تحميل رواية ذكرياتنا في رمضان بقلم سلسبيل احمد pdf

" - هو ايه الفستان ده انتي بتستعبطى؟

بصتله بتعجب: نعم.. انت ازاي تكلمني كده!!

= انتي لسه شوفتي كلام! مش كفاية فستان احمر؟ لا كمان ضيق وشكله يقـ ـرف

فتحت عيني بصدمه: انا فستاني يقـ ـرف انت عارف ده بكام؟؟ وبعدين ده مش احمر !!

- مش احمر؟ هو انتي بتكلمي واحد اعمى

= ده برجاندي

- بقولك ايه مدخلنيش في تفاصيل هو عمى شافه ؟؟

= شافه اه ملكش دعوة بقا وبعدين يلا اختك بره !!

- مفيش يلا اكيد عمى مشافهوش عليكي!

بالمنظر ده يعني

" اتلجلجت وبصتله بصمت وده لأن الى حصل.. ان الفستان فعلا كان ضيق.. وانا لما كنت بقيسه فى المحل مقفلتش السوسته للآخر لأني اصلا مكنتش طايلاها واخدته وخلاص لأنه عجبني.."

= ءء.. أ

- هي فيها ءءء؟؟ هنقعد نتهته؟؟ ردي عمى شافك وانتى لابساه؟

= لاء.. بس شافه لما جبته!!

- طب خليه يجي يخرجك بقا مفيش خروج

" ندى قاطعتنا ودخلت "

- مراد فيه ايه؟

مراد: ايه المنظر ده.. ؟ وانتى كمان الى في وشك ده حسابه بعدين ولا علشان خطوبتك فاكره خلاص!

ندى: احم.. دده.. مش انا دي هاجر وفريده الى حطوا

بعدين ده ميكب سيمبل على فكره

مراد: أقسم بالله لاوريكم انتم الاتنين..

وبالذات انتِ

" نهى كلامه وهو بيشاور على ليان "

ليان بعناد: هتفضل موقفنا هنا يعني؟

ندى: طب يا مراد خلاص بقا خليها تخرج مش معقول يعني!

" مردش عليهم وفضل واقف مضايق "

- طب يا ليان خدى الجاكيت بتاعه اللبسيه على الفستان... حتي اسود هيمشي مع الأحمر

= يادي النيله بقولك برجاندي! بعدين لا كده شكله هيبوظ الفستان طبعا! انا عايزه اخرج هو انت حابسنا !

مراد برفعه حاجب: مش حابسك خلي عمى يجي يخرجك

- والله؟ وهما اصلا زمانهم وصلوا القاعه!!!

= مش مشكلتي..

ندى خدت من ايده جاكيت البدلة بتاعته: امسكي بقا اللبسيه عليكي وخلاص ولما نروح القاعه شيليه ومتبقيش تقومي بالفستان كتير

" خرجهم غصب عنه بعد لما احمد نده عليه.. و فضل كل شوية يذغر لليان لما تحرك الجاكيت في العربية وهي مخنـ ـوقه.. كانت قاعده جمبه قدام.. بقلمي سلسبيل احمد وندي وكنزي وهاجر و مريم ورا.. و فريده ركبت مع احمد عربيته.. والشباب حصلوهم.. "

" وصلوا القاعه.. و احمد وندى دخلوا وقعدوا واخيرا من وقت طويل بقوا عارفين يتكلموا سوا.."

- شكلك زي القمر على فكره

= ءء.. لو مسكتش هنادي مراد

- مراد مش فاضيلك بيرخم على بنت عمه

ضحكت وبصتله: هو انت مش بتتكلم معاه ليه؟

عجبك الى بيعمله ده مفروض طالما بيحبها ياخد خطوة.

= علشان يعتبر عنده حق في قراره..

- انا مضايقه اوي علشانهم هما الاتنين يا احمد بجد

= وانا ميرضنيش تبقي مصْايقه ولا بحب اشوف مراد مضايق.. هحل الموضوع متقلقيش.

- هتحله ازاي طيب؟

= عيب بقا.. بطريقتي

ابتسمت وبصتله: احمد.. فيه حاجه عايزه اقولها لك من بدري.. ومعرفش ليه بفكر فيها دلوقتي اوي

- الى يجي في بالك قوليه علطول يا ندى

= هو انت فعلا مكنتش عايز تقعد هنا؟

- الحقيقه اه.. كنت فاكر اني مليش مكان هنا.. وخايف ارجع لكل حاجه تاني الاقيها اتغيرت.. اولهم انتِ.. خوفت لما ارجع اشوفك مع حد تاني..

= طب وبعدين؟

- لما رجعت.. ولقيت مفيش حد في حياتك كنت من جوايا عايز افضل.. بس معرفش ليه علطول فيا جزء غريب عني.. فضلت اتخانق انا وفريده.. واقولها اننا هنسافر.. وكنت عاوز نرجع نكمل شغلنا بره.. لأني حسيت ان الشباب مش مهتمين اني رجعت.. وكنت غلطان.. من بعد لما عرفوا اني كنت مضايق.. وهما علطول كانوا بيكلموني.. و روحي رجعت للمكان تاني.. و قررت مش هسافر تاني وقولت قراري لبابا

= وتقبله! فريده قالت انه صعب!

- حصل مشكلة كبيره.. خلصت اننا اصرينا نفضل في مصر.. واني هثبت في المستشفي هنا.. وهو خد قراره.. وقال هيسافر هو لوحده

= من غيركم! هيعمل زي عمى عز؟؟

- يعتبر اه..

= طب انت متأكد من قرارك ولا ممكن في يوم تزهق.. وتبقي عاوز تسافر وتسبني!

- مبدئيا عمري ما هسيبك تاني يا ندى ولا هبعد عنك.. ده مش اوبشن.. انا عارف انك صعب تصدقي بس والله كنتي علطول على بالي طول السنين الى فاتت دي.. مش عارف احب غيرك! تاني حاجه بقا انا واثق من قراري.. هفضل في مصر وسط صحابي ومعاكى.

ابتسمت وبصتله بحب وبعدين كشرت: عرفت كام بنت قبلي بقا

احمد رد بنكش: كتير مش عارف كام

- والله !

ضحك: ياستي بقولك معرفتش احب غيرك

" نهى كلامه بغمزه "

- طب ماشي.. اسكت خلاص

= طب تيجي نرقص

بصتله بتحدى: لو تقدر نرقص قدام مراد ماشي

- ماشي ماشي اقعدي ذليني عشان بخاف من اخوكي.. انا اصلا مش بخاف بحترمه بس عشان تبقي عارفه.. بس والله لاخد حقي لما نتجوز.

ضحكت: ان شاء الله بقا.

" عند ليان.. كانت قاعده على الترابيزة وهي مش عارفه ليه سمعت كلامه ومش بتتحرك في القاعه! بس البنات قوموها معاهم و دخلت وسطهم وفضلوا سوا و ندي كانت بتحاول تفرفشها.. "

" والشباب في الجمب التاني بيرقصوا وفرحانين بأحمد و فرحانين لفرحه لمراد. "

" ومن وسط كل ده مازالت عينه عليها.. بقلمي سلسبيل احمد ولاحظ انها سابت الجاكيت على الترابيزة.. "

" الخطوبة كانت تحفه و في قاعة كبيرة اوي وشيك.. عز كان مظبط كل حاجه بسبب حبه الشديد لندى الي تبقي بالنسباله زي ليان بظبط.. "

" الأكل نزل والشباب فضلوا يوزعوه.. وهنا بتظهر جدعنتهم وهما واقفين بيسألو كل شخص لو محتاج حاجه.. مينا وياسين وكريم كانوا اكتر تلاته بيتحركوا للناس وفعلا تعبوا...... "

" ليان في الوقت ده دخلت الحمام وكانت راجعه قبل ما واحد يوقفها "

- بعد اذنك..

= نعم؟

- انا بصراحه معجب..

= افندم

- مش بعاكس.. ممكن بس نتعرف؟ ممكن رقمك؟

= منصحكش.. ومتقربش ناحيتي مره تانيه

- طيب جربي بس ياقمر.. انتي خسرانه ايه؟

ليان بصتله بضيق ودهشه: انت تبع مين !!؟؟

" مراد لاحظ الموقف فا راح ناحيتهم وقتها ليان ابتسمت بسرعه "

مراد بصله: فيه ايه انت مين؟

ليان بصت لمراد بهدوء: بيسألني عن اخته جوه فى الحمام طولت شكلها تعبان.. ربنا يطمنك عليها..

الولد رد بخوف: شكرًا

" ليان رجعت الترابيزة بسرعه و مراد كمل مع صحابة توزريع الحاجات.. "

" لما قعدت قلعت الجاكيت و بصت على الولد مشافتهوش تاني.. عرفت انه خرج وتقريبا مش تبع المعازيم اصلا.. "

" وسط كل ده ندى كانت جمب احمد و مبسوطين اوي.. ليان كانت باصة عليهم وفرحانه بيهم اوي.. مش متخيلة ان ندى الى تبقي اختها يعتبر قربت تتجوز.. بيدج الفيس بوك بتاعتي سلسبيل احمد عينيها دمعت فا خرجت من القاعه لأنها محبتش تنكد عليهم..! "

" كانت واقفة سانده ايديها على السور في الجنينه الى بره بتاخد نفسها بعمق وبتحاول تهدى.. وبتفكر في حياتها.."

" وطبعا صاحبنا خرج وراها يشوفها فين!"

- خرجتي ليه..؟

" مسحت عيونها واتكلمت وهي باصه قدامها "

= عادي

" مد ايده بالجاكيت بتاعه "

- طب خلي الجاكيت

" ليان خدته منه بزهق وهي مش قادره تقاوح ولبسته"

- مالك؟؟

= مفيش قولت

مراد نكشها: تلاقيكي بتعيطي عشان عاوزانا نتجوز احنا كمان..

" ليان بصتله وسكتت وهو سند على السور جمبها "

- تعرفي اني عايز احر..ق الفستان الاحمر ده

= ده برجاندي

- دي شكليات متفرقش معايا

= عموما ملكش دعوة انا بس بهاودك عشان مبوظش خطوبة ندى.. لكن بعد كده مش عايزه اتعامل معاك اصلا

- بتهاوديني اه.. طب مش هتقوليلي مضايقه من ايه

= مضايقه عشان حاسه ان ندى هتبعد..عارفه ان لسه بدري.. بس انا مش عايزه ابقي لوحدي.. وجودها معايا بيعوضني عن اني وحيده.

" مراد بصلها.. رغم زعلها منه.. ولكن لاحظ انها مازالت بتفضفض معاه بسلاسه.. مازالت مشاعرها ضعيفه وظاهره.. بتتأثر بسرعه.. موضوع انها طفله وحيده عمره ما بطل يضايقها..! "

- مش هتبقي لوحدك ابدًا

بصتله بإدراك.. ومكانتش عايزه تتكلم معاه

: انا هدخل

= ليان استني..  اظن كفاية كل الأيام الى فاتت بلاش تفضلي كده

- كده ازاي؟

= واخده جمب! وقاصده طول الوقت تضايقني

وانتي عارفه ان انتي اكتر حد مش بحب اتنرفز عليه ولا ازعله!

" بصيت لعيونه وبعدين اتنفست بهدوء "

- وانا مش بضايقك.. دي طريقتي العاديه

كملت بتريقه: ولا عاوزني ارجع تاني عيله عبيطه اجبلك كيكه فانيليا واقولك اني..

سكتت وهو بصلها برخامه: انك بتحبيني.

ليان رفعت عيونها ناحيته: مش بحبك

- مش بتحبيني؟

= اه..

- ولا هتجبيلي كيكه فانيليا من بتاعتك

= لاء مش هجيب

- يلهوي على القسوه

= انت رخم اوي على فكره

ابتسم: عارف.. مانا بحب ارخم عليكي..

من واحنا صغيرين.. عيني مكانتش بتلقط غيرك ارخم عليها.. وافضل مراقبها بتعمل ايه وبتكلم مين.. وبتلعب فين.. من وانتي صغيرة عارف اننا هنبقي سوا.. وكنت غلطان لما قررت ابعد واشوف ان الأحسن ليكي تبقي مع حد تاني عارف دنيته ماشية ازاي وميبهدلكيش.. كنت بقنع نفسي اني هبقي اناني اوي لو ربطتك بيا وانا لسه تايه و حياتي مهزوزه..

فا انسب حل افضل بعيد.. وانتي تبقي مع غيري بس انا اكتشفت اني عمري ما اتقبلت الفكره دي وكنت بس بضحك على نفسي.. ومفيش حد هيحافظ عليكي زيى.. علشان انا عارفك.. عارف بتحبي ايه وبتكرهي ايه. وايه الحاجات الى بتخوفك والحاجات الى بتضايقك.. عارف انك بتحبي تبصي على الزينه كل شوية في رمضان وتسمعي صوتها لحظة ما الهوا بيخبط فيها مهما كبرتي لسه زي مانتي ... عارف كمان إنك بتفقدى الأمان لما بتخافي.. ومش طول الوقت بتعرفي تتكلمي.. عارف انك قماصة اوي.. بس كمان بتتصالحي بسرعه اوي.. عارف كل حاجه.. لأني بحبك يا ليان..

" بصتله وانا دموعي بتنزل ومكنتش مستوعبه كل الى بيقوله.. مش مصدقه انه بيقولي الكلام ده حاسه ان ده مش حقيقي.. كنت بصاله بحب.. ودموع فرحه.. مشاعر كتير متلخبطه.. ومكنتش عارفة اتكلم "

- انا مش هستسلم للظروف.. و بوعدك اني هحاول هفضل احاول ومش هبطل.. لحد ما ابقي جاهز واطلبك من عمى.. ولحد ما ده يحصل.. انتى تخصيني.. فا مش عايز اسمع سيره راجل في حياتك غيري انا وعمى طبعا..

بصلها وهو بيضحك بقلة حيله: بتعيطي ليه انا والله بكره العياط.. بالذات عياطك انتى و كنزي

مسحت دموعي وانا مش عارفه ابطل: انا بعيط عشان بكرهك يا مراد

مراد ضحك جامد: طب دي اكبر كدبه سمعتها في حياتي يا ليان

" فضلت ساكته فا بصلي "

- طيب.. كدا كدا مش لازم تقوليها انتي قولتيها واحنا صغيرين صريحه بحبك يا مراد.

" مسحت دموعي وبصتله "

= وانا مش بحبك بجد ومش عايزاك لو اتقدمت مش هوافق

- ليان.. انا قولتلك أسبابي الى خلتني بعيد.. مفروض تكوني فهماني ومقدره موقفي حتي

= مليش دعوة.. انت اتخليت عنى

- معملتش كده ولا هقدر بطلي افترىٰ

= لا عملت

- طيب انا آسف.. هصلح غلطتي تسمحيلي؟

- ليه دلوقتى يا مراد!! ما كان ممكن تقول كل ده من بدري

= عشان مجربتش قبل كده شعوري لو بقا في حياتك حد غيري بجد.. ولما حسيت بكده.. مكنتش طايق نفسي.. عشان مش عايز افضل مخبي غيرتي..

كنت فاكر اني هعرف.. وبقول اني هفضل قريب منك واعاملك زي ندى اختي بس معرفتش!! مقدرتش ولا هقدر اعمل ده ولا هطيق اشوفك بفستان احمر ضيق شبه ده تاني! انتي فاهمه.؟

ردت برخامه زيه..: مش فاهمه

بصلها بحنان و جديه: ليان لو سمحتي.. متبقيش عارفه اني بخاف عليكي وبغير فا تستفزيني

- انا اصلا مكنتش اقصد! الفستان لما قيسته مكنش كده مكنتش قيسته كويس وعرفت انه ضيق

= طب الجاكيت ده ميتقلعش ولا تقومي من مكانك تاني تمام؟

- احنا هنبدء بقا صح

= اه نبدأ منبدأش ليه؟

- عشان انا لسه موافقتش

= لا هتوافقي.. وبقولك ايه الكيكه الفانيليا متتعملش تاني غير لما نتجوز

فتحت عيني بأستنكار: والله! لبسني نقاب بالمره

- هنشوف الموضوع ده

= طب انا مش عايزه اقعد بقا انا عايزه اقف مع ندى!

- منتي روحتي وقفتي وسطهم

= طيب! كانوا حواليا ومخبيني علشان عارفينك!

- تمام يا ليان.. روحي

" دخلوا القاعه تانى.. بقلمي Slsbell Ahmed و راحو عند ندى و أحمد ضم على مراد واتكلم عند ودنه لما لاحظ انه مبسوط واكيد صالح ليان.. "

- كنت عارف انك حنين برضو

مراد زقه وهو بيضحك: خليك في حالك يلا

" احمد نده بصوت عالي على الشباب الى فضلوا

يهيصوا وكانوا كلهم فرحانين..! "

" رجعوا شوية يريحوا على الترابيزة "

مينا: انا مكلتش جاتوه شوكلاتة

ياسين: انت واكل اتنين فانيليا

مينا: ده انت باصص في اكلي بقا يا معلم!

كريم ضحك: وشارب تلاته بيبيسي

مينا: يجدعان فيه ايه مانا بتحرك وهفتان

مراد: بالهنا والشفا خد بتاعتي

" على ترابيزة البنات كانت قاعده ليان وباين عليها الفرحه "

هاجر: احمم احمم هو ايه الكلام

فريده: اتصالحو باينه اوي يعني

مريم ابتسمت: بجد!! يابت بنكلمك!

ليان: ايه؟ بتقولوا ايه؟

هاجر: ده مخها مسافر سبوها دلوقتي.

" في الأواخر كلهم راحو عند ندى.. وحضنوا بعض.. وكانوا فرحانين ليها بجد! "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

" وبعد لما الليلة دي خلصت.. رجعوا على البيت.. لكن احمد فضل مع مراد.. وقعد في الورشة استناه "

- خير يا معلم ايه الموضوع المهم؟

" احمد حط قدامه ورق "

= الورق ده بتاع المعرض.. احنا خدناه خلاص

دفعنا اول شهرين.. انا وكريم والمبلغ الي معاك ده بقي تجهز بيه المكان وتبدء.. وبإذن الله يشتغل وتسدد باقي الأقساط.. اتفقت مع الراجل انها هتتحوله على حسابة عشان هو مسافر.. ورتبت كل حاجه بمساعده كريم.. على فكره هو بيحبك اوي.. وانا كمان يعني.

" مراد كان باصص له وساكت مش عارف يستوعب كل الى بيقوله "

احمد قام وقف وبصله: انا لما سألتك لو عاوزني اساعدك مكنتش باخد رأيك الصراحه كنت اوردي مشيت في الإجراءات.. عشان انا مش هعرف ابقي مبسوط وحد مننا زعلان يا صاحبي.. احنا اخوات.. و دورنا نقف جمب بعض.. ومتقلقش كده كده اول لما تشد حيلك هاخد منك فلوسي او تديني صيانه لمده سنتين ببلاش لعربيتي.

" مراد ابتسم وعيونه بتلمع من الدموع الى ماسكها.."

" حضن احمد بقوة واحمد اتنهد بأرتياح لأنه كان متوقع يضايق "

مراد بصله: انا مش عارف اقولك ايه.. لو كان عندي اخ مش عارف لو كان هيعمل معايا كده

- ما انت عندك بدل الاخ اربعه ياعم..

ابتسم: معاك حق.. بس انا هرجعهم يا احمد

= يعني مش هتعملي صيانه لمده سنتين؟

- هرجعهم.. وهعملك صيانه مدى الحياة..

احمد ضحك: ربنا يخليها فتحه خير عليك يا صاحبي

= على فكره.. انا كنت مقرر اكلمها لما اظبط دنيتي.. بس معرفتش استني.. وكلمتها انهارده في الفرح..

بصله بفرحه: دي احسن حاجه عملتها في حياتك يأخي مبروك مقدما !!

= الله يبارك فيك

- طب ايه؟ استناك نتجوز سوا؟

ضحك: لا اتكل انت على الله انت مش قعدت تعيط عشان مش عايز فتره خطوبة كبير

احمد: احمم.. معاك حق اه.. اختك كل لما اكلمها تقولي مراد مراد زهقتني

مراد بثقة: تربيتي

- ماشي يخويا يلا سلام

" مشي وسابة وبعدين قفل الورشه و راح عند بيت كريم و رن عليه علشان ينزله كان نايم و مراد صمم انه ينزل "

" اول لما نزل مراد عمل تعابير غضبانه بتمثيل.. "

- انت كمان نايم ؟

كريم بعدم استعياب: فيه ايه مرهق

= ايه الى عملته انت و احمد ده

كريم بصله وهو بيفكر ف كدبه: ايه؟ مين انا ومين

- اه.. هنصيع بقا انت واحمد عملتوا ايه؟

= احمد مين معرفش حد بالإسم ده

= وحيات خالتك؟ امال كنا في فرح مين؟

- اختك يا مراد.. مالك

"مراد كان هيضحك لما لاقاه خايف"

= فكك طيب من الجو يا كريم انا عرفت و الورق معايا اهو

كريم اتنهد وبصله: يا مراد قولتلك دي فرصة.. مكنش ينفع نسيبها.. وبعدين احمد الى عرض الموضوع.. انا وصلته بالراجل..

- ودفعت معاه

= ده مبلغ صغير يعني هو انا لاقي اكل انا شحات

"مراد مقدرش يصبر وضحك"

- و لما انت شحات.. وبتصرف على امك.. مالك بالموضوع ده؟

= دي كانت فلوس الجمعيات الى عملتها متقلقش.. امي تلاقيها شايلة دهب تحت البلاطه

حط ايده على كتفه وقرب له: طب بصلي كده و ركز.. اي حاجه تبقي عاوزها تعرفني.. انت ثانوية عامة انا مش عايز اي حاجه تبقي نقصاك.. انت او والدتك مفهوم؟ علشان لو عرفت غير كده هعلقك واطلع عليك القديم والجديد.. انا هحترم نفسي اهو ومش هحاسبك عشان حطتني قدام امر واقع

- حاضر يا نجم اتفقنا

= انت عارف اني بحبك ولا لاء ياض؟

كريم ابتسم وحضنه بسرعه: انا كمان بحبك اوي يا مراد.. ومبسوط عشان هحقق حلمي انا وانت

مراد حضنه بحنان: اطلع يلا كمل نوم.. مش عندك دروس بكره

= حاضر..

" طلع البيت ولما عدى على فاطمه لقى ليان قاعده في البلاكونه ومعاها الجاكيت.. "

- ايه يا تيته.. لسه صاحيه انتي كمان..

= مش جايلي نوم اعمل لكم حاجه

- لا يحببتي ارتاحي انتى.

= طيب لو عوزتم حاجه نادوا عليا.

" باس على دماغها وبعدين دخل لـ ليان الى كانت سرحانه في حاجات كتير "

- مطلعتيش تنامي ليه؟

= مش عاوز الجاكيت؟

- لا خليكي لبساه

= طيب.. انا كنت عايزه اكلمك في حاجه..

- قولي

= انا مش عاوزاك تضايق ولا تقولي مقلتيش ليه.. تمام؟ ولا تقولي انتي غلطانه ولا كل ده.. انا اصلا لحد دلوقتي متردده أقول

بصلها بجديه: انا بكره المقدمات حصل ايه؟

- مانا هقولك اهو متبصليش كده..!

- مطلعتيش تنامي ليه؟

= مش عاوز الجاكيت؟

- لا خليكي لبساه

= طيب.. انا كنت عايزه اكلمك في حاجه..

- قولي

= انا مش عاوزاك تضايق ولا تقولي مقلتيش ليه.. تمام؟ ولا تقولي انتي غلطانه ولا كل ده.. انا اصلا لحد دلوقتي متردده أقول

بصلها بجديه: انا بكره المقدمات حصل ايه؟

- مانا هقولك اهو متبصليش كده..! الولد في الفرح.. مكنش بيسأل عن اخته فى الحمام

= اه كان بيعاكسك

" بصتله بصدمه وانا حاسه اني وشي

بقا لوح خشب "

= ايه هنجتي ؟؟

- ءء. اأ أصل

= أصلك مبتعرفيش تكدبي وانا مشوفتش خلقة امه تاني لو كنت شوفته كنت عجنته بس انشغلت مع الرجالة

" عملت عبيـ ـطه وبصيت في إتجاه بعيد عنه وانا مش عارفه ايه الموقف ده.. "

- بتكدبي ليه؟

= اقولك وتتخانق ونبوظ الفرح؟

- وانا اهبل بقا هبوظ فرح اختي

= عموما اديني قولتلك لأني عارفه انك بتكره الكدب

- بعد ايه؟ كان مفروض تقولي وقتها

" سكت فا بصلي بـ شك "

-هو ده بس الى كنتي هتقوليه؟

فتحت عيني بتعجب: عرفت منين ان فيه حاجه تانيه عايزه اقولها!!

بصلي: قولتلك.. عارفك!

= انا خايفة.. مش مطمنه..مش عايزه اتعلق ولا عايزه اقرب وانت تبعد زي ما كنت بتعمل انا مش واثقة كفاية اني اوافق على كل كلامك

- انتي مش واثقة فيا؟

= مش قصدي كده انا

قاطعنى: تمام فاهم.. انا فاهمك..

- انا مش عايزة انك تسبني.. وتستسلم.. او تحصل اي حاجه وتتخلي عنى.. وقتها مش هقدر انى..

اتنهدت بتعب وبصتله: مراد انا مش عارفه اعمل ايه؟

سكتت وعيونها بتلمع بالدموع.. ومراد قرب ناحيتها: ممكن تبصيلي طيب وتهدى؟ انا فاهم الى بتفكري فيه.. بس يا ليان الى عملته كانت غلطه.. ولما حسيت قد ايه كانت غلطه كبيره ومقدرتش استحملها قررت مش هكررها عمري ما هقدر حتي.. عشان انا بجد بحبك مش عاوز حاجه غير انك تكوني مطمنه.. ومبسوطه! ومرتاحه.. وهعمل كل الى اقدر عليه عشان احقق ده.. وعاوزك برضو تفهمي حاجه واحده.. انا معنديش اختيار اسيبك ولا اكمل.. انا معنديش غير اني هفضل معاكي وبس.. فكره اني ابعد دي مش عندي..

"ابتسمت له بحب على حنيته معايا.. كنت وقتها مطمنه.. بعد لما حسيت ان كل حاجه حصلت بسرعه.. وكنت خايفه.."

- خلاص.. ولا فيه حاجه تانيه؟

= خلاص.. هطلع بقا..

- تصبحي على خير يا ليان

" قومت و رجعت ابصله "

- كان في اسم بتناديني بيه زمان انت ممكن متبقاش فاكره بس أنـ..

قاطعها: ليلو..علشان كنتي بتحبي ليلو واستتش

"بصتله وانا عيوني بطلع قلوب وهو ضحك وبصلي"

- ارجع اقولهولك؟

رفعت كتافي بخبث: الى انت عايزه

" ضحكت وهو ضحك.. "

- طيب.. تصبحي على خير.. يا ليلو.

رديت بنفس طريقته: انت من اهله.. يا استتش.

>>>>>>>>>>>>>>>>>>>>>>>>>>>>>>>>>>

'اللهم صلىِ وسلم وبارك على سيدنا محمد '

|| في البيت عند نورا | اوضة ليان ||

" كنت قاعده ماسكه الجاكيت بتاعه.. بقلمي سلسبيل احمد وفرحانه بيه.. حطاه جمبي وعماله كل شوية ابصله وافتكر كلامنا.. الى خايفه يطلع حلم من كتر ما انا مش مصدقه! "

" ازاي الواحد يبطل تفكير بعد لما حب عمري و طفولتي يقولي انه بيحبني !!! "

" الباب خبط و نورا دخلت "

- احم.. مساء النور يا لولي

= نعم ايه ماما!

- مالك كده

= مفيش.. حضرتك فيه حاجه

- فيه حاجات..

= طيب قولي

- مش ملاحظه كده ان مراد متغير شوية

بلعت ريقي وبصتلها: يعني ايه..

بصت جمبها: مش ده الجاكيت بتاعه؟

اتنهدت: هو...... حضرتك اخدتي بالك

- مستنياكي تيجي تحكيلي.. ومجتيش

= مكنتش عارفة اقول ايه.. عمرنا ما اتكلمنا فى الحاجات دي.. هو بابا كمان اخد باله

- لا.. مكنش مركز معاكم.. ايه الموضوع بقا قوليلي

" ليان حكت لها الى حصل "

- وانتي موافقة

ابتسمت بهدوء: أيوه..

نورا حضنتها: انا عمري ما هطمن عليكي غير معاه

ليان بصتلها بصدمه: بتتكلمي بجد!! بجد!!

- ايوه متفاجئه ليه.. مراد شخص مسؤول.. ومتربي و راجل عمري ما الاقي ليكي احسن منه.. كفايه انه بيخاف عليكي وحنين معاكي.. وهيتقي ربنا فيكي

= طب بابا؟ تفتكري ممكن مثلا يبقي ايه رد فعله

- ما انتي عارفه بيحبه قد ايه متوقعش يرفض يعني.. اطمنى

= انا مبسوطه اني اتكلمت معاكي.. واسفة اني خبيت قبل كده

- طالما معملتيش حاجه غلط.. مش زعلانه اوي يعني.. عشان انا متعوده من صغرك لما تغلطي بتيجي تعرفيني وتبقي صريحه معايا

" طبطبت عليا وخرجت.. وفضلت ادعي بابا كمان يبقي ده رد فعله.. ! "

>>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

|| تاني يوم الصبح | في بيت ندى | الساعه 8 ||

- اقعدي يا ندى كملي فطارك!!

= متأخره عندي تسليم حاجات ضروري في الكلية

- انا عارفه كلية ايه دي الى تالت يوم العيد!

