رواية ذات العيون الناعسة الفصل السادس وثلاثون 36 - بقلم روان آل عبدالله

كانت عيناها أعمق من ان أنظر إليها وأمضي.

الكاتبة روان عبدالله

خلوو نجمة و علقو بين الفقرات لطفاً 🤍

°°°°°°°°°°°°°°°°°°°°°°°°°°°°°°°°°°°°

شاهين. سمسمه تتزوجيني كافي مليت اريدج بيتي و بحضني اريدج زوجتي اريد استقر و انكمل حياتنا سوه نعيش بسعاده و حب

مريم. شاهين معرف شكول الک

شاهين. شبيج ؟!

مريم. موافقه

شاهين. كولي والله

مريم. هههههه والله

شاهين. احبچ وعلي

مريم. هم انا

شاهين. انتِ شنوو ؟!

مريم. احبک هوايي

شاهين. شكد ؟

مريم. اكثر من الكندر بشويه

شاهين. طيح الله حضج على هل سالفه اي والله

مريم. هاييي شنوو ما فوكك فضلتك على الكندر

شاهين. والله عيب عليج تقارنيني بل اچل

مريم. شبي الاكل يخبل هسه انت اذا سئلتك راح تكولي احبج اكثر من الادليميه و هيج تصير علاقتنا مبنيه على حب الاكل

شاهين. دروحيي والله مو صوجج

مريم. اويي بيبي زعلت

شاهين . انجبي

مريم. خرمشت مشاعري

شاهين. اشككها لمشاعرج وعلي

مريم. صاير شكاكي شيف شاهين ههههه

شاهين. العب صارر بيها شيف منووو هذا انوب

عدلت كعدتي و اخذت خصله من شعري كمتي العب بيها باصبعي بتسمت و حجيت

مريم. كراشي

شاهين. ايااا خايسه

مريم. احترم نفسك بيبي

شاهين. لااا والله منوو انتِ تا تعلميني الاحترام

مريم. انااا مريم الصاكه

شاهين. روحيي من وجهيي مريم مو فاضي

مريم. شبيك شاهين

سد الخط بوجهي لو اناا تخبلت اخذت شهيق و زفير اهدي بنفسي

رفعت شعري و سويته كعكه شفت كتاب الاحياء بنهايه الجربايه جريته وكعدت اكلب بي رفعت راسي صارت المرايه بوجهي باوعت على نفسي و همست
امداج مريم

دنكرت على الكتاب و كمت ابجي بعد شهر تبدي السنه الدراسيه وانااا لحد هسه مو دارسه شي ينعل امم المشاكل كبرتني ميت سنه

اكلب بل كتاب و اهمس

اني الك شاهين اشوفك شراح اسوي بيك عبالك راح اعديها لا والله انيي تسدد الخط بوجهي سهله يل منتف

اقره بس كلشي ما افهم بالي يم شاهين هديت نفسي و مسكت الموبايل فتحت اليوتيوب و كعدت اباوع على فيديوهات تعلم شلون ارتب وقتي الدراسي و شلون ابدي بل مواد

كتبت الخطه و نظمت الوقت و خليت لكل ماده ساعتين على مود ما امل و بهاي الساعتين احذ ريست من خمسه الى عشر دقائق

قفلت الموبايل و خليته بل كنتور لصقت الورقه بل حايط سميت بسم الله و بديت اسج

مرر اليوم عادي كضيته دراسه و افكر بشاهين يمكن اذا ابقه افكر بي راح يطيح حضي و ارسب

نزلت جوه و لكيت خالتي مخبوصه تصب جايي و تخلي ضيافه

مريم. هاا خاله شبيج

ضحى. موو وكته تعالي ساعديني بسرعه

رحت ساعدتها و سويت الضيافه كعدت على الطاوله و حاولت اسئلها بس ما جانت تنطيني جواب

