تحميل رواية «ذات العيون الناعسة» PDF

طشت اسنيــن المحبــة ومن بگاياهـن شلــم

مـرة تغفـه جروحي بيه ومـره احــن وانلچم

الكاتبه:روان عبدالله

قبل لا تبدون دوسو على النجمه و علقو بين الفقرات +احبكم🤎

~~~~~~~~~~~~~~~~~~~~~~~~

هوسه كلشي ما اسمع بقيت واكفه و اباوع عليهم احس متشمته بداخل على منظرهم سحلو الحارس ابو سنون مزنجره و كعد يصيحون عليه و يغلطون واني اضحك بداخلي

رجعت دخلت على الغرفه شوي و هدء الصوت

تمددت على الفراش و حسيت انفتح الباب دخلت بنت تشتغل ويه داعش

- عيني دزوني عليج يردونج يله كومي

مريم. هيي احترمي اشو تحجين من وره خشمج

-اسفين عيني

كمت امشي ورها دخلنه على الغرفة لكيت الحارس ماريا كاعدين و وجه الحارس ما يبين من الكتل

رجفت باوعت على الغرفه متروسه ترس دواعش كلهم وجوههم تجيب الفكر و شعرهم أطول من شعري يلعبون النفس

اشرلي محمد اكعد يم ماريا

كعدت يمها و همست لماريا

مريم. شصاير شبيج ترجفين و وجههج اصفر

ماريا. انتِ وره السالفه مو

مريم. لا طبعاً اني ما الي دخل

ماريا. انتِ غبيه لو تستغبين انتِ خليتيني اضحك على الحارس على مود تطلعين ذوله المرتدين مو

مريم. شجاي تحجين ماريا كل عقلج معقوله هم انتِ غسلو عقلج

ماريا. معليج بيه اني حره بنفسي و اسمعي الحارس شتكه عليه و كال اني وره كل هل سالفه و من اجو تا ياخذوني كلت الهم مريم هيه وره السالفه اني معليه

مريم. معقوله تبيعيني ما غزر تعبي الي اتعبه عليج انتِ و صديقاتج مع الاسف يا ناكره الجميل

سكتت ما ردت و اني كمت ارجف صح من خارج أبين صلبه و ما يهزني ريح بس احس نفسي تورطت لو مو مدخله ماريا و حاله المشكله بوحدي كوله صوج غبائي تصرفت بتسرع و بطيش ما درست الموضوع من كل الجهات

لو قتلوني و متت عادي ما اهتم لان اني ما استحق العيش على شنو عايشه بل ضبط لا دراسه لا أهل ما اعرف على شنو باقيه روحي تروح فدوه للابطال الي ضحو بحياتهم لجل العراق

جنت حاسبه حسابي لهذا الموقف لان عرفتها تسولف كبل احمدت الله ما حجيت كل السالفه الها

غمضت عيوني و همست بصوت ناصي محد يسمعو بس اني

اي اشي يسوو بيه ابد ما اهتم هاي هيه اموت ولا ابقه طول عمري هيج مذلوله يم ناس تكتل و تذبح و تحلل و تحرم بحجه الدين

صحيت من الاعاصير البداخلي على صيحه واحد من الأمراء داعش احس جنت بدوام و صراع ويه نفسي جنت اتصنع القوه و اقوي نفسي لأي شي يصير خلص هيه موت وحده ولازم اموت واني رافع راسي مو ابجي و اتوسل

جر كرسي و كعد مقابيلنه و صاح

- احجولي كلشي و بل تفصيل

باوعت على الحرس و ماريا كامو يحلفو و يسولفن و متسابقين بل كلام اخر شي صاح بيهم ياله سكتو

- شعدنه ما تكولولي ما اريد هذا التصرف يتكرر، انتَ احجي

أشر على الحرس و الحرس بده يشرح اله شلون اجت ماريا و سحبت من الباب و يقسم و يحلف

سكتو و ندار على ماريا و حجه

- احجي كلشي عندج ليش طلعتيهم و منو وياج

بدت ماريا تحجي كل السالفه من اني اجيت عليها و ختمت كلامها

ماريا. والله العظيم لو ادري بيها تهرب المرتدين فلا اساعدها عبالي هيج شقه والله مالي دخل بيها

باوع عليه و كال

-اذن انتِ مريم

مريم.اي

- احجي مثل الي قبلج و اريد كلشي بل تفاصيل

مريم. ما عندي شي احجي

- انتِ ما يفيد وياج الحجي

باوع على الحرس و كال

- اخذوها خلي تعترف، البقيه اني اتصرف وياهم

جروني و كامو يسحلون بيه باوعت على محمد مكتف ايدينه و يباوع ما انطه رد فعل

اخذوني وخلوني بغرفه فارغه كعدت بل كاع و همه طلعو بقيت استغفر و استشهد نفتح الباب و دخل واحد من داعش و لازم بيده ادوات تعذيب

من شفتهن كبل خفت و لعبت نفسي جانن متروسات دم و منضرهن يخوف كلش

جر الكرسي و كعد مقابيلي و كال

- جدامج خيارين بس، الاول يا تعترفين و تفضيها يا اخليج تعترفين بطريقتي

كال هيج و رفع الأدوات الي بايده

مريم بخوف. ما عندي شي احجي والله

-اذن انتِ اختاريتي الخيار الثاني

صاح على الحرس

جابو كرسي و رفعوني وكعدوني عليه ربطو ايديه و رجليه و طلعو

كمت ابجي تقرب و بديه يضرب بيه و يصيح

-يله اعترفي

مريم. ما اعرف شي والله

صل يضرب بيه بيدينه كلش ثكيله ضربته

نتهيت و صرت معد احس بل ضربه

بتعد و هوا يتنفس بقوه

- ما تعترفين مو

مريم. ما اعرف شي شبيك ليش مجاي تصدك مو اني

صاح كبل سكتت

جاب الحزام و كعد يضربني الدنيه بارده كلش و جسمي ثلج من يضربني يزيد الالم أضعاف ما تحملت الألم و صحت بصوت عالي

مريم بجي. كافي الله يخليك راح اعترف

سكتت و كمت اتنفس بصوت عالي بتعد عني حجيت

مريم. اني الي طلعتهم من هنا اني والله بس عوفني كافيي

ذب الحزام و باوع عليه و كال

-عيدي شكلتي

مريم. اني خليت.. هم... يطلع.. ون.. من هن.. هناا

- شلون احجي التفاصيل

حجيتله كل اشي من بكت المفتاح الى طلعتهم من المخرج الخلفي

ضربني راشدي و صاح

-مرتده اني الج

طلع اني نتهيت جسمي كام يوجعني حلكي و خشمي كام يذب دم

اباوع على رجليه صار زرك نخنك الدم كد ما شادين على الحبل

معد احس بيهن كمت ابجي و اصيح عسى و لعل احد يجي يفكهن دخل محمد و صاح

محمد. هااا خير شبيج تصيحين

مريم. محمد فدوه رجليه باوع عليهن شلون صارن زرك الله يخليك معد احس بيهن

محمد. أي وشتريدين بل ضبط

مريم. فكهن فدوه الله يخليك

دنكر عليهن و طلع حربه (سكينه صغيره) و كام يكص بل حبل

فتحهن حسيت رجع الدم بيهن

تا يطلع صحت

مريم. محمد

اندار و باوع عليه هز راسه بمعنى شتريدين

مريم. محمد صدك راح تذبحوني

محمد. أي صدك

مريم بجي . لا الله عليك فدوه سامحني اخر مره والله معد اعيدها فدووه طلعني من هنا بارده كلش و الضرب موتني الم

محمد. مشكلتج انتِ خطأتي و انتِ تتحملين العواقب

مريم. محمد طلعني من هنا والله اخاف من الضلمه كافي فدوه

تقرب عليه و مسك شعري و لفه على ايده و صاح

محمد. تخافين مو... شكلتي لنفسج من سويتي هيج شي هااا احجي ليش تعاونتي ويه المرتدين منو ضحك عليج هاا تاليها تخونيني

مريم. والله ما خنت احد مجرد ساعدتهم بس فدوه افهم هذا الشي اني ما سويت غلط

محمد. ولججج شلوون ما سويتي هذي لو غيرج مسويه هذا الشي جان من زمان ذابحهااا... هذا الي سويتي يسمونه خيانه وراح تتحاسبين على كل شي فعل سويتي فاهمه لو لا

مريم. فا.. فاهم... فاهمه والله

دفعني و طلع خليت راسي على الحايط و كمت ابجي بردانه كلش و الضرب احسه يدك بعضامي

و جوعانه ما ماكله شي من الصبح لحد هسه

كبل اجه على بالي جاسم و الرساله

حركت ايديه بتعب سحبت الرساله من جيبي بالف يا علي فتحتها جانت رساله و داخلها رساله أخرى

قريت الرساله الاوله تزلت دموعي من قريتها كوه فهمت عليها جان كاتبها بل فحم

( الي ابنتي و صديقتي مريم شكرا لانكي كنتي في حياتي، ما راح انسه وكفتج هاي شكرا لكل شي قدمتي الي شكرا الج ما راح انسه من داويتي كل جرح بيه انتِ مو بس داويتي جروحي جسمي داويتي الجروح الي بداخلي ، خليج هيج قويه دوم و لا تضعفين هاي الرساله الي بل داخل ما اريد احد يقراها اريد تودينها لشخص قريب على گلبي اذا كدرتي)

باوعت جوه الورقه كاتب عنوان ما بيت اهله و كاتب من جوه اهلي

و بنهايه كاتب تحياتي الج يل( ذيبه) رجعت الرسائل لجيبي و همست

مريم. اوعدك راح اوصل امانتك الله يرحمك جاسم ما راح انساك ابد و اوعدك راح ابقه قويه مثل ما وصيتني

رفعت رجله و خليتهم على الكرسي و كمت ادفي بيهن حضنت نفسي وخليت راسي على رجليه و غفيت

كعدت على هوسه بل غرفه رفعت راسي كوه احسه ثكيل كلش باوعت شفت داعش مطشرين بكل الغرفه

ما كدرت اركز اكثر احس الكاع تفتر بيه

خليت راسي على رجليه ما كدرت ارجع انام بقيت مغمضه عيوني من افتحهن ترجع الدوخه

حسيت احد سحب ايدي رفعت راسي واني اغمض وافتح على مود اركز

شفت محمد كبل ذبيت روحي بحضنه ما انطه رد فعل بقه واكف واني حاضنته

مسح على راسي وكال

محمد. شبيج

مريم بهمس . دايخه

بعدني من حضنه و مسك راسي كعدني على الكرسي و خله راسي على الحايط

راح رجعت على وضعيتي و خليت راسي على رجليه و غفيت

حسيت احد يحرك بكتفي

مريم. هاا

محمد. كومي يله

مريم. تا تذبحني مو

محمد. أي

همست بصوت ضعيف و خايفه

مريم. الله عليك لا

محمد. كافيييي

هزيت راسي و كمت أتوجه (استند) على الحايط و ابجي دايخه حتى مشي ما اكدر امشي

نص الطريق دارت الدنيه بيه و وكعت بل كاع

تقرب عليه محمد و رفعني سندني حضنته و كمت ابجي و احجي

مريم. محمد لا تذبحني عفيه والله معد اعيدها فدوه

مسح على راسي وكال

محمد. خلص كافي اسكتي ما اذبحج انتِ مصدكه

مسحت دموعي و بقيت اشهك

وداني على الفراش تمددت كعد يمي تربع

و كل شوي يمد ايده و يمسك راسي و خدودي يقيس الحراره

فتحت عيوني و باوعت عليه مسكت ايده و همست

مريم. محمد انتَ زعلان عليه

محمد. أي

مريم. الله عليك سامحني اني اختك و احبك والله معد اسوي شي ولا اجي حول السجناء ابد

محمد. أحلفي بعد ما تكررين خطئج

مريم. والله العظيم بعد ما الي دخل بأحد

هز راسه سحبت ايده و شبكتها بأيدي و نمت

مر شهر واني بتعدت عن الكل ما الي شغل بأحد رجعت شلون قبل من جنت بل بيت مال داعش

بس بعض الأحيان اضوج من الكعده و اروح اكعد يم البنات

ماريا نقلوها على غير مكان سمعت من البنات موديها على سوريا و الحارس ما اعرف عنو شي من ذاك اليوم ما شفته

ماريا نقهرت عليها كلش كله من وراي اني صوجي دخلتها بمشكلتي

جنت كاعده بغرفتي و اكتب كا العاده

دخل محمد لابتسامه شاكه حلكه

مريم. ضحكنه وياك خير ان شاء الله

محمد. باركيلي

مريم. الف مبروك بس على شنو

محمد. صرت أمير

صفنت و ملامح الحزن بينت على وجهي همست

مريم. وانتَ فرحان مو

محمد. أي ليش مو فرحان

هزيت راسي و سكتت لان الحجي ما يفيد وياه

مرت فتره و محمد صار أمير و صار معروف و الو سلطه كلش جبيره

رحت كعدت ويه البنات و كعدت اباوع عليهن كل وحده تشكي همها

دخلو داعش تا يختارون بنات اني بقيت لا أكدر اطلع و لا أكدر ابقه وكفت بل زاويه و كعدت اباوع على الوحشيه الي بيهم و أفعالهم المقززه

دخل محمد و سحبني صاح

محمد. شجاي تسوين هنا

مريم. معرف جنت كاعده و هما اجو

مسك ايدي و كعد يسولف وياهم

محمد. اوكفو على كيفكم

وكفت كلها و البنات كعدن بل ارض اباوع على البنات الي اجن جديدات يبجن

همست

مريم. محمد الله عليك خلي البنات لا ياخذوهن خطيه

عصر ايدي و حجه

محمد. شعليج لا تدخلين

كل واحد سحب وحده و راحو بقن كم بنت

محمد سحبني و دخلني الغرفه و راح صحت باسمه باوع عليه كلت

مريم. محمد لا تتأخر ترا اخاف والله

هز راسه و راح

كعدت بفراشي و باوعت على السقف نزلت دموعي همست

مريم. ماما مشتاقه لحضنج و لعطرج المميز الي ما شميت مثله من قبل تعالي و اخذيني من هنا و دفيني بحضنج بردانه

دفنت راسي بل مخده و نمت كعدت الصبح على صوت محمد يخابر

كمت و تربعت بعدت شعري بانزعاج صحت

مريم. خير من الصبح تصيح براسي

محمد. كومي خلي انروح مو وكته هل حجي

مريم. وين انروح

محمد. كومي و بل طريق احجيلج

مريم. هم راح ينقصف هذا المكان

محمد. لا

مريم. لعد وين ماخذني اذا هنا امان

محمد. مريم وداعتج كلشي افهمح بس كومي لا تشلعين گلبي

كمت البجي و حجيت

مريم. كافي تعبت يوميه ماخذني لمكان ما اروح على اي مكان و شتريد تسوي سوي

دنك عليه و حجه بصوت ناصي

محمد. مريم شنو انتِ ما تثقين بيه بس روحي ويايه كافي عناد عفيه يله امشي

مريم. محمد ما اريد اروح على مكان خايفه والله

مسك خدي وكال لا تخافين اني وياج بس امشي

هزيت راسي و كلت

مريم. بس ما تعوفني الله عليك تبقه ويايه

هز راسه بدون جواب

كمت غسلت و لبست ملابسي و اخذت جنطه ولميت ملابس

شلت الجنطه و طلعت لكيت محمد كاعد بل ممر

شافني تقدم عليه شال الجنطه و مسك ايدي

طلعنه من النفق و نزلت ادوعي لا إرادياً

محمد. ليش البجي يا عيني

مريم. معرف حاسه بشي راح يصير الي كلش خايفه

شد على أيدي وكال

محمد. لا تخافين دام اني يمج

هزيت راسي و رحنه صعدنه بل سياره

محد بينه حجه و محمد كل شوي يذب حسره

باوعت عليه و حجيت

مريم. شبيك احجي

محمد. ما بيه

مريم. وين رايحين

محمد. هسه نوصل وتعرفين

كمت ابجي وحجيت

مريم. محمد گلبي مو مرتاح ابد لهاي السالفه

محمد. لا تخافين بل عكس المكان الي راح اوديج عليه ائمن بحيث من اموت اني مطمن عليج

مريم بجي. شهل حجي الله عليك شنو موت يعني راح تعوفني مو

محمد. كلنا بل نهايه انموت

مريم. لا تحجي هيج والله كلبي يكوم يوجعني ما اتقبل فكره فراكك ابد انتَ مو بس اخوي احسك امان بل نسبه الي فدوه لا تعوفني ما اريد اروح لأي مكان اريد ابقه يمك لو حتى تروح على الموت انموت سوه

مسك ايدي و باسها و حجه

محمد. ما اعوفج ابد

بقيت ابجي خايفه كلش من المجهول

وكف السياره و سحبني لحضنه

حجيت من بين دموعي

مريم. محمد كلبي يكول انو انتَ راح تعوفني

محمد. لا ما اعوفج كافي بجي يله اسكتي كافي

مسحت دموعي و كمت اشهك

انطاني مي شربت و رجعته على مكانه

محمد. هديتي

هزيت راسي بايي

محمد. خليج قويه مو على اي شي تبجين

مريم. أي

محمد. اوعديني اذا عفتج راح تصيرين قويه

مريم. لا ما اوعدك ما اريد تعوفني فدوه

محمد. مريم لا تعبيني كافي اني تعبان لا تزيدين تعبي

هزيت راسي و همست

مريم. اوعدك

سكتنه و صار الهدوء سيد الموقف خليت راسي على الجام و ضليت اباوع على الطريق

وكفت السياره رفعت راسي باوعت على محمد و كال

محمد. يله نزلي وصلنا

باوعت على المكان و جان اشوف........

"" "" "" "" "" "" "*" "" "" "" "" ""

عمري خلص البارت أنطوني رئيكم اذا عجبكم

دوسو على النجمة ⭐

أنهَ المٌا سَومرتَّ روُحَي بـشمَس غيْرك💔❗

الكاتبه : روان آل عبدالله

سوو الي واهس و علقوو بين الفقرات+متابعه🤎

—-----------------------------------------------

باوعت على المكان شفت بيوت هواي واحد بصف الاخر

مريم. محمد هذني بيوت شجابنه هنا

ذب حسره و مسك ايدي و حجه

محمد. مريم هنا كرايبنه من بعيد و راح اعوفج يمهم ائمن الج الموصل وضعها خطر و ما ندري بيا ساعه انموت فا ما لكيت غير هذا الحل

مريم. محمد انتَ دا تحجي صدك لو شقه

محمد. مريم مو وكت الشقه

مريم. يعني راح تعوفني هنا

محمد. اي

مريم. الله عليك لا تعوفني ما اريد اروح لأي مكان أريد ابقه يمك و اذا تموت اموت وياك اني شكو باقيه ما عندي احد غيرك الله عليك لا تقهرني

محمد. مريم اسف ما لكيت غير حل اني ما جاي الكه مكان يحتويج ابد و هنا ائمن مكان اموت واني مرتاح

مريم. محمد لا تجيب طاري الموت فدوه ما اروح على اي مكان ابقه يمك معليه مااا

محمد. مريم لا تعاندين عفيه تعبان كلش

كمت ابجي و حجيت

مريم. شلون ينطيك كلبك تعوفني هنا يم ناس ما اعرفهم

محمد. هذول الناس راح يحافظون عليج و يحمونج اكثر مني

مريم. لا محمد انتَ غلطان ما راح احد يحميني و يحبني اكثر منك لا تعوفني فدوه اروحلك

ما رد عليه و نزل من السياره اجه من جهتي و فتح الباب

محمد. يله نزلي

مريم. مااا مااريد ما راح انزل ماااا

محمد. مريم نزلي يله كافي صبري اله حدود

هزيت راسي برفض سحبني من ايدي و طلعني سد الباب و كام يسحبني و اني احاول ابعده بس جان اقوه مني

وصلنا يم باب البيت دك الباب و انتظرنه دقائق و نفتح

طلع ولد جبير يطلع بكد محمد

سلم على محمد و دخلنه جوه كعدنه بل ستقبال راح الولد بقيته اني و محمد

مريم. محمد الله عليك

محمد. كافي ما اريد اسمع صوت

مريم. ف....

محمد. كلت كافي

نزلت دموعي و خليت ايدي على حلكي و كمت ابجي

باوع عليه و دنك طلع جكاره و كام يدخن مسح على لحيته اكثر من مره

حجه و الدخان يطلع من حلكه

محمد. كافي مريم عيونج راحن من البجي

مريم. محمد ما اريد ابقه هنا هيه كوه

ذب الجكاره بل كاع و داسها بحذائه رفع راسه و باوع عليه

محمد. انتِ شنو ما تفهمين مو كلت الج احنه حياتنه هناك مهدده بل خطر يعني بايي ساعه نموت

مريم. ماريد عفيه ماريد

صاح بصوت عالي

محمد. كافييي عاددد اسكتي هواي سكتتت الججج ماريدد اسمعع صوتجج ابددد تبقينن هنا و رجللج فوكك رااااسججج سامععه لوو لااا

هزيت راسي بايي عجزت ما بيدي شي اسوي

مسحت دموعي و صفنت على الأرض دخل الولد و ياه مره ورجال جبيرين مبين امه و ابوه

سلمو على محمد و كعدو مقابيلنه حجت المره

- هاي الحلوه راح تبقه يمنه

محمد. أي حجيه امانه يمج

- بعيوني اخليها شعدنه غيرك معزتها من معزتك

باوع على وجوههم شكلهم ما راضين بل سالفه ابد بس احسهم يجاملون و مجبورين

كام محمد و كال

محمد. يا الله اني اتوكل ام عمر ديري بالج عليها هاي اعز من روحي

كمت على السريع و مسكت ايده همست

مريم. راح تروح

محمد.اي

مريم. اخذني وياك الله عليك حباب

محمد. شكلنه هتو قبل دقيقه

قوست شفتي و بنزلت دموعي أشر بعيونه على أيديه

كبل تركتها و كمت ابجي بهدوء

دنك عليه محمد و حضني باسني من راسي و توجه على ام عمر و حجه وياها

محمد. مصروفها كل شهر راح يوصل الها و ما اريد اي شي ينقصها و شتريدين اني حاضر

ام عمر. ما نريد غير سلامتك يل غالي الله يحفظك

اني احس روحي بوخت من كثر الصبغ

محمد هز راسه و طلع زدت بجي واني اشوفه يختفي من كدامي

راح محمد سمعت صوت السياره شتغلت بقيت واكفه بمكاني ما تحركت اجت المره عليه و سحبتني من ايدي و فوتتني بل بيت

دخلت على البيت جان صغير بس حلو و مرتب اول ما دخلت اجت بخشمي ريحه الاكل غمضت عيوني و ستنشقتها معرف ليش تذكر بيتنا معنا انو ما جنه انسوي اكل هواي بس احس مشتاكه لهيج أجواء عائليه و مشتاكه لأمي و لريحتها مشتاكه لحنانها كلش،

ام عمر. فوتي يمه نورتي البيت بيتج حبيبتي

صفنت و نزلت دموعي لا إرادياً مشتاكه لها الكلمه صارلي هواي ما سامعتها من سمعتها احس صارت بكلبي غصه كلش جبيره دنكت راسي وكلت الها

مريم. شكرا خاله البيت منور باهله

ام عمر. تعالي خلي اراويج غرفتج

سحبتني من ايدي وكفنه يم باب غرفه تقريبا تصير جوه الدرج ضحكت بخفه و كالت

ام عمر. صح هيه قديمه بس مو بيدي والله اعذريني

مريم. صدك جذب خاله عادي بل عكس اصلا انتو اعذروني اني الي اجيت غفل و دخلت حياتكم

ما ردت عليه عرفتها ضايجه مني بس دا تجامل

دنكت راسي مستحيه من الموقف الي انحطيت بي احس روحي تفشلت

فتحت الباب و دخلنه للغرفه جانت بيها كنتور صغير و بيها فراش ابو النفر خالينه بزاويه الغرفه

دخلت و حجيت بخجل

مريم. شكرا خاله والله هاي وكفتج ما راح انساها ابد

ام عمر. تدللين شتريدين اني موجوده بس دكيد الباب... و وو اريد اطلب منج طلب

مريم. أي اطلبي اعيوني الج

ام عمر. اريد منج ما تطلعين من الغرفه من تردين شي اني موجوده بس لا تطلعين

صفنت عليها خجلانه كلش واحس وجهي راح يطلع منه نار من الفشله كلت بتوتر

مريم. ماشي

هزت راسها و طلعت نزعت عبايتي و حجابي و ضليت صافنه من الفشله حتى دموعي تجمدن معقوله لهل درجه كارهيني ما يردوني اطلع و لا يردون يشوفوني

طكيتها صفنه و بقيت بدوامه افكار فكره تجيبني و فكره توديني

احس روحي دخت تمددت على الفراش وغفيت

كعدت على احد يهز بكتفي رفعت راسي شفت بنت يطلع عمرها بل ١٨ سنه

كمت على حيلي و كلت

مريم. هاا حبيبتي محتاجه شي

ما جاوبتني بس أشرت على الكاع باوعت لكيت صينية صغيره مال اكل

مريم. شكرا

ما ردت عليه كبل راحت تركض صفنت شبيها هاي العيله واحد اضرب من الثاني

انفتح الباب و دخلت ام عمر و بيدها بطل ماي و راها البنت و ماسكه ثوبها

ام عمر. اعذرينا حبيبتي هاي بنتي مريضه شوي  دزيتها تجيب الج اكل بس لا سوت شي الج

مريم. لا خاله بل عكس خطيه كلشي ما سوت

ام عمر. اكلي بل عافيه

مريم. الله يعافيج

تا تروح و البنت كامت تركض و كعدت يمي بتسمت ابتسامه صغيره وسحبت خصله من شعري و خلتهه على خشمها

ضحكت على تصرها الطفولي و بستها من خدها

مريم. اني مريم وانتِ

أشرت على نفسها بيدها حجت امها

ام عمر. حبيبتي هاي اسمها فاطمه و ما تحجي

مريم. اهاا الله يشفيها

اجت امها جرتها من ايدها تريد تكومها و هيه كامت تبجي شلون الطفل سحبتها من ايدها و كلت

مريم. خليها خاله يمي من تريد تجي اني ادك الباب و تجين تاخذينها

أم عمر. اخاف تضوجج

مريم. لا عادي شوفيها شلون حبابه خطيه

راحت ام عمر و باوعت عليها خلت اديها على شعري و كعدت تمسح على بحنيه

معرف حسيت بشعور الحنان هاي المساحه تذكرني بحنان امي

قوست شفتها و نزلت دوعها بصمت نزعت الطاكيه(كبوس) مالتها و أشرت على شعرها

باوعت عليها محلقيها صفر نقهرت عليها و نزلت دموعي مسكت راسها و كلت

مريم. الله شنو هل جمال يخبل شعرج الله

كامت تضحك من بين دموعها و أشرت على نفسها قصدها اني

هزيت راسي و كلت

مريم. أي انتِ يخبل شعرج

ضحكت و حضنتني بادلتها الحضن احسها محتاجه حنان و اهتمام مثلي معرف ليش بس احسها يتيمه

اليتيم مو شرط ابو او امه متوفين ممكن نلكه بعض الأشخاص أهلهم عايشين و هما فاقدين شعور العطف و الحنان فاقدين شعور الحب العائلي

زولت عنها وحجيت

مريم. تردين تاكلين

هزت راسها تقربت و كمت اوكل بيها اباوع عليها احسها فرحانه

تاخذ الاكل من ايدي و تبتسم

خلصنه الاكل و كامت نفضت ملابسها و راحت ضحكت على تصرفاتها تنحب و تدخل الكلب بسرعه

ثواني اجت و جايبه امها وياها شالت الصينيه حجت ويايه

ام عمر. بس لا اكلت وياج

مريم. لا خاله عادي شسالفه

هيه كبل ضربتها راشدي كامت تبجي البنت شلون الطفل تقدمت عليها ومسكت ايدها و حجيت

مريم. خاله كل عقلج تضربيها ترا اني ناديتها خليتها تاكل ويايه الأمر ما يستوجب تضربيها فدوه لا تعيديها مره ثانيه

ام عمر. اسمعي صح اني مدخلج بيتي بس مو معناها تدخلين بحياتي و بتربيتي الزمي حدودج سمعتي لو لا

هزيت راسي خايفه من صياحها سحلت البنت و طلعت

مريم. حسبي الله ونعم الوكيل على هاي البنت المضلومه الي ما تكدر تدافع على نفسها بين هذول الوحوش الي على هيأة اهل

تمددت بفراشي و كبل اجه على بالي حنيه امي من راحت ما لكيت احد يعطف عليه بعدها اقرب الناس الي تخله عني

مر ثلاث ايام واني بل غرفه ما طلعت ابد صارت حياتي عباره عن اكتئاب صرت احب العزله و احب اكعد وحدي

ما شفت البنت المريضه مره ثانيه بس امها تجي تخلي الاكل و تروح

تمددت و كمت اباوع على السقف كله عفن و شكله مقرف كلبت عيوني بشمئزاز مقترفه من الوضع الي اني بي ما اعرف يمته و لشكد راح ابقه هنا محبوسه

خليت ايدي على عيوني اجبر نفسي انام احس روحي عفنت من النوم

حسيت انفتح الباب رفعت ايدي و باوعت على الباب شفت ام عمر واكفه خلت ايدها على خصرها و كالت

ام عمر. يله عيني كومي اجه اخوج

كمت بفرح و بتسمت

مريم. صدكك... يعني راح ياخذني

ام عمر. معرف

سدت الباب و راحت نفضت نفسي و كمت على السريع فتحت الباب و طلعت على الاستقبال

دخلت شفت محمد كاعد و مدنك من دخلت رفع راسه باوع عليه و كام تقرب يمي و بأس راسي و كال

محمد. شلونج

مريم. مو زينه

كلت هيج و كمت ابجي

حضني و كال

محمد. ليش مو زينه اذوج لو ضربوج

هزيت راسي بلا واني اشهك

محمد. عجل احجي شبيج

مريم. محمد لا تعوفني هنا بعد الله عليك ما اريد

محمد. شنوو مريم خما هيه لعبه و بكيفج كافي عاد اسكتي عبالي شوف شبيج

دفعته من صدره و صحت

مريم. مووو بكيفككك ما اريددد ابقه هناااا

محمد. كافيي مريممم هممم رجعنه لنفس السالفه

بتعدت عنه و كعدت على الكاع كعد يمي و كال

محمد. مريم اني راح اروح..

ما انتظرت ما يكمل حجيت بخوف

مريم. وين تروح

محمد. اسمعي... ما راح أكدر اجي بعد الموصل وضعها مو امان و الجيش جاي يتقدم هسه سيطر على القرى و النواحي و جاي يتقدمون على الجانب الأيمن هذي اخر مره اجي هنا يمكن اموت و يمكن اعيش بس الله اليعلم

مريم. لا تكول هيج اني منو الي

مسح على راسي و كام كمت وياه واني اترجاه بعيوني بس ما فاد

طلع من الباب ما تحملت مسكت ايده و كمت ابجي و اشهك

أشر بعيونه على ايده تركتها بحركه بطيأه طلع و سد الباب

انهاريت هاي هيه بعد فقدت ألامل الي جان واحد بل ميه هسه صار مصيري مجهول ما اعرف الحياه شضامتلي بعد

سحبت نفسي و كمت امشي باتجاه الغرفه دخلت و ذبيت روحي على الفراش و كمت ابجي بحسره

تعالت صوت شهكاتي و صرت ابجي بصوت عالي و مسموع حسيت الباب نفتح كمت و مسحت دموعي بحركه سريعه

دنكت راسي و اباوع على دموعي ينزلن على أيدي و صوت شهكاتي فاضحتني

حسيت احد كعد يمي رفعت راسي شفت فاطمه

رفعت ايدها و قربتها على خدي و مسحت دموعي

من سوت هيج لا إرادياً حضنتها و كمت ابجي بادلتني الحضن و كامت تمسح على شعري

زولت عنها و أشرت براسها بمعنى لا تبجين

ابتسمت و مسحت دموعي كلت

مريم. خلص ما راح ابجي

اشرتلي اوكي ضحكت على حركاتها

سحبت خصله من شعري و كعدت تشم بيها خليتها على راحتها

شوي و راسي كام يوجعني كد ما سحبت شعري بقت ماسكه الخصله ساعه كامله ما تقبل تعوفها جريت شعري وكلت

مريم. عوفيها حبابه راسي كام يوجعني

هزت راسها بلا.. بقيت محتاره شسوي وياها ما تتفاهم ابد شلون ربي

مريم. زين روحي جيبي مقص على مود انطيج اياها

خلت شعري و راحت تركض فركت راسي بانزعاج احسه تشلع كد ما سحبته

اجت تركض و هيه مبتسمه جابت المقص و كعدت كدامي

باوعت على شعري ما جنت ناويه اكص شعره وحده منه بس شسوي مجبوره امي جانت دائماً توصيني ابقه محافظة عليه واني وعدتها و اليوم اخلف الوعد بس فرحه هل مريضه اهم من شعري و كلشي املكه

تنهدت و جريت خصله من وره و كصيتها باوعت عليها  تناثرت بين ايديه نزلت دموعي

جريت شريط و شديتها من فوگ و جريت ايد فاطمه و خليتها

باوعت عليها كامت تبجي و تشهك مسكت الشعر و كامت تبوس بي اباوع على منظرها يكسر الگلب

مسحت دموعها وكلت

مريم. كافي تبجين مو صار عندج شعر هسه الشعر اذا يشوفج تبجين راح يكوم بعد ما يريدج

هزت راسه بلا و مسحت دموعها خلت الشعر على صدرها و طلعت من الغرفه

لميت شعري و لبست الحجاب

مريم. بعد هاي هيه معد افتحه اذا اني مو خايفه على شعري بس اخلي وصيه امي بين عيوني.. اسفه ماما بس مجبوره سامحيني هاي اخر مره والله

تمددت و نمت مر يومين و الوضع مثل ما كال محمد جاي يزداد سوء

باوعت على الشباك اشوف الشمس تغرب فزيت و اني اباوع على الكاع تهتز بيه ثواني و رجع الوضع طبيعي

حضنت نفسي و كمت ابجي احس راح اموت يمكن هاي نهايتي اسمع صوت صاروخ فات عبالك من فوكي هز البيت حاولت اكوم اكثر من مره بس محاولاتي بائت بل فشل رجليه احسهن صارن خيوط

صار الصوت بعيد هديت شوي بس لسه كوه اجر نفس و رجليه ما أكدر اوكف عليهن انفتح الباب و دخل ابو عمر

ابوعمر. امشي بنتي اكعدي ويانه بل غرفه ما يصير تبقين وحدج

هزيت راسي و قويت نفسي و حاولت اكوم بس ما كدرت

اجه و سندني و طلعنه من الغرفه دخلت بل استقبال لكيتهم كلهم كاعدين و كل واحد كاعد بزاويه و يدعي

كعدت يم فاطمه اباوع عليها ترجف همست

مريم. شبيج

رفعت ايدينا بوجهي يرجفن حضنتهن و كمت احجي وياها سوالف عاديه على مود تنسه

صار ضرب طيارات و كل شوي انكول هسه يجي صاروخ طاير و يطشرنه، الاكل قل و على وشك يخلص ما بقه يمنه بس شي قليل

بقينه بغرفه الاستقبال كمنه ناكل بس دبس و راشي

خلصت المواد الغذائيه محمد من ذاك اليوم ما سمعت عنه شي ابد

جنت كاعده و بيدي دفتري و اكتب و فاطمه كاعده يمي و تباوع عليه شلون اكتب

رفعت ايدها و مسكت القلم

مريم. لا عوفيني اكتب حبابه

ميلت راسها و أشرت على القلم گلبت عيوني بانزعاج و نطيتها القلم

سمعت صوت طياره فتحت صوتها كبل دنكرت و حضنت فاطمه

غمضت عيوني واني اسمع صوت الصاروخ وكع بعيد

ابو عمر. لا تخافون هاي واكفه فوكنه يمكن و طلقت الصاروخ

مريم. عموو راح تبقه هيج

ابو عمر. لا بنيتي راح يحررونه الجيش انتِ بس ادعي احنه ما النه غير الدعاء

ابو عمر عنده موبايل صرصر يخابر بي أصدقائه من المحافظات و يكولوله الاخبار و تطورات الجيش و وين وصلو ماكو شبكه بل بيت لازم يصعد للطابق الثاني ياله يحصل شبكه و بعض ايام تختفي

خلصنه هاي الايام ندعي و نصلي صلاه جماعيه و بين القصف و الطلق تحررت الموصل

كل الجيران طلعو و رحبو بل جيش

طلع عمو و عمر (ابنهم) و شوي واجو يضحكون

تلكتهم ام عمر

ام عمر. هااا بشر من صدك الخبر

ابو عمر. ايي صدك الحجي و هسه احنه تحررنه بس ما خلونه نطلع رجعونه لان لسه داعش موجودين بل بيوت

تقدمت ام عمر باتجاه و سحبتني من ايدي جرتني وراها و فتحت باب الغرفه و خلتني بيها

سدت الباب و اسمع صوت القفل خفت كلش شراح تسوي بيه خصوصأ هسه اني ما عندي احد ما عندي سند

رجعت لفراشي و ضليت يومين واني نفس وضعي بس احس روحي منتهيه كلش ما أكدر احرك نفسي من الجوع  يجيبون الي اكل شي قليل كلش ابقه بل يوم بس اكل صمونه و ماي

قويت نفسي و كمت ستندت على الحايط و وصلت يم الباب كمت ادك بي بتعب سمعت قفل الباب رجعت إلى وره باوعت عليه ام عمر بمعنى شتريدين

مريم. حبابه اريد اكل راح اموت

ام عمر. والله اعذريني اني ما مفتحه دار أيتام و لا عبالج كل هل فتره اني اصرف عليج لا حبيبتي جان أخوج يدفع بس هسه انكطت اخباره يعني ينكطع الاكل 

سدت الباب بوجهي رحت كعدت على فراشي باوعت على أيدي دا ترجف سندت راسي على الحايط و بقيت افكر شراح يصير الي إلى متا حبقه هيج اني شنو ذنبي اتحاسب بمكان غيري شنو ذني ابقه بيد وحوش ما تخاف الله

اجه على بالي كلام محمد من يكول هذا المكان ائمن الج ضحكت بخفه وهمست

مريم. وين صفه بيك الدهر يخوي بعدك عايش لو متت ليش دمرت نفسك و دمرتني وياك ليش غروك بفلوس مجرد ورق ليش هيج

نزلت دموعي بللت خدي الشاحب الي ما شاف ماي صارله يومين و نص بين صفنتي و دموعي و اهاتي

حسيت انفتح القفل و ندفع الباب بقوه رجعت إلى وره خايفه من المنظر.....

________________________

هلوو يروحي شلونگم مشتاقه الكم ونبي بس الدراسه فرقتنه معليش خلصت امتحانات و رجعت الكم ان شاء الله يوميه راح انشر بارت اذا كدرت

اطلب منكم طلب و اتمنى ما تردوني ضيفو حساب مصممه الغلاف جوري

هذا حسابها _4xxa1 كلش حلوو و نزلت مشهد روحو شوفو

و بس احبكم هوايي 🤎🪐

شبقــه مـن الليل خلصنـاه نشــد ودمــوع 

الكاتبه : روان عبدالله

