رواية ذات العيون الناعسة الفصل السابع وثلاثون 37 - بقلم روان آل عبدالله

يل خذت ولفي هواي غيره ):
عوفه و تعال اخذ العشيره

الكاتبة روان عبدالله

علقو بين الفقرات دوسو على النجمة لطفاً
°°°°°°°°°°°°°°°°°°°°°°°°°°°°°°°°′°°°′°

مريم. لاا اكو شي شاهين اناا مو غبيه يعني تجيب حرس وياك احجي الي شنو السبب

شاهين. مصره حبيبي

مريم. ايي و بشده احجي حبيبي ليش من البدايه تخلي بينه حواجز

تنهد رفع راسه مسح على لحيته الخفيفه و دنك عليه اجت عيني بعينه كبل نزلت عيوني همس و هوا يمسح على شعري بحنيه

شاهين. كليبي احنى الضباط من نكمش ( نمسك) قضيه و القضيه خطره لازم يكونون معانه حمايه

مريم. زين شنو نوع القضيه

شاهين. ما اكدر احدد الج يس هيه حسب يا قضيه تاجر مخدرات او قضيه متعلقه بناس معروفين بنفوذهم فا احنى من واجبنه نحمي نفسنه

مريم. صكر خايفه لا يأذوك

شاهين. هههه وداعت هل عيون الحلوه الي تسحل كليبي سحل محد يكدر يعرف طرف مني كل الي يعرفونه اني نقيب ما يعرفون لا اسمي لا اني منو بس الحذر واجب حبيبي

رفعت نضري اله وانا مقوسه شفتي زداد خوفي و توتري من حجالي الموضوع مع انو ما انطاني المعلومات الكافيه و حجه بشكل عام بس ربطت الموضوع بالي

نزل ايده الي جانت تمسح على شعري خلاها على خدي همس

شاهين. شبيج يا بعد راحتي

مريم. معرف صكر

شاهين . اشوف هايي شبيها رموشچ

مريم. شبيها ؟!

شاهين. شويه يشدن حيلهن يصيرن مكُنسه ههههه

مريم. تحجي جدد !!

شاهين. لاا عم ههههه

كمت من حضنه و اني مطنكره باوعت عليه و خزرته

مريم. روحح بعدد لا تحجي معايي اوكي

شاهين. ههههه اوكي

مريم. امممم اضحك براحتك بسيطه يل منتف

كام من الجربايه و باوع عليه بمكر همس

شاهين. منووو الي منتف

كتفت ايديني لصدري و حجيت بثقه

مريم. انت

تقدم عليه و اني دخلت ركض للحمام بس جان اسرع مني دفع باب الحمام صرت محصوره بين باب الحمام و زاويه الحايط

مسح على طرف شفته و هوا يبتسم بمكر دنكر عليه و صار بمستواي همس

شاهين. منوو الي منتف ؟؟

مريم. اناا

شاهين. منو هتوو كال انت

مريم. لاا مو انت اناا

شاهين. ما تفيد

خليت ايدي على خده و كمت امسح على فكه

مريم. حبيبي

شاهين. تووو توووو تووو ما تفيدد ابداً

مريم. و الحل

شاهين. يمي كليبي

دنك على خدي و عضه حيلل كمت اضرب على صدره و اصيح بس ما يفيد

زول مني و باوع عليه و بتسم من شفته هيج دموعي كوه مسكتهن قوست شفتي بزعل و حجيت واني اشهك

مريم. ليش .... هيجج سويتت هااا

شاهين. كل شخص يقلط مع الصكر الو عقاب وانتِ هذا عقابج يا حلوه

مريم. زول عنيي خليي اولييي .... اكرهككك اوكيي

شاهين. اموتت عليجج

زول منه وكفت يم الباب و باوعت عليه صحت

مريم. ماا احبك ابدددد

طلعت من الحمام و رحت كعدت على الجربايه و دموعي نزلت لا ارادياً اذاني حيل

خليت ايدي على خدي و كمت ابجي انفتح الباب شوي و حسيته اجه كعد يمي حاول يسحبني لحضني بس انا ما قبلت

شاهين. سمسمه شبيج جاي اتشاقه

رفعت راسي عليه وانا ابجي

مريم. ادريي دا تتشاقه بس اذيتني حيلل

شاهين. شسوي اذا انتِ ترفه و ما تتحملين هيه بس عضه قابل شمسوي اني رجال فقير واخاف الله

مريم. روحح صكر ما اريد احجي وياك ابد

شاهين. هاي هيه بويه هسه اروح ادللي بس كافي بجي عيونج يسحلن كلبي و يمشنه على السراط المستقيم

