ظلمات الغيهب الفصل الثامن وخمسون 58 - بقلم اساور حسين

<ظلمات الغيهب >
حلقة _5 _ الجزء الثاني ..
بقلمي : اساور حسين .

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
......................><><><><><.....................

ركودٌ وحَنين
العقل والقلب في حَربٍ رَصين
عقلي يُريد جعلهُ كـ الاشخاص العابرين !
في آن .. و يُريد العِقاب بالحق في اغلب الأحيان
يقـول: أحبيهِ وَ لكن .. تناسي الشعور بالحَنين
انتِ قَـويـة .. رُدي لهُ الصاع صاعين
خُذي قصاصك واذيقيهِ ما اذاقكِ من العذاب والآنين

أمـا قَـلبي ..
توارد الانتقام من عقلي .. يُريد ان يرد لسعة خرائب افتعلوها
سلبني شعوري وبناء احلامي ، استغني كما استغنى
وعاودِ ترميم قلبكِ المهدم .. وقلبهُ كُنت لهُ الدواء
وأصبح لنا داء ، اهجري هجرًا يليق بكِ
لكنه موقف بسيط ؟ هو نقطة حاسمة لخسارتك ..

الغيهب ..

_ راحت وحتى ماتبرر فعلتك ليش فهمني شبيك انتَ بيك نقص .

كاعد ولا ؏ باله ولا عبالك هجم بيتي
_ لا والقران انتَ مو بوعيك معقولة!!

ملاك : قابل بشنو غلط هي مرتك ادور الزله عليك
لو تريدك ؏ اقل توكف تسمع منك شو هي فرد مرة شافت نفسها .

الغيهب: يحقلها.. انتِ ممنوع تدخلين وحق الله انتَ تقنعين
بي يلفي شكول صديقتچ الـ **** ..

أبو الغيهب: بالله مو عيب عليك تتلفظ هل الفاظ مقابيل اختك ؟

الغيهب: عيب !! تتمنطق بالعيب وانت هاجم بيتي وين الفلوس
فلوسي وين 25 مليون وينهن اذا تطلع صدك دافع البنت اختك
الـ **** اهجم البيت ؏ الي بي .

ابو الغيهب : هجمتهم هي المستهتره مرتك فلشت الفوك
كمل ؏ جوة الفلوس من جيبي لو من جيبكم ناركم تاكل حطبكم
هو بيت ومهجوم .

الغيهب: وتتصور اذا يرجع عقلي ينصدم صدمة إفراق
جديدة اگدر اكمل ؟؟ اگدر اعيش ؟

ابو الغيهب: عليمن تنصدم اول وحدة ثاني وحدة تتزوجها
وتنفصل عنها حالها حال القبلها .

اخذت كرسي وگعدت مقابيلة منكسر بس اباوع
بعيونه ما مفتهم والله ما مفتهم : شنوو تكوينك يابه
شبيك هاي زهراء نسيت شنوووووو نسيت شلون
اداري بيك اكثر من ولدك وبناتك ، منوووو منوووو
ينام بصف راسك للصبح من تتمرض بناتك لو زهراء ؟

ابو الغيهب: وشنو الفايدة تجاسر وتجاوز من تتعارك .

الغيهب: اي غيرررررر سمعت فلوسنا راحت الـ****
هسة شلون يخليني اطلع عن مسار لساني ولكم راح اموووت
عقلي عقلي ما مستوووووعب وين الفلووووووس ؟

ابو الغيهب: اشتريت بيهن بيت لأختي .

الغيهب: اختك الشريفة!! يا اختك الي تمشي وتبيع بنتها ؟

دخل جلال وأمير يباوعون بالوجوه
هو شافهم وصاح : خلصوني من هذا المخبل .

جلال : شصاير .

نهضت من الكرسي رفعت أصبعي وصحت
_ اششششش انتَ اششششش ولا حرف صوتك ممنوع
ينسمععععع لان عاااار انتَ عار .

امير : غيهب لا تحجي هيج ويه جلال فوك
ما اجه يرجف وخايف عليك .

الغيهب : فووك شنووو منيه هي ؟
أتجاوز علية لان ما غسل العار بيده .

جلال : اهوووووو يا مصيبة نعال ما نخلص من نعلان .

ابو الغيهب: عمي ؏ كيفكم شمسويه الكم البنية غلطت
وعرفت غلطها وعافتكم اثنينكم وراحت عاشت لنفسها .

الغيهب: ههههههههههه ههههههههههه لا بالقران ضحكتني
عافتكك !! هي تعوف انوووب ؟ عمي حظ ****

امير : فهمني شصاير ؟

فات هشام وجهه مطعون صاير احمر دم
صار مقابيل ابوية وصاح : ريحني وكول الكلام غلطط
مشتري بيت الموج وامهاااااااااا ؟

ابو الغيهب: أختي وبتها .

هشام: ياااااا اختك شنووووو شريفات وما نشتري الهن
يمعوووود ابو الغيرة هاي بتها زانية زنت هي و... استغفرك ربي.

الغيهب: انتَ الثاني اعرف احجي زنت هي واخوك
جنت محترمها وخاطبها نعال عليها وعلى اخوكم .

جلال : وين مكانها انطيني العنوان .

ضرب ابوية ؏ ميز ورجع يأشر بيده
_ شوووف شلون رجع فكرة غسل العار براس اخوو
يريده يتختخ بالسجون .

