رواية ذات العيون الناعسة الفصل الثاني وأربعون 42 - بقلم روان آل عبدالله

توادعنة
ونسيت بوجهك عيوني
شثگل هجرك !
سما و طاحت على متوني .

الكاتبة روان عبدالله

علقو بين الفقرات و خلو نجمة
،،،،،،،،،،،،،،،،،،،،،،،،،،،،،

مريم. شنو هذا خالو طلكني شاهين ؟

ابو راما. لا بنتي لسه احنى بل بداية و اصلى ما يتم الطلاق اذا ما تحظرين انتِ و تنطين اقوالج

خليت الملف على رجليني و دنكت عليه تنفست براحه حسيت ردت روحي

كعدت اكلب بي ما فهمت كلشي منه

رجعته على مكانه و ترخص منهم و رجعت لغرفتي

مثل كل مره مهربي الوحيد النوم

بقت الايام تمشي مثل بعض محد فتح سيره الطلاك نهائيا وانا يزيد توتري يوم بعد يوم من اشوف الكل ساكت

سميت بسم الله و نزلت جوه قررت استفسر بنفسي

لكيت مرام كاعده تباوع مسلسل هندي

كعدت يمها و اخذت من حضنها الجهاز و طفيته

راما. يااا شبيج بس خلي اشوف راح يبوسها لو لا

مريم. ايااا ادبسز اكعدي راحه

راما. شدعي عليج

مريم. ما يحتاج تدعين مسحوله من غير دعاء

راما. شبيج

مريم. وين امج او ابوج أي احد

راما. ابوي مو هنا بس امي بل مطبخ

كمت و شمرت الجهاز بحضنها

مريم. هاج كملي المشهد الرومانسي

راما. اححح والله الهنديين رومانسيين للعضم يراد اتزوج و احد هندي انكضي حياتنه واحد يصفن بوجه الاخر

مريم. وانا اغني الكم ربابيي هههه

راما. ميحتاج انه من اوكع هيه تشتغل من وحده سوبهان الله و الهمدو الله

مريم . شاخطه وربي

راما. شهاده اعتز بيها

ضحكت عليها و رحت للمطبخ لكيت خالتي معاركه الخلاط

كعدت فوك الطاولة اخذت موزه و كمت اكل بيها حجيت بملل

مريم. خالتوو

ضحى. هاي يا روحي

مريم . عمري خاله اريد اسئلج سؤال فدوه جاوبي بصراحة

ضحى. اسئلي حبيبتي

مريم. شصار على قضيه الطلاق

ضحى. مدري شكول الج بس انتِ اول و تالي راح تعرفين

خليت الموزه الي بايدي على الطاولة و حجيت بجديه

مريم. شنو صاير

ضحى. القضيه كل ما ترفع للقاضي تنرفض ما نعرف شنو السبب

مريم. شاهين هوا السبب

ضحى. هم خالج كال هيج

مريم. عنده معارف بكل الدوله و كلها تعرفه

ضحى. مدري شكول الج

مريم .لا تكولين خلي هيج اريد اشوف تاليتها معاه شنو

ضحى. تاليتها انتِ بحضنه هههه

مريم. خالةةةة... يحلم والله ارجع اله

ضحى. استهدي بل رحمن كلشي ينحل بل تفاهم انه اكول لو تكعدون بوحدكم و تتفاهمون و خلي يبرر الج اذا ما اقتنعتي ابد افسخي الخطوبه وانه معاج بكل خطوه تخطيها

مريم .حبيبتي خالتوو ما تقصرين بس ما اكدر والله ما اريد احجي معاه لو كلمه خليني كوه تقبلت وضعي انوب من اشوفه يمكن ارجع انهار

ضحى. براحتج سوي الي يريحج

مريم .بعد كلبي خالتو احبج

ضحى. ياله كملي موزتج سويت غده يخبل هسه تشوفين ابداعاتي

مريم .دوم مبدعه بعد كلبي

سحلت الموزه الي جانت على الطاولة و رحت للصاله لكيت راما تباوع على الهنديين و فاتحه حلكها