مريم. لتحجي ويايه بعد

شاهين. ادليي ست شيهانه بعد امر خدمه حبيبي

مريم. ما لريد شي

شاهين. تعالي خليي احبج شوي

مريم. توو ديرر بالك

رفع ايدينه لفوك باستسلام و طلع

تمددت سحبت الموبايل و فتحت الكامره باوعت على خدي احمر

شمرن الموبايل و غطيت راسي و نمت الله ذب عليه النوم هنا

فزيت على شخص رفعني و خلاني على صدره عرفته صكر من عطره

رفعت راسي لكيته يباوع عليه همست

مريم. صكر عوفني

شاهين. مريم حبيبتي

مريم. اممم

شاهين. لا تمنعيني انتِ حلالي واحنى ما راح نسوي حرام، جدام الله ورسوله

مريم. خايفه شاهين عوفني

شاهين. بس لو اعرف من شنو خايفه

مريم. انا بحد ذاتي ما اعرف

شاهين. لا تخافين انتِ بس غمضي عيونج واني اتكفل بكل شي

مريم. لااا عوفني حباب

شاهين. هايي هيه اعوفج براحتج

من فتح معاي الموضوع احس رجفه حتلت اصابعي هم زين تفهم الموضوع اعرف نفسي لحد هسه ما مستعده نفسياً ولا جسدياً

لفيت ايدي حول رقبته و ضميت وجهي بصدره همست

مريم. شاهين لا تجبرني على شي بيوم

شاهين. مستحيل اسوي هذا الشي بيوم ، قراراتج انتِ الي مسؤله عليها اني مجرد اساندج بهذا الشي مو حبيبي

مريم. شكراً لانك موجود بحياتي ملاذي احبك

شاهين. واني هم

رفعت راسي و صحت

مريم. ما ضجت مني موو

شاهين. لاا

مريم. اشوف عيونك فتح

فتح عيونه و باوع عليه عيونه حمر شلت ايدي و خليتها على عيونه

مريم. سد عيونك خوفتني

شاهين. مو لهل درجه

مريم. تووو و ازود حبيبي

شاهين. اريد انام ست مريم

مريم. اريد اطلع بيبي

شاهين. انام شوي و نطلع نزور

مريم. تووو اريد هسه

كومي جبت الج كندر روحي اكلي بس خليني شوي انام

مريم. لااا ابد والله عود من نرجع يله صكررر كومم

شاهين. كمت يا لله حضريلي ملابس اريد افوت اسبح بلجي شوي اصحصح

مريم. موو اخاف نتأخر

شاهين. مريم شكلت

مريم. هايي هيه حبيبي ادلل بس لا تعصب ترا اخف من الصوت العالي

شاهين. راح ادخل جيبيهن

مريم. لاااا معليه اوكف اطلعهن وانت اخذهن

شاهين. لاا جيبيهن انتِ

مريم. لااااا ابددد قابل ما اعرف سوالفك

كتف ايدينه لصدره و همس بابتسامه خفيفه

شاهين. ايي بالله شنو هنه سوالفي

دنكت مستحيه من جفصتي همست وانا كوه كاتمه ضحكتي

مريم. كل الخير بيبي

رفع ايده و مسح على شواربه باوع عليه بمكر و همس

شاهين. خوش عجل اذا بيها خير انتظرج تجيبين الملابس

مريم. بس خلي افهمك

شاهين. ماكو وقت للتفاهم هسه نتأخر

دخل للحمام وانا بقيت صافنه باوعت على نفسي بل مرايه و ضربت نفسي راشدي شسويت اناا هسه شلون بيه

سميت بسم الله و رحت فتحت الجنطه مالته طلعت اله تراك و ملابس داخليه و رحت باتجاه الحمام

وصلت غمضت عيوني و اخذت شهيق و زفير سميت بسم الله و دكيت الباب

سمعت صوت القفل رجعت الى وره وانا متشبثه بل ملابس بكل قوتي

مديت ايدي الي بيها الملابس باتجاه الباب

نفتح الباب حسيت ايد التفت على ايدي سحبتني و نسد الباب بقيت مغمضه عُيوني بخوف

حسيت شاهين يهمس و هوا يمسح على خدي

شاهين. فتحي عيونج

مريم. ليش سحبتني

شاهين. مو سحبت الملابس وانت جنتي شايلتهن فا ما عبالي

فتحت عيوني و صحت

مريم. تراا مبين جذ... يااا ليش بدون ملابس

غمضت و خليت ايدي على عيوني همست وانا ارجف

مريم. تراا استحي شاهين حباب

شاهين. واني يا حلوه ما اعرف شنو مستحه

ايدينه حاوطت وجهي سحبني و كربني عليه همس باذني

شاهين. فتحي عيونج و خلي نكسر الحواجز الي بينه

مريم. مو مستعده اريد وقت

شاهين. جازفي بحياتج لو مره وحده ليش تشلعين گلبي

مريم. صك...