الغيهب: خلي يسويها وازين شاربي واحرك شهادتي
وباج المحاماة اذا مو اقل من شهر هو راجع وعايش
حياته طبيعي .

ابو الغيهب: اگعد غيهب استر علينا .

الغيهب: شوف يابه اسمعني زين اذا ينهجم بيتي
احركها وهي بالبيت وشرط اني هم احرك روحـي واخلص من شركم .

ملاك : عــوفوهــا للبنية بحالها كافية خيرها وشرها منكم .

لزمتها بلا وعي من ايدها وفتحت باب المطبخ ودفعتها
بالكراج : امشي اطلعي برا لا انعل **** وانعل **** البنية
مسوين صيت للـ***** .

هشام: كافي خلوني افتهم لا تأخذنا بصوتك العالي
وينها مرتك لا ترجع من الدوام ؟

ابو الغيهب: مرته رجعت ولعبت علينة هي واهلها
فلشت الفوك تفلش وسوت فلوسه رماد وراحت .

هشام: عرفت ؟ صدك عرفت يابويه وگفت عقلي
غيهب ليش تنطي فلووووس ليشششششش ؟

ابو الغيهب: شكد ماتستحي غير ابووو ويريد منه .

هشام: غيهب يعني انتَ دفعت فلوس حتى ينهجم بيتك ؟

گعدت ؏ كرسي ذبيت السترة وفتحت القميص اجر بالنفس
اجاني جلال رفع راسي وتمتم : ارفع راسك جر نفس
لايصير بيك شي والله كلنا وياك لا تقلق .

الغيهب: لا ما اقلق هسة اخذ ابوكم ونروح نفهمهم
وكلشي يرجع لمكانة .

ابو الغيهب: هههههههه تريد تقلل من ابوك واروح اتوسل
وابرر لزهراء وابوها ابو المشاكل .

قلصت عيوني متعجب : صدك تحجي تقلل من نفسك اذا تفهم زهراء
ما اعير بيك بس لازم ابين النقص الصار بتفكيرك .

اشرت ؏ اخواني واني بقمة كسرتي
_ محد منهم دار باله عليك وحبك واحتواك بگدي اني وزهراء
والله المفروض ماتقبل ؏ طلعتها اكثر مني لان حياتك
تصير تلف بدونها تلف .. واني ابنك انتهي بدونها
يعني برضاكم لو غصبًا عنكم الكل يرووووح ويفهمها
اني ما مستعد اخسر اكثر وينهجم بيتي .

هشام: امشوا هسة يلة .

جلال : جاهزين لا نتأخر اكثر .

امير : يلة يابه نتوكل .

ابو الغيهب: والله ؏ جثتي والله ما اروحلها ولا اقنعها
وطبها طوب تريد تصدك آهلًا وسهلا ماتريد تضرب راسها بالف حايط .

وطبيعي عادي عنده عافنا وراح للغرفة يلم بملابسه
وهو يصيح : اني حتى هذا البيت بعد ماعيش بي
تعيرون بيه عليمن شمسويلي انعل ابوكم لابو نسوانكم .

راح علية هشام يشيل ما مصدك موقف ابوية
_ وين تروح تعيش عند الـ**** تصير ابو الشغل مالتها
يدفعون بيدك ويدخلون لغرفتها موووو ؟

شال جهاز الضغط وضرب هشام بي
هجمت ؏ غرفة محروك گلبي : يعني هو غلطان وتضربه
تصير أبو الاستعلامات اخو الشيخة ، شيخة الـ*** طبعًا .

ملاك : كافي مخابيل شنووووو كلكم ؏ ابوية
تريدون يمووووت لايصير بي شي شنو ربحنا نسوانكم .

امير : انتِ راح الزمچ ودگ بالنعال ؏ حلگج.

ملاك : امشي بابا ولدك ناسين العيب والحرام
يتجاسرون ؏ اب مريض .

هشام: اب مريض ناوي يهجم بيوت ولده .

لملم الجنطة وسحبها يريد يطلع وكفت اباوع بعيونه
رغم مصيبته ويايَّ بس مايهون عليه يطلع من البيت
فقدت صرت ادگ ؏ صدري اريد يصحى: ؏ منوووو
ومنوو يستاهل تعوف ابنك واكف منكسر وتريد تطلع .

سحبني هشام من ايدي زدت وصرت اضرب
؏ صدري أقوى ركض جلال يلزم بيدي
وابوية عادي عنده مكمل طريقة : ليششششش يابه بس فهمني ليش
قصرت وياك ، تكسرني ليشششش بس فهمني هووو شصار
هوووو شكووووو يابه بهل سهولة تريد تروح جاوبني .

جلال : راح يوكف كلبك لكككك كافي بداعت نور كافي .

الغيهب: يا نووووور حتى ابني راح من وره ابووووكم
عائلتي هجمتها يابه تعال ولكم وين رايح ابوكم وين .

امير : غيهب ميصير هيج تحل مشاكل هدي فكر يمعود .

الغيهب: مشاكلي منكمم ربي كُل يوم اني يضربني
ويغدرني واحد من اهلي ربي شسووووويت عندك اني ربي
اهلي تعبوني تعبوووووووني .

هشام: كافي احلفك بكل غالي ؏ كلبك كافي .

وكفت صرت اشر عليهم واحد واحد
وبعالي صوتي عاتبت : تعبي منكم انتوا كلكم تعبتوني
غدراتي منكم گلبي تعب منكم واني كُل عمري 34
هلكت مليت منكم مليت .

هشام : جلال انتَ الثاني شبيك تبجي شنووو جهال انتوا .