اجيت و خليت الموزه بحلكها

مريم. اكليها لعبت نفسي منها

راما. فززتيني جنت مندمجه معاهم

مريم . هاذي شغلتج ... غيري على شي حلو ما احب هذول

راما. دروحي يخبلون

مريم. طلعي فلم مترجم امانه

راما. بل ليل مو هسه ... روحي خلي اشوف طريقي

مريم. يا طريق

راما. طريق الحب

مريم. استغفر الله.... خاله زوجي بنتج

صاحت خالتي من المطبخ

ضحى. ليش خوما كاعده على كلبج

مريم. خاله هيه دا تطلب الزواج بس بطريقه غير مباشره

راما. يااا والله ماما انه كاعده حبابه

مريم .عفيه بل حبابه اريدج هيج دوم

راما بهمس. خبيثه

مريم. عفواً شكلتي

كلبت عيونها و كالت

راما. ولاا شي

مشت الايام عادي حالتي مثل قبل و جاي تزداد سوء كل ما نرفع القضيه على المحكمة تنرفض من طرف مجهول و من نسئل احد ما ينطون جواب مقنع

جاي اذبل يوم عن يوم و حزني خليته بداخلي احس اعضامي تنطحن من داخل كد ما كاتمة بكلبي حجي و مشاعر مبعثره تعب و شوق كل هذا الشي و اكثر

امارس حياتي طبيعيه و اضحك و ادرس الي يشوفني يكول ما بيها شي بس بداخلي مدينة محطمه

يوميه من يجي الليل احضن المخده و اضل ابجي الى ما احس عيوني طيح مع الدموع

و انام و انا الدمعه على خدي انام و انا متروس خيبات و خذلان

مكدر اشكي لاحد ولا ابجي كدام احد اريد شخص واحد فقط يحضني مثل ما جان شاهين يسوي من اتعب و يمسح على ضهري و يهمسلي فتره و تعدي

بس ما لكيت احد يوكف معاي و انا باتعس حالاتي

اجه الليل صعدت الدرج وانا ذبلانه و كل بايه اعبرها احس تاخذ حيلي و عافيتي

دخلت رغرفتي كبل تمددت بجربايتي و كمت ابجي بضعف و تعب

خليت عكس ايدي على وجهي و ضميت روحي جوه الغطه و كمت اشهك بكسره

كمت و تربعت فوك الجربايه فتحت موبايلي و كعدت ادور الى رقم فهد بس تذكرت اخر مره طلبته من شاهين بس ما انطاه الي

فتحت الانستا و كعدت ادور على حسابه

كتبت اسمه طلع هواي أشخاص

رجعت كتبت الملازم فهد كبل طلع الي

دخلت عليه حسابه خاص راسلته و ضليت الح بل رسائل بس ما جاوب

كمت احجي عليه اتصلت عليه

كبل انطاني رفض رجعت اتصلت مره ثانيه ما رد عليه

رجعت اتصلت أكثر من مره يالله رد

اجاني صوته و هوا يسب

انا من سمعته هيج كبل صحت بصوت منهار

مريم. فهد

فهد. خيرر منوو

مريم. خير بوجهك انا مريم

فهد. منوو مريم..... اااا اكفي سمسمه حبيبه شاهين

مريم. حبتك حيه و صرصر انت و شاهين كون

فهد. منقذتي الحاته المحتحته ليش تبجي و جايه حاميه حيلل

مريم. فهد محتاجتك كلش

فهد. افااا شبيج عُمرررر و روح

مريم. رفعت قضيه طلاق

فهد. يااكو*** ليش

مريم. لا تغلط..... روح ولي انا صوجي اجيت احجي الك

فهد. لااا تعالي جاي اتشاقه يول احبك اني

مريم. مو وكته هل حجي فهد انا هم احبك بس ركز بل حجي الي احجي

تحولت نبره صوته الى جديه

فهد. احجي وصلتي يمي محلوله ان شاء الله

مريم. فهد شوف شاهين اساء الي و انا قررت انفصل و الكل ايدني بهذا الشي قدمت قضيه طلاق بس جاي ترفض من جهه مجهولة و كلنا نعرف هاي الجهه شاهين يا اتباعه