شاهين. اششش .... فتحي عيونج يا بعد عيوني و رموشي

زولت ايدي بتردد و فتحت عيوني ختلت بصدره مستحيه همست

مريم. افتح الباب اريد اطلع

شاهين. تووو ممنوع

سحبني و خلاني جوه الماي همس و هوا يرفع التيشيرت

شاهين. زولي من صدري مريم كافي

مريم. راح نطلع

شاهين. لااعع

مريم. لعد من نطلع ازول اوكي

شلعني من صدره كوه همست

مريم. صكرر خايفه عوفني

شاهين. بس اول مره ما راح اسوي الج شي مجرد تسبحين معاي موو

هزيت راسي بايي نزعني التيشيرت راد ينزعني الملابس كلها بس رفضت رفض تام

باوع عليه و ضحك همس و هوا مبتسم

شاهين. اني وياج و الزمن طويل

مريم. ايي شراح تسوي الي

شاهين. العب لعب وعلي ههه

مريم . شنوو هاي ترا راح اموت برد ليش بس فاتح الماي البارد

شاهين. شو اني احسه ينزل مي مغلي

مريم. لاا والله كلش بارد راح اطلع اناا

شاهين. شلون حجه ما تطلعين الى ما اخلص

سحبني و انا اطكطك من البرد همس

شاهين. دنكي راح اخلي شامبو على راسج

نكت وانا ضايجه و خجلانه من الوضع الي احنى بي ملابس تنكعت و كلشي بان صرت جني دجاجة مهلسه و هوا يضحك على شكلي شلون ارجف و بردانه

خلص شعري همس و هوا يضحك

شاهين. تدرين جانت امنيتي انو اسبحج بايدي

مريم. ياا شهل امنيه

شاهين. دحجي هيه تدريجياً قبل جانت حضنه بعدين بوسه بعدين انومج بجضني و هسه اسبحج تقريباً كلهن حققتهن بس بقت شغله وحده

مريم. اي شنو هيه

شاهين. تردين تعرفين

مريم. اممم

شاهين. ادني خلي اشاورج

دنك عليه و باسني برقبتي و همس

شاهين. ***

دفعت وانا ميته خجل مسكني من خصري و كربني عليه

شاهين. عادد ضلت على مروتج تردين تحققيها الي لو تردين تخلين رجلج بحسره بكيفج بعد

مريم. اخليك بحسره

همس باذني

شاهين. قاسيه

مريم. كلش ... زول خلي اطلع

شاهين. روحي بويه لعبتيها لنفسي لا ردت هل سبحه

مريم. الخلل الي بيك انو انت تستعجل على رزقك بيبي

شاهين. دحج هاذي تكول تستعجل ولج ضليت 32 سنه انتظر هل رزق يمته يفرج ما اعرف

مريم. عن قريب حبيبي ... يله اطلع خلي اكمل

شاهين. كملي واني هين شهل جذب

مريم. ههه يااا صكر اطلع

شاهين. راح اطلع هايي هيه انشوف تاليتها وين راح نوصل

مريم. راح توصل للخير

شاهين. اذا يمج فا قابل

مريم. طبعاً يمي ههه

هز راسه ما عاجبه خله الخاولي على خصره و شال ملابسه و طلع

غيرت الماي و فتحت الحاره احس جسمي صار قالب ثلج كملت سبح و لبست البرنص و طلعت

لكيته واكف على المرايه و يمشط بشعره ركضت على الجنطه مالتي و طلعت تراك و كلاو و جوارب احس روحي راح اتمرض على هل برد الي اخذته

رجعت دخلت و بدلت نشفت شعري و طلعت شفت متمدد على الجربايه رحت باتجاهه و ذبيت نفسي عليه همست

مريم. غطيتي صكر

شاهين. شكلج تريدين تنامين

مريم. اممم تعبانه

شاهين. لاا كومي احنى مو جايين تا نام خلي نروح نزور

مريم. انت روح بوحدك

شاهين. يله سمسمتي كومي

مريم. اممم كايمه

كمت و انا كومه مفتحه تربعت على الجربايه و باوعت عليه ضحك و صاح

شاهين . ذكرتيني بل طفل من يسبحونه اهله كبل ينام

راح جاب المشط و كعد يمشط بشعري كل شوي اذب روحي عليه و هوا يرجعني لمكاني

خلص شعري و راح جاب العبايه و الشال و ربطه الشعر

ربط شعري و باوع عليه بعلامه رضه مسك الشال و خلاه على شعري همس

شاهين. سوي ما اعرف اله

كمت على المرايه و لفيته لفه مرتبه اجيت عليه وكفت يمه اباوع عليه هوا كاعد وانا و هوا نفس الطول صرنه

لبسني العبايه و باوع عليه و همس

شاهين. تخبلين جمالج طاغي حيلل شمصبرك يا صكر لحد هسه ما ادري

كعدت على الجربايه كام هوا يلبس حذائه موبايله دك
فتح الخط و الاسبيكر و سحب حذائي و دنك عليه يلبسني خله الموبايل على الكاه و صاح

