ظلمات الغيهب الفصل التاسع وخمسون 59 - بقلم اساور حسين

<ظلمات الغيهب >
حلقة _ 6 _ الجزء الثاني ..
بقلمي : اساور حسين .

هَاي گلوبنة مِن الخوَف والصِدمات
گامَت مِا تمَيز فِرح لوُ لچمَة .

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
......................><><><><><.....................
زهراء ..

الغيهب: زهراء رحيم انتِ طالق ..

لحظات من الصمت ، الخذلان ، والخسارة
شعور مختلط لدرجة ماعرفت شلون أتصرف
فرحانة اذا اكول فرحانة معناها اكذب
لان نهجم بيتي وهتز استقرار أطفالي وانهدم
خليت ايدي ؏ مكان العملية ونزلت راسي اكثر وابتسمت
ما اعرف جانت ابتسامة الحرية ، لو الانتقام ، لو الصدمة

هو شافني ابتسمت وكف ؏ حيله وبعالي صوته
صاح قريب مني : هو اهلي مابيهم خير اليه اريدج انتِ
تصيرين احسن منهم ويصير بيج خيررررررر .

رحيم: وعبالك لهنا وخلص كلامنا ، فلوس بنتي توصل
بالكامل مليون ؏ مليون وانت تعرف شگد المبالغ لعندك
مايحتاج نحجي بيهن .

زهراء: بعدين يابه بعدين .

الغيهب: والله كلفتي نفسج ابقي ساكته اخاف مابيج حيل .

رحيم : كلامك ويايَّ بعد بس ويايَّ .

هشام : اذا صار الحجي هيج لعد والمبالغ الي شگگتهن بنتك ؟

رحيم: اي خطية اخوك خسران هواي هسة
هاي اذا ما مفلس بعد مشتري بيت للحبايب
وزواج وراه مصارين بعد ومنا بنتي شگگت
الفلوس لا الصراحة حقهم شكد مليون مليونين يأخذهن من فلوسها
بنتي ما محتاجه اغرگها فلوس ، بس حقها وتعبها لازم يرجع الها.

الغيهب: هههههههههه عايز عليكم ؟
مليون شنو مليونين شنو الخسارة مو فلوس
الخسارة انسان تأمن بي ويلعب ؏ نقاط ضعفك
مثل بنتك بالضبط تعرف كلش زين اني شنوو
وكلامهم شنو بس حبت تأذيني .

رحيم : اعتبره انتقام بسيط ؏ اذيه ألي سببتها الها قبل ..

الغيهب: حلووووو هسة صار الكلام توب ، الصراحة
حلوة رحيم احب صراحتك ، صار كلشي واضح وانتِ ربحتي
ارتاحي ست زهراء واستقري وخلي راسج بارد .

؏ طول كلامهم ايدي ؏ عملية گوه گاعدة الوجع
دمرني ، بقيت راسي نازل الى ان طلعوا رجعت
ضهري ؏ المخاديد وذبيت شالي جنت أتمنى
ابجي بس اريد دموعي تنزل ماكو بس الخنكه
نزلت جسمي قبل لا يدخلون ومثلت النوم
دخلت رجاء بكل هدوء اجت كعدت بصفي
ونزلت باست راسي وبقت ترجع بخصلات شعري
_ زهراء اني يمج .

غمضت عيوني اكثر مالت راسها ونامت ؏ كتفي
_ ادري بيج بحالة صدمة احجي شي الله يخليج .

رفعت ايدي وصار تمسح عليهه
- زهراء اني صح اضوج شوية من الغيهب
لان تأذيتي بسببه وكرهته من عرفت جان يهددج
بـ امي ، بس المكالمة الي وصلت الج اليوم متأكدة
جذب الغيهب يحبچ احس مايرجع يغلط هيج غلط .

اكتفيت بالسكوت كملت وهي تتوسل : الله يخليج احجي شي
لا تبقين هيج ساكته ، مو هذا الي تريدي الانفصال ؟

من شافتني ما اريد احجي بقت كاعدة يم راسي
انتظرنها تمل وتروح ومن طلعت بعد ساعة
بعدني اريد اجر انفاسي رجعت بيدها فراش
فرشت واخذت ايدي ونامت : ادري بعدج كاعدة
ولان خايفة عليج من حالتج الجديدة گلبي ما ينطيني
ارجع لبيتي ابات يمج اليوم ما اريد امي تزعل لان
عفت اختي وحدها بمثل هيج يوم .

عدلت نومتها وكملت : اني تعبانة لان صدمتين بيوم واحد .

درت وجهي والوجع يزيد ماينقص عندي
غفيت او ما غفيت بس من حجم التفكير
كلشي صار مو واضح بالنسبة إليه
الثاني يوم گعدت عيوني اريد افتحهن
منتفخات وحاجبي مورم وجهي بالويل
ساعدت نفسي اريد اروح للحمام واهلي
كلهم نايمين بس مشيت عكفت نفسي من
الوجع حاولت اوصل بس بدون صوتي ماريد
اقلقهم ويايَّ كملت طريقي للحمام استند بصعوبة
اول مارفعت عيوني ؏ المرايا بقيت متعجبه وخفت
بنفس الوقت اذا اموت اطفالي منو الهم ؟

حالتي خطرة ؏ هل شكل والوجع غسلت وجهي
وطلعت أفتح بالعلاج اريد مسكنات اخذت وحده
وبقيت كاعدة بمكاني ماعرف ليش احس روحـي
باردة الى درجة اكو وجع بكلبي وجسمي بس
ماعندي طاقة .