فهد. بشنو اساء الج حضرتج

ذبيت حسره و كلت بجي

مريم. ضربني

فهد. عادي اذا سويتو علاقه فهذا الشي طبيعي

مريم. فهدددد لا تطلع رون سايد تعرف ما احب هيج حجي فا الزم لسانك شوي من تحجي معاي

فهد. اسفين بويه تروحلج فدوه خديجة و ربعها... كولي يابه ليش ضربج

مريم. منو هاي خديجة

فهد. شعليج بنتي لا تحققين معاي شنو استخبارات صايره واني ما ادري

مريم. كبر الي يلفك صوجي انا اجيت اشكي الك و انت جاي تتمهزه بحجيي

فهد. لااا وعلي جاعد اتشاقه بويه على مود تطلعين من جو المراهقات التركيات

مريم. شبيك فهد

فهد. فهدج رايئ لان هتو سويت تشي تشي الله يبعدج عنه كون

مريم. شنو هذا انوب

فهد. انسي

مريم. ونبي يا فهد اذا تضل تخربط بل حجي راح اسده خليني احجي الك لازم تساعدني امانه فهد والله كلش تعبانه و احس روحي عاجزه عن كل شي

فهد. ايي شعبالج كبدي الحب يدمر البني ادم الله يبعدنا عنه

مريم. اسمع خلي احجي الك كل السالفه و انت احكم

حجيت اله كل السالفه و هوا بس ساكت

خلصت حجي و انا ارجف احس المواقف انا و احجي اله رجعني للماضي

خليت ايدي على حلكي و كمت ابجي تنهد و همس

فهد. ثنينكم غلطانين و ثنينكم جاي تتعاقبون

مريم. فهد شاهين جفاني و ما اتحمل فراكه تعبت بدونه

فهد. يا عمري... وعلي ما اتحمل صوتج انتِ و تبجين

مريم. فهد احبه و ما اتحمل فراكه بس طمني عنه الله يخليك

فهد. حبيني انه والله ما اخونج ولا اتعبج ههههه

مريم. مو وكته والله هل كلام

فهد. اتشاقه اريد اغير جوج بس نفسيه مريومة طلعتي

مريم. هسه كولي شلونه

فهد. والله ما اعرف انه دوامي بصلاح الدين صار و مصموط جد جدي

مريم. شوداك هناك

فهد. حظي غيرر

مريم. اممم

فهد. بس والله هناك صاكات يشكن

مريم. جوك هيج و الي يشوفك ولا يكول هذا الخفيف

فهد. افااا ترا انه ثكيل اثكل من جاي الوجبه

مريم. فهودي روح عفيه مالي خلكك

فهد. الله اذوب خايبه اسمي بحلكج غير يول شهل ترافه الي شايلتها سبحان الله

مريم. شعبالك فهودي

فهد. يالله دعبلي الحب يناديني ههه

مريم. هيي تعال يا حب عزهه

فهد. اتشاقه بنص الواجب انه

مريم. اوكي مع السلامة

فهد. هلوو

سديت الخط و تمددت اجت عيني على زاويه الغرفه

كمت بتعب و باوعت عليها بحزن و بجيت جان جهازي مال العرس و الجنط مسفطه بل زاويه

كمت على السريع و فتحت الكنتور و كمت اذب بيهن بعصبيه بل كنتور

سديت الباب بس ما نسد نزلت ايدي من الباب رجع نفتح و وكعن الملابس بل ارض

كعدت على الكاع و كمت ابجي

ستمرت الايام روتين شكلي عادي بس من يجي الليل يتغير كل شي قوتي تروح و يضهر وجهي الحقيقي و تعبي

احاول ادرس بس بالي مشتت و ما اكدر اركز بكل شي

اجت المدرسة و جان اول يوم الي عادي شددو علينا بل دروس و الي يجي يرزل بينا

مر اسبوع و أنا مجاي افهم كل شي على المدرسين اغلبهم محاضريين و ما يشرحون هواي

و البنات الي بل صف اغلبهم مخلصين المواد بل عطله بس انا الوحيده بينهن صافنه على الشرح و معرف شدا يحجي

يوم الخميس كاعده باخر رحله و خاله ايدي على وجهي و صافنه حاره كلش ماكو تبريد بل صف و المدرس صوته يزرف الاذن كد ما عالي

و الطالبات كاباتها عيطه كل وحده تكول انا اشرح وانا مثل الثوله صافنه و خاله ايدي على خدي

دك الجرس يعلن نهايه الدوام كمت بفرحه ما صدكت اخلص من هذا العذاب

خليت كتبي بل جنطه و سحلتها

طلعت اتمشه وانا حايره و الضيم كاتلني ما اكدر اطلب و اكول اريد ادخل خصوصي و لا جاي افتهم على المدرسين الي يشرحون بل مدرسه و ما عندي وقت اباوع يوتيوب