شاهين . هااا كو** شتريد

- مشتاك جابني الشوكك

شاهين. من الاخير شتريد

_ تصلت عليك كالو لكربلاء مع الحب رومانصيات و قذا

شاهين. منو كلك

- رجاءاً اخي العزيز سر المهنه هاي لحد يدخل بيها

شاهين. عرفت النونه علي موو

- عفيه مبروك عليك المليون دولار

شاهين. شتريدين

- اريدك اويليي

شاهين. واني ما اريدج

- كسرت البي و خرمشت مشاعري

شاهين. احسن امشي وليي

- هسه اولي بس خابرتك تا اكول الك اني يمك بكربلاء محتاج شي

شاهين. شتسوي

- والله يا اخوي تعرف عليه علامه اكس بس شسوي الوالده رادت تزور

شاهين. اني هم عليه علامه اكس و اكسات بعد بس عبالهم راح اخاف و انسحب لا يحلمون اذا ما انلكطهم شلون الجرذان ما اسمي صكر

-. والله الاخوان حامين فرد حميه دك تهديدات

شاهين. خلي يولون اكبر واحد بيهم جوه نعالي

- اعرفك ما جذب الي سمك صكر

شاهين. راح اروح عود نلتقي حبيبي

- اوكي ان شاء الله سلملي على النونه الي يمك

شاهين. اياا كو** يااا ابن *** اشرف منك ولكك لا تخليني استلمك

- يمعود بس اهده جااعد اتشاقه والله

سد الخط بوجهه رفع نضره عليه و همس

شاهين. سمعتي

مريم. ليش تغلط

شاهين. بيني و بينه

مريم. مو انا و انت اتفقنا ما تغلط بعد ليش تخلف الاتفاق

شاهين. اهوو لا تسويها قصه يله تأخرنه

كومت وانا معصبه منه بس ما ضهرت اله

قفلنه الباب وطلعنا سلمنه المفاتيح و طلعنه مسك ايدي شاهين و كمنه نمشي بشوارع كربلاء تخبل

همست و انا اتشبث بايد صكر

مريم. صكر حبيبي

شاهين. هممم

مريم. اريد كندر

ترك ايده و دخلها بجيبه طلع من جيبه كندر همس

شاهين. هااج بس لا تاكلين چذير ترا مو زين الككو

مريم . منوو كال؟!

شاهين. اني عندج مانع لو دواس

مريم. لا دواس احلى من مانع

شاهين. لا والله

مريم. ههه اي

فتح الخط مال موبايل و اشر بايده بمعنى لا تحجين شي هزيت راسي و كعدت اكل و اباوع على الناس جذب نضري هذول الحراس نفسهم هم يمشون ورانه و مسوين حوالينه دائره بس لابسين مدني و شكلهم عادي

شاهين كل شوي يرفع الموبايل و يهمس و يرجع ينزله خفت حيلل تشبثت بايدين و كمت اركز بحجيه بس ما فهمت شي لان جان يحجي بل ارقام

شفت من بعيد شي ذهبي و اضويه هواي نزل الموبايل شاهين و اشر باتجاهه همس الي

شاهين. تشوفين هاذي القبه الذهبيه هذا الامام العباس ابو فاضل و مقابيله الامام الحُسين عليهم السلام

مريم. عليهم السلام

رفع الموبايل و همس و سد الخط حضنت ايده و لزكت روحي بي

مريم. صكر شبيك

شاهين. ما بيه كليبي

مريم. منو جنت تخابر

شاهين. شغل

مريم. زين ليش هذول لحد هسه موجودين

شاهين. مو وضحت الج

مريم. احس اكو شي راح يصير صكري

شاهين. اطمني انتِ بامان ما يصير الج كل شي

مريم. جوعانه حبيبي

شاهين. هسه انزور و نروح نتعشه

مريم. صدك انت مو ما تحب اكل المطاعم

شاهين. بس بهيج حاله مطرر اكله

مريم. اخاف تلعب نفسك حبيبي

شاهين. لاا ابد اجلت حيوانات نيه ضلت على هاي

مريم. شنوو حيوانات نيه

شاهين. يعني بدون ما مطبوخه

مريم. ايععع ليش هيج لعبت نفسي

شاهين. من تصير عسكري مجبور كلشي تاكل

مريم. شنو من نوع حيوان اكلت

شاهين. ارنب و حيه

تركت ايده و بتعده عنه باوعت عليه باشمأزاز باوع عليه و كام يضحك سحبني و خله ذراعه تحاوط كتفي