مشت الساعة ، كعد النور اجه يمي يحاول يحجي ويايَّ
ويلطف الجو اباوع بعيونه اني اعرف ابني والضياع
والخوف الي صاير وياه واضح ، مسحت ؏ راسه
واسمع صرخت رجاء وهي بفراشها : عزززززا العزاني
هاي شصايرررر بيج ولج شفتي وجهج بالمرايا .

؏ صوتها دخل سيف جان يغسل بالمغاسل بصف الغرفة الجوة
باوع بوجهي وسع عيونه : هاي ليش هيج وجهج
يابه وينك تعال شوية .

ابوية بالمطبخ يتريك عاف كلشي واجه ؏ صوت سيف
من شافني قوس حاجبه بتعجب : اسم الله عليج بابا
شنووو صاير وياج مضروبه جلطة شنو سبب هل نفخه .

رجاء: هي حتى ما بچت حتى اگول من البجي وارم
اسم الله يابه اخاف صدك جلطة .

سيف : كومي بدليلها اخذها للمستشفى .

زهراء: لااا مستشفى شنو وجهي وارم من التعب
ارتاح واصير زينة لا تخافون روحوا للدوام .

رحيم : شگد ما احجي مايفيد ركبتي العناد بعد
رايح للدوام اي شي يصير رجاء تخابرين
عينچ عليها لاتروحين للبيت اني احجي ويه ايهاب .

وهم يحجون اني تصير عندي حالات إغماء آني كاعدة
احس الدنيا تفتر بيه ، ستندت ؏ النور ونمت وهو يلعب
بشعري ويعدل بي ابتسمت بوجهه وهمست : دير بالك ؏ اختك ماما .

رجاء: حسبي الله ونعم الوكيل ؏ الي كان السبب
وجعها وتعبها هذا وصحتها تطلع بيهم .

سيف : رجاء التزمي الصمت هل فترة دخيلچ .

هم راحوا للدوام واني الوب بمكاني للعصر
فتحت التلفون شفت رسالة من نفس الرقم
الغريب مكتوب بيها : ( مبروك الطلاق ، ومبروك علينة الزواج
ورجع حلالي سبق وبلغتچ شكد اطول علاقتكم
انتِ والغيهب بس بالأخير يرجع اليه ملكي وحدي ).

لزمت عمليتي ومن القهر والكلام بكثر صعوبته
نهضت من مكاني افتر بالغرفة اختنكت عفت
كلشي وخليت شال ؏ راسي وطلعت للكراج
الجو باررررررد رفعت راسي وبداخلي صوت
يگول : هو الخسران هو اختار هو هجم حياتنا
هو رجعنا النقطة الصفر منه من ايده منه بسببه هوووووو .

رجاء: زهراء ليش تطلعين فدوة تعالي نامي .

زهراء: المفروض ما اهتم ولا انقهر اي اني ما انقهر
عادي بعدني عايشة مو مشكلة ما متت واطفالي همَّ ربحي .

رجاء: اي زهراء انتِ بخير وجهالج عندج كلشي يتعوض .

ماجنت واعية شنو اسوي وشلون اتحرك بس
جسمي صار قطعة من الجمر رجعت نفس
حالتي الحرارة تصعد وجسمي ينحل .

من الخوف بقيت بفراشي اخاف اكوم واوگع
ساعة بعد ساعة افقد من حيلي اكثر الى
ان صار اليل وما أصعب هل ليالي بكل
نهار يطلع اتعب اكثر وحالتي تصير أسوء
الكل يترجاني اراجع دكتور بس كرهت نفسي
لان صبرت ؏ أذية شخص تالي ما تالي يرجع
لنفس المستنقعععععع .

تركت العلاج تركت اطفالي
قاطعت الاكل والشرب جنت وكآن أحاسب نفسي
لآن أمنت بناس خونة ، الى ان بيوم گعدت
جسمي بالكامل يرجف وما اگدر اسيطر ؏ نفسي
اوكف واوگع وبكل ثانية أوعى بيها عيوني تنگلب
وينغمي عليَّ عقلي حتى عقلي ما مستوعب الصار
رجاء تبدل لأبنها مقابيلي باوعت عليهه ونگلبت
عيوني حسيت تهز بجسمي : زهراء تسمعيني هااااااااجر
وينچ هاااااااجر زهراء ياباااااااااا سيف وينكم وينكممممم .

رجع صار عندي اغماء للحظات رجعت افتح بعيوني
حسيت سيف شايلني ويركض ويصيح حتى يفتحون السيارة
غمضت عيوني وعيت ؏ صوت الدكتور وممرضين اثنين
ظل يحاول يحجي ويايَّ ماكدرت رجعت انام .

مر وكت مو قليل فتحت عيوني اعصابي مو باردة وانما جامدة
بسبب المهدئات المضروبة بالمغذي ، سيف كاعد يحجي بالتلفون
رفع عيونه وشافني ضحك وسد التلفون : ولج ام الاغماء هيج
تخوفيني عليچ .

ابتسمت وهمست : هو شصار .

سيف : الصار رجاء صرخت بـ اذني من صار عندج اغماء
وحاليا اذني طرشه اريد ارجع للبيت املص راسها .

زهراء: حتى ايهاب يملص اذنك .

غمضت عيوني احس صار قريب مني
- يا حبيبتي مايهون عليَّ اشوفچ بهل حالة الصعبة .

بعدنا نحجي ودخلت اساور بكل هدوء
همست : السلام عليكم .