~~~~~~~~~~~~~~~~~~~~~~~~~~~~

حسيت انفتح القفل و ندفع الباب بقوه رجعت إلى وره خايفه من المنظر دخلو زلم هواي و مسلحين شكلهم جيش او هيج شي

حضنت نفسي خايفه كلش و احس كل جسمي يختض و رجليه معد احس بيهن

الغرفه انترست جيش تقدمو عليه و سحبوني و طلعوني بره

اباوع بل وجوه اريد واحد ينقذني كلهم و اكفين على صفحه و يباوعون عليه بشماته

مو كال محمد راح يحموني مو كال هنا ائمن مكان الج ليش هيج اني شنو ذنبي ادفع ثمن اغلاط غيري

طلعوني من البيت واني لا حجاب ولا شي بل تراك ماكو شي يسترني

صعدوني بسيار جبيره و صعدو يمي ثنين و الباقين توزعو على السيارات الاخرى

كمت ابجي و اشهك عيوني غوشت من كثر الدموع

و حيلي باد كلش ما الي غير الدعاء لان ما اعرف شراح يصير بيه احس روحي انتهيت مصيري مجهول جنت ادعي الله يخلصني من هاي الغرفه المعفنه بس هسه ادفع نص عمري و ارجع الها

صوت الاجهزه لا سلكي تدك براسي و صوتها عالي كلش و أكثر من جهاز بل سياره و كلهم يحجون و صوتهم خشن و يخوفون و أجسامهم ضخمه كلش

غمضت عيوني و فصلت عن العالم ضليت ادعي ربي ينقذني و يخلصني من الورطه الي اني بيها

فزيت على صوت واحد يصيح

_ يله انزلي

نزلت و جرني دخلنه على مدرسه جبيره و متروسه جيش

فتح باب احد الصفوف و دفعني بي قفل الباب انداريت شفت هواي نسوان و أطفال كاعدين

لكيت زاويه فارغه كعدت بيها و ضميت نفسي بقيت افكر احس راسي راح يطك من كثر الأفكار المتزاحمه

ليش جابوني هنا ليش نسوان هواي ليش بل مدرسه ليش و ليش....

هواي اسئله بالي و كا العاده ما لكيت جواب

نفتح الباب و دخل واحد مبين على ضابط و وراه جنود باوع علينا باشمئزاز و قرف رفع اصبعه بتهديد و كال

_ هسه راح انطلعجن بل ساحه وحق هذا الله الي تلعب بذيلها اله *** كدام الكل و كولو ما كلت

احنه نكدر انسوي بيجن كل شي نكدر نغتص**و نلعب بيجن لعب بس احنه مو حواوين مثل الجرذان مالتجن نمشي وره شهواتنا احنه عدنه غيره شوفن زلمجن او اخوانجن شسوو بل سبايا الله طلعها عليهم و هسه انتن يمنه و هما ماتو موته الجلب

كال هيج و راح دب الخوف بكلبي شراح يسوون بينا يا رب سترك ليش يردون يطلعونه

صاحوو يله كومن

كمت واني ارجف طلعنه كلنا بل ساحه بس خلو الأطفال بل غرفه ما قبلو بس النساء

سوونه سافين و بل نص واحد كاعد، و يمه حاسبه و داير مدايرنه حراس

صارو يصيحون بل الأسماء و يروحن عليهم يكتبون معرف شنو بل حاسبه و يروحن يوكفن على صفحه

خلصن السافين و رجليه موتني وجع بقيت واكفه يمكن ساعتين او اكثر و البرد كتلني احسه يدك بعضامي

بقيت اني و كم و حده ما ذاعو اسمائنه أشر الي اجي يمه

رحت و كفت يمه كال

_ شسمج

. مريم ***

باوع على الورقه و رجع باوع عليه كال

_ليش مو مسجلين اسمج

مريم. معرف

_روحي اوكفي هناك

اشرلي على جهه فارغه و الجهة الاخرى مليانه نسوان

خفت معرف ليش ما خلاني وياهن خلاني بوحدي

كمل الباقي و دخلو النسوان بل صف الي جنه كاعدين بي بقيت اني بوحدي

متت برد بقيت فوك النص ساعه واكفه ولا احد عبرني

شفته كام يسولف ويه الجندي و يأشر عليه متت بدمي بس لا يسوي شي بيه بس لا هوا كال ما راح انسوي شي بيجن

اجه جندي و سحبني من ايدي و دخلني لغرفه جان كاعد واحد جتفه متروس نجوم

راح يمه الحارس سولف وياه شوي وطلع بقيت وحدي معرف شسوي رفع راسه باوع عليه بتركيز  أشر بل قلم بمعنى تعالي

كمت امشي بخطوات ثقيله و هوا ما نزل عينه ابد

وصلت يمه و شابكت اصابعي و دنكت خجلانه من نضراته

دنك على الورق و صاح

_ شسمج

. مريم ***

كام يكتب بل ورق رفع راسه على الحاسبه اقل من الثانيه و رفع عينه عليه كال

_ أخوج الإرهابي محمد

مريم. اي

صاح على الحرس أشر عليه و كال

_ رجعها لمكانها

تقدم الجندي و جرني ذبني بل غرفه رحت كعدت بمكاني

كمت اباوع عليهن كاعدت مسويات دائره و يحشن بل ضباط وحده رفعت راسها و باوعت على بنت كاعده يمها

_ يولي دحجي على ذوله قشمريهم مبين عدهم فلوس تقطي عين الشمس

_ لا تخافين و داعتج بل جيب اذا ما اخلي يركض ورايه ماكون اني بدريه

ضحكت على سوالفهن عباره عن احلام العصر

_ ولج هاي عليمن تسولفن شنو يركض وراج

_ جاعد نحجي على هذا الضابط الي دخل علينه و ضل يصيح

_ هااا تردين تصيدينه

_ ايي ههههه

اني ما اتحمل و طكيتها ضحكه كلش عاليه

سكتن و الانظار صارت عليه كتمت ضحكتي و كلت

مريم. احممم اسفه مو قصدي

_ هايي منو انتِ و من يمته انتِ هنا

ما رديت عليها رجعت حجت

_ خربب*** شنو من جمال شايله انتِ من وين

مريم. من الموصل

صفرت و كامت كعدت يمي اجن كلهن و حاوطني نحصرت

_ ليش، مفرعه

مريم. معليج بيه

_ هم حلوه هم وكحه

باوعت على الي يمها و همست

_ تفيدنا

كمت و صحت اسمعي اخر مره تتجاوزين و معليج بيه و يله ولي ارجعي على مكانج

كامت وحده منهن و جرتني و كعدتني كالت

_ اششش يا حلوه لسه ما تفقنه على كيفج

مريم. زولي عني حبابه

حاولت ازولهن بكل الطرق بس جانت مكتفتني

نفتح الباب و دخل هذا الضابط الي دخل علينه اول مره

من شافنه كبل بتعدن صاح بعلو صوته

_ شجاي تسون بربوك اليوم انع** والديجن

تقدم عليه و سحبني صاح

_ سونلج شي احجي

مريم. لا

ترك ايدي و تقدم عليهن صاح

_ شجنتي تردين تسوين الها

_ ما اريد شي بس احجي وياها

_ ايااا بربوكه اني اعرف كل سوالفجن هاي الدروب مو عليه

اسمعي أكدر هسه كل شي اسوي بيج بس مو انه الي أمد ايدي على مره..