همست وانا اتشبث بتيشيرته مره ثانيه

مريم. صكر تاكلهم كامل

شاهين. لا

مريم. سد الموضوع حباب

شاهين. هههه ها رضيتي فضولج

رفعت راسي عليه و همست

مريم. ليش لحد هسه عايش

شاهين. ترديني اموت ولچ

مريم. معرف بس لو انا منك جان هسه تلكاني بوادي السلام الفتحه الثانيه ههه

شاهين.تووو كولي ياا الله ما تسوه الدنيه

مريم . ما لعبت نفسك انت و تاكلها

شاهين . شي اكيد بس انت من تدخل السلك العسكري مجبور تتحمل كلشي عجل ليش سموها مصنع الرجال الي يدخل بيها يطلع منها زلمه حوك

مريم. فعلاً

وصلنه للامام ترك ايدي دنك لمستواي و باوع عليه

شاهين. دحجي سمسمه مكان الرجال يختلف عن مكان النساء ادخلي من هين روحي زوري من تطلعين راح تلكيني هين بمكاني

مريم. امم اوكي

شاهين. اذا تيهتي اكو موضفات اسئليهن و هنه راح يدلنج على المكان

مريم. ماشي بايي

رحت و هوا بقه واكف دخلت لغرفه التفتيش و فتشوني و كبل طلعت ماكو ناس هواي كم وحده

شفت كدامي مره هيه و بنت يمشن اجيت يمهن و سلمت

مريم. خاله فدوه لگلبج اريد تعلمين شلون ازور ما اعرف

ما كالت شي كيفت مسكتني من ايدي و دخلنه للامام صلينه انا و هيه خلصت صلاه و كعدت اباوع عليه تدعي من كل گلبها

وجهها نوراني و مبينه كلبها طيب و ما شايله حقد نزلت ايدها و باوعت عليه بابتسامه خفيفه همست

_ امشينه خلي نروح لشباچ العباس ابو فاضل سلام الله عليه

مريم. شكلج متعلقه بيهم هواي

_ عمت عيني عليهم احبهم و كلش هواي ساعدوني و نقذو حياه ابني طلع من حلك الموت تصوب والاطباء كالو راح يموت و وقفو العلاج كلت الهم اذا انتو ما كدرتو تشافونه فا اني عندي الي اقوه منكم و الي انخه منكم عباس هوا الي يحل مشكلتي و يرجع ابني ابو طول الحلو اجيت هنا و ضليت ادعي وانادي يا عباس دخيلك و فعلا ابني وراها بساعه رجع للحياه و ستجاب للعلاج

مريم. عفيه ربي يحفظه الج

_ تسلمين ... اجيتي مع منو انتِ

مريم. مع خطيبي

_ ياا يمه بعدج صغيره

مريم. ههه لا خاله شكلي يوحي انو انا صغيره بس انا عمري 18

_ ما شاء الله تخبلين هنيال خطيبج

مريم. فدوه لكلبج حجيه

_ انتِ من وين

مريم. انا من الموصل و خطيبي من الانبار

_ صلاوات يا يمه شجمعكم

مريم. شافني بوكت التحرير و حبني و انا هم حبيته و صارت القسمه بعد

_ بل مبارك شايفين الخير احلى شي بل دنيه الحب الحقيقي صح يجي بعد تعب بس بل نهاية من تحصلين الي تريدينه راح تنسين كل التعب

مريم. احممم خاله لازم مجربه الحب الحقيقي هااا

_ جا شلون ما جربته حبيت ابو عيالي و حبني

مريم. اويي ربي يحفظكم

_ امشي خلي نروح على الشباچ اطلبي كل حوائجج بكل نيه صافيه ان شاء الله مكضيه

مريم. ان شاء الله

رحت وكفت على الشباك و جلبت بي بكل حيلي نزلت دموعي لا اراديا تذكرت امي جانت امنيتها تجي تزور بس الظروف جانت اكبر منها دعيت الها و هديت صلاه الها جنت بس افكر بيها

خلصنا زياره و قرينه زياره عاشوراء باوعت عليها لكيتها تهمس بدعاء و تبجي مسحت على متنها و همست

مريم. خاله راح اروح خطيبي ينتظرني بره شكرا الج ما قصرتي ان شاء الله بميزان حسناتج

_ يا يمه مع السلامه سلميلي على اهلج

دنكت بستها من راسها و رحت

درت ضهري و نزلت دموعي معرف ليش بس حسيت اهلي يمي امي ابوي اخوي

زادت دكات گلبي نفسي ازداد احس روحي حتريت انداريت و باوعت بنضره اخيره على الحضره همست

مريم. حققت امنيتج و زرت بدالج دعيت الج و هديت الج صح ما ارتاحيتي بحياتج بس ان شاءالله يم ربج ترتاحين احسدج متي كبل لا تشوفين ابنج و كبل لا ينزل وجهج بل طين كبل لا يكسر ضهرج هنيالج لو ما خذتني معاج جان ارتاحيت هواي جاي احس نار بصدري تشتعل يوميه وانا اتذكرج المهم انا احبج ادري جاي تسمعيني ما اكدر ازور قبرج ولا احضنه ولا اغسله بس ثقي ما جاي تغيبين عن بالي ابد ،فراكج يا يمه صعب و كسر ضهري و اخذ عافيتي

