ظلمات الغيهب الفصل الثاني وستون 62 - بقلم اساور حسين

<ظلمات الغيهب >
حلقة _ 9 _ الجزء الثاني ..
بقلمي : اساور حسين .

مامش شوگ جاسك ؟
گلبي ما شفته !
انه الأدري بي كِلش حنين أنتَ

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
......................><><><><><.....................
الغيهب..

اني المشتكي وهي المتهمة
موج عدي عامر متهمة بقضية الإدعاء الكاذب بحقي
وفبركة صورة اليه تدعي بيها اني زوجهه ، بدافع التخريب
الأسري رقمها موجود الصورة موجودة والمكالمات مسحوبة
ومسجلة بالكامل عندك .

موج : لاا لا غيهب لاااا ...

رفعت اصبعي ؏ شفايفي وصحت بيها : اشششش ولا صوت
اسمع اششش تحملي نتيجة اغلاطچ .

موج : اغلاطي يا اغلاط غيهب الله يخليك طلعني منا اموت والله
انتحر اذا ادخل سجن مسويت شي اني مسويت .

الغيهب: زنا زنيتي ، خيانات بتبذير ، هجمان بيت هجمتي
بيوت ، خطط شيطانية شاطرة ادرسيها ، غسلتي عقل ابوية
وهاي النتيجة كدامچ بعد شنو تسوين اكثر فهميني لج فهميني .

ركعت مقابيلي بنفس الثانية سحبت ايدي تبوس بيها
_ تريد اسافر والله ارجع أسافر بس طلعني اخاف هنا الله يخليك .

دفعتها وابتعدت استلموها اخذت ورقة قرار امر القاضي
بـ اعتقالهه صار كم يوم اخابر واستفسر واقدم ادله
وصديقي يمشي بيهن من يمهم بحيث اول ما وصلت كلشي كامل مكمل
بس سلمتها بيدي الهم ، صاح بيها الضابط وهي احلف عليها
تمثل الخوف وين اكو ***** تخاف ، دخلت ضابطه فتشتها
طلعت مبايلها ونزعتها الذهب مالتها وجنطتها استلمتهن
وطلعت وهي دخلوها تأكدت دخلت وخلصت منها وطلعت
لكيت رحيم وسيف ينتظرون شافوا الجنطة بيدي مالتها
استغرف رحيم وسألني : وينها بنت عمتك ؟

بقيت اشرح اله الصار واني امشي وهوه متعجب
ما مصدگ كلامي رجعتهم ويايَّ عبالهم للبيت
بس اني غليلي وناري ولوعت اطفالي ماطفت
وكفت مقابيل بابهم دكيت الباب طلع ابوية يركض
واخته وراه رفعت الجنطة وتكلمت واني اضحك
_ استلم جنطتها بنت اختك الغالية ؏ كلبك ماتحتاجها بعد هههههههه ..

ابو الغيهب: وين البنية شسووووويتوا بيهااااا ؟

ام موج : دخيلك ماعندي غيرها وين بنيتي فدوة اروحلك
جاوبني وين البنية مريضة واخوك جنزها بالضرب .

شمرت جنطتها بالكراج لان مايقبل ياخذها
وبكل برود وبكامل الشماته رديت : ما ادري وينها دوروها
بالمستشفيات ، بثلاجة الموتى ، بالدرابين ، بالساحات الفارغة
بالمراكز ، وره الجبال ، بالأنهار ما ادري بعد انتوا وشطارتكم
اطلعوا ودوروها وتعبوا وتبهذلوا مثل ما بهذلتوني اني وعائلتي .

انطيتهم ضهري ومشيت وابوية تخبل
يضرب ؏ سيارة بكل قوته ويصيح
بعلووو صوته : لااااا تروح ولكككككككك غيهب لااااا تروح
تعال حاجيني غيهبببببببب .