رجع سحب ايدي مره ثانيه و طلعنه من الغرفه دخلنه على صف اخر جر كرسي و كعد بقيت واكفه

اباوع عليه هوه و كاعد صار مثل طولي

همس . احجيلي

مريم. شنو

_ شكالت الج بل تفصيل الملل اريد اعرف

حجيتله كل شي بدون تردد

كام و كال ابقى هنا

هزيت راسي طلع كعدت بمكانه تعبانه كلش احس راح يغمه عليه لحد هسه ما ماكله كل شي و بردانه كلش لميت رجليه و خليت راسي عليهن و غفيت

صحيت على شي يهز بكتفي رفعت راسي باوعت نفسه هذا الضابط

مريم. هااا

_ جوعانه تردين اكل

ستحيت لا اكله جوعانه

_ شبيج

مريم. هاا لا مو جوعانه

دنكر باوع على ايديه كال

_ ليش ترجفين

مريم. معرف

_ بردانه

مريم. أي شوي

نزع جاكيت مالته بقه بس بل تيشيرت النص ردن

خلاها على كتوفي و كال

_ هسه تدفين

دنكت خجلانه منه اول مره شخص يسوي ويايه هيج

شميت عطره كلش قوي احس التراك مالتي نترس من عطره

_ شسمج

. مريم

_ مريم حلوو.. زين ليش انتِ هنا

مريم. اخوي إرهابي

_ اممم... ارفعي راسج لا تخافين مني مستحيل اذيج احنه عدنه مشكله ويه داعش مو وياج لو حتى انتِ اخوك يكون داعشي مو معنى اجي انتقم منج والله علش أخوج داعشي ماكو هيج حجي

مريم. شكرا هواي،بس والله ما الي دخل باخوي اني هم شفت انواع العذاب منه

_ اعرف داعش تعلميني بيهم بس هانت صدناهم و داعتج واحد واحد شلون الجلاب حتى كبور ما الهم

سكتت معرف شرد عليه

_ انتِ سافره

مريم. لا

_ چا ليش مو لابسه حجاب

مريم. مو اخذوني غفل كوه لحكت البس نعالي العفو

_ هممم.. و هسه ليش ما تلبسين

مريم. مو شسمه ما عندي حجاب

جر الجراويه جان لافها على زنده و فتحها و خلاها على راسي

غطت بس شعري المنفوك ما كفت لان شعري طويل

كعد و باوع على شعري كال

_ ما سوينه شي... هاج

نزع السوار جان بايده يصير مطاطي و خلاه كدامي

مريم. شسوي بي

_ اكلي... شتسوين بي لمي شعرج

اخذته و لفيت شعري شلون الكعكه لبست الجراويه كل هذا و هوا يباوع عليه طلع جكاره و كام يدخن همس

_ اي هيج عفيه...  يله كومي خلي اوديج

مريم. مو، شسمه

_ شنو

مريم. اخاف يأذني

_لا تخافين علمتهن درس بعد فنها التلوحج

مريم. شكرا على كلشي سويته

_ ادللي ما سويت شي واجبي

فتح الباب و طلع طلعت وراه الجنود يباوعون علينه و يتهامسون متت بدمي ستحيت

باوع عليهم و خزرهم كبل سكتو فتح الباب و دخلت رجع قفله

كمت امشي بإتجاه مكاني كعدت اباوع عليهن يخزرن بيه كل قوتهن

دنكرت راسي و خليته على رجليه متعجبه من نفسي لحد هسه متحمله بدون اكل و ماي

بطني كامت تصدر أصوات غريبه عجيبه

غفيت حسيت على صوت الباب ينفتح بقوه رفعت راسي كوه اشوف عيوني مغوشه و اشوف الواحد اربعه

رجعت نمت حسيت احد يحرك كتفي رفعت راسي رايحه الدوخه بس راسي كلش يوجعني

باوعت بنت، كلت الها

مريم. هااا حبيبتي

_ اكعدي اكلي اكلج راح يبرد

مريم. أي شكراً

باوعت كدامي علبه صغيره و بطل ماي

كمت اكل واني فرحانه صارلي شكد ما ماكله هيج اكل جان اكلي صمونه بس

احس رجعت العافيه لجسمي خلصت اكل و رجعت لمكاني

دخل جندي و شايل چيس اسود مال زباله

ذبو بل كاع و كال

_ لمن الوصخ

راح كل وحده كامت تباوع على الاخرى محد تقبل تكوم

كمت و شلت الچيس و كعدت ألم الوصخ خلصت

و كعدت بمكاني و كمت اباوع على سوالفهن يخبطن

مرت ساعات و دخلو الجنود و الضباط كلهم تجمعو صاح نفس هذا الضابط الي انطاني جاكيته

_ كومن يله

كمنه كلنه و طلعنا من المدرسه جانت اكو بكمات (سيارات) كبار صعدونه بيهن و بقينه نص ساعه تمشي بينه

ما أكدر انام لان عندي دوخه سفر كوه لازمه نفسي

وكفت السياره و فتحو الباب و نزلنه جانت قطعه ارض كلش جبيره بيها خيم هواي و متروسه ناس و جيش

خفت شنو هذا ليش جابونه هنا خايفه كلش كل الأفكار السودويه تجمعت بدماغي

وكفونه و فرزو كل عائله بوحد و كعدو يسجلون اسامينه

كل عائله يسجلون بسمها خيمه و مواد غذائيه و كلشي تحتاجه

خلصو العوائل و كل واحد راح لقطاعه الخاص بقيت كا العاده بس اني لان ما عندي عائله ولا احد ويايه

صاحوني رحت يمهم سئلوني على اسمي و عرفو انو اني بوحدي

كعد يكتب و باوع على الي واكف يمه كال

_ أخذها على قطاع رقم 3 هناك تلكه الضابط أسئله بلكي يلكه حل اني دخت راسي كام يوجعني

اباوع عليهم شكلهم مو من الجيش لابسين ستر نفس الشي و مكتوب عليها كتابه انكليزيه يمكن يشتغلون هنا

اخذني و رحنه مثل ما كال رحنه على القطاع امشي و اباوع على الناس و الأطفال

وحده تغسل ملابس و حده تكتل باطفالها و الجهال يلعبون بل طين و نسوان كاعدات و مسويات مجلس

متعايشين ويه الوضع

وصلنه للقطاع رقم ثلاث و كعد يسئل على هذا الضابط معرف منو بس كالوله راح على مكتبه

_ وين مكتبه

_ بكرفان اول ما تفوت يم برج المراقبه

اشرلي امشي وراه تعبت من المشي الطريق كلش طويل و المكان متروس ناس و صوت البجي و الصياح الجهال ثولني

وصلنه للمكان فتح الباب و دخلنه وكفت يم الباب و دنكت كعدت استرجع أنفاسي تعبت من المشي و هذا يمشي سريع شطول رجلينه

راح يمه و كعد يسولف اله و هوا يهز براسه و يلعب بل قلم

خلص الولد و راح عبالي راح ياخذني وياه بس اشو طلع بسرعه

بقيت واكفه وهوه ولا مهتم

بقيت فوك النص ساعه واكفه و هوا يكتب بدون توقف او ملل

ذب القلم و بداخلي فرحت كلت فرجت يا الله اشو هذا اخذ علبه يمه فتحها و طلع خاشوكه و كعد ياكل سمسم ستغربت كلش

اباوع عليه مغمض عيونه و ياكل شكله مستمتع بل طعم و مندمج كلش

اني احس راح اوكع من وجع رجليه، كمت اسولف بيني و بين نفسي

مريم. خلص يله مريم تشجعي و كولي، احمم

هااا عزه شنو احم لا لعد اكوله اني هنا يله افف خلص اكول احممم

مريم. احممممم

فتح عيونه و ركز نضره عليه فحصني من فوك إلى جوه و كال بصوت خشن خلاني افز

_ شجابج هين

مريم. مو شسمه هذا

_ تعالي..

اشر بصابعه رحت بإتجاهة واني امشي بخطوات ثقيله

_ من ايمت وأنتِ هين

مريم. جابني ولد لان ما عندي مكان انام بي

كعد يلعب بل قلم و كال بخبث

_ امممم ما عندج مكان تنامين بي

مريم بفهاوه. أي

_ تدللين اذا على المكان فا عندي مكانات الج مو مكان واحد

مريم. شقصدك

_ كل الخير... هسه بلا لقوه زايده شنو اسمج

مريم **

كتب بل حاسبه ثواني و رفع عيونه الي نكلبن حمر و وجه صار دم رجفت بخوف 

مسح على شواربه و ضحك بصوت عالي كال

_هههههه يعني انتِ اخت محمد الجرذي او اسف اقصد محمد السفاح

سكتت ما جاوبت صاح خلاني ارجف اول مره اسمع هيج نبره حاده بحياتي

_ احجججييي

مريم. أي اخته

_ اممم اذن وصلتي

مريم. وين وو شنو وصلت

ابتسم تك خد و طلع موبايله من جيبه و كعد يكلب بي

شغل فيديو و خلاه كدامي بقيت اباوع على الفيديو بصدمه ما حركت رمش

خلص الفيديو و سحب الموبايل و خلاه بجيبه و باوع عليه و ابتسم همست

مريم. اخ.. اخوو... اخوي

_اممم

نزلت دموعي و الدنيه صارت سوده ما اشوف غير محمد اخوي الي جان بل فيديو ميت و وجهه كله تراب و ملابسه مشككه ضل الفيديو ينعاد شلون الشريط عليه

صحيت على صوته و هوا يكول

_ هاا اشو صفنتي

مريم. شتريد

_ شفتي هاي مصير كل داعشي

مريم. واني شعليه شتريد مني

_ تووو توو لا تستعجلين على رزقج لسه ما شفتي شي

مريم. الله عليك والله اني ما الي دخل بي معليه بي فدووه اروحلك لا تأذيني معليه

_ شنو تتوقعين راح ابوسج من راسج واكولج الله يرحمه لو خاتمه الأحزان اي وحده احسن تشوفيها

مبتسم تك خد يحجي برود و يلعب بل قلم استفزني كلش

مريم. مو بس اني اخوي داعشي هواي نسوان بره إخوانهم و ابوهم دواعش روح عليهن اني مو حمل تعب

ببرود _ اخوج عندي ثار وياه جنت ناوي اكتله بيدي بس ما صارت و مات و الله جابج عليه سبحان الله شلون صدفه حلوه

مريم. اخوي مو بس اذاك هم اذاني حباب معليه بي

_ كافي تلقين دوختيني

سكتت و كمت ابجي صاح على الجندي اجه و شايل ورقه بايده

_ سجل

_ حاضر سيدي

_ اسمج... القي بسرعه مو فاضين

. مريم

_ سجل شيهانه

مريم. اسمي مريم مو شيهانه

باوع عليه و خزرني خلاني ادنك

_ سجلت شيهانه

_ نعم سيدي

_ العمر ٢٠

رفعت راسي بصدمه ما أكدر احجي شي خايفه لا اترزل

_ السكن بغداد.. هاي خلصنه تكدر تروح

راح الجندي و هوا كبل كام خله الكتب و الاوراق بل جكمجه و اجه باتجاهي .....

__________________________________

عمري انتو خلص البارت شنو رئيكم بي إذا عجبكم السرد دوسو على النجمه ⭐🍯

سؤال عمري احجولي تتوقعون البطل طلع لو لا و اذا طلع فا اي واحد بيهم البطل، يله خلي انشوف الأذكياء 😂🤦‍♀️

يؤسفني أن أشيائي العزيزة على قلبي ما عادت كذلك .

الكاتبه : روان عبدالله

"" "" "" "" "" "" "" "" "" "" ""

راح الجندي و هوا كبل كام خله الكتب و الاوراق بل جكمجه و اجه باتجاهي

سحبي من ايدي بقوه دفعته و صحت

مريم. لا تلمسني عوفني معليك بيه ما الك حق تحاسبني ولا الك حق تدفعني ثم اغلاط غيري

تقرب عليه و صار ما يفصلنه شي مسك فكي و ضغط عليه حسيته راح ينكسر همس

_ صبري الو حدوه شيهانه

مريم بجي. مو شيهانه اسمي مريم ما اسمحلك تكول شيهانه

ترك فكي و ضربني راشدي وكعت على حافه الكرسي احس ضهري تكسر صرخت بالم

مريم. الله يكسر ايدك ان شاء الله

سحبني من ايدي و طلعنه من المخيم كلها تباوع محد يكدر يحجي شي هوا يسحب بيه و الشرار يطلع من عيونه

توجه على سياره سوده جبيره فتح الباب و ذبني بل صدر سد الباب احس اذني ونت كد ما الصوت عالي

نشفت دمعي من الخوف صرت كوه اجر نفس

صعد و حرك السيارة اباوع عليه شرايينه يريدن يطلعن من ايده

بقت السيارت تمشي نص ساعه السكوت سيد الموقف بس صوت أنفاسه كلش عاليه

خليت راسي على الجامه و بقيت اباوع على الطريق

جان بي ناس قليله كلش ينعدون بل أصابع خليت ايدي بجيبي حسيت بورقه ستغربت شنو هاي

ما ردت اطلعها خفت لا ياخذها مني بقيت افكر اخر شي تذكرت وصيه جاسم

جنت ما اخليها بل كنتور كل ما ابدل ملابس، اخليها بجيبي

بتسمت من بين خوفي و قلقي دعيت ربي يخليني عايشه لجل انفذ وصيه جاسم

صار اليل و احنه بل سياره اني اغفي و اكعد بين النايمه و الكاعده سمعت موبايله يدك فزيت باوعت عليه طلعه من جيبه كال

_ اهااا

سكت شوي يسمع الطرف الآخر رجع حجه

_ اسمعي وحك هذا الله بعد اذا اتصلتي عليه من تلفون امي بحجه كلاوات و تكعدين تتميعين فوكي تسويلي دور الجنه الحنونه هاي كلاوات بطليه وحك هذا الله اتعنه الج للبيت و اسحلج امسح المنطقه بيج، من تففف عليج و على هيج تربيه خايسه

اباوع عليه يصيح و منفعل سد المكالمه و ختمها بتفله إندار عليه و خزرني كبل دنكت عيونه يخوفن حمر كلش

فتح الجامه و ذب الموبايل اتأكدت انو هوا مو صاحي مستحيل الصاحي يسوي هيج

وصلنه يم سيطره باوع عليه و كال

_ ديري بالج تلعبين بذيلج

مريم. قابل شسوي يعني

_ كلشي اتوقع منجن اننتن الداعشيات ك***

مريم. اتمنى اسمعك تسولف كلمه بدون ما تفشر استغفر الله شنو هل كلام

_ غير تستقر مريم العذراء

مريم. ديله عيني اكعد توم كروز

_ انجبي كافي لقيتي چثير

كلبت عيوني و قررت انو اشتكي على بلكي ياخذونه و يرجعوني على المخيم لان شكله ما ناوي على خير ابد

وصلنه نزل الجامه و كعدو يسئلون من وين جاي و وين رايح باوع عليه الجندي و كال

_ هاي تعودلك

_ اي مرتي

غمضت عيوني و زفرت و صحت

مريم. لااا والله جذاب اني مو مرته ولا اعرفه هذا خاطفني الله عليكم ساعدوني يجذب والله

فتح الباب و صاح لجماعته اجو و نزله اباوع عليه كميه البرود الي عنده فضيعه

اخذوه على النقطه، بقيت كاعده باوعت من الجامه محد موجود

فتحت باب السياره و نزلت ركض بقيت اركض بدون توقف ما اعرف وين رايحه كل الي بالي انهزم و ما ابقه يمه

الطريق ضلمه كلشي ما يبين و تراب ماكو شارع

وكفت استرجع أنفاسي بقيت اخذ شهيق و زفير اسمع دكاتت كلبي تريد تطلع من صدري كد ما عاليه

مريم. يا علي يا حسين ساعدني

ارتاحيت شوي و كملت ركض تعبت و كمت امشي كل شوي التفت اخاف يجي او وراي

بس جان الطريق عباره عن سواد كلشي ما يبين

ضليت امشي سمعت صوت سياره جايه من بعيد

كمت اركض اكثر وكعت الجراويه و نزل شعري دنكت عليه شلتها و خليتها على كتفي

صفحتي كامت توجعني كد ما ركضت كل ما اركض كل ما صوت السياره يتقرب

تقربت كلش عليه و صرت اشوف الضوه مالتها

خفت كلش و رجليه بادن وكعت بل كاع كمت اهمس

مريم. فدوه مو وقتج لا الله يخليجن كومن كافي فدوه

كنت احجي، و ابجي صرت اضرب عليهن بديه الاثنين و صيح

مريم الله ينعلجن ما منجن فايده ياا رب قويني

تقربت السياره من شافني داس بانزين

غمضت عيوني و كلت هاي هيه هسه اموت هسه يدعمني

احس وصلت السياره يمي غطيت راسي وكمت اصيح

وكفت السياره رفعت راسي باوعت ما يفصلني عنها بس سانتي متر واحد

فتح الباب باوع عليه اجت عيني بعينه جان شايل الجكاره بأطراف اصابعه يمشي بكل برود و يباوع عليه وصل يمي و حجه

_ كومي

مريم. ما اريد كوم خليني حباب

_ تكومين لو شلون

مريم. مااا اكوم

ذب الجكاره و داسها برجله نزل لمستواي و رفعني

ردت اوكع بس مسكني صاح

_شنو ما تعرفين تكفين

مريم. من اخاف رجليه ما يشيلني

ما رد عليه سحبني و خلاني بل سياره

صعد و كام يسوق ما حجه شي حسيته قنبله موقوته باي وقت ينفجر

ضليت افكر ليش الجيش ما لزموه باوعت عليه

تذكرت هذا ضابط كمت احجي على عقليتي و ذكائي واصل مراحل ما ستفاديت شي بس وكعت نفسي بمشاكل شكله ما راح يعديها على خير ابد

غفيت واني افكر بمصيري و شراح يسوي بيه كعدت على الشمس تضرب بعيني

رفعت شعري عن عيوني باوعت عليه نفس الكعده و يسوق شنو هذا ما يتعب حتى لو جان على الشحن جان خلص شحنه همست بتردد

مريم. جوعانه

ما باوع عليه ولا انطه رد فعل

مريم. اوكي ما اريد اكل على الاقل انطيني ماي

طلع من جيبه نستله و ذبها عليه

مريم. ماي

_ بعد تردين كهوه لو جاي

مريم بفهاوه. كهوه احبها بس كون بيها شكرا هواي

_ كااافي تتزقنرين لو شلون

كبر هذا شبي ما يتحمل قابل اني شكلت

كعدت اكل بل نستله و اباوع على الطريق

قريت (بغداد السلام ترحب بكم)

جمدت بمكاني يعني هسه احنى بغداد ربي سترك وين موديني

وكف السياره يم محلات نزل و قفلها دقائق و اجه شايل بايده علاكه

دخل و كعد يفتح بل علاكه طلع منها تلفون فتحه و دخل السيم كارت و اتصل خله راسه على الستين و الموبايل على اذنه حجه بتعب

_ الووو.... هله يمه.... يممه موبايلي انكسر لا تسوينها سالفه.... ما أكدر اجي اليوم.... أي ادري صار شهرين ما شايفتني بس شسوي شغل.... واني هم ان شاء الله يله مع السلامه

خله الموبايل بجيبه و طلع بطل ماي و نستله

_ هاج ذني

مريم. شكرا

باوع عليه بقه دقيقه ما حرك جفن طلع جكاره و كام يدخن اخذ نفس من الجكاره و همس

_ هذا جاكيت مال ولد و الجراويه هم من وين جبتيهن

مريم. ما جبتهن من احد هذني مالاتي

_ متأكده

مريم. ايي

_ راح احاول اصدك

مريم. تصدك او لا هذا الشي يعود الك اخر همي

_ شكد شايف وكحات بس مثلج ابد ما شايف

مريم. هذا رئي لو شنو

_ يهمج يعني

مريم. ما يهم رئيك او غير شي كل آرائك مكانهن بل زبل

_ منو علمج على هذا الحجي هذا الحجي اكبر منج بنيتي

كلبت عيوني مو عاجبني كلامه فتحت النستله و كعدت اكل بيها حجيت بتذمر

مريم. ما احب النمبر ون احب الكندر اكثر

_ تزقنبي و سدي حلكج

مريم. قابل شحجيت اشو انتَ روحك بخشمك

ضرب على الستيرن و صاح

_ كافيي سديي حلكج شويي ثولتيني

سكتت خفت من صياحه بس ما اعرف ليش احب استفزه

وكف يم عماره جبيره شال نظاراته و أوراق و صاح على مود انزل

عدلت الجراويه و نزلت تعبت من السياره و الكعده كلش تأذي

دخلته واني وراه راح على موضف الاستقبال وكفت على صفحه كعد يسولف وياه شوي واخد المفتاح

تقدم عليه مسكني من ايدي نترت ايده ما قبلت يمسكني باوع ليه باستهزاء 

صعدنه بل مصعد وصلنه طابقه رقم 4 كعد يدور على الغرفه لكاها خله الكارت على الباب انفتح

دخلنه الغرفه حلوه و ريحتها تخبل انتبهت بيها سرير ابو النفرين رجع الخوف بكلبي و كل الأفكار السلبيه تجمعت بمخي حجيت

مريم. ليش جبتني هنا

_ على مود اموتج و ادفنج هنا و محد يدري

مريم. صدك تحجي شلون تموتني

_ اذبحج بل سجينه

كال هيج و جر سجينه الفواكه

كمت ابجي و رجعت لوره

تقدم و السجين بيده وكعت بل كاع وصل يمي

دنك و رفع راسي همست

مريم. حباب لا

صفن بوجهي رفع ايده عبالي راح يضربني غمضت حيل حسيت بابهامه يتحرك على خدي

فتحت عيوني بصدمه صارت عيني بعينه همس

_ كافي تبجين جاي اتشاقه ما عبالي تصدكين

هزيت راسي زول ايده من خدي و جر الكرسي و كعد مقابيلي

كام يلعب بل سكينه ذبها اجت بنص التفاحه فتحت عيوني بصدمه صحت

مريم. شلون هيج واووو علمني حباب

_ من تكبرين اعلمج

مريم. شقصدك اني صغيره

_ ليش منو ضحك عليج و كلج انتِ چبيره

مريم. ترا اني جبيره محد ضحك عليه و كلي

_ اممم بله شكد عمرج

مريم. 16 بعد شهر و يصير 17

_ هههههههه

مريم. ليش دا احسك تستهزء بيه

_ اي نعم استهزاء بيج و بشد

ما رديت عليه باوع عليه و كال نرجع لموضوعنه

مريم. شنو من موضوع

جر الباكيت و طلع منه جكارتين طبكهن سوه و صغر عيونه باوع عليه كال

_ احجيلي كل شي

مريم. شنو احجي لك

صاح _ لا تثولين نفسج احجيلي مو تكولين مالي شغل باخوي واني مو داعشيه احجي يله خلي نسمع

بديت اسرد ايامي بدون تردد و شلون جنت عايشه و شلون محمد صار داعشي و شلون صار زوجي و حجيتله كل شي بس ما حجيتله من عالجت السجناء و من هربتهم اكو شي بداخلي يمنعني احجي احس هذا الشي خاص به مو لازم يعرف

باوع عليه و كال

_ عرفتج تصدكين بكل كلمه كلتيها و ما راح ارجعج على المخيم لان هناك عيشه ما توالمج وأنتِ ترفه ما تتحملين بس كولي الي ما عندج عمام  او خوال على مود اوديج الهم

مريم. عندي عمام و خوال بس ما اعرف عنهم شي

_ ليش

مريم. راح احجيلك، ابوي من الموصل و امي من الناصريه ابوي جان يدرس بل ناصريه فا اتعرف على أمي و حبو بعض

_ شلون تعرفو على بعض

مريم. جان هوا ساكن عند صديقه و هيه تصير جيران صديقه فا شايفها و حبها بقو يحبون بعض ابوي بل عطله رايح على أهله و كايل يريد يخطبها بس اهله رافضين رفض قاطع بعدين قنع عماتي الصغار و اخذهن يخطبن اله، راحو يخطبون بس اهل البنت هم رفضو بسبب اختلاف الطائفه تقدم اكثر من مره و كل عاده يلكه نفس الجواب اخر شي مل و اتفق ويه امي و انهزمو و أهل امي تبرو منها و أهل ابوي كذالك ابوي سكن بل موصل بغرفتي إيجار بعدين اشتراهم اجه اخوي على الدنيه بعدين امي حملت بيه و توفه ابوي بحرب الطائفه و الباقي انتِ تعرفه...