درت ضهري و انا امسح بدموعي و هنه ينزلن مثل الشلال هديت نفسي و مسحت وجهي و طلعت

اتجهت للمكان الي واعدني شاهين يوكف يمه و فعلا لكيته واكف يخابر و داير ضهرهه

اجيت من ورا و مسكت ايده حس عليه كبل اندار و كبل مخابره

باوع على وجهي كبل عصر ايدي و ضل يباوع بوجهي

شابك اصابي بين اصابعه و كام يحرك اصبعه الابهام على ضهر ايدي رفعها و باسها بحنيه نها الاتصال دنك لمستوي و همس بحنيه

شاهين. شبيج حبيبي ليش باجيه

انفاسه الحاره تضرب بوجهي و ترتني عيونه الحاده الي عاكس عليها الضوه و صايره بلون غروب الشمس همست وانا العب باكمام القميص مالته

مريم. ما بيه شي يروحي لا تشيل همي

شاهين. اذا ما اشيل همج عجل اشيل هم من يا بعد عيوني و ضنوني كولي شبيهن عيونج الحلوات ليش باجيات

مريم. لان.... تذكرت امي

شاهين. ما يفيد البجي ولا يفيد اللطم ولا اي شي يفيد الدعاء و الصلاه بمكان ما تبجين الها احنى بارض مباركه ادعي الها و انخي الائمه امج حسب معرفتي تحب كربلاء و جانت امنيتها تزور اذن اهدي الها زياره

مريم. هواا سويت كل الي كلت عليه بس دموعي هنه ينزلن من كيفهن

شاهين. انتِ شاده بوري مال مي بعيونج يمته ما تردينه تفتحي و تبجين و عيونج يسحلن كلبي ويمشنه على السراط المستقيم

مريم. وانت رجال صايم و مصلي و تخاف الله ماا

شاهين. هههه حافظتني كبدبد

مريم. شعندي غيرك بيبي

شاهين. امشي خلي نروح ناكل

تا احجي بس قاطعني صوت جاي من بعيد يصيح صكر يولل شاهين

اندار شاهين و كام يدور على مصدر الصوت اباوع على الحرس تجمعو حوالينه و صارو شلون الدائره

رفع شاهين ايده و لوح لشخص جان لابس اسود و كمامه ما يبين حتى عيونه

اباوع على شاهين هز راسه للحرس رجعو تفرقو

تقدم الشخص و صار يمنه نزع الكمامه و شاهين راح عليه و حضنه ما سمعت شيحجون بس جان كلامهم كله همس

زول شاهين منه و ضربه على راسه بايده

شاهين. شلون شفتني

_ اعرف قميصك هذا شتريناه انه و انت سويه لمحتك من بعيد اجيت اخذ امي و اختي هنا يزورن

انتبه عليه و رجع دنك مسكت ايد صكر و ختلت بضهره خايفه من نضراته جانت عيونه شلون المكحله من شده سوادهن

سحبني شاهين و طلعني من ضهرهه خله ايده على متني كال بضحكه خفيفه

شاهين. اعرفك بخطيبتي

رفع راسه الولد و باوع عليه و رجع دنك همس بخجل

_ تشرفت بيج خيتي

شاهين. و هيه ما الها الشرف ابد

_ ايابه شك*** د

شاهين. رجاءاً الفاضك عيب بويه احنى بمكان مقدس اولا و ثانيا خطيبتي هنا ما تحب تسمع هيج الفاض

_ سايكه عليك المره هاااا

شاهين. حلالها و تمون ما مسويه شي غلط و اذا عليه فا اكولك راضي و أنجب كافي تكثر حجي خابر امك اليوم عازمكم على العشه على احسابي

_ حاضر سيدي تأمر

ضحكت على شكله شلون صار شكله يوحي على انو ما راضي

الولد بتعد مسافه و كام يخابر رفعت راسي على شاهين و كلت

مريم. منوو هذا ابو لسان زفر

شاهين. كلينسه المتدين اسمو نواف بل حقيقه

مريم. صلاوات اذا هذا و متدين

شاهين. اي هاذه اكثر واحد بينه فويسد بس لا تدحجين على لسانه الزفر هذا زلمه ابن زلمه ايابه شسبع بل موصل يذب روحه جدام الطلق و يحارب