نزل سيف راسه ورد السلام وطلع للباشا ، هو طلع واجت بتجاهي
_ صخام كوووون اي والله شبيچ راح تخبليني .

زهراء: ادلل ميصير ادلل عليكم .

اساور : ما عايزين دلال من هل نوع
زهراء انهيار عصبي من الكتم احسن تصير عندج جلطة.

رفعت ايدي ورسمت نقطة : رجعوني بنص دوامة سودة
افتر بيها وماعرف شلون اطلع منها .

اساور : مصدومة منچ ليش الي ديصير غلط
واتفاق عليكم ليش خليتيهم يربحوووون ليشششش .

زهراء: رجعوني النقطة الصفر ، تعبت وهذا جزات تعبي .

اساور : زهراء احنا كلنا ماندري الغيهب وين صار فترة أختفى .

زهراء: بشهر العسل لاتخافين علية صديقتج الي انتهت .

أساور: شهر عسل ؟

زهراء : يا ماتدري غير رجع موج هي بنفسها خابرتني
وراسلتني وبلغتني وبوجود وموافقة ابو وكل الصار متفق علية
من زمان دافع فلوس ومشترين البيت يعني كلشي جاهز .

اساور : صدمتيني والله .

زهراء: لا تنصدمين هي هاي حقيقية ابو اطفالي .

اساور : صدمتيني بتفكيرچ ، صدمتيني صدقتي كلام موج
انتَ لليوم ما مفاهمة الموضوع من الإساس ليش تحكمين بدون دليل.

زهراء: ياااااا دليل يمعودة .

رفعت ايدها وتقدمت عليَّ
_ كافي مو وقت الكلام هسة المهم انتِ تطلعين بسلامة
هذا المهم كلشي ينكشف بمرور الوقت .

بقت يمي ساعة بين تنصحني ، وبين تريد تفهمني
وبين تخاف تحجي اكثر وتسوء حالتي أخذت صورة
قبل لا تطلع جانت لازمة ايدي وبيها المغذي وقطرات دم
باستني وطلعت وبداخلها كلام متراكم .

بقيت يومين بالمستشفى بالثالث طلعوني
ابوية دقيقة ما يتركني ، رجعت لكيت
رجاء ماكو لا هي ولا أطفالي ، هاجر
اتجنب وجودها ، اعتكفت بغرفتي
يوم والثاني نزل سيف يصفق بيده
بـ استعجال : يلة بسرعة يلة جهزت كلشي حتى الجنطة مالتچ
نطلع سفرة نتونس ذيچ الونسه بس اني واختي .

زهراء: يا سفرة هاي بهذا وضعي .

سيف : عوفيها علية ارجعچ لوك زيرووووو .

باوعت بطرف عيني سحبني من ايدي
ودخل ابوية يأكد بكلامه ويقنع بيَّ
واني منا حتى مابيَّ حيل اناقش : الطريق طويل ومابيَّ حيل والله .

سيف : ولج سيارة تاهو ولاااا تحسين بالطريق
نامي واني من نوصل اكعدچ بعددد .

اقتنعت وطلعت ملابسي بدلت واخذت بس علاجي ورحت
أخذت بالطريق مسكنات ؏ مهدئات ونمت ؏ طول الطريق
وصلني للنفدق حجز وكعدنا بالمطعم اكلت وصعدت للغرفة
سبحت وبدلت وخابر انزل ، فترينا شوارع أربيل وكل شوية
السما تمطر علينة ومستمرين نمشي ونسولف عن الشغل
وعلى حبيبته سمر وعن طفولته .

وهيج يوم بعد يوم صرت بديت اطيب من الوجع ..

.........................................
الغيهب ..

طلاق وصار ، وأوراق صارت مكشوفة ؏ التمام
مرايات المصعد كشفت ملامحي التعبانة
وحالتي الجهد والمشقة الصار بيَّ مو سهل
اكثر شئ اكرها من يتهموني اتهامات باطلة
يابه شكد فراغ صار بكلبي وشكد مجروح شكد
صدمتي بيها اسلوبها حركاتها هدتني هد .

انفتح الباب طلعت من المصعد صار مقابيلي
باب الدكتوره جريت نفس والسكرتيرة من شافتني
طلعت الحجز مالتي ودخلتني بدون أنتظار
صار اسبوع من حاجز واليوم وصلني الدور
الدكتورة تحجي بالغة التركيا اول مل دخلت عرفتني
ابتسمت وكفت صافحتني گعدت وهي سألتني
بس بلغتها التركيا : İsmini görünce şok oldum
لقد صدمتني عندما رأيت اسمك .

الغيهب: Ve şok oldum
وانا مصدوم .

كعدت بمكانها واني مقابيلها مباشرةً
نزلت راسي بين ايدي دايخ : O olmadan kayboldum
انا ضائع بدونها .

_ ? Zahraa neden burada değil
لماذا زهراء غير موجودة ؟

بديت احجي الصار ويايَّ بالتفصيل وهي مجرد تستمع
للكلام ما تنطي اي رد فعل وكانها تجمد حتى ما تشتت
راحت المريض وتقطع حبل ذكرياته ، بس خلصت
بلشت تنطي نصائح وتوضح اغلاطي
وتحلل موقف زهراء وتفكيرها شنو تريد وشنو تحتاج
دامت الجلسة اربع ساعات متواصلة مريت بـ اربع تمارين
تفريغ عصبية ، توازن بالتفكير ، سحب الطاقات السلبية

بنهاية الجلسة وقبل لا اطلع دخلتني بجلسة
مدتها ساعة انتهت بنصيحة : Sizin ve Zahraa'nın buluşup oturup pozisyonunuzu açıklamanız ve en önemlisi son derece sabırlı olmanız gerekiyor.
( أنت وزهراء بحاجة إلى الالتقاء والجلوس
وشرح موقفكما، والأهم من ذلك، التحلي بالصبر الشديد )

الغيهب: Deniyorum
احاول .