_ هممم.. وتالي هسه شنو الحل

مريم. اني اقترح لو اروح على خوالي

_ ليش مو عمامج

مريم. لان عمامي ورا وفاة ابوي طلعو كلهم على الخارج و محد قبل ياخذنه وياه يكولون احنه ما نعرفكم

_ اسمعي يا بنت الناس اني راح ادور على خوالج بس راح ابقيج هنا هذي العماره ملكي تعتبريها بيتج مستحيل افكر ائذيج صح اني جنت ناوي ائذيج و اني اعترف بس اكتشفت انتِ وحده من الضحايا أخوج و ما الج ذنب و اعتبي كلامي و ضربي الج جان ساعه عصبيه من حركه كلبي على اخوي

مريم. زين ليش انت جنت تريد تأذيني و تكول عندك ويه اخوي ثار

ذب حسره و شرب من الجكاره مسح على شواربه و كال

_ أخوج كتل صديقي الي أعز من اخوي جان متطوع بل حشد الشعبي اول مره يلتحق اخذوه داعش هوا و جماعته و أخوج سوه بي صدار

كنت ابجي و حجيت بشهكه

مريم. ما جنت متوقعه اخوي محمد البريئ يتحول إلى وحش والله ما جان هيج معرف شنو الي غيره

_ الفلوس

صفنت عليه و كلت

مريم. الفلوس؟

_ اي الفلوس، هيه تغر البني آدم تخلي يركض ورها اعمه بدون تفكير أخوج جان موشايف فلوس و شاف فا مستعد كلشي يسوي يذبح و يقتل يغت** على مود شكم فلس و هاذي مو بس حاله أخوج چثير ناس صارت بيهم هيج سالفه و مو شرط انضمو لداعش اكو يسوون اشياء لو اسولفلج عليها يوكف شعر راسج كل هذا الشي يسوونه من وره الفلوس

هزيت راسي و كمت ابجي كام من الكرسي و كال

_ كومي غسلي و ارتاحي كافي بجي خليج قويه مو على كلشي تبجيمن،

مريم. شكرا لأنك ما عفتني بوحدي بل شارع لو غيرك جان كال اني شعليه

تدللين هذا واجبي لو غيرج جان تصرفت نفس التصرف

يله كومي اني نازل اجيب اكل

مريم. بس اني حجيت الك كلشي وأنتِ...

باوع عليه باستغراب و رفع حاجبه كال

_ شنو شبيه

مريم. انا ما اعرف اسمك؟.

ضحك بخفه و كال

_ اسمي.......

____________________________

هلووو هاا شلونها القفله

المهم خلص البارت واذا عجبكم دوسو على النجمه⭐

سؤال شنو تتوقعون اسمه؟!

اريد الجواب صح بل بارت السابق محد جاوب صح كلكم غلط

گلبك المّابي مَحنة شِينفع وياة العَتب .

الكاتبه : روان عبدالله

____________________________________

_اسمي شاهين

مريم. حلوو اسمك يوالم لشخصيتج

ميل راسه و مسك شواربه كال

شاهين. شبيها شخصيتي

مريم. هههه حلوو جد

شاهين. هاا عبالي قير شي

مريم. واذا كلت غير شي شراح تسوي بيه

شاهين. انتِ بس فكري بيها اني وياج بوحدنه و الشقه فارقه و شتريدين انسوي

مريم. دا تحجي صدك ترا بهذ كلامه دا تخوفني و ترجعني الف خطوه ورا

شاهين. شبيج شكد نيتج زفره قصدي اني وياج و حدته نلعب دومنه ثنائيه لان اني ما احب من العب ناس ويايه احب بس اني و الطرف الآخر

مريم. كافي شاهين شنو هل حجي

شاهين. هاي شبيج سمسمه دا اتشاقه اووي

مريم. هههه حبيتها الاوي مالتك.. ولحظه انت اشو يوميه مطلع الي اسم جديد شنو سمسمه ترا مو حلوو

شاهين. وانتِ مكيفه و تضحكين جاي اقلد عليج يل مصكوعه و بعدين اني احب السمسم و هاي الكلمه طلعت بدون قصد يمكن لان مشتهي

مريم. سالمين شنو مصكوعه بس لا تسبني واني يا غافل الك الله

شاهين. لا جاي احمدج يعني حلوه و هيج

مريم. صدك والله اووي عيني شكرا انت المصكوع والله

شاهين. مو جن تحمستي چثير.. يله بويه اني رايح شوي و اجي

مريم. الله وياك

طلع و قفل الباب كمت و رحت على الحمام باوعت لنفسي بل مرايه وجهي تراب و يلعب النفس و علامات الشحوب و التعب طاغيه عليه و التراك مالتي كد ما وصخ صاير لونه اسود

شمرت الملابس بل زبل و كمت اسبح خلصت و اجيت تا البس ملابسي صفنت على سله الوضح و ضربت نفسي راشدي على شده غبائي

مريم. عززه العزاج مريم شلون تسوين هيج الله ينعل ذكائي هسه اني شلون راح اطلع من وين الكه ملابس وانوب كتلني البرد

شندت ضهري على الحايط و كمت ابجي بكل حركه كلب تعالت صوت شهكاتي سمعت صوت الباب يندك خليت ايدي على حلكي على مود ما انفضح صحت

مريم. هاا شاهين

شاهين. شبيج سمسمه تبجين

مريم. مبيه

شاهين. اطلعي خلي اشوف شبيج

مريم. ما اطلع حبقه هنا

شاهين. كل عقلج راح تختنكين

مريم. عوفني شاهين البيه مكفيني

شاهين. هسه غير تسولفين شبيج يجوز أكدر اساعدج

مريم. ما تكدر والله

ضرب الباب حيل و صاح

شاهين. كافي عاددد احجي شبيج والله اكسر الباب و ادخل و شيصير خلي يصير

خفت كلش، كبل ركضت على الباب و وكفت وراه

مريم. لا لا دير بالك تدخل

شاهين. اسمعي شيهانه صبري الو حدوه

مريم. خلص حكول الك بس امانه لا تضحك عليه

شاهين. عليمن اضحك يولي احجي تعبت من الوكفه و اللقوه (لغوه) الزايده

مريم. شسمه هذا...

أخذت نفس عميق و حجيت بسرع

مريم. ملابس وصخه و مشككه ذبيتهن و هسه ما عندي ملابس

شاهين. تحجين صدك.. صارلي ساعه واكف عبالي صار بيج فدشي طلعتي ما عندج ملابس هسه اذا ادخل عليه اموتج كتل احد يلومني

مريم. هسه اني شكلت ليش دا تصيح ترا اني بنت و من حقي اخجل

شاهين. ديله عيني انجلينا جولي استقري تخجل المصكوعه

مريم. هسه شنو انت اجيت تصنف عليه لو تساعدني

شاهين. اصنف عليج وعلى عقليتج

مريم. وشبيها عقليتي

شاهين. كل الخير... انتظري لحظه

راح شاهين شوي و اجه دك الباب و حجه

شاهين. مدى ايدج يل سندريلا اخذي الملابس

مريم. وتالي وياك بس تصنف عليه ترا والله ابجي اني ما اتحمل

شاهين. بويه جاعد نتشاقه تروحلج فدوه سندريلا

مريم بغرور. أي هيج من الاول

شاهين. اهوو هم رفعت خشمها عاد هوه شلون خشم تكول كبايه

مريم. ديله عيني باوع على خشمك بل اول تكول خياره من طوله

شاهين. ترحيله فدوه هذا الخياره الي تعيبين عليه

مريم. هسه تنطيني الملابس لو شلون ترا متت برد

شاهين. شلون انطيج اياهن وانتِ قافله الباب

مريم. هم صح

فتحت الباب و طلعت بس ايدي اخذت الملابس و سديته بسرعه

اباوع على وجهي بل مرايه احمر ولا جني اني القبل شوي الساني أطول مني

باوعت على الملابس عززه ملابس ولد هسه اني شلون البسهن

لبست التيشيرت كلش طويل و عريض بس اردانه أطول مني

لبست البجامه تركت ايدي كبل وكعت بل كاع

مريم. جايبلي ملابسه يحسب روحه صغير و ناعم مايدري بس ردان واحد يكفيني و زايد هم

بقيت محتاره شلون بل بجامه حاولت اضبها من جهه الخصر بس ما صارت سمعته صاح

شاهين. يله يمعوده اطلعي عروس خوما عروس

مريم. شاهين مدا تصير البجامه جاي توكع

شاهين. يمعوده كولي قيرها انطيتج اصغر ملابس عندي صارلي سنه مو لابسهن

مريم. دا توكع شاهين شلون هسه

شاهين. والله ما اعرف ابقي بل حمام و راح اعبرلج من جوه الباب مساعدات من هين للصبح

مريم. شاهين مو وكت شقه ابد اني بيا حال و انت بيا حال

شاهين. شتردين اسوي

مريم. باوع راح اطلع بس غمض عيونك

شاهين. وشلون اني ابقه مقمض إلى باجر

مريم. لا بس غمض ثواني اروح اغطي رجليه بل لحاف و فتح

شاهين. اممم

سميت بسم الله و فتحت الباب طلعت لكيت شاهين كاعد و خال رجل على رجل و ماسك الموبايل

بقيت واكفه لا أكدر ارجع على الحمام ولا أكدر اكمل طريقي رفع راسه و باوع عليه صرخت

مريم. غمض عيونك

شاهين. ديله اليسمع يكول رجلين نانسي عجرم

طكيتها ركضه و لفيت نفسي بل غطه اجتني البجه من الفشله و هوا ما مهتم يكلب بل موبايل

مريم. شدعي عليك شاهين.

شاهين. ادعي الله يزوجني اربعه

مريم. شتسوي بل اربعه ولو شترجه منكم انتو الزلم كلكم هيج ما يملي عينكم بل التراب

شاهين. ما بيها شي الشرع حلل اربع شرايحلي اذا تزوجت اربعه وحده للبيت و حده للملابس وحده للأكل و حده للطلعه يعني كيافه و وحده احبها واعلمهن على محبه على وفق تعاليم الله و رسوله و وحده تريد الاخره واذا تعاركن ايدي و حزام مره مرتين الثالثه يتوبن و يجرن عدل

مريم. يععع ليش ما تاخذ وحده تعوضك عن كل هذني الاربعه تصير هيه ام و هيه زوجه و هيه صديقه ليش، تجيب لنفسك التعب و الهم

شاهين. هيه وينها هااا وينها مجاي اشوفها

مريم. افف تجي لا تخاف بس خلي اختيارك صح ولا تفكر بهاذي الفكره مال تعدد الزوجات ترا ايعع

شاهين. ايععع اويلي على الفيكه فلك طرج

مريم. احترم نفسك ليش تعيب على كلامي

شاهين. لا حشه شنو اعيب اني اعيب و على منو عليج اياباه والله يخسه الي يعيب عليج

مريم. ااممم هسه جوعانه راح تبقه تحجي

شاهين. اكولج اشو انتِ فد نوب بساع ذبيتي ميانه اني اعرف البنات يستحن اشو انتِ عكس

مريم. شسوي غير انت تحجي واني ارد عليك قابل ابقه خرسه

شاهين. هم صح احجي بعد ابوج شكد ما تردين عادي... بس اني متعجب من شغله

مريم. شنو

شاهين. اني بطبيعتي ما احب الكلام الچثير احسه فوضى و نادرا ما أخذ وانطي ويه الناس اشو وياج نسيت حتى روحي و كعدت ادك فچ

مريم. احححممم شسوي اني محبوبه مو بكيفي

شاهين. ديله صدكت الزركه

مريم. عفوا قصدك عيوني

شاهين. شبيها عيونج اشو حول.

مريم. ديله وين الحول بل موضوع اشو زرك يخبلن

شاهين. تصدكين هسه يالله انتبهت عيونج زرك عبالي عاديه ولا انتبهت

مريم. امممم اصلا ما يهم عادي حتى اني ما انتبه الهن هواي

شاهين. على منو طالعه

مريم. اني اشبه بابا و عماتي صح اني مو شايفتهم بس ماما دائما تشوفني صور بابا وتكولي انتِ من ريحه الغالي حتى نفس الشكل

شاهين. الله يرحمه

مريم. يرحم موتاك

شاهين. هسه شنو ما تاكلين

مريم. مبلا كلش جوعانه

كمت و جريت المخده و كعدت و خليتها على رجليه

جاب الاكل و كعدت مقابيلي و كعد ياكل

اخذت لفه و كعدت اكل على كيفي رفعت راسه لكيته يباوع عليه

مريم. هااا

شاهين. اكو واحد ياكل هيج

مريم. ليش شبي اكلي

شاهين. لج بابا تعلمي كبري لكمتج اذا بقيتي هيج ما تشبعين إلى باجر

مريم. ماا اني هيج اكل

شاهين. اصبري يومين اذا ما اخليج تثردين بل خمسه اني مو اسمي شاهين

مريم. باحلامك

شاهين. انشوف شيهانه

مريم. اسمي مريم

شاهين. واوو شهل معلومه

دنكت خلصت اكل و رفعت راسي عليه كلت

مريم. شاهين حباب

شاهين. هممم

مريم. كوم نام وخلي اللحاف على وجهك

شاهين. خير يا طير ليشش

مريم. مو مو شسمه على مود اكوم اعزل الاكل

شاهين. تحجين صدك

مريم. أي والله ترا حرام تشوف رجليه اني لابسه الحجاب و رجليه طالعه

شاهين. يعني ستر العنز بل مختصر هههههه

مريم. شقصدك اني عنزه

شاهين. مع الأسف اي

مريم. لا والله كل هل جمال و تكول عليه عنزه

شاهين. أين الجمال انا لا اراه

مريم. طبعا شواربك مغطيات عيونك من طولهن

شاهين. هههه ما تضحك

مريم. هسه تكوم لو نبقه هيج

شاهين. لا نبقه هيج شعدنه إلى باجر

مريم. شاهين حباب لا تشلع كلبي

شاهين. خلص بويه اني هم تعبان اريد انام وأنتِ اخذي راحتج بنيتي

مريم. دنكت راسي امنع روحي ابجي صارلي شكد ما سامعه كلمه بنيتي من كالها حسيت انفتحت جروحي و ذكرياتي الي اني متناسيتها

راح على الجربايه باوعت عليه كور روحه و نام

كعدت اعزل و دموعي لا اراديا تنزل صح كلمه عاديه بس هاي الكلمه رجعتني على الماضي الي مستحيل بيوم انساه

خلصت و غسلت ايديني نزعت الجراويه باوعت عليها وابتسمت بلطف تذكرت هذا الضابط و تعامله ويايه

اكو ناس تلتقي بيهم فتره كلش صغيره بس يتركون  بداخلك حب كلش جبير تحس بفقدهم تحس محتاج الهم معا انو ما اعرف حتى اسمه بس بقه بذاكرتي مستحيل انسه لطفه و خوفه عليه

ما انكر انعجبت بي مو حب مجرد إعجاب بشخصيته و بجماله جان مريح للعين و جان هادء و كلامه موزون و رزن

بتسمت من بين دموعي واني اتذكر لطفه ويايه و الخوف الي بعيونه

مشطت شعري و لفيت و رجعت لبست الجراويه تذكرت الجاكيت بقه بل حمام

رحت ركض و طلعته خليته على صفحه

باوعت على الجربايه شاهين نايم عليها بل عرض و اصلا لو حتى موجود مكان مستحيل انام يمه

رحت تمددت على الكنبه و لكيت عليها غطه خفيف تغطيت و نمت

حسيت على حركه حولي فزيت رفعت راسي شفت شاهين كاعد يمي و يدخن

فزيت و كمت بسرعه حجيت بتوتر

مريم. شاهين شدا تسوي

شاهين. مجاي اسوي شي

مريم. لعد ليش كاعد يمي

شاهين. مريم اني جنت انتظرج تكعدين

مريم. ليش

شاهين. على مود نحجي بخصوص موضوعج

مريم. اهاا اوكي

كعدت كدامه و حجيت اسئلني شنو تريد من معلومات واني اجاوب

مسك ايدي و حجه بخوف

شاهين. سمسمه الموضوع اكبر مما تتصورين

مريم. ليش شاهين لا تخوفني عفيه

شاهين. سمسمه من يكول نلكه خوالج او اذا لكيناهم شراح تكون رد فعلهم هل راح يتقبلونج لو لا

دنكت و كمت ابجي حجيت من بين دموعي

مريم. شاهين اني من ماتت امي اكتشفت محد يحبني اخوي الي من دمي و لحمي عذبني و اني عمري ١٥ و ذبني على ناس ما اعرفهم موتوني جوع يعاملوني معامله سجينه... اتمنى لو مره بحياتي اعيش مثل الناس العاديه عندي أهل و بيت واروح على المدرسه اتمنى استقر ما ابقه هيج ليش اني هيج من دون البنات ما شفت شي اسمه راحه ما شفت شي اسمه عائله من كبل لا اجيت على الدنيه ابوي مات لعد اني شكد فكر

كلت هيج واني اشهك و ابجي و هوا مركز بكل كلمه اكولها خلصت كلامي خليت ايدي على وجهي و دنكت

حسيت سحبني و خلاني بحضنه و حضني كعد يمسح على راسي

بادلته الحضن حسيت بحضنه راح وأمان اول مره احس بهيج احساس صارلي شكد محد ماسح على راسي ولا مواسيني

شتاكيت لشي اسمه حنيه احس فاقدتها

زولت من حضن و اني خجلانه كلش

اباوع عليه طلع جكاره و مسح على شواربه و كال

شاهين. مسحي دموعج بنيتي كافي بجي لا تضعفين كدام احد.. اني موجود مستحيل بيوم اعوفج او اتخله عنج لو حتى خوالج ما رادوج اني ما راح اعوفج و راح تبقين هنا.. وهسه كولي الي شنو اسم خوالج على مود اكلف صديقي يدور عليهم

مريم. اني ما اعرف اسمهم الكامل بس اتذكر اسم خالي جانت امي تحجي بي هواي و جدو

شاهين. حيل زين... و ما تعرفين من اي عشيره

مريم. أي من عشيره *** و اسمه ****

شاهين. عفيه عليج هسه الي أريده منج تكومين تغسلين وجهج و تتريكين جبت الج كل شي تحتاجينه و جبت تراك ما لحكت اشتري ملابس هواي ان شاء الله من افرغ نطلع اني وياج هم نتونس و هم نشتري كلشي تحتاجينه

مسكت ايده لتقت عيني بعينه سبحان الخالق عيونه صفر على جوزي و رموشه من النهايه طويله و مسويات عيونه مسحوبه

حجيت بتوتر

مريم. شكرا شاهين على كل شي قدمته الي

شاهين. تدللين سمسمه

ترك ايدي و راح على الحمام عدلت كعدتي ردت اكوم باوعت على نفسي رجليه طالعه كلها و شعري مفتوح

عززه اني شبيه ليش هيج مهمله مره احضنه مره مكشوفه كدامه اجتني البجيه من شده غبائي

طلع من الحمام و كبل غطيت رجليه و شعري باوع عليه و هوا يمسح ايدينه كال

شاهين. شيهانه اني رايح عندي شغل

مريم. أي الله وياك

طلع وبقيت بوحدي كمت باوعت على الجربايه خال العلاكه فتحتها لكيت بيها تراك و فستان مال طلعه و شيلتين و حذاء رياضي