رجعت السيارة لان صار مقابيلي وفريتها وطلعت
منهم بكل سرعتي رفعت عيوني اباوع ؏ ابوية
بالمرايا گلبي حسيته بهل لحظة راح يوكف من
القهر دمر نفسه ودمرنا ويااااا ليششششش
منوو يستاهل منوووووو !!!

رحيم: غيهب أرجع اذا تريد مهما يكن هذا والدك
وادري بيك شگد تحبه وتعزه ومايهون عليك تشوفه بهل حال .

الغيهب: مايهون عندي منتهين منها بس اني شلون هنت علية
يعذبني عمي طز بيَّ اولي شلون هان علية ينهي امان النور والزينة
اطفالي بالويل بسببه باعني الخاطر ناس ماتسوى
ربع والله ربع هواي عليهم .

سكتت بس ماتحملت اسوق وگفت السيارة
ونزلت : سيف أنزل سوق اريد ارتاح عيوني توجعني .

صعد هو يسوق واني صعدت ليوره رجعت راسي
ورفعته غمضت عيوني والأفكار حاربتني تعبتني هلكتني
ماعرف شلون وصلنا بأعجوبة نزلنا بكراج الشقة
شغلت جكارة وهمست : رحيم اصعد قبلي انتَ وسيف
شوية واجي وراكم بس اكمل الجگاره .

هز راسه وعرفني مخنوك عافني وراح هو وسيف
خلصت الجكارة والثانية وبعدني اريد انفجررر
مخنوك النفس بصعوبة اتقبله ، ضايج من الحياة
بكبرها وكاره كلشي ، صعدت بالمصعد استندت
؏ حديدة بگد ما جسديًا ونفسيًا هلكان هلاك
وصلت للشقة شوية من الباب مفتوح سمعت
صوت رحيم ؏ اخير يگول : انتبهي ترا ابو اطفالج صحته بالنازل
موزين وضعه ابد معاجبني ، احتوي بنتي لا تبقين مكبره الراس
سمعتي اتهامات وهو ثبت العكس تفاهموا اثنينكم
بهدوء وين ماتوصلين اني وياج شنو تحبين وشنو تريدين اساعدج بي .

افتهمت من كلامه هو بلغها بالصار بالمضبوط تحمحمت
وفتحت الباب هو واكف يريدون يطلعون : ها اجيت احنا
نرفع الزحمة ونروح وباجر نتفاهم كلنا بس بالبداية انتوا
حلوها بيناتكم .

الغيهب: هاي هي ان شاء الله اخذ راحتك انتَ وسيف تعبتكم ويايَّ .

سيف : لا شسالفة تعبكم هو تعبنا وفرحكم هو فرحنا .

رحيم : من الأخير اني ابتليت بيك .

الغيهب: ماكو غيري مبتلي والعباس .

><><><><><><><><><><><
زهراء..

همَّ يحجون وهو واگف قابض ايده وعلى أعصابه يتجاوب وياهم
حسيت بالخوف بلحظتها شسوي وشلون اتصرف بعد ما طلع
كُل كلامه صحيح ، شگد يحجي ويحاول بس اني عاندت
قفل الباب وراهم وتعداني بدون كلام ودخل للحمام بدون
مايطلب علگت المنشفة والملابس ورجعت للغرفة بقيت
اباوع على النور والزينة نايمين على سرير واحد بصف الثاني .

باوعت ؏ ساعة بـ 2 بليل ، بقيت الباب شوية مفتوح
طلع وعبالي يجي يشوفهم بس تعجبت كل الاضائة طفاها
وراح ؏ تخم لا مخدة ولا غطوة والصالة باردة ثلج وشعره مبلل
اخذت مخده والغطوة وطلعت بكل هدوء شغلت اضائة الحمام
حتى اشوف دربي شوية ومشيت بتجاهه همست بصوت
مرتعش خائف قلق : غيهب خلي المخدة جوة راسك
هنا باردة تعال للغرفة بيها تدفئه.