طلعت بس افكر بكلامها يتردد براسي بطريقة
متعبة وهل تمرين مو جديد علية شحن افعال
هذا التمرين يخليني اندفاعي بس اريد اتحرك
واتخلص من سبب مشاكلي حتى تنحل بـ اسرع وقت .

بقيت اربع ايام ورجعت ؏ اول طيارة للعراق
فتحت البيت صاير كله تراب مالي رجعتها للمكتب
قبل لا اسافر بيوم ، ارتاحيت من السفر ونمت
لليل گعدت فتحت تلفوني بعد ايام مبتعد عنه كليًا
دخلت انستا وادخلت من حساب وهمي ؏ حساب
زهراء الأساسي المعروف ناشرة بي صورة
موجودة بالشمال يعني مسافرة معقولة !!

اتصلت ؏ رقمها مغلق ، اتصل ؏ سيف ماكو رد ، اتصل ؏ رجاء ماكو
ايهاب ، رحيم كلهم ماكوووو جواب منهممممم ماكوووووووو
ماعندي بعد غير احاول أسأل اساور اكيد تعرف بالموضوع
اتصلت ؏ الباشا مجاوبني ، طلعت من البيت بسرعة دگيت عليهم
الباب سيارته موجودة بس محد يطل بقيت اضرب ؏ باب بقوة
الى ان طلع ومبين نايم : انتَ وين جنت هي سطل .

الغيهب: تستقبلني ؟

الباشا: فووووت مرمرتني فوت .

دخلت للاستقبال متوتر اهز برجلي وهو عصبي وزعلان
لان سافرت بدون ما ابلغ احد عفتهم بدون كلام
الغيهب: تگدر تسأل زوجتك اذا عدها علم ام النور وين .

الباشا : صار الها كذا يوم مسافرة .

الغيهب: يعني النشر مالتها صحيح مسافرة هيج واني اخر من يعلم .

الباشا : انتَ هم جنت مسافر شنو فرقها عنك
انتَ تعبان هي ماتعبت ، انتَ مقهور هي ما مقهورة
موعد طلاقكم يوم الاربعاء الفات تقصدت تسافر
عفت ابوها يعدد ويتوعد فوك راس اخوانك .

الغيهب: سافرت حتى اخذ جلسة واوازن افكاري موووو اتونس .

طلعت اساور لابسه جادر صلاة وكفت بصف الباب
جاوبت ؏ كلامي : ولا هي طلعت تتونس زهراء حالتها صعبة
ودخلت مستشفى وانت جنت مسافر سيف اضطر يسفرها .

الغيهب: اي ليششششششششش شنوووووو هوووو شصاير
اني بشنو اذنبت معقولة هيج تمشي ؏ كلامهم !!

اساور : ابو النور اكو موضوع صار اعتقد انتَ ماعندك خبر بي .

الغيهب: الي هووو شنوووو ؟

اساور : موج المحترمة وسيد الوالد المحترم
اتصلوا ؏ زهراء وبلغها راح ترجع موج وقريبًا زواجكم
وانت موافق ، ومتفق وياهم حتى تشترون البيت
وتبقي موج الزوجة الثانية بالسر وراح تتزوجون بموافقة ابوك .

الغيهب: شوكت صار هذا الحجي شنوو اني اخر من يعلم .

الباشا : بعد طلاقكم زوجتك دخلت المستشفى
ومن رحنا عرفنا بالموضوع حاولت اتواصل وياك انتَ اختفيت .

الغيهب: ابوووية ابوية متأكدين هو ابوية يسوي هيج بيَّ .

اساور : وهذا سببب الي دفع رحيم يتخبل عليك
ويتجاوزون ويتعدون عليك بنص بيتك .

الغيهب: وهي عادي تصدكهم بهل سهولة .

الباشا: الثقه اساس العلاقة ، والثقة بعلاقتكم واضح لوين وأصله .

الغيهب: اريد احجي وياهه ضروري نحجي ضروري .

اساور : باجر ترجع اعتقد وانت منا الباجر شوف طريقة تلتقي بيها .

الباشا : برأيي كلامها صحيح .

استأذنت وطلعت اليوم بطوله ما گاعد افتر مثل المكينة
هلكت ياربي هلكت اتصل عليهه ماكو ، صعدت فوك
اريد اغير ملابسي صارت غرفة الجهال گدام عيوني
مشيت فتحت الباب العابهم بالأرض كما هي
وملابس نور ؏ سرير مبدلهم بنفس اليوم الي راح
بي للمدرسة وراحت امه اخذته من المدرسة
شلت الملابس بستها تغلغل عطره بـ انفاسي
رجف كُل جسمي من القهر والاشتياق صار
هوووووايييييي ايام طويلة واني محروم منهم
اريد اطفالي النور يضحك ويايَّ والزينة تلعب بحضني
انحرمت من اطفالي بدون ذنب .

خليت راسي ؏ سرير النور وحضنت ملابسه
_ وينك بابا نور انتَ هم زعلان مني اكيد زعلان
مشتاقلك بابا والله مشتاقلك .