امشي و افكر رفعت راسي الي مصدع من صياح المدرس

باوعت الطريق فارغ و الشمس تضرب بوجهي

دنكت خليت ايدي على حلكي و كمت ابجي على الظيم الي عايشته

حسيت مثل الهوا الحار لفحني

رفعت راسي بتعجب شفت سياره سوده وكفت مقابيلي على العرض و سدت عليه الطريق

خفت كلش و رجعت خطوه الى ورا

نفتح باب السيارة و طلع منها شاهين

دموعي ينزلن على خدي و شفايفي ترجف و الخوف تملك جسمي

سد الباب و اندار عليه نزع نضارته و خزرني

عيونه عاكسه عليهن الشمس و صايرات لون اصفر كاشف

لابس ملابس لون اسود و وجهه تعبان رغم حدته

تقدم عليه بخطوات متراهيه

جمدت بمكاني بقت بس عيوني تتحرك و كمت اتابع خطواته

وصل يمي و حاوط ايدي بايده

رجليني بادت من الخوف و وكعت بل كاع قبل لا اوكع تشبث بيه حيل و سحبني لحظنه

شالني بدون كلام و ضمني بصدره

جانت ايده تمشي على خصري بطلاقه و احس بروده اطراف اصابيعه من وره الملابس

تقدم للسياره و فتح الباب الامامي

و خلاني على الكرسي دنك عليه

صرت اتحسس انفاسه الي تضرب بخدي

غمضت عيني امنع نفسي اضعف

نزعني الجنطه و ذبها وره

صعد و شخط السياره بدون كلام

وصلنا مكان معزول وكف السياره و باوع عليه بعيون تعبانه

دنكت راسي بتعب و نزلت دموعي على خدي

رفع ايده و خلاها على خدي و مسح دموعي همس بتعب و صوت مبحوح

شاهين. اسف ورب الكعبه مو قصدي كل الي صار بلحضه عصبيه و طيش متندم على كل شي سويته بيج و لو يرجع بيه الزمن ايدي اكصها قبل لا اضربج

جريت ايده و كمت اضربها بقوه

غمض عيونه بقوه و صاح

شاهين. اخخخخ

بتعدت عنه بتوتر و همست

مريم. شبيك... صكر

شاهين. ما بيه

بعد الكرسي ماله و جرني بحركه سريعه و كعدني بحضنه

باوعت بعيونه بتوتر و صحت

مريم. شجاي تسوي عوفني ما اريدك اطلع من حياتي شاهين

شاهين. تحلمين اطلع منها اني كل حياتج... كافي مريم انسي الصار ابوس ايدج و خلي نبدي من جديد اخذت عقابي و ازيد بعد و اعتذرت اكثر من مره و وعد رجال اذا مديت ايدي عليج حتى لو بل شقه ايدي اكطعها من الاصل و حجيت كلمه و كد كلمتي

هزيت راسي بلا و انا امنعه يحجي هيج

حضنته و كمت ابجي حسيته فز و رجفت ايده

بتعدت عنه لكيت وجهه اصفر مسحت بكفي على وجهه

مريم. ليش هيج حالتك شبيك

شاهين. ما بيه شي لا تخافين

تحول نضري على كتفه جان التيشيرت لازك على كتفه بشكل مو طبيعي جان ماي واضح معرف دم ما اكدرت اميز شنو هوه بس جان شي مبلل التيشيرت

مسكته بخفه و كبل فز همس

شاهين. تووو عوفي

مريم. شبي كتفك

شاهين. هيج نجرحت جرح بسيط

مريم. خلي اشوفه

فتحت السحاب و نصدمت جان شاش ابيض ملفوف على كتفه و الشاش متروس دم

مريم. شبيك حبيبي اسم الله ليش هيج

شاهين. تصوبت عادي تصير

مريم. بشنو

شاهين. طلقه

مريم. عزهه العزاني صدك تحجي حبيبي شلون هيج يمه

شاهين. طلقه طائشه و صارت بعد

مريم. يمه عمري ما توقعت صاير بيك كل هل شي

مسك وجهي و رفعه باوع بعيوني و حجه

شاهين. بجيتي لو تعبتي بهاي الايام السابقه

مريم. اي تعبت كلش بس ليش هل سؤال

شاهين. كلبي جان حاسس بيج شي جنت افز بنص الليل على وجع كلبي و مخنوك فا اعرفت بيج شي