مريم. فدوه لكلبكم حمات الوطن انتو ربي يحفظكم كلكم زلم

شاهين. على راسي رحم الله والديج

مريم. هههه و الديكم بيبي .... هسه جوعانه حياتيي

شاهين. لاا تدلعين ترا اموتج يولي

ميلت راسي و همست وانا ذايبه بضحكته

مريم. ضحكتك حلوه سحلت گلبي

رفع شعره بتفاخر و دنك عليه و كال

شاهين. اعجبج گليبي

مريم. تعبت صكر و رجليه كامن يوجعني من الوكفه

شاهين. هسه انروح على المطعم و تكعدين اتحملي دقائق

هزيت راسي و انا اخلي راسي على ضهره

اجه كلينسه و معاه النسوان وصلو يمنه وتفاجئت المره هيه نفسها الي علمتني شلون ازور

باوعت عليه و ضحكت شكلها عرفتني تقدم عليها شاهين و باسها من راسها هيه سحبتو و باسته من خده

بتعد شاهين اباوع على وجهه نكلب الوان اعرفه يضوج من هاي الحركه حتى انا ما يقبل ابوسه من خده

جرتني و حضنتني كالت بصوت عالي

_ طلع صكيران خطيبج

مريم. اي خاله شوفي شلون الصدفه حلوه لتقينه مره ثانيه

_ يايمه والله انه حبيتج من رحتي كمت ابجي

مريم. عمري دموعج غاليه حبيبتي

نواف. يمه شسالفه لازم ملتقيات الحبايب

ام نواف. يمه شفتها بل حضره و تعرفت عليها

شاهين. حجيه هاذي مريم مرتي شنو رئيج بيها

ام نواف. احسن ما ختارين خلق و اخلاق ما شاء الله الله عوضك خوش بنيه تنحط على الراس

شاهين. فدوه لعيونج حجيه .... يله هسه امشو خلي نروح اليوم عازمكم

نواف. اشو جاي احسها منيه

شاهين. لاا ابد والله اني چريم

نواف. كثر الله من امثالك اخي العزيز

كمنه نمشي وراهم و هما كدامنه و واحد يصنف على الاخر نواف يحجي كلمه و رجع يدنك و يستغفر و شاهين يصنف عليه

رجع نواف لوره و كام يحجي مع امه اباوع على شاهين مد ايده و حرك اصابعه على مود انتبه

شابكت ايدي بايده بتعدنه شوي عنهم صرنه نمشي كدامهم

شاهين. تعبانه حبيبي

مريم. لا بس شوي ضهري يوجعني

شاهين. شنو السبب

مريم. معرف رغم ما شلت شي ثكيل بس دا احس الوجع يدك بل عضم

شاهين. يايمه بنيتي ... هسه نكعد بل مطعم و راوح اجيب الج علاج مسكن على ما نصل

مريم. ميحتاج حبيبي صدكني يجوز من الوكفه الطويله و من اكعد يصير زين

شاهين. هيج كولتج

مريم. ايي عمريي لتخاف

شاهين. احبج و اخاف عليج من كل شي احسج كد ما ترفه الهوه الي تتنفسي يجرحج

مريم. احبك حبيبي شعندي غيرك يعافيتي

رفع ايدي و باسها كمنه نحجي مواضيع عاديه و صلنه المطعم رحنه على قسم العوائل

كعدت على الكرسي و احس حيلي راح الم ضهري زداد تحول لزروري كوه كتمت دموعي و ما بجيت مثل عادتي

اجه شاهين و كعد يمي مسك ايدي و همس

شاهين . شبيج اشو خدودج حمر

مريم. معرف بس يمكن راح اصخن

شاهين. ليش اسم الله

مريم.من يصيرن خدودي حمر بدون سبب اعرف هذا انذار لفد شي قادم فا يا الي بالي يا اكو مرض

رفع ايده و تفقد حرارتي نزلها و همس بخوف

شاهين. ماكو حراره شبيج لا تخوفيني

مريم. لعد ماكو شي هاي هيه يجوز لان بجيت فا هيج صار

شاهين. متأكده گليبي

مريم. ايي عمريي متأكده

رفع راسه و شاركهم بل حجي كتفيت بل سكوت الوجع الي بيه ما ينطاق بس ما اكدر اخرب كعدتهم عيب

باوعت على البنت تصير يمكن اخت نواف جانت كاعده يمي من الجهه الاخر مكتفه ايديها لصدرها و مكتفيه بل سكوت و الابتسامه الخفيفه ركزت بيها تباوع من جوه لجوه و تبتسم

تعجبت منها بس تغاضيت عن تصرفاتها الغريبه

اجه الاكل و شاهين خله كدامي و يسوي الي لفات اخذت لفه من ايده وكتفيت بيها

ضليت اكل بيها شوي شوي و هوا يحجي عليها اباوع عليه ما اكل لو لكمه ماسك بايده الفه و ينتظريني اخلص على مود يوكلني الثانيه