ضميت راسي بالمخده اريد انفجر من القهررررر
ماعرف شلون طلع النهار علية قفلت البيت وطلعت
قبل لا اسافر رحت ؏ كربلاء وهسة اريد اروح
من اگعد وضريح الأمام العباس يصير امام عيوني
واشكي همي وضعفي وقلة حيلتي اطلع قوووي
وكان ضهري مسنود ، وصلت الكربلاء وخلصت
يومي بيها ، الى ان صارت صلاة المغرب صليت
ورجعت اول ما وصلت ودخلت اندك الباب
ودخل الباشا بيده صينية العشاء كعد يسأل
ويستفسر عن حالي ، وسفرتي ، وين جنت
وبدوري جاوبت بـ اختصار ورفعت راسي
بدون تردد سألت : اكو اخبار جديدة .

_ ام النور رجعت الصبح .

الغيهب: تگدر زوجتك تتصل عليها اني مسويه الرقمي بلوك .

_ تعال اكل واني أتصل ؏ اساور تتواصل وياها واذا تحصلها
تحجون وتتفاهمون .

كعدت وياه اكل بدون نفس هو من كمل غسل واتصل ؏
اساور ، ساعة ورجع الصينية من دخل جانت اساور
وراه تمشي اعصابي تلفت من انطتني التلفون
وبلغتني : زهراء ؏ خط وسويت كتم للصوت رجاءً اضبط اعصابك
وحاول تقنعها تلتقون وتتفاهمون الخاطر اطفالكم تشنج فكي بگد
ما احجي واقنع بيها تتواصل وياك .

اخذت التلفون والباشا اخذها من ايدها وطلع هو وياهه بالكراج
بعدني اباوع عليهم ودخل امير وهشام واخر واحد دخل جلال
الباشا مايحب جلال وجلال يعرف بالموضوع من شافهم موجودين طلع
جلال للباب ينتظرهم يطلعون .

فتحت الكتم وغمضت عيوني جريت نفس
وبتعب همست : راضيه ؏ حالتنا .

زهراء: گدامك دقيقتين گول شنو عندك اريد اروح مشغولة .

الغيهب: زهررررررررررراء .

زهراء: اذا صوتك يرتفع عليَّ مرة الثانية الخط ينسد بوجهك .

الغيهب: مثل ما سديتي كلشي بوجهي شنو الجديد .

زهراء: بعد ماكو جديد انتهت مراحل ألعبه .

الغيهب: لعبة !! يعني كلام ابوج صحيح الشغلة صارت بيها انتقام .

زهراء: هههههههههه اي مو اني جنت ادري بيك تريد تهجم
حياتنا ورايح متفق انتَ وامثالك موج ؏ زواج
وقررت واريد انتقم ، كالعادة لا جديد جنت يا غافلين الكم الله .

الغيهب: أنتِ مقتنعه بكلامج والله صدك اسأل مقتنعه ؟

زهراء: الزبدة اختصر .

الغيهب: اريد اشوفج ونلتقي باجر اليوم براحتج .

زهراء: راحتي بعيد عنك ، وكرامتي اعز منك ، وروحي اغلى منك
وصحتي اهم منك ، المهم عندي هسة اوكف ؏ رجلي وألتفت الاطفالي .

الغيهب: اطفالج ؟ اطفالج بس انتِ ، اطفالنا واني الي حق بيهم
اريد اشوفهم ما اسمح الكم تحرموني منهممم هذولي گلبي .

زهراء: وتاخذهم ونبلش مود الآكشن تاخذهم وتخليني افتر وراك
ادور عليهم واتلوع تلووووع .

الغيهب: لا تخافين ما اخليچ تعيشين إحساسي
لان اني عكسچ وانتِ تعرفيني ما أذي شخص عزيز عليه
بالخصوص انتِ واطفالي .

زهراء: الله ؏ حنانك ، بس مع الأسف ماعندي ذرة ثقة
بيك ولا اضمن انفصام قراراتك مو بعيده تاخذهم وتسافر
انتَ وزوجتك واني ما اريد اطفالي يتربون تربية زوجتك الرخيصة.

الغيهب: منوووووو زوجتي تخبلتي وتريدين تخبليني والله
ما مزوج والله ماعندي شي وياهه ولا ويه غيررررهااا
ليشششش تغبين نفسچ لج حقيرة .

سدت المكالمة بوجهي بدون سابق انذار ارجع اتصل عليها
وهي ولا عبالك واخر شي غلقت المكالمة خليت التلفون
؏ تخم وبقيت افتر افكار ، وسواس ، قهر ، تعب
ضغط ضعط الى ان انفجرت بهل لحظة كُل ذرة تماسك
اختفت صرت ما اشوف مقابيلي افلش واصيح بعالي صوتي
_ تذليني ماااااااا عااااااش هذولي اطفالي ما تلون ايدي بيهمممم
تاخذين كلامي بـ استهزاء اخخخخخخ بسسسسس اخخخخخخخ
ربي بعد ما اتحمل .

صرت اضرب بالبيبان بجام الشبابيك
انهاريت بطريقة بشعة صرت امشي
واصرخ واكسر كلشي يصير گدامي
ما حسيت غير وگعد ؏ تخم واخواني
والباشا يثبتون بيدي ورجلي يريدون اوكف
ذب امير ماء ؏ وجهي صرت اجر النفس
واضرب بالتخم : يلعب عليَّ ابوووووية هيج يلعبون عليَّ صدك !!
وهي تلزمها مستمسح بدون ماتكلف نفسهاااا وتتأكد من اموتهمممم
احد يلووووومني احد يعتب عليَّ شلون تعبووووني هذولي ربي .