كلش حلو ذوقه بل ملابس و راقي

اخذت التراك و رحت لبسته جان بي كبع(كبوس) لميت شعري و لبست الكبوس

طلعت لكيت جايب ريوك باوعت عليه مالي خلك اكل

كمت عزلته و كعدت ضايجه ما عندي شي اسوي

باوعت على الشقه و كمت عزلتها خليته تلمع عطرتها و كعدت

نمت و كعدت العصر باوعت على الساعه 3 العصر غسلت وجهي و عدلت شعري

حسيت الباب الشقه نفتح دخل شاهين و بيده علاكه

مريم. هلوو شاهين نورت

شاهين. هلوو سمسمتي شلونج

مريم. زينه شاهين.. ليش تأخرت ضجت كلش

شاهين. شسوي بنيتي عندي شغل خلصته و اجيتج

تعالي شيلي الي بيدي تعبت

رحت اخذت الي بايده و خليته على الميز باوعت عليه تمدد على الكنبه صاح

شاهين. شيهانه تعالي قطيني عفيه بلا امر عليج

رحت غطيته و كعدت على الجربايه أخذت البطل و كعدت العب بي باوع عليه و كال

شاهين. تعالي خلي نلعب اني وياج

شلت البطل و كعدت يم رجلينه و هوه نايم على ضهره جريت الطاوله و خليتها يمه

مريم. اني اول

شاهين. يله بس الي يفوز يعاقب الثاني

مريم اممم و شنو هوه العقاب

شاهين. راشدي

مريم. بس اذا ضربتك ما تزعل

شاهين. متفقين

ضربت البطل و ما صار انطيته اول ضربه و وكفه

مريم. لااااا

شاهين. تعالي كربي

مريم. حباب مو هواي

شاهين. هسه غير تجي

كربت و ضربني راشدي بس شنو اختل توازني

مريم. مو هيج كلت الك مو هواي

شاهين. والله ضربتج خفيف بس انتِ ترفه

مريم. بسيط ارجعها الك شاهينوو

شاهين. هههه انشوف

اخذت البطل و كعدت ادعي هوه يباوع عليه و يضحك

ضربت البطل و وكف

مريم. يسسس مو كلت الك ارجعها يله كرب خدك

شاهين. انتِ كربي اني ما اكوم

كربت عليه خليت ايد على صدره و ايد الاخره ضربته بس خفيف

شاهين. هههههه كل قوتج هاي

مريم. هاي شبيك ترا اني ضربتك خفيف

شاهين. هاي مو ضربه انتِ دقدقتيني

مريم. شني هاي نوب

شاهين. متجاسل لا اشرح

مريم. على فكره شاهين لهجتك حلوه كلش انت من وين

شاهين. اني من الانبار

مريم. واوو انتو هيج تحجون

شاهين. ايي.. يله تعالي نلعب اخر مره الج ضربه و الي ضربه

مريم. اوكي يله

ضرب البطل خفيف و ما صار اجه دوري ضربته و صار

مريم. ههههاي يله كرب

شاهين. انتِ كربي مبيه حيل

كربت عليه كبل سحبني و صرت فوك صدره همست

مريم. شاهين عوفني شدا تسوي

شاهين. ما اسوي شي انتِ كربتي عليه شتريدين اسويلج

مريم. ما اريد شي بس زول

ما رد عليه حاوطني اكثر و خله راسه بركبتي صحت

مريم. شاهين حباب زول الله عليك

كمت ابجي بهستيريه بتعد عني و كبل كمت و كعدت بل ارض لميت رجليه و خليت راسي عليهن و كمت ابجي اكثر و صوتي كام يعلهه

كبل كام و اجه باتجاهي مسك ايدي كبل فزيت وكفت صحت

مريم. دير بالك تمسكني عبالي راح تحافظ عليه لحد ما الكه خوالي بس طلعت مخليني هنا لغرض شي اخر بعد ما ابقه هنا اروح اعيش بل شارع و لا ابقه يمك انت واحد شهواني و ما تخاف من الله

كعدت بل كاع بتعب و حجيت

مريم. كلكم هيج محد يحبني من صدك، كلكم تردوني على مود شي ثاني اني شنو ذنبي اكع بين أيديكم الله لا ينطيكم دمرتو حياتي شفت ما عندي احد كلت استغلها شنو ذنبي فهمني، ذنبي الوحيد انو آمنت بيك و اعتبرتك مثل ابوي حتى باخوي ما شبهتك تعرف ليش لأن كلت انت تختلف عنه انت راح تحافظ عليه ما راح تستغلني بس طلعت غلطانه

شاهين.......

-------------------------------------------

عمري خلص البارت اذا عجبكم دوسو على النجمة

البارت يحتوي على 2608 كلمه

سؤال. شنوو تتوقعون راح يصير بل بارت الجاي يله خلي انشوف الأذكياء

بايي احبكم 🦋🍁

يبقى وجهَك ديرتي الـ ماكو احلى منـها 🤎 .

الكاتبه :روان عبدالله

----------------------------------------

شاهين. اسف وحق هذا الله ما جان قصدي والله ولا مره ما فكرت استقلج ابد طلعت مني بدون قصد اسف و روح ابوي مو قصدي شيهانه دحچي عليه شيهانه كافي بجي كطعتي نفسج ما يهون عليه اشوفج تبجين.. كافي بنيتي اسف والله مو قصدي

مريم. اني مو بنتك و لا راح اصير بنتك اني ابوي ميت تسمع لو لا ابوي ميت و آخر مره تكولي شيهانه.. و شما تسوي ما راح اغفر الك تحسب الي سويته ليه قليل لا ما راح اسامحك دنيا و آخره و عسى ربي ياخذ حوبتي منك يل ما تخاف الله

شاهين. خلص انتِ مو بنتي و لا شيهانه بس والله اسف مو قصدي و اعترف بقلطي الفروض ما اتجرء ولا اكمشج(الزمج) بس شسوي الشيطان و زني

مريم. شيفيد الأسف شاهين كولي شيفيد... رجعني من وين ما جبتني.. رجعني على المخيم

شاهين. اهدي كافي اوعدج بعد ما تشوفيني و لا تسمعين صوتي و اني هسه طالع راح ادور على خوالج و ما ارجع لحد ما الكاهم و كل شي تحتاجينه راح ادزه ويه مره تجيبه الج بس لا تطلبين الرجعه لهذا المكان

مسح على عيونه و كال بتعب

شاهين. شيهانه.. اقصد مريم المخيم لا تجيبين طاريه ابد انتِ ما تعرفين شنو الي بداخله ما عشتي بي اصلا فا كلشي اطلبي اله ارجعج على المخيم هاي الفكره شيلها من بالج

كام و صاح

شاهين. راح اروح و مثل ما وعدتج ما راح تشوفيني اله لمن اجي و اكلج امشي خلي انروح على خوالج و ما راح ارتاح اله لمن اسلمج بايادي امينه يالله اطمن و ائمن عليج... اودعناكم

نهه كلامه و اخذ البصمه و المحفظة و راح

بقيت بوحدي ابجي لساعات متواصله تعبت كلش وين اما اروح الكه ناس استقلالية ليش هيج ليش محد يفكر بيه ولا بمشاعري كلها تمشي ورا رغباتها اني شنو ذنبي اوكع بايادي هيج ناس و اني ما عندي اهل

سمعت اذان المغرب رفعت راسي من رجليه و خليته على الحايط احسه مصدعه كد ما بجيت

غمضت عيوني و اخذت نفس فركت راسي بوجع

استغفرت و كمت

تمسحت و كعدت اصلي و هم رجعت ابجي مره ثانيه خليت راسي على السجاده بتعب ما بيه حيل احرك اصبع من جسمي

تسلل على عيوني النوم و اني بحجاب الصلاه و على السجاده نايمه

كعدت بردانه و عضامي متكسره من نومه الكاع

كمت و نزعت الحجاب باوعت على الساعه 2 بليل

رجعت كملت نومتي على الجربايه

فزيت الصبح على صوت دك الباب

فركت وجهي على مود اصحصح شوي

لبست حجابي و وكفت ورا الباب صحت

مريم. منوو

اجاني صوت مره تكول فتحي الباب كبل اتذكرت شاهين من كال راح يدز مره عليه

سميت بسم الله و فتحت الباب باوعت عليها مره بنهايه العشرين لابسه ملابس جيش حجيت بستغراب

مريم. تفضلي حبيبتي

_ زاد فضلج بس الضابط شاهين دزني عليج على مود اجيبلج مسواك

وكفت يم الباب و دخلتها

كعدت على التخم رحت جبت الها ضيافه و كعدت يمها

_ ضابط شاهين كال انتِ تعوديله شتصيرين منه

مريم. ما اصير كل شي

_ يعني ما تكربيله... واني عبالي زوجته

مريم. لاا شاهين مجرد ساعدني بشي

_ يعني جابج هنا على مود يتونس بيج لو شنو السالفه

كمت على حيلي و صحت

مريم. اسمعي الزمي حدودج و احجي بأدب الضاهر انتِ ما ينفع معاج الطيب تحجين حجي زين احطج على راسي اذا تكعدين تخبصين بل كلامج اني ما استقبل هيج ناس بيتي و يله بلا مطرود اطلعي بره

_ شنو هل احترامات هل طولج و لسانج متبري منج ترا ما حجيت شي غلط شاهين دائما يجيب بنات هنا و مو بس بهاي الشقه عنده شقق هواي

مريم. اني مو مثل الي بالج و يله بلا مطرود ما اريد اعكر مزاجي اطلعي من البيت

_ يمته صار بيتج اشو مصدكه نفسج هواي

مريم. على كيفج لا يوكع فكج للكاع كد ما تتميعين و حبيبيتي ما دام اني بهذة البيت معناها بيتي و يله ادعبلي طردتج هواي بس الضاهر كرامتج ممسوحه

خزرتني و راحت رحت وراها و قفلت الباب

مريم. الله لا ينطيج عكرتي مزاجي بهل صباحيات

شلون ناس غثه يععع

كمت و تريكت احس رجع جسمي ذبل لان البارحه النهار كله ما اكلت شي

كعدت على الجربايه و باوعت على مكانه البارحه شلون جنه نضحك و متونسين فجأة اقل من دقيقة انكلب كل شي

تمددت و اجه بالي كلام البنت من كالت هوا يجيب بنات و عنده أكثر من شقه

احس نار بصدري واني اتذكر كل كلمه كالتها نزلت دموعي معرف علش كل ما اتذكر الكلام الي دار بيني و بينها اموت قهر

كمت و رحت غسلت وجهي و فتحت التراك و خليت ماي على صدري احس نار مشتعله بي كمت كوه اجر نفس كلامها يتررد براسي صار شلون الشريط كل شوي ينعاد كلامها عليه

معرف ليش هيج صار بيه ما لكيت تفسير لحالتي احس الي جاي يصير بيه خارج سيطرتي

لبست حجاب الصلاه و كعدت اصلي

بعد ثلاثه ايام اني نفس حالتي ما تغير شي رجعت الكئابه و الضوجه الي، البنت تجي بس ما تحجي ويايه شي أبدي تخلي المسواك و تروح و اني هم مالي شغل بيها ابد

كعدت العصر و ضليت متمدده بفرشي

حسيت نقرة على الباب خفيفه بعدين سمعت صوت القفل نفتح

عدلت ملابسي لان جانت بطني طالعه و كمت على حيلي

نفتح الباب باوعت شاهين جان لابس بملابس جيش

يمكن جان بل دوام و سلاحه بخصره و لازم الاسلكي

قفل الباب و وكف بمكانه ضل يباوع عليه اني دنكت

تقدم باتجاه كال بصوت تعبان

شاهين. السلام عليكم

مريم. وعليكم السلام

ذب حسره و نزع السلاح و الاسلكي و حطهن على الطاوله همس

شاهين. شلونج سمسمه

مريم زينه انت شلونك

شاهين. سمسمه مو زين تعبان

كعدت على الجربايه و دنكت راسي جر الكرسي و كعد يمي همس

شاهين. سمسمه...

رفعت راسي اجت عيني بعينه حجه

شاهين. حضري روحج لكيت خوالج

مريم. صدك تحجي

شاهين. أي باجر انروح عليهم

مريم. انت شفتهم

شاهين. لا بس التقيت بخالج و جان حيل يريد يشوفج يكول من ريحه الغاليه

مريم. واني هم اريد اشوفهم

شاهين. كلت الج قبل فتره انو اخذج للسوك و ما صارت.. فه اريد اطلب منج تروحين ويايه للسوك اليوم بل ليل

مريم. اوكي موافقه

شاهين خوش هسه اريد شوي انام و بل ليل كعديني انروح

هزيت راسي و كمت كعدت على الكنبه

نزع الستره و التيشيرت بقه بل بنطرون

دنكت راسي و اني ميته خجل ستحيت كلش

كا العاده كور نفسه و نام دار وجهه على جهتي و غمض عيونه

بقيت اباوع عليه عيونه ذبلانه و جواهن اسود مبين تعبان باوعت على كتافه سمر و شرايين رقبته بارزه

ضليت كاعده لساعات و اباوع عليه شلون نايم بدون ملل

باوعت على الساعه 7المغرب

مريم. حيل شبساع صارت سبعه

كمت و تقدمت عليه وصلت يمه بس ترددت شلون اكعده همست

مريم. شاهين... شاهين

فتح عيونه بتعب باوع عليه بتركيز و بتسم

توترت من نضراته الحاده و المتعبه حجيت بتوتر

مريم. شاهين اكعد الساعه سبعه و خمس دقايق

شاهين. مساء الخير شيهانه

مريم. مساء النور

حجه و يتثائب

شاهين. سمسمه تدرين صارلي شكد ما نايم هيج نومه

مريم. شكد و ليش...

شاهين. وداعتج لا ليلي ليل ولا نهاري نهار

مريم. ليش شاهين تعب نفسك

شاهين. شيهانه التعب بل گلب بل گلب

مريم. سلامه گلبك بس لا عاشك

صفن عليه و اني هم متفاجئه من نفسي شلون حجيت هيج الكلمه طلعت لا اراديه مني

شاهين. هههه يمكن لسه ما متاكد

اختفت الابتسامه من وجهي حجيت بغصه

مريم. الله يسهل الك و تنجمع مع الي بالك

شاهين. إن شاء الله شيهانه الله يسمع منج ناذر بس تصير حلالي لا اسويلها اكبر عرس واحلا عرس بل عالم اخلي كل الناس تسولف بي وداعتج

مريم. إن شاءالله الله يجمعكم... بس هاا كون تعزمني

شاهين. شيهانه انتِ الأصل و الفصل لو انتِ مو موجوده ما تصير الزفه وداعتج

مريم. اححح اني لهل درجه مهمه عندك شاهين

شاهين. وأكثر مما تتخيلي سمسمه...هسه كومي سويلي جاي بلا امر عليچ

مريم. أي هسه

كمت سويت اله جاي و جيت خليته على الطاوله

عرفته بل حمام شوي و طلع باوعت عليه جان لابس بنطرون اسود و ستره مربعات اسود و ابيظ و حذاء ابيض وكف يم المرايه و فير شعره لبس ساعه و محبس اسود

بقيت صافنه علي كلش حلو عليه ملابس السبورت بارزات طوله و عضلات

خلص جر الكرسي و كعد مقابيلي شرب الجاي و كال

شاهين. سمسمه كومي بدلي خلي انروح

مريم. ايي هسه

كمت اخذت فستان و شال دخلت لبستهن باوعت على نفسي بل مرايه الفستان كاعد عليه يخبل و مخصر على جسمي لفيت شالي و باوعت على نفسي بعلامه رضا

طلعت و لبست حذائي وكفت يمه و همست

مريم. كملت شاهين

شاهين. بطلت ما اروح

مريم. ليش

شاهين. غير طالعه تخبلين هسه بل شلون اطلع على الشارع و الرايح و الجاي يشوفج لا و المصيبه الأكبر هذا الفستان بارز لون عيونج هسه اني شسوي

مريم. شاهين لا تكبر الموضوع ترا الأمر كلش عادي

و مو لهل درجه اني حلوه و سويتي واوو

شاهين. شيهانه ترا كلامي صح

مريم. افف شاهين لا تكبر الموضوع وداعتك محد يباوع بوجهي

شاهين. اممم.. يله امشي أمري لله

نزلنه على الكراج صعدنه بل سياره و بقت تمشي ربع ساعه و وكفنه يم مول

شاهين. يله سمسمتي انزلي

ضجت كلش ما احب من يدلعني بس شسوي هسه اذا اسولف تصير مشكله راح اسكت لان اليوم اخر يوم وياه و بعدين كل واحد يشوف طريقه

وكفنه يم الباب باوع عليه و كال

شاهين. شيهانه روحي على تفتيش النساء من تطلعين راح تلكيني بل باب

دخلت فتشتني و طلعت و صدك لكيته بل باب واكف

دخلنه للمول جان كلش حلو اول مره ادخله بحياتي بي ناس هواي

دخلنه لمحل العطور جان بدايه المول

شاهين. شيهانه هذا المحل معميلي دائما اشتري منه عطور عطوره كلش راقي تعالي خلي ندخل عليه

دخلنه و ابو المحل اكل شاهين بل سلام ضلو يحجون حجي عادي

اني مليت اخر شي ابو المحل كله جاي على عطرك صح.. ضحك شاهين بخفه و كله

شاهين. أي صح ههه

طلع علبه سوده و بيها نقش احمر خلاها بعلاكه و مد ايده لشاهين

شاهين جان يريد يطلع الفلوس اشرلي أخذها

اخذتها و وكفت على صفحه باوعت على شاهين طلع ثلاثه أوراق صفنت عليه انطاهن لبو المحل و ضلو كل واحد يكول اني ادفع اخر شي اخذ الفلوس و طلعنه

بقيت مصدومه معقوله العطر الواحد بثلاث أوراق لو اخاف هوا يندعي و هسه وفاه الدين حجيت بهمس

مريم. شاهين.. شسمه هذا العطر بثلاث أوراق لو شنو

شاهين. أي شيهانه هذا عطري الفضل

مريم. مو حلو قوي خو اني اشتري ابو الالف و اكول غالي و بعد يبقه ويايه شهر كامل استخدمه

شاهين. هههه لا والله عطري مو حلوو

مريم. أي كلش قوي.. والله لو مشتري ابو الالف احس الك بهواي

شاهين. شيهانه استقري يا ابو الف قير هذا حبي الابدي شلون اغيره ما يلحكه ابو الالف ولا غيره

سكتت معرف شرد عليه

دخلنه على محل ملابس نسائيه كعدت على الكرسي و هوا كام يشيل و يخلي بل سله

كمل دفع الحساب و صعدنه على الطابق الثاني

شاهين. سمسمه تعالي خلي ناكل

كعدنه بل طاوله و نزلنه اكل ضلينه كاعدين و نسولف سوالف عاديه

اخر شي باوع على الساعه و كال

شاهين. أخذنه الوقت السوالف وياج ما تنمل.. يله امشي الساعه 10 خلي انروح...

ذب حسره و دنك فرك راسه و رفعه باوع عليه كال

شاهين. وراج طلعه من الصبح يله بنتي

كمت و شلت قسم من الأغراض و هوا شال قسم

نزلنه و صعدنه بل سياره شغل اغنيه

احلا صبيه

بحلم كفي عمري حدا شو بحكي عن حمره خدا

لمه بايدا الغره ترده عيونه بينباسو

كل الحلا جاي مني حفظتلا شاماتا وين تئبرني رموش العينين طوال بينقاسو

احلا صبيه بشوفها بعشق خجلها و خوفها

عطيني ضلوعك بغمرها و حط النقط على حروفها

اباوع عليه مندمج ويه الاغنيه و يغني

خلصت الاغنيه نصه الصوت و باوع عليه كال

شاهين. احب هاي القنيه حيل

مريم. اممم صدك اني نادرا ما اسمع اغاني بس حبيت هذي الاغنيه

شاهين. صفه مشتركه بينه و علا فكره هواي صفات مشتركه بينه

مريم. صدك احجيلي عنها

شاهين. تو ما اسولف الج المفروض انتِ تنتبهين

مريم. معرف مجنت منتبهة

شاهين. همممم

سكتنه ثنينه و صار الهدوء سيد الموقف

________________________________

عمري خلص البارت اذا عجبكم دوسو على النجمه

و لحد يكول البارت قصير لان اعرف اوكي

خلي احجيلكم حاليا مسافره و تعرفون اذا الواحد مسافر شلون يكون يومه و ثاني شي اجيت تا اكتب و الموبايل وكع مني و تكسرت الشاشه و خرب واهسي و اسفه على الاطاله بس حبيت اوضح الكم

سؤال. شنو تتوقعون يصير بل بارت الجاي

ضيفو حساب هاي البنوته كلش حلوه قصصها Alessia259437اذكر المستخدم

بعد گلبي اشتعل بلكت يشوفوك

ينشاف الهوى من يصير دخان 💔

الكاتبه :روان عبدالله

كبل لا تبدون خلوو نجمه و علقو بين الفقرات لطفاً

------------------------------------------------------

وصلنه للشقه واني ميته تعب كد ما مشيت شاهين دك موبايله كبل راح على البلكونه و كعد يخابر

كبل اجه بالي حبيبته كلت هسه جاي يخابرها

ما اعرف ليش ضجت احس انقسمت نصين نص اضوج و انقهر و اكول ليش يخابر و النص الاخر يكول اني شعليه هذي حياته واني ما الي دخل باجر اروح و ينتهي كل اشي

رحت بدلت و خليت الكبوس على راسي و تمددت على الكنبه بقيت صافنه على السقف

خلص هاي هيه اليوم اخر يوم هنا بعد ما كو شاهين ولا عطره الي اكرهه اليترس الشقه من يجي و لا...