جلال : بس سكتوا بس اكعد غيهب كلنا وياك .

الغيهب: كلكم ما اريدكم انتوا مرض من تدخلوني بحياة
شخص تنهون عليه وتطلعون انتوا ابرياء والمنتهي هو السبب .

طلعت راسي يفتر حتى ما ادري وين رايح وشنو يصير
امشي بالسيارة بلاوعي بس اريد اهج غربت الشمس
وكفت ؏ جسر اباوع ؏ ماي غمضت عيوني من سمعت
صوت التلفون باوعت ؏ اسم وفتحت خط : باشا ..

_ انتَ وينك شصاير بيتكم ليش بابكم مفتوح ؟

الغيهب: ما ادري .

_ انتَ وين ؟

الغيهب : وأكف ؏ جسر الأئمة .

_ لا تتحرك دقايق ويمك .

سديت الخط صرت اجر بالنفس بصعوبة فتحت
باب السيارة وبقيت كاعد بيها بس رجلي طالعة
منها الى ان لمحت الباشا نزل من سيارته واجه
بتجاهي بقيت منزل راسي : سلامات .

الغيهب: ماكو سلامات مواقفهم كلهن بالعظم دگن .

غمضت عيوني وطلبت : جكارة اريد جكارة .

انطاني وحدة وراح استند ؏ حدايد الجسر
_ اذا مستعد تحجي اني جاهز اسمع ..

جريت نفس واني اشر بيدي ؏ ركبتي
بديت احجي الصار ما قاطعني يسمع
بس يسمع الى ان خلصت : غيهب تستاهل والله تستاهل
انتَ ويه الكل ذكي من توصل عند اهلك تتغابى.

الغيهب: اكول يحبوني ويعرفون اني شكد تعبت .

_ اقنعني من سلمت الفلوس لأبوك ماتدري محتاجهن
علمود عمتك وبتها .

الغيهب: صدك تحجي !!

_ اي يعني تنطي 25 مليون ولا تروح وياه ولا تشوف البيت
ولا تسأل معقولة !! لا تعرف وين القطعة مال ارض
ولا المشروع ولا البيت ادري منين تفكر .

بقيت احجي وافهم بي الصار بالتفصيل
_ وهسة ام النور وينها ؟

الغيهب: لا سمعت مني ولا حاولت أصلًا ما صدكت تعوفني وتروح .

_ عمي حقها الله يلوم كُل من يلومها
اهلك انتَ ما مخلص من شرهم هل غريبة تخلص منهم
فاتحين بيوتكم ملاجىء *** كُل كم يوم ابوك مرجع
*** شنو ولكم من يمي لعبة نفسي عمي محد تتحمل
ولا وأحد يرضاها ؏ اخواته ، هسة انتَ تقبلها ؏ اختك ؟

الغيهب: اني ما ألومها ولا زعلان منها بس خايف
فهمني شسوي دليني دربي ضايع ..

_ ارجع أتواصل انتَ وابوك ضروري يروح وياك
بس مو هسة عوفها ترتاح فد يومين تلاثه حتى تتفاهمون
هسة هي عصبية وانت مصدوم وابوك معاند خلي الموضوع يبرد .

الغيهب: وكلبي شلون يبرد من اهلي ها شلون .

_ نصحتك قبل ما أخذت بنصيحتي يمعود اهلك
مو امان ما اعرف شنو تكوينهم والله ينهون عليك
اطلع روح ابتعد ماكوووو لزكت .

بقيت وياه لا ساعة ولا ساعتين احجي واشكي واغلط وانهار
وارجع اتناقش وافتر واخذ بالجكاير نهد حيلي الى ان رجعت
للبيت اخوتي ماكو صعدت فوك بس مالي ترتب بالغرفة
اطلع المكسور والسليم يتعدل مشيت للخزنة فتحتها
الفلوس صايرات تلف كلهن تعبي والركض بالمحاكم
ومتحمل ناس زبالة حشى الزينين كُل هذا راح مني
لا اهل ، ولا عائلة ، ولا مال وكآن متفقين ينهون علية .

_ مالي كملتي ؟

_ بعد .

_ خلص اريد انام روحـي جوة شكرًا .

هي نزلت وخليت راسي على مخده بعدني بملابسي
كلها دقايق ونهضت من كثرة التفكير حسيت قبق
راسي راح ينفجر بقيت گاعد وضاغط ؏ راسي
بيوم وليلة رجعت لنقطة الصفر للمشاكل والخراب .

مرت الساعات ، والدقايق ، ولحظات كالموت البطيء
بس طلع الصبح طلعت للدوام ما اتحمل البيت ياكل بروحي
بقيت اشتغل بس حتى أنسى بس صعب ولا اخذ ولا انطي
ما ادري شلون خلص الدوام واريد اظل بعد ما اريد ارجع للبيت
خابرني الباشا بس طلعت من المحكمة : وينك يمعود صار ساعة
ادگ بالباب وهذا هشام هم هنا .

الغيهب: بالطريق راجع .

هشام: لعد مالي وين ماتفتح الباب ؟

الغيهب: شعرفني .

ماكو كلها دقايق وصلت لكيتهم واكفين بالباب من
شافني الباشا رجع البيتهم اني مشيت من هشام
هو يحجي : هاا شلونك اليوم .

الغيهب: شنو تشوف .