بدون ما يباوع حتى سحب المخدة مني وخلاها جوة راسه ودار وجهه
مني غمضت عيوني ما انحمل اشوفه هيج نزلت دموعي من غطيته
ورجعت ماعرف شسوي وشلون أتصرف بقيت افتر بالغرفة
عين ؏ باب وعين ؏ اطفالي وما وگعت من الساني وما بطلت من
ذكر حسبي الله ونعم الوكيل شصار بحالنا بسببهم .

ما گدرت انام ولا تغفى عيوني وتأنيب الضمير
موتني الف موته بالثانية عدلت شعري لان من القلق
هلسته تهلس ورحت عنده بعده ؏ نفس نومته بس ادري بي ما نايم
گعدت بالارض قريب من راسه وسحبت ايده بستها: حبيبي اسفة ..

ماكو رد منه ابد واشوف بس ضهره : حبيبي اني تسرعت ادري
بنفسي غلطانة بس لان أحبك واغار عليك عيوني تنعمي والله
من اغار بعد ما اشوف گدامي .

مسحت عيوني بس اريد اشوف گدامي ، شهگت بقهر
وكملت : حبيبي ادري بداخلك تگول مو غيره جنتي تريدين حجه
يمكن صح والله ماعندي قوه آني ضعيفة اذا المشكلة تمسنا.

تمسكت بـ أيده خليت راسي عليهه واشهگ
_ غيهب مو لازم نحجي اهون عليك تنزل دموعي وتتجاهل وجودي
اني اسفة غلطت بحقك بس بنفس الوقت حقي مو غيهب .

بقيت ساكته بعدها بس صوت انفاسي والبچي وانفاسه
مسموعات كلها دقايق وتحرك خفت بس ثبتت بمكاني
ما جنت اعرف شلون راح تكون رد فعله نزلت
راسي اول ما گعد وباوع بعيوني ، تلمس ايدي وسحبني
بخفه من خصري گعدني بمكانه ؏ تخم وهو گعد بمكاني ؏ ارض
جانت الارضية بدون فراش باردة الى درجة برودتها تتغلغل بالعظم
تلمس خدي وهو يمسح دموعي يهمس بصوت خافت
_ باردة عليچ الأرض انتِ مكانچ فوك ما اقبل تنزلين
لا تعتذرين ولا تعبين نفسچ ما اريد تبررين اليه بس اطلب
منچ طلبين بس طلبين زهرء ..

زدت بالبچي من شفت تعامله ويايَّ زاد تعبي علية
زهراء: أني جاهزة شنو تريد وشنو تأمر .

مال راسه وضغط ؏ ايدي باسها ورفع ايده
؏ وجهي يتلمس ملامحي رفع راسي يريدني
اباوع بعيونه ركزت بي وهوه يهمس بترجي : رجعي حبيني مثل قبل .

هزيت راسي بقوة وصرت اشهگ بصوت عالي
ودموعي توگع بقوة ثبت وجهي حيل صحت
بصوت هلكان : لااااا تگول هيج غيهب لا تحسسني بهذا الإحساس
قسيت عليك وبزيادة بس ما كرهتك بعمري ما كرهتك
انتَ روحـي من الدنيا .

ضغط ؏ فكي وهو يثبتني : مو مثل قبل زهراء ماتحبيني مثل قبل
اريد زهراء القديمة إلي تبرر كُل افعالي الي اذا تشوفني متأذي
تتعب اكثر مني زهراء اريدچ لچ والله اريدها القديمة وينها .

خلصت الأحرف والكلمات بعد ماتجمع براسي
مسح وجهه بقوة ونهض من مكانه صار يبتعد مني
يروح ويرجع الى ان تعب گعد بصفي وكمل : انتِ حبيتيني
هذا شي متفقين علية واني حبيتچ وانتِ تعرفيني من اگول
حبيتچ يعني مو حب عابر ولا كلمة وانطقها لا احبج بكل
احساسي ومشاعري تدرين لو تطلبين روحـي فلا أعزها عليچ .