نزعت الشال من راسها و خلته على راسي نزلتني من الطاوله و خلت بايدي صينيه الجايي

مريم. بس لحظه خلي نتفاهم شجايي يصيرر خاله

ضحى. موو وكته روحي قدمي الضيافه

مريم. زينن خاله فهميني منوو موجوده

ضحى. ادخلي و راح تعرفين بنفسج

مسكتني من كتفي و وصلتني للباب فتحت الباب و دخلتني بوحدي و سدت الباب

انداريت ولكيت شاهين كاعد و يمه فهد و زوج خالتي ستحيت كلشش عبالي صديقات خالتي جايات عليها

سلمت بتوتر و اجه خالي و اخذ مني الصينيه همست اله

مريم. خالوو شجاي يصير

ابو راما. اكعدي هسه تفهمين

رحت كعدت قريب من فهد همس الي

فهد. شلونج يل محتحته

مريم. زينه..... بس شجابك انت و هذا

فهد. هذا الي تحجين عنه راح يصير زوجج سر سعادتج

مريم. لاا بربك

فهد. ههههه وعلي ... بس لا هم تسوين درامه التركيات و ترفضين و على اساس تدخلين بغرفتج و سدين الباب و تخلين ضهرج على الباب و تنزلين بل كاع و تصيحين مااا اريددد اهه اهه هذا عود جاي تبجين هههههه

مريم. ههههه افكرر

فهد. تفكررر الصاچه فكري عسى محد غيرج يفكرر

رفعت راسي وانيي اضحك شفت شاهين يخزر بينه
همس الي فهد

فهد. شوفي زوجج سر سعادتج جايي يخزر يمكن قارر على كولته اقاررر ههههه

مريم. احممم شلون ما يقارر الي عنده مثلي مو بس يقار يشتعل

فهد. اممم حمت الاختي ديله استقري

شاهين. خلصتوو

فهد. لاا والله لسعع اريد احجي الها على جيرانه ام فراس تطلكت ذاك الاسبوع

شاهين. سوده بوجهك ليشش ايجوز انت ضربتها عينن سداسيه الابعاد

فهد. شسوي الها اذا هيه صاروخ انه مو ذنبي

شاهين. من يومك زاحف اكشر

فهد . شهاده اعتز بيها

شاهين. احممم عمي اني اجيتك بطلب و اتمنى ما تردني اجيتك وحدي و ان شاء الله ما تردني جدام الله و رسوله اني رايد مريم بل حلال

ابو راما. والله يا عمي ساعة المباركه وين نلكه مثلك نسيب ما تتحصل بهذا زمان رجال خيرر و صاحب مواقف و كريم انه تعرف موافق عليك و لوما اعرفك و اعرف اصلك ما انطيك موافقتي ... كل الامر متعلق بايد مريومه هيه الي توافق و هيه الي ترفض

يحجون اناا احس حراره بكل وجهي خجلانه من الموقف الي نحطيت بي كمت ارجف و احس فراشات بمعدتي

فزيت على فهد و هوا يهمس

فهد. الله عليج وافقي انريد نركص من زمان مو فرحانين

رفعت راسي و باوعت على شاهين يباوع عليه بطرف عينه و بايده السبحه اباوع على ايده الشرايين طالعه كد ما ضاغط عليها

همست و اناا اباوع على خالوو

مريم. خالوو اناا موافقه

ابو راما. على الخيرر و البركه الف مبارك تستاهلون

فهد. لكك عاشش سمسمه عيشتيني بتوتر يمكن بعرسي ما اتوتر هيج

دنكت خجلانه اسوي سوالفه العروس فهد كام و سلم على شاهين و شاهين دنك على خالي و باسه من راسه