معقوله جاي افكر هيج لعد منو الي ستقلني و حاول يتحرش بيه منو الي اول ما شافني ضربني ليش جاي اوهم نفسي و أعجب بشخص ما يحبني و راح يتزوج الي يحبها لا و ناذر اذا يتزوجها يسوي اكبر عرس اني شكو اصلا ولا معبرني و من تحارش بيه مو حب مجرد رغبه

تهت و ضعت من كميه التناقض الي بداخلي تعبت من التفكير المفرط احس خلص لازم انهي هاي السالفه و اخلي لمشاعري المبعثره حد

غفيت بعد دوامه تفكير مفرط حسيت احد يحرك كتفي فزيت

باوعت شاهين حجيت بنعاس و فهاوه

مريم. هاا شاهين

صفن عليه و كال

شاهين. كومي نامي على التخت اذا بقيتي نايمه هينه راح تتعبين

مريم. شاهين اني دوم انام هنا مو اول مره

شاهين. ميخالف يله كومي ما يصير هسه ضهرج يكوم يوجعج

مريم. ما اريد مرتاحه احبها هاي الكنبه

شاهين. براحتج سمسمه تصبحين على خير

حجيت واني مغمضه عيوني

مريم. وانت بخير

غفيت كعدت الصبح على ريحه اكل تارسه الشقه

كمت بملل لميت شعري و لبست الكبوس دخلت غسلت وجهي و طلعت على المطبخ لكيت شاهين

بل شورت و الكيمونه و كاعد يسوي بيض ضحكت على شكله مركز كل قوته

مريم. ههه صباح الخير

شاهين. صباح النور شيهانه لا تضحكين امانه... تعالي اكعدي سويت اكل

مريم. انطيني اني اكمل وانت اكعد

شاهين. لا خليني اريد اشوفج ابداعاتي.. يله كعدي

كعدت على الطاولة لكيته خال جبن و باسطرمه و زلاطه

اباوع على الزلاطه أشكال هندسه مسويها ضحكت على شكلها

مريم. شاهين هذا شمسوي بل زلاطه

شاهين. شسوي هذا الي طلع معاي

مريم. اممم والله زين منك

جان البيض و كعد يمي كعدنه ناكل جان البيض بي ريحه زفر مو طبيعيه بس ما ردت افشله مبين اول مره يطبخ

باوع عليه بلهفه و كال

شاهين. هاا طيب شتكولين

مريم. امم كلش طيب عاشت ايدك

شاهين. بل عافيه

خلصنه ريوك و شلت المواعين و غسلتهن على السريع

خلصت و رحت لبست ملابس و لفيت شالي و كعدت انتظر شاهين

طلع شاهين لابس ملابس الدوام بس نازع القمصله باقي بل تيشيرت الأسود و البنطلون اخذ المسدس و الاسلكي اشرلي معنى يله

نزلنه و صعدنه بل سياره كل الطريق اباوع عليه خطف جان مبين متنرفز و حواجبه معكوده و ضايج

كل شوي يذب حسره و يرجع يستغفر و يمسح على وجهه

وكف السياره و باوع عليه شغل جكاره و خلاها بايده حجه بهمس

شاهين. ما جنت ادري راح توصل هل مواصيل بينه اني اعرف لحد هسه شايله بكلبج عليه... سمسمه هسه اني وأنتِ كل واحد راح يروح بطريق بعد لا اشوف ولا انتِ هم خلي انحط حد للزعل الي بينه واني اتمنى تعذريني و تسامحيني و كلت الج قبل ما جان قصدي سمسمه بحياتي ما نزلت نفسي لشخص بحياتي ما طلبت السماح و هاي اني جدامج جبروتي و شخصيتي و قوتي كلها تختفي يمج

سكت و اخذ رشفه من الجكاره و باوع عليه بمعنى احجي حجيت بتوتر و خوف

مريم. شاهين اني مسامحتك و راح انسى الي صار بينه ما دام انت تعترف بخطئك معناها خلص معد تعيدها لا ويايه ولا ويه غيري.. راح افقدك هواي بحياتي راح انسه الشغلات السلبيه و ابقه اتذكر الشغلات الايجابيه الي سويتهن الي و من ساعدتي و دخلتني لبيتك لو ما انت جان هسه اني الله يعلم وين ... شكرا لكل اشي قدمته الي ما راح انسه فضلك عليه ابد

اندار لوره و طلع علاكه مال هدايه و خلاها بحضني

مريم. شنو هاي

شاهين. هديه مني اعتبريها ذكرى مني الج على مود كل ما تشوفينها تتذكريني

مريم. صدكني ما راح انساك بيوم

شاهين. واني هم راح ابقه اسئل عليج و اتواصل ويه خالج... و هسه لازم نروح على المركز الي اشتغل بي اني

مريم. ليش؟.

شاهين. لا تخافين بس اني كلت لخالج انو هيه اجت ويه النازحين و انطتنه اسمكم و لازم تجون تاخذونها من المركز

مريم. ليش هيج كلت اله

شاهين. شيهانه اني اخذت تقرير مفصل عن خوالج.. خوالج عايشين بمحيط عشائري فا اذا اكوله جانت يمي بل شقه تعرفين تفكيره شلون راح يصير و بل تالي محد يتاذه بس انتِ

مريم. اله تكوله بل شقه كوله جان بيتي يم امي

شاهين. شيهانه لا تستغبين يعني بله اكوله جانت بل بيت أو بل شقه ما راح يفرق شي انتِ ما تعرفين تفكيرهم شنو يا عيني.. اني درست الموضوع زين و كلت اله بل مركز اضبط شي على مود ما يسون شي بيج او لو حتى بس يحجون عليج كبل راح يعيرون بيج واني ادره بعد

هسه عوفيهم معليج اني مضبط الشغله و انزلي يله وصلنا

نزلت ما فهمت شي بس مئمنه بشاهين شيسوي اني امشي وراه

دخلنه للمركز و جان بي هواي ناس و جيش اني خايفه و لابده بضهر شاهين

و شاهين كل شوي واحد يسلم عليه و قسم ياخذون اله تحيه

وصلنه يم غرفه فتحها و دخلنه باوع عليه وكال

شاهين. هذا مكتبي شنو رئيج

مريم. كلش حلوو يخبل

كعدت على الكرسي و هوا كام يخابر و فتح الاسلكي

اكثر شي اكره صوته ما افهم شي من الي يحجونه و صوته يضرب بل راس

بقيت ربع ساعه كاعده و هوا يكتب كل شوي يرفع راسه يباوع عليه و يرجع يكمل

ندك الباب و دخل الحارس ضرب تحيه و كال اله

_ سيدي اكو شخص يريد يشوفك

شاهين. خلي يدخل حبيبي

طلع و دخل رجال جبير لابس ملابس جيش و على كتفه نجوم و سيف

كام شاهين و سلم عليه باوع عليه شاهين و كال

شاهين. هاي بنت اختك مريم

اول مره يصيحني باسمي بقيت مفهيه تقدم الرجال عليه و حضني بقه حاضني واني صافنه شجاي يصير معقوله هذا خالي

زول مني و كال

خالي. شلونج بنتي

مريم. زينه انت خالي لو شنو

خالي. أي بنتي اني خالج ابو سلمان

ابو سلمان. احجي بنتي وين امج أخوج أبوج وين اني اخر مره سمعت انو انتِ امج حامل بيج و انكطعت اخباركم و صكر الله يسلمه ما قبل يحجي الي يكول هاي خصوصيه ما لازم احجي بكيفي

مريم. خالو امي ماتت و اخوي صار داعشي ومات و ابوي قبل لا اجي للدنيا هم مات

اباوع عليه كام يرجف حجه برجفه صوت

ابو سالم. تحجين صدك امج ماتت و أخوج شلون صار داعشي

كمت ابجي و كعدت على الكرسي

مريم. خالو ركض ورا الفلوس غرته الفلوس

ابو سالم. انا لله وانا اليه راجعون.. ميخالف بنتي هاذي الحياه تمشي عكس ما نريد و هسه كومي خلي نروح

مسحت دموعي و كمت وكفت يمه باوع على شاهين و حجه

ابو سالم. مشكور صكر و هاذي وكفتك ما راح انساها بحياتي

شاهين. تدلل حبيبي بل خدمه

بقيت صافنه ليش يكول لشاهين صكر مو هوا اسمو شاهين شنو صكر

بقيت صافنه حسيت احد مسك ايدي فزيت و شفت خالو

رفعت راسي لشاهين لكيته يباوع عليه بنضرات غريبه معرف شنو افسرها

سحبني خالي و طلعنه لوحدت بأيدي لشاهين جان واكف بل باب و يباوع علينه وصلنه نهايه الممر وكف خالو يسلم على واحد باوعت عليه نصدمت و بقيت مفتحه عيوني متفاجه بقيت متصنمه و اباوع

حجيت بتوتر

مريم. فهد؟!

باوع عليه و بقه صافن و مفتح عيونه صاح

فهد.مريومه

حجه هيج و سحبني لحضنه بادلته بقه حاضني شوي و زول حجه بارتباك

فهد.مريومه وين جنتي دورت عليج جثير اني و صالح رحنه للنفق و لكيناه مقصوف كله و كالو كل الي جانو بي ميتين بوكتها صالح تخربط كلش نقهر عليج و طك من خشمه دم دورت عليج بل مخيمات و المستشفيات كلت عسى و لعل الكاج لو حتى اسمج بس اتأكد انتِ عايشه ما لكيت الج اثر اخر شي ستسلمت لأمر الواقع و قتنعت انتِ ميته.. وراها بفتره رحنى اني و صالح على النفق و شعلنه شموع على روحج

مريم. فهد اني عايشه ما متت هههه ليش تريد تموتني كوه

فهد. هههه هسه الحمد لله انتِ عايشه

ابو سلمان. شجاي يصير

مريم. خالو هذا فهد جان مختطف يم داعش و اني ساعدته فا يحسبني ميته و سوا هيج مو قصده ترا بس هوا لان فرحان

فهد. صح سيدي واني اسف على تصرفي بس والله ما جنت متوقع اشوفها مره ثانيه

ابو سلمان. عادي بويه ما صار شي.. بس كولي الي شلون طلعتيهم

مريم. سالفه طويله بعدين احجيها الك خالو

ابو سلمان. يله بويه فهد احنى نترخص مع السلامه عود تعال مره علينه انت و الوالده مشتاكيلكم

فهد. إن شاء الله عمي مع السلامه

نداريت و لوحت لفهد باوعت شاهين يشرب جكاير و يباوع علينه بطارف عين مو عاجبه الوضع شكله

طلعنه من المركز و صعدنه بل سياره و كعدت اسولف لخالو على مواقفي ويه السجناء و شلون جنت اعالجهم و هوا يضحك عليه تصرفاتي و شلون متحمسه بل كلام

ما حجيت اله شلون جان محمد يعاملني و ما جبت طاريه ابد هوا هم ما سئلني

مريم. خالو شيصير الك فهد اشو تكول اله جيب امك

ابو سلمان. ههه يصير ابو صديقي

مريم. اذا ابو صديقك ما تكول اله جيب ابوك علش تكول اله جيب امك هاااا

ضحك اله ما غص حجه و هوا يضحك

ابو سلمان. ولج شنو من لسان عليج ما تكولين من وين جايبته انه لو عندي بنت مثل لسانج 24ساعه مكابلها و ادك فج وياها

مريم. رحم الله والديك خالو سويتني ام لسان

ابو سلمان. و والديج

بقيت اباوع على الطريق لحد ما نمت كعت على خالو يكعدني

باوعت و اكفين يم بيت حلو و جبير نزلت من السياره و خالو فتح الباب و دخلنه

جان البيت هدوء كلش كام يصيح خالي

ابو سلمان. يمهه يمه وينج

طلعت مره عجوز من غرفتها وجها ابيظ كطنه و لابسه اسود زايد جمالها و مكحله عيونها

من شافتني كبل كامت ترحب بيه

_ هله بحفيذتي هله بنت الغاليه

مريم. هلا بيج بيبي

_ يا بعد روحي تعالي خلي احبنج

وكفت يمها كبل سحبتني لحضنها و كامت تبوس بيه و تنعي و تنبجي

ما فهمت شنو تحجي ولا اعرف شنو السالفه اول مره اصادف هيج موقف بحياتي

زولت مني و مسحت دموعها بشيلتها كالت

بيبي. يروحي وين امج

مريم. ماتت

بيبي. والله عرفت سوده بوجهي كلبي جان حاسني

سكتت و مسحت دموعها مسكتني من ايدي و كعدنه على الكنبه و رجعت مره ثانيه تنعي

هب الهوى و تحرك الباب

حسبالي يا يمه جيه الحباب

ثاري الهوى و الباب جذاب

كامت تبجي خلت شيلتها على عيونها اباوع جتافها يتحركون رفعت راسها عليه و كالت

بيبي. يمه امج كسرتني بهزيمتها كسرت ضهري ما أكدر على فراكها كلها نستها و كملت حياتها اله انه بقيت يوميه ابقه كاعده بره انتظر فتحه الباب و تدخل عليه تتحامه بيه تنام بحضني يايمه متي و ما شبعتي مني

دنكن و كمت ابجي وياها صوتها من تنعي تبجي الصخر

بقينه كاعدين و شوي هدت بيبي و كعدت تسئلني و تحجي ويايه سوالف عاديه

نزلن من فوك نسوان و جهال يمكن عرفني كبل اجن سلمن عليه و هم يعرفن اسمي بعد

كعدن مقابيلي و كامت يباوعون عليه من فوك إلى جوه شلون الفحص حجت وحده بيهن

_ انتِ على منو طالعه ما تشبهين امج

مريم. على ابوي

_ وين اهلج اشو بس انتِ بوحدج

ما جاوبتها دنكت ما احب احجي بهذا الموضوع ابد

حجه خالو

ابو سلمان.كافي بتول مو وكته هاي الاسئله

بتول. حبيبي قابل شحجيت اني

ابو سلمان. خلي اعرفج على العائله.. بتول زوجتي و هاي ريم الي بصفها بنتي و هاي ام سيدرا مرت خالج الثاني ما تعرفينه لحد هسه و بناتها تقى و راما

و الولد ان شاء الله تتعرفين عليهم كلهم من يجون و تتعرفين على خالاتج

مريم. إن شاء الله خالو تشرفت بيكم

ابو سلمان. ريم كومي وديها لغرفتها خلي ترتاح

كامت ريم و رحت وراها صعدنه فوك حجت

ريم. شكد عمرج مبينه صغيره

مريم. عمري 16

ريم. يااا اني اول ما شفتج كلت هاي تطلع 12 او 13

مريم. ههه لا مو لهل درجه بعد كم اسبوع و اصير 17

ريم. ماشاء الله العمر كله

مريم. تسلمين.. وأنتِ شكد عمرج

ريم. عمري 21 مرحله اولى جامعه رسبت سنه بل سادس و بل دفرات طلعت اداره و قتصاد

مريم. الله يساعدج يكولون السادس صعب

ريم. ضيم لحد هسه متفاجه من نفسي شلون طلعت منه سلامات

ضحكت على كلامها كلش حلوو وصلنه يم باب غرفه

ريم. هاي غرفتج بابا جهزها الج

مريم. شكرا حبيبتي كلفتكم هواي

ريم لا عادي يله اخذي راحتج

راحت واني دخلت على الغرفه جانت كلش حلوه و بيها اشياء بنات و سرير ابو النفر وردي و ميز و كنتور كله راقي و حلو

ذبيت نفسي على الجربايه اريد بس انام كلش تعبانه

تذكرت العلاكه الي انطاني اياها شاهين

كبل ركضت عليها و فتحتها اجت بخشمي عطره القوي ابو الوراق حاقده على عطره معرف ليش

طلعت منها ملابس طلعه يخبلن كلش واني اكول البارحه خابص نفسه بل محل و يشتري طلع الي كل هذا ، طلعت الملابس باوعت بنهايه العلاكه علبه

طلعتها باوعت عليها كندر ياا ما ناسي اني احب الكندر جايبلي بمكان القطعه علبه كامله كلش فرحت

شلتهن و خليتهم بل كنتور باوعت على الكنتور مليان ملابس طلعه و بيت معقوله هذا كله الي

بحياتي محد شترا الي ملابس مثل هيج بحياتي محد خله الي غرفه خاصه و الأشياء الي احبها

طلعت تراك و لبسته نمت على الفراش احس براحه

و كلش فرحانه حسيت حياتي راح تتغير مبين خوالي يحبوني

---------------------------------------------

عمري خلص البارت اذا عجبكم دوسو على

النجمه

غلسو إذا شفتو اغلاط املائيه لان كتبته بل سياره

اليوم اني يم مينا تسلم عليكم يولو

الي ما يعرف منو مينا بطله قصه (الضابط ذيب)

علوش ابنها يسميني عنونه 😂

فا كبل تذكرت من زمان ما كلت الكم عنونين مالتي

سؤال اليوم، تتوقعون مريم راح تلتقي بشاهين مره اخرى لو بعد معد تشوفه

احبكم عنونين مالتي🤎❕

القَصيدة المو عَلى عيونك حَرامات الحِبر بيها .

الكاتبه :روان عبدالله

--------------------------------------------

كعدت على دكه الباب كمت و فتحته لكيت طفل زغير واكف و بيده خياره و ياكل بيها ضحكت على شكله

مريم. هااا حبيبي شتريد

_ ماما دزتني عليج تكول تعالي اكلي سوينه سمج و تمن احمر

مريم. يمه فدوه تعال خلي ابوسك يروحي انت

.

دنكت بسته و لبست حجابي و نزلنه سوه دخلت المطبخ باوعت كلها كاعده نسوان و زلم الأنظار صارت عليه همست واني ميته خجل

مريم. سلام عليكم

ردو السلام و كام رجال سلم عليه عرفته خالي الثاني

_ هلا بنت الغاليه شلونج ما شاء الله شلون جمال شايله الله يحفظج

مريم. تسلم خالو

اجو الولد و سلمو عليه اشو كلهم حضنوني و بوسوني بقيت صافنه شنو هاي

كعدت يم ريم و كعدو ياكلون كمت اكل بس مستحيه اول مره اجرب هيج شعور كعده و لمه ويه عائله جبيره خلصنه اكل ساعدت البنات بغسل المواعين

كعدنه بل صاله و كمنه نحجي اني والبنات دخل واحد سلم وكعد حجت بتول

بتول. يمه احطلك غده

_ لا يمه تغديت بل دوام بل عافيه

باوع عليه بلستغراب حجت بيبي

بيبي. يمه جعفر هاي بنت عمتك مريم

ضحك و تقدم باتجاهي كمت اشو هذا جرني لحضنه و باسني براسي

تعجبت من طبعهم احسهم فري عادي عدهم يحضني مو كال شاهين مجتمع عشائري و تفكيرهم محدود

اشو دا اشوف العكس

كام خالي و كال

ابو سلمان. يله يمه احنى نتوكل مع السلامه

بيبي. يمه ضلو شوي

ابو سلمان. ان شاء الله بغير وقت

راحو بقه خالو ابو حسين

كعد يمي جعفر و صغر عيونه و حجه

جعفر. شسمج

مريم. اسمي مريم عمري 16

جعفر. العمر كله بعد بيتي مبينه أصغر من عمرج هواي.. خلي اعرفج عليه.. اسمي جعفر شي اكيد تعرفين عمري 27 اشتغل مدرس مدرسه بنات

مريم. الله حلوو كلش.. تدري اتمنى اكمل دراسه مثلك و اتخرج حلمي هذا

جعفر. ترا عادي تكدرين ترجعين بعدج صغيره

مريم. صدك والله يعني عادي

جعفر. أي صف و تركتي المدرسه

مريم. ثالث متوسط

جعفر. أي كلش حلوو... دحكي راح أقدم الج مسائي اجيب الج كتب ثالث و تدرسين بل بيت تنجحين كبل تروحين على السادس

مريم. صدك والله

جعفر. أي هههه شبيج

مريم. اويي حلمي مستحيل مجنت متوقعه راح يتحقق ابد وانت هسه راح تحققه الي شكرا هواي

جعفر. تدللين بس هااا اريدج تنجحين من اول سنه و درجات ترفع الراس و ان شاء الله راح ادرسج

مريم. شكرا هواي ان شاء الله حرفع راسك

بيبي. عفيه بنتي اريدج تدرسن و تعتمدين على نفسج

مريم. إن شاء الله بيبي

بقت احجي ويه بيبي عرفت خالو الصغير ابو حسان عايش يم بيبي و خالو ابو سلمان عايش بيت بوحده

خالو ابو سلمان عنده بنت و اربع ولد

و خالو ابو حسان عنده بنتين و ثلاث ولد

و خالاتي لسه ما تعرفت عليهن لحد هسه

بقيت اسبوع عايشه عيشه حلوه بحياتي ما جنت متوقعه راح اعيش هيج عيشه و دلال خوالي يحبوني كلهم محد اذاني و سمعني كلمه الي يجي يبوسني و يحضني

صرت اكعد ويه الولد يوميه بل ليل انضل نلعب و نسولف سوالفهم تخبل صارت بينه ميانه زفره هما كبل ذبو ويايه ميانه و طبعهم سبورت و يحبون الشقه الثكيل

كمت من فراشي بحماس اليوم جعفر راح يجيب الي كتب ثالث حيل فرحانه

غسلت و جهي و وكفت كدام المرايه باوعت على وجهي و همست

مريم. اليوم راح أبدي حياه جديده بعيدا عن الماضي اليوم راح انسه كلشي اذاني و جرحني و التعب الي تعبته بل ماضي كله راح يبقه مجرد ذكرى بحياتي لا أكثر راح ادرس و اعتمد على نفسي كافي خوف كافي ضعف خلص راح اكون مره قويه بل مجتمع و راح اكون ناجحه

عدلت ملابسي و نزلت جوه لكيت حماده (ابن خالي ابو حسان) كاعد يتريك ركضت عليه و خربطت شعره

حماده. لااا بنت الخوش اوادم صارلي ساعه ابسل بشعري والله كد ما خليت دهن احس بكره لاحسه شعري

مريم. هههههه هوا اني شفته مو حلو و خربته تريد البنات من يشوفنك يضحكن عليك هااا تريد لو لا

حماده. لا ما اريد تعالي حبابه سويلي شعري

مريم. اكولك اكو اختراع اسمه فير شنو سالفتك انتَ

حماده. ما اعرف اله اني همجي تعالي سويلي شعري اليوم اروح على السوك ارقم بنات

مريم. منوو تكلبك وجه الطاوه انت و تسريحتك الملحوسه

حماده. اهوو انتِ حكج تحجين مو شايفه البنات من يجن عليه يا بويه يبوسن اديه يكولن الي بس رقمك شنو من جمال شايل انت

مريم. ايععع بس الي ما عدها ذوق

حماده. ديله هسه تغارين مني اني اعرفج بمكان هل غيره تعالي سويلي شعري

مريم. وره الاكل خلي اكل

حماده. ام كرش

مريم. مو راح ابذل جهد بشعرك هذا المليان دهن شلون يتمشط ما اعرف

حماده. يله انتظرج

تريكت على السريع و لميت المواعين و غسلتهن رحت عليه و لكيته يكلب بل موبايله

اخذت الفير و سويت اله تسريحه الديج ضحكت على شكله

كام على المرايه و كام يركص

حماده. خرب هاي شلون سويتيها تخبل علميني

مديت ايدي على وجه كلت اله

مريم. بوس يله

تفل على أيدي كمت اصيح و اركض وراه مسكت تيشيرت و مسحت ايدي

مريم. اني صوجي والله معد اسوي الك شعرك بسيطه حميدوك اني الك

حماده. وعلي اسف مو قصدي تعالي خلي احبنج يا بعد كلبي سحبني و باسني من خدي قوي

زول من يمي و كال

حماده. سويت الج حجامه بلاش بعد شتريدين

مريم. لاا الله ينعلك خدي أريده

حماده. ديله اليسمع خد الاميره استغفر الله هوا خدج مجسب و مالح يلعب النفس

مريم. ايعععع لعبت نفسي، بعدين احترم نفسك هتو غسلت بس انت تغار مني

حماده. اووييي عيني اووي

كلبة عيوني و غميته و رحت طلعت على الحديقه

لكيت بيبي كاعده بمكانها كل ما اضيعها الكاها هنا

مريم. هاا بيبي شلونج

بيبي. هله يمه صباحچ خير ان شاء الله

مريم. فدوه لكلبج بيبي

كعدت يمها و خليت راسي على رجلينها هيه كبل فتحت شعري و كعدت تلعب بي

مريم. بيبي تحبين شعري

بيبي. حبيبتي الشعر زينه المره وانتِ ما شاء الله تخبلين و شعرج زايدج جمال اني مو بس احب شعرج احبج كلج من شفتج حسيتج قطعه مني حسيت اكو شي بداخلي جان ناقص من لكيتج كتملت