رجع الباشا بيده صينية الآكل كعدنا كلنا ناكل
اكلت شوية وكمت ما اكدر اكمل نفسي مسدودة
رحت اغسل اسمعهم يحجون بصوت خافت
_ مايصير يا خوية هذا اخوكم وتعبان روح انتَ الجبير
واحجي ويه ابوك يعني بالله هاي هم سوايه يسويها
ياخذ تعب ابنه وتعب مرته ويشتري بيت لوحده
وصلت ولده للموت وصاروا مطاحن حرب .

هشام: والله مصدوم من ابوية ما مستوعب
انوب ضارب البنية والبارحة خابرتني اختي تگلي
ابوها متحلف علينة وعلى ضرب والاهانة الصارت .

_ حقهم لو انتوا بمكانهم تسون اكثر
لو لواء رحيم ضارب اختكم تلعبون لعب اعرفكم
بس اذا الرجال بنته تخبلون بيها عادي تريدون ياخذ
وضعية المتفرج .

دخلت مالي بيدها الشاي اخذت منها
وهشام اخذ بس الباشا اخده ولا شرب قطره
ابتسمت ورديت : ولك اشرب جديد الكلاص مابي
شي والله نظيف ومالي نظيفة تغلب على خوفك .

الباشا : لو اموت ما اشرب ، هو مو خوف بس ما اطيق
اذا مو مالتي الكلاص واهل بيتي يصبوا ولا اشرب .

اخذ الصينية وطلع وهو ينطي تعليمات
_ امشي نام ساعة وجهك اصفر اخذ علاج
واني رايح انتم اخرتي جاي من الدوام وتعبان .

الغيهب: عود تعال العصر المغرب .

_ تدلل .

هو راح وهشام يريد يحجي
_ ابوية راح الأربيل اليوم من الصبح طالع
البارحة بايت بيت ملاك .

الغيهب: ويعني هو من يروح الاربيل صعب أوصله
شنوو أربيل بعيدة والقران اهجمهم هجمات بساعة
ودقيقة ما متوقعها .

هشام: بس انتَ هم ؏ كيفك ويه ابوية .

الغيهب: حقك لا بيتك مهجوم ولا عائلتك عافتك
هو الجرح ما يلچم بس صاحبه .

هشام: لا تنتر مو احجي وياك بـ احترام .

الغيهب: باجر اروح البيت اهل زهراء واتفاهم وياهم وافهمهم .

هشام: لا تعب نفسك وتروح وحدك تكبر المشكلة
اقنع ابوية يروح وياك وحل الخلاف .

بقيت ساكت ماعندي طاقة اخذ وانطي
بس دايخ احاول انام ؏ تخم ماكو
عفته وصعدت بفراشي انام عيوني ما تغمض
بس تزيد افكاري ، الثاني يوم بعد طكت روحـي
توجهت البيتهم بدون ما انتظر احد دخل الحارس
للكراج بلغهم وطلعوا عبالك عدو داعشي مو رجل
بتهم ودخل عليهم اباوع عليهم وجوهم محتقنا
ايهاب : اوووف غيهب منك ومن مشاكلك
شكوو بعد تريد تموتها فوت موتها اقضي عليهه .

رحيم : حتى اسويلهم إبادة جماعية هو واهله .

الغيهب: شكوووو هووو شكووو اعصابكم عمي
تحجون بزود شنو الدنيا سايبة ماكو قانون .

رحيم : اعرف قانون واحد وهو الطلاك تروح
ومرة الثانية ترجع بيدك ورقة طلاك بنتي خلاف
هل كلام ماعندي وياك كلام ابد ماعندي وياك توكل .

الغيهب: اسمع حقكم واني أعذرك ؏ رد فعلك هاي بنتك
وانت بنت عمك بس لازم تسمعون مني .

رحيم : شنو اسمع منك ما وراك غير الهم والغم
بنتي اذا تظل وياك يقصر عمرها عوفهااااا بنتي
انظلمت وعاشت تعبانة بصغرها واخذتك وتعذبت اكثر
اريد اعوضها فك منها فك .

الغيهب: بنتك ملكة اني ماقصر عليها ولا انتظر منك
انتَ تعوضها الحمدلله عايشة احسن عيشه لا تظل تبيع
استشراف برررراسي هسة عرف بنته .

ايهاب: صوتك .

الغيهب: انجب لا تدخل .

درت اريد اكمل كلامي اني ورحيم
وما احس غير عيوني طفت وجع
ضرب براسي لزم عيوني متفاجئ
رجعت أريد أضربه وكلها هجمت
الحرس اثنين وايهاب ورحيم كلها ادفع بيَّ
طلعوني عن طريقي بقيت اسب واغلط
بس اريد الزم ايهاب انعل *****

ركبت سيارتي ورجعت واني اسب
بـ اهلي واهلها وكل من تسبب بهل مشكلة
خابرتني هاجر تبجي وتعتذر حتى ما افتهمت
شنو تقصد نسد الخط قبل لا افهم رجعت اتصل ماكو
رد انوب زاد خوفي خفت لا يتعرض الها .

اتصلت ؏ هشام وهن كلمتين صحت بيهن
_ أطمأن ؏ هاجر .

سديت المكالمة ورجعت للبيت اخذت كافة
مستمسكاتي وماتبقى من فلوسي وطلعت
من البيت روحـي تريد تهج مني ومن
قهري رجعت للسيارة اسوق بيها بكل
سرعتي لو بيدي اطيررر بيها اطير .