زهراء: واني مثلك .

وقفني ؏ الكلام رفع إصبعه ؏ شفايفي وهو
كمل كلامه : تدرين لو كلها تتبرا مني محد يهمني غيركم
انتِ واطفالي ، انتِ بسنة من السنوات تعبتي وتنازلتي
وتغاضيتي سامحتيني هووايي كلشش هواي الى ان رجعت ؏ طبيعتي
وايدج بيدي استقرينا وأسسنا عائلة كل هل مواقف بين عيوني .

گعد بصفي وهمس : انتِ اليوم مو نفسها زهراء الصغيرة الخايفة
كلشي تغير بيچ اليوم شهادتچ اسلاحچ بيدج ماتحتاجيني ولا تحتاجين
أكبر رأس يساعدچ وشغلچ يرفع الراس وتگدرين تعتمدين ؏ نفسج
وادري هاي الأفكار كلها براسج لهذا بالنسبة الچ وجودي مو مهم ..

زهراء: ليشششش تحجي هيج غيهب انتَ بكلامك هذا
تظلمني بعمري مفكرت هيج اني احتاجك واطفالك يحتاجون وجودك
بحياتهم ، اني مو بغنى عنك ابد انتَ قوتي انتَ كُل قوتي والقران
انتَ صح سندتني وتخليني احقق احلامي ودائمًا تحسسني
اني براحتي كلشي اسوي واني المسؤوله عن كلشي بس ادري
بيك انتَ بضهري حمايتي انت غيهب .

الغيهب: خليني اكمل ، كلامي حقيقة مو مجرد كلام
انتِ اليوم قوية واني فرحان الچ ، اطلب منچ طلبين اثنين بس
لا غير وقبلها جاوبيني ؏ سؤالي لا اجبرچ ولا اهددچ بكامل
حريتچ اختاري وقرري تريديني انتِ تريدين ترجعين ؏ ذمتي
قبل لا نرجع نعقد تحبيني ؟ اذا تريدين تبتعدين أنتِ حره .

زهراء: وداعت اطفالي أحبك وروح ماما أحبك واريدك
وماعندي شي وياك بس الصار صدمني و...

الغيهب: كافي المهم تحبيني مايهمني شصار بالفترة الفاتت
المهم عندي هسة انتِ يمي وتحبيني واكو امل ترجعين بحضني.

شغل جكارة ورفع شعره وكمل كلامه : اطلب منچ قبل لا تخطين
اي خطوة وتقررين ننفصل لو تتركيني وتروحين اكعدي مقابيل
النور والزينة فكري بيهم زين واسألي نفسچ هل سؤال اذا يتربون
بعيد عن ابوهم يرتاحون هو اعتيادي يعيشون موضوع منتهين منه
بس المهم يعيشون طبيعي وانتِ عايشة هل شعور مجربته
راح تجاوبين نفسچ بالمضبوط الجواب الصحيح ..

وطلبي الثاني بسيط لا تسمعين اي كلام عني من شخص
لا تثقين بأي شخص غيري كلهم يحبون نفسهم ومصالحهم
محد تعب وعاش العذاب بالأيام الفاتت غيرنا اني وياج واطفالنا
بس اسمعيني من تصير مشكلة اسمعيني اذا ضايجة مني هواي
لا دخلين احد بيناتنا اني اطلع من البيت وانتِ ابقي لا تطلعين
كم يوم تهدأ أعصابنا ونتفاهم بدونهم وبدون تجاوزهم .

زهراء: أسفة تأذيت ونضربت بسببي ..

الغيهب: ما يفيدني الاعتذار مثل ما اني استفاد من اغلاطي
وبعد كُل مشكلة اتغير ، انتِ اخذي مشاكلنا درس
حصلت شتم وضرب من ناس لو ما انتِ بعيوني والله اشوفهم
النبي عربي بس الخاطر عيونچ متحمل .