مريم. حبيبتي بيبي ربي يحفظكم بيبي اني عشت حياتي بشلعات كلب من اجيت يمكم يالله رتاحيت

بقيت نايمه على رجل بيبي أجه جعفر و خله الكتب كعدامي

مريم. عااا هذني الكتب الي

جعفر. أي الج

مريم. شكرا كلش ممصدك اني حدرس

جعفر. عفوا. شنو رئيج باجر تروحين ويايه على المدرسه هم تدرسين و هم تاخذين فكره على المواد

بعدين انتِ تكعدين بوحدج تدرسين

مريم. ماشي ليش لا

جعفر. يالله اني رايح على البيت مع السلامه

راح جعفر كومت بيبي و دخلنه بل مطبخ لكيت مرام و مرت خالو سهام جاي يسون غده كعدت اساعدهن و نسولف

خلصنه غده و كعدت ادرس اني فاهمه اغلب المواد لان دارستهن قبل

ندك الباب و دخل عليه خالو حجه

ابو سلمان. عندج شي بنتي

مريم. لا خالو ما عندي شي

ابو سلمان. اجه صالح و فهد يردون يشوفونج

مريم. صدك خالو

ابو سلمان. أي حطي شي على راسج و تعالي

طلع خالو و اني كبل كمت لبست حجاب باوعت على تراكي مستور عادي مبي شي

طلعت واني ميته فرح وصلت يم الاستقبال دكيت الباب و دخلت سلمت

كام صالح و حضني بادلته حجه

صالح. شلونج بنتي زينه

مريم. عمو كلش زينه مشتاقه الك

صالح. واني هم يا بعد عمج حسبناج ميته

مريم. ههه اي كالي فهد

صالح. الحمدالله والشكر على السلامه

مريم. الله يسلمك

بتعدت من صالح تقدم فهد و سحبني لحضني همس

فهد. مشتاگلج

زولت منه واني مصدومه باوعت على عمو صالح مبتسم كبل دنك

باوعت على خالو شكله ضايج بس لا سمع إله اروح بل رجلين حجيت بتوتر

مريم. عن اذنك خالو حروح ادرس

ابو سلمان. اخذي راحتج بنتي

طلعت من الاستقبال واني مصدومه من الي دا يصير شنو هل جرئه يكول الي هيج عصبت كلش ثاني مره يحضني و يتماده واني ساكته بعد معد اسكت اله ولاي شخص يتماده بحقي

دخلت لغرفتي و تمددت على السرير باوعت على السقف ما اعرف ليش تذكرت شاهين و سوالفه

شتاكيت لكلمه سمسمه و شيهانه شتاكيت لطريقه لكلامه الغريبه و لعطره الي حاقده عليه

كمت و طلعت الملابس و خليتهن كدامي ذبيت حسره و رجعت دخلتهن

كمت و نزلت سويت عشه اجه خالو كعد على الطاوله و بقه يباوع عليه حجيت بتوتر

مريم. خالو راحو لو لسه

ابو سلمان. بينج و بين فهد شي

تركت السكين من ايدي و احس رجليه كامن يرجفن

حجيت برجفه

مريم. لا خالو والله العظيم ما عندي شي وياه ابد

ابو سلمان. جا ليش يحضنج... ستغفر الله اني اعرف انج مالج شغل بس بعد معد تطلعين اله لو حتى يجي اكول اله مو هين اريد اشوف إلى وين يريد يوصل

مريم. خالو انت مصدكني مو

ابو سلمان.. أي مصدكج معليج بي هوا تجاوز حدوده اني اله

مريم. خالو لا تسوي مشاكل هاي هيه اخر مره اطلع اله و اني طلعت لخاطر عمو صالح.. وما اريد علاقتكم تخرب بسببي

هز راسه و راح بقيت مصدومه و فكره تجيبني و فكره توديني احس دخت كملت العشه و رحت على الغرفه كبل نمت بدون تفكير

كعدت الصبح بتسمت اليوم اروح على المدرسه يعني بدايه جديده و حياه جديده بعيده عن الماضي و قرفه

كمت و بدلت ملابس مدرسه باوعت على نفسي بل مرايه صارلي شكد ما لابسه هذني الملابس

دزيت نفسي بوسه و شلت الجنطه و نزلت

صبحت عليهم كلهم كاعدين كل واحد يريد يروح لدوامه

شفت جعفر كاعد يتريك كعدت يمه و همست

مريم. جعفر يمته نروح

جعفر. هسه اكلي شي على مود ما تدوخين

مريم. أي

رفعت راسي لكيت الكل يباوع النه بنظره غريبه

ستغربت من تصرفهم معا انو جان صوتي ينسمع و ما كلت شي غلط ولا تجاوزت حدودي

شربت جاي واكلت كيكه و كمت اني و جعفر

صعدنه بل سياره مالته كام جعفر يسئلني شدرست و وين وصلت بل مواد

وصلنه على المدرسه و نزلنه جنت متوتره و خايفه بنفس الوقت اخذني جعفر للصف و كعدت برحله

و هوا راح للإدارة

بقن البنات يتعرفون عليه و يسئلن جعفر شيصير مني

دك الجرص يعلن بدايه دوام جديد

بدو المدرسين يدخلون علينه و يشرحون النه نص الدروس فهمتها و نص لا، لأن جانو متقدمين بل مواد

دخل جعفر و بده يدرسنه كل شوي يجي يسئلني اذا فهمت لو لا

خلصنه الدروس صعدنه بل سياره كعدنه نحجي اني و جعفر و يسئلني اذا فهمت

مريم. جعفر ما فهمت لان متقدمين هواي بل مواد

جعفر. صدك اني ما ناوي ادخلج مدرسه جبتج اليوم على مود يصير الج حافز و تدرسين لان صار الج فتره تاركه

بقينه نحجي فجئه جعفر سحب بريك نركع راسي بل جام ختل توازني

مسك راسي جعفر و صاح

جعفر بيج شي

مريم.. لا ما بيه شي زينه

كلت هيج و هوا نزل من السياره باوعت على سياره واكف كدامنه بل عرض الله لطف بينه و ما صار حادث جان رحنه بيها

جعفر كام يصيح و يحجي نفتح الباب و نزل شخص

بقيت صافنه و مفتحه يعيوني معقوله الي دا اشوف حلم لو صحيح حجيت بتوتر و خوف

مريم......

__________________________________

عمري خلص البارت اذا عجبكم دوسو على النجمه

ادري البارت قصير اسفه اليوم جنت بعرس

فا راح تنصدمون اذا اكول الكم منو العريس لان تعرفونه كلش زين

فا تعالو على التلي خلي نحجي و نسهر سوه اريد احجي الكم التفاصيل كلها و اتعرف عليكم و انصير صديقات و هاي و يمكن انزل الكم اشياء تخص الابطال و اغششكم شوي

سوو تعالو على التلي ادخلو خاص و راح ابعث الكم الرابط مال الكروب لان هنا ما يصير

سؤال. منو تتوقعون ابو السياره

قل للباحثين عَن عيُوبك فما

البدرُ فِي نقصانهِ إلا هلالُ.