الجو بارد ثلث بس مايبرد نار گلبي
والسماء مغيمة تشبه حياتي
الشوارع مبللة والسيارات هوايي
نزلت من السيارة بسيطرة الشمال
المطر يزخ بكل قوته رفعت راسي يوگع
؏ وجهي والهوى بارد دخلت للمغاسل غسلت
وطلعت من الحمام صارت سيارة جلال مقابيلي جاي ورايَّ
بدون ما ادري ، طكيت صورة للسيارة
ودزيتها وكتبت وياها : شسوي هنا تفتر ورايَّ ، لو مراقبني ؟

فتح الجام واشر بيده بمعنى اصعد سيارتك
رحت للسيارة وخابرني : اجيت وراك ما اكدر اعوفك وحدك .

الغيهب: لا تسوي نفسك حنين ارجع خلصني يلة .

جلال : رايح الأبوية ، وصلت بعد .

سديت الخط بوجهه وكملت تفتيش وإجراءات
ودخلت متوجه الاربيل بين البيوت والناس
واتصالات وأسئلة هوواي كدرت احصل العنوان
بالمضبوط هو صار اليل ونزلت مقابيل بابهم
فلشت الباب تفليش محترم طلع ابوية يركض
هو شافني وملامح الرعب انرسمت ؏ وجهه
_ كفي الشر وروح منا غيهب عيب منا عالم
مو مثل هناك شاهرني بعدنا جدد رووووح .

بيوت أربيل بوبهم ناصيه مو مثل بغداد
هو يدفع بالباب حتى ما ينفتح وما اشوف غير
جلال نزل بلمح البصر وركض هي ركضه وهي طفره
صفگ بيده وصاح : السلام عليكم ابي العزيز .

دفع بآب الاستقبال أبوية رجف فتح الباب وسحبني من ايدي
_ راح يموتهاااااااا اركض ولك اركض لا يروح بيها اخوك .

الغيهب: من ايدك رجعتها لحياتنا بعد ما نسيناها وعشنا
وكونه عوائل هجمت كلشي انتَ .

بقيت امشي بكل برود اعصاب دخلت جوة
لكيت عمتي دافعه الـ**** مالتها بالزاوية
وجلال بيده سلاح : رجعتي شعندج شفتيني سكتت ؏ سواد وجهج .

كتفت ايدي وبقيت اباوع عليهم
_ جلال اغسل عارك بيدك موتها .

ام موج : لاااا غيهب لا بنيتي الوحيدة عوفوها بحالها
تفترون عليهه اثنينكم هي عافت بغداد بسببكم
وسافرت قبل بسببكم شنو تريدون منهااا .

سحبها جلال من ايدها واخذ موج من شعرها
واستلمها دگ بالشاجور ؏ راسها وكالمعتاد
ولا تصيح ولا عبالك تنضرب .
الغيهب: يمعود هي تحب الكتل مايفيد وياها انطيها طلقة
بنص راسها وخلصنا من هل دراما امها دوختني .

وگعت عمتي تبوس بـ ايدي وتتوسل بس اوكفه
ابوية لزم كلبه وگعد : ها يابه كلبك يوجعك ؟ اني هم گلبي يوجعني
خسرتني عائلتي وحرمتني منهم الخاطر هل حثالات ليششششش
يابه هيج اهون عليك !! شوف شكلي يابه اول صدمة من اخوية
من عضيدي اقرب واحد بـ اخوتي باع خوتي الخاطر هل ****
والثانية من ابوية اقرب بشر واكثر بشر عرف بشنو مريت بسبب
هل **** .

من سمع جلال كلامي رجع يضرب بيها هي وگعت بالگاع
_ بسببهااااا والله غلطت وياك بسببها .

باوعت علية بـ استهزاء ولزمت المسدس وجهته
؏ صدره : اكتلها واكتل نفسك عظيمة غدرتكم بكلبي عظيمة
هي ماتت من زمان وانت وراهاااااا وابوية صار ثالثكم .

اريد اطلع ودرت وجهي ؏ ابوية وبكل وجع الكون
صحت بضعف : نيالها امي ماتت ولا تشوف هل يوم
ابوية يغدر عزيزها الخاطر اول انسانه غدرته .

ابو الغيهب: شترررريد مني ولك عوفني تعبتني رووووح اطلع
اخذ اخوك وروح مني روح .

الغيهب: ما اعوفكم وداعت نور عيوني وزينة حياتي
وزهرة روحـي الي بسببك خسررررررررررتهم .

ابو الغيهب: اطلع لا اتصل ؏ شرطة.

الغيهب: ترجع ويايَّ لبغداد وتروح لبيت رحيم تفهمهم
المووووضوع اني ما اعررررف بكل الصار انتَ جذبت علية
وخذلتني خدعتني يابه ، وترجع الـ25 مليون فلوسي وفلوس مرتي .

ابو الغيهب: ماعندي ولا فلسس كلهن ذبيتهن ؏ هل بيت .

الغيهب: مووو مشكلتي ينباع المهجوم والفلوس ترجع
تعرض بنت اختك هاي مو مشكلتي مشكلتكم الفلوس ترجع
يعني ترجع شنووووو تعبت بيهن الخاطر حلگ الـ****
انوب نشتري للـ**** بيووت .

تريد تگوم رگعها جلال بـ الحايط صرخت
وبعلو صوتها وهي تناشغ : غيهب كافي راح اموووووت كافي .

الغيهب: وجععععع لا تذكرين اسمي ؏ السانج عار .

ام موج : عوفوها والله بس يومين وترجع فلوسك
راح ابيع البيت هسة افتر ؏ عقار وينباع بس عوفوها راح تموت .