= مفيش حاجه اسمها تالت يوم عندهم.. هو الاجازه اول يوم وخلصت..

- طيب خلي بالك من نفسك... و عدى على مراد

= مهو احمد قالي انه كلمه وعاوز يوصلني

كوثر بتصلها بنكش: اممم ياعيني يا عيني.. طب خدوا ليان المسكينه معاكم.

- المسكينه المحاضرة بتاعتها الساعه 10 بنت المحظوظه

كنزي ضحكت: حظك نحس طول حياتك

- طب يلا باي احمد بيرن..

" نزلت بسرعه و لاقيته قدام البيت فا ابتسمت "

- صباح الخير يا قمـ

= احمم ايه.. ؟؟ يا ايه..

- يا استاذة ندى

"ضحكت فا بصلها برفعه حاجب"

= متضحكيش فى الشارع

- ايه ده؟؟ انت مراد الجزء التاني!

= اركبي طب يلا

" ركبنا العربية ونزل قدام الورشة هو وندى "

- صباح الخير يا معلم

= صباح النور.. ياريت متخدوش على كده بقا

احمد: يعني تروح لوحدها؟

ندى: انا كنت هاخد ليان معايا بس هي محاضرتها متأخر..

مراد بصله: ليان اه.. ما تخدوا كنزي معاكم بالمره

احمد ابتسم بنكش: الى انت عايزه يحبيب قلبي

ندى: طب كفاية رخامه على بعض لأني فعلا متأخره بقاا

أحمد: طيب يلا

مراد: خد بالك منها ياض فاهم؟

احمد: في عنيا ياحبيبي

- هعجنك يا احمد

" ندي ضحكت بهدوء و ركبوا العربيه ومشيوا و طول الطريق كانت هي فرحانه و مبتسمه و احمد بيحاول يركز في السواقة"

" وصلها الكليه و بصلها قبل ما تنزل "

- لما تخلصي رني وهروحك انتي وليان.

= أوكيه.. باي

" نزلت من العربية.. و دخلت المدرج قابلت سلمى صحبتي "

- ايه ده متوقعتش تنزلي تاني يوم الخطوبة!

= هعمل ايه بقا حكم القوي

- معاكي حق ده الدكتور مستحلف لنا يسقطنا..

= ربنا يسترها.

>>>>>>>>>>>>>>>>>>>>>>>>>>>>>>>>>>

' الله اكبر الحمدلله لا إله إلا الله استغفر الله '

|| بداخل معرض عربيات ||

" احمد راح عند مراد و الاتنين خدوا بعض وقابلوا صاحب المعرض.. وخلاص مراد استلم.. "

- انا مش مصدق.. حاسس ان ده حلم

احمد: متكبرش الموضوع.. عاوزك تفتح زيه فكل حتة يا نجم ماشي؟

مراد ضحك وبصله: وتعمل فيهم كلهم صيانه.

احمد: كدا كدا.. بيدج الفيس بوك بتاعتي سلسبيل احمد بس انت عارف.. انا كنت فرحان اكيد علشانك.. بس فرحه كريم بالموضوع فاجئتني.. لأني  عرفت قد اي بيحبك.. بس مستغربتش.. عشان انت تتحب و جدع

مراد: مفيش اجدع منك.. انا عمري ما كنت هسلمك حتة منى.. الا لو بحبك و واثق فيك وشايفك راجل

أحمد: يعني ايه الدنيا؟ هتخلينا نتجوز بسرعه؟

مراد ابتسم: ربنا يسهل.. هشوف رأي عمى

- وبالمره اسأله عن موضوعك..

= قلقان اوي.. مش عارف ليه

- متقلقش.. و انا في ضهرك.

>>>>>>>>>>>>>>>>>>>>>>>>>>>>>>>>>>

' اللهم اغفر لي وارحمني واعفو عني وسامحني '

" و على الساعه 9 ونص كانت ليان وصلت الكلية عشان تتفاجئ ان اول محاضره عندها اتلغت فا قعدت في الكافتيريا الى عند كليه ندى تستناها لما تخرج بقلمي سلسبيل احمد"

- ليان بعتتلي مسدج انها عند الكافتيريا بتاعتنا هخرج بقا اشوفها لحد ما الدكتورة تيجي

سلمي: استني خديني معاكي

" خرجوا هما الاتنين.. و اول لما خرجوا ندى لقت ادهم زميلها في وشها "

- يا أهلا يا ندى

ندى بصتله بحده: فيه ايه حد يطلع لحد كده!!

= اصلك وحشتينا

سلمي: فيه ايه يا ادهم ما تحترم نفسك كده

ندى: يلا يا سلمي سيبك منه

" مسكت ايدها عشان نمشي انا وهي لكنى اتفاجئت بيه مسك ايدي "

- مش تستني نتكلم!! انا لسه مخلصتش

ندى زقته بصدمه: انت اجننت ازاي تمسك ايدي !

= اه انتي شكلك بتحبي تقضيها في العربيات

بس صح؟

" ندى اتصدمت من كلامه و سلمي حاولت تزقه بعيد عنهم وصْربته بالشنطه.. "

"وقتها ليان شافت الخناقة من بعيد فا قربت بسرعه لما لقتها ندى!!! "

" وشافت ادهم و هو بيتعرض لها "

" ليان راحت بسرعه تشد البنات نايحتها و صْربت ادهم بالقلم "

ندي بعياط: ليان اللحقيني

ليان وقفت قصاده وزعقت: ابعد عن طريقهم يا

حيـ ـوان

" ادهم اتنرفز جدا وشد ليان من دراعها كان

هيتعـ ـدى عليها..  و وقعها ولكن كذا حد اتدخل وبعدهم عن بعض "

>>>>>>>>>>>>>>>>>>>>>>>>>>>>>>>>>>>

" كانوا كلهم في طريقهم لمكتب العميد و ندى ادت الموبايل لـ سلمى تكلم اخوها لكن سلمي رنت على اخر رقم و كان أحمد "

- ايوه خلصتي يا ندى؟

= الو.. انا صاحبة ندى! حصل مشكله كبيره في الكليه

- مشكله ايه !!! ندى كويسه ؟؟؟

" سلمي اتكلمت و أحمد مسمعهاش كويس ولكنه كان جمب الجامعه بعد لما ساب مراد و كمل سواقة بسرعه جدا وهو في طريقه ليها "

|| داخل مكتب العميد ||

" ندى كانت عماله تعيط.. وليان متماسكه علشان خاطرها.. "

" ليان كانت حضناها و أدهم واقف ومعاه صاحبه "

الأمن: حضرتك احنا بلعْنا عن الى حصل

العميد بحده: كويس اوي.. علشان الموضوع ده مش  هيعدى بسهوله !!

" نهى كلامه وهو بيبص على الكل.. "

" أحمد وصل الكليه وبعت لمراد وهو فى الطريق عشان يحصله.. دخل فضل يسأل عن العميد لحد لما وصل ولقي سلمي واقفة والأمن مش مخليها تتحرك هي كمان "

- انتى الى كلمتيني ؟؟ فين ندى ؟؟؟؟

سلمي: جوه

الأمن: انت مين؟

"أحمد فتح الباب ودخل من غير لما

يعمل اعتبار لحد"

" اتفاجى من منظر ندى الى كانت وشها احمر من العياط و ليان الى واقفة مش مظبوطه "

- ليان ؟؟ انتوا كويسين؟؟

العميد: انت مين و ازاي تدخل بالطريقة دي

" الأمن حاول يمكسه واحمد منعه وكان هيتخانق "

العميد: بس !!!!

احمد بصلها: ايه الى حصل ؟؟

ندى بصت على ادهم واتكملت بعياط: مد ايده عليا.. انا وليان وحتي كمـ..

" ندى مكملتش كلامها و أحمد حرفيا هـ ـجم عليه وصْربة كذا بونية ورا بعض ومحدش كان عارف يوقفه غير لما كذا فرد أمن دخل "

" واحمد مكنش مبطل زعيق ومحدش عارف يهديه "

- أقسم بالله لاقتـ ـلك

" و الواد كان مرعوب ومستخبي في اخر الأوضة "

" مراد وصل ولما لقى دوشة استغرب واستغرب اكتر من كميه الأمن الى موجود بيحاول يمسك في أحمد بذات "

- فيه ايه؟!!!!!

" ندى قامت وراحت جريت على حضنه "

" مراد رفع ايده وطبطب عليها بقلق وهو مش فاهم!!! "

- فيه ايه اهدي ايه الى حصل ؟؟؟؟

" عينه راحت على ليان الى كانت ساكته "

أحمد بعصبيه وغضب: فيه ان واحد ابن **** جوه اتعرض لهم هي وليان ومد ايده عليهم و سيادة العميد مخبيه جوه مش راضي يسيبه !!

"مراد مكنش مستوعب الى سمعه !!!"

- نعم ؟؟؟ !!!!

" بص لندى.. وليان كان باين عليها الضغط والإرهاق "

" مراد قرب ناحيتها وهو ايده على ندي لما لاحظ انها تعبانه "

- ليان ؟؟

" ليان كانت بتاخد نفسها بسرعه..

و فجأة داخت من شدة الضغط الى هي فيه

محستش بأي حاجه.. و وقعت."

- ايوه خلصتي يا ندى؟

= الو.. انا صاحبة ندى! حصل مشكله كبيره في الكليه

- مشكله ايه !!! ندى كويسه ؟؟؟

" سلمي اتكلمت و أحمد مسمعهاش كويس ولكنه كان جمب الجامعه بعد لما ساب مراد و كمل سواقة بسرعه جدا وهو في طريقه ليها "

|| داخل مكتب العميد ||

" ندى كانت عماله تعيط.. وليان متماسكه علشان خاطرها.. "

" ليان كانت حضناها و أدهم واقف ومعاه صاحبه "

الأمن: حضرتك احنا بلعْنا عن الى حصل

العميد بحده: كويس اوي.. علشان الموضوع ده مش  هيعدى بسهوله !!

" نهى كلامه وهو بيبص على الكل.. "

" أحمد وصل الكليه وبعت لمراد وهو فى الطريق عشان يحصله.. دخل فضل يسأل عن العميد لحد لما وصل ولقي سلمي واقفة والأمن مش مخليها تتحرك هي كمان "

- انتى الى كلمتيني ؟؟ فين ندى ؟؟؟؟

سلمي: جوه

الأمن: انت مين؟

"أحمد فتح الباب ودخل من غير لما

يعمل اعتبار لحد"

" اتفاجى من منظر ندى الى كانت وشها احمر من العياط و ليان الى واقفة مش مظبوطه "

- ليان ؟؟ انتوا كويسين؟؟

العميد: انت مين و ازاي تدخل بالطريقة دي

" الأمن حاول يمكسه واحمد منعه وكان هيتخانق "

العميد: بس !!!!

احمد بصلها: ايه الى حصل ؟؟

ندى بصت على ادهم واتكملت بعياط: مد ايده عليا.. انا وليان وحتي كمـ..

" ندى مكملتش كلامها و أحمد حرفيا هـ ـجم عليه وصْربة كذا بونية ورا بعض ومحدش كان عارف يوقفه غير لما كذا فرد أمن دخل "

" واحمد مكنش مبطل زعيق ومحدش عارف يهديه "

- أقسم بالله لاقتـ ـلك

" و الواد كان مرعوب ومستخبي في اخر الأوضة "

" مراد وصل ولما لقى دوشة استغرب واستغرب اكتر من كميه الأمن الى موجود بيحاول يمسك في أحمد بذات "

- فيه ايه؟!!!!!

" ندى قامت وراحت جريت على حضنه "

" مراد رفع ايده وطبطب عليها بقلق وهو مش فاهم!!! "

- فيه ايه اهدي ايه الى حصل ؟؟؟؟

" عينه راحت على ليان الى كانت ساكته "

أحمد بعصبيه وغضب: فيه ان واحد ابن **** جوه اتعرض لهم هي وليان ومد ايده عليهم و سيادة العميد مخبيه جوه مش راضي يسيبه !!

"مراد مكنش مستوعب الى سمعه !!!"

- نعم ؟؟؟ !!!!

" بص لندى.. وليان كان باين عليها الضغط والإرهاق "

" مراد قرب ناحيتها وهو ايده على ندي لما لاحظ انها تعبانه "

- ليان ؟؟

" ليان كانت بتاخد نفسها بسرعه..

و فجأة داخت من شدة الضغط الى هي فيه

محستش بأي حاجه.. و وقعت."

>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على محمد '

|| في مستشفي الكلية ||

" مراد شال ليان و دخلها غرفة مع دكتورة وكلهم كانوا مستنين بره

. معادا أحمد هو الى فضل قدام اوضة العميد "

ندى بعياط: مراد انا خايفه!

مراد طبطب عليها: اهدي

" الدكتورة خرجت و راحت ناحيتهم "

- مجرد هبوط من شدة الضغط والتوتر مش اكتر هترتاح شوية وتقدر تروح معاكم بس بلاش مجهود حاليا تمام.. والكدمه الى في دماغها بسيطه جدا مفهاش اي حاجه

" الدكتورة مشيت ومراد بص لندى بعدم فهم "

= كدمه ايه !!

ندي مسحت دموعها: ادهم.. زقها و وقعت

" مراد سكت وهو جواه براكين و ندي دخلت لـ ليان هي وسلمي.. "

" وقتها بعت مسدج من موبايله وبعدين دخلها "

- انتي كويسه؟؟

ليان ردت بهدوء: انا كويسه... اوعو حد يكون كلم ماما مش عاوزاها تقلق

"مراد قرب عندها وفضل يبصلها وهو بيتفحصها بقلق"

- متقلقيش

= متقلقوش انتوا انا كويسه على فكره

مسح على راسها براحه: ارتاحي شوية الدكتورة طلبت كده انا ثواني وجي خليكم هنا

" نهى كلامه وهو بيبص لندى وصاحبتها.. "

>>>>>>>>>>>>>>>>>>>>>>>>>>>>>>>>>>>

'سبحان الله وبحمده سبحان الله العظيم'

'اللهم اسقنا غيثاً مغيثاً هنيئاً مريئاً"، و"اللهم إني أسألك خيرها وخير ما فيها، وأعوذ بك من شرها"

" مراد خرج و راح عند احمد "

" وكانت جواه طاقة غضب مش قادر يتحكم فيها لدرجه انه كان عايز يهد الجامعه كلها على الى فيها "

- الواد جوه ها؟؟

احمد قبض ايده: انا مستنيه ومش هتحرك

العميد بيقول شوية والشرطه هتيجي..

= وانا مش هستني لما يجوا..

" احمد ملحقش يفهم ولقي مراد تجاهل الأمن و خبط الباب بقمة الغضب الاعمى مرتين وقتها احمد منع الأمن يوصلوا لمراد "

" و دخل خد الواد من قفاه وفضل ساحبه لحد بره وهو اصلا مكنش فيه نفس لأن احمد عجنه لحد ما خرجوا عند الكليه بتاعت ليان بقلمي سلسبيل احمد"

" و مراد نزل فيه صْرب كل ما يفتكر منظر ندي و ليان الى اتخبطت بسببه في راسها وكان بيصْربه بمنتهي العْل مفاتش دقيقتين والناس اتجمعت كتير و حاولت تسلك الدنيا "

" في الوقت ده الشرطه وصلت.. و كمان ياسين وصل بعد لما مراد بعتله وكان معاه اتنين صحابهم "

" كلهم طلعوا على القسم لكن مراد صمم ان ليان و ندى مش هيروحوا معاهم وقال لياسين يروحهم على البيت.. "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| في البيت | عند فاطمه ||

- الولاد محدش منهم جه عندك يا ماما

= لا يا كوثر خير

- مفيش انا بس كل لما اكلم حد ميردش.. ومراد قافل الورشة حتي

= متقلقيش العيال كبرت

- والله لما كبروا مشاكلهم كبرت

ضحكت: يعيشوا ويعملوا مشاكل

" نورا نزلت ولقتهم "

- انا بكلم ليان مش بترد ولا مراد ولا ندى

فاطمه: انتوا هتقلقونا ليه.. كلموا احمد

كوثر: برضو مردش

فاطمه: استغفر الله خير بإذن الله.. ربنا يستر

" بعد دقايق من كلامهم لقوا الباب بيخبط.. و ياسين كان مع ندي وليان ومعاهم هاجر اخته لأنه كلمها.. "

" فاطمه و كوثر و نورا اتخضوا "

- فيه ايه ؟؟ مالكم؟؟

كوثر: ندى انتي معيطه! فيه ايه!

هاجر: اهدي يا طنط محصلش حاجه

ياسين: انا محتاج عم عز ضروري.. هو فين

نورا: حصل ايه يا ياسين اتكلم!!

ياسين: مفيش .. مشكلة بس بسيطه

كوثر: مشكلة ايه فين مراد ؟؟

ياسين: خليني اشرح بعدين بس عم عز فوق؟

نورا: عز خرج من شوية هكلمه اصبر

ياسين بص لهاجر: طيب.. انا هاروح اكلم عم ابراهيم.. عرفي فريده اني طالع ابعتي لها

" وفعلا ياسين طلع يشوفه و نزلوا هما الاتنين وقتها مينا شافهم "

- ياسين فيه حاجه؟

ياسين بصله: مراد و احمد في القسم..

= نعم؟ ازاي وامتى

ياسين: هفهمك بعدين

" مشيوا وقابلوا عز .. و راحوا هما الاربعه.. "

" عز عمل اتصالاته.. وابراهيم كلم اتنين محامين.. "

>>>>>>>>>>>>>>>>>>>>>>>>>>>>>>>>>>>

' اللهم صيبًا نافعا '

'سُبحان الذي يُسبح الرعد بحمده والملائكة من خيفته'

|| في القسم | مكتب الظابط ||

- كل الى قولته ده تمام وعندك حق عشان الى حصل لاخواتك.. بس انت عملت مشكلة في حرم جامعي وسط طلاب و تم التعدى على رجال الأمن.. بيدج الفيس بتاعتي سلسبيل احمد.. وكمان عميد كليه.. ده غير ان برضو انت تعديت على المدعو أدهم.. و ده برضو طالب جامعي.. و حصل له اصابات ممكن تؤدي لـ عاهة آسف بس موقفكم ضعيف جدا

احمد: تمام واحنا هنكمل في القصْيه

مراد: بظبط كده.. احنا مخدناش حقنا ده يادوبك رد فعل طبيعي لما نشوف واحد اذي اخواتنا. الى عمله ده برضو تعدى على بنات في حرم جامعي

وبعدين انا لولا الناس والظروف معرفش لو كان طلع عايش من تحت ايدي!!

أحمد: اسمح لى حضرتك يا سيادة الظابط الى حصل لاخواتنا ده تحـ ـرش لانه لمسهم و اعتداء داخل حرم جامعي اثناء فترة الدراسة و ادى للإصابة للطالبة ليان الى هنطلع لها تقرير طبي فيه كدمه و هبوط بسبب الموقف الى تعرضت له هي وبنت عمها ندى.. وكمان زميلتها سلمى الى برضو تم الاعتداء عليها كل ده مش شخص واحد فا احنا مش هنتنازل وكمان أكيد اهل زميلتهم مش هيتنازلوا

الظابط اتنهد وبصلهم: تمام انا همشي في الإجراءات.. وهاخد اقوالهم و اقول الشهود.

" الباب خبط و المأمور بلعْ الظابط بوجود ولي امرهم.. عز و ابراهيم.. "

" دخلوا ومعاهم المحامي.. الى فهمهم ان موقفهم قوي جدا.. و كملوا الإجراءات.. بيدج الفيس بوك بتاعتي سلسبيل احمد.. و الحمدلله عرفوا يخرجوا أحمد و مراد.. و الواد تم التحفظ عليه لحد ما تتم باقي الإجراءات ويتحـ ـبس لأنهم رفضوا التنازل.. "

>>>>>>>>>>>>>>>>>>>>>>>>>>>>>>>>>>

' الله اكبر الحمدلله استغفر الله لا إله إلا الله '

" مراد و أحمد خرجوا ومينا راح ناحيتهم "

- انتوا كويسين يا رجالة؟

أحمد: بسيطه..

مينا بص لمراد: مكلمتنيش ليه؟

مراد: بعدين يسطا

" وصلوا البيت وليان كانت قلقانه ومش بتفكر غير في مراد.. لحد ما سمعتهم داخلين هو وعز البيت.. "

ليان: بابا.. حصل ايه

ندى: مراد انت كويس

" مراد قعد وبصلهم بهدوء "

- محصلش حاجه احنا كويسين! انتوا عاملين ايه؟؟

ندى: كويسين..

هاجر: عملتوا ايه مع الواد؟؟

عز: بأذن الله هيتحبس

فاطمه: اطلعوا انتوا يا بنات ارتاحو.. طلعيهم يا كوثر

>>>>>>>>>>>>>>>>>>>>>>>>>>>>>>>>>>>

' اللهم صيبًا نافعًا '

" اخر اليوم بليل نزلت عند تيته وبعتله رساله يجي لأني مكنتش مرتاحه.. "

|| في الورشة ||

- مش مبرر برضو يسطا كنت عرفوني!!

ياسين: يعم مكنش ينفع حد من برا يدخل عشان ميقولوش جبنا بلطـ ـجيه في حرم جامعي!!

مراد: بظبط.. وبعدين انا اصلا روحت لاقيت مفيش حد والواد بطوله معهوش غير صاحبه ومحاولش حتي يحوش عنه..

ياسين: تلاقيه خاف من مناظركم..

احمد بصله: انا لسه مضايق.. انا كنت عايز اقتـ ـلهم

مراد: انا لحد دلوقتي اعصابي مش مظبطه وعايز اصْربة تاني

احمد: طب على الأقل انت عجنته و تقريبا كسرت دراعه انا ملحقتش الأمن كله اتلم عليا

مراد: انا يادوبك طبطبت عليه

ياسين: انت مشوفتش الواد يا مينا اوعي تصدقهم الواد خلصان

مراد ضحك بنفاذ صبر: كان يستاهل اكتر من كده

ياسين: المهم هما كويسين؟

أحمد: مراد مش راضي يخليني اشوف ندى عامل عليهم حطْر

مراد: يسطا بكره الصباح رباح

" بص على المسدج بتاعت ليان وبعدين بصلهم "

- هروح خمسه وجاي

" احمد بصله بنص عين "

- اتفضل يعم.. هو يطمن هو وانا او..لع

"مينا ضحك جامد هو وياسين"

" ومراد سابه بغيظه..

راح عند فاطمه ولقي ليان قاعده "

- امال فين تيته؟

= بتعمل حاجه سخنه.

- طب ايه انتي كويسه؟

= انا كويسه.. انا بس مكنتش مركزه فى كل الى حصل وعايزه اطمن عليك.. هو الموضوع خلص ولا ممكن تروح القسم تاني

- ليان متشغليش بالك كل حاجه كويسه المهم انتم

= انا طول اليوم مش مرتاحه عشان حاسه ان موضوع زمان هيتكرر..

بصلها بستغراب: موضوع ايه؟

- لما دخلت القسم بسببي.... انت قولت لي يا مراد مش هتعمل مشاكل ولا هتتهـ ـور !

= كنتى عاوزاني اعمل ايه لما اشوف الى عمله؟ كان لازم حد يوقفه عند حده!!! وياخد علقه قبل

ما يتحــ بس !! ليان انا مش مجنـ ـون بس اي واحد هيرفع عينه في واحده منكم مش هسكت له واستني الشر..طه تيجي تلمه!!

"اتنهدت بصمت فا بصلي"

- بعد كده اي حاجه تحصل تكلميني سامعه؟ انا فهمت انكم ملحقتوش و صاحبة ندى الى اتكلمت.. بس من البداية مكنتيش تتدخلي قبل ما تعرفيني الى بيحصل

= وانا ملحقتش لاقيته بيتمادي مع ندى مقدرتش اسكت!! اصلا انا جبانه وانت عارف لكن هو قليل الادب وانا خوفت على ندى

" حاول يمسك اعصابة "

- اهو اخد جزاءة.. انا هرجع الورشة.. ومتفكريش كتير بقا فاهمه؟ عاوزك بالك رايق وتطلعي تنامي..

= اشمعنا

- كده.. اسمعي الكلام

" تيته دخلت ومسكت فيه يشرب حاجه معانا..

وبعدها مشي.. "

>>>>>>>>>>>>>>>>>>>>>>>>>>>>>>>>>>

|| تاني يوم الصبح | في بيت ليان | الصالة ||

" ليان كانت نايمه.. و مراد واخد معاد مع عز "

نورا: اشرب يحبيبي اعملك حاجه تانيه

مراد: مش عايز اشرب بصراحه.. انا مركز في الى جي عشانه..

عز: خير ياحبيبي قول

- بص ياعمى.. انا مش جاي في بالي مقدمات وانت عارفني.. انا عايز اتكلم مع حضرتك بخصوص ليان.. انا طالب ايدها.

- بص ياعمى.. انا مش جاي في بالي مقدمات وانت عارفني.. انا عايز اتكلم مع حضرتك بخصوص ليان.. انا طالب ايدها.

= ليان!

- انا عارف ان ده طلب مفاجئ لحضرتك.. بحكم اننا متربين سوا.. ويعتبر زي الأخوات.. و ده الى كنت فاكره لحد ما كانت هتتخطب لحد غيري..

" عز كان ساكت و نورا كانت عارفه من ليان ولكن برضو الموضوع كان موتر "

- انا اكتشفت اني بحبها.. وكنت بس خايف اني اخد خطوة زي دي.. علشان مش آذيها بأي شكل.. وكمان مكنتش مستقر.. بس حاليا بحاول.. اخدت مكان كبير عشان ابدا فيه مشروع ورشة كبيرة و مركز صيانه للعربيات... انا الحقيقه عندي استعداد اعمل كتير اوي علشانها ياعمي..

نورا: ألف مبروك يا حبيبي فخورين بيك اوي!

مراد: الله يبارك فيكي يا مرات عمي

مراد ابتسم وبص لعز: انا عاوز حضرتك تعاملني كأني حد غريب رخم عليا لو حابب بدل السكوت ده

عز بصله: انسي انك ابن اخويا يعني؟

مراد بجديه:  كأنك اول مره تشوفني..

= انت اسمك ايه وشغال ايه؟

- اسمي مراد عبدالرحمن... و شغال في ورشة حاليا. لكن مؤخرًا.. أخدت مكان بعيد عن منطقتي.. علشان افتحه ورشة كبيره وفيها أدوات.. ومركز صيانه وكده يعني حاجات عربيات لأن ده كان حلمي عشان بحب العربيات.. ومعايا شريك صغير.. كريم

نورا ابتسمت وبصتله بفرحه وهي بتبوظ الجلسه الجدية الى بدأوها

- ادبـ ـح حاجه بقا يا عيوني عشان الحسد

مراد ضحك: أكيد حاضر.

عز: كلمني شوية بقا عن موضوعك وازاي فجأه بقيت حاسس كده.

اخد نفس عميق وبصله: الحقيقة.. انا لو عندي بنت زيها مش هديها لحد ابدًا لكن انا اقدر ادي حضرتك كلمه.. اني عمري ما هعاملها اقل ما تستحق.. بقلمي سلسبيل احمد ولا عمري هزعلها.. انا بحبها ومستعد اني اعمل اي حاجه علشانها.. انا طول الوقت شايفك قدام عيني بتتعب عشانها.. وكنت متبهدل في الغربة.. عارف حضرتك بتحبها قد ايه..

اسمحلي ارجع ابن اخوك واقولك اني... اتعلمت منك كتير اوي يا عمي.. و لولا وقفتك جمبنا بعد وفاة بابا.. مكــ..

عز قاطعه: مراد متكملش كلامك انت فاهم وعارف اني مش بحب الكلام ده.. انا يحبيبي معملتش حاجه! ده واجبي تجاه عيال اخويا! معملتش حاجه تستدعي انك تكون ممتن ليها! بالعكس.. انا الى مفروض اشكرك علشان كنت راجل في غيابي! وكنت واخد بالك من اهل بيتي.. انا يا حبيبي مهما شوفت ناس كويسه عمري ما اطمن على بنتي مع حد زي ما هطمن عليها لو بقيتوا سوا..

مراد مكنش مصدق وبصله بتعجب: اعتبر دي موافقة يا عمي!؟؟

عز اتكلم وهو بيتصنع الجديه: لا طبعا.. لما نسأل عليك الأول.. و نشوف شقتك

مراد: طب ده انا شقتي قريبه الدور الرابع علطول يعني بعدك بدور .. و أتصل اجيب ياسين واحمد و مينا تسألهم عليا

عز: ده انت عامل حسابك على كل حاجه بقا.. طيب فاضل نسأل ليان

مراد: طيب بما اني خلصت موضوعي.. فا انا زهقت من زن احمد.. عاوز يتجوز ندى في اسرع وقت

نورا: ومالو و اهو تبقي الفرحة فرحتين..

عز: انا معنديش مشكلة اسأل والدتك واسأل ندي وشوف رأيهم انا من ناحيتي موافق الولد كويس و زي الفل..

مراد: طب حضرتك مش هتخليني برضو اساعد ندى! دي اختي يعني يا عمى

عز بتصميم: دي بنتي قبل ما تبقي اختك.. وبعدين ماهو صاحبك اصر يجيب معظم الحاجات!

مراد: حتي لو يعني.. خليني اعملي اي منظر

عز بمرح: هبقي اخليك تحاسب على بوكيه الورد بتاع الفرح

"نورا ضحكت ومراد ابتسم بقلة حيلة"

- ماشي.. انا هنزل عشان هو كل دماغي عاوز يطمن على ندى..

= هي كويسه؟

- اه الحمدلله بخير.

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على سيدنا محمد '

|| في بيت كوثر ||

- كانت ندى عارفه ان احمد جي فا كانت جاهزه و طلع خبط عليها..