الكاتبه :روان آل عبدالله

گبل لا تبدون علقو بين الفقرات + متابعه

~~~~~~~~~~~~~~~~~~~~~~~~

نفتح الباب و نزل شخص

بقيت صافنه و مفتحه يعيوني معقوله الي دا اشوف حلم لو صحيح حجيت بتوتر و خوف

مريم. شاهين

جعفر صار عصبي و كام يصيح و يحجي عليه لان عرض حياتنه للخطر

اباوع على شاهين و أكف و يدخن بكل برود و يباوع على جفعر

جعفر سكت و ستند على السياره حجه شاهين برود

شاهين. كملت

جعفر. كل عقلك تحجي ولك جان موتتنه و جاي عليه بكل برود و تصنع تكول كملت هسه اذا شتكيت، عليك اخليهم يطيحون حضك

مسك جاكيته و طلع ورقه منه خلاها بأيد جعفر و حجه

شاهين. هذا رقمي و اسمي و شتريد تسوي سوي ما يهم

باوع عليه خزرني و صعد بل سياره شخطها و راح

صعد جعفر و هوا معصب ضل يحجي على شاهين

خليت راسي على الجام غمضت عيوني و اريد تروح نظراته من بالي نطبعت عيونه الصفر الشمس عاكسه على عيونه و خزرته صارت شلون الشريط كل شوي تنعاد عليه

حسيت السياره وكفت رفعت راسي نزل جعفر واني اخذت الجنطه مالتي و نزلت

دخلت للصاله لكيت بيبي كاعده بستها و رحت على غرفتي

ندك باب غرفتي دخل جعفر

كعد يمي على السرير كال

جعفر. تاذيتي

مريم. لا مبيه شي

جعفر.. اسف اليوم عصبت حيل و صارت بوجهج

مريم. لا عادي حكك بس هذا منو تعرفه؟!

جعفر. لا والله اول مره اشوفه بس سئلت عليه طلع ضابط معروف و يخوف الصراحه

مريم. مو زين ما سوه بيك شي مبين يخوف وانت ابد ما قصرت

جعفر. ههههه والله متعجب لحد هسه ما سجني من صدك طلع يخوف

مريم. دير بالك جعفر مو كل مره تسلم الجره تحكم بردات فعلك لا تضل عصبي محد راح يكع بيها غيرك بل اخير

جعفر. ان شاءالله تدللين.. يا الله اني اروح بس جيت تا اطمن عليج شفت وجهج نخطف لونه

مريم. مبيه شي شكرا الك

جعفر. مسلم عليكم

مريم. الله وياك

راح واني ذبيت روحي على الجربايه و كعدت افكر ليش هيج سوه شاهين مستحيل تكون صدفه ابد هوا متعمد و خزرته موضوع اخر... بس اني ما سويت شي غلط... افف بس هوا كال بعد ما راح تشوفيني يعني مو متعمد صارت صدفه

تعبني التفكير المفرط كل شوي تجي بالي فكره شكل

كمت من الجربايه و نفضت الأفكار من راسي، احس دخت كد ما دخلت المواضيع ويه بعضها

دخلت سبحت احس رتاحيت شوي و هديت

بدلت و نزلت تغديت غسلت المواعين و كعدت بل صاله اشرب جاي

ستمرت حياتي عادي بديت ادرس و جعفر قدم الي على المسائي صار وقتي كله دراسه

ما لحكت بمتحانت نصف السنه و كلش نقهرت خفت لا ما ادخل وزاري بس جعفر طمني و كال الدخول شامل رجعت فرحتي و زداد الحافز الي بداخلي

صرت كل فتره اتذكر لشاهين و اشتاك لسوالف كل ما اتذكره اطلع الملابس و اكعد اشم عطره الكريه

معرف ليش هيج اتصرف ما اريد اعترف اني حبيته و كل ما اشتاقله اكول ليش هوا من ضمن كل الأشخاص الي قابلتهم بحياتي حبيته ليش بس هوا الي گلبي انجذب اله

كل ما افكر بي و اشتاك اله عقلي يحاول ينفي هاي الأفكار و ابتعد عنه و اكول هسه هوا نساني او يمكن تزوج حبيبته ما اريد افكر بيه لان هوا ناسيني و مو مهتم الي اصلا

الأفكار المتناقضه تعبتني كل شوي برئي

نزلت جوه لكيتهم كاعدين بل صاله كعدت يم بيبي بس احس الانظار كلها عليه تعجبت من نضراتهم الغريبه مو من عوايدهم يباوعون عليه بهيج نظره

حجه خالو بتردد

ابو حسان. شلونج بنتي شلون الدراسه

مريم. الحمد الله خالو زينه كلش

ابو حسان. اليوم اجه واحد و تقدم الج يريد يخطبج بس كال ما اجيب الاهل اله احصل موافقه

مريم. صدك خالو بس اني ما مستعده للزواج بعدني صغيره اريد اكمل دراسه يالله افكر اتزوج

ابو حسان. اعرف بنتي و احنى هم ما نظغط عليج و نعرف بعندج صغيره بس الولد ما يتعوض ابد خوش رجال و كامل مكمل من كل الجهات و الكمال لله

مريم. خالو لو حتى ابن وزير ما اريد اتزوج اني

ابو سلمان. شنو خما هيه لعبه جاي اكولج الولد ما يتعوض ابد ما تفهمين انتِ

نزلت دموعي من كام يصيح عليه حسيت بين وجههم الحقيقي لهل درجه اني ثكيله عليهم بحيث اول واحد تقدم الي كبل أنطوني اله

مريم بجي. خالو باجر امتحاني ليش هيج جاي تضلموني والله ما اريد اتزوج بعدني صغيره

حماده. صح بويه عوفها على راحتها اشو اخواتي شكد يجيهن قسمه تكول بعدهن صغار رغم هنه اكبر من مريم بهواي

ابو سلمان. لا تدخل انت و اطلع منها بنت اختي و اعرف بمصلحتها اني

مريم. خالو الله يخليك ما اريد

ابو سلمان. هاي هيه نهايه الكلام فكري و ردي خبر و اذا وافقتي او لا اني موافق و تتزوجين يعني تتزوجين هذا الرجال و بكيفي بعد

كمت و رحت على غرفتي ذبيت نفسي على الجربايه و كمت ابجي بصوت عالي

معقوله الي ما عنده اهل هيج ينذل ليش هيج مو كلت حياتي تعدلت و صارت حلوه مو كلت بعد ماكو تعب و حزن ليش هيج كضيت عمري بشلعان كلب

مريم. ربي والله بعدني صغيره و اختبارك صعب ربي انت ارحم الراحمين ارحم عليه و اعطف على حالي والله تعبت من كل شي لا عندي أهل لا عندي سند بل حياه احس روحي مشرده بس بغير صيغه

كمت ابجي و اشكي لربي احس ما عندي غيره ما لكيت ارحم منه عليه

نمت واني الحزن مخيم عليه من جميع الجهات

فزيت على دكه المنبه طفيته باوعت على الساعه 5 الفجر

كمت بقوه و نشاط وكفت كدام المرايه و حجيت

مريم. اليوم اول امتحان الي ما لازم اخلي هيج اشياء تافهه تأثر عليه ولا على مستقبلي لازم اكون قويه و احارب لجل حلمي، اصبرلي انت الي خطبتني اله اشوفك عذاب جهنم واني مو اسمي مريم راح اخليت تتمنه ما خطبتني ولا فكرت تخطبني بحياتك

ضحكت و دزيت لنفسي بوسه و رحت غسلت و صليت كعدت اراجع بل ماده حفضتها اكثر من اسمي

خلصت مراجعه و باوعت على الساعه 6:30 كمت و بدلت ملابس مدرسه و لبست شالي و شلت الجنطه و نزلت جوا

لكيتهم جاي يتريكون صبحت عليهم من وره خشمي و كعدت اتريك حجه خالي

ابو حسان. هااا شنو قررتي

مريم. على شنو؟!

ابو حسان.لا تستغبين على الخطبه غيرتي رئيج

مريم. تووو ما موافقه ولا راح أوافق

ابو حسان. خلص.. بويه أنطوني موبايلي

فرحت كلش كلت يا الله فرجت

اخذ موبايله و كام يخابر كمت اباوع عليه بلهفه انتظره يكول ما موافقين

حجه خالو بصوت عالي و هوا يباوع عليه

ابو حسان. حبيبي احنى موافقين و البنت هم تعالو يمته ما تردون و اذا تجون باجر احسن، انسويها خطبه رسميه و وراها نكطع مهر

بقيت مفتحه عيوني و صافنه علي شيكوا هذا

مريم. اني ما موافقه ليش هيج

سد الخط و صاح

ابو حسان. بعد قررنه و ردينه الموافقه و ديري بالج بعد تكولين ما موافقه وحق هذا الله ادفنج انتِ و عايشه و محد يدري بيج

مريم. الله بنعلكم يا متخلفين شنو ذنبي اني ما اريد اتزوج هيه كوه

كلت هيج و كمت اخذت جنطتي لبست حذائي و طلعت كمت ابجي بل طريق ما كدرت الزم دموعي احس انهاريت كلش يحددون موتي كدام عيوني واني ما بيدي شي

ضليت مدنكه و ابجي حسيت سياره وكفت كدامي.

رفعت راسي عيوني مغوشه من الدموع مسحت عيوني بحركه سريعه و انصدمت من الي شفته هذا شجابه

تقدم عليه و حجه بخوف و وجه ما يتفسر

شاهين. شبيج سمسمه

مريم. شاهين شجابك هنا.

شاهين. مو وكتو هل سؤال احجي منو مئذيج سمسمتي والله اله أشعل والديه

مريم. مبيه شي روح الله عليك لا تسوي الي مشاكل ما ناقصه اني

شاهين. افااا ما عاش الي يسوي الج مشاكل ما اروح من هين اذا ما تحجين الي كل شي

مريم. ما أكدر هيه كوه شاهين روح مني وراي امتحان و ما اريد اتاخر

ما سمع مني جرني من ايدي للسياره كمت اصيح

مريم. عوفنيييي ماااااماااا عوف ايددي شاهين معليككك بيههه مااا اريددد احججي الككك هيه كوههه

فتح الباب الخلفي و ذبني بداخل السياره

صعد و كام يسوق بقوه دخلنه بفرع فارغ نزل و  فتح الباب الخلفي من الجهه الاخرى و صعد

شعل جكاره و همس

شاهين. شبيج احجيلي

مريم. خايفهه شاهين

شاهين. ما عاش الي يخوفج بس كولي الي منو اذاج والله اله ارجعه لبطن امه

مريم. ما اريد اسبب الك مشاكل

شاهين. شيهانه انتِ كل حياتي و دنيتي اي شي يئذيج يئذيني اي شي يمسج يمسني شيهانه تخيلي وصلت مرحله اذا بيج شي كبل احس بيج ابقه طول الوقت ضايج و مكتئب و كلبي يكوم يوجعني البارحه صار بيه هيج كل اليل ما نمته انتظر جيه الضوه على مود اجي و اشوفج حسيت بيج شي و فعلٍ احساسي بمحله.. احجيلي يا بعد كلشي حلو بل دنيه و لا تعبيني اكثر من هيج

مريم. شاهين انت الوحيد الي تفهمني فدوه ساعدني راح احجي الك كل شي الك بس ما أريدك تسوي مشاكل

شاهين. خلص الي تردي يصير انتِ بس احجي

مريم. شاهين خوالي غصبوني و يردون يزوجوني لواحد ما اعرفه ولا شايفته بحياتي... واني ما اريد اتزوج فدوه ساعدني حباب او احجي ويه خالي بلكت يغير رئيه

شاهين. كلتي خطبج مو

مريم. أي وخالي هتو خابره و انطاه الموافقه و باجر يجون يمشون عليه و يطلبوني رسمي

باوعت على ايديه كامن يرجفن اخذ رشفه من الجكاره و همس

شاهين. محلوله اعتبريها، انسي السالفه ولا تشيلين هم خلص خربت الخطبه و كلشي رجع إلى وضعه الطبيعي

مريم. صدك شاهين شلون هيج

شاهمي. معليج اني اتصرف انتِ الج الصافي

مريم. شكرا شاهين لو ما انت اني اضيع هواي ساعدتني و قدمت الي كلشي جد شكرا

مسك ايدي و كال

شاهين. تدللين جم سمسمه عدنه و هسه يله مسحي دموعج عيونج حلوات بل دموع واني رجال صايم و مصلي واخاف الله

مريم. هههه اوكي اريد اروح على المدرسه تأخرت

شاهين. هسه اوصلج بدقيقه

مريم. لا حباب ابن خالي بل مدرسه واذا شافني وياك  راح تصير الي مشكله... مع السلامه شاهينوو

نزلت و لوحت بأيد بقه يباوع الي، ما تحرك ابد

كمت امشي على السريع لان تأخرت

احس اكو شي جان على كلبي و شلون الهم و نزاح كلام شاهين طمني حسيت من صدك عندي سند بل حياه بتسمت و اني اتذكر كل الكلام الي دار بيني و بينه

احس الإعجاب الي بكلبي زداد أضعاف و من مسك ايدي حسيت دكات كلبي ارتفعت بتسمت بخجل و اني اتذكر الموقف

وصلت للمدرسه و راجعت شوي دخلنه للقاعه واني متوتره كلش احس روحي ضايعه و نسيت كل شي

كمت أقره آيات اجت الاسئله و غمضت عيوني و سميت بسم الله فتحت عيوني باوعت عليها سهله حيل بتسمت و كعدت احل خلصت و سلمت الدفتر طلعت واني فرحانه.

شفت جعفر يفتر رحت عليه

جعفر. هااا بشري شلونها الاسئله

مريم. كلش سهله و جاوبت على كل شي

جعفر. عفيه شدي حيلج للامتحانات الجايه اريد تجاوبين فول

مريم. إن شاء الله... اني حروح على البيت

جعفر. الله وياج هتو تا اكول الج لا تنتظريني لان راح أطول

مريم. اوكي باي

طلعت من المدرسه و كمت امشي بل شارع و افكر بشاهين حتل تفكيري و عقلي ضل يتردد كلامه من يكول احس بيج، لكيت بي عاطفه احسه ابوي معا انو مو شايفه ابوي بحياتي ولا سمعانه منه كلمه بس احسه عوضني وكفته احسها وكفه ابو لبنته، محد عطف عليه بكده حسيته نزل من السمه عليه صح هوا بعيد بس احسه قريب عليه أقرب من الوريد

بقيت امشي حسيت احد وكف كدامي

رفعت راسي و شفته شاهين باوع عليه و ميل راسه و خله ايده على رقبته كال بهمس

شاهين. تعالي اصعدي خلي احجي وياج

صعدت بدون تردد صعد هوا و شغل السياره باوع عليه من المرايه كال

شاهين. نزلي و صعدي من چدام

مريم. تووو اريد هنا

شاهين. ههه لا تكول تووو مو حلوه

مريم. تووو كيفي

شاهين. وتالي شكد عنوديه انتِ

مريم. هاي شبيك شاهينوو شكلت اني

شاهين. ولج شنو شاهينوو أخوج الصغير اني و ما ادري

مريم. اففف تعبت من الحجي هسه كول شتريد تكول الي

شاهين. اوي عيني البرنسيسة ما تتحمل تحجي چثير هفو عليها لا يغمه عليها

مريم. هاي شبيج ليش تصنف عليه

شاهين. شعندي غيرج سمسمه، هاج هاذي

طلع من جيبه علبه كندر و خلاها كدامي

مريم. اووييي شكرا شاهين والله بس انت الي تفهمني

شاهين. منو يكدر يفهمج غيري الي يفهمج اله اشكه

شيهانه انتِ لغز و محد يكدر يحله بس اني

مريم. شنو هاي شجاي تحجي مجاي افهم شي

شاهين. خرب مو اكول فاهيه و محد يصدك.. احسن سمسمه لا تفهمين احسن الج

مريم. امممم

وكف السياره و اجه كعد يمي رفعت راسي اله همس كوه سمعته

شاهين. لا تاكلين ككو هسه يصير د **خر بلساني الزفر

مريم. شاهين شيصير هااا

شاهين. غلسي معليج هسه نرجع لموضوعنا... اعتبري الخطوبه تفلكشت و ما صار شي و خوالج بعد ما يفتحون الموضوع وياج

مريم. شلون كدرت تقنعهم

شاهين. ما سويت شي مجرد سويت الهم جره اذن على مود محد يدنه على الأشياء الخاصه بصكر

مريم. منو صكر بس لا انت و شنو هاي الاشياء الخاصه

شاهين. أي اني لقبي صكر، هيج اشياء احبها معليج بيها

مريم. اففف لا تكول الي معليج ما احب هاي الكلمه

شاهين. حاظر بعد شتريدين سمسمتي انتِ تفصلين و احنه نلبس

مريم. شاهين

شاهين. هاا ياا بعد معلاكي

مريم. هههه، شكرا الك على كل اشي سويته الي انت قدمت الي اشياء اهلي بنفسهم ما كدرو يسووها الي و من ماتو ما لكيت احد يعطف عليه غيرك

شاهين. شيهانه ما بينه شكرا و هذا اقل شي أكدر أقدمه الج

رفعت راسي و اجت عيني بعينه جان خال رجل على رجل و يدخن، تجرئت و حجيت بهمس

مريم. شاهين شتاگيت الك هواي

ذي الجگاره و تقدم عليه كعد يمي و خله ايده جوه رجلي و الايد الاخرى وره ضهري و رفعني و خلاني بحضنه

ستحيت حيل و خليت راسي بصدره

اخذ ايدي و شمها ذب حسره جبيره و همس

شاهين. سمسمه احبج

----------------------------------------

خلص البارت اذا عجبكم دوسو على النجمه

سؤال منو تتوقعون خطب مريم

السؤال الثاني. شنو تتوقعون رد فعل مريم بعد اعتراف شاهين

ضيفو حساب صديقتي كاتبه كلش حلوه قصصها

هذا حسابها Basrawiyah

احبكم عنونين مالتي 🤎

اعاتب روحي مدري شلون ردتك

وانه عاگولي اترف من وردتك

الكاتبه :روان آل عبدالله

________________________________

شاهين. سمسمه احبج

رفعت راسي و اجت عيني بعينه، ماكو شي يفصلنه نفسي صار يخالط انفاسه

صفنت بعيونه هوا مركز على تفاصيل وجهي حجيت بتوتر و خجل

مريم. شاهين شجاي تحجي

شاهين. شيهانه اسمعيني... تعلقت بيج لدرجه اكعد بل ليل مخنوك احس، بيج شي اصلي الج و ادعي ربي يحفظج ادعي خوالج ما يئذونج و يستقلونج واني ما موجود... البارحه بل ليل ما شافت عيني نوم كضيتها كاعد على السجاده و اصلي الج و اختم أجزاء و أهديها الج... سمسمه حبيني اذا رفضتيني راح اموت ما أكدر اعيش بدونج تعلقت بيج شلون الطفل و تعلق بامه

كام يتنفس سريع و نفسه يضرب بوجهي تا احجي و سكتني

خله شفته على شفتي بقيت مفتحه يعيوني بصدمه هوا ما تجرء يبوسني كبل زول مني

دنكت راسي بتوتر و كلت

مريم. شاهين عوفني

شاهين. كل عقلج بكل بساطه تريدين اعوفج والله احبج ولج جاي اكول احبج شنو ما تفهمين شنو حب و انتِ بكل بساطه جاي تكولين عوفني

دنكت و كمت ابجي بحركه سريعه ذبيت روحي بحضنه و حضنته من صدره بادلني الحضن و ضمني حيل حسيت ضلوعي راح تنكسر

خليت شفتي يم اذنه و همست

مريم. شاهين... اني هم احبك

بعدني من حضنه و صفن بوجهي حجه

شاهين. عيدي شكلتي

مريم. احبك

شاهين. شكد تمنيت اسمع هاي الكلمه من اثمج (حلكج) والله حقق امنيتي مجنت متوقع بيوم راح تبادليني هذا الشعور

كعدت بصفه و اني ميته خجل كمت ابجي من الفشله

مسك ايدي و حجه بنبره خوف

شاهين. شبيج ليش تبجين هاا

مريم. شاهين خايفه لا تعوفني جنت اكول المشاعر الي بداخلي مجرد إعجاب فقط لا أكثر بس اكو شي بداخلي دفعني انو اعترف الك و خايفه بعد ما حجيت الك الجنت ضامته بكلبي راح تعوفني و تروح خايفه لا اجرب شعور فقدان الاهل مره ثانيه لان انت بل نسبه الي صرت اهلي و كلشي بحياتي ما عندي غيرك شاهين

عصر ايي و حجه بهمس

شاهين. مريومه رفعي راسج

رفعت راسي و باوعت عليه بتردد

شاهين. صدكي بحياتي ما راح اعوفج مجرد فكرت بيها ختنكت ولج شلون واحد يعوف روحه وأنتِ روحي شيهانه ما يفرقنه اني وياج شي واحد بس

مريم. شنو؟

شاهين. الموت

شهكت و بحركه سريعه خليت ايدي على حلكه

مريم. لا تجيب طاريه فدوه الموت اخذ مني اعزاز هواي ما اريد اخسرك و ينكسر ضهري مره ثانيه...

شاهين من ماتو اهلي لكيت شخص يسندني و يعطف عليه بس انت اذا عفتني منو الي... اذا تحبني من صدك لا تجيب طاري الموت مره ثانيه

شاهين. خلص بويه انتِ بس سكتي كافي بجي مو كلت الج عيونج حلوات واني رجال صايم و مصلي

ضربت بخفه و كلت

مريم. يااا كافي حباب

شاهين. هههه.. نزلي صعدي من چدام خلي اوصلج على البيت

مريم. لاا حباب ما اريد هسه يشوفوني خوالي و تصير مشكله الي

شاهين. والله ذبحتني بهل خوال محد يكدر يسوي الج شي شبيج

مريم. لاا حباب اني حروح والله اذا شافني خالي راح تصير مشكله الي و الك

شاهين. شيهانه بطلي سوالف جهال كلت اوصلج

مريم. واذا شافنه احد

شاهين. محد يشوفج اوصلج بنهايه الفرع و بعدي لو حتى يشوفونه اني ما خايف ابد

مريم. افف شاهين

شاهين. خلص حبيبي يله نزلي خلي نصعد و نتوكل

صعدت من كدام و حرك السياره ربط الموبايل بل سيارة و شغل كا العاده (احلى صبيه)

و اندمج وياها كلش كاعد يغني و اني اضحك عليه سحب ايدي و خلاها بايده اباوع على أيدي ضاعت كد ما ايده جبيره

كل شوي يرفع ايدي و يبوسها... باوع عليه و نصه الاغاني همس

شاهين. يمته تصيرين الي وعلي و هذا الله شاهد عليه اله ادللج دلال ما صاير اعوضج عن كل الاحزان الي شفتيها بل ماضي اصير الج ابو و اخو و صديق و كلشي تردي نعيش اني وياج بسعاده و ما ندنه حول احد بس شاهين و مريم فقط

مريم. إن شاء الله حبيبي بس مو هسه احس روحي بعدني ما مستعده أخوض هيج تجربه بعدني صغيره

شاهين. على راحتج انتظرج العمر كله يا بعد معلاكي شعندي غيرج يولي احبل اجيب

مريم. هههه فدوه لكلب حبيبي واني هم ما عندي غيرك

شاهين. شو كولي حبيبي مره اخرى

مريم. ههههه مااا

شاهين. الله عليج و انطيج كندر

مريم. صدك

شاهين. أي صدك

مريم. احلف

شاهين. والله يله مو مطيتي طحالي لو كايل الج غير شي شتسوين ههه

مريم. اوكي خلص. حبيبي احبك

شاهين. اويلي ثنين فرد مره

مريم. هههه

شاهين. اروح فدوه لهل ضحكه ادفع نص عمري على مود اسمعها

مريم. اسم الله حبيبي ان شاء الله طول العمر تسمعها

وصلني لنهايه الفرع تا انزل سحبني و باسني من خدي بقوه

زولت منه واني افرك بخدي بانزعاج

مريم. شنو هاي شاهين

شاهين. سويت الج حجامه طبيعيه

ضربته بخفه و حجيت

مريم. كريه انت و عطرك ابو الاوراق

شاهين. جاي احسج حاقده على عطري

مريم. كلش حاقده عليه

نزلت و اخذت الجنطه من ورا وكفت من جهته طلع كندر من جيبه و خلاه بأيدي

شاهين. وعلي اشبعج كندر شعني غيرج

مريم. شكرا حبيبي

كلت هيج و شمرتله بوسه بل هوا صحت

مريم. بوسه عطوانيه الك بيبي

شاهين. سود الله وجهج انتِ و البيب مالتج

عيبت عليه و رحت اتمشه على البيت

دخلت و لكيت بيبي كاعد بل حديقه

مريم. هلوو بيبي شلونج

بيبي. هلا

كالت هيج و هيه خازرتني توترت حيل و كبل دخلت جوا

صعدت لغرفتي و بقيت ادرس للعصر خلصت الماده

و نزلت جوه جوعانه دخلت للمطبخ اخذت صحن و خليت اكل

رحت كعدت بل طاوله مال الاستقبال لكيت كلها كاعد

ناس نايمه و ناس تشرب جاي ناس تلعب بل موبايل

خلصت اكلي و غسلت صحني و كعدت وياهم حجه خالي

ابو سلمان. مريم الخطوبه مالتج خربت

مريم. صدك خالو ليش

ابو سلمان. مو انتِ ما تردين

مريم. أي والله خالو ما اريد اتزوج

ابو سلمان. اذن خلص هاي هيه انسي الموضوع

مريم. شكرا خالو

هز راسه بس مبين ما عاجبهم الوضع حتى بيبي بس تعجبت من الموضوع مو جانو مصرين شعجب بهيج بساطه نهو الموضوع

كبل اتذكرت كلام شاهين من كال الخطبه خربت زين شلون سمعو كلام شاهين و ليش هيج احسهم ضايجين من خربت الخطبه

الوضع جان كلش متوتر و نضراتهم جانت ابد مو مريحه، اكتشفت بهاي العائله اشياء كلش غريبه احسهم غامضين و وضعهم ابد مو طبيعي

فزيت على احد يضرب بكتفي رفعت راسي و باوعت عليه حماده

مريم. هاا خير انوب اني ناقصه وكملت

حماده. هاي شبيج عيني ترا اني مهدوم كتير و البنات يحبوني كتير

مريم. ديله على كيفك فكك لا يوكع

حماده. وش دا الكلام ليش جاي تتنمرين عليه حبيني يولي اني اموت عليج

مريم. دولي كل ما تشوف بنيه تكول الها هذا الكلام... و بعدي شنو من لهجه هاي تحجي سعودي و لبناني و عراقي و كلهن ما ظابطهن تخوط بصف الاستكان

حماده. هاي شبيج اكلتيني و شربتيني موش لسان دلاله يععع

مريم. وخر من يمي ما الي خلك ابو تسريحه الديج ابو دهن المجسب هههه

حماده. تروحين فدوه لتسريحه الديج مالتي.

كال هيج و هز جتف

مريم. حرفيا مو صاحي انت دولي روح شوف منو لاعب بل عدادات مالتك خلي يرجعك لطبيعتك

حماده. دولي تموتين عليه بس اعرفج تكابرين انتن البنات كلجن هيج

مريم. لو تضل اخر واحد بل دنيه ما احبك يعععع عاد هاذي الضلت

حماده. اسمعي كلتي احبك عاااا

كال هيج و كام يركص متت ضحك على سوالفه اعرفه يتشاقه يريد يضحكني شافني ضايجه

دخل خالو ابو حسان و سلم

هوا كبل كعد يمي و سوه روحه فقير همست

مريم. كره عينك اي والله لو زلمه جان بقيت تركص مو خفت من ابوك

حماده. دولي هذا مو خوف احترام يل ما تفهمين و بعدين الزلمه ما ينقاس بهيج اقول الزلمه بافعاله

مريم. أي وينها أفعالك و وينه الاحترام اني ما جاي اشوفه

حماده. مو يمج اظهر افعالي اخاف لا تحسديني ههه

مريم. دول والله عاطل انت

كمت منه تا اريد اروح على غرفتي صاحني خالو

ابو حسان. تعالي اكعدي يمي اريد احجي وياج

خفت حيل منه جان مبين معصب حجيت بتوتر

مريم. هاا خالو

ابو حسان. تعالي اكعدي يمي

رحت، كعدت واني متوتره حيل

طلع علاكه و خلاها كدامي كلي فتحيها

مريم. شنو هاي

ابو حسان. فتحيهه هسه

فتحت العلاكه لكيت بيها كرتون باوعت عليه رسمه موبايل

فتحت عيوني بصدمه و كلت

مريم. موبايل؟!

ابو حسان. أي هذا الج

مريم. شكرا الك خالو بس ماله داعي والله

قاطع حديثنه صوت بتول العالي و هيه تكول

بتول. أي عيني حضوض ناس تتهنه و ناس تتمنه موبايل ارقه موديل بل حلم ما أكدر اشتري و غرفه لو اشتغل طول عمري ما راح الكه مثلها و ملابس كلها ماركه من وين جاي تصرفون عليها اني الي اعرفه انتو حافين منتفين لوما ابوك بنه هذا البيت جان هسه انتو تنامون بل شارع من وين الكم كل هذي الفلوس

ريم. اشو بس تجيبون لمريم و اني اكول الكم جيبو الي جربايه ما عندي تكومون تبجون فوكي و تكولين ما عدنه، الراتب دوبه مكفي المعيشه نامي على الكاع و من جت ست الحسن كلشي الها

بقيت صافنه و هنه كامن يحجن عليه و مرت خالو حسان هم كامت تحجي واني عبالي ما عدها لسان

بقيت صافنه على كميه الهمجيه و البشاعه الي جاي اشوفها لعبت نفسي من صوتهن العالي اخر شي صاح خالي كلها سكتت

ابو سلمان. كافي معليجن بيهه و دير بالجن تتكربن عليها و انتِ بتول اني الج اصبري الي بل بيت اربيج و هسه يله روحو على السياره جاي وراكم

راحو كلهم باوعت كلها كامت تنسحب لغرفها بقينه بس اني و بيبي

باوعت عليها خزرتني و كالت

بيبي. سويتي مشاكل بيتي اول ما جيتي شكد حيه طلعتي، فرقتي بين ولدي و زوجاتهم

مريم. بس بيبي اني معليه والله ليش تحطين اللوم كله براسي هوا جابلي موبايل اني ما طلبت منه والله

بيبي. كافي عياره و يله ولي على غرفتج لا تشوفيني وجهج ابد

رحت على غرفتي واني ميته بجي شنو ذنبي اني شعليه بيهم واني ما طلبت من احد

كمت ابجي و اردد هاي الكلمات

سمعت صوت هزاز رفعت راسي و ضليت اتبع الصوت وصلت يم علاكه عرفته الموبايل

طلعت من الكرتون لكيته مفتوح باوعت على المتصل مكتوب عليه حبيبي

بقيت صافنه منو هذا حبيبي انوب

تشجعت و فتحت الخط بدون ما اسولف خليته على اذني و اجاني صوت شاهين و هوا يحجي و متوتر

شاهين. شبيج سمسمه صاير وياج شي احجيلي كلبي راح يوكف حسيت بيج شي

مريم. شمدريك بيه شي

شاهين. شيهانه اني من ترمشين احس بيج انوب ضايجه و صاير بيج شي الدنيه احركها

مريم. مبيه شي

شاهين. تضحكين عليه انتِ احجيلي شيهانه لا تخلين كلبي يحترك اكثر

كمت ابجي و حجيت

مريم. شاهين ليش هيج حضي ليش اني من دون البنات كلبي مشلوع شاهين والله احبهم و احسم عائلتي و ما مسويه شي يزعجهم ابد و شيريدون اكول الهم تم ليش هيج يعاملوني جاي احس بين وجههم الحقيقي تعبت والله احس خلصت طاقتي معد أكدر اتحمل و أكابر احس انتهيت موت اهلي كسرني، بس فكره انو خلص بعد ما عندك أهل اهلك كلهم ماتو شكد توجع لعد لو من صدك كلهم ميتين شيصير بيه و كل هذا تحملت و صرت اقوه و رضيت بأمر الله و كلت بلكي الله عوضني بعائله تحبني بس طلعت مخدوعه بيهم احسهم ذيابه واني بنصهم فريسه بس يردون اشاره حتى ياكلوني

شاهين. هوا صح انتِ مخدوعه بيهم واني اعرفهم اكثر منج و اعرف حقيقتهم بس اصبري عليه اسبوع واجي اخذج و تصيرين احلا عروسه و عوفيهم لا تختلطين وياهم و لا تحجي شي ابد صدكي مريم اني ابوج و امج و اهلج كلهم حتى جيرانج بس اهدي و لا تهتمين الهم سمسمتي راح اعوضج عن كلشي سيئ شفتي بحياتج... يله حبيبي كافي بجي مسحي دموعج و تذكري اني يمج و ما راح اعوفج ابد، يله حبيبي كافي بجي يا روحي انتِ

مريم. شكرا شاهين احبك هواي

شاهين. واني هم يا بعد راحتي و كلبي اليدك

مريم. شاهين

شاهين. هاا يا بعد معلاكي

مريم. امانه لا تضوج مني اعرفك ما تحب الكلام الچثير

شاهين. صدك تحجي اضوج من الدنيا و ما اضوج منج مستعد اسمعج من هسه الى نهايه عمري و ما امل منج و من سوالفج

مريم. حبيبي انت احلا شي صار بحياتي احس حياتي عباره عن لو اسود و انت اللون الوحيد بيها

شاهين. وداعت عيونج الحلوه من تبجين ،راح اخلي حياتج كلها حلوه و اللوان، ما راح انزل دمعه من عيونج

مريم. فدوه لگلبك حبيبي

بقينه نحجي و شاهين يتغزل بيه و ما يبطل سوالفه واني على نص السالفه و غفيت

حسيت على شخص يهمس باسمي فتحت عيوني صوت شاهين يحجي

شاهين. سمسمتي اكعد كافي صار المقرب يله كومي مو زينه النوم هسه

مريم. ما اريد عوفني حباب

شاهين. يله كومي ادرسي باجر وراج امتحان

مريم. صدك هم زين ذكرتني

شاهين. ليش مو دارسه

مريم. لا دارسه بس شوي يعوزني مراجعه

شاهين. يله كومي واني راح أسد الخط و اروح احضر ملابسي باجر وراي دوام

مريم. الله وياك حبيبي تروح و ترجع بل سلامه

شاهين. الله يسلمج شيهانه

سديت الخط و كعدت ادرس خلصت دراسه و كبل نمت

كمت الصبح و بدلت و رحت امتحنت جانت الاسئله سهل نوعا ما رجعت على البيت صعدت على غرفتي رئساً ما اريد التقي بأحد مثل ما كال شاهين لان عرفت شنو الطينه مالتهم

مسكت الموبايل عبالي شاهين داك عليه بس خاب ضني ما لكيت ولا مكالمه

اتصلت عليه و ما جاوب بقيت اتصل فوك الثلاث مرات و كا العاده ما جاوب

بقيت متوتره و خايفه بنفس الوقت رحت تمسحت و صلت دعيت اله من كل گلبي ربي يحفظه و يحمي

حاولت اقنع نفسي انو هوا داوم و ما عنده شبكه

و صح فكرت بيها و شفتها منطقيه

كمت اتصفح بل يوتيوب فجئه طلع الي مقطع كيف استخدام التلي كرام

دخلت عليه و عرفت هوا برنامج تواصل و يستخدم عن طريق الرقم

كبل رحت ثبتهه كلت اراسل شاهين علي احسن الي من الخط لان ما عندي رصيد هواي

ثبتهة و سويت الرقم مالتي خليت رقم شاهين و فعلا طلع الي حسابه

خال صور كتفه و النجوم حسبت النجوم عرفت هوا نقيب

مريم. ما شاء الله

تعجبت عبالي ملازم لان عبالي بس الكبار بل عمر يصيرون نقيب و عقيد...

راسلته و دزيت اله بصمه و بس جان ما فاتح نت

ضجت كلش و شمرت الموبايل

ضليت سبوعين و اني ادز اله بصمات و اخابره بس جان يطلع الي مغلق

امتحنت و جاوبت بس مو حيل كضيتها ابجي على شاهين مستحيل ما بي شي كلبي محترك عليه بس ما بيدي شي غير البجي و الدعاء

خلصت امتحانات واني نفسيتي زفت و تعبانه اكلي قل و صرت منعزله اكثر رجعت لنقطه الصفر مثل ما جنت قبل رجعت حالتي و اسوء

الدنيه مغرب هتو تا تغيب الشمس فاتحه الشباك و كاعده على جربايتي مخليه راسي بين رجليه و ابجي

رفعت راسي و شفت موبايلي مشمور بطارف الجربايه

كمت بحركه بطيئه و أخذته كعدت على طرف الجربايه و فتحت التلي باوعت على اسم شاهين مكتوب جوا اخر ظهور خلال زمن طويله

بجيت و دزيت بصمه حجيت واني اشهك

مريم. شاهين فدوه لعينك جاوبني عليك الله ما اريد تحجي ويايه ولا اي اشي بس طمني عليك بس كول اني بخير فدوه لگلبك لا تيتمني مره ثانيه ما اتحمل خساره احد بعد... شاهين سمسمتك تعبانه محتاجه الك

سديت البصمه و شمرت الموبايل بعيد عني رفعت الغطاء و كورت نفسي و ضليت ابجي

فزيت على صوت موبايل ايدك

كمت بحركه سريعه و أخذته باوعت على الاسم حبيبي

بتسمت واني امسح دموعي فتحت الخط...

---------------------------------------------

خلص البارت اذا عجبكم دوسو على النجمه

شنو تتوقعون البارت الجاي

احبكم العنونين مالتي 🤎🪐

يتبع.......