صفكت بيدي وصحت : عفوها ام الرزق هاي بعد منين احصل
فلوس اذا تموووووت قابل يدخلون عليهه لازم **** بتها .

ضربت ؏ باب وصحت بصوت واضح
_ اربع ايام ، واربع ساعات ، واربع دقايق ، وياهن اربع ثواني
اذا الفلوس ماترجع ، وتجي تفهم زوجتي البيت يحترك هو والي بي
وتعرفني ما اهدد ولا اخوف اني احجي وانفذ مخبل شاخط دير بالك مني .

سحبت جلال وطلعت دفعته ؏ سيارة واخذت السلاح
_ انتَ صاحب طفل لا تتهور وتبهذل زوجتك وابنك
اعقل ابني ، مو تشوفني اكول اكتل معناها تسويهاااا
قابل اني ما اعرف اموتها بس هل *** ما تستاهل
نلطخ إيدنا بدمها الرخيص .

جلال : مكسور ضهري عليك ما اريد اشوفك متعذب
تعذبت هواي بسببي تستاهل ترتاح خسروك زوجتك
واني ادري هي مو مجرد زوجه الك هي انقاذ وعوض .

الغيهب: ؏ موتي اعوفها ترجع يعني ترجع وهي تدري
اذا تعوفني معناها اني جوة التراب زهراء جائزة تعبي ومعاناتي .

جلال: راح ترجع لبغداد ؟

الغيهب: باقي اليوم باجر ارجع من الصبح
عيوني تحركني .

جلال : صاحبي عنده فندق هنا نروح نبات بي ؟

الغيهب: لا انتَ ارجع أريد ابقى وحدي .

جلال : ما اعوفك وحدك والله .

صعدت سيارتي وكفت مقابيل اول فندق صار گدامي
نزلت هلكان حجزت غرفة وجلال حجز غرفة
عفته وصعدت سبحت بتعب طلعت اريد واتمنى انام
ياريت بس تغمض عيني ساعة وحدة بس وأرتاح
وارجع افكر من قلة النوم صرت مهستر امشي واروح
واجي واحجي بلا وعي .

بقيت بمكاني حالي حال المذبوح ساعة اوكف اشرب
جكارة وشوية اتمدد بس حتى جسمي يرتاح واكدر اسوق
وارجع لبغداد يا من يرجعني بس اريد ارجع ، طلع الصبح
عليَّ بالويل والتعب ، بدلت وطلعت ركبت سيارتي وقبل
لا احرك شفت سيارة جلال بعدها موجودة ، ما اريد اشوف
آحد تركته وكملت الطريق وحدي .

وصلت للبيت منتهي فتحت تلفوني صامت الدنيا مكلوبه
كلها متصلة علية ، ذبيت الجهاز اريد اصعد والباب تفلش
تفلش رحت فتحته وصار تميم مقابيلي رافع حاجبه : بس فهمني
وين جنت ما بقت مستشفى لا مركز ما دورنا عليك بي .

الغيهب: شنو ولكم زعطوط .

تميم : بعدين شنو هاي حالتك تخوف .

الغيهب: ما نايم ، تعال فوت .

دخل ويايَّ وهو يتصل شوية وصار يحجي : الغيهب بالبيت رجع
لا والله ما ادري هسة شفته .

سد الخط كعدت وهو كعد يباوع بقلق
_ هذا منو ؟

تميم : صاحبك .

الغيهب: شاي كهوة ؟

تميم : وين جنت بربك ؟

الغيهب: اتونس بالشمال .

تميم : واضح متفح الراحة تخرخر منك .

الغيهب: شعبالك بعد كم يوم اطك سفرة ثانية
تعرف فلوسي هواي .

تميم : اروح وياك ؟

الغيهب: تعال فد تتونس .

تميم : ماكو هلاهل ؟

الغيهب: اووووو مليانين هلاهل .

تميم : لا مو خوش سفرة ماتصرف .

سكت دنك راسه ورجع يفهمني : غيهب شنو رايك نروح للدكتور ؟

الغيهب: تميم والله مابيَّ شي بس لأن مانام صار كم يوم .

تميم : هو شنو شغل الدكتور ينطي مسكنات ؏ مهدئات
حتى تنام كم ساعة لا يروح كلبك يوكف يمعود .

اندك الباب ودخل الباشا تخصر مثلت الضحكة
وصحت : اهوووو من وكفتك وراك محاضرة طويلة عريضة.

الباشا: وين تولي حضرتك تدري اني واخوتك دورنا بكل مكان ؟

الغيهب: كول انتَ دورت تموت ؏ ربي ، اخوتي منو جلال ويايَّ .

تميم : وهشام وامير مو اخوتك .

الغيهب: بس تنحل مشكلتي بعد ما عندي اخووووان ابد .

هشام: اي مو احنا نخليك تصير غبي وتدفع فلوس لأبوك .

الغيهب: وحق محمد هشام الغريب أمن بي اكثر من اهلي
هي اخر غلطة اغلطها انطي للغريب وانقهر ؏ غريب
وما انقهر عليكم لان ولا واحد بيكم رحم بحالي .

هشام: تحترم نفسك لا والله .

تميم : ابو علي ميخالف اذكر الله مو تدري بي عصبي
ومن يصير عصبي يخوط ويخربط مرات .

الغيهب: بحلگك .

