رواية ذات العيون الناعسة الفصل الحادي وأربعون 41 - بقلم روان آل عبدالله

اشيلك من خَيالي وتِرد مثل الشيب كلما تنشلع تِكثر

علقو بين الفقرات و دوسو على النجمة

الكاتبة روان عبدالله

°°°°°°°°°°°°°°°°°°°°°°°°°°°

باوعت عليه بغيض كصتني كص

حجت و هيه تزول شعرها عن كتفها بغرور

_ مرحبا اسفه اخذت من وقتكم بس اجيت اسئلك سيدي كم سؤال

شاهين من سمع صوتها كبل رفع راسه و باوع عليها و هوا مصغر عيونه

شغل جكاره و باوع عليها و اخذ رشفه من الجكاره و ضحك بخفه

شاهين. شجابج

_ مو مهم.... اجيت اريد اعرف هاي الي عفتني على مودها

شاهين. ولي من هين لچ

كامت تبجي و ترجف ضربت ايدها على الطاولة حيل و صاحت

_ ما اروح على ايي مكان شنو ذنبي بعد ما تعلقت بيك و حبيتك عفتني

شاهين. ما عفت احد منو كلج حبيني جان بينه عقد و لتغه فقط لا اكثر ولا اقل

_ يعني هاي هم مثلي

توجه نظري على شاهين اريد اعرف شنو الي صاير باوع عليه و عيونه حمر فرك جبهته و طفه الجكاره رفع راسه عليها و صاح

شاهين. ديري بالج تجيبين طاريها هاي تاج راسج و ولي من هين لا اجي اشحطج هينه جدام الناس و شيصير خله يصير

_ ما اروح من هنا كولي منووو هايي

حولت نضري على شاهين ضرب بقبضه ايده على الطاولة هيه كبل فزت و راحت

شاهين شال البصمه و بطل الماي و كام همس

شاهين. يله كومي عمري

كمت بدون ما احجي شي وانا كلبي نار اريد اعرف شجاي يصير و منو هاي

صعدنا بل سياره حرك السياره بدون ما يحجي شي

توجه نضري اله جان قابط على الستيرن بكل قوته لدرجه شراين ايده بارز بشكل مخيف

اخذت شهيق و شجعت نفسي همست بصوت ناصي و انا اباوع عليه

مريم. شجاي يصير صكر و منو هاي

شاهين. مريم سدي الموضوع

مريم. على ايي اساس اسده شاهين ما اسده ولا اغض النظر عنه الى ما تكولي منو هاي

ضرب بايده على رجله و صاح

شاهين. سدييي الموضوع

مريم. لاا مو على كيفك اسد الموضوع بس بعد ما تحجي الي كل السالفه

شاهين. واني ما راح امضرط لو كلمه

مريم. براحتك شاهين.... رجعني للبيت لا ردت هل طلعه

شاهين. ماا ترجعين ابدد

مريم . كلتتت رجعني شنو هيه بكيفك

شاهين. ايي بكيفي

مريم. رجعني بعد ما احجي معاك

درت ضهري و خليت راسي على الجامه و نزلت دموعي مسحتهن بقوه اكره ضعفي احس من تنزل دموعي كل قوتي تنهدم

ينزلن دموعي و امسحهن برجفه ايد

وكف السياره رفعت راسي شفته واكف يم العمارة مالته صحت برجفه وانا و ابجي

مريم. رجعني للبيت كلت

ما رد عليه و نزل اجه من جهتي فتح الباب و جرني

حاولت امنعه بس جان مقيدني بايدينه

دخلنه للعمارة و وصلنا لشقته فتح الباب و دخل

ترك ايدي و قفل الباب و علك المفتاح فوك المزهريه

زدت بجي و كمت اشهك كعدت بطارف الكنبه و خليت ايدي على وجهي و كمت ابجي بحرگه گلب

حسيته سحبني و كعدني بحضنه كمت اضرب بصدره و ابجي

مسك ايديني بقوه و ضمني بحضنه

ضليت ابجي لحد ما تعبت

خاله راسي على صدره ،هدوء ماكو لو صوت بس صوت شهكاتي الي تطلع من كل گلبي

همست وانا اشهك بتعب

مريم . احجي منوو هايي

شاهين. سدي الموضوع ليش تخربين يومنه والله ما تستاهل

مريم. هسه انا الي صرت اخرب يومك موو

شاهين. مو هيج قصدي

مريم. لا تحجي ولا تعب نفسك ما اريد اسمع بعد اي شي مثل ما تريد راح اسد الموضوع بس بعد ما تطلكني و ترتاح مني بعد ما اخرب يومك و روح على هاي ام التجميل خلي تفيدك