" طق طق طق "

- ايوه؟

= خلصتي يختي؟

" فتحت الباب وخرجت "

- اه جاهزه

= قاعد عند تيته تحت هما عشر دقايق اديني نبهتك

ايه الاحمر ده يا ندي؟؟

بصتله بتعجب: فين ده؟

- في وشك اهو

= ده زبدة الكاكاو

- والله؟ روحي امسحيها بدل ما انزل اطرده

= يلهوي عليك حاضر!!

" لقي كنزي بتضحك عليها فا بصلها بتحذير "

- اسكتي يا لمضه دورك جي

" كنزي عملت حركه سوسته على بوقها وسكتت "

" نزلوا بعد هما الاتنين و فاطمه كانت بتضايف احمد "

- طب اجبلك حاجه تاكلها

= تسلم ايدك حلو لحد كده هي قهوه بس

" مراد دخل وسلم عليه وقعد وبعدين ندي قعدت "

احمد بصلها: ايه الاخبار انتي كويسه؟

- اه الحمدلله..

احمد: عملت ايه مع عمي بقا؟

مراد بخبث: مش موافق خالص.. بيقول على الأقل خطوبة سنتين

احمد ملامحه اتبدلت: نعم !!! سنتين ايه يا مراد

ندي: ازاي يعني ده هو قال لماما قبل كده سنه!!

احمد: اصبري انتي بس ولا حتي سنه

مراد كتم ضحكه: اعمل ايه يعني ؟ انت عارف كويس عمي كلامه بيمشي عليا انا ذات نفسي

احمد وقف: لا طب يلا بينا نطلع له

" مراد مقدرش يمسك نفسه وقعد يضحك على وقفة احمد و حمقته "

احمد برم شفايفه بغيظ وبصله: بتصيع عليا ها؟

مراد هز راسه: اه.. مش قادر شكلك يموت من الضحك

ندي بصتله بنص عين: طب يعني قال قد ايه؟

احمد: وافق على السنه دي؟

مراد: وافق يا معلم مبروك

احمد صْربه براحه: يأخي على تناحتك

" مراد حضنه وكان مبسوط واحمد كان طاير من الفرحه.. وكذلك ندي بس مش مبينه "

احمد: روح بقا شوفلك شغلانه ياريت

- انا رايح اعمل شاي وجايلكم

" دخل المطبخ وقتها احمد بص لندى بحب "

- مبروك علينا

" سكتت بكسوف "

- حاسه انك كويسه هتنزلي الكلية بكره؟

= اه.. انا تمام

- هفضل اوصلك و ارجعك.. انتي وليان انا اتفقت مع مراد خلاص

= هو وافق يعني

- ايوه.

= ولا تسيبك من كل ده وبلاها تعليم

- عشان عمي و مراد يقتلو..ني بقا

= لو انتي عايزه سبيهم عليا

- لا اكيد انا عايزه اكمل

اتنهد وبصلها: طب خلي بالك علي نفسك يا ندى.. انا الموضوع مضايقني ومش عايز اتكلم علشان مبقاش بضغطك

- موضوع ايه مش فاهمه

= انك عمرك ما حكيتي ليا انه ضايقك قبل كده

- والله يا احمد مكنتش اعرف انه هيتجرأ للدرجه دي انا علطول مش بديله اهتمام ولا بكلمه

لا هو ولا غيره! مراد منبه عليا

= انا مقلتش انك سمحتيله.. انا بتكلم في حته ان من اول موقف كلمك او حسيتي انه بايخ وبيتلزق تعرفيني او تعرفي مراد علشان نوقفه عند حده

- معاك حق.. بيدج الفيس بوك بتاعتي سلسبيل احمد.. انا الى متوقعتش يعمل كل ده..

وحاسه بالدْنب خصوصا علشان ليان.. من واحنا صغيرين وهي مش بتستحمل الخناقات وبتكرها

وبس اتدخلت عشاني..

= عموما حصل خير حقكم جه..

" مراد رجع لهم "

- مش كفايه كده احنا بنام بدري

احمد: الناس لسه بتصحي صباح الخير

= صباح النور يحبيبي هننزل نصتبح تحت بقا

احمد ضحك وقام: طيب يا معلم يلا

- امسك عملت لك كوباية معايا

= هات يخويا

ندي: الكوبايات لو مرجعتش سليمة طمطم هتعمل فيكم محصْر

احمد: في عنيا

مراد زقه: هخزقها لك ياض!

" نزلوا واحمد فضل يضحك وندي كانت بتكتم ضحكتها.. "

>>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

|| في بيت نورا ||

- ها قولتي ايه يا ليان

" كنت باصة لبابا وساكته مصدومه من الى قاله "

- يعني هو بدون مقدمات كده فجأة طلب ايدي

= اه.. وبعدين انا شايف انكم كويسين مع بعض

بصتله بأحراج: ماشي يعني بس.. انا اتفاجئت هو معرفنيش انه هيتقدم

- طبيعي يقولي انا الأول

= حضرتك شايف ايه

- اكيد موافق.. انا مش هلاقي لك احسن منه

نورا: انتي مالك متردده ليه

= انا مش متردده يا ماما انا بس متفاجئه..

" ماما حاولت تفهم مالي بس انا نفسي مش فاهمه.. معرفش هرموناتي ملخبطه كده ليه.. "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| في مكان تاني بره المنطقه ||

" كانت فريده موجوده تحت بيت قديم و قدامها واحد "

- هو انت مش قولت البيت في مكان كويس؟

بصلها من فوق لتحت: ماهو كويس اهو يا ابلة

= لا.. انا قولتلك زي البيت الى في الشارع بتاعنا.. بص خلاص مش عايزه

" كانت هتمشي فا وقف قصادها "

- استنني بس.. انا لفيت و جبتلك البيت ده عايز حقي

فريده بصتله بتوتر: عاوز كام!

= خمس آلاف جنيه

- نعم! كل ده عشان جبت بيت! وبعدين هو كان عجبني ؟؟

" و لحسن حظها.. ان ياسين شافها.. واستغرب جدا وجودها مع الواد الى واقف "

" دخل على الواد و قرب له اوي "

- في حاجه يابا ؟؟؟

= لا مفيش ياعم حد كلمك !!!

" فريده كانت بصاله بتعجب و ياسين بصلها و رجع بص للولد "

- تبعي يابا خير ؟

= كانت عايزه بيت يخويا وجبتلها ومش عايزه تدفع

- بيت ايه انا مش فاهم حاجه؟؟

فريده بتوتر: مفيش حاجه انت عايز فلوسك هديهالك خلاص

ياسين بصلها: فلوس ايه؟؟

- يلا يابا من هنا

" الواد مشي لأنه اصلا كان خايف "

فريده بصتله بسرعه: متجبش سيرة لاحمد انك شوفتني هنا !

رفع حاجبه: استني هنا انتي مش شايفه انتي كنتي فين ؟؟ اكيد هعرفه انتي هتودي نفسك في مصيبه معرفش انتوا كلكوا مالكو اليومين دول!!

فريده ربعت ايديها وبصتله: مالنا !

- ولا حاجه بس انا هعرف اخوكي

= اصبر طيب !!! ملهاش لزمه انا اصلا رجعت فكلامي ومكنتش هاخد البيت

- بيت ايه

= كنت بدور على شقة في بيت يبقي قريب من شارعنا من بدري عشان كنت خايفه بابا يرجعنا بالعافية

بصلها بسخريه: ولما تشتري بيت كده يعني انتي خلاص هتفضلي هنا؟ هو انتي تقدري تقعدي لوحدك!

- انا مكنتش بفكر صح.. و خلاص انا كنت فكراه بيضحك علينا بس هو فعلا هيخلينا هنا

= لو انتي متأكده فعلا ايه جابك تقابلي الى كنتي معاه ده وتشوفي الشقة ؟؟ انتي مش شايفه منظره؟ مش عارفه تحافظي على نفسك

" فريده استغربت نرفزته ولكن هي فعلا كانت غلطانه.. بس ده ميديهوش حق يكلمها كده! "

- انا كنت هخدها لو عجبتني

مسح على وشه: لا حول ولا قوة الا بالله

- لو عايز تقوله قوله مش هتفرق

" اتحركت وياسين فضل ماشي معاها ولكن بينهم مسافة لحد ما وصلت الشارع فا مشي هو بهدوء "

>>>>>>>>>>>>>>>>>>>>>>>>>>>>>>>>>>>

' الله اكبر الحمدلله لا إله إلا الله استغفر الله '

|| بليل | في بيت ليان ||

" كانت البنات كلها متجمعه.. ندي بتشارك معاهم انها هتتجوز خلال السنه دي و ليان بتقولهم ان مراد اخيرا اتقدم.. وفريده قاعده سرحانه.. وكنزي بتنام ومريم و هاجر مركزين في الكلام "

ليان: فريده.. يابنتي ايه الصمت ده

فريده بصت لهاجر: اصل بصراحه

هاجر: ايه ده فيه ايه

مريم: قولي شكلها مصـ ـيبة

" فريده اتنهدت وحكت لهم كل حاجه "

مريم بتفكير: مش قادره احدد مهتم عشان انتي اخت صاحبه.. ولا عشانك

هاجر اتكلمت: لا عشانها

"فريده بصتلها بدهشه وهاجر كملت وهي بتضحك"

- وقت المشكلة الى حصلت في الكلية.. وياسين طلع ينادي عمو ابراهيم من عندهم شاف فريده.. فا من ساعتها وهو واقع على دماغه

فريده: يعني ايه مش فاهمه

ليان ضحكت: دي الكلمه الى هاجر بتقولها لما تشوف حد بيحب..

فريده بصدمه: بيحب !

هاجر: انا عمري ما حسيت بحاجه وطلعت غلط

فريده: مش لدرجه حب يمكن اعجاب

ندي: المهم انتي حاسه ايه

مريم: بظبط ندخل في المهم

فريده ضحكت: مش عارفه شعور غريب.. مكنش ليا اختلاط برجالة قبل كده.. وحسيت واحنا هنمسك في بعض انا وهو اني مستمتعه بالخناقه

" ضحكوا و فريده اتكسفت وبصتلهم "

- جماعه بس! مفيش حاجه اصلا اكيد بنتخيل هو مش هيعجب بيا بالسرعه دي

مريم: بما ان الموضوع كده.. في واحد في الكنيسة شافني وطلب رقم بابا

" كلهم فضلوا يصيحوا في نفس واحد بفرحه ويغمزوا لها "

مريم خبت وشها: اسكتوا بقا

هاجر: هبقي سنجل لوحدى

ندى شاورت على كنزي الى نامت: انتي وكنوزة.

ليان: بس خلي بالك.. الغلطه عندكم بفوره

" مريم ضحكت "

- لسه لسه هنشوف..

ندى: لازم نحتفل ونرقص بالاخبار الحلوة دي

ليان: انا فرحانه ان كلنا سوا وكويسين وبخير ومبسوطين.. اتمني نفضل سوا علطول!

هاجر: بأذن الله هنفضل سوا

فريده: ان شاء الله

مريم: آمين.

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم على سيدنا محمد '

|| في المعرض ||

" مراد كان واقف هو ومينا و أحمد و كريم "

" كانو كلهم شغالين في المكان.. مع ان فيه ناس تانيه بتشتغل.. ولكن مراد كان عاوز يخلص بسرعه ويشغل المكان "

مينا: هاتولي مياه ريقي نشف

كريم: انا جعان مياه ايه

مراد: انا مكلم النيله ياسين قايله يجيب اكل وحاجات ويجي

أحمد: ملقتش غير البارد ده

ياسين دخل عليهم: سامعك يانجم

مينا قرب وخد منه الأكل: كلنا هناكل الا انت

مراد: هات بس العصاير والحاجات دي للرجالة

احمد: تعيش وتجيب يا برنس

" مراد وزع اكل ومشاريب على الرجالة الى شغالة عقبال لما يجهز مطبخ يقدر يعمل فيه حاجات.. "

كريم: معاد الدرس قرب هطير انا بقا

مراد: ماشي خلي بالك من نفسك محتاج حاجه؟

كريم: لا سلام

- كريم حاول تيجي بدري زي ما قولتلك

" كريم مشي و ياسين بصله "

- مندهش اني لاقيتك جايبه

= قعد يزن ويقولي مره واحده بس

ياسين ضحك: انت عارف انه كداب ولا لاء وهيقولك خليني اجي معاك تاني اساعدك

مراد ابتسم: عارف.. بس لما يمسك النجوم بقا.. انا هشده عشان يركز في دروسه

أحمد: انا عندي معاد عشان الشقة انا كمان وهمشي

ياسين: ربنا يتمم لك على خير يا حماده

احمد: اقولك حماده ده مين

مراد: متتخانقوش في المكان بتاعي لو سمحتوا

" جاله مكالمه من فاطمه فا خد جمب و رد عليها "

- ايه يحبيبي قدامكم قد ايه

= ساعه ونص ساعتين يا تيته كده

- لا مش لازم تتعبوا نفسكوا اوي كده ساعه وتعالوا احنا جهزنا كل حاجه

= والله يا فطومه انتي الى بتتعبي نفسي

- ملكش دعوة اتعب عشانكم براحتي

= الى تشوفيه

" قفل معاها وراح عند الشباب "

- تيته عامله عزومه إجباري احتفالا بأفراحنا الى كترت دي "

مينا ضحك: والله ميه ميه انا كنت عايز نعمل لكم شوية هيصه يعني ونفرح انت الحمدلله قربت تخلص المكان و تخطب و احمد هيتجوز وانا اختي جايلها حد.. ربنا يكتر من افراحنا يا معلم

مراد: حبيبي عقبال ما نفرح بيك

مينا: يعم انا لما انشن على واحده تطلع مسمله

" مراد ضحك هو وياسين وبصلهم بصمت "

- انا عايز اقول لكم حاجه..

مراد: خير

مينا: مصيبه؟

- مش عارف بس لا مش بظبط.. انا كمان شكلي هاخد خطوة ناحية حد كده.. المشكلة اني هحتاج منكم تبقوا معايا لحسن اتسلـ ـخ

= تتسلحْ من مين

- من اخوها

مراد بصله بنص عين: انا شوفت الحكاية دي فين قبل كده ؟

" مراد كان يقصد وقت لما احمد قاله انه بيحب ندي "

ياسين ضحك: لا متخفش مش طالب القرب منك في كنزي اكيد

مينا ضحك ومراد بصله: طب ريحوا وفهموني

مينا: انا زي زيك

ياسين: خلاص بعدين بقا

مراد: المهم انها مش كنزي يعني

ياسين ضحك: يعم مش كنزي !!

" خلصوا كلهم و الكل راح على البيت.. و احمد خلص مشواره و حصلهم والبنات نزلت والمره دي كانت مختلفة لأن فاطمه جهزت البيت عشان كلهم يبقوا فيه.. الستات في ناحيه ولابسين الطرح و الرجالة في ناحية.. "

" الفكره مكانتش مجرد عزومه قد ما كانت فاطمه عاوزه تفرح بيهم ويبقوا حواليها! "

" كنزي و مريم و فريده وليان وندي و هاجر "

" واحمد ومينا و ياسين و كريم ومراد "

" وفاطمه وايمان و نورا وكوثر و شهيرة وماري "

" و ابراهيم و عز و عادل و يوسف "

" وبكده كانت شجره الجيران مكتمله.. ناقصها بس والد مراد عبدالرحمن.. "

فاطمه كانت بتبص للكل بحب وبتشوف لو حد محتاج حاجه.. ومراد كل شوية يتلكك و يروح يبص على ليان في الخباثة وهي بتاخد بالها.. وتداري ضحكتها..! "

فاطمه: حد محتاج حاجه يا حبايبي؟

ايمان: تسلمي يا ماما اقعدي معانا بقا

" قعدت وسطهم وهي فرحانه.. والأخبار السعيده قعدت تتوالى بينهم و ماري قالت عن عريس مريم وفضلوا يزغرطوا لها.. و عز اتفق مع ابراهيم واحمد على معاد فرح ندى "

" اليوم كان جميل جدا ومليان دفا!

وفي اخره كانوا بيروقوا الدنيا قبل ما يمشوا..

الاعداد بدأت تقل.. والجو بدأت يهدي "

" كان فاضل نورا وكوثر و ليان ومراد "

" كله تعب وطلعوا ينامو.. والباقي روحوا.. "

" ليان راحت لمراد في اوضة الصالة وهو بيلم حاجات "

- احمم احمم.. يا أهلا بالاستاذ الى طلب ايدي من غير ما يقولي..

بصلها وابتسم ابتسامه جانبيه: مش انتي كدا كدا موافقة

= والله..؟ افرض غيرت رأيي

- متقدريش..

= ليه بقا؟

- عشان انتي بتاعتي من وانتي في اللفه.. من ايام كيكه الفانيليا

مسحت على وشها وهي بتضحك: يادي كيكه الفانيليا

= مفيش مفر يابنتي

" قاطعهم صوت كوثر وهي بتزعق وبتنادي نورا "

ليان فضلت واقفة وسمعوا زعيق مره تانيه

- يا مراد اللحقني !!!!! يا كوثر !!!!!

" مراد راح عندهم بسرعه.. لكن ليان..

فضلت متسمره مكانها.. كأنها اتجمدت و عينيها ثابته

على اوضة فاطمه.. الى كلهم جريوا عليها.. "

- احمم احمم.. يا أهلا بالاستاذ الى طلب ايدي من غير ما يقولي..

بصلها وابتسم ابتسامه جانبيه: مش انتي كدا كدا موافقة

= والله..؟ افرض غيرت رأيي

- متقدريش..

= ليه بقا؟

- عشان انتي بتاعتي من وانتي في اللفه.. من ايام كيكه الفانيليا يا ليان.

مسحت على وشها وهي بتضحك: يادي كيكه الفانيليا

= مفيش مفر يابنتي

" قاطعهم صوت كوثر وهي بتزعق وبتنادي نورا "

" ليان فضلت واقفة باصه لمراد بصمت وسمعوا زعيق مره تانيه "

- يا مراد اللحقني !!!!! يا كوثر !!!!!

" مراد راح عندهم بسرعه.. لكن ليان..

فضلت متسمره مكانها.. كأنها اتجمدت و عينيها ثابته

على اوضة فاطمه.. الى كلهم جريوا عليها.."

" مراد دخل الأوضة بسرعه ولقي كوثر و نورا بيحاولوا يفوقوا فاطمه.. "

مراد: ايه الى حصل!!

نورا: وقعت فجأة

" عز دخل على صوتهم "

مراد زعق: اطلبوا الإسعاف حالا..!!!!!

" الكل اتحرك على طريق المستشفي وهما مش قادرين يستوعبوا الى بيحصل و مراد كان واخد ليان في عربيته ومكانتش بتنطق ولا بتدي اي رد فعل "

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على نبينا محمد '

|| في المستشفي | غرفة طوارئ ||

" الكل كان واقف قدام الأوضة الا ليان واقفة بعيد لوحدها وخايفه تقرب.. بقلمي سلسبيل احمد لحد ما لقت الدكتور خرج وقتها ليان كانت مرعـ ـوبه تسمع خبر مش عامله حسابه! "

عز: طمنا يا دكتور!!

الدكتور: الحمدلله لحقناها احنا محتاجين دلوقتي قرايب درجه اولي..

عز: انا ابنها يا دكتور فيه ايه!!!

الدكتور: معاد العمليه لازم يتحدد فورا

نورا بصتلهم: عمليه ايه؟؟

كوثر بعدم فهم: ماما مالها؟

" مراد كان ساكت و عز هو كمان مش فاهم حاجه "

الدكتور: هي بخير حاليا.. استأذنكم...

" الدكتور خد عز ومشي والكل اتنهد بهدوء وكأنهم مكانوش عارفين يتنفسوا قبل ما يطمنوا عليها "

" مراد راح عند ليان بسرعه لأنه كان حاسس بيها "

- اهدي تيته كويسه متخافيش

" ليان قعدت وهي بتضم نفسها وبتبدء تعيط بأنهيار ومراد بيحاول يهديها "

- ليان اهدي هي كويسه صدقيني

ردت بعياط: كنت خايفه تسبني وتمشي يا مراد

" قربها ناحيته وطبطب عليها بهدوء بحنيه "

- اهدي يا ليان هي بخير وهندخل نطمن المهم تمسكي نفسك بلاش تشوفك كده اهدي

" مسح دموعها وفضل يهديها وبعدها جت نورا حضنتها و مراد راح عند الدكتور "

عز: تمام يا دكتور.. امشي فى الاجراءات

مراد: خير يا بابا

عز: جدتك عندها مشكلة ولازم عمليه ازاي محدش لاحظ تعبها.. الدكتور بيقول العمليه كانت مفروض تتعمل من بدري

" مراد قاطعه رنه موبايله وكانت ندي مرضيش يكنسل لحسن تقلق "

- الو.. مراد انتوا فين كلكوا الوقت ده؟؟

مسح على وشه بضيق: احنا... في مشوار

= مشوار ايه دلوقتي؟؟

" مكنش عارف يعمل ايه.. "

- هي كنزي صاحيه؟؟

= ايوه هي كمان صحيت قلقت.. مراد فيه ايه وحتي ليان مش هنا ولا بترد

- انا هقفل معاكي دلوقتي وهكلمك تاني ماشي

" قفل معاها وجه قدامه رقم احمد رن عليه وفهمه الوضع.. وطلب منه يفهم ندى لحد ما يشوفوا هيعملوا ايه .. "

" اما في اوضة فاطمه فا كان موجود كوثر و نورا و عز بيطمنوا عليها "

فاطمه: انا كويسه وهروح بيتي

عز: حببتي الدكتور بيقول لازم تعملي عملية

فاطمه برفض: انا مش هعمل حاجه يا عز!

" بره الأوضة كانت ليان واقفة ومراد راح لها "

- مدخلتيش ليه تشوفيها

" بصتله بخوف "

= مش عارفه.. خايفه..

- متقلقيش يا ليان.. هتبقي كويسه

= انا سمعتهم بيقولوا هتعمل عمليه..

هي تيته عندها ايه

- لسه مش عارفين تفاصيل..

" لقوا كوثر و نورا خارجين على وشهم علامات قلق "

ليان: فيه ايه يا ماما

نورا: رافضه تعمل العمليه

كوثر: والدكتور قال مفيش وقت

ليان بدموع: يعني ايه مفيش وقت!

كوثر: واضح انها كانت عارفه بتعبها من بدري.. عندها مشكله في الرئة ورافضه العمليه.. ولحد دلوقتي رافضه

ليان بصدمه: يعني ايه !!!!

" فضلت واقفة وبعدين خدت بعضها ودخلت وكان عز عمال يحاول معاها "

ليان اتكلمت بصوت بيترعش: تيته !!

فاطمه بصتلها: تعالي ياحببتي

" قربت بخوف وهي بتبص لها وبتتأكد انها كويسه.."

- تيته انتي لازم تعملي العمليه

فاطمه: سبنا لوحدنا يا عز

" عز خرج بقلة حيله وليان راحت جمبها على السرير"

- انتي عارفه انك تعبانه من بدري..

ومرضتيش تعمليها؟

فاطمه بهزار: ستك جبانه.. مستحيل تعمل عمليه زي دي

ليان بعياط: متقوليش كده.. انتي قوية انتي الى علمتيني ابقي قوية والعمليه بسيطه.. لازم تعمليها يا تيته الدكتور قال

فاطمه قاطعتها وهي بترفع ايدها تمسح دموعها: متعيطيش يا حبيبة تيته.. انا عارفه الى هيحصل لو معملتهاش.. و راميه حملي على ربنا

ليان بصتلها برفض: لاء! انتي لازم تعمليها يا تيته انا مش مستعده اني

سكت و دموعها نازله زي المطر ولكن ملامحها بتحاول تهدي: انا مش هقدر على بعدك.. مش عاوزاكي تسبيني

حضنتها وهي بتعيط بقـ ـهر: عشان خاطري يا تيته ونبي بلاش تعملي كده

" مراد دخل عليهم وحاول يهدي ليان ولكنها مش بتهدي وكذلك الباقين.. بيدج الفيس بوك بتاعتي لحد ما الممرضه خرجتهم عشان تعمل شوية فحوصات.. "

>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم'

|| في الممر ||

" كان مراد قعد ليان بره وحاول يهديها وهي كانت مايله على كتف كوثر.. "

" واتفاجئ بـ احمد و معاه ندى و كنزي و فريده "

" جريوا بحْضه ناحيه ليان وفضلوا يسألو عن فاطمه "

مراد بصله: قولتلك متجبهمش يا احمد!!

- اختك مرضتش! وقالت لي لو مجبتهمش هتنزل لوحدها وفريده سمعتني.. كلهم هناك عرفوا وجايين ياسين جايبهم

"مراد رجع شعره لورا وبيحاول يهدي: احنا كده هنبقي بنضغط عليها "

احمد: احنا كلنا من حقنا نطمن عليها يا مراد

" كلهم دخلوا لها فعلا على فترات عشان العدد واطمنوا عليها ولحد ما الصبح طلع "

" المستشفي كانت فيها البنات كلهم.. وياسين ومينا واحمد و كريم وايمان وشهيرة.. "

" مراد استني لما الجو هدي.. و دخلها "

- تيته صاحيه؟

" فتحت عينيها وبصتله "

= ادخل يا مراد

" شد كرسي وحطه وقعد وهو بيمسك ايدها و بيبوسها "

- حمد الله على سلامتك

= الله يسلمك.. مالك يحبيبي

"مراد عيونه كانت مدمعه وبيحاول يمسك نفسه"

- كان حمل تقيل عليا اوي تيته

ردت بخفوت: انا عارفه.. عارفه يا مراد.. بس اهو.. الدكتور الله يجازيه عرفهم كل حاجه

= انا الأول كنت بسمع كلامك.. بس دلوقتي مش قادر انتي لازم تعملي العمليه.. انا مليش غيرك

- متقلش كده يا ولا.. انت ليك حبايب وجيران وعيله انت مش لوحدك وبعدين انا مش مربيه راجل ولا ايه اوعي تفتكر انك تربيه كوثر لوحدها ولا عز لوحده لا

"حاول يبتسم وبصلها ودمعه نزلت غصب عنه"

- انا تربيتك ياستي.. وابنك وحفيدك وكل حاجه.. اسمعي كلامي بقا.. زي ما قولتي قبل كده ارمي حملك على ربنا.. واعملي العمليه.. عشان ترجعي لنا احسن من الأول

= العمر مبقاش فيه يا مراد.. انا قربت على الـ 70 سنه يا ولا هناخد زمنا و زمن غيرنا

- بلاش تقولي الكلام ده.. انتي يادوبك 67 سنه لسه شباب

ضحكت وبصتله: البركه فيك انت يا مراد.. انت والشباب.. والبنات..

مراد بصلها بجديه: انا نفذت رغبتك.. ومعرفتش حد فيهم بتعبك .. المره دي انتى الى مفروض تسمعي كلامنا..

" ليان دخلت وبصتلهم بصدمه "

ركزت نظرها على مراد وهي مصدومه: انت كنت عارف !!!!!!!

" مراد وقف وهو باصص لها وساكت "

بصت لفاطمه: هو كان يعرف كل الفتره الى فاتت!!!!

مراد قرب ناحيتها وليان بعدت: كنت تعرف

يا مراد !!!

مراد بصلها لما حس انها بدأت تتعصب: ليان براحه خلينا نتكلم برا عشان تيته

بصتله بقمه الغضب: مفيش بينا كلام!

فاطمه اتكلمت: ليان.. انا الى طلبت منه

" ليان بصتلها وسابتهم و خرجت "

" مراد فضل واقف بيلوم نفسه ومش عارف يتصرف"

- روح لها وبراحه عليها يا مراد.. انت عارفها.

" اتنهدت وبصلها "

= ارتاحي متقلقيش..

" خرج من الاوضة وبص عليها ملقهاش "

- ندي.. ليان راحت فين

= نزلت من هنا

" مراد نزل وراها وكانت خطوته سريعه لحد ما لقاها قاعده في جنينه المستشفي على مقعد و حاطه راسها بين ايديها وباصه لتحت "

" وقف قصادها "

- ليان!

" ليان رفعت راسها وبصتله.. وبعدها وقفت "

- كان ممكن نتكلم معاها كلنا من بدري وعمرنا ما نوصل للنقطه دي انها تقع.. كان ممكن نخليها توافق.. وتعمل العمليه.. بس انت!!! انت خبيت علينا.. وكدبت عليا وانت اكتر واحد بيكره الكدب

= انا مكدبتش عليكي! انا خبيت على الكل!! دي مش كدبه!! بعدين دي كانت رغبتها ونفذتها

ردت بزعيق: نفذتها وانت عارف انك بضرها !!!

- انا عمري ما هضرها !!! حاولت معاها كتير وهي رافضه اعمل ايه ؟؟؟ كل طلبها كان ان محدش يعرف مش عايزه ضغط من حد ومش عايزه تقلق حد

= انت بتبرر لنفسك ايه !!!! انت غلطان ومكنش مفروض تسمع كلامها ابدا !!! كان مفروض تقولنا.. وتقولي على الأقل!! احنا اتفقنا !!! مش هنخبي

مراد بصلها: دي مش حاجه تخصني عشان اقولها !!

- والله !!! يعني تعبها ميخصكش !!! لو جرا لها حاجه ده ميخصكش !!!! والي حصل انهارده ده برضو ميخصكش !!! كل ده بسببك !!! حظك كان حلو وانت الوحيد الى عرفت فينا وبدل ما تقولنا ونكلمها كلنا نخليها تعمل العمليه بدري اخترت تخبي !!! انا مش مصدقه انا مصدومه فيك !! يعني انا لو تعبانه و طلبت منك متعالجش هتوافقني وتسبني اموت !!!!!