اجه باتجاهي خالي و باسني و ضمني لحضنه بادلته الحضن حجه شاهين بصوت كلش عالي

شاهين. اذا خلصت خالي من بعد اذنك طبعا اريد اخذها لكربلاء هناك نعقد سيد

ابو راما. ليش ما تعقدون هنا احسن

شاهين. والله خالي كلت هم نعقد و هم نزور مريم مو شايفه كربلاء تروح تزورها

دنك عليه خالو و مسح على راسي

ابو راما. شتكولين مريم

مريم. معرف براحتك خالو

ابو راما. هايي هيه روحو بحفظ الله

ما ردت اروح زعلانه على شاهين و هم عندي درس هذا عود كلت تا اسج بس ما ردت اكسر كلمه خالي كدامهم

شاهين. يله مريم روحي حظري ملابسج راح نبقه يومين

مريم. حيلل مو هواي

شاهين. لا مو هواي يلهه

ضجت من طريقه كلامه يستهزء بيه عباله راح اعديها مستحيل اسكت

دخلت جوه لكيت خالتي واكفه تنتظرني حجيت الها كل شي كضبتني تبوس خلصت نفسي و صعدت فوك
احظر ملابسي و احجي على شاهين

سديت الجنطه و توجهت للكنتور طلعت الي عبايه و خليتها على الجربايه رجعت مره ثانيه و اخذت شال و فستان مستور و حذاء رياضي

بدلت ملابسي و لفيت شالي باوعت على نفسي نضره اخيره برضه طالعه اخبل شلت جنطتي و العبايه و نزلت جوه

ودعت خالتي و البنات و طلعت اجه عليه فهد و اخذ الجنطه مني

مريم. شكرا فهودي والله بس انت الي تحس بيه

فهد . شعندي غيرج سمسمه احمل اجيب

مريم. اويي فهد احسك قريب عليه كلش اعتبرك اخوي

فهد. جاا شنو هيه انه وياج عشره عمرر

مريم. عشره لو خمسه

فهد. انجبي يلههه

مريم. موو صوجك صوجي اناا الي جايي اتشاقه وياك صايرر مثل ذاك ما تتحمل شقه

شاهين. وشبي ذاكك

مريم. مريض بس دوااا يمي

فهد. اكوو واحد راح ينعلس

شاهين. احلى دواا وعلي

درت وجهي ما باوعت اله ودعت خالي شاهين اشرلي اكعد من كدام همست اله

مريم. و فهد

شاهين. دنعلل ابوو فهد دصعدي

مريم. هااااي شبيك شوو صاير فد نوب ما تتحمل

شاهين. اصعدي مريم

مريم. بسيطه شاهين اناا تحجي معاي هيج طريقه

صعدت بدون ما اسمع اله واناا مطنكره و معصبه

فهد خله الجنطه من وره باوعت اله و بتسمت لوحت اله بمعنى مع السلامه

صعد شاهين و هوا يستغفر حرك السياره اباوع عليه وجهه صار احمر و الشرايين الي بركبته برزت قابض على ايده و نفسه صار عالي و العرك بين على كصته

جريت ايده و ضميتها اطمن بي شكله مو طبيعي ابد

وصلنه لنهايه الفرع شاهين فتح الجامه و طلع ايده اشر و سد الجامه ثواني و طلع سيارتين سود ورانه فزيت لا ارادياً من شفتهن صارت بيه رجفه خفيفه همست واناا كوه كاتمه دموعي

مريم. شاهينن.... شجايي يصير منووو ذوله

شاهين. غلسي حبيبي معليج بيهم

مريم. شلون تريدني اغلس و سياره تمشي كدامنه و الاخرى ورانه شاهين خلي نرجع

شاهين. لاا

مريم. صكرر فهمني شجاي يصير

شاهين. ماكوو شي

هنا ما تحملت طكيتها بجيه بصوت عالي خليت ايدي على وجهي و دنكت راسي

حسيت بجفه يمسح على راسي جر ايدي و باسها همس و هوا يفرك بيها

شاهين. هذول حمايتي

مريم. ليش ؟!