مريم. عادي مو مهم الي مهم انو رجعتلي

شاهين. شعبالج ما ارجع و هاي دعوه الطلاك ما انساها ترهه هااا

مريم. ليش ختفيت كل هاي الفتره

شاهين. كضيتها بل مستشفى من وره الطلقه كوه طلعت بقت اربعه ايام بچتفي

مريم. ياااا من يمته صار هيج

شاهين. كبل ثلاث اسابيع

مريم. يمه حبيبي اسفه كلش لان عفته و انت بامس الحاجه الي والله مو قصدي

شاهين. عليمن الاعتذار ما صار شي.. هسه تراضينه و تصافت الكلوب

مريم. كلبي صافي اتجاهك

بتسم و حاوطني و باسني

ضلينه نحجي و نتشاقه و شي اكيد شاهين ما يكعد راحه ابد هههههههه

مرت الايام عادي كل ما ارجع من المدرسة شاهين يتصل و يضل يشرحلي من الاساس

ما يخلص يومي اذا ما انكد و ازعجه و اخلي يصيح ما ارتاح و بنهايه اليوم اتعب و اكعد ادلع عليه و هوا يصيح ترا اجي و انا ميته عليه ضحك

قررنا نعيد مشروعنا مال حفله الي بوحدنا

خليت شاهين هوا يختار المكان و فعلا مثل ما توقعت اختار شقته

اختاريت يوم الخميس لان ما عندي امتحان بهذا اليوم

و شاهين من سمع بطاري الخميس كام يصيح هلا بل خميس

اجه نهار الخميس كضيتها درس و شغل الى ما صارت الساعه وحده الضهر

صعدت لغرفتي و سويت عنايه للجسم و الوجه

خليت ماسك على وجهي و كعدت اسوي شعري ويفي

خلصت شعري شلت الماسك و بلشت بل مكياج لون احمر مال سهرات ركزت على عيوني اكثر شي و برزتهن بلون الاحمر و الاسود

خليت حمره حمرة باوعت على الساعه صايره اربعه

كبل ركضت على الكنتور و طلعت الفستان جان احمر بينصل على الجسم وقصير

لبسته و عدلت شعري و لبست كعب كرستال شفاف

لبست قلاده ناعمه و خاتم

باوعت على نفسي بنضره اخيره فتحت موبايلي و كعدت اخذ صوره

سمعت صوت السياره جريت العبايه و الشال و لبستهن

نزلت جوه لكيت راما ودعتها و طلعت بره

لكيت شاهين واكف يم باب الكراج و مدنك على ساعته

رفع راسه من سمع صوت الكعب

باوع عليه و بتسم وصلت يمه و سحبت ايده

باوعت عليه بحب و اعجاب جان لابس قاط رسمي اسود و خال الجاكيت بايده

همست بفهاوه

مريم. شكد حلوو انت

دنك عليه و باسني بخدي همس

شاهين. ما اوصل لربع حلاتج

ندكت بخجل هوا سحبني و فتح الباب الي و صعدنا بل سياره

كل الطريق شاهين مشغل اغاني و شكله فرحان و يضحك من كل كلبه

جنت ناويه اصور هاي اللحظات بس قررت اعيشها بكل حذافيرها بدون التصوير

ذبيت الموبايل و مسكت ايد شاهين و كمنه انغني مع الغنيه و الفرحه ما سايعتنا

نص الطريق اتصل موبايل شاهين

شاهين. فهد

مريم. افتح السبيكر امانه

باوع عليه ما عاجبه فتحه الخط و السبيكر و صاح

شاهين. هااا جلب شتريد

فهد. اريدك يولل اححح

شاهين. من الاخير

فهد. على الخير اليوم عريس بس ربعه ما يزفونه مع الاسف.... العب بيها يابو كحيله... تشي تشي للنخاع اليوم صكوري