" ليان كانت وصلت لقمه عصبيتها وغضبها مراد حاول يقرب منها ويتكلم لكنها صْربته في صدره بقوة وبعدته عنها "

- متقربش مني !!! مش عاوزاك تقرب تاني فاهم !! ابعد عني

"مراد لاحظ الحالة الى هي فيها.. وفي اللحظه دي اي كلام كان هيبوظ الموضوع اكتر"

رفع ايده بهدوء: تمام اهدي.. انا هسيبك.. بس لحد ما تهدي.. وتعرفي ان مكنش في ايدي حاجه

" ليان كأنها كانت رافضه تسمعه طلع وسابها "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| تاني يوم الصبح ||

" الساعات الى فاتت عدت عليهم كلهم بصعوبة.. "

"  وطبعا حصل ضغط شديد من الكل بالذات عز على ان فاطمه تدخل العمليات.. "

" و عز كان بالفعل قال للدكاتره تمشي في الإجراءات"

" دخل لفاطمه الاوضة "

- انا خلاص أكدت عليهم

= كبرت على امك لدرجه انك تغصبها تعمل عمليه

- افتكري زمان.. وانتي بتغصبينا ناخد الدوا يا فاطمه.

اتنفست بهدوء وسكتت: دوا مش عمليه يا عز

= هتبقي كويسه.. متخافيش.. انا مش متعود اشوفك خايفه ابدا..

- مش خايفه طول ما انتوا بخير و جمبي

= الدكتور قالي العمليه هتتعمل بليل..

- هقول ايه.. راميه حمولي عليك يارب

= مفيش احسن من اننا نخليها على الله

- ليان لسه واخده على خاطرها

= متشغليش بالك هتتعصب شوية وتهدي

- البت دي طالعه كده لمين مشوفتهاش وهي بتجبرني وتقولي معندكيش اختيار

عز ضحك بقلة حيلة: والله ما اعرف.. يمكن لجدها الله يرحمه

" الممرضة دخلت "

- لو سمحت لازم ترتاح شوية

= ماشي.. ارتاحي شوية وهبقي اخليها تدخلك

- خليها على راحتها لحد ما تهدى

" خرج و فاطمه غمضت عيونها بتعب.. "

" كانت ليان قاعده ندي وفريده وهاجر ومريم بيحاولوا يتكلموا معاها.. بيدج الفيس بوك بتاعتي  Slsbell Ahmed لكنها قافله من كله ومش بتكلم حد.. ومراد ملاحظ ده ومش عارف يعمل معاها ايه "

كريم: مراد.. انت كويس

مراد فرك وشه: زي الفل يا كيمو..

ياسين: انا مش عايزك تقلق انا متابع الرجاله في المكان

" مراد رتب على كتفه بأمتنان "

مينا: هتبقي كويسة بإذن الله

أحمد: يارب..

كريم: انا قولت لتيته و فضلت تدعي لها..

مينا: وامى قبل ما تيجي صلت ودعت لها

ياسين: كلنا بندعي لها وفي المنطقه الكل قلقان عليها.. لولا محبوش يعملوا زحمه كانو جم كلهم.. ستك المنطقه كلها بتحبها يا مراد.. ليها جمايل عليهم كلهم.. وعمرها ما عملت غير كل خير..

مراد: سبحان الله قعدت مخبيا وخايفه عليهم.. مش عايزه تقلق حد.. ودلوقتي كله عرف

احمد: وكله بيدعي ليها يا صاحبي.

" ندى راحت لمراد تتكلم معاه "

- ليان مش بتتكلم خالص.. شوف حل

معاها هتفضل كده؟

= خليها لحد ما تهدي يا ندي

- انت ضايقتها؟

= لا.. روحي اقعدي

" ياسين قرر ينزل يشتري ليهم حاجات.. "

" وكان بيسألهم محتاجين ايه.. راح سأل هاجر.. "

" عينيه راحت على فريده وتلقائي سألها "

- تحبي اجبلك حاجه؟

فريده ردت بتردد: أ.. قهوة زيادة..

" نزل يجيب الحاجة..

>>>>>>>>>>>>>>>>>>>>>>>>>>>>>>>>>>>

' الله اكبر الحمدلله استغفر الله لا إله إلا الله '

|| بعد مرور فتره ||

" كان فاضل ساعه وفاطمه تتنقل غرفة العمليات.. "

" ليان دخلت لها وهي بتحاول تتماسك "

- عامله ايه!

فاطمه بصت لها وابتسمت: كويسه عشان شوفتك يا حببتي.. مش عاوزاكي تعيطي ولا تزعلي فاهمه؟

= مش زعلانه

- ولا تزعلي من مراد.. انا الى نبهت عليه يا ليان.. لو ربنا كتبلي عمر.. هفهمك.. لو محصلش هو هيفهمك

ليان قربت منها وهي بتعيط: متقوليش كده يا تيته!

= طب اوعديني متزعليش.. زعلك وحش يابت انتي

ردت بدموع: حاضر أوعدك..

" الكل ودعها على مراحل قبل ما تدخل غرفة العمليات.. "

" ليان الوحيده الى نزلت تستخبي تحت ومكانتش قادرة تقف.. "

" فات ساعه و اتنين وقتها مراد نزل يبص عليها ولقاها قاعده فضلت عينه عليها شوية.. كانت متوتره.. في حالة ارتباك وخوف.. اتردد يروح ولا لاء لها ولكنه مقدرش ميروحش.. "

- انتي كويسه؟ هديتي شوية!

= مش عايزه اتكلم معاك

" مراد اتنهد وقعد جنبها "

- ليان والله كان غصب عني.. عموما هو مش وقته دلوقتي.. انا عاوزك بس تهدى

مسحت عينيها وبصتله: عرفت من امتى!

= الموضوع داخل في سنه ونص

- وعرفت ازاي

= كانت تعبانه.. صممت اخدها تكشف وعرفت

بصتله بدموع: طب.. تفتكر هي العمليه هتنجح.. وهتطلع كويسه؟

" بصلها وهو بيتأكد كل مره ان مهما حصل بيفضل هو مصدر امانها.. حتي لو مش طايقاه.. و زعلانه "

" مسك ايدها بحنيه وطبطب عليها "

- ان شاءالله هتخرج و تبقي زي الفل..

" ليان سندت راسها على كتفه وفضلوا قاعدين "

" فات ساعه تانيه وكده يبقي مر تلت ساعات "

" خدها و طلعوا الدور بعد ما طمنها انها هتبقي كويسه.. ولكن محدش من الدكاتره كان مديهم معلومه هتخرج امتي.. فا فضلوا كمان ساعتين و بعدها خرج قدامهم اول دكتور "

" كلهم جريوا عليه بلهفه "

- طمنا يا دكتور..!!!

الدكتور قلع الماسك وبصلهم:

- انتي كويسه؟ هديتي شوية!

= مش عايزه اتكلم معاك

" مراد اتنهد وقعد جنبها "

- ليان والله كان غصب عني.. عموما هو مش وقته دلوقتي.. انا عاوزك بس تهدى

مسحت عينيها وبصتله: عرفت من امتى!

= الموضوع داخل في سنه ونص

- وعرفت ازاي

= كانت تعبانه.. فا صممت اخدها تكشف وعرفت

بصتله بدموع: طب.. تفتكر هي العمليه هتنجح.. وهتطلع كويسه؟

" بصلها وهو بيتأكد كل مره ان مهما حصل بيفضل هو مصدر امانها.. حتي لو مش طايقاه.. و زعلانه "

" مسك ايدها بحنيه وطبطب عليها "

- ان شاءالله هتخرج و تبقي زي الفل..

" ليان سندت راسها على كتفه وفضلوا قاعدين "

" فات ساعه تانيه وكده يبقي مر تلت ساعات "

" خدها و طلعوا الدور بعد ما طمنها انها هتبقي كويسه.. ولكن محدش من الدكاتره كان مديهم معلومه هتخرج امتي.. فا فضلوا كمان ساعتين و بعدها خرج قدامهم اول دكتور "

" كلهم جريوا عليه بلهفه "

- طمنا يا دكتور..!!!

الدكتور قلع الماسك وبصلهم: العمليه عدت.. وحاليا هتتنقل غرفة العناية المركزه

عز: يعني هي بخير كويسه؟؟؟

الدكتور اتنهد: حاليا مش هنقدر نحدد.. لازم يعدي 48 ساعه.. مش هتفوق قبل كده

" مشي وسابهم و مكنوش فاهمين حاجه وقلقانين! الساعات دي عدت عليهم كأنها سنين.. بقلمي سلسبيل احمد كانوا بيروحوا البيت ويرجعوا علطول فضلوا جمبها.. لحد ما الدكاترة طمنتهم اخيرًا انها فاقت وكويسه.. "

" ولكن كان سامحين بزياره قليلة و وقت قليل جدا.. يادوبك شافوها دقايق "

ندى: هو الدكتور قالك ايه يا عمي!

عز: قال ان الوقت الى بعد العمليه اهم بكتير من العمليه مينفعش تعمل اي مجهود لازم راحه.. و روتين معين تمشي عليه عشان العمليه متفشلش او تتأثر.. ولازم تكونوا جمبها

ليان: احنا عمرنا ما سبناها ولا هنسيبها!

مراد: حضرتك كده اجازتك خلصت..

عز: انا بعت لهم ان عندي ظروف طارئة.. ومش هسافر دلوقتي

نورا: لازم كلنا نبقي حواليها.

كنزي: هي تيته هتبقي كويسه صح!

ليان حضنت كنزي: ان شاء الله.. ادعيلها

كوثر: طب مقالش هترجع البيت امتى؟

عز: بعد يومين كمان قالي احتمال تخرج.. مراد ارجع انت شغلك مينفعش تفضل سايبه في اوله كده!

مراد: انا مش عايز اسيبها

عز: قعدتنا ملهاش لازمه..  انت سمعت كلام الدكتور

" الباقي كانوا موجودين اطمنوا عليها ومشيوا.. واحمد كان بيروح اهله وبعدين رجع لمراد "

- انا رايح الورشة قولت اعدي اشوفك

عز: روح معاه يا مراد.. احنا هنرجع البيت

ونيجي وقت الزيارة

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على سيدنا محمد '

|| في الورشة الجديد ||

" مراد وصل وكان شايف المجهود الى بيتبني قدامه.. بيحاول يركز.. و لكنه مش عارف.. حاسس ان كل حاجه فجأة اتلخبطت وانه عاجز.. "

" و في اللحظه دي اتفاجئ بـ مينا و ياسين و كريم داخلين عليه بلبس قديم وكأنهم بيستعدوا للشغل "

- انتوا بتعملوا ايه؟

ياسين: هنكمل الى بدأناه سوا

كريم غمزله: انت فاكرها بتاعتك لوحدك يا نجم

مينا: انا شريك بالنص يا صاحبي

" مراد ضحك وبص لـ احمد الى كان واقف عامل من بنها ومش مهتم "

مراد: على اساس ان مش انت الى كلمتهم مثلا؟

احمد بكدب: انا يابني ! إطلاقا !

مراد مسح على وشه وبصلهم: يا رجالة.. انا تاعبكم اوي معايا.. كفايه بهدلتكم اول اليوم.. لما قعدنا نشيل التكـ ـسير.. ومينا ضهره انهار

ياسين قاطعه: ريح ياسطا.. ما مينا قالك.. احنا شركا بالنص.. كلنا هنيجي نبرشط عليك

مراد بصله بستغراب: انتم مين معرفكوش !

مينا: هيستندل من اولها!

كريم: طب انا بقول نبدء شغل.. ونتخانق بعدين

مراد رد بجديه: انت ايه جابك معاهم اصلا؟ روح ياحبيبي انت شوف مذاكرتك

كريم: دي فتره استراحه مـ ـحارب..!

أحمد: عديها عديها بكره نظبطه على الكتاب

>>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

|| في البيت | شقة نورا ||

- هتعمل ايه يا عز لو منفعش!

= مش عايز اضطر اسافر واسيبها..

- متقلقش.. احنا كلنا معاها.. والدتك غاليه علينا كلنا.. وتبقي امي انا كمان

طبطب على ايدها: عارف يا نورا ربنا يخليكي ليا

= ويخليك ليا.. ويخليها لينا كلنا..

- هي ليان كويسه؟

= البنات معاها متقلقش..

" وفي اوضة ليان كانت البنات كلها قاعده معاهم هي وندي و كنزي.. "

مريم: هتبقي كويسه وترجع لنا بالسلامه

فريده: احمد كان عاوز يكلمك..

ندي بصتلها: مقلش ليه

فريده: مش عارفه.. هو محبش يجي في الظروف دي.. وقالي اقولك لما تروقي رني عليه

" وفعلا ندى دخلت اوضتها وكلمته.. "

" واحمد لما شاف رقمها وقف على جنب وهو بيمسح ايده و رد عليها "

- عامله ايه دلوقتي؟

= الحمدلله كويسه.. انت اخبارك ايه

- تمام.. قادره نتكلم؟

= ايوه.. حصل حاجه

- لا.. انا بس لما كنا في المستشفي وسمعت كلام الدكتور.. ان جدتك هتبقي محتاجه فتره راحه بعد العمليه على الاقل شهرين.. فا قولت اتكلم معاكي نأجل موضوع الفرح.. ومثلا نكتب الكتاب في معاده

بس مش عارف يعني انا قولتلك انتي الاول

ندي اتنهدت: مش عارفه... حاسه مش قادره افكر دلوقتي..

- متضغطيش نفسك.. انا فاهم الموقف الى احنا فيه.. فا شوفي الي يريحك فكري و قوليلي.. المهم تبقي كويسه مش عاوزك تضايقي..

= حاضر

- لا صوتك مش عاجبني.. لو مبقتيش كويسه هاجيلك ومراد يقفشنا نتعجن بقا

ابتسمت بهدوء: اتعجن انت لوحدك

احمد ضحك: ياستي ماشي فداكي اي حاجه.. المهم امسكي نفسك كده.. لما تخرج لازم تلاقينا اقويا..

- ان شاءالله.

>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

" اليوم مر بهدوء.. مراد لما روح بليل لقي بيت فاطمه مفتوح "

" دخل وليان كانت مستنياه "

- فتحت الباب لما سمعت صوت العربية

= انتي قاعده لوحدك

- لا.. ندي نايمه جوه و كنزي وحتي ماما و طنط.. كلنا قعدنا هنا..

" قعدت بهدوء وهو كمان قعد "

- انتي لسه مضايقه مني؟

= انت قولت انه مش وقته

- ايوه.. بس انتى مفروض تعرفي انه

كان غصب عني؟

= مفيش حاجه اسمها كده! انا مش عايزه اضايقك بس انت غلطان وسبتها لوحدها في تعبها !! مكنش صح تسمع كلامها مش دايما لازم تنفذ رغبه الى قدامك

- انتي بس بتقولي كده عشان مكنتيش مكاني

= عمري ما كنت هعمل زيك لو كنت مكانك يا مراد!!!

انا مش مستوعبه ازاي شايف ده صح؟

- تيته كان عندها وجهه نظر

حطين راسي بين ايدي: انا مش قادره اتكلم

مراد مسك ايدها: بصيلي.. انتي مفروض تبقي عرفاني.. وفاهمه اني مش هتصرف كده غير لو كان ضروري

ليان ردت بخفوت: وعلشان عارفه.. ده الى كنت خايفه منه انك تفضل زي ما انت بتخبي..

- متخلطيش الأمور ببعض انا لما خبيت اني بحبك كان عندي اسباب!

= و دلوقتي عندك أسباب.. هتقعد طول الوقت كده؟ تخبي وتقولي اسباب!!

" ليان سابته وقامت.. ومراد فضل مكانه مش عارف يعمل معاها ايه.. و هو عارف انها عنيدة.."

>>>>>>>>>>>>>>>>>>>>>>>>>>>>>>>>>>

' الحمدلله لا إله إلا الله استغفر الله الله اكبر '

|| بعد مرور يومين | في بيت فاطمه ||

" فات يومين و فاطمه رجعت بيتها.. و اليوم الى رجعت فيه كانت المنطقه كلها عرفت وكلهم اطمنوا عليها.. شافت حب كتير من جيرانها! لأنها فعلا كانت افضل جاره ليهم.. و كويسه مع الكل.. البيدج بتاعتي على فيسبوك سلسبيل احمد.. و ده مخلي ليها محبه كبيره عندهم.. "

" اخر اليوم الشباب الى فضلوا معاها..  هاجر و  ندي و فريده وكنزي وليان و مريم.. "

" وياسين و مينا و احمد و مراد و كريم "

فاطمه: وحشتوني اوي يا ولاد

فريده: وانتي اكتر يا فطومه!

فاطمه بدون مقدمات بصت لندى واحمد: انت و هي اوعوا تكونوا أجلتو الفرح

" الاتنين بصوا لبعض بعدين كوثر اتكلمت "

- تقومي بالسلامه بس يا ماما بعدين نـشوف

احمد: بظبط اهم حاجه نطمن عليـ..

فاطمه قاطعته: انا مش عايزه الكلام ده.. الفرح يتعمل في معاده انا مش عايزه حزن و هم عاوزين نفرح.. وانت

" نهت كلامها وهي بتبص لمراد "

- شد حيلك انت كمان

مراد: حاضر يا تيته

" فاطمه كانت ملاحظه سكوت ليان "

عز: طب يا ماما كفاية كده عشان صحتك لازم تريحي متنسيش كلام الدكتور

نورا: ايوا.. يلا ندخلك ترتاحي شوية

" ساعدوها تدخل اوضتها وبعدها الشباب مشيت و مراد خرج معاهم "

نورا: ليان..

- ايوه يا ماما

= تيته عاوزاكي شوفيها

" ليان دخلت بـ صمت وقعدت "

- نعم يا تيته محتاجه حاجه

= انتى عارفه اني بحبك يابت انتي ولا لاء؟

اتنهدت بحزن: مكنتيش عملتي كده..

عيونها دمعت: من واحنا صغيرين انتي علطول معانا في تعبنا.. لما بنتعب و نروح للدكتور بتقولي لهم خلي العيال هنا بلاش تخلوهم يطلعوا السلم خليهم يباتو عندي و يريحوا !!

دموعها نزلت ورا بعض بغزاره: كنتي حنينه علينا.. وعمرك ما سبتينا في تعبنا و وقت لما حضرتك تعبتي قولتي مراد بس ! وخلتيه ميعرفش حد.. حتي انا! .. انا كنت فاكره اني.. اني قريبه ليكي

فاطمه رفعت ايديها ومسحت دموعها: بس ياحببتي بطلي عياط عشان خاطري الظروف مكانتش مناسبة وقتها يا ليان وبعدين انا مش عيله.. انتم كنتو عيال! انا كبيره واعرف اخلي بالي من نفسي!

ليان بصتلها بلوم وعتاب: لاء! ملهاش علاقه! احنا كنا هنفرق لو جمبك!! كنا هنفرق ونخليكي تعملي العمليه بدري.. انا لما سمعت ماما بتنادي بصوت عالي.. وانك وقعتي مكنتش عارفه اعمل ايه! مخي وقف!! انا مش مستعده انك تسبيني!! مكنتش عارفه هعمل اي لو حصلك اي حاجه

" قاطعهم دخول مراد الى اتفاجئ

بعياط ليان الشديد"

- طيب بطلي عياط بس!

مراد: فيه ايه!؟

فاطمه: تعالى شوفها يا مراد

ليان بصتله: لا.. انت بالذات تبعد عني

انا لسه مش طيقاك

مراد بصلها بقلة حيله: طب اهدي

ليان وجهت كلامها لفاطمه: كلهم بره ميعرفوش انه كان عارف.. ومش راضين يعاتبوكي دلوقتي علشان متزعليش بس احنا الى زعلانين منك! ولما يعرفوا كمان انك خبيت عنهم هـ..

فاطمه قاطعتها: ليان اقعدي قدامي

مراد اتنهد وبصلها: اسمعي كلامها طيب

" بصتلها بحزن وقعدت "

- انا الى طلبت من مراد ميعرفش حد وقتها.. لأن ساعتها كان فيه مشاكل و كان عندكم امتحانات و عز! كان لسه مسافر ومش هعيرف ينزل بمجرد ما كنتوا تعرفوا كان ده هيسوء اكتر لازم تفهمي حاجه ياحببتي! ساعات مفروض نتحمل المسؤولية

وانا مش صغيره يا روحي.. بقلمي Slsbell Ahmed انا كنت عارفه بعمل ايه ومكنتش مستعده اعمل العمليه ومازالت بس انتم اجبرتوني واديني سمعت كلامكم.. ده غير اني مكنتش عايزه طول الوقت تبقوا قلقانين وشايلين حملي ده كان هيتعبني اكتر ويزود عليا.. انا عارفه نفسي..

مراد ملهوش ذنب.. انا فعلا اجبرته ميقلش لحد و هو رفض وياما اتكلم معايا واتخانق زيك كده

بس فالأخر اقتنع لما فهم

مراد: كفايه كلام يا تيته لازم ترتاحي

فاطمه بصتلها وهي ساكته: انا عايزه افرح بيكم يا ليان.. ده طلبي لو عاوز ابقي كويسه

" مدت دراعها ليها فا ليان قربت وحضنتها بهدوء "

- حاضر يا تيته

>>>>>>>>>>>>>>>>>>>>>>>>>>>>>>>>>>>

" و من بعد اليوم ده.. و زن فاطمه المستمر قدرت تخليهم ميلغوش فرح ندي و احمد.. فات شهر بحاله.. عز سافر و والد احمد سافر وقال هينزل على الفرح.. و مراد فتح الورشة الجديده و اشتغلت كويس..و طبعا فاطمه اتحسنت شوية وتقبلوا موضوع انها خبت عنهم واتكلموا واتصافو.... بقلمي سلسبيل احمد و مريم اتخطبت ليوسف الى اتقدم لها و لكن الى كان مفاجأة.. هو ان مراد بعد شهر قدر يصالح ليان اخيرًا ويقنعها يكتبوا الكتاب ويعملوا احتفال صغير.. لانها كانت مكانتش عايزه تعمل فرح من غير عز.. الى كانت ظروفه صعبه وقتها انه ينزل.. فا قررت ليان تستغني عن الفرح.. "

" و في اليوم ده كان البيت مقلوب ومفهوش اي راجل كله بنات بتجري و بتدور على حاجات اختفت فجأة!! "

" ليان كانت عماله تصوت عشان فرده الجزمه بتاعتها ضاعت "

- لا مانا مش سندريلاااااا !!!! حد يشوفهالي راحت فين !!! مش همشي بفرده واحده !!

ندي بزعيق: يابت بس سورتيني !!

كنزي: هدور عليها بره

فريده: اهدي يا ليان اكيد مراحتش بعيد

مريم: بظبط هنلاقيها لما نفض الكركبه دي

" كوثر دخلت عليهم بسرعه حدفت الجزمه "

- اتفضلوا كانت تحت يا شوية مهملين !!

" ليان لبستها بسرعه وبعدين كملوا باقي الحاجات "

" وعلى جانب اخر كانت الرجالة حاجزه صالون الحلاقة لحسابهم وبيحلقوا كلهم ويعملوا فوط سخنه ومروقين على حالهم اوي قمه البرود "

كريم: اظن انا اشقط بقا اعوض خطوبة احمد طلعت ساده

مينا: ما تتلم ياض راعي اني لسه سنجل..!!

ياسين: براحه ياعم مرزوق هتشيل حاجبي

" كلهم ضحكوا على صياح ياسين الى مسكتش من اول لما حلق عشان هو بيخاف من الحلاقين "

أحمد راح عند مراد وعدل شعره: ايوا يابا هتكتب قبلي

مراد: قر بقا يا احمد قر عليا

احمد: مستني بفارغ الصبر اتجوز عشان لما تقولي انت فين يا احمد اقولك عند اختك

مراد مسكه من هدومه: اتلم يلا!

احمد: اعترض على حلال ربنا بقا !!

" على الساعه 5 كان كله جاهز.. و مراد راح البيت ياخد ليان والباقين "

" دخل بيت فاطمه و ليان خرجت من الاوضة و شافته هو تنح وهي ابتسمت بكسوف "

- بسم الله ماشاء الله.. ممكن نكتب الكتاب دلوقتي؟

ضحكت: ومالو

= ايه الجمال ده! يابختي والله

ندي: احمم احمم طب يلا بقا الناس زمانها مستنيا

احمد: ناس مين ده يادوبك شجره العيلة والجيران القريبة بس

مراد: اه بيخبط فيا قصدك اني مش قد المقام ولا ايه بقا ؟

احمد: لا ده شكله عايز يتخانق يلا بينا؟

" اتحركوا مع بعض و وصلوا المسجد الى هيتم فيه عقد القران.. او كتب الكتاب.. "

" قعدوا وسط عيلتهم وجيرانهم.. الى كانوا طايرين من الفرحه بيهم !! وندي كانت فاتحه فيديو كول لعز عشان يبقي حاضر معاهم.. "

" واطلق المأذون جملته الشهيرة "

- بارك الله لكما وبارك عليكما وجمع بينكما في خير.

" من اول ما انتهت الجمله دي مراد مشافش حد غير ليان.. وشدها لحضنه.. وكأنه مستنيه من وهو صغير.. شايل حبها من وهو طفل !! "

" ليان مسكت فحضنه بحب.. وكأنها بتستخبي من العالم جواه.. "

" بصلها بعد فتره كبيره كان حاضنها بعد لما الشباب فضلوا يرخموا عليه "

- انا عايز كيكه فانيليا.. مع اعتراف بالحب

ليان ضحكت جامد: مش معانا كيكه دلوقتي.. بس انا بحبك يا مُراد

" مراد حضنها مره تانيه "

احمد: ما خلاص يا روميوووو

مينا صفر و ياسين بصلهم: عاوزين نوزع الشوكلاتة والعصير يابا

كريم: ونشوف رزقنا بقا كده ولا كده

ندي: بس رخامه !!! سبوهم

" الكل كان فرحان بيهم..!! وهما كانو طايرين من الفرحه.. مكنش فيه كلام يوصف قد ايه اليوم كان خيالي.. "

" فاطمه راحت عندهم لما اخيرا قعدوا ثواني لوحدهم بعد مباركه من الكل "

- انا بحذرك يا واد يا مراد.. اياك تزعلها ابدًا سامع

مراد بص لـ ليان ومسك ايدها: في عيني..

ونهي كلامه بغمزه

" فاطمه حضنتهم بفرحه وبعدين ندي خدت بأيديها عشان تقعد "

" وفي الزاوية ياسين مكنش منزل عينه من على فريده كان فاضل شوية ويمشوا لان كتب الكتاب مش بياخد وقت و بيروحوا.. "

" وقتها ياسين اتجرأ شوية و راح يكلمها "

- احمم.. فريده

" فريده اتفاجئت وبصتله "

= انا؟

- هو لو واحد اتقدم لك.. حلو و قمور.. و طويل و عينه عسلي.. وصاحب اخوكي.. واول حرف من اسمه ياسين.. توافقي

" فريده كانت مصدومه وضحكت فجاة من الموقف مكانتش عارفه ترد وياسين ابتسم لتعابيرها.. "

- شكلك هتوافقي.

= يمكن

ابتسم: على خير

" وبكده اليوم اكتمل.. و زودوا عليه لما روحوا وعملوا احتفال في البيت! والمنطقه كلها عرفت بجواز مراد و ليان.. عشان بعدها بأيام صغيره اوي الفرحه تتكرر تاني.. ويجي فرح احمد و ندي..

و في اليوم ده حصلت مفاجأه..!"

- ندى انتي بتعيطي؟

= لا

- فيه ايه طيب قوليلي

= مفيش يا مراد..

- مفيش ازاي انتي فرحك كمان ساعه و بتعيطي!

= أنا... بس مش عايزه اضايقك

- ملكيش دعوة قولي.. رجعتي فى كلامك ومش عايزه تتجوزي احمد ؟ اصلا انتِ خساره فيه سيبي الفرح وخليكي جمبي

"ندي ضحكت بقلة حيله وهو مسح

على دماغها بحنان"

= انا كنت بس مضايقه علشان حاسه اني لوحدي.. بابا الله يرحمه كان نفسي يبقي معايا.. وحتي عمي عز معرفش ينزل ولا في كتب كتاب ليان ولا فرحي مش مضايقه منه.. بس يعني احساس غريب

مراد حاوطها وهو بيسند دراعه عليها وبيشدها ناحيته بنكش: وانا مش مالي عينك يا استاذة ندي؟

ندي بصتله بحب: انت كل حاجه بالنسبالي.. صاحبي و اخويا و ابويا وحبيبي كمان ها..

مراد ضحك: ندى بتضحي.. انتي كمان كل حاجه بالنسبالي وبنتي متأكد ان بابا هيبقي فرحان بيكي وانتِ زي القمر كده.. بيدج الفيس بوك Slsbell Ahmed.. وكمان عمى عز لولا ظروفه واجازته في مصر الى طولت علشان تعب تيته مكنش اتأخر وكان هيجي.

" قاطعهم دخول ليان "

- ها عرفت ندي هانم مالها ولا لسه؟

مراد: عرفت وصالحتها.. انتوا بقا ايه الحلاوة الى انتوا فيها دي؟

" قرب ليان ناحيته بأيده وباسها فا ندي ضحكت "

- انا معرفش مستحملاه ازاي من ساعه لما اتجوزتوا بقا ملزق جدا.

ليان اتكسفت: عجبك كده بطل محن بقا

مراد بتعجب: انا محن!!

ليان بصوت واطي بصتله: محن حلو.. بس متقلش لحد

مراد غمزلها وباسها مره تانيه: ده انا هقول لكل الناس

"بعدته عنها وهي محرجه وندي فضلت تضحك"

" الباب خبط و كانت كنزي "

- اخلصوا بقا عريس ندي رخم وعمال يزن يشوفها

مراد برخامه: خليه يستني شوية

ندد: حرام بقاله كتير.. كمان بسبب اني كنت مضايقه معرفتش اكلمه خلينا نخرج يلا

مراد: طيب..