شاهين. عادي الامر بكل طلعه هيج

مريم. لااا شاهين مو بكل طلعه ياما طلعت معاك من محافظه لمحافظه شوو هاي اول مره

تا يحجي بس قاطع كلامه الجهاز الا سلكي ترك ايدي و اخذه حجه بي و رجعه على مكانه

شاهين. اهديي كليبي ماكو شي من نصل افهمج كل شي

مريم. ماكو شي مووو

شاهين. ايي وداعت هل عيون الحلوه الي تسحل كلبي من تبجي

سكتت و درت وجهي خليت راسي على الجامه و كعدت اباوع على شاهين همس و هوا يعصر بيدي

شاهين. لاااا دحجين عليه ترااا ما اتحمل اني رجال صايم و مصلي و اخاف الله

ضحكت و بعدت ايدي انداريت للجهه الاخرى همس

شاهين. جبت الج كندر

مريم. ماا اريد خلي الك

شاهين. ماا احب الحلويات المصنعه

مريم . وليش بالله

شاهين. عندي الاصلي شسوي بيهنن

مريم. انطيني اناا اكل

طلع من جيبه علبه و خلاها بايدي همس بضحكه

شاهين. اكليي الف عافيه

مريم. امم صلاوات هم زين ضحكت لو ندري من زمان جبنه طاري الكندر

شاهين. ما احب اضحك جثير خايف لا يحسدوني

مريم. علىى شنوو يحسدوك

شاهين. جمال ضحكتي

مريم. و الله اول مره تحجي شي صح بحياتك

شاهين. افاااا

مريم. ههههه امزح

شاهين. اويي حوقيره

مريم. ايعععع

شاهين. انجبي لو سمحتي

مريم. امممم حاضر سيدي

كعدت اكل كندر باوع عليه شاهين

شاهين. ديري وجهج للجامه و اكلي

مريم. ليش أن شاء الله

شاهين. لا تاكلين ككو جدامي اني رجال صا...

مريم. صايم و مصلي و تخاف من الله موووو

شاهين. ايي عفيه يله بنيتي ديري وجهج عنيي

كلبت عيوني و درت وجهي بملل كعدت اكل كندر شوي و خليت راسي على الجامه و كعدت اباوع للطريق غفيت واناا بيدي الكندر

حسيت احد يهمس باسمي و يمسح بحلكي فتحت عيوني بنعاس شفت شاهين شايل كلينسه و يمسح بايدي و وجهي

مريم. اوويي صكرر شبيكك

شاهين. احدد ينامم و بيده اجل مدمره نفسج كربي خلي امسح وجهج

كربت بنعاس غمضت عيوني و هوا كعد يمسح بوجهي همس

شاهين. هااي هيه خلصنا زولي عنيي اني رجال صايم و من الفطر راح تصير مصيبه

مريم. امم صدك والله صايم

شاهين. خليها سكته

ما حجيت شي لان ما فهمت قصده عدت حجابي همست واناا اريد ارجع انام

مريم. صكرر لسه ما وصلنه مااا

شاهين. توو وصلنا بس جايي انتظرج تصحصحين

مريم. اممم صاحيه اناا

شاهين. تعرفين تلبسين العبايه كليبي

مريم. لاا بيبي معرف

جرها من وره و باوع عليه و كليي

شاهين. يلهه حبيبي دحجي عليه خلي البسج

باوعت عليه واني ميته نعاس مسك خدي و كبل ذبيت حيلي عليه و غمضت

شاهين. هاااا سمسمه رجعنه

مريم. هايي هيه كعدت

لبسني العبايه و صفن عليه همس

شاهين . نزعيهااا

مريم. شنوو

شاهين. عجلل شنوو ما اقبل هيجج دحجي عليج زايد بياضج و جمالج و اني دحجي عليه اجلح املحح ما اقبل خايفه يحسدوج