شاهين. بعد لا تجيبين طاري الطلاك على لسانچ

مريم. ما تكدر تمنعني انا واعيه و اعرف شلون اتصرف اذا مخطوبين و هيج لعد من نتزوج شسوي انا انسانه تعبانه و ما بيه حيل مشاكل ولا وجع راس اريد من ارتبط بشخص ينسني كل الي مريت بي مو يزيد الطين بله

كمت من حضنه و نزعت حجابي جريت الكلينس و مسحت وجهي رفعت راسي عليه لكيته يباوع عليه بتركيز

مريم. رجعني للبيت

شاهين. ما تطلعين من هين ابد

مريم. منو انت تا تمنعني

شاهين. خطيبج و زوجج عن قريب

مريم. بل احلام تصير زوجي و انتَ هيج تصرفاتك انا ما اتقبل هيج رجال بحياتي يحجي مع بنات و بكل دن بارد يريد يتملكني ... تحلم شاهين تحلم اصير زوجتك وانت هيج طبعك

شاهين. راح احقق الحلم عن قريب هههه

حتركت بس ما بينت اله انا ميته قهر و هوا يضحك بكل دم بارد

اخذت نفس و باوعت عليه همست

مريم. رجعني للبيت

شاهين. هذا بيتج

سكتت اريد اشوفه وين يريد يوصل

اجه و كعد يمي دنكت راسي و كمت العب باصابعي

رفع شعري عن عيوني و خلاه ورا اذني همس و هوا يمسح على كتفي

شاهين. هاذي مجرد بنت عابره مرت عليه بحياتي جانت حالها حال اي وحده اعقد عليها و وراها من يخلص العقد كل واحد يمشي بحال سبيله

مريم. ليش سوت هذا الشي

شاهين. لانها تحسب بهذا فعلها راح اخاف منها او فد شي و انطيها فلوس لجل تروح او تسد الموضوع ... سوت سوالف تشيب الراس هاذي و تحسب تا تمشيها عليها بس ما تعرف اني منو

مريم. شسوت

شاهين. جابت تقارير حمل وهميه و رادت اعترف بل زواج و اعتبرها كزوجه بس فشلت و سامحتها بعدين دخلت لشقتها لكيت ولد تحسب تا اغار عليها او فد شي طلعت و خليتهم و ثاني يوم و صلها ورقه الطلاك ما خلت شي و ما سوته تخابر و تهدد شافتني ما منطينا اي اهميه خابرت فهد و علي بس وكفتها عند حدها و بتعدت بس هسه تحسب راح اسكت الها على هاي عملتها ههه

مريم. زول عني لا تحجي معايي ابد

شاهين. جنت صريح معاج من الاول و حجيت الج على علاقاتي و انتِ تفهمتي الموضوع شنو الي ختلف هساع( هسه )

مريم. الي اختلف معبالي هيج ... و خايفه لا تعاملني مثل معاملتهن يوم من الأيام او تطلكني بكل دم بارد و تتزوج وحده غيري

فرك وجهه بعدم صبر و ضحك بخفه باوع عليه و حجه بجديه

شاهين. كافييي لخاطر الله چم مره فهمتج انتِ غير عنهن شنو ما تشوفين حبي الج ما تشوفين لهفتي من اشوفج وربي هاي الضحكه الي جاي اضحكها معاج هنه گبل يتحسرن عليها

مريم. تريدني اسد الموضوع و اتصرف طبيعي ولا كأن شي صار

شاهين. ايي هيج اريدچ

مريم. لااا والله خلي نفسك بمكاني و لو جاي عليك ولد و حاجي معاي ب....

ما كملت و حسيت بشي حار صار على خدي و اذاني كامت تون ونه خفيفه دنكت و انا و مغمضه عيوني بقوه استوعب الي سوى بيه

اسئل بنفسي بس ما الكه جواب معقولة ضربني .... معقوله وصلت لهل مواصيل .... زين وين حبه .... وين كلامه .... كله جذب ..... انا حجيت معاه كلمه و ما تحمل ... شلون لو صاير معاه الموقف و انا بمكانه شراح يصير ....