" مراد خرج و في ايده ندى على اليمين و ليان على الشمال.. الكل فضل يزغرط بصوت عالي و يهيصوا.. ندى كانت زي القمر فعلا وشكلها كتكوت..! هاجر و فريده ومريم حضنوها ودموعهم في عينيهم.."

" وفاطمه بالفعل عيطت من الفرحه.. وكذلك كوثر.."

نورا: امسكوا نفسكم يجماعه هتنكدوا على البنت

فاطمه حضنتها: ألف ألف مبروك ياحبيبتي عقبالكم كلكم يا بنات

" أحمد دخل وشافها وكان هاين عليه يحضنها..!!! وفضل شوية متنح ليها.. و هيموت وياخدها جوه حضنه.. ولكن عارف ان مراد هيمو..ته.. "

- انا مش لاقي كلام اوصف بيه أ

مراد قاطعه: ايه !! ما تتلم بقا لسه مكتبتوش

ليان شدته بعيد عنهم: تعالي بس عايزه اقولك حاجه تعالي

أحمد مكنش مركز مع حد غير ندى: احلي بنوتة شافتها عنيا.. ربنا يخليكي ليا.. ونفضل سوا العمر كله.

مش مصدق ان اللحظه دي اخيرًا جت.. وهتبقي مراتي.. ده يعتبر تاني اسعد يوم في حياتي بعد يوم الخطوبة.

ندى ابتسمت بإحراج: ءءء و انت كمان شكلك حلو..

احمد ضحك: اممم كتر خيرك

كوثر: طب يلا بقا علشان منتأخرش!

>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على سيدنا محمد '

" نزلوا و الرجالة قعدت تسلم على أحمد ويحضنو فيه كله كان مبسوط عشانه "

كريم: تشوفلي عروسه بقا يمعلم كده مش هينفع

مينا: والله الى بتقوله ده هو الى مينفعش

احمد غمزله: خلص ثانوي وعروستك عندي

ياسين: طب وانا يا احمد

احمد: انت كمان عايز تتجوز

ياسين: اه.. والعروسة عندي

مينا: مين سعيدة الحظ

ياسين: هتعرفوا هتعرفوا

" مراد بصلة بشك وسابهم يكملوا كلام وخده على جمب "

- وانا عرفت خلاص.. باين عليك اوي..

= والله عارف اني هقع على ايدك يا نجم

استر عليا بقا عشان مش عارف اجبها له ازاي

مراد بص بفرحه وكأنه هينـ ـتقم: تجبها ازاي ايه.. هيوافق ورجله فوق رقبته يا اما يتعمله قاعده زي ما عمل فيا وخلاني اوافق بالاجبار

ياسين ضحك: انت لسه فاكرها له.. وعايز تنتـ ـقم كمان

مراد ابتسم بخبث: له وقته.

احمد نداهم: يلا علشان نتحرك

" و اتحركوا على القاعة.. "

>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

|| بداخل قاعة في فندق ||

" اول حاجه كان احمد مرتب يعملها هي كتب الكتاب.. عشان مراد ميقعدش يضايقه وبالفعل اول لما دخلوا المأذون وصل و قعدوا علشان يكتبوا الكتاب... بقلمي سلسبيل احمد مراد كان حاطط ايده في ايد أحمد.. وبيحاول يتحكم في اعصابه.. مكنش مصدق ان ندى الصغيره الى رباها..!! كبرت و بيجوزها!! مشاعر كتير اوي جت في اللحظه دي..

و احمد كان بيطمنه بنظراته و كانه بيقوله متقلقش!

ولكن قبل ما الماذون ينطق بأي كلمه.. فجأه دخل حد وقاله وقف كل حاجه..!!!! "

" بصوا ناحيه الصوت بصدمه عشان يتفاجئوا بـ عز "

ليان بصويت: بابا !!!!!!!

" جريت عليه حضنته والكل اتصدم من وجوده ندى كانت عايزه تروح والفستان مش مساعدها خالص.. فا عز شافها و راح لها حضنها "

" وهي حضنته بقوه ودمعه نزلت منها غصب عنها "

- فاكره هتتجوزي من غيري ولا ايه؟

ندي بصتله بعياط و بدون تصديق: معرفش ازاي بس كنت حاسه انك هتيجي !!!

عز ابتسم لها بحنية: بلاش عياط لحسن احجز اول طياره وارجع.. وهما ما هيصدقوا يرجعوني

ضحكت وهي بتمسح دموعها: خلاص خلاص

أحمد بص لمراد: طب هديها انت.. انا لسه مكتبتش ومش هعرف اواسيها واحضنها

" مراد خبطه بالكتف وبعدين راح سلم على عز سلام حار.. وحضنه "

عز بصله: انا عارف اني سايب راجل ورايا.. بس قولت اجي ونبقي اتنين انهارده.

مراد: انت الأصل كده كده يا عز بيه..

" احمد كمان سلم عليه وبعدين قعدوا وبدأ كتب الكتاب.. وتم ختامه بجمله المأذون "

- بارك الله لكما وبارك عليكما وجمع بينكما في خير.

احمد بص لمراد: مراتي قولا وفعلا

" راح بعدها علطول حضن ندى بقوة ومكنش مصدق نفسه.. ندى كانت مكسوفه ولكن ضحكت وحضنته بحب "

"احمد اتكلم وهي فحضنه كأنها مش عايز يفلتها ابدًا"

- بحبك يا ندى.

= وانا كمان يا احمد بحبك.

" طبعا الشباب فضلوا يرخموا عليه فا سابها ولكن كان مازال ماسك ايدها مش عاوزها تبعد عنه لحظه.. لحد ما قعدوا سوا لوحدهم "

- انا مش عارف في اللحظات دي بيقولوا ايه انا عايز نبعد عن كل الناس و نروح بيتنا.. الفرح فكره وحشه جدا.. ياريتنا عملنا كتب كتاب ورجعنا بيتنا زي اخوكي..

ندى فضلت تضحك: مش قادر تقعد ساعتين

تلاته يعني

= اخوكي كان طابق علي نفسي.. وما صدقت كتبت الكتاب.. بصي كدن كده محدش واخد باله

" ندى ملحقتش تعترض واحمد باسها في خدها بسرعه "

- والله لو عملت كده تاني لروح عند مراد!!

احمد رفع حاجبه: مراد؟ انتي مراتي خلاص مراد سبيه في حاله بقا

" و على الترابيزه الكبيرة كانت قاعده العيله و ليان لقت هاجر بتخبطها جامد "

- باسها باسها باسها

ليان بصتلها: مين !!

= احمددد !!!!! باس ندى واو

ليان بصدمه: يلهوي لو مراد كان شافه!!! وطي صوتك بقا

مريم: بصوا انتم على الحلوة دي الي مركزه مع ابن الجيران

"هاجر وليان بصوا على فريده وكانت

سرحانه مع ياسين"

ليان بصتلها بضحك: بت يا فوفو فيرووو!!

فريده بصتلها: ها؟ ايه!؟

مريم ضحكت جامد: تايهه يا جماعه

هاجر: مش مصدقه انك سرحانه في اخويا انا

فريده: انا؟؟ ابدا انا كنت سرحانه عادي

ليان: انتم صعبانين عليا.. هو مش قال هيتقدم

هاجر: ايوه فعلا ناوي.. كلم حج عادل في الموضوع و بيرتب له..

فريده: بجد! انا مصدومه ازاي بسرعه كده لا انا حاسه اننا اتسرعنا

مريم: اهدي اهدي انتي منهم.. بيجيلك الحاله فجأه

" ليان سابتهم وقربت عند مراد "

- انت مش بترقص مع الشباب ليه

= براقب احمد

قالت بصوت واطي: بتراقبه اه.. امال كنت فين لما باسها

- بتقولي ايه؟

= ولا حاجه.. سيبهم في حالهم

اتكلم بغيظ: انا معرفش مقرب اوي منها كده ليه و ماسك ايدها !!! وعمالين يتكلموا ما تقومي تخديها

بصتله بجديه: مراته انت عايز ايه

- مش عايز

" ساب الفرح و خرج بره وهو مضايق "

" عز قعد على الترابيزه بعدها "

- هو مراد راح فين

= كويس انك جيت يا بابا.. شكله مضايق اوي

- قصدك غيران.. مانا عارفه ومربيه الغيره بتاكله

= طب وبعدين؟

- روحي اتكلمي معاه بس بلاش طلعتك الى بتطلعيها دي

= بذمتك اشتكي مني من اول لما اتجوزنا

- انتوا مكملتوش أسبوع

= بس في شقة واحده يعني عرضه للخناق

- انتم بتدخلوها اصلا؟ انتي كل لما تكلميني الاقيكي عندك جدتك او بنت عمك

ليان بصتله بنص عين: ماشي.. تكسب المره دي.. ما اكيد مش هنقعد في بيتنا ونسيب العيلة

عموما هخرج اجيبه.

" وعلى نحو اخر كانت البنات خدت ندي ومتجمعين في مكان لوحدهم و بيهصيوا كلهم ولكن بحدود..

بيدج الفيس بوك بتاعتي سلسبيل احمد .. اما الشباب كانوا مقضينها رقص و شقلبظات على الناحيه التانية.. وشدوا احمد معاهم "

- امال فين مراد يا رجالة

ياسين: مش عارف يمكن بيظبط حاجة

مينا: انا شوفته خرج بره

احمد: سابلنا الفرح ومشي

كريم ضحك جامد: ما انت شكلك مش ناوي تجبها لبر وهو اعصابه على تكه

احمد: مانا قومت اهو وسبت مراتي عشانكم يا شوية اوباش

ياسين: ملوش حق صح؟ معرفش مضايق ليه فيها ايه لما صاحبك يتجوز اختك

احمد: قوله يابني.. عيل مخه صغير..

" ياسين وقتها ابتسم.. وعينه تلقائي راحت على فريده لكنه اتفاجئ لما لقي واحد واقف بيصورهم وبيصور بطريقه غريبه "

" ياسين راح عنده بسرعه وشد منه الموبايل وهو بيمسكه وبيبص يشوف لو عارفه "

- انت مين ياض وبتعمل ايه !!!

الواد زقه جامد: عايز ياعم انت وسع كده وهات الموبايل

"ياسين زقه بنرفزه ومسك الموبايل شافه"

" لقاه مصور فيديو و بيعمل زوم على البنات "

" وقتها اتعفرت وصْربة بالبـ ـونية "

- ده انا هطلع مـ***** اهلك

" الشباب خدت بالها بسرعه وراحت تسلك بينهم و الفرح وقف "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| بره القاعه ||

- على فكره انا الى مفروض ابقي مضايقه..

مراد لف راسه وبصلها: ليه

= علشان ندى اختي واقرب حد ليا.. بس احنا امبارح بليل لما عيطنا كلنا علشان هي هتتجوز وعدتنا اننا عمرنا ما هنبعد هنفضل سوا..

فا متزعلش يا مراد.. هي هتفضل اختك وهتفضل قريبه مننا

- انا مش زعلان يا ليان

بصتله بهدوء: غيران

مراد بصلها واتكلم وكانه بيخرج حمل: اوي !!! غيران اوي ! يعني ايه حد غيري انا يدلعها و يشتري لها حاجات ويحبها غيري! ازاي ؟؟

ابتسمت: انا عارفه غيرتك وحشه.. بس ياعم افضل اعمل كل ده.. وهي عمرها ما هتبطل تحبك او حبها لك يقل

- حتي لو ! مش عايزاها تحب غيري

= انت متملك اوي

- انا مش قادر اتقبل الفكره.. تعرفي يوم لما شوفتك مع الواد الزفت الى كان عايز يتقدم لك كنت عايز اشيل دماغك من على جسمك

"ضحكت جامد ولكن مراد كمل بغيظ وجديه"

- كان نفسي امسكه بقا هو اقتـ ـله

= ياستار يارب.. هدي نفسك بس..

- انتي وهي وكنزي.. انا مكنتش عامل حسابي ابدا راجل يدخل حياتكم

ليان حضنته: متقارنش نفسك بأي حد.. انت حبيبي.. وهتفضل حبيبي.. وكمان هتفضل اخوها و ابوها

"مراد حضنها بحنان وهو اعصابه بتهدى"

ليان: مراد.. ايه الدوشة دي!!!

" دخلوا بسرعه لما سمعوا خناق "

ياسين بزعيق: ياعم انت متسبهوش بقولك !!!! ده عيل ابن **** ولازم يتربي !!!

مينا مسكه: يا ياسين اهدى !!!!! مش هنسيبه براحه

احمد: فهمنا عمل ايه !!

مراد دخل: فيه ايه !!!

" وقتها السيكيروتي خدهم كلهم بره عند مكتب المدير و الجو في القاعه اتوتر شوية.. ولكن الباقين حاولوا يمشوا اليوم.. ومحدش رضي يركز مع الموضوع.. "

|| مكتب مدير الفندق ||

ياسين بزعيق: فهمنا بقا سيادتك ازاي فندق محترم زي ده يحصل فيه حاجه زي كده

عز: بمنتهي الهدوء سيادتك تطلب الشرطه حالا

" احمد كان ماسك نفسه بعد لما شاف الفيديو والواد مصور البنات ومنهم فريده بطريقه وحشه "

"المدير مكنش عارف يعمل ايه في الموقف ده"

- تحفظوا عليه بره

" كانوا مخرجينه وقتها احمد صْربه بونيه وبعدها مراد مسكه وهو وقف ولا كأنه عمل حاجه "

" فضلوا يهدوا فيه ومراد اتكلم مع المدير "

- احنا بنعتذر.. ده واحد من استاف النظافه في الاوتيل.. وحقيقي احنا هنتخذ ضده إجراءات قانونية.. وبالطبع اتفصل

ياسين: وهو احنا مطلوب مننا نتحمل اهمال الفندق.. وانكم عينتوا واحد من الشارع زيه

المدير: احنا تحت امر حضرتك في الى تأمر بيه..

عز بصله بحده: احنا هنكمل فرحنا.. وبكره الصبح.. لو الكاميرات دي مراحتش للشرطه.. هي والموبايل الى معانا و قدمتوا فيه محصْر بالواقعه طبعا مع المحصْر الى هنقدمه احنا.. هنتخد ساعتها إجراءات ضد الفندق.. مش ضده هو.. واحنا مش قليلين ونعرف نجيب حقنا..

المدير: تمام الى تأمر بيه يافندم

" و فعلا الموضوع اتلم وحاولوا يتعاملوا عادي والموقف الحمدلله مأثرش على الفرح.. بقلمي سلسبيل احمد الشباب نزلت الأكل وعملت جو حلو في القاعه مره تانيه وكانت بتوزع على الناس الحاجات بفرحه و ابتسامه مع شباب البوفيه.. "

" وفالاخر الشباب قعدوا على الترابيزة ياكلوا و كذلك البنات.. و احمد كان هو و ندي قاعدين عند فاطمه و كوثر و ابراهيم و نورا وعز و إيمان "

ابراهيم: الف مبروك يا ولاد.

ندى: الله يبارك في حضرتك يا عمو

إيمان: مش بتاكلي كويس ليه؟

احمد: مكسوفه يا ماما

"ندى ضحكت بإحراج وبصتله"

فاطمه: حتي لما متبقاش مكسوفه هي اكلها قليل

عز: اتغذي كده احنا كنا بنشوف العرسان زمان طول بعرض

أحمد رفع ايده: اظن انا في السليم

عز ضحك: ماشاءالله عليك..

نورا: وعلى دودو كمان.. وانتي حلوة وصغيره كده.

فاطمه: هو فيه احلي من ندى

ندى هزت راسها: ليان و كنزي و هاجر وفريده ومريم..

كوثر ضحكت: اه خد بالك من الشله بتاعتها سمعتهم بيتفقوا هيعملوا فيك ايه لو ضايقتها

عز: لا هو يخاف من مراد اولي

أحمد: على رأيك ياعمي.

" على ترابيزه الشباب كان مراد بينكش في ياسين كل شوية "

- بقا عايز تبوظلي فرح اختي يا ياسو؟؟ ماشي يا معلم

مينا: ياعم ده كده عمل حساب للفرح

ياسين: قوله يا معلم

مراد بصله بخبث: معذرو برضو... اصل الغيره..

ياسين بصله ومراد ضحك وكمل: الغيره زينة الرجالة ولا ايه يا رجالة؟

كريم: اه طبعا.. محدش هيشوفلي مزه اغير عليها بقا

مراد: ولا انت تروح مشوفش وشك غير بعد الامتحانات

مينا: شكل عم جابر بينادي عليك

" مراد راح له وكان قاعد جمب جارهم "

- ايوه عاوزين حاجه

عم جابر: انتم نزلتوا اتنين جاتوه شوكلاتة انت يا

كلـ ـب منك له عاوزين تعملوا لي حساسيه؟ هاتولي بالكريمه امشي

" مراد ضحك وراح عند الترابيزة بتاعتهم وخد اتنين جاتوه كريمه "

مينا: عيب يسطا كده

مراد بصله: عمك جابر هيجرسنا اسكت

" حطهم على الترابيزة بتاعته.. "

" اليوم انتهى لحد كده.. "

" كلهم روحوا.. بعد وداع مليان دموع.. بالذات من البنات.. و عياط ندى وهي بتودع عز بعد لما عرفت انه هيرجع على المطار ويسافر علطول ولكن كوثر و نورا حاولوا يهدوا الاجواء.. "

" ورجعوا وهما زعلانين علشان رجعوا من غير ندي.

انما و احمد و ندى فضلوا في الفندق لأنهم حاجزين فيه.. وطبعا بعد المشكلة الى حصلت كانو مهتمين بيهم جدا.. "

>>>>>>>>>>>>>>>>>>>>>>>>>>>>>>>>>>

' الله اكبر الحمدلله استغفر الله لا إله إلا الله '

|| في البيت | عند فاطمه ||

" كانوا قاعدين بيعيطوا ان ندى مش معاهم "

فاطمه: خلاص بقا يا حبايبي..!

نورا: كفاية عياط يا كنوزة

كنزي: انا عايزه ندى تبات معايا!

مراد حضنها: هتيجي يا كنزي .. هتيجي لينا كتير.

كوثر: اطلعوا نامو انام بقالكم يومين نومكم وحش ومش مظبوط ريحوا..

" مراد خد ليان و طلعوا وهي كانت مضايقه اوي.. غيروا هدومهم وفضلت قاعده في الصالة.. بقلمي سلسبيل احمد مش عايزه تنام.. مراد معرفش ينام من غيرها فا قام خدها جمبه "

- متزعليش بقا.. انتي كنتي لسه بتقولي ايه؟

= مكنتش جربت اننا نرجع البيت من غيرها يا مراد

" خدها جمبه وبعدين دخلها في حضنه "

- ليكي عليا نطب عليهم قريب.. ونقرف الواد أحمد

"ضحكت وهو مسح عينيها وكان بيلعب

في شعرها بحب "

- مش هتعمليلي كيكه فانيليا تاني؟

= احنا لسه عاملنها

- بحبها.. وبحب الى بتعملها

"ضحكت وهو باس ايدها"

= و انا بحبك اوي..

>>>>>>>>>>>>>>>>>>>>>>>>>>>>>>>>>>>

|| في غرفة الفندق | قدام الحمام ||

" كان احمد واقف عند الباب "

- يابنتي بقالك ساعه جوه يا ندى!!

= عايز ايه؟

- ياحببتي اخرجي كفايه كده

= ملكش دعوة بيا يا احمد فاهم؟

- استغفرالله العظيم يارب طب اخرجي نتفاهم

= لا انت قليل الأدب.. وانا لو خرجت هكلم مراد يجيلك.. انا اصلا عايزه ارجع بيتنا

- طب افتحي الباب وهنعمل الى عاوزاه

" فضلت ساكته شوية وبعدين فتحت احمد اتنفس وبصلها "

- يا ندى انتي حْضتيني عليكي!

= انا كويسه بس ابعد عني

- منك لله يا مراد عملك عمل؟؟

ندي بصتله: انا مضايقه وجعانه فا سبني

ضحك وبصلها: جعانه؟ طب تعالي ناكل

- هتاكل بأحترامك ولا

= بأحترامي طبعا انا محترم يا ندى

" وفعلا دخلوا ياكلوا واحمد فضل بعيد عنها لحد ما ندى اطمنت سهروا شوية وجابلها كرتون بتحبه "

- قاعد مع بنت اختي انا عارف

" سندت راسها على كتفه وفضلت تتفرج لحد ما راحت في النوم.. وبعد شوية شالها و دخلها تنام.. وقتها ندى قلقت "

- خليك معايا..

" طلع جمبها و بعدين خدها في حضنه بمنتهي السعاده وباس دماغها "

ندى بصتله: والله؟ انت مش قولت انك محترم؟

- هي الساعه معاكي كام

= واحده بليل

- انا محترم قبل واحده بليل

= والله؟ يعني ايه

- يعني بعد واحده قليل الأدب جدا.

= تقصد ايه

- كل خير ياحببتي.. كل خير..

>>>>>>>>>>>>>>>>>>>>>>>>>>>>>>>>>>>

" و من بعد اليوم ده.. فات شهر كامل مر هادي و لطيف عليهم.. ما بين مراد و ليان الى كل يوم حبهم لبعض يزيد.. و بين احمد وندى.. الى اكتشفت انها طريه و كتكوته زي ما تخيل.. وكان بيعاملها كأنها بنته.. ويصالحها كل ما تزعل وتهدده بمراد.. مع انه مش خايف منه زي الأول.. و مابين فاطمه الى اتحسنت جدا لما كلهم وقفوا جمبها وكانو مريحنها

والعمليه كانت نجحت قولا و فعلا وصحتها بقت كويسه.. واخيرا.. بين ياسين الى عرفت يجمع الكل عند مراد في الورشة.. عشان يكلم احمد في موضوع فريده.. و دي طبعا معروفة فكره مين.. "

احمد دب على الترابيزة وبصله: فريده مين ياض انت

ياسين قام: مراد اللحقني..

مراد وقف: ما تريح يا احمد ايه ؟ هو فيه احسن من ان صاحبك ياخد اختك!! ولا انت مخك صغير

احمد: انا مخي صغير ياعم !!!! والموضوع ده من امتي بقا ؟؟

ياسين وهو ورا مراد و مينا: مش كتير صدقني تلت شهور بس

احمد: ينهار ابوك مش فايت تلت شهور عينك على اختي

ياسين: احترم نفسك يا احمد انا معدتش الحدود

احمد: انا هطربق الحدود على دماغك ياض

مراد: ولا انت وهو !!!! انتوا هتبوظوا فرح اختي وكمان هتبوظوا الورشة ايه ؟؟ هو من اول الرواية مفيش حد بياخد على دماغه غيري !!!!

مينا ضحك: بهدلتوا الراجل معاكم!!!

مراد: قصره !!! حدد لنا معاد مع ابوك لما يرجع من السفر او تعملوا خطوبة دلوقتي لحد ما يجي

احمد برم شفايفه: هعجنك يا ياسين

ياسين: انا داخل البيت من بابه

مراد بصله بخبث: احترم نفسك بقا

احمد: طبعا !!!!! ما انت فرحان في امي !!

مراد ضحك: جدا.

" وبالفعل اتحدد معاد الخطوبة.. و رغم كل حاجه و لكن احمد كان عارف ياسين كويس.. و رغم غيرته الطبيعيه بس اتصافوا بسرعه و ده مش هيمنع مراد يكمل غيظ فيه برضو.."

" عشان ده الى اتعودوا عليه من وهما صغيرين النكش.. والخناق سوا.. اللعب سوا.. الشلة الى اتجمعت تاني بعد سنين.. وكملت مع بعض سنين.. "

" اه.. فات عليهم تلت سنين بحالهم.. و هما مازالوا.. زي ما هما.. بيفرحوا سوا.. زي ما احتفلوا بـ كريم لما جاب مجموع في ثانوية عامة.. و دخل هندسة زي ما حلم.. و بعدها بـ باسين الى اتجوز فريده بعد سنتين خطوبة بحالهم وكان هيطق.. و مينا الى اتجوز قبله بسنه وقعدوا يذلوا فيه ان كلهم متجوزين و هو لاء..! "

" و مراد الى ورشتة كبرت و ربنا فتحها عليه من وسع.. وخلف بنوتة قمر سماها كارما..

واحمد قلده وبعدها بشهرين كانت ندى مخلفه ولد و سموه عبدالرحمن على اسم باباها الله يرحمه.. "

" ومع ان مر عليهم تلت سنين.. ولكن عمرهم ما اتغيروا.. و جه عليهم شهر رمضان.. الى بيقربهم علطول من بعض زياده.. و اتجمعوا في بيت فاطمه.."

|| 1 رمضان ||

" البنات كانت بتجيب الأكل و الرجالة قاعدين بالعيال بيلاعبوهم! "

" كارما اتمشت عند ليان و ليان حضنتها "

- انتى كوكي خلاص بقيتي تعرفي تمشي

مراد: وتستخبي من ابوها كمان

ضحكت: تستخبي منك ازاي بس.. انت 24 ساعه قافش فيها..!

" مراد لقي عبدالرحمن هو كمان بيحاول يمشي و يوصلها "

- شوفتي هنبدأ بقا.. ابن احمد بيتلزق في بنتى

" ندى بصتله "

- هو مش ابني انا كمان ولا ايه يا استاذ مراد

كنزي: ده كتكوتي انا

" فاطمه دخلت تاخد الأكل "

كوثر: يا ماما ريحي بقا قولنا مش هتعملي اي حاجه انهارده كفايه صممتي تعملي حلويات!

مراد: صح فين الكيكه يا ليان؟ محدش ياكلها غيري

"فريده ضحكت جامد لما سمعته"

نورا: طب برا بقا برا عشان الزحمه

" مراد خرج وقعد بالعيال "

- لم ابنك يا معلم سارح ورا بنتي

احمد: وانت تطول ابني انا يلعب مع بنتك

ياسين ضحك: ابني جاي في السكه وهيحصل الخلافات دي.

مينا: وانا لسه مش عارف ايه الى هيجي بس اعتقد هنوازن الأمور برضو

كريم بصلهم: طب ايه؟ هفضل سنجل لحد ما امتي؟

مراد: فاضلك اخر سنه مسمعش صوتك بقا

احمد بتناحه: جوزه كنزي بقا يا مراد

كريم: احم موافق

مراد: واد انت وهو متهزروش معايا

ياسين: نهزر ليه بنكلم حد اهو الى نعرفه احسن من الى منعرفهوش!

مراد هوش ياسين بهزار: ريح بدل ما اعجنك.

" عز و ابراهيم و عادل و يوسف دخلوا وفضلوا يسلموا على الكل و كان فاضل تلت دقايق على الاذان "

" الرجالة فطرت في اوضة و الستات في الأوضة التانيه.. و ده لأن فاطمه كانت مغيره في البيت عشان يقدر ياخد عدد كبير.. "

" وفي اخر اليوم البنات كانت بتصيح مع بعض قبل ما يروحوا..! "

فريده: هتولدي امتي بقا يا مريم!

مريم: تقريبا داخله على الشهر الـ عاشر

"كلهم ضحكوا"

هاجر: ملحقتيش ياستي

ليان: انتي مش ناويه تتلمي يا هاجر و توافقي تقابلي العريس

هاجر: انا مستقلة بذاتي وحابة اشتغل بس دلوقتي

فريده: خليكي كده يا سنجل يا بائس.

كنزي: انا عايزه اتجوز واجيب عيال عسولة كده زي كارما و عبدالرحمن..

ندى ضحكت: اتفضليه

ليان: على اساس ابوه هيرضي

ندى: على رأيك..

" و لما الوقت اتأخر كله راح بيته.. و ليان طلعت مع كارما البيت "

" وقفت في البلاكونه و كانت بتفرجها على الزينه لحد ما نامت على كتفها "

" مراد دخل البيت و دور عليهم.. وهو عارف هيلاقي ليان فين.. شاف كارما نايمه فا خدها بهدوء.. ورجع لـ ليان "

- خير... عايزة ترجعي طفله؟

" لفت له وهي بتضحك "

= وليه لاء.. على الأقل هلعب بالزينة.. وافرقع معاهم صواريحْ ونلعب كورة

قرب ناحيتها وابتسم: و اه وايه كمان؟

= تفتكر كنت هعرف اعمل ده..

ولا هيبقي عندي ابن عم رخم كده يقولي مش هتعلقي معانا يا ام 140 سنتي

ضحك وحضنها: هتفضلي في نظري طفلة مهما كبرتي.. علشان مهما كبرتي.. بلاقيكي في البلاكونه قدام الزينه.. وبتتفرجي عليها هي و العيال الى بتلعب في الشارع..

- وانا مهما كبرت.. وفضلت ترخم عليا.. هفضل احبك يا مراد

= وتعمليلي كيكه فانيليا ليا لوحدي؟

ضحك وبصتله بحب: موافقة.. بس عندي شرط!

- ايه هو؟

= تخليني اعلق معاك الزينة؟

"بصلها بكل حنيه وحب الدنيا.. وباسها"

- هنعلق الزينة سوا.

تمت.

- الو يا كريم اللحق

= كنزي؟؟ فيه ايه انتِ فين؟

- مراد عرف اننا بنتكلم و بيتخانق هو و ليان

= ايه !!! عرف ازاي

- هو ده وقته !! اتصرف

= اتصرف ايه..؟؟ انا لو جيت عندكم دلوقتي هيبلعني صاحي!!!

- والله؟ امال ايه هكلمه هكلمه يا كنزي انا مش خايف منه

= مش خايف يا كنزي! انا مش عايز اكبر المشكله بس

- تمام سلام يا كريم

" قفلت معاه حطت راسها على الباب وسمعتهم "

مراد بزعيق: بقولك اخرجي هنا يا زفته انتي !!!