مريم. لااا والله دباوع عليك جنك العافيه حبيبي بطلل هايي السالفه ما احبهااا

شاهين. حاظر بويههه ادللي

مريم. ننزل حبيبي

شاهين. يله نتوكل

نزلت و مسكت ايد شاهين كمنه نمشي انا اباوع على الكاع و امشي خايفه لا اوكع ما اعرف امشي بل عبايه اول مره البسها

شاهين كل شوي يرفع الجهاز و يحجي بي نداريت لكيت محاوطينه فوك السته زلم و يمشون بعيد عنه بس مسوين حوالينه دائره

خفت كلش لزكت بشاهين معرف شدا يصير كل فكري تشتت معرف شراح يصير بينه وليش هل حمايه شكد طلعنه سويه بس ما جان اكو حمايه

حضنت معصم شاهين و همست واناا خايفه

مريم. شاهين حبيبي

شاهين. هممم

مريم. يمته نعقد

شاهين. هسه رايحين

مريم. صكر خايفه كلش

شاهين. ليش تخافين وانيي يمج شحده الي يكرب الج و الصكر يمج

مريم. خايفه من هذول

شاهين. شيهانه هم رجعتني موو كلت الج هذول حراسي يعني يحمونج مو يأذونج

مريم. بس لو اعرف ليش يحموني شبيه

شاهين. من انروح على الغرفة راح احجي الج بس لا تخبصيني زولي عن ضهري خليني اعرف امشي

مريم. لا تعوف ايدي

شاهين. ما اعوفها

مريم. لا تعوفني

شاهين. ما اعوفج

مريم. كولل والله

شاهين. والله

مريم. يعني اكيدد

شاهين. اكيد

مريم. يعن....

شاهين. كافييي

مريم. ليش هيج تخوفني فوكك خوفي تراا صوتك انت و تسولف يخوف انوب تصيح شلون يصيرر

شاهين. هايي هيه حبيبي دحجي ما اصيح ولا اسوي شي بس اسكتي ما احب اللقوه الجثيره

مريم. سكتت سكتت

وصلنه لمكتب دخلنه بي جان كاعد شخص معمم و لابس اخضر و وجهه نور

كعدنه يمه و جان محد موجود شاهين بده يحجي وياه

بده يسوي مراسيم العقد راد شهود شاهين ترك ايدي و كام طلع بره اشر بايده بعلامه ثنين و دخل شوي و دخلو شباب ثنين عرفتهم حراسه

كعدو مقابيلنه كمل الشيخ العقد سئل شاهين و انطه موافقته سئلني و انطيت موافقتي اباوع على شاهين مبتسم بتسمت لا ارادياً خلصنا منه شاهين دفع فلوس و طلعنا

مسكني من ايدي و باسها

شاهين. الف مبروك يروحي صرتي حلالي ما تتوقعين شكد عانيت على ما صرتي الي احبج يا بعد راحتي و عذابي و دنيتي و ناسي احبج يا انثى الصگر

مريم. الله يبارك بيك حبيبي واناا هم احبك و اموت عليك يا ملاذي

شاهين. بيج حيل تزورين

مريم. لاا ما بيه حيل تعبانه

شاهين. خلص عجل امشي خلي نحجز غرفه

دخلنا الفندق و حجزنه صعدنه بل مصعد اجه بالي من سد الموبايل بوجهي و من يصنف عليه كلبت وجهي و باوعت عليه همس الي

شاهين. يااا ستارر شبي وجهج

مريم. ما بي شي يسلم عليك

شاهين. لا ردنه هل سلام

مريم. عفواا

شاهين. امشي ماكو شي

مشيت واناا مقررة اطلع هاي الطلعه من عيونه و اخلي يعصب و يكره روحه

دخلنه للغرفه ذبيت نفسي على الكنبه نزعت العبايه و الشال احس نفسي هتو بديت اتنفس

شاهين كبل دخل للحمام ستغليت الفرصه و بدلت لبست تراك مستور و خليت شعري مفتوح صاح شاهين