دنكت و خليت ايدي على وجهي و كمت ابجي بحركه گلب و بصوت عالي

كعدت بل كاع و خليت ايدي على وجهي و ستوعبت الي سوه بيه شاهين

سمعت صوت تكسير يمي خفت اكثر

ضميت روحي بين رجليه فتحت عيوني شفت دموعي مغركات الارض

ثواني و صار الهدوء يعم المكان كتمت صوت شهكاتي الي كسرت ضلوعي

صوت انفاسه عاليه يتنفس بقوه

حسيت خله اصابيعه على كتفي بتردد

رفعني من كتافي و خلاني بحضنه

زولت راسي من رجليني و كمت اضربه على صدره و ابجي بصوت عالي

ما سوه الي شي خلاني اضربه رفعت راسي عليه و نصدمت بشكله

جانت دموعه على خده و جرح خفيف على جبينه

زولت ايدي عن صدره بحركه بطيئه و باوعت عليه واني دموعي على خدي و اشهك

دموعه مستمره تنزل كمت من حضنه و رحت امشي باتجاه الجربايه

كورت روحي و ضميت وجهي بين رجليه

اريد ابجي اريد انطي رد فعل بس ما اكدر شكل شاهين و دموعه لحد هسه مجاي تروح من بالي

حسيته اجه عليه كبل رفعت راسي و باوعت عليه ما خله عينه بعيني

شكله مكسور و مهدود حيله

كعد مقابيلي من شفته رأساً بجيت

رفع ايده و كبل فزيت و خليت ايدي على وجهي

ثواني و شلت ايدي متعجبه ليش ما ضربني

جان يدحج عليه و يرجف و دموعه تنزل همس برجفه و صوت متقطع

شاهين. اسف ..... وحق الله الضربه طلعت مني بغير قصد... لو مكسوره... ايدي و لا ضاربج ..يا بعد روحي

هزيت راسي برفض وانا اخلي ايد على وجهي استعد للبجي

شاهين. موو قصدي .... دحجي عليه لا تكسرين كلبي من نعله على يومي وحق هذا الله لو اموت اليوم لو اكطع ايدي

رفعت ايدي و خليتها على صدره و هزيت راسي بلا

همست بجي و انا امنعه

مريم. لااا امانه لتسوي هيج

سحبني لحضنه و ضمني بقوه كمت اضربه على ضهره و ابجي

تعبت و ستسلمت خليت راسي على صدره و صرت بس اناغش همست بتقطع

مريم. ودين.... وديني ... للبيت

شاهين. صار

كمت منه و رحت لبست حجابي و حذائي و وكفت يم الباب

دخل للحمام دنكت اباوع على ايديه يرجفن احس باي لحظه راح يغمى عليه

مسكت الحايط و كعدت اقره معوذات اخربط بل ايه و ارجع استغفر و اعيدها

طلع شاهين من الحمام و شكله ما يكصه سيف بعدت عن الباب و اجه فتحه

نزلت و صعدت بل سياره خليت راسي على الجامه و غمضت عيوني اريد استوعب الي صار معاي معقولة انا بحلم لو حقيقه

ليش يضربني على مود هاي البنت مستحيل ابقه معاه مستحيل اسكت على كل الي سواه بيه

معقولة شاف ما عندي سند لا اهل لا ام لا اخ و هيج سوه بيه لو ابويه عايش جان كبل رحت كلت اله لو اخوي موجود جان سندني هسه انا منو الي محد بصفي ما اكدر احجي لاحد بل نهايه محد يفهمني

نزلت دموعي على خدي مسحتها برجفه ايد وكفت السيارة

فتحت عيوني بتعب نزلت من السياره بسرعة

باوعت عليه بنضره عتب لتقت عيوني بعيونه

عيونه جانن حمر و حواجبه معكوده شكله مكسور بعيونه جان يترجاني ما اروح بس ما هتميت لكلشي و سديت الباب بوجهه

توجهت للبيت دكيت الباب فتحت الي خالتي

كبل دخلت و صعدت لغرفتي

شمرت روحي على الجربايه و كمت ابجي من كل گلبي

حسيت الباب نفتح و شخص مسح على كتفي رفعت راسي لكيتها خالتي

اول ما شفتها حجيت بشهكم و بجي

مريم. خالةةة طلع ما يحبنيي .... خالةة ضربني على مود وحده من الشارع .... خالة ستغل نقطه ضعفي شاف محد سندي و كام يضرب بيه بكيفه

