفهن

خلصو عشه و اتصلت على شاهين

شاهين. هاا حبيبي

مريم. يالله شاهين انتهيت انا

شاهين. هسه بس يخلصون الولد جاي يدبجون جوبي فد ساعه انوب

سد الخط و كعدت انتظر مثل الاطرش بل زفه

اباوع على الناس و كل شوي صاعده الي عجوز تبوس بيه

خابرت خالتي و كعدت انقل الها الاجواء و هيه تبجي

و انا كاتمه دموعي ما اريد ابجي كدام احد

صارت الساعه 11:30 و بدت الناس ترجع لبيوتها

دخل شاهين و كعد يمي كصينا كم صوره و حجينه شوي و كمنه

لبسني الكبوس و طلعنا

الكل يمشي ورانا و يهلهل

صعدنا بل سياره اباوع للولد فرغو الشارع العام

مطلعين الاسلحه من الجامه و يضربون من القاعه الى ما وصلنا للبيت

نزلنا و رفعت راسي باوعت على الولد اغلبهم مربين شوارب عرفتهم أصدقاء شاهين بل دوام

دخلنا للبيت و صعدنا لغرفتنا

دخلت ام شاهين و معاها نسوان و بنات

و باركن النا و كعدن

شاهين وكف يم الباب و صاح

شاهين. يله بعد گلبي بلا مطرود

مزنه. يااا شبيك مستعجل

شاهين. مو قصه استعجال بس تعبانين يله الساعه 12 كافي روحو نامو

طلعن النسوان و شاهين سد الباب و قفله

اندار و نزع البيريه و حزام المسدس و غلق موبايله و باوع عليه

شاهين......

-----------------------

خلو نجمه و تابعو حسابي الانستا roroabd_17

اعذروني على التأخير بس عندي ظروف

بارت ما قبل الاخير....