" كنزي راحت اخر الأوضة وقعدت ساكته و رمت الموبايل بعيد عنها "

ليان بصتله: هو انا هفضل اقولك توطي صوتك ؟

- انتي تسكتي خالص ها !! حسابك معايا بعدين انتي و الجزمه التانيه الى مستخبيا فى جوزها برا

" ندى سمعته و هو في الصالة فا بصت لاحمد "

- احمد لو جه هنا اللحقني ماشي

احمد ببرود: انتم مش ضحكتوا عليه اشربوا بقا

" كان بيكلمها وهو بيلاعب كارما و عبدالرحمن "

" كانو في الدور الأرضي.. و ليان وفاطمه بيحاولوا يهدوا.. "

مراد بحده: انا فوتها مره زمان مش هفوتها دلوقتي

ليان بصتله بدهشه: انت بتقارن ايه بـ ايه !!

" مراد مردش عليها فا اتعصبت "

- كنزي اطلعي هنا متخافيش

كنزي ردت عليها: مخافش ازاي يعني

- انا الى بقولك

" كنزي مسحت المكالمه من فونها بخوف... بيدج الفيس بوك بتاعتي سلسبيل احمد و بعدين خرجت و استخبت ورا ليان علطول الى كانت بينها هي و مراد و فاطمه واقفة جمبه "

بصلها بنص عين: بتضحكي عليا؟

ليان بتحدى: احكي له الى حصل يا كنزي

الباب خبط فا فاطمه بصتله: انا رايحه افتح اياك تلمسها يا مراد اديني نبهتك

" وقفوا كلهم ساكتين و فاطمه اتفاجئت بكريم على الباب و معاه ياسين "

فاطمه: ادخلوا ياحبيبي تعالي

" مراد سمع صوتهم وخرج على بره علطول وقتها ياسين اول لما شافه و عينه بطق شرار راح مسكه "

- اهدي يا معلم اهدي

فريده: هو فيه ايه يا ياسين !!

احمد خرج و خد منها عمر ابنها: اهو ده الى ناقص هتتخانقوا قدام العيال

ندى: هاتهم جوه هاتهم

" دخلوا العيال جوه و مراد كان هياكل كريم بعنيه "

كريم: على فكره انا لو غلطان مكنتش جيتلك برجلي

مراد: ده انا هـ... انا ماسك لساني بس عشان المكان الى احنا فيه اطلعولي برا

" وفعلا خدوا بعضهم و طلعوا على السطح "

احمد: براحه بقا كده و اتكلموا

كريم: انتم هتسبوني معاه ؟؟

ياسين: مراد مش هيعملك حاجه هيسمع الأول صح يا مراد ؟؟

مراد ابتسم له بهدوء مرعب: طبعا طبعا

" الشباب بعدت عنهم شوية و كريم بص لمراد الى قرب منه "

- ما تتكلم.. بلعت لسانك ؟؟؟؟

كريم بتوتر: الموضوع و ما فيه.. اني كنت عايز اخد خطوه.. و خايف منك

"مراد بصله بترقب وصمت و كريم كمل"

- كل لما كان حد منهم يهزر على الموضوع و يقول كريم يتجوزها كنت بتقلب وشك.. و ده كان بيوترني و بيزعلني في نفس الوقت.. انت بتقول انك بتحبني ليه مش عاوزني اطلبها منك..؟

= فا تلف من ورايا؟ بقا انت يا كريم ؟ تعمل الحركه دي تطلع منك انت؟

- أكيد لا.. انت لو عارفني مش هتقول كده.. انا معملتش حركات يا مراد

= انا مش عارفك فعلا !!!! ومش متوقع منك حركه قِلة زي دي ابدا... فا الاحسن لك توضح موقفك عشان لو حد غيرك كان زماني مطبق وشه

- انت كده بتسهلها عليا يعني؟

مراد سكت وكريم اتنهد وبصله: كنزي اول لما دخلت الكلية وانا مليش اي علاقة بيها.. مع اننا كليتنا جمب بعض وكنت بشوفها صدفه بس عمري ما كلمتها.. غير لما اتأكدت من مشاعري.. وقتها طلبت اتكلم معاها كذا مره وهي رفضت وانا سكت شوية

- لا كتر خيركم

= لحد اخر مره انا اصريت تاني.. و قولتلها انا مش عايز غير انك تعرفيني بجد واتكلم معاكي في كام نقطه لو قابله الموضوع اتقدم لمراد.. ويبقي رسمي

هي طول الوقت كانت بتبقي خايفه.. وانا كنت محتاج اعرف بينا تواصل على الأقل ولا لاء كنت محتاج اتأكد علشان مش عايز علاقتي بيك انت تبوظ بعد كدا لو مثلا اتقدمت ومحصلش نصيب او اختلفنا..

عشان يا مراد الموضوع كله عاملي ارتباك اصلا بسبب انك زي اخويا الكبير واكتر... و غالي عليا وحاجات كتير انت عارفها.. فا الموضوع كان بالنسبالي صعب اوي مكنتش عارف اعمل ايه! وانت قافل عليا كل الطرق!!

- فا الحل انكم تتكلموا من ورا ضهري؟

= متحسبهاش كده.. احنا اتكلمنا مرتين او تلاته بس في الكليه وقت الاستراحه الى هو مش معدي ربع ساعه و كنا بنقعد وسط ناس في الكافتيريا

- لا والله طب ده عظيم اوي!!! قاعده معاك قدام الناس؟ عشان يتقال عليها كلام وسط صحابها؟

كريم رد بحده: لو حد فتح بوقه انا كنت هخرصه بطريقتي محدش يقدر يقرب لها ولا يقول عليها حرف واحد

"مراد بصله ولاحظ طريقته و خوفه عليها الى فكره بنفسه وهو صغير لما كان بيخاف على ليان "

= و رقمك الى على موبايلها ده بيعمل ايه؟

- انا الى خدت موبايلها رنيت على نفسي و قولت لها خلي الرقم عندك لو حصل اي حاجه في الكليه انا هبقي قريب ليكي كلميني.. عمري ما كلمتها ولا كلمتني.. غير انهارده وقت الخناقه..

" مراد سكت و جز على سنانه بغيظ مكتوم.. بقلمي سلسبيل احمد و بص بعيد عنه فا كريم خد نفس وكلمه مره تانيه "

- يا مراد على فكره انا الى مفروض ازعل مش انت.. انت ليه رافض الموضوع.. مع انك عارف اني مليش غيرك

= عشان انتوا لسه عيال يا كريم.. انت 21 سنه وهي 19 هي بالذات لسه عيله وهي رايحه اول يوم جامعه لوحدها بتعيط

كريم ضحك غصب عنه بعدين استوعب جملته وبصله: لحظه بس انا يا برنس لسه عيل؟

مراد بغيظ: اه بعد الحركه دي ستين عيل كمان

- شكرا يا مراد باشا..ياصاحبي

= اعترف بغلطتك وخليك راجل

- فهمني غلطت في ايه

= انك كلمتها من ورايا هي دي حركه عاديه

- ومحصلش اني قولتلك ميت مره متخليني اتكلم معاها مره واحده يا مراد؟ ولا اوصلها مثلا وترفض وتقولي ابعد عنها

= عشان لسه صغيره وانت غريب عنها و ده مش مبرر لعملتك دي اصلا

- غريب عنها ايه؟ انا ممكن احكيلك قصة حياتها

= لا شاطر و صايع طول عمرك ياض!

- طب ونهايه الموضوع ده ايه قولي ايه يرضيك

= كلامي مش هغيره و الحركه دي انتوا الاتنين هتتحاسبوا عليها

- لا ملكش دعوة بيها هي حاسبني انا عندك اهو !

مراد مسكه من التي شيرت: ولا!!! دي اختي ياض اختي انا حر!!! بطل استفزاز لحسن امسكك اعجنك

"ياسين قرب عندهم وهو ميت ضحك على منظر مراد و عصبيته"

مسك كريم بعيد عنه: انت ياض محدش بيعرف يعصبه فينا كلنا قدك

أحمد: ميغركش ساعتين الجيم الى بتروحهم يا كيمو لو سبناه عليك هياكلك..

كريم: والله ما جيت جمبه يا عم

احمد: ما تلم الحوار وتخلصه يا عم مراد

مراد: على جثـ ـتي بقا ايه رأيكم

كريم: يا باشا براحتك لما تلاقيني قاتـ ـل نفسي متبقاش تعيط عليا

مراد: انا مش بعيط يلا !!!!

كريم بصله: ياسيدي طب انا الى بعيط وااااااء جوزني كنزي واااااااء

:احمد وياسين ماتو على نفسهم من الضحك"

" اما مراد بصله بعدم تصديق لـ حركاته "

- انا هعرفك العياط الى بجد عامل ازاي

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على سيدنا محمد '

" الموضوع وقف لحد هنا وسابهم و نزل

و كان يدور على كنزي "

" خبط على باب الأوضة عشان عارف ان البنات جوه"

" ليان خرجت له وهي قالبه وشها "

- خير.. احنا قاعدين عايز ايه

= نادي كنزي بدل ما ادخلها انا

- أكيد مش هتدخل و هاجر و فريده جوه.. ومريم كمان ها..

جز على سنانه: متستفزنيش!

"ليان سكتت شوية"

- كنزي تعالي

" خرجت بخوف وليان طمنتها و بعدين خدها و دخلوا اوضة فاطمه "

- والله العظيم مليش دعوة بحاجه وربنا.. هو الى كلمني انا قولتله معرفش روح كلم مراد.. وحكيت لـ ليان و ندي وتيته و كمان ماما و مرات عمي.. انا قولت لهم كلهم عشان خوفت اقولك.. وهما قالولي خليه يكلم مراد

" مراد كان باصصلها وساكت و كنزي سكتت وبعدين اتكلمت "

- طب انت زعلان مني يعني ؟

= لا خالص.. عادي.. فيها ايه لما اجي امسك موبايل اختي الاقي عليه رقم غريب.. عادي.. وفيها ايه لما تتكلمي معاه كذا مره في الكليه وسط الناس

- هما كانو تلت مرات بس ومطولش فيهم.. مقولناش حاجه غلط والله

= والموقف كله على بعضه صح؟

- معرفش... انا افتكرت عشان انت عارفه عادي

= انا الى اعرفه مش انتِ!!!

- ماشي بس هو مش واحد غريب

= لا غريب عنك يا كنزي

- طب يعني ايه دلوقتي انا مالي انا معملتش حاجه

" مراد كان عايز يضحك على كميه الجبن الى هي فيها وانها باعت كريم من قبل اول قلم حتي.."

- لو انت مش عايزه يكلمني قوله انا مش فارق معايا ها مليش دعوة بـ حاجه

= ومالك بتقوليها بزعل كده ليه يابت؟؟

بصتله بتوتر: ءء انا؟؟

- امممم انتي هتهتهي زي ليان.. واضح انها عدوه

نهايه الموضوع ده... اياك تفكري تتكلمي معاه مره تانيه

بصتله بدهشه: يعني انت هترفضه

مراد بتأكيد: انا حر بقا !! انتي لسه صغيره

- والله !! امال بتقولي روحي الكليه لوحدك ليه انتي كبرتي !!

مراد سكت شوية: اه انتي كمان هتردي على اخوكي الكبير و تعلي صوتك اتفضلي بره حالا

- ايوا بس!!

اتكلم وهو بيمثل العصبيه: ولا كلمه بره !

" كنزي خرجت و هي بتدبدب في الأرض و ليان دخلت بعدها علطول "

- خلصت الشويتين بتوعك يا مُراد!

= شويتين؟ انتي ليكي عين تتكلمي اصلا؟؟

- ليا اه.. بطل رخامتك دي على العيال!! مفضلش غيرهم عاوزين نخلص انت مش بتحب في الدنيا قد كريم والعالم كله عارف واقف له في الموضوع ليه؟

= ملكيش دعوة يا ليان

- لا ليا.. كنزي اختي ياحبيبي وبعدين مش نقول لبابا ونشوف رأيه؟؟

= انا قولت خرجي نفسك من الموضوع كفايه كررتي حركه زمان وخبيتي عليا تاني موضوع يخصها

- علشان مكنش فيه حاجه تتحكي.. الموضوع عادي انت بس الى غيران ومش قادر تتقبل فكره ان كنزي خلاص مبقتش عيلة زي زمان هي كبرت انت اتجوزت و ندي اتجوزت.. وهي لوحدها!! طبيعي قلبها يميل ناحيه حد اصلا!!!

مراد بصلها وهو بيستوعب: قلبها يميل !!!! هي قالت لك انها بتحبه كمان ..!!

- مش بظبط.. لكن هما الاتنين لايقين على بعض.. ومناسبين لبعض اديهم فرصه.. انت هتلاقي فين حد عارف تاريخه كله من يوم لما اتولد زي كريم!

= و انا مش عايز كده يا ليان..

- فهمني ليه !

"مراد مسح على وشه بتعب و قعد

فا ليان قربت منه بستغراب"

- قولي مالك؟ فيه ايه؟

= المشكلة الى حصلت لـ كنزي زمان مأثره عليها.. محدش عارفها قدي.. هي لسه جبانه.. معندهاش ثقة في حد و علطول خايفه من كل الناس انا عمري ما حبيت تبقي لوحدها.. بس لما قولت لها روحي وتعالي لوحدك كنت قاصد ده عاوزاها تتشجع شوية شخصيتها ضعيفه زياده عن اللزوم و ده مش كويس.. بقلمي سلسبيل احمد هتتعب في حياتها لو فضلت جبانه و خوافه بالشكل ده.. ولحد ما ده يحصل مش عايزها تدخل علاقة وهي عاميه لو حصل اي حاجه هتدمر خالص.. مش هستحمل اشوفها مجروحه و مشاعرها اتهلكت.. و كريم بالذات.. لو كان سبب في اي حاجه تمسها معرفش ردة فعلي هتبقي ايه!

" ليان قعدت جمبه ومسكت ايده وهي بتطمنه "

- حبيبي انت مكبر الموضوع شوية..

انا فاهمه وجهه نظرك.. بس انها تكون مع كريم ده شيء يطمنك مش يخليك خايف عليها اوي كده.. انت معاك حق فى كل الى قولته.. بس احنا معاها وانت ربنا يخليك ليها.. وجود كريم جمبها هيشجعها.. خصوصا انهم في نفس الجامعه.. مينفعش تبقي هي خايفه وانت مره واحده تقولها يلا واجهي لوحدك انت محتاج تطمنها يا مُراد هي خلاص سابت مرحله المدرسة ودخلت مرحله جديده ده فى حد ذات يخوف

مسح على شعره: هفكر يا ليان.. هفكر

ليان حضنته: متزعلش بقا بتبقي بارد وانت زعلان

مراد: يا سلام عليكي لما تضحكي على الواحد

" حضنها وهي بتضحك "

- انا قولتلك اني بحبك انهارده؟

= مقلتهاش بقالك يومين.. لو بتحْوني عرفني يا مراد

ضحك ومسك خدودها بحنيه وباسها: انا اقدر

" الباب خبط و كانت ندى "

- ادخلي

= ها الموضوع اتساوى ولا اروح استخبي في جوزي

مراد: عليكي وعلى جوزك يا ندى لو مسكتيش هقوم اضربهولك قدام ابنك التنح

ليان: هدي نفسك بس اجبلك كيكه؟

- فانيليا؟

= ايوه

- هاتيلي اه عشان حرقوا اعصابي..

ضحكت: حاضر من عيوني.

>>>>>>>>>>>>>>>>>>>>>>>>>>>>>>>>>>>>>

' اللهم اغفر لي وارحمني واعفو عني وسامحني '

" خرجوا بره .. و كان ياسين قاعد هو و فريده و احمد وندي و فاطمه و كنزي وهاجر ومريم "

مراد ميل على فاطمه: هو كريم مشي؟

- اه يا حبيبي.. هدي الدنيا معاه يا مراد.. ده غلبان وملهوش غيرنا بعد جدته

باس راسها: حاضر ياحببتي

" الباب اتفتح و جم كوثر و نورا من برا.. الى فاتهم الخناقه كلها.."

"كان معاهم اكل.. قعدوا كلهم ياكلوا سوا.. "

فاطمه: بالهنا والشفا يا حبايبي كلو كويس.. والله زعلانه علشان الباقي معرفش يجي مش كنا نستناهم

مريم: مينا معرفش يجي هو مارتينا بسبب شغلهم صعب الفتره دي شوية

ياسين: اه من ساعه لما اتجوز محدش عارف يكلمه اصلا

فاطمه ضحكت: ربنا يسعدهم..

فريده: اوعي تعملي زيهم يا هاجر

هاجر: انا شكلي هفشكل الجوازه اصلا

كوثر: ليه متقوليش كده! انتي فرحك اخر الشهر خلاص استهدي بالله

- لا إله إلا الله

ياسين: طب بقولك يالي هتفشكلي الجوازة

= نعم يابو دم يلطش

- اخرجي كلمي خالد يا مهزقه وصل بره

= هو انت هتخليني اقابله بقا عشان كاتبين الكتاب

- طب اقولها ايه دي؟ خليها تبطل افترا عليه يجماعه..

ندى: لمي الدور الراجل جالك لحد عندك وانتِ الى غلطانه اصلا

فريده: دي حقيقه اخرجي بقا

" هاجر سابتهم بزهق وخرجت.. اتفاجئت انه معاه ورد ولكن مازالت راسمه الملامح البارده على وشها.."

- خير يا خالد..

= دي مقابله برضو؟.. اتفضلي

" خدت منه الورد وهي ملاحظه انه بألوانها المفضلة "

- مرضتش اسيبك زعلانه.. مع اني مش غلطان في حاجه.. بس فرحنا اخر الشهر مش هنفضل زعلانين..

= تمام

- والله؟

= اقولك ايه يعني.. انت لما تجبلي ورد ده هيخليني انسي انك هزقتني قدام الناس

- هزقتك!! انا يادوبك صوتي علي عليكي

= و هو ده طبيعي يحصل قدام شوية موظفين؟ ولا حضرتك بتتعامل معايا ازاي

- لا مش طبيعي ولا طبيعي اشوفك واقفة مع زميل ليكي بينكم شغل وبس.. و سيادتك واقفة تضحكي انا مش مصدق انك مازلتي بتتناقشي معايا في الموضوع ومش شايفه نفسك غلطانه!

= ايوه مش غلطانه!!! انت الى مصمم تشوفني غلطانه انا مكنتش واقفة لوحدي احمد و نادين كانو واقفين برضو !!!

اتنهد بخفوت وبصلها: انا قولتلك من البداية يا هاجر شغلك في الشركه هيعمل بينا مشاكل.. واضح ان انتي مش فارق معاكي علاقتنا قد شغلك.. واحنا مش هينفع نكمل كده

" هاجر بصتله وسكتت "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

" ياسين خرج له بعد لما فاطمه قالتله ان شكلهم بيتخانقوا تاني "

- تعالي يا معلم ادخل واقف ليه

خالد برفض: لا انا مستعجل معلش

ياسين مسكه: ياعم تعالي بس الحجه عايزه تسلم عليك عيب..

" دخل و هاجر دخلت وراهم وبعدين سابتهم و قعدت لوحدها.. ليان خبطت عليها و هي مرضتش تفتح "

خالد: انا تعبت معاها يا ياسين

ياسين: انا مش عايز ادخل لانها بتعشق العناد معايا ولو قولت اي كلمه هتعمل عكسها..

خالد: طب اعمل ايه ؟

فاطمه: اتكلموا براحه يحبيبي... انتم لسه ملحقتوش تعيشوا سوا حتي.. لازم تتعلموا تعدوا مشاكلكم..

خالد: دي هي الى زعلانه.. و واخده موقف

فاطمه: معلش خدها على قد عقلها

ليان: بظبط يا استاذ خالد.. كلنا عارفين ان مخها تعبان يعني صح يا بنات.. واكيد حضرتك عارف هي مش قصدها حاجه..

"مراد بص لـ ليان الى اتدخلت في الحوار

بزهق فا سكتت"

فاطمه: اجبلك كيكه يا حبيبي

مراد: احمم انا بقول يدخل يصالحها ولا ايه.. مش جوزها برضو.. ادخل صالحها ده شيطان ودخل بينكم

" ليان كتمت ضحكتها على طريقة مراد..

و خالد فعلا قام خبط عليها "

هاجر ردت بضيق: ادخل

- بعد كل ده انتِ الى بتعيطي

= انا معيطش

- ويعني لما تمسحي وشك مش هعرف

= عاوز ايه دلوقتي.. مش انت عاوز تسبني

- استغفرالله العظيم يارب انا قولت كده امتي

= امال يعني مش هينفع نكمل كده

- يعني فكري انك هتتجوزي خلاص الشغل ملهوش لازمه يا هاجر..

= اه انت بتهددني علشان انت المدير.. وعايز ترفدني كمان وانت عارف اني شاطره

- انت مش مقدره غيرتي ليه!! مش واخده بالك ان لما موظفه جابلتي قهوه معاها وقت الخطوبة كنتي عامله ازاي؟ وانا ولا ضحكت لها ولا حصل بينا حوار اصلا

" هاجر سكتت ومعرفتش ترد "

= انا لحد دلوقتي واثق فيكي.. وعارفك فا مش بشك فيكي ولا انا راجل عايز مشاكل.. انا بكلمك براحه.. والتصرف الى حصل مش مقبول بالنسبالي..

انتي غلطتي فيه ولازم تعرفي ده

هاجر رفعت راسها وبصتله: تمام.. خليني افكر..

- تفكري في ايه بظبط

اتنهدت وبصتله: اني اسيب الشغل.. عشان انا متجوزه واحد بيغير.. ميعرفش اني عمري ما هبص لحد غيره مهما كان حواليا مين

خالد اتنهد وقعد جمبها: انا مش عايزك تبقي مضايقه.. انا يهمني تكوني مبسوطه معايا يا هاجر.. وحياتنا تبقي هاديه.. عادي نتخانق

بصتله وكملت: وانت تصالحني علطول

ابتسم بقلة حيله وغلب وبصلها: حاضر.. هصالحك علطول.. ربنا يخليكي ليا

- يعني مش هتخليني اللبس الفستان الى وريتك صورته فى الفرح

= حاضر يا حببتي عيوني اول لما يبقي اسمي سوسن بدل خالد هخليكي تلبسي فستان عريان وضيق وقصير كمان

"هاجر فضلت تضحك جامد على تريقته"

- تعرف انا بحبك ليه و وقعتني بسرعه ازاي

خالد بصلها بحب: ازاي

- بخفه دمك.. اصل الرجالة كلها دمها تقيل معروفة

= كويس.. عاوزاك تشوفيهم كلهم كده علطول

" ضحكت وهو مسك ايدها وباسها..

وتم الصلح بحمد الله.. "

>>>>>>>>>>>>>>>>>>>>>>>>>>>>>>>>>>

' سبحان الله وبحمده سبحان الله العظيم '

" في اوضة تانيه كان مراد بيكلم كريم..

علشان حس انه زعل منه "

- الو؟

= مشيت ليه

- مفيش.. انا قولت يبقي حد في الورشة يبص عليها

= بس كده؟

- و عندي حاجات هسلمها بكره في الكليه شغال عليهم

= طب انا عاوزك بكره بعد الكليه

- حاضر يا مراد

= ذاكر كويس بقا

- عنيا

" قفل معاه.. وهو كان عاوز يصالحه..

و لكن استني لما يتقابلوا بكره.. "

|| تاني يوم الصبح ||

" صحيوا و فطروا كلهم سوا.. و أحمد كان بايت في بيتهم و ندى قاعده معاهم.. و ده مخليه مبسوط بوجودها.. "

" بقا كلهم متجمعين زي زمان.. مراد و ليان و كنزي وندى و كوثر و نورا و فاطمه.. وزياده عليهم.. استاذ عبدالرحمن وكارما هانم.. "

كنزي: يا دوبك امشي بقا.. هتوحشوني يا كوتي

" باست كارما و عبدالرحمن "

- ندى اوعي اجي كم الكليه الاقيكي مشيتي

ندى: مش عارفه بقا احمد ممكن يرجع علشان شغله

كوثر: خلي بالك من نفسك يا كنزي

- حاضر يا ماما

مراد بصلها: وخليكي في حالك ها

كنزي بتهتهه: ءءء اه حاضر مع السلامه

" خرجت و فاطمه بصتله "

- بطل رخامه

نورا: ازاي ميبقاش مراد

مراد شال كارما: اوعي تكبري وتعملي زيهم فاهمه؟

ليان ضحكت وبصت على عبدالرحمن: ما هي هتلاقي الى يرخم عليها زيك

" كلهم ضحكوا.. "

>>>>>>>>>>>>>>>>>>>>>>>>>>>>>>>>>>

' الله اكبر الحمدلله استغفر الله لا إله إلا الله '

|| في الجامعة ||

" كنزي وصلت وقابلت صحبتها الوحيده الى كانت تعرفها في الكلية.. و كان فاضلهم على المحاضره دقايق فا وقفوا يشتروا حاجه.. بقلمي Slsbell Ahmed كريم كان متابعها وعلطول عينه مش بتنزل من عليها.. لحد ما دخلت المدرج هي وصاحبتها.. "

- تخرجي معايا بعد الكلية

= مينفعش انا بروح علطول

- ما تغيري مره يا كنزي.. تعالي نخرج مع ناس

= لا لا.. بلاش انا مش بحب الخروج ولا بحب اتعرف على حد يا جهاد

ردت بستغراب: طيب على راحتك..

" خلصوا المحاضره و طول المحاضرة كانت كنزي سامعه بنات بتتكلم وراها وبتضحك.. و اتصدمت بعد لما الدكتوره خرجت و لقت البنات دي بتشاور عليها "

جهاد: مالك فيه ايه

" كنزي اتوترت و ايدها بدأت تترعش "

- مـ.. مـ.. مفيش حاجه

" جهاد بصت وراها ولقت شلة ولاد وبنات بيضحكوا بسخريه "

- مالك طيب حد ضايقك؟

= لاء

" الدكتور التاني دخل عطول وبدء شرح.. و كنزي مكانتش عارفه تركز وباين عليها التوتر "

الدكتور اتكلم بحده: انتِ .. انتِ

بصتله و وقفت بسرعه: أ.. أنا؟

- ايوه انتِ.. انا كنت بقول ايه؟؟

= أمم.. أ.. حضرتك كنت ...

رد بحده: اتفضلي اقعدي مكانك و ركزي المره الجاية طرد بره المحاضره

" قعدت و عيونها بدأت تدمع ولما بصت وراها لقت نفس الشلة كأنهم بيتريقوا عليها.. اول لما الدكتور خلص لمت حاجتها علشان تخرج و جهاد مكانتش فاهمه مالها "

" كنزي خرجت قدام الكلية وقفت ترن على مراد علشان مكانتش عايزه تمشي لوحدها "

- طب اهدي طب بتعيطي ليه عادي يا كنزي كلنا بنتلخبط ومش بنركز بعدين الدكتور ده علطول بيطرد الحمدلله سابك تكملي

" كنزي مكانتش بترد عليها وعماله تتصل على مراد و الشلة خرجت تاني قدامها و جهاد بصتلهم بقر..ف "

" كريم خرج من السكشن بتاعه و كان بيبص على كنزي.. واستغرب لما شافها واقفة هي وصحبتها وكأن فيه.. مكنش عارف يعمل ايه "

- روحي نادي الواد يخدلك حقك من الدكتور بدل ما تعيطي ههههههه

جهاد بصتلهم: ايه قلة الذوق الى انتم فيها دي؟

" ندى لقت مراد رد عليها فا اتكلمت بعياط "

- ممكن تيجي تخدني دلوقتي!!

= فيه ايه مالك انتي كويسه

- عايزه اروح.. تعالي خدني!!

" قفلت معاه و كريم متابع كل ده وحس ان فيه حاجه خصوصا لما لقي شلة الولاد والبنات دول مركزين معاها راح لعندها بدون تفكير "

- فيه ايه مالك ؟؟؟

كنزي بصتله وهي بتمسح دموعها: مفيش حاجه

" جهاد بصتلها وسكتت و هو بص على العيال "

- حد ضايقك ؟؟

جهاد بنفاذ صبر: الشلة الى ورانا.. بيتكلموا عليها

" كريم مكنش عارف يتصرف بحكم انهم بنات وكان عمال يبصلهم بحده ناحيه الولاد "

" مقدرش يمسك نفسه كان عمال يضغط على سنانه.. راح عندهم وبصلهم "

- فيه حاجه ؟؟؟

رد واحد منهم ببرود: انت الى فيه حاجه يا نجم ؟

كريم قرب منهم بنفس طريقتهم: في قلة ادب

رد بسخريه وهو بيضحك: لا قليل الادب يتربي!!

ولا ايه يا تامر؟

" وقف واحد تالت قصاد كريم واتكلم "

- مظبوط..

كريم: طب لموا نفسكم بقا انت و هو يا حلو و بلاش حركات الـ*** دي ولو حد منكم بصلها مره تانيه هندمه

باقي عمري ماشي يانجم؟

كنزي اتكلمت بخوف: كريم خلاص

تامر: يا روحي انتي خايفه على الكتكوت بتـ..؟

" كريم مخلهوش يكمل و صْربه بونيه فجأة في وشه وقعه و مسك التاني صْربه.. بقوه لما لقاه داخل عليه.. وهما التلاته كانو اقل منه فى الجسم لأن كريم كان رياضي و جسمه فيه عضلات.... "

" ولكن جه التالت من وراه نزل على دماغه بأزازه كـ.ـسرها على راسه كلها بقوة .. "

" كريم ثبت مكانه وبدء يدوحْ..