هشام : قبل دقايق خابرني ابوية وسولفلي ؏ صار البارحة
بنت عمتك من البارحة بالمستشفى وابوية يكول اخلوا
مسؤوليتي اذا قررت تشتكي عليهم.

الغيهب : اخر همي .

الباشا : ما أنصحك تخلي هيج موضوع اخر همك
انتَ تعرف بقذارة تفكير بنت عمتك وشنو ممكن تسوي
وشلون تفاوض وتهدد .

الغيهب: حتى انعل ***** والـ***** هي هم تعرفني
اني شنووووو اكدر اسوي من مصايب وبلاوي ؏ راسها
وراس امها اخت ابوية الحبوبة .

ظل ساكت لدقايق وتقرب من هشام : ابو علي انتَ اخذ راحتك
اني باقي عنده اريد احجي وياه ، وانت تميم تعبتك الحبيب
اخذ راحتك وأرجع لشغلك .

تميم : لا بالخدمة رايح بس اي شي تحتاجون
لا تترددون موجود بمكالمة بس .

الغيهب: الرصيد عليك لو علينة .

تميم : رمش .

هشام : بعد ماعنده فلوس صار حديقة .

الباشا : دفان اكشر ما ينخاف علية ذيب امعط .

طلع هشام هو وتميم يسولفون الى ان نسد الباب
_ شسويت ؟

بديت احجي بكلشي صار ويانه الى ان كملت
_ غيهب ابوك انسى موضوعه بعد مايرجع اخذها مني
مغسول عقله غسل مثل عقل اخوك ، حل مشاكلك
اكل ونام حتى ترتاح وتفكر زين وتحل مشاكلك .

الغيهب: حتى الموت غدرني وحاربني .

_ طفي الاضاءة ودفي الغرفة وتنام اسمع قرأن
او دعاء وركز بالكلمات يعني عوف تفكير عقلك
والله ترتاح نفسيتك وتنام .

عافني بعد ما كعد ويايَّ ساعة يتناقش وينصحني
ما اتهور ولا اتصرف بدون تفكير ، بقيت بالبيت
ماكوو غير ماكو نوم ، والوقت تأخر بدلت وطلعت
ادور بالصيدليات المضبوطة ؏ المهدئات القديمة
مالتي ، ومن لكيته اول سؤال سألني : ما عندك امراض قلب ؟

الغيهب: لا الوضع تمام .

اخذتها ودفعت فلوس وطلعت اني بالسيارة اخذت وحدة
راسي بدأ يسكن بس دخلت السيارة عيوني بعد
ما كدرت افتحها صعدت واني مغمض ذبيت جسمي
؏ سرير شغلت قران ونمت بلا تفكير .

وعلى هل حال يوم يجر يوم
الغيهب: اني لهنا خلص صبري اروح لرحيم يسدها بوجهي
احجي اني وايهاب يهدد ، اتوسل بـ ابوية رافض ، اتواصل وياها
تنطيني بلوكات من كُل مكان وتنشر وتضحك ولا عبالك
تركتني مكسور خاطر .

الباشا : اصبر بس اصبر .

الغيهب: ما اريد اسمع كلمة اصبر كلكم تعبتوني بيهاااا
اني شنووو ذنبي بشنوووو غلطت وهيج اتعاقب .

_ غلطت من تسرعت وسلمت هيج مبلغ لأبوك .

ضربت ؏ صدري وصحت بيهم : هذا ابوية يا ناس يعني
ابوية يحتاج واني عندي ما انطي اقصر علية اني شعرفني
يدك الناقصة بيَّ يمعوووودين مو موتوني .

_ احنا متفهمين موقفك بس ام النور ماتتقبل هذا الكلام
واعتقد دخلت حسابها وشفت شنو موقفها اتجاهك لهذا السبب
انتَ شايط وعصبي .

الغيهب: اريد جهالي صار هووووواي مانعيني منهمممم اريدهم .

_ غيهب غيهب غيهب هاي سالفة الجهال والضغط
عوفك منها راح تثبت الها انتَ ما تريدها ولا تحبها بس
تحاربها علمود الجهال وهيج تحقد عليك اكثر .

هشام: غير يريد يشوف اطفاله .

الباشا : يشوفهم بس بالبداية يشوف حل
وينجمع بيهم ، تريد اطفالك يجون يشوفون ابوهم مبهذل ؟

الغيهب: عقلي قفل والله راح اتخبل منهم والله ..

هشام: اني رحت لابوها والله لو ما هاجر نصير مذابح
بس هاجر وكفت بعيوني ، بعد فلا اروحلهم .

ماكو بيهم شخص ينطيني حل من النهاية
هو الانسان من يوكع بمصيبة ويبتعدون عنه أحبابه
وين يكدر يصبر ينتظر الثانية الي يجتمع بيهم
يحس الكون كله صار ضده ومن يرجعون كلشي ينحل
هذا جان احساسي غرگان انتظر يجي انسان يطلعني
من قاع ظلماتي الي حاربت حتى اتخلص منه .

من كثر ما انسدت البوب بوجهي سويت حساب
بس حتى تشوف وتجي ظنيت تجي وتعاتبني حتى
ينغلق وتابعتها وبديت احجي صدمتني بالصد
اكثر وزادت برفضي
انتهت حلولي صرت انسان ثاني
رجعت افلش كلشي يصير مقابيلي من الصدمة
بيها وبرودها كرهت نفسي وكلبي كرهت كلشي

الى ان بيوم بعدني بالمحكمة مجبور بقضايا العالم
لازم احل مشاكل الناس واني مشاكلي الوحيدة ما تنحل
وصلني إتصال من علا مساعدة زهراء بدون انتظار
جاوبتها بعد السلام بلغتني : أستاذ غيهب احنا بالطريق
للمستشفى زهراء وضعها ابد مو تمام ابد .