كبل حضنتني بدون كلام

خليت راسي على صدرها و كمت ابجي

دقائق و دخلت بعالمي الاسود

فزيت على اثر كابوس شفت الغرفه ضلمه و ضوه خافت يجي من وره الباب

حاولت اكوم اكثر من مره بس محاولاتي بأت بل فشل

ستسلمت و ضليت بفراشي

حاولت انام بس ما كدرت جنت افكر بافكار عشوائيه

ربع ساعة و حسيت باب الغرفه نفتح

همست بصوت ناصي

مريم. خالة

شغلت الضوه و اجت يمي مسحت بجفها على وجهي

ضحى. هاا يا روحي شلون صرتي

مريم. ما بيه شي

ضحى. ارتفعت حرارتج من نمتي بس هسه شوي زينه صايره

مريم. احس بدوخه يعني هيج السقف يفتر

ضحى. ايي هاي صخونه اسم الله شجاج احجيلي بنيتي ليش جيتي منهاره و تبجين خفنه عليج

مريم. خالتو شاهين... ضربني

ضحى. تحجين صدك شلون يتجرء على اي اساس

رجعت بفراشي خليت عكس ايدي على وجهي و كمت ابجي

مريم. خالة ضربني على مود وحده بنت شارع

ضحى. يخسه شلون يمد ايده عليج

مريم. خالة بعد صارت.. و اريد اطلب منج طلب

ضحى. اطلبي

مريم .اريد افسخ الخطوبه

ضحى. اصلا لو حتى انتِ ما تردين غصب ما عنج نفسخها على اي اساس يضربج اذا مخطوبين و هيج چا باجر من تتزوجون شيسوي بيچ

مريم. هاي هيه هذا قراري بعد ماكو شي اسمه شاهين بحياتي كلها جان مجرد صفحه بحياتي و هاي الصفحه نطوت

ضحى. ادري بيج تحبينه بس كرامتج فوك كل شي

مريم. جنت احبه بهاذه فعله هوا الي طلع حبه من گلبي بعد لا تجيبو الي طاريه ابد و امانه حاولو باقرب و قت ترفعون قضيه طلاق

ضحى. ان شاء الله عفيه بنيتي صيري قويه شكال تشوفين بحياتج و هاي دروس من الحياه على مود تقويج و تعلمج راح تكون مرحلة جداً صعبه عليج بس انتِ قويه و راح تطلعين منها

مريم. شكراً خالة حبيبتي والله معرف شلون ارد الج المعروف انتِ الوحيده الي حتويتيني و ستقبلتيني بيتج

ضحى. حبيبتي شعندي غيرج نامي هسه و ارتاحي و اذا جوعانه جبت الج اكل خليته هنا

مريم. لا مو جوعانه شكرا

مسحت على راسي و طلعت

رجعت تمددت و ساعه ابجي ساعه افكر ساعه اكول ما يستاهل افكر و لا اتعب

جفاني النوم ما كدرت انام

كمت ادور للموبايل لكيته على ميز المرايه

شلته و طلعت الشريحه و كسرتها

و سجلت خروج من كل البرامج

دخلت على الصور كمت اكلب بيهن و دموعي تنزل

كل ايامنه انا و شاهين بقت ذكرى بس صور حاولت امسحهن اكثر من مره بس كلبي ما ينطيني و ارجع الغي التحديد

مرت الايام واني ميته بس على قيد الحياه

صرت منعزله بغرفتي ما اطلع منها ما اهتم بنفسي نهائيا وجهي نترس حبوب و هالات سوداء

صرت احب الضلام تركت دراستي تركت اهتمامي بنفسي صرت اكره شكلي ما اتقبل روحي المرايه غطيتها بل تيشيرت مالتي على مود ما اشوف شكلي و اكتأب اكثر

صارت خالتي بين فتره و فتره تصعد لغرفتي و تعزلها و تفتح الشبابيك و تبدل ملابسي و تمشط شعري

صرت فاقده، حياتي صارت عباره عن ضلام غرفتي ما اطلع منها بس على الحمام و ارجع عليها ركض

تفكيري صار عباره عن شاهين مره اطلع اله عذر مره احقد عليه مره اشتاق لحضنه و لعطره الي اكرهه افكاري متناقضه و معرف شنو اريد