هشام: لككككك هدي هدددددي غيهب بس اسمعني
يمك اني واخوانك محد يذل بيك والله بس كاااافيييييي .

الغيهب: تعبتوووووني ولكممممم تعبتوووووني .
فلتت ايدي منهم وهم يضغطون بكل قوتهم
وكلهم لازمين ايدي بقيت احرك بجسمي واصيح
_ عوفوني خرررررب بيكم ولكممممم عوووووفوني
اريد ابررررد گلبي اليووووم لو اني لو همَّ
انعل ***** كُل واحد يلعب علية والله اشتغلهم بالقانون والله .

امير : بس نتفاهم ؏ كيف يمعووود كلبك ولك كلبك يوووكف
صاحب اطفال تيتمهم بطفولتهممممم .

الغيهب: اطفالي وينهممم اطفالي تكول ما انطيهمممممممممم
تحرررررمني منهممممممم تأذيني بيهممممم لوعوووني
تعبووووني اني ماسوووويت شي ولكممممم اكلها ما سوووويت شي .

جلال : هشام هشششششام سوي شي فررررفح ولكم راح يروح من ايدنا .

الباشا : والله اذا تحاول تسيطر ؏ اعصابك باجر
الساعة بـ 8 اطفالك يمك كلمة من زلمة اخذها
وخلاف هل كلام ازين شاربي بعد بس هدي وتنفس كلبك موزين
موووو راح تتخربط لكككككك حيوووووووان .

غسل هشام وجهي بقيت اباوع ؏ باشا
وهو يحلف باجر اطفالي يمي : احاول انخمدددد راح اشرب
مهدئات رجعني ابووووكم للأيام السووووودة ارجع اشرب بهل
موووت الأحمر حتى اناااام بس حتى تغمض عيوني
وانتوا بس باجر اريد اشوف اطفالي بعدهااا اتبرى منكم
ومن كُل واحد يعترض ؏ الي راح يصيرررررر بـ ابوكم وعمتكم وبتها .

هشام : عوف ابوية اني اتصرف وياه.

الغيهب : لاااااا والله .

امير : شسوي يعني هووو ملعوب بعقله
قابل تأذي ابونا .

الغيهب: بس الله يستررررررهم مني .

هشام : احنا وياك وندري ابوية غلط بس مانقبل تغلط بحقه .

الغيهب: وحياتي هاااا وحياتي الي نهجمت بسبب ابووووكم الزين
بس انتوا ما انوقع منكم الأحسن حالكم من حاله من هسة اتبرى
منكممم وكلكمممم تطلعووون برا كلكممممم .

هشام: صدك صاير ماتستحي تطرد اخوانك انتَ صدك تحجي !!

الغيهب: ماعندي ثقة بيكم ابددددد والله انوقع منكم
مصايب اكبر من مصايب ابوكم .

جلال : هشام عصبي والله عصبي لا تاخذ بكلامة .

الغيهب: انتَ اول واحد تطلع برا يلة گدامي .

هشام عاف البيت وطلع وامير يفر براسه
متعجب بنفس الوقت يعرفني مرات افقد
ويطلع مني كلام اني غير مدرك عقوباته
بس هو كلام يعبر عن غضبي بوقتها .

جلال لإخر لحظة باقي ينتظرني استقر وارتاح
من شافني متضايق من وجوده امني عند الباشا
وراح ، اخذت حبوب اثنين وبقيت اسكن
مرت ساعة صرت اغفي عافني الباشا واخد
التلفون وراح قفلت البوب وصعدت الغرفتي
فتحت المجر من الميز اريد اخلي الحبوب
بي حتى ماتضيع وصارت ورقة البصمات
گدام عيوني فتحتها صرت مثل الفاقد عقله اتلمس
بـ بصمات اصابعهم شعوري دمرني يعني معقولة
هيج تسووووين بيَّ تعوفين امووووت ؏ بطيئ
هيج اهووون عندچ بهل سهولة تعوفين كلشي
وراج وترووووحين ، هيج اهووون عليج
تعيشين وتضحين وتعوفيني اني والذكريات
ما تنقهرين عليَّ مو تعرفين اتعب بدونچ
عاااادي عنددددج اهلككك بهل بيت وحدي
بلاوعي وبكل ضعف گعدت بالارض مستند
؏ ميز بيدي جداحه شغلت الورقة وعفتها تحترك
مثل ما حركت گلبي احتركت الوقة مقابيل عيوني
وصارت رماد بس رماد اسود مثل كلبها .

عفتها بالأرض وخليت راسي ؏ مخدة تعبان منتهي حيلي
الثاني يوم گعدت لگيت البيت عبارة عن خراب
بكل مكان گزاز واغراض مكسورة گعدت ؏
تخم اذا يجون اطفالي شلون يبقون هنااا بهل
حالة المزرية ، اتصلت ؏ مكتب دزولي بنية
تنظف ، بين ما سبحت وعدلت نفسي
نزلت باوعت ؏ ساعة صارت بـ6
رن تلفوني تعجبت من اسم المتصل
فتحت خط وبصوت واضح تكلمت : الو ..

_ السلام عليكم استاذ غيهب اني ام سما
داخله ؏ الله وعليك تنقذ بنتي من هل وحش .

الغيهب: شصايرر ..

_ بنتي بالسجن صار يومين ماعرف شي عنهاا
بداعت اطفالك ساعدني ماعندي احد والله .