حسيت خلايا عقلي توكف اريد امشي اندل طريقي
صرت اضرب بالعالم ذبيت اوراقي وركضت الأول
مرة اركض بالمحكمة اصواتهم ورايَّ يصيحون : شبي أستاذ
غيهب شصاير .

فصلت بس اريد السيارة شغلتها وطلعت سقت بطريقة
أقرب للانتحار بس وصلت للمستشفى بعدهم يجهزوها
ترجيت الدكتور ادخل ودخلني اهلها كلهم بعدهم ماكو
هي شافتني وكآن شافت ملك الموت ، رفعت ايدي اشرت
اريدها تهدأ: بس نحجي والله بس كلمة .

زهراء: هاي حالتي ومرضي بسببك غيهب بسببكم
مرارتي راح تنفجر ببطني بسببكم بهذا عمري انتهيت بسببك .

هزيت راسي بس حاولت احجي لساني نربط
هي من الوجع تهسترت قبل لا ياخذوها
دموعها جانت تصب ؏ كُل خد : عسى الوجع بيَّ مو بيچ .

زهراء: اذا صدك تحبني وماتريد اتعب اثبت وطلكني .

الغيهب: تقبلين تنهيني ؟

زهراء: بعد مايهمني شي عوفني اعيش واربي اطفالي .

الغيهب: يجرالج عيوني .

زهراء: داخله العملية واذا اموت او اعيش هذا اخر كلام
يدور بيناتنا غيهب اني ما ابريك الذمة ليوم الدين لا انتَ ولا اهلك .

نزلت راسي وهي كملت : اذا اطلع ما اريد اشوفك
وكلها كم يوم وادز عليك حتى ننفصل بـ اسوع وقت .

الغيهب: صار ..

دخل ابوها واخوها عفتهم وطلعت خارج المستشفى
كعدت بقيت مصدوم اهم شي عندي تطلع هذا كُل لبالي
مرت الوكت ؏ بطيء يمشي وياخذ بحيلي ، الى ان سمعت
بيها طلعت وضعها مستقر طلعت .

اتصلت ؏ ابوية شبه منهار كُل الكلام بداخلي حجيته
وهو يستمع وغلط مني بلغته زهراء سوت عملية
ماجنت ادري ابوية وصل لهل مرحلة من غسل العقل
يومين بالمضبوط اني بالبيت والباب الخارجي تفلش تفليش
وصلت للكراج أريد افتحه ما اشوف غير اندفر ودخل رحيم
ضربني بوكس وهو يصرخ : لك ******* ابن ******
اهل الز******* تتزوج ؏ بنتي وبيتها الي تعبت بي
والله اليوم احرك الدنيا عليكم هسة بنتي تطلك هسة .

اشوف من بعيد تميم دفع الحرس ودخل
تميم : نزل ايدك منه عمي لا تخليني اتجاوز حدودي .

ضربت ايده بكل قوتي ولزمتها : ايدك هاااااي اذا تمدها مرة الثانية
عليَّ اشوفك الأمهات شنوووو تولد من زلم .

ايهاب : عمي لحظة نفتهم منه قبل لا نتصرف .

الغيهب : انتووووا منوووو وتتصرفون ويايَّ
تتجاوزون وتطاولون وتهجمون عليَّ بنص بيتي ؏ يا اساس

رحيم : بصفتي ابو زوجتي الي هي بنص الموت وانت تتزوج عليهه .

الغيهب: اني متزوج ؟

رحيم : اي اي لا تغشم نفسك لك عار
تمشي كدامي لا والله اتصرف وياك بطريقة ما تخطر على بالك .

الغيهب: اني الي اتصرف وياك تصرف بالقانون
اذا ما اسحلكم كلكم سحل اثاري انتَ مو مال احترام
كافي ذليتني بما فيه الكفاية ؏ شنووووووو ؟

رحيم : اذلك هو انتَ بعدك شايف شي ..

الغيهب: ما دام الي يمك راضيه ؏ تصرفاتك ودخلك
وطبل لافعالك ما تظل ؏ ذمتي امشي كدامي اطلك .

اخذت غراضي ومرينا ؏ سيد أخذنا ويانه
وصلنا للبيت توني وصلت واشوف هشام
وامير عند الباب وياهم تميم طلع مبلغهم
طبطبت ؏ كتف تميم ودخلت وهم ويايَّ
دخلوني اني والسيد وابوها وهشام
للغرفة لان ما تكدر تكوم ما كدرت حتى ارفع
راسي واباوع بعيونها بقيت حاني الضهر
الى ان السيد صار يحجي وبلغني انطقها
غصيت بالكلمة وكأن صار ؏ ضهري
ثگل الكون : زهراء انتِ طالق .

يتبع ...

البَـاقيـات الصـالحـات🖤:-..

‏- سُبحـان الله .
‏- الحَمـد لله .
‏- لا إلـه إلا الله .
‏- الله أڪبـر .
‏- أستغفِـرُ الله .
‏- لا حَـول و لا قـوة إلا بالله .
‏- سُبحـان الله و بِحمـده .
‏- سُبحـان الله العَظيـم .
‏- اللهُـمَ صَل عَـلى مُحمـد وآلِ محمد