زهراء: ادري بيك والله .

الغيهب: شلون تصدگيهم اني اخونچ زهراء ويه منو موج !!!

زهراء: ما اعرف شصار العقلي بوقتها والله .

الغيهب: مايحتاج اشرح الچ ؏ مكان شغلي عبارة عن نسوان
محاميات ، مطلقات ، ارامل ، شخصيات واشكال الوان اشكال
باليوم اشوف الحلوات والي جمالهم بتبذير الرخيصة والثقيلة
والخفيفة ووووو اشكال شنو صعبة اسوي علاقات وياهن واطلع
واطب وحتى اسافر انتِ شعرفچ اكلچ عندي شغل والعب براحتي ..

هو حجه هيچ واني حس الغيرة اشتغل براسي ردت اصفگه براشدي
بس لزمت نفسي خنزرت عيوني ورفعت حاجبي واني امسح
بعيوني بإثنين اديناتي امسح الدموع : شنوو ؟؟؟

رد بابتسامة لعوبه ونظرات شريرة
- بس اني اكتفيت بيچ بعد من ذاتي
ومن داخلي ومن كُل عقلي اكتفيت بيچ وما اريد غيرچ
لج بابا اني اخذچ بالوريد والعباس ابو فاضل استنشقچ خبالو ..

خجلت من كلامه بقيت احوس اريد اروح منه
اقترب اكثر تلمس شفايفي وهمس : بحظچ وبختچ حارمتني
من هل شفايف هسة اريد ابوسها حرام يگولون حرام .

زهراء: عادي أولها وتاليها ارجع مرتك .

الغيهب: رايحة كلششششش الاستواء يقرا مليارات
احلف عليچ تموتين ؏ ربي .

گمزت من مكاني وصحت : لاا مو هذا قصدي والقرآن عبالك
اقصد عادي تبوسني استغفر الله اقصد عادي هي كم يوم وارجع مرتك .

الغيهب: اي استغفر الله ربي الذي الا اله اله هو الحي
القيوم وأتوب أليه ، صادقة حبيبتي صادقة .

وهو بحچي صار عنده وجع بگلبه من الوجع نهض
ماتحمل يظل گاعد صار يفتر ويفرك بجهة صدره
_ شبيك غيهب شصار مو جنت تضحك .

مايحجي ويايَّ يفتر ولازم جهة كلبه متأذي
صار يحرك ايده بصعوبة تشنجت وعيونه تغوش
تأنيب الضمير عندي تعبني صرت اشهگ وابجي
من الخوف وهو عاف كلبه من شافني وتقدم حضني
بقوة وهو يهمس : ربي لا تجعلها ذنب .

زهراء: نروح للمستشفى الله يخليك .

الغيهب: اششش لا تبچي هسة يروح والله عادي تعودت
هو تشنچ يروح وعيونچ ما دام انتِ يمي حتى لو اموت
بهل لحظة اعتبرها احلى واحسن موته اموت بين ايدچ الله .

رفعت راسي من صدره وصحت بي : لا تذكر الموت وروح امي
اموت وراك ما اعيش بدونك افتهمت .

هو متأذي بس ضحك ورجعني الصدره
- ههههههه كافي ولچ لا تتخربطين اثنيناتنا عطلات .

زهراء: نروح للمستشفى الخاطري .

الغيهب: حضنچ احسن من الف دكتور والفين مستشفى.

زهراء: غيهب مو زين والله هذا القلب خطر ؏ حياتك تظل هيج .

الغيهب: من نستقر اسافر ونشوف حل ما بالي شي غيرچ
هسة اريد نرجع نعيش طبيعي وكلشي سهل وداعت هل
عيون الي تلمع .

باسني براسي وشفايفه ترجف برغبة بس حرام
حتى هذا القرب حرام علينة ابتعد وهو يمسح بوجهه