الغيهب: يا مركز انتوا ؟

انطتني العنوان عفت كلشي وطلعت للمركز
دخلوني وطالبت اشوف موكلتي ومن بعد حوار
واخذ وعطاء دخل تيم قبل سما : والله عرفتك اول ما بلغوني
الشباب اكو محامي طالب يشوفها .

الغيهب: عادي عندك عرضك نايم بالسجن .

تيم : لا تدخل واطلع بيها لااا تصير مو زينة وياك
هو اني منا متحمل عليك واريد اشرب دمك .

الغيهب: جرب ..

رجعت احجي اني والضباط الى ان اجت سما
وضعها بالويل عيونها منتفخة تعبانة
من شافتني بقت تتوسل بس طلعوني
_ والله تطلعين اكعدي وهسة نتفاهم .

الغيهب: عرفت من ابوك تنازل وطلعها
انتَ راجع ورافع عليهه دعوة صحيح .

هز راسه وابتسم : شنو غايتك .

تيم : تفاهمت وياهه ، يا اما هذا السجن يا اما تختارني وتعيش ويايَّ .

سما : اختار السجن .

الغيهب: يا ضباط ياااا محترمين راضين ؏ كلام الأستاذ ؟

_ قضيته وهو مسؤول عنها هي رمت عليَّ .

الغيهب: وهو هجمممم عليهم والصار دفاعًا عن النفس يا رجال القانون
شنوووو صرتوا ماتعرفون بالقانون ؟

_ احتررررم نفسك وصوتك نصي .

الغيهب : وووووووووانت احتررررررام الررررتبة لا اخليهم
يشيلووووهاااا منك لاااان ما تستاهلها .

_ محترمين القانون وكلشي قانوني .

الغيهب: لاااا ماكو شي قانوني ، هو دافع حتى توقفون
قضيتها وما تمشي للقاضي حتى هو ياخذ غايته
ويخليها تنجبر ترجع ، وانتوا تمشون ويه الباطل عادي
وتراكين بنية صفيرة لا حول ولا قوة بالسجن بلا ذنب
كُل الصار هو تهجم وهي دافعت عن نفسها وهااااا
ازيدكم من الشعر بيت ، هووو موقع تعهد بعدم التعرض الها
وهووو خالف التعهد اطالب بالقاء القبض عليَّ فووووورررراً
حالنا لاااا وحق من انزل القران ازلزل المركز ؏ راسكم .

وسع تيم عيونه من شاف الضباط صاروا ويايَّ
بعد ما شوفتهم ورقة التعهد : استاذ تيم شنو هذا ؟؟

تيم : انتَ وتالي ويااااااك .

الغيهب: اشتغلك قانونيًا ، وهسة صار دوري أتفاوض
وياك اذا تتنزل عن القضية مال سماا هي تتنازل عنك
وتصيرون وحدة بوحده هي تطلع وانت تطلع سد بسد شنو رأيك ؟

تيم : الله لا يوفقك .

الغيهب: من الأخير جاوبني بسررررعة .

تيم : مااااااشي موافق .

الغيهب: شطور بطل بطل .

كملت الإجراءات وللساعة بالتسعة طلعت وسما ويايَّ راسي مصدع
وهذا تيم يمشي ورانا ويهدد ، من الباب امها نهارت من شافتها
وبقت تتشر مني وتدعيلي ركبتهم تكسي حتى يرجعون
واني رجعت للبيت ذبيت جنطتي والسترة والباشا اتصل : وينك ابو النور ؟

_ هسة رجعت للبيت صاير شي ؟

_ جهالك يمي صار ساعة بيتي تعال شوفهم .

هو حجه هيج لو احس روحـي طلعت وراحت الهم
قبلي ، لكيت الباب مفتوح والنور واكف ركض
عبر الشارع وصار بحضني لميته بكل قوتي
صرت ابوس بي واشم عطره اريد اروي
اشتياقي منهم بس صعبة ، طلعت زينة تمشي
وترفع بيدها رحت عليها اخذتها بحضني
افيششششش يا بوية ردت روحـي : شلونكممم بابا .

النور : ليش عفتني صار هواي ها ليش .

الغيهب: جنت مسافر بابا .

النور : لا تكذب عليَّ بابا اني مو زعطوط
امي كالت بعد مانرجع سوية صحيح .

الباشا : نور بابا تعبان امشي يلة نكمل
لعبتنا ونسولف جوة .

الغيهب: لاا لاا اخذهم للبيت اريد اشوفهم زين .

الباشا : غيهب بيتكم صاير ساحة حرب .

الغيهب: لا تنظف اجرت وحدة من المكتب .

اخذتهم ورحت كعدت العب وياهم ونسولف
؏ دراسته وعلى ايامه بيت جده وضع امه
الى ان نام همَّ متعودين ؏ روتين ينامون من وقت
الثاني يوم طلعت اني وياهم المطعم اكلنا سوية
بس كملنا شلت زينة والنور يمشي ويسولف
؏ جماعته : بابا احتج كم شغله للمدرسة .

الغيهب: يعني قرطاسية لو ملابس .

اشر بيده منا ومنا وهو يگول : هيج وهيج .

دخلنا المول هو متعود يختار ملابسه ؏ ذوقه
حتى من يكبر يعرف ياخذ قراراته بنفسه
وشخصيته تصير قوية وفعلًا نور يوم بعد يوم
يصير طلق السان بس بـ احترام وحدود
شخصيته رزن قوي مايخاف من شي ابد
امشي وياه وبداخلي قهر الكون يعني
راح تجي ساعة وارجع افاركهمممم
والله ما انحمل هل عذاب والله .