والدم كان نارْل على وشه بخطوط.. "

" كنزي صرحْت بخضه وهي بتجري ناحيته"

- لا لا لا لا !!! كريم !!! كريم !!! يا كريم رد عليا لاءء !!

" فضلت تزعق و تعيط بأنهيار و برعب وهي شايفه منظره "

- فيه ايه مالك ؟؟؟

كنزي بصتله وهي بتمسح دموعها: مفيش حاجه

" جهاد سكتت فا كريم بص على العيال "

- حد ضايقك ؟؟

جهاد بنفاذ صبر: الشلة الى ورانا.. بيتكلموا عليها

" كريم مكنش عارف يتصرف بحكم انهم بنات وكان عمال يبص بحده ناحيه الولاد "

" لكن مقدرش يمسك نفسه كان عمال يضغط على سنانه بغضب.. و راح عندهم "

اتكلم بحده: فيه حاجه ؟؟؟

رد واحد منهم ببرود: انت الى فيه حاجه يا نجم ؟

كريم قرب منهم بنفس طريقتهم: واضح ان في قلة ادب

رد بسخريه وهو بيضحك: لا قليل الادب يتربي!!

ولا ايه يا تامر؟

" وقف واحد تالت قصاد كريم واتكلم "

- مظبوط..

كريم: طب لموا نفسكم بقا انت و هو يا حلو و بلاش حركات الـ*** دي.. ولو حد منكم بصلها مره تانيه هندمه باقي عمري وصلت يانجم؟

كنزي اتكلمت بخوف: كريم خلاص

تامر: يا روحي انتي خايفه على الكتكوت بتـ...؟

" كريم مخلهوش يكمل و صْربه بونيه فجأة في وشه وقعه و مسك التاني صْربه.. بقوه لما لقاه داخل عليه.. وهما التلاته كانو اقل منه فى الجسم لأن كريم كان رياضي و جسمه مظبوط.. "

" ولكن جه التالت من وراه نزل على دماغه بأزازه كـ.ـسرها على راسه كلها بقوة .. "

" كريم ثبت مكانه وبدء يدوحْ..

والدم كان نارْل على وشه بخطوط.. "

" كنزي صرحْت بخضه وهي بتجري ناحيته"

- لا لا لا لا !!! كريم !!! كريم !!! يا كريم رد عليا لاء!!

" فضلت تزعق و تعيط بأنهيار و برعب وهي شايفه منظره وشكل الد...م "

" اتصلوا بالاسعاف..

و مراد كان وصل و راحو كلهم على المستشفى.. "

>>>>>>>>>>>>>>>>>>>>>>>>>>>>>>>>>>>

'اللهم صلِ وسلم وبارك على سيدنا محمد'

|| في المستشفي | قسم الطوارئ ||

" كنزي كانت واقفة مش مبطله عياط.. و مراد ايده عليها د..م كريم لأنه شاله.. اعصابة كانت بايظه خالص.. وعيونه حمرا من كتم الدموع فيها "

" مسافة دقايق كان ليان و ندى واحمد وصلوا المستشفي.. لأن ليان سمعت المكالمه "

" كنزي اول لما شافتهم اترمت في حضنهم وعياطها زاد "

احمد: مراد ايه الى حصل...؟

" مراد كان ساكت و احمد لاحظ الد..م عليه.. "

" طبطب على كتفه بحزم "

- طب اهدي هيبقي كويس متقلقش.. متقلقش اهدى

" الدكتور خرج بعد ساعه وكان مراد قدام الباب علطول "

- حالته ايه يا دكتور طمني ؟؟؟

الدكتور بصلهم وهو بيتنهد: خد اربع عْرز في دماغه.. الجر..ح مش عميق الحمدلله بسيط ومسببش اصْرار.. محتاجين بس حضرتك بالبطاقة.. عشان تم البلاعْ وفيه إجراءات لازم تتم

احمد قاطعه: تمام تمام مفهوم ممكن بس نطمن عليه

- هو في البنج حاليا لسه مفاقش

" مراد لقى مينا و ياسين داخلين عليه "

مينا: ايه الى حصل يا مراد انتم كويسين؟؟

ياسين بص لـ احمد: كريم ماله؟

احمد بهدوء: حصلت خناقة في الجامعه..

مش عارف تفاصيل.. لحظه و هرجع..

" احمد راح على جنب و عمل مكالمه

طلب المحامي بتاعه "

ندى راحت عنده: فيه ايه يا احمد طمني؟؟

- الدكتور بيقول الحمدلله كويس.. انا بس بكلم المحامي عشان في إجراءات و محصْر ..

ياسين: طب تعالي ننزل احنا معاك

" نزلوا كلهم واحمد فضل مع ندى و ليان و كنزي "

- هيبقي كويس متقلقوش.

ندى: اهدى يا كنزي بس ياحببتي اهدي

" كانوا بيحاولوا يهدوها وبيمحسوا دموعها.. وشها كان غرقان دموع واحمر من شده العياط.. "

ردت بأنهيار: كل ده بسببي يا ليان بسببي انا...

ليان حضنتها وطبطبت عليها: شششش اهدي اهدي كل حاجه هتبقي كويسه هيبقي كويس والله ياحببتي

" ندى ردت على كوثر و طمنتهم في البيت بقلمي سلسبيل احمد كانو قاعدين مع الولاد هما و هاجر و فريده و مستنين يرجعوا "

>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| في الدور الأرضي ||

" كان الظابط بيكتب المحصْر "

أحمد: احنا موقفنا فيه اي حاجه يا متر؟

المحامى: لا احنا لينا حق استكمال القصْيه وهيتم استدعاء التلت طلاب دول علشان المحصْر يكمل.. و هيتم استدعاء شهود..

الطْابط: هي فين خطيبته.. لازم يتم استجوابها برضو

احمد: حضرتك هي مش فى حاله تسمح انها تتكلم ممكن تبقي موجوده الصبح مع الشهود؟

المحامي: هيحضروا بكره وقت الاستجواب سعادتك.

" خلصوا الإجراءات و مراد طلع و كانو مستنين كريم يتنقل غرفة عاديه علشان يطمنوا عليه.. "

" دخلوا كلهم شافو وكان مازال تحت آثار البنج ونايم "

مينا: هو الدكتور قال ايه؟

ياسين: شوية و هيفوق بس هيخرج بكره

مراد خرج من الأوضة: روحوا انتوا يا رجالة..

احمد: خلينا معاك

مراد: لا امشوا انتوا.. وصلهم يا احمد للبيت

مينا حضنه: لو فيه حاجه كلمنا

" نزل هو وياسين.. "

" ليان راحت عند مراد "

- انت كويس

= اه..

- افضل معاك طيب..

= لا روحي معاهم.

" ليان حضنته وطبطبت عليه ونزلت معاهم و احمد وصلهم.. "

" اما مراد فا رجع الاوضة عند كريم وفضل مستنيه لحد ما بدء يفوق و كان بيحْرف بأسم ندى وهو مغمض "

" مراد فضل قاعد وبيحاول يكلمه

لحد ما لقاه فتح عينه "

" وقف وبصله وهو بيتنفس بأرتياح "

- كريم سامعني؟

= ندى...

- انا مراد سامعني

" كريم فضل شوية يستوعب "

- فين ندى

= ندى كويسه

- هي فين

= في البيت يا كريم في البيت رد عليا انت كويس !!

حاسس بـ ايه

- انا معاها متقلقش يا مراد قولتلك

مراد قعد بقله حيله: يارب..

" فات ربع ساعه.. كان ساند راسه بزهق لحد ما لقي كريم فتح عينه تاني وكان عايز يتحرك بسرعه "

- اهدي اهدي ريح جسمك متتحركش

كريم بصله بعدم استيعاب: ايه الى حصل... ندى كويسه

= كويسه.. انت كويس؟؟

- انا حاسس ان فيه حاجه على دماغي.. و دايخ مش قادر ايه الى حصل

= اتخانقت في الجامعه.. دماغك متحْـ ـيطة

" كريم سند راسه و ريح ضهره لورا

وهو بيفتكر الى حصل "

" اما مراد فا مسح على وشه بتعب "

- والله لاخرج و اموتهم.. أها.. خدوني عْدر

" كريم لاحظ القلق والتعب الى باين علي مراد. و الد..م الى عليه التي شيرت بتاعه "

- هو بتاع مين الد..م ده وايه الى حصل

بعد لما انا وقعت

"مراد بصله وسكت.. مكنش عارف لسه

يستوعب الموقف "

" كريم فهمه وفهم الحاله الى هو فيها.. "

بصله بهزار وابتسم: ده انا مكنتش ان عندي د..م كتير كده

مراد اتنفس وبصله: ليه يا كريم.. ليه؟؟

بتتخانق ليه وتوصل الموضوع لحد كده؟

- يعني هو انا الى بدأت الخناقه

= امال ايه ؟

اتنهد واتكلم بجديه: انا قولتلك يا مراد.. الى هيتكلم عليها مش هسيبه.. ومكنتش بهزر انا قد كلامي

مراد مسح على راسه وهو بيحاول ميبقاش عصبي: كنت جاي في الطريق وهتصرف !! هي كلمتني وكنت رايح لها !! بتدخل انت ليه!!!

- لو مش قابل اني بحبها براحتك.. بس انا مش هخلي حد يقرب لها وانا موجود ولاخر نفس فيا هدافع عنها حتي لو انت مش عايز ده انا مش هقدر اعمل غير كده

= يابني هي دي انت فاكر انها شطارة !! انت مش شايف الى حصلك !! كنت هعمل ايه لو جرا لك حاجه

مستوعب اني جيت لاقيتك سايح!!!

- لو حصلي حاجه وانا بدافع عنها مش مهم

= كريم انا مش بحب العْباء !!!

كريم بصله: و انت لما كنت مكاني زماني عملت اكتر من الى انا عملته.. صح ولا انا غلطان

" مراد افتكر الخناقة الى حصلت مع ندي وليان في الكليه.. و ساعتها هو واحمد عجنوا العيال و كسروهم"

مراد بعصبيه: وقتها اتعرصْوا لندى و مدوا ايدهم على ليان !!! لكن موقف كنزي مـ ـختلف..

محدش قرب لها ولا مد ايده عليها

كريم رد بسرعه: حد يمد ايده عليها !!! وانا مش هستني لما حد يقرب منها ويمد ايده !!!

= هما اتكلموا عليها وحقها كنت هعرف اجيبهولها !! لكن انت كبرت الموضوع و العيال دي لو كان معاها مـ ـطوه ولا زفت وحد صْربك بيها !!! افرح انا ساعتها؟؟؟ ولا اعمل ايه !! انت مش فاهم انك امانه معايا من وقت وفاة جدتك

رد بهدوء: مش مهم اي حاجه.. لو انت شايف انهم يتكلموا عليها عادي انا مش شايف كده ولو الموقف اتكرر هعمل نفس الى عملته

= يارب اعمل معاه ايه يارب وهو متخرشم خلقه

كريم كح وبصله بتعب: انا محدش خرشمني ياسطا يادوبك خدني على خوانه من ضهري و كسر عليا الازازة غير كده كنت هموتهم

مراد لاحظ تعبه: اسكت وكفايه كلام عشان متتعبش زياده اسكت

كريم بص قدامه واتكلم بزعل و بضيق: انا ملحقتش اعمل حاجه يا مراد.. ملحقتهاش

مراد قعد قصاده وطبطب على كتفه بحنيه: لا لحقتها يا كريم... وهي كويسه

عيونه دمعت وبصلة: انا كنت حاسس بيها وهي بتعيط جامد لما وقعت.. بيدج الفيس بوك بتاعتي سلسبيل احمد انا عملت كل ده علشان مستحملتش اشوف دموعها نزلت بسبب كلام من ناس متسواش.. مكنتش قادر اشوفها زعلانه ومعملش حاجه.. مراد انا عايز اشوفها واطمن انها كويسه

" مراد افتكر انهيار كنزي وسكت "

= كلهم هيجوا لك بكره متقلقش

- هو انا لسه هقعد لحد بكره يا مراد

انا نفسي اخرج ونكلم مينا يجي و ياسين واحمد و نروح نرنهم علقه

"مراد بص عليه وعلى حالته و برم شفايفه بقلة حيله"

- انت محتاج ولا اسبوع راحه بدماغك دي الدكتور منبه.. اتهد في حته بقا فاهم؟

= يعني هنسيبهم

- الى بتتكلم عنهم دول زمانهم راحو القسم.. احمد جاب محامي هنا.. واتفتح محصْر رسمي و المحامي اتفق معايا اننا هنقول ان كنزي خطيبتك.. وانك ادخلت في المشكلة عشان تدافع عنها لأنهم ضايقوها.. الموضوع ملهوش حل غير كده

كريم ابتسم ببلاهه: يعني انت وافقت

- انت البنج لسه مأثر عليك؟ بقولك ده كلام المحامي امسك دي دبله احمد اللبسها

كريم بصله: لا.. الأول قولي انك هتخليني اتقدم وتوافق يا مراد مش كفايه الى انا فيه

مراد ضحك بنفاذ صبر على تفكيره: والله ما عارف اقولك ايه الله يسامحك على الحْصْه الى خلتنا نتحْضها عليك

ابتسم وبصله: شوفت انك بتحبني يا مراد

و هتعيط عشاني

مراد بصله بتعجب: انا اعيط؟ محصلش

- طب احلف عشان اصدقك

مراد سكت فا كريم ضحك: شكلك عيطت يسطا

= اخرص يا كريم بدل ما اكمل عليك واللبس الدبله

- لما تديني كلمه انك موافق الأول يا اما هقول للظابط الحقيقه و خليني اتحبس يا مراد واتشرد وانا فاضلي سنتين واتخرج وابقي مهندس

مراد حط ايده على وشه: تمام يا كريم حاضر

- انت وافقت.. مترجعش في كلامك

= طب ريح وكفايه كلام طيب انت اصلا لسه تحت تأثير البنج..

- هنام خلاص.. طالما ضمنت الى عايزه

" غمض عينه وبدء يروح في النوم وعلى وشه ابتسامه وسعاده مفرطه مراد ابتسم بسخريه.. ومكنش متخيل كميه الحب الى في قلبه لـ كنزي.. خرج بره و كلم ليان لانها رنت عليه كتير "

>>>>>>>>>>>>>>>>>>>>>>>>>>>>>>>>>>>

صلِ على محمد

- طمني يا مراد هو عامل ايه دلوقتي ؟

= كويس.. لسه كنا بنتكلم لما فاق وسيبته ينام شوية

- طيب...وانت كويس؟

= اه يا ليان... نامو انتوا..

" ليان قفلت معاه وبصت لكنزي الى مبطلتش عياط "

- سمعتي بنفسك اهو كويس! وبكره هنروح نطمن عليه كلنا تيته هي كمان مصممه تروح..

"كنزي مسحت وشها وليان خدتها في حضنها"

= اجمدي كده يا كنوزه! انا عارفه ان الحب صعب بس مش للدرجه دي.. مراد كده يعجنكم!

- انا عايزه اشوفه يا ليان

= هخليكي تشوفيه والله..

- طب و مراد

= ملكيش دعوه انا هتصرف.

>>>>>>>>>>>>>>>>>>>>>>>>>>>>>>>>>>>

|| تاني يوم الصبح | في بيت احمد ||

احمد: انا معرفش شبطانه تيجي ليه هتسيبي العيال كلهم مع ماما

فريده: لازم ابقي جمب كنزي وليان وندى.. وبعدين انا قايله لـ ياسين

ايمان: خلاص خدها يا أحمد مع ندى وليان متقلقوش الولاد هادين اهو

أحمد: هو احمد عربيته هتاخد مين ولا مين يا ماما

فريده: هات عربيتك نروح احنا و وانت وياسين ومينا اركبوا مواصلات

احمد: على جـ ـثتي يا فريده ! مش هتسوقي عربيتي لو وقفتي على دماغك

______

- عشان خاطرك انتِ بس يا ندى !!!

"فريده طلعت له لسانها وهي بتركب و بتدور العربيه"

احمد بغيظ: ندى خليها تخلي بالها

ندى: متقلقش يا احمد هي اول مره يعني

فاطمه: سوقي على مهلك ياحببتي

هاجر: اه انا لسه متجوزتش ونبى

كنزي: اخلصوا بقا !!

كوثر: اهدى يا حببتي

نورا: سلام يا حبيبي متتأخروش بقا

" فريده طلعت بالعربية "

ليان: بت يافريده سوقي على مهلك خالص!! عاوزين نوصل متأخر

فريده: اشمعنا؟؟

ندى: اصلي متفقه مع احمد.. لما اقوله ياخد مراد بعيد عن الاوضه يخده.. عاوزينهم هما يطلعو الاول

فريده بغباء: ليه؟

ليان: ايه الغباء ده! عشان كنزي تدخل تشوفه

كوثر: مراد لو عرف انا مليش دعوة

نورا: وانا كمان

ليان بصت لفاطمه: ملناش غيرك لو اتكشفنا يا تيته

فاطمه: خلينا نطمن على الواد الاول بس..

>>>>>>>>>>>>>>>>>>>>>>>>>>>>>>>>>>>

|| في المستشفي ||

" الشباب فعلا وصلوا الأول "

ياسين: واضح ان سواقه اختك سلحفاة

احمد: كويس آمن من السرعه برضو

مينا: هي الاوضه هي هي..

ياسين: اه مراد هناك اهو

" سلموا على بعض.. و دخلوا لكريم.. "

مينا: زي مانت يابرنس ايه الاخبار الحلوة الى الواحد بيسمعها ده.. بس حقك كنت تعمل العاركه وانا هنا وتكلمني ندغدغهم سوا

مراد بحده: جرا ايه يا مينا !! طب اصبر لما يخف

ياسين: ما زي الفل اهو يا معلم

مينا: و دكر كمان

كريم ضحك: ايه رأيك

مينا: رجوله و تربيتي..

مراد: هتفرح بقا لما الجاية يحصل حاجه؟

احمد: هدوا نفسكم يا جماعه.. مراد معاه حق

ياسين: المهم انت كويس

كريم: انا مفيش حاجه فيا اصلا

مراد: اه.. كنتم تعالو شوفوه طول اليل ولا وهو متبنج عامل ازاي وعمال يخرف

"مينا ضحك جامد وكلهم استغربوا"

ياسين: فيه ايه ؟؟

مينا بضحك: فكرني لما قفشته بيشرب في البار... وكان رايح طينه وقعد يخرف.. وكلمت مراد جه لقاه ضايع.. معرفش يعجنه وقتها

" كلهم ضحكوا لما افتكروا الموقف وحتي كريم قعد يضحك "

مراد: طول عمره دماغه خفيفه وعامل بس صايع وشبح..

أحمد: الحمدلله انها جت لحد كده.. المهم فهمت هتقول ايه في المحصْر ؟

كريم: ايوا..

" البنات وصلوا.. بس فاطمه و نورا و كوثر الى دخلوا الاول لما الشباب خرجت وسابوا مراد "

" وقتها ندى أكدت على احمد ياخد مراد تحت و كنزي عماله تزن عايزه تدخل لكريم.. "

احمد: انتى عارفه لو حس بحاجه؟ هيدبحني انا

- متخفش اول لما تيجوا طالعين رن عليا

" ندى ندهت مراد فعلا "

- مراد انا مصدعه اوي وكلنا تعبانين شوفوا لنا اي حد بيعمل قهوه قريب او اي كوفي..

ليان بصتله: احم.. اه يا مراد ياريت

احمد: طب خدني معاك بقا

مراد: طيب يلا.. ياسين ومينا فين؟

أحمد: نزلوا تحت تقريبا

" مراد نزل وقتها ليان خرجت كوثر و نورا و فاطمه و كنزي دخلت وكانت متوتره وخايفه اوي عماله تتلفت حواليها.."

" كريم حس بيها وابتسم "

- تعالي..

" كنزي قربت لعنده و فضلت واقفة بصاله "

- انتِ كويسه؟

" هزت راسها وعينيها بتدمع "

كريم ضحك: لا يا كنزي ونبي.. انا اصلا صْربتهم علشان خلوكي تعيطي متعيطيش..!

كنزي بندم: كل ده بسببي انا.. انا آسفة مكنتش عايزه حاجه من دي تحصل

- كنزي.. اهدي.. فداكي اي حاجه..

= طب.. انت عامل ايه! حاسس بوجع

"ابتسم لها بحب وهو سرحان معاها.."

- مش حاسس غير اني مبسوط.. علشان شوفتك و اطمنت عليكي

مش عاوز اسمح ابدًا لأي حد يزعلك.. ولا اشوفك بتعيطي تاني انا كنت قلقان من بليل بس مراد طمني..

" قعدت وبصتله "

- كنت قلقان ليه

= عشان حسيت بيكي لما فضلتي تكلميني لما وقعت.. كأنه كان حلم.. بس حلم وحش لأنك فضلتي تعيطي كتير

كنزي ردت بتلقائيه: كنت خايفه عليك اوي.. مكنتش عارفه هعمل ايه لو حصلك حاجه

" كريم فضل باصص لها تايه و ساكت.. فا كنزي ابتسمت بإحراج و وطت راسها لتحت "

= احم.. هو مراد مقالش حاجه عن الى حصل؟

- مش مهم.. المهم انا خت منه كلمه.. وهتقدم لك..

رفعت راسها بتعجب: هو وافق!! مراد وافق!!

= ايوه.. ومش هيرجع فكلامه بينا اتفاق

" كنزي سكتت و رجعت بصت بعيد وهي قلقانه"

- عايز اقولك حاجه.. ممكن تبصيلي..

"بصتله بهدوء فا اتكلم"

= كنزي انا مش عاوزك تخافي تاني ابدا فاهمه..؟ انا علطول معاكي محدش يقدر يقرب لك.. اعرفي اني دايما هكون جمبك مش في الكليه بس.. اي مكان.. و مش علشان خت صْربه على غفله يعني يبقي خلاص

" ضحكت وعيونها مدمعه وكريم ابتسم لضحكتها"

- انا لاخر يوم في عمري هبقي في ضهرك وبدافع عنك فا مش عايز دموعك تنزل تاني.. اتفقنا؟

" هزت راسها بصمت "

= اخرجي بقا بسرعه ناديهم.. عشان خطتكم الجميلة دي لو اتكشفت.. و مراد لقانا لوحدنا هيكمل عليا ومش هيهمه..

" كنزي ضحكت ونادتهم دخلوا الاوضة كلهم.. وقتها ندى بعتت لـ احمد ضن.. "

" وبعد شوية وصلوا ومعاهم قهوه ومراد دخل ولقى كنزي واقفة عادي فا مشكش في حاجه.. والموضوع مر بسلام.. "

" الشباب فضلت في الأوضة هما

و الستات والبنات خرجت "

ياسين: خالد وصل بره جاي يزورك

فاطمه: طب اخرج هاته يا ياسين

كريم: انا مصر كلها جاتلي..

وانا اصلا كويس خلي بالكم

فاطمه: حمدلله على السلامه

مينا: يا باشا انت زي الفل حد قال غير كده

ياسين: اه وهتخرج كمان كام ساعه

كريم: هنروح على القسم صح

أحمد: ايوه.. انت و كنزي وصاحبتها

كريم بدهشه: كنزي؟ ليه؟

مراد: طبيعي عشان ياخدوا اقوالها

كريم: ليه مخدوهاش امبارح

"مراد سكت"

كريم: انا مش عايزها تدخل قسم بسببي

مراد رفع حاجبه: هتخاف عليها اكتر مني بقا ! هو ده الى ناقص فعلا

"كوثر ضحكت هي و نورا وكذلك الشباب "

فاطمه: كفايه خناق انت وهو مش بتزهقوا

مراد: انا سيبهالك وخارج

خالد دخل: ازيك يا مراد

مراد: الحمدلله

خالد: حمدالله على سلامتك يا كريم

كريم: الله يسلمك..

" مراد خرج وقف لوحده فا ليان راحت عنده "

- انت كويس

= اه الحمدلله.. يلا عشان اروحكم بقا

- طيب..

" ندى دخلت تنادي كوثر و نورا وفاطمه.. و نزلوا عشان مراد يروحهم "

"و كنزي فضلت وقعدوا معاها فريده و هاجر و مريم.."

مريم: خالد شكله عاوزك

هاجر: طيب لحظه

" راحت عنده "

- ايه هتمشي

= هرجع على الشركه اه.. اوصلك معايا ولا هتروحي مع ياسين..

- ماشي هاجي معاك.. انت كويس؟

= اه تمام

" هاجر سلمت عليهم ومشيت مع خالد "

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| في بيت فاطمه ||

" ندى نزلت تجيب الولاد من عند إيمان.. و مراد طلع البيت عشان يغير.. و ليان طلعت معاه "

" كان واقف بهدوء في اوضة النوم سرحان بعد لما غير هدومه... ليان جت من وراه وحضنته "

- انا عارفة انك مضغوط.. فتره وهتعدي

مراد لف بثبات وبصلها: انا تمام متقلقيش

= لا مش تمام انا عارفه إنك كنت في حاله وحشه امبارح بسبب الى حصل.. و فيه مشاكل كتير زادت عليك.. وبقي عندنا مسؤليات.. مبقاش صغيرين خلاص

مراد بصلها وابتسم: انا شايل المسؤليه من صغري.. انتِ الى كنتى مدلعه.

ليان ضحكت: في دي معاك حق.. انا مش قصدي.. عارفه انك قدها.. بس برضو عارفه ان الواحد ساعات بيتعب و بيحتاج حد يتسند عليه

- ده دوري.. انا الى مفروض ابقي جمبكم واسندكم

حضنته مره تانيه: لا وانا كمان عاوزة ابقي جمبك.. قولي الى مضايقك و شاركني

مراد مسك ايدها وباسها: ليان انا مش عاوزك تشيلي هم حاجه.. لو نجيب كمان ولد يبقي كتر خيرك

ابتسمت: بطل تغير المواضيع يا استاذ..

- ده الموضوع مفيش اهم من كده

= مراد بتكلم جد

- صدقيني انا كويس.. انا حالتي كانت وحشه بسبب المنظر الى شوفت فيه كريم.. انتِ اكتر واحده عارفه هو بالنسبالي ايه.. لكن الحمدلله اطمنت عليه.. وهنرجع نروح القـ ـسم ننهي الموضوع.

= طيب يا مراد.. متتأخرش لأنك خلتني ابات لوحدي امبارح.. و وحشتني

"مراد حضنها بحنان وباسها"

- وانتِ وحشتني اكتر.. مش هتأخر ان شاء الله.

>>>>>>>>>>>>>>>>>>>>>>>>>>>>>>>>>>

|| في المستشفي ||

" الكل مشي معادا احمد.. و كنزي كانت قاعده بره و لقت كريم خارج من الاوضة براحه "

- ايه ده.. انت قادر تمشي؟ اصبر مراد جي

واحمد تقريبا تحت

= يبنتي قولتلكم كويس الله

" كريم كان ماشي عادي ومش ساند على حاجه ولكن فجأة داخ فا كنزي قربت بسرعه "

- انت كويس!!؟

" كريم بدء يقع فا كنزي حاولت تسنده وهي

بتنادي على الممرضه "

" و في اللحظه دي مراد وصل هو واحمد.. "

" في المستشفي كنزي كانت قاعده بره و لقت كريم خارج من الاوضة براحه "

- ايه ده.. انت قادر تمشي؟ اصبر مراد جي

واحمد تقريبا تحت

= يبنتي قولتلكم كويس الله

" كريم كان ماشي عادي ومش ساند على حاجه ولكن فجأة داخ فا كنزي قربت بسرعه "

- انت كويس!!!!

" كريم بدء يقع فا كنزي حاولت تسنده وهي

بتنادي على الممرضه "

" و في اللحظه دي مراد وصل هو واحمد.. "

" راحو بسرعه ناحيه كريم سندوه و مراد قعده و مسك دماغه بهدوء بيبص على الجر..ح الى لقاه بينزل سائل مايل للون الأحمر "

مراد بصله بسرعه: انت حاسس بوجع

- لا انا كويس

" الممرضه راحت لعنده "

مراد بصلها: الدكتور فين؟؟؟

الجـ ـرح بتاعه مش متخيط كويس

الممرضه: لا حضرتك.. السائل ده طبيعي متقلقش

مراد: وانه يدوخ وميبقاش قادر يمشي كويس ده برضو طبيعي؟؟ انتم شايفين حالته

"كريم فرك عينه وهو بيحاول يوازن دماغه"

- مراد! انا كويس!

أحمد: قادر تمشي؟

"كريم وقف ومراد سنده اول لما اتحرك"

بصلهم بهدوء: انا كويس مفيش حاجه

" الممرضه بصت على دماغه مره اخيره و طمنتهم "

كريم بص لمراد واتكلم بهمس: انا مش عيل صغير.. قولت كويس على فكره

"مراد مردش عليه وكملوا لحد تحت نزلوا العربية ركب قدام هو وكنزي.. وأحمد و كريم ورا"

- امسكي اللبسي دي

كنزي: دي دبله ندى

احمد: اه خلي بالك عليها بقا

مراد: حافظه الى قولته ليكي؟ وانت يا كريم؟

كريم: ايوا..

احمد: مينا و ياسين كانو عاوزين يجوا

قولت لهم ملهاش لزمه..

مراد: طب كويس.. نتقابل لما نرجع.

" وصلوا و قابلوا المحامي في القسـ ـم و الموضوع مشي زي ما خطط المحامي.. بقلمي سلسبيل احمد و احمد شاف العيال لأول مره ولقي اتنين منهم مصْروبين جامد وكان باصص لـ كريم بفخر.. وكذلك مراد لكن محبش يبين.. "

" خرجوا من القـ ـسم و احمد كان مع كريم و مراد مع كنزي رايحن العربية "

" احمد لقى كريم وقف فجأة بهدوء "

- فيه ايه مالك

كريم بصعوبة: احمد انا مش قادره.. دماغي وجعاني اوي دايخ وحاسس اني مش شايف قدامي..