ذبيت الي بايدي و خليتها على الطاوله همست وانا اغمض عيوني من وجع ضهري

مريم. شبعت الحمدلله انتَ اكل حبيبي لضل صايم

شاهين. تعرفيني اني و هذا الاجل مو ربع انطيني دليمية و بل خمسه

مريم. اطلب من هنا ماكو

شاهين. كلشي موجود بس اني ما اثق احسهم مو نضيفين

مريم. لاا حبيبي موجود ناس نضيفه

شاهين. وشمدرينه احنى بل ناس النضيفه بله

مريم. هم صح شلون هسه

شاهين. لا تشيلين همي اكل وداعتج بس خلي نطلع اخابر صديقي اخلي امه تسوي الي اجل و تفض السالفه

مريم. اخاف فشله

شاهين. لا مو فشله متعودين عليه كل ما اجي على كربلاء يا يسون الي اجل يا اني اروح اكل عدهم

مريم. اممم حلو عندك هواي معارف

شاهين. طبيعه شغلي خلتني هيج معروف نوعاً ما

مريم. ربي يحفظك هيبه انت بعد گلبي

شاهين. بارك الله بيج

خلصو عشه و شاهين يحاول يأكلني بكل الطرق بس انا ارفض رفض قاطع احس نفسي مسدوده رغم جنت جوعانه بس تغيرت احوالي فجاة

اعرف هاي الاعراض تصير معاي من تجيني الشهريه و هذا الي جنت خايفه منه

احس الوقت مو مناسب لان يراد راحه و نوم مو سفر و اماكن مقدسة

كام شاهين و توجه للكاشير دفع الفلوس و اجه اشر الي اوكف يمه

رحت وكفت يمه و مسكت قميصه من وره سلم عليهم و ودعهم و رحنه

و احد متشبث بايد الاخر و نمشي بشوارع كربلاء

وصلنه للفندق صعدنه للغرفه نزعت حذائي توجهت للمرايه وكفت كدامها نزعت العبايه و الشال احس تحررت جنت مخنوكه و ايدي على كلبي خايفه لا اوكع و اتفشل كدام الاوادم

حسيت على اصابع اطرافها باردة تحتضن خصري و نفس حار يضرب برقبتي رفعت راسي باوعت بل مرايه و همست

مريم. شدا تسوي

ما رد عليه و باسني من رقبتي بقوه زولت عنه و انا متوجعه همست بزعل

مريم. صكرر مو هيج

اباوع عليه خال ايدينه على خصره و صدره يصعد و ينزل

شاهين. ما اتحمل اشوف كل هل جمال جدامي و ابقه هيج

ما خلاني احجي شي صار يتقدم وانا ارجع الى وره صار ضهري على المرايه

نزع قميصه و مسكني من خصري تقرب من خدي و شمني بعمق رفع راسه و همس باذني برجفه

شاهين. فراولة

رفعت ايدي و دفنتها بشعره همست

مريم. احبك ....

شاهين. مو بكدي ..... تقبلين نتزوج هسه شيهانه

مريم. بكيفك

شاهين. ما راح ائذيج اثقي بيه غمضي عيونج

مريم. اممم

رفع التيشيرت و شكه دنك على خصري يبوس بي فزينه ثنينه على صوت موبايل يدك بصوت عالي

بتعد شاهين و باوع بعيوني حسيت برجفه حتلت جسمي كله

جانت عيونه صفر و البياض احمر شعره مخربط و وجهه عركان صدره عاري بتعد عني و سحب الموبايل بدون كلام

فتحه و كعد على الجربايه يخابر حجه و هوا يفرك بوجهه

شاهين. تسلم حبيبي نازل الك تعبتك

سد الخط و سحب قميصه من الكاع لبسه بسرعه و طلع

انداريت صارت المرايه مقابيلي باوعت على نفسي و ستوعبت انا بدون تيشيرت

ركضت على جنطتي و اخذت منها ملابس و دخلت الحمام

تفاجأت الشهرية جايتني عرفت احساسي ما يجذب

سبحت و بدلت و انا احس روحي راحت من الوجع

طلعت من الحمام و سحبت التيشيرت الي بل كاع و البجامه الي بل حمام و ذبيتهن بل زبل

مشطت شعري على السريع و تمددت على ضهري و كعدت اتلوه من الوجع

تعجبت من شاهين لحد هسه ما صعد سحبت بموبايلي و اتصلت عليه بس ما رد

كمت على حيلي و رجعت اتصلت عليه مره ثانيه انفتح الخط و اجاني صوت ..............

^°^°^°^°^°^^°^°^°^°^°^°^°^°^°^°^°^°^°
هلوو يا حلويت شلونكم مشتاقه كلش هوايي والله
اعرف مقصرة بحقكم بس جانت يمي شوي ظروف و وقتي قصير كلش ما اكدر اكتب بس هسه رجعت و بقوه

شنو تتوقعون صار بشاهين ؟!..

كل عام وانتو بخير عنونين

عرف متأخره بس معليش قلبي

تابعوني بحسابي الانستا roroabd_17