شاهين. مريم ملابس نسيت

مريم. ما عليه تعال انت اخذهن

شاهين. يلهه يمعوده شلون اجي واني بدون ملابس

مريم. والله تنجاز بروحك علش بس تعرف تصيح

شاهين. ما يهمني شي راح اطلع

مريم. اطلعع

شاهين. و راح تندمين

مريم. بل احلام عودد

حسيت على طكه القفل كعدت على الكنبه وانا الوم بنفسي على الشي الي سويته لو منطي ملابس و فاضتهاا احسن الي

طلع واناا تفشلت من يمي جان بس خال الخاولي على خصره دنكرت و سويت روحي العب باضافري

اجه باتجاهي واناا ستشهدت رفعني اجت عيني بعينه همس و هوا يزفر هوا حارر يضرب بوجهي

شاهين. ليشش ما تسمعين الكلام

تجرئت و همست

مريم. بكيفي ما اسمع

شاهين. افعالج جايي تجبرني اتصرف تصرف ما راح يعجبج

مريم. ماا خايفه قابل شراح تسوي

ضحك بطرف شفته و ذبني على الكنبه دنكر عليه و همس

شاهين. لاا تتحديني سمسمه

مريم. عوفني شاهين

شاهين. واذا ما عفتج

رفعت نضري عليه همست .

مريم. شبيك صكر

شاهين. سمسمه لا تحرميني صرتي حلالي

مريم. عوفني اخاف

شاهين. من شنوو

مريم. شاهين الي دا نسوي غلط زول عني عفيه

شاهين. شنوو الغلط بل موضوع انتِ حلالي و اني زوجج ما بيها شي

مريم. لاا بيها و هوا اناا لسه ما مستعده لحد هسه اخاف من هيج سوالف

شاهين. براحتج ما اجبرج على شي بس لازم اخذ تصبيره

مريم. شنو هيه

دنك عليه اكثر همس

شاهين. هسه افهمج

ما انطاني فرصه للحجي باسني واناا مصدومه و متوتره ختنكت ضربته على صدره يالله عافني زول عني و هوا يتنفس بتسرع مسكني من وجهي و خله جبهته على جبهتي همس

شاهين. حبيبي مدا اتحمل اكثر من هيج لا تحرميني حرام عليج

مريم. مكدر شاهين اخافف

شاهين. براحتج كليبي الي يريحج

زول عني و فرك وجهه همس روحي نامي مو تعبانه

هزيت راسي بايي و رحت كبل نمت غفيت رئساً بين النايمه و الكاعده حسيت شي رفعني و خلاني على صدره

عرفته شاهين بس ما بيه حيل افتح عيوني من النعاس حضني و كبل غفيت مره ثانيه

كعدت علي شي حار بوجهي فتحت عيوني بضعف و نعاس باوعت شاهين نايم مقابيلي و يزفر هوا عليه

رفعت ايدي و كمت امسح على عيونه و شواربه و صلت شفته حسيته عضني

مريم. ايي صكرر

شاهين. ليش تتحرشين

مريم. كيفي

شاهين. متأكده

مريم. ههههه لا

شاهين . خليني انام كافي تحوسين جنج سمجه

غمض عيونه و كور نفسه همست وانا العب بشعره

مريم. حبيبي

شاهين. هممم

مريم. احجيلي شنو قصه الحرس

شاهين. ماكو شي وداعتج

مريم. لاا اكو شي شاهين اناا مو غبيه يعني تجيب حرس وياك احجي الي شنو السبب

شاهين........

°°°°°°°°°°°°°°°°°°°°°°°°°°°°°°°°°°°°°°°°
بعد كليبي خلص البارت خلووو نجمه 💛

اكثر بارت تعبني نفسياً ☹️💔

سؤال. شنوو تتوقعون جواب شاهين