اخذت زينة محل ملاعيب تشتري كملنا كُل اغراضنا
ولليل رجعنا بعدنا نتعشى واندك الباب راح مور فتحه
ودخل هو والباشا گعد يلعب وياهم ويلطف الجو
تلى ان صار قريب مني بلغني : البارحة تعبت الى ان قنعت ام النور
واهلها آخذ الأطفال واخذوا مني كلمة الساعة بـ8 اليوم يرجعون
لازم اخذهم غيهب اعذرني .

الغيهب: اطفالي هذولي شلون وحدهم يقررون شوكت اشوفهم
وشوكت انحرم منهممم هي هاي حالة برأيك بعدني ما شابع منهم .

الباشا : ميخالف كم يوم وارجع اني بنفسي اروح اجيبهم الك .

الغيهب: الى متى .

نزل راسه واني ماريد اكسر كلمته عدهم اضطريت
التفت واحجي النور : بابا جهزوا نفسكم راح ياخذكم
عمو الماما تريدكم .

نظرات نور بلحظتها كسروني فوك كسرتي بـ إضعاف
يباوع بضياع وعيونه تلالي بالدموع بس يمثل هو
ما مهتم طلع للكراج وحده يلبس بالحذاء وكف
بصف الباب يباوع علينة لبست الزينة حذائها
وبوستها شالها الباشا يريد يطلع صحت : نور ماتريد تبوسني
ما تسلم عليَّ ؟

هز راسه بـ لا مايريد يبوسني عافني وطلع
_ ميخالف غيهب بعده صغير ما متقبل الوضع .

بقيت اباوع عليهم بالباب الى ان اختفت السيارة
دخلت للبيت ياكل بيَّ العابهم نزلوها من الغرفة
للاستقبال جهالي هذا بيتهمممم ليش يطلعون منه
خليت ايدي ؏ راسي وبس اباوع ؏ العاب
خمس دقايق ورجع الباب يندگ رحت بسرعة
الباشا: اركض هذا النور يبجي خطيه .

رحت للسيارة اول ما شافني حضني
_ اسف بابا ما بستك اني أحبك بس اريد ابقى يمك
ليش عفت ماما رجعنا هناااا ماريد اروح المكان
بقيني يمك .

الغيهب: والله يا بابا الموضوع اكبر من هيج
بس وعد نرجع اني ما اعوفكم بس من اموت اعوفكم
ما دام اتنفس اظل احاول الى ان ترجعون يمي بحضني .

جاوبني وهو يشهگ وجهه صار احمر دم مختنك
النور : اني اخابر ماما اكول الها ما اريد اجي هي
خليها هي تجي حباب بقيني هناا ..

الباشا : حسبي الله ونعم الوكيل عليهم .

الغيهب: نور اسمعني اريدك زلمة دير بالك ؏ زينة
وعلى ماما والله والقران ارجعكم بعد الخاطري
حبيبي بابا نور الخاطري لا تبجي والله نرجع .

بقيت بالساعة احجي واقنع بي ورحيم يتصل ؏
الباشا اضطر ياخذهم والنور بعده يبجي
انهاريت اكثر وتعبت اكثر ، ضعت ايام
واني منعزل بالبيت احس بالعجز الأول
مرة بحياتي احس بهل عجز عشت ؏ مهدئات
ضيعت ليلي ونهاري ، ايامي تروح وتمرر
واني ؏ وضعي الى ان طگت روحـي وقررت
انفذ البالي بأسرع وقت .

بقيت اراقب دوام زهراء شلون تروح وشلون ترجع
اشوفها من بعيد بعدها بنفس شكلها الحلو وشخصيتها
القوية تمشي بـ اتزان وثقة ، تركب وحدها سيارتها
وترجع ، يوم بعد يوم بعد يوم بنفس الساعة تطلع
جهزت كلشي المكان ، الكلام ، الدلائل باقي التنفيذ
بيوم خميس طلعت متأخر لبست تراك اسود
وقررت ارجع الأيام المغامرات غطيت وجهي
واخذت سيارة الحارس بالمحكمة قديمة
غطيت الرقم حتى اذا اكو كاميرات
وبس صعدت سيارتها حركت سيارتي وراها
بـكل سرعتي دخلت بالفرع تريد تختصر الطريق
وفريت السيارة من الفرع الثاني صرت مقابيل سيارتها
وكفت مصدومة عبالها رادت تسوي حادث عدلت سيارة
الحارس عفتها بالشارع ركنتها ؏ صفحة وعي تريد تطلع
نزلت توجهت الها تريد تحرك جمدت من الخوف عبالها عصابة
مستهدفيها فتحت الباب من صفحتها وطلعت المسدس
_ اعبري مناك اريد اسوق يلة .

زهراء: غيهب ؟

الغيهب: غيهبچ الي تموتين ؏ ربه رجع ..

يتبع ...

البَـاقيـات الصـالحـات🖤:-..

‏- سُبحـان الله .
‏- الحَمـد لله .
‏- لا إلـه إلا الله .
‏- الله أڪبـر .
‏- أستغفِـرُ الله .
‏- لا حَـول و لا قـوة إلا بالله .
‏- سُبحـان الله و بِحمـده .
‏- سُبحـان الله العَظيـم .
‏- اللهُـمَ صَل عَـلى مُحمـد وآلِ محمد