كعدت من النوم مثل عادتي يوميا اتوجه للكنتور و اطلع كل الاغراض الي جابها الي شاهين و اضل ابجي الى ما اتعب و يسيطر على عيوني النوم و انام

فتحت الكنتور و طلعت العلب و جانت هاي اول مره افتحهن تجرأت و فتحت العلبه الاولى لفح وجهي عطره الي اكره غمضت عيوني استنشق العطر

نزلت دمعه حاره تجوي خدي فتحتها كامل و اخذت التيشيرت و ضميته بحضني

خليته على خشمي و شميت العطر بشكل هستيري

همست بشهكه وانا ابجي

مريم. ليش عفتني ليش تخليت عني ليش ما سئلت لهل درجه طلع حبك جذب وين حبك الي و ين وعدك وين كلامك من جنت تكول اعوضج شوف شوفتني الموت بس انا و عايشه ليش هيج يا صكري مو جنت تحبتي مو جنت سندي و اهلي ليش تخليت عني بسهوله

حسيت احد رفعني من ضهري و خلاني بحضنه

عرفتها خالتي بادلتها الحضن و كمت ابجي و احجي بعصبية

مريم. طلعع ما يحبنيي خالةةة شفتي شلون هجرني والله احبه والله ما اكدر بدونه ليش سوه بيه هيج شنو ذنبي كل الي احبهم يعوفوني مره ابوي مره امي مره اخوي و هسه زوجي ليش هيج كلها تكرهني و كلها عافتني شنو ذنبي اتعذب بحياتي و اني عمري 19 سنه بس مو وعدني يعوضني و يبقه معاي معقولة كل كلامه طلع جذب

ضحى. شبيدي عليج يا روحي والله كلبي تكطع وانه اشوفج جاي تنهارين يوم بعد يوم والله محد يستاهل كل هذا البجي

مريم. ما اكدر انساه و اكمل حياتي ولا اكدر ادعي القوه صعبه كلش عليه والله اعتبره ابوي اعتبره اخوي اعتبره امي هوا الوحيد الي احتواني وانا الي جنت مشتته نهاريت خالة نهاريت ما اتحمل فراكه ما اتحمل بعده بس كرامتي جاي تمنعني ارجع اكول بداخلي هوا ما يريدني و ضربني على مود بنت شارع بعد على شنو ارجع اله

ضليت حاضنتها و ابجي اله ما هديت و بقت بس شهكاتي الي تكسر ضلوعي ضلع ضلع و ما تطلع

فزيت على شخص يهز بكتفي فتحت عيوني و شفت راما بنت خالتي واكفه فوكه و بعيونها قلق و حزن

مريم. هاا

راما. حبيبتي كومي غسلي و امشي معانا كاعدين بره الجو يخبل و مسوين اكل يعجبج

مريم. لا ما اريد خليني ناسيه همي ليش كعدتيني

خلت ايدها على عيونها و كامت تبجي

غطيت راسي بل بطانيه و كمت ابجي همست

راما. بابا يريد يحجي معاج بخصوص قضيه الطلاق اول البارحة باشر بيها و اليوم جابها

رفعت الغطه برجفه و همست بصوت مبحوح

مريم. يعني شاهين طلكني

راما. امشي انزلي و اهسه بابا يحجي الج كل شي

مريم . ايي اجيت

راحت راما و انا نزلت ركض بدون لا حجاب و لا شي يسترني

دموعي ينزلن و ارجع امسحهن بعكس ايدي

احجي بداخلي مره اكول طلكني هاي هيه مره اكول لا مستحيل يتخله عني

وصلت الحديقه اتجهت عليهم سلمت و كعدت يم خاله و عيوني على خالو اريد يفتح الموضوع ماكو

ربع ساعه و باوع عليه و بتسم

ابو راما. هااا بنتي شلونج

مريم. زينه خالو الحمدلله

ابو راما. اكلتي

مريم. ايي

ابو راما. زين عفيه... شوفي هذا الملف

اخذ الملف الي جان على الطاوله و رفعه و خلاه كدامي

اخذته برجفه ايد و همست وانا ارجف و بطارف عين الدموع

مريم. شنو هذا خالو طلكني شاهين ؟

ابو راما........

°°°°°°°°°°°°°°°°°°°°°
خلو نجمة و تفاعلو بين الفقرات

تابعو حسابي الانستا roroabd_17

Twfa_Alani