- طب خليك واقف براحه اهدى

= مش عاوزاها تاخد بالها.. ولا مراد

" احمد بص عليهم وهما قدامهم.. و كان فاهمه..

فا فتح موبايله "

اتكلم بصوت عالي لما مراد بص عليهم: حظة يا مراد وهنيجي حد عاوز يطمن عليه بس

" عمل نفسه بيتكلم في الموبايل

و مراد و كنزي ركبوا العربية "

بصله: ها حاسس احسن؟

= مش عارف.. انا لما اتحرك شوية بتوجعني اوي

- اشيلك؟

كريم برفض: لا طبعا انت بتهرج شكلي هيبقي ايه

أحمد ضحك: انت تعرف ان كلك مراد وهو صغير؟

كريم ابتسم: طب يلا بينا

عشان هو مش عبيـ ـط وهيفهم اني تعبان بس اوعى تسبني اقع ها.. اسندني بشياكه

احمد ضحك: حاضر يخويا

يلا على مهلك

" دخلوا العربية و مراد اتحرك.. نزل كنزي قصاد البيت ودخلت لقى فاطمه خرجت علطول بتنادي عليه فا نزل من العربية "

- انت هتوديه فين يا مراد!!؟

= هوديه على بيته.. فيه ايه؟

- لا طبعا انا حضرت البيت جوه هاته

= اجيبه فين يا تيته ازاي يعني؟

- ده تعبان ومحتاج حد يخلي باله عليه يحبيبي وعلى اكله و العلاج! انا هطلع ابات مع كوثر وانت وهو تقعدوا تحت وتاخد بالك منه

" مراد اتنهد.. ولأنه كان قلقان جدا يسيبه لوحده وافق لكن لما راح يقول لـ كريم هو الى رفض..! "

" انت يابني غاوي تعب ؟؟ "

كريم بأصرار: قولتلك انا كويس ملهاش لازمه انا مش بموت يعني عشان تبات معايا وافضل عندكم و تخافوا اوي كده دي مجرد حْياطه

مراد: انت واخد تحْد ير مش بنج!!! يعني الموضوع مش بسيط و الفتح في مكان حْطر في دماغك !!!

- وانا شايف نفسي كويس

أحمد: يابني هو حد قال حاجه؟

يومين بس لحد ما تشد حيلك يا كريم

كريم بصله بضيق: لا انا عارف اخلي بالي من نفسي

سلام ياعم انا طالع انام

" طلع البيت وسابهم واحمد سكت خاف يتكلم من تعبيرات وش مراد المتنرفزه "

مراد: انا تعبت منه على فكره!!

أحمد: احم.. هو مش عايز يبان ضعيف قدام اختك يا معلم.. دي الخلاصة.. و انت اكيد فاهم..

" طبطب على كتفه و بعدين مراد دخل و عرف فاطمه ان كريم مرضيش.. و طلع على الورشة..يفش غله في الشغل شوية و أحمد خد ندي و رجعوا بيتهم.. كل واحد يعتبر رجع لنظام حياته.. "

>>>>>>>>>>>>>>>>>>>>>>>>>>>>>>>>>>>

' اللهم صلِ وسلم وبارك على سيدنا '

|| في الشركه | مكتب خالد ||

- انا مش عارفه اشتغل ممكن نتكلم؟

= تعالي اقعدي

- مكنتش قادره اجي.. بس قولت ابقي معاك ونيجي سوا عشان حسيت انك مضايق في المستشفي قولي مالك بقا؟

= مفيش انا تمام

- اتكلم يا خالد.. انت مضايق مني عشان لسه مردتش عليك في موضوع اني اسيب شغلي؟

= لا يا هاجر..

" خالد اتنهد وبصلها "

- انا عندي مشكلة تانيه

سكت وهي اتكلمت بستغراب: مشكلة ايه قول طيب!

= انتِ وصحابك.. و جيرانكم.. زي العيلة متربين سوا.. وكبرتوا سوا عارفين بعض.. كل ده كويس.. بس لما بكون موجود وسطكم بحس بشعور مش حلو.. وكأني غريب ومش عارف اقول ايه.. و بسبب علاقتك القوية بيهم انا عارف ان فيما بعد علطول هيكون فيه مقابلات.. كلها جو عائلي.. وكلام وهزار..

كمل بسخريه وهو بيبص لها: وانتِ عارفه.. انا متربي في ملجأ.. الحمدلله كملت حياتي و وصلت لحاجات كتير لكن عمري ما عرفت ازاي اتأقلم مع عيله عشان عمري ما اتربيت وسط عيله وعرفت المشاعر الى بينكم دي كلها بس لما شوفتها معاكم..

" هاجر كانت عينيها مدمعه وغصب عنها دموعها نزلت فا خالد قام و هو بيبتسم بهدوء "

- مكنتش عايز اتكلم عشان كده اهدي

انا قولتلك كويس.. ومش مضايق

" مسح دموعها بمنديل "

= خالد انا آسفه

- متتآسفيش.. انا بس بقولك عشان لو معرفتش اتصرف او كنت غريب تبقي فاهمه السبب.. انا حابب علاقتكم القوية ببعض انتِ والبنات وباقي جيرانكم

بصلها بنص عين: الستات بس يعني ها.. وجدتهم.. فا عمري ما هقولك بقا ابعدي عنهم وخليكي معايا انا بس.. مش عاوز غير انك تبقي فاهمه.. شعوري عشان لو غصب عني عكيت الدنيا او مكنتش قادر ابقي معاكم.

هاجر ردت بسرعه: خالد دول عيلتك انت كمان! ياسين بيحبك جدا.. وتيته علطول تدافع عنك.. حتي البنات دايما واخدين صفك لما بحكي اي خناقة! وهما حتي محدش فيهم يعرفك.. بقلمي سلسبيل احمد.. و الشباب هتحبهم.. مش لازم تكون اتربيت معانا..احمد جوز ندى سافر سنين!! ولما رجع.. كلهم رحبوا بيه! وانا وياسين كنا بنسافر البلد و نرجع.. احنا مش بنفكر كده.. مش بنمشي على عادات معينه مثلا والى بيخالفها نزعل منه.. مثلا مينا صاحبهم بقاله كتير مجاش وكذلك مريم اخته بس احنا لما بنتقابل تاني بنتكلم كأن مفاتش اي وقت! فا عادي صدقني هما عيلتك انت كمان.. فطومه مش بتخلي حد مش بتحبه يدخل بيتها..! فا هي بتحبك اطمن!

ابتسم لها: وانا بحبك يا هاجر.. ومحظوظ بيكِ.

>>>>>>>>>>>>>>>>>>>>>>>>>>>>>>>>>>>

'سبحان الله وبحمده سبحان الله العظيم '

|| في بيت ندى و احمد ||

- كده يا عبدالرحمن؟ مش قولنا نخلص اكلنا؟

احمد! كويس انك وصلت تشوف المدلع ده

" عبدالرحمن مشي ناحيه احمد بحماس واحمد شاله بحب و باسه "

- طب أكله بقا..

قولي صح عملتو ايه؟

" احمد كان ماسك الطبق بيأكل عبدالرحمن "

= مفيش.. اخوكي و كريم شوية وهيولعوا في بعض بالمعنى الحرفي..

- دي معلومه قديمه.

= كريم خلاص رسمي بقا نسخه طبق الاصل من مراد فا هما الاتنين بيعاندو قصاد بعض بشكل حاد

ندى اتنهدت: امممم.. تعرف اني لاحظت الموضوع ده.. كريم كل لما يكبر يبقي شبه مراد اكتر من مراد نفسه!

- طبيعي.. عشان مراد يعتبر الي مربيه.. بس محدش بيعرف يخرج اخوكي عن شعوره غيره ولا حد بيعرف يقف قصاده غير كريم برضو

= انت هتقولي.. ليان بتحكيلي ان مراد بيبقي هيتجنن منه ومش عارف يعمل معاه ايه خصوصا في الشغل.. لأنه بيركز فيه اكتر من الكلية..

- ونسيتي موضوع كنزي.. كريم نضج.. وكبر وبقي يتصرف زي الرجالة اوي

= يعني ايه

ضحك بقله حيله: كان تعبان اوي ومرضيش يبين عشان اختك كانت موجوده.. ولا رضي يفضل عندهم

ندى ضحكت بأبتسامه عريضه: والله كيوت اوي

- يارب استاذ مراد يوافق ونخلص.

=يارب.

>>>>>>>>>>>>>>>>>>>>>>>>>>>>>>>>>>>

' لا إله إلا انت سبحانك اني كنت من الظالمين '

|| في بيت فريده و ياسين ||

- فريده.. تعالي خدي فريد عشان نازل

= هتروح فين

- هشوف مينا فين وبعدين نروح لـ كريم..

= ابقي طمني بقا عشان ليان وكنزي مش بيردوا

- طيب حاضر

فريده بصت لفريد:يلا نقول لبابي باي؟

>>>>>>>>>>>>>>>>>>>>>>>>>>>>>>>>>>>

" مراد خلص شغله و رجع البيت.. لكن قبل ما يدخل غصب نفسه يطلع لكريم الى متنمرد عليه.."

" كريم كان سايب له نسخه من المفتاح فا فتح و دخل لقاه قاعد نايم على السرير "

" مراد استغرب نومته "

- كريم؟

"كريم فتح عينه بهدوء وهو بيتنفس"

مراد راح عنده بسرعه: كريم انت كويس !!!؟؟؟

- متخافش.. دايخ شوية بس

" حط ايده على وشه وفضل يجسه "

= كويس ايه انت سخن! قوم معايا انا لازم اخدك تحت.. وهكلم دكتور يجي يشوفك

- لاء سبني

= يلا يا كريم تعالى

كريم رد بعدم وعي: كنزي هتشوفني مش هينفع

" قبض ايده وبعدين مسح على وشه بنفاذ صبر "

- يأخي انا تعبت من كنزي ومنك

" ملقاش حل و كلم الدكتور بتاع الصيدليه الى في شارعهم لانه معرفه و طلعه لـ كريم "

- متقلقش هو كويس دي أعراض طبيعيه بسبب التحْـ ـدير الكلي هو مراحش من جسمه بشكل كامل.. بياخد من يومين لتلاته حسب كل شخص.. خليه يمشي على الادوية اهم حاجه و المضاد الحيوي و يغير على الجرح.. ميخالفش تعليمات الدكتور الى كتبهاله.. وانا برضو هكتبله مسكن طالما حاسس بتعب.

= تمام يا محمد بس حضرتك متأكد انه تعبه ده طبيعي

- اكيد يا مراد.. ده فتـ ـح في الراس.. خد الروشته اهي.. بس العلاج ده مش عندنا هتلاقيه في صيدليه ***** الى في الشارع الرئيسي.

= تمام يا معلم تسلم..

" الدكتور نزل و مراد راح قعد جمبه ساعده ياخد العلاج بتاع المستشفي وبعدين لقاه بيروح فى النوم"

" قام وقف لحد ما لقاه بيتكلم "

- انا اتفقت مع مراد يا كنزي وخلاص هتقدم

مراد اتنهد: صدقني مراد نفسه يعجنك بس حالتك متسمحش

" راح في النوم فا مراد سابه و نزل "

" قابل ياسين و مينا تحت "

ياسين: ايه كنا لسه طالعين نطمن عليه

مينا: ايه الاخبار

" مراد حكي ليهم الى حصل "

مينا: كريم راجل يسطا.. انت مفروض تطمن عليها معاها.. مفيش شباب كده دلوقتي..

ياسين: و دي تربيتك خد بالك.. انت طلعت راجل

مراد اتنهد: بس هو لسه صغير ده 21 سنه وهي مكملتش 20

مينا: مش بالسن يا مراد.. وكريم اكبر مثال على ده..

مراد: لما يخف نشوف الحوار ده.. هاروح اشوفله العلاج

ياسين: هات انا هجيبه ريح انت شوية

مينا: و انا شوية و هطلع له يكون صحي كده كده انا ومارتينا قاعدين عند الحجه.. واخدين اجازه..

ياسين: طب كويس.. لو فيه حاجه لاغينا.

" مراد طلع البيت و كانت ليان مستنياه "

- وطي صوتك.. كارما نايمه!

مراد بتعب: اساسا انا مش قادر وهترمي جمبها

كمان شوية

" لقي كنزي خارجه من الحمام فا بصلها "

- يا اهلا وسهلا ده سيادتك هنا؟

كنزي: أءء أ ايه فيه ايه!!

- اقعدي

" كنزي قعدت وبصتله وهو قعد "

مراد بنص عين: ايه؟.

كنزي: ايه؟

ليان: ايه انت وهي ما تفهموني فيه ايه

مراد: انتِ ايه لزقك فيه بالشكل ده الصبح؟؟

كنزي وشها احمر بسرعه واتوترت: والله.. والله أ.. انا.. هو الى كان هيقع انا ملزقتش في حد

- نفسي تبطلي جبن وتكلميني زي ما بكلمك لاقتيه تعبان نادي ممرضه تشوفه! مش تمسكي فيه

= ملحقتش والله انا مش ذنبي حاجه..!

- طب انزلي نامي انزلي بدل ما انتي عماله تتهتهي كده لأن انا مش فايق لك دلوقتي

ليان: هو ايه ده كانت هتبات معايا

كنزي: لا خلاص انا نازله

" وفعلا كنزي نزلت بسرعه و ليان بصتله "

- مش مصدقه رخامتك عليها !!! مش ممكن يعني البنت سمعت كلامك و مش بتكلمه و لما حصل حتي مشكله في الكليه مكلمتهوش وكلمتك انت ومع ذالك انت مكمل تناحه

= انا مش قادر اتخانق دلوقتي و فيا الى مكفيني

- حصل ايه

= كريم تعب وجبتله دكتور لسه نازل من عنده

" حكي لها الى حصل و ليان فضلت ساكته "

= قولي قولي عايزه ايه

- عايزه اعرف انت فعلا قد كلمتك و وافقت؟

" اتنهد وبصلها "

= من غير انحياز.. انا مش عايزه يهمل دراسته

ولا يركز في حاجه مش مهمه وهو لسه صغير ردؤ بقا عندي حق ولا لاء

- معندكش حق عشان انت لو مخلتهوش يخطبها احتمال يروح ينتـ ـحر اديك شوفت بيعمل عشانها ايه.. لسه مفهمتش؟ كريم طريقته في الحب زيك واكتر مفروض انت اكتر واحد تفهمه.. فاكر اول مره دخلت قسـ ـم بسببي برضو ؟

ضحكت بحب و كملت: عشان بس واحد ضايقني مسكته عجنته.. انا بشوف قصتنا فيهم يا مراد.. لكن كريم عصبي و متـ ـهور عنك بمراحل... و المختلف انه في سن صغير عارف يصرف على نفسه وشغال كويس معاك ويعتبر مشاركك و سنتين وهيخلص كليه.. ويتفرغ للشغل ويبني حياته.. هو الحمدلله عارف عايز ايه!

- اديكي قولتي يبني حياته.. لسه بدري اوي يا ليان

= مش مهم.. خليهم يمشوا المشوار سوا.. انا كنت بتمني تشاركني افكارك وابقي جنبك.. بس انت كنت واخد جمب يا مراد وبعدت عني.. بلاش ده يتكرر.. و خليه يخطبها ويكونوا سوا..

- افرض حصل اي حاجه ومكملوش.. انا خايف عليها.. وخايف عليه هو كمان يتشتت

= لا متخافش.. عشان احنا معاهم.. احنا عيلتهم.!

" دخلت في حضنه ومراد حضنها بحب و هو بقا مكان راحته الوحيد معاها.. ويعتبر اقتنع خلاص بكلامها.."

>>>>>>>>>>>>>>>>>>>>>>>>>>>>>>>>>>>

" الشهر فات وبقا في اخره.... كريم اتحسن و حاجات كتير اتغيرت.. العيله قربت من بعض اوي خلال الشهر عشان كانو بيجهزوا لفرح هاجر و خالد اخيرا.. و هاجر قررت تسيب شغلها وسط التجهيزات لما حست بضغط.... وبرضو عشان خالد..

والتغير الحلو الى حصله انه اندمج اوي مع العيله! ويعتبر بقى واحد من الشباب خلاص .. و كان فرد جديد مرحب بيه وسطهم و الخبر المنتظر هو ان مراد اول لما كريم خف قاله انه كلم عز ياخد رأيه في موضوعه هو وكنزي و موافق يعملوا خطوبة اخيرًا!!!! وقتها كريم كان طاير من الفرحه. "

|| يوم الفرح | داخل القاعة ||

" البنات كانو قاعدين باصين على هاجر وعيونهم مدمعه.. ولكن حاسين براحه.. لأنها كانت اخر واحده تتجوز فيهم.. وكأنهم كده اطمنوا عليها.. "

" كانت بترقص هي و خالد بهدوء و البنات مبسوطين ليها.. "

مريم: شكلهم حلو اوي..

مارتينا: فعلا.. زي قصص حب الأفلام..

ليان ضحكت: انا مش ناسيه اول مره جت تحكي عنه وقالت قد ايه رخم و مغرور ! وانها نفسها يجي مدير غيره.

ضحكوا كلهم وندي ابتسمت: و المره الى جت تحكي انها وقعت في حبه.. و انه دافع عنها لما حد من الشركه حب يمشيها ويلوي دراعها.. كانت مبسوطه اوي يومها.. وبعدها علطول اعترف لها بحبه.. قالت انه غرقان في حبها.. و دي حقيقة.

فريده: وخناقها هي وياسين بقا كل شوية لما قالها انتي رايحه تشتغلي ولا تحبي

" الكل ضحك و ندى بصت لكنزي "

- فكرتوني بمراد و كنزي.

كنزي: محدش له دعوة بيا بقا

ليان: خلاص يعم هتبقي مخطوبة ومحدش قدك

"ضحكت بكسوف.. وعيونها راحت على كريم الى كان متابعها من اول الخطوبة.."

احمد ميل عليه: عينك لحسن مراد يفوقلك بقا

كريم: خلاص انا شوية وهصْرب صْربتي مستني إشارة هاجر..

" كان باصص عليهم.. وفي اللحظه دي هاجر راحت خدت ايد كنزي وكنزي قامت وهي مش فاهمه "

هاجر بصلتها بأبتسامه: غمضي عينك

كنزي: فيه ايه؟

" البنات كانوا مراقبين وفاهمين الى هيحصل.. بس الباقي مش فاهم حاجه "

هاجر: غمضي

" وقتها كريم قام.. وطلع من جيبه العلبه الى فيها الخواتم.. "

بص لـ كنزي بحب: فتحي.

" فتحت عينيها وهي مصدومه لما لاقته و بيتقدم لها قدام الكل "

" خالد حضن هاجر وهو باصص لهم وفرحان لفرحتهم."

مراد: الواد ده حكم على نفسه بالإعدام

مينا: اقفش يسطا بدل ما يطربق الفرح

" مينا وياسين و احمد كانو يعتبر محاصرينه "

" بس في اللحظه كنزي بصت لمراد بسرعه وعيونها بتسأله اعمل ايه! "

" مراد اتنهد بقله حيله وبعدين ابتسم لها بأستسلام."

" وقتها كنزي هزت راسها لـ كريم وهي فرحانه.. حط الدبله في ايدها وهي لبستها و رفعت ايدها للبنات وقتها جريوا كلهم عليها حضنوها وفضلوا يهيصوا.. والشباب راحت عند كريم.. "

" واتفاجئ أنهم بيشيلوا وعمالين يلفوا بيه.. مراد كان باصص عليه ومراقب فرحته! كان سعيد لسعادته.. وبيتمني له حياته تفضل سعيده.. قالهم ينزلوا وبعدين حضنه بقوة "

كريم بصله وهو فرحان: مرضتش امسك ايدها

خت بالك؟

"مراد ضحك و خبطه في كتفه براحه"

- مبروك يا كريم..

= من قلبك؟

مراد بنكش: مش اوي يعني

كريم غمز له: لا من قلبك يا نجم

- انت عارف ان كده بقيت خطيب اختي.. وجاري وصاحبي و شريكي؟ انا زهقت بأمانه

= و نسيت حاجه مهمه

- ايه هي

= انك اخويا

مراد بصله بإبتسامه استعياب: انت اخويا و ابني يا لمض.. أكيد عارف ان مفيش حد غالي عليا زيك

مينا جه من وراهم: اوبا.. خيانه عظمي يا برنس.

"كريم بص على يوسف ابن مينا"

- وريني بس المز بتاعنا ده بيقول ايه..

" كريم شاله.. في الوقت ده عبدالرحمن و كارما كانو حواليه.. و كمان فريد ابن ياسين... "

احمد بص لكريم: ربي شوية بقا عشان احنا تعبنا.

>>>>>>>>>>>>>>>>>>>>>>>>>>>>>>>>>>>

' الله اكبر الحمدلله استغفر الله لا إله إلا الله '

|| بعد مرور تلت سنوات ||

" مر تلت سنين كانت فترة كبيرة جدًا.. فا اتغير فيها حاجات كتير.. ولكن اول حاجه كانت وفاة فاطمه بعد فرح هاجر بـ شهر.. كانت صدمة للكل.. ولكن معرفوش يتجاوزو الموضوع.. غير وهما بيفتكروا كلام فاطمه نفسها قبل ما تتوفى! "

" كتبت لهم وصية مخصوص.. لكل واحد.. كانت بتوصى كل واحد على التاني.. بقلمي سلسبيل احمد.. وبتنبه عليهم.. يفضلوا سوا.. يفضلوا عيله مش مجرد جيران.. او صحاب وبيتها يفضل مفتوح ويتجمعوا فيه.. بالذات في رمضان.. وصتهم يعملوا كل الى كانت بتعمله.."

" فضلوا فتره كبيرة في حالة حزن.. ولكن مراد اكتر واحد حاول يتماسك.. لأن الكل كان منهار.. "

" عز بعد الوفاة بسنتين قدر ينزل مصر.. ونقل كل شغله في مصر.. وفضل معاهم في البيت.. "

" وإبراهيم زهق من البعد عن عيلته.. و بقي شغال مع احمد في المستشفي في مصر مره تانيه.. البيدج بتاعتي على فيسبوك سلسبيل أحمد"

" كلهم حاولوا يكملوا.. وينفذوا كلامها.. كملوا الطريق ونجحوا.. كريم اتخرج وبقي مهندس.. و رغم انه كان عنده فرصه يشتغل في شركة.. ولكن كمل مع مراد في مشروعهم.. وقرر يفتح فرع تاني اكبر من الأول.. ولكن شرط على مراد يفضل معاه.. عشان هو مش عايز يبقي لوحده.. "

" و خالد وهاجر خلفوا تؤام ولد وبنت.. مالك و خديجة.. و مراد خلف ولد و سماه يونس..

مينا كمان خلف بنت سماها مريم "

" و اخر حدث.. كان الحدث المنتظر من البداية.. "

" فرح كنزي و كريم.. "

>>>>>>>>>>>>>>>>>>>>>>>>>>>>>>>>>>>

'لا حول ولا قوة إلا بالله '

|| داخل فندق ||

" الجو كان متوتر اوي في جناح البنات.. كا العادة...

و لكن الشباب جاهزين من بدري.. و كريم واقف مستني لحظه خروج كنزي.. "

" مراد قام و راح عنده "

- انت هتفضل لابد هنا؟

= انا متفق معاك.. وكتبت الكتاب مخصوص علشان اول لما اشوفها مش عارف هعمل ايه الحقيقه

- ولا ولا احترم نفسك!!

= لا الكلام ده زمان..

دي مراتي من امبارح بليل لو سمحت..

- عارف لو قليت ادبك يا كريم؟

= الحق بس عبدالرحمن شكله بيحضن بنتك

" مراد بص ناحيه الأطفال.. "

" عبدالرحمن كان لابس بدله صغيره.. تليق بالست سنين الى عنده.. و كارما لابسه فستان صغير اوي.. كانت خمس سنين يادوبك كام سنتي ماشيين على الأرض.. وبيلعب معاهم فريد ابن ياسين. "

مراد شال كارما وبص لـ احمد: هعجن ابنك

احمد ببرود: اعجنه خلي اختك تصوت

ياسين: مش ناوي تخلف غيره؟

مينا: شوف مين بيتكلم.. ما انت مخلف واحد بس

ياسين: ترشيد استهلاك.. وتخفيف احمال

احمد بص لخالد: شايف الناس الى بتفهم

خالد: طب اعمل ايه جم تؤام من عند ربنا

" كلهم ضحكوا و بعد ثواني الكل سمع زغاريط "

" البنات خرجت و كنزي وراهم.. "

" شكلها كان تحفه فنيه..! كريم مكنش مصدق نفسه وحاسس الدنيا وقفت.. باصص لها وسرحان! "

" قرب بهدوء وحضنها وهو مش مستوعب مكنش عاوز يسبها.. و الكل كان فرحان ليهم و بيسقفوا و يهيصوا و الشباب بتصفر جامد وفرحانين بكريم. "

مراد راح عنده: طب فيه فرح والناس مستنيا لو مش هنضايق سيادتك

كريم بصله بجديه مرْيفه: وحيات ابوك مينفعش يتلغي؟

- اطلقكم حالا.

كريم: احمم طب يلا بينا

" نزلوا القاعه.. وكان الكبار موجودين تحت.. عز و عادل و ابراهيم و نورا و كوثر وايمان وماري و شهيره.. كلهم موجودين... "

" عز حضن كنزي وبارك لها بفرحه.. "

" و الفرح مكنش زي اي فرح حد فيهم!! كان مليان هيصه و فرحه غير عاديه.. عشان الاتنين كانو اخر العنقود يعتبر! وكلهم فرحانين بيهم اخيرا بعد طول انتظار !! "

" كريم مكنش مبطل رقص مع الشباب.. لكن كلهم محذرين البنات انهم يرقصوا بشكل ملفت "

" لحد ما قعدوا و كريم كان بيرقص مع كنزي لوحدهم "

- مش عايزة تقوليلي اي حاجه؟ خلاص بقينا متجوزين رسمي

بصتله بحب: عاوزة اقول اني بحبك يا كريم

" كريم مسك ايدها وباسها بحب وحنان. "

- و انا بموت فيكي يا كنزي.. مش مصدق ان اليوم ده جه.. واني صبرت كل ده واتحملت مراد

"ضحكت وهي بتميل على كتفه.. وشبه في حضنه و كريم مبسوط بقربها منه اوي. "

= انا عارفه انك استحملته كتير..

- هردهالها جامد..

= انا فخورة بيك اوي يا كريم.. بكل الى وصلت له وعملته

كريم كان سرحان فيها..: انا عملت كل حاجه عشان ابقي معاكي.. مكنتش بتمني غير اننا نكون سوا..

- تعرف اني عايزه اقولك سر من زمان

ابتسم: قولي

= انا بحبك من زمان اوي.. مش ناسيه ازاي كنت علطول بتبصلي من وقت للتاني.. بس عمرك ما كلمتني عشان مراد.. لأن من وانت صغير و انت راجل.. عمري ما شوفتك عيل.. و كل ده انتي لما شوفتني بعيط في الكليه زمان.. و اتخانقت عشاني.. مكنتش اعرف انك بتحبني اوي كده

- بحبك اكتر من كده بكتير يا كنزي..

حضنته وهو اتكلم وهو محاوطها: كنت بس كاتم حاجات كتير عشان مكناش كاتبين الكتاب.. بس دلوقتي خلاص.. بقيتي مراتي اخيرا..

" و على غير المعتاد..

مراد كان شايفهم وفرحان بيهم.."

مينا: اخيرا كده اطمنا على اخر واحد فينا يا رجاله

مبروك يا مراد

خالد: عقبال عيالهم بقا.. عشان ينضموا للنادي بتاعنا

احمد ضحك: معاك حق.. العيال كترت في العيله

ياسين: محدش يكلمني انا مخلف واحد بس

مراد: شوية وهيخلف سبعه الى بيتكلم ده

" كلهم ضحكوا "

" اما البنات عيونهم كل شوية تدمع وهما باصين على كنزي و كريم. "

فريده: بسم الله ماشاء الله.. احلي اتنين عيني شافتهم

هاجر: كريم واقع من الدور المليون..

ندى: دي حقيقه.. حبه ليها باين اوي!.. ربنا يخليهم لبعض يارب

ليان: اخيرًا يا بنات هنخلص من خناقات مراد و كريم

مريم: تفتكري؟

ليان: مش اوي الحقيقه.. انا هقوم اشوفه

" ليان قامت و مراد فهم انها عاوزاه.. "

- خير..

= مفيش.. انت اخبارك ايه فرحان بيهم

- مكنتش متوقع يعني بس فرحان بيهم اوي.. فرحان بكريم.. كأني جوزت ابني

ابتسمت وبصتله: احمم.. طيب مش واخد بالك من عبدالرحمن و كارما؟

مراد ضحك: الواد مش سايبها

ليان ضحكت: تعرف انه جه قالي على فكره يا لولو لما كارما بتقعد رجلها بتبان

مراد برم شفايفه: امممم وايه كمان

= مفيش.. شكلك داخل خناقه جديده.. مع عبدالرحمن و كارما.

- والله كده كتير..

ليان حضنته: تيته كانت هتفرح بيهم اوي.

مراد حط دراعه على كتفها: الله يرحمها.. انا متأكد انها فرحانه بينا كلنا..

- اهم حاجه نفضل محافظين على كل الى كانت بتعمله.. رمضان خلاص فاضله ايام..

= متقلقيش.. ده انا محضر الزينه من دلوقتي.

- هعمل معاكم؟

= طبعا.. و عبدالرحمن وكارما كمان

- وهو هيخليها تعلق ولا هيبقي زي؟

مراد بصلها وضحك: اكيد لازم اطلعه زي.

انتهت احداث الرواية