شاهين. احترم نفسك اني مؤدب

فهد. صح خلق و اخلاق صلاوات على محمد

شاهين. شتريد متصل

فهد. اجيت اوصل رساله علي انت طاكه حظر و ما كدر يخابرك

شاهين. هههه شبي النونه مالتي

فهد. يبووو ورمت عيونه من البجي يصيح خاني شاهينوو

شاهين. هههه مو صاحي هذا...... كوله شاهين يسلم عليك و يكول اليوم ماكو نوم هههه

سد الخط بدون ما يسمع من فهد و كبل غلقه

باوعت عليه و همست

مريم. كلشي ما فهمت شجنتو تحجون

شاهين. خلي يولون اعرفهم شنو يردون

وصلنا للعماره و صعدنا للشقه

فتح الباب و دخلت و دخل وراي و قفل الباب ذب الستره و الموبايل و حضني من وره

فتح حجابي و عبايتي و بقه صافن عليه

خليت ايدي على صدره و همست بخجل

مريم. شنو رأيك بل اوفت مالتي ههه

شاهين. شنو هذا شيهانتي

مريم. شنو

شاهين. سبحان الخالق

دنك و شمني بعمق و همس باذني

شاهين. ماا اتحمل جمالج سمسمه شوصف شكول حتاريت من وين ابدي من الوجه لو العيون لو الشفه الي تهد الحيل لو الجسم لو الفتسان لو الشعر لو العطر الرباني لو البراءة الي تارسه وجهج لو العفويه

ختلت بصدره هوا باسني برقبتي همست

مريم. كافي شاهين

زول مني و هوا يحرك الربطه العنق بتوتر

شغل كل الاضويه و جرني للصالة

حجه بضحكه

شاهين. يول امشي للاستقبال اذا نبقه هين راح نتزوج و احتمال جبير حتى انخلف على هل جمال

دخلت الصاله جانت مزينه و خال كيكه و مرتبها و شموع و اضويه خافتحه

مسكني من خصري و كعدني بحضنه

اخذ خصله من شعري و شمها لفها على اصبعه و حجه

شاهين. ما حبيت اكثر من الزينه حبيتها بسيطه و البساطه حلوه

مريم. صح حبيبي كلش حلوه عاشت ايدك

جر ايدي و باسها

شاهين. اريدج من نتزوج دوم تلبسين هيج لبس...طالعه ملاك و نازل من السمه

مريم. غالي و الطلب رخيص تدلل حبيبي اصلا انا هم احب هيج لبس فا ادلل عمري شعندي غيرك

ظلينا نحجي و نتشاقه و شاهين كل شوي يطلع رون سايد و انا ارجعه

شغل اغنيته و كمنه كصينه الكيك و سوينه حركه المخطوبين مال اوكله و هوا يوكلني

متت ضحك و شاهين يضحك معاي على الواهس

رحت شغلت اغنيه هادئة و جريت اشاهين بل وسط همست بزعل

مريم. حبيبي خلي نركص سلوو

شاهين. شنو هذا انوب

جريت موبايلي و طلعته بل يوتيوب

شاهين. احب هيج صدك جذب تعالي ههه

شغلت الاغنيه و كمنه نركص سلو

خال ايده على خصري و الثانيه على ضهري و يباوع بعيوني و يبتسم

صافن بعيوني و يضحك

مريم. احبك ملاذي

دنك و باسني بشفتي بعمق غمضت عيوني و لفيت ايديني على رقبته

زول مني و هوا يتنفس بقوه

شالني و اتجه على الغرفه

خلاني على السرير و نزع الربطه همس

شاهين. خنكتني بنت النعال

مريم. هههه يااا صكري

شاهين. هههه شسوي

نزع ملابسه بس بقه بل شورت

تمدد و غطه روحه و فتح الغطه و اشرلي اجي يمه

نزعت حذائي و ضميت روحي بحضنه

مرت الساعات كمنه تعشينا و رجعنا اكلنا كيك

عشنا اجواء و طقوس خاصه بينا شاهين كضاها يتغزل بيه و انا ذايبه بحضنه

شاهين مكور روحه عليه و نايم بعمق و انا ما كدرت انام

فتحت موبايلي باوعت على الساعه وحده و نص بل ليل

لكيت خالتي متصله ثلاث مرات

اتصلت بيها كبل جاوبتني اجاني صوتها و هيه تصيح

ضحى. و ينج يل مصخمه

مريم. طالعه مع شاهين مو كلت الج عمري

ضحى. كلتي بس ما عبالي تتأخرين

مريم. اسفه مو قصدي

كعد شاهين على صوتي و جر الموبايل مني

شاهين. عمه مريم ما راح تجي اليوم

لزكت نفسي على سماعه الموبايل اريد اسمع شتكول

ضحى. لا والله مو احنى بأمريكا رجعها نص ساعه و هيه بل بيت

شاهين. عمه حرام عليج تكطعين رزق العالم

ضحى. عود اخذها لبيتك و جدام الكل و استرزق براحتك لا تنسه نفسك انتو مجرد مخطوبين فقط

شاهين. حاظر عمه هسه اجيبها ادللي

ضحى. يالله مع السلامه وليدي

شاهين. الله وياج عمه

سد الخط و هوا ضايج باوع عليه و جرني

كام يبوس بيه بكل وجهي و يهمس

شاهين. لا تروحين اريدج بحضني تضلين

مريم. مو بكيفي سمعت عمتك شتكول

شاهين. يمته نتزوج

مريم. بكيفك انا خلصت تجهيز انت من تخلص نسوي العرس

شاهين. كلشي كامل الغرفه و التحضيرات و البيت اذا ما عجبتج عيشه اهلي بيتج حاظر

مريم. ليش ما تعجبني يا عيني اهلك مثل اهلي مستحيل ابعدك عنهم انت تحبهم و انا هم احب اعيش اجواء العائله كوني محرومه منها

باس ايدي و ضمني اكثر

شاهين. يا بعد روح روحي انتِ شكد احبج و احب كلشي بيج

مريم. وانا هم احبك عمري.... يله كوم

شاهين. چتفي يوجعني حيلل

مريم. صدك خلي اشوفه

شاهين. ذاك الأسبوع شلت الخيط اشو لحد هسه جاي توجعني

مريم. طبعاً عمري هاي طلقه فاتت باعظامك مو لعبه لازم ايدك تاخذ وقت راحه و ما تعبها زياده عن اللزوم

شاهين. إن شاء الله احاول بس ما اكدر

مريم. اعرفك... بس فدوه اسمع كلامي لا تعب ايدك هواي

شاهين. ان شاء الله

كام يلبس ملابسه و اني ركضت لميت شعري و عزلت الهوسه و رتبت الحلويات و شغلت الاضويه لبست عبايتي و لفيت شالي و اتجهت للغرفه

لكيت شاهين مندمج بل موبايل

وكفت فوكه و مسحت على فكه

مريم. يله عمري بلا امر عليك وصلني

شاهين. يول ضليي ما اكدر بدوبنج

كعدت على رجله و كمت امسح على كتفه بحنيه

مريم. مو بكيفي والله انا هم ما اكدر بدونك

كمت من حضنه و طلعنه من الشقه

صعدنا بل سياره و اتجهنا للبيت

اباوع على شاهين يسوق ابايد وحده و كل الطريق يغمض عيونه بوجع

مريم. صكر امانه روح للمستشفى خلي يشوفون العمليه مالتك

شاهين. سهله يوم يومين و هيه تطيب

مريم. اذا تعزني و تحبني لا تكسر كلمتي

زفر بعدم صبر و حجه

شاهين. حاظر بويه

وصلنا للبيت وكف السياره و باوع عليه بعيون تعبانه

مريم. راح انزل بس اوعدني تروح للمستشفى تشوف عمليتك

شاهين. وعد

مريم. عفيه حبيبي والله لمصلحتك

شاهين. اعرف

كربت بسته من خده و كتفه و اخذت فوني و نزلت

دخلت البيت لكيت خالتي تنتظرني بستها و اعتذرت منها حجيت الها المختصر و صعدت فوك

كبل توجهت للكنتور و طلعت تراك شتوي صح الدنيا صيف بس احب البس بل ليل شتوي

اخذت ملابسي و دخلت اسبح نشفت شعري و مشطته و خليت مرطب شفه و وجه و ذبيت روحي على الجربايه

فتحت فوني و اتصلت على شاهين

ثلاث مرات و ما رد عليه

طارت النومه من عيني و توترت

كل الي بالي صار اله شي او اندعم بنص الليل لو ايده بيها شي

ضليت اتصل اكثر من مره ما رد عليه

كمت على حيلي و كعدت افتر بل غرفه بتوتر و ادعي ما بي شي

سميت بس الله و اتصلت

اجاني صوت..........

°°°°°°°°°°°°°°°°°°°°°°
عمري خلص الباب خلو نجمة
و تابعوني بحسابي الانستا
roroabd_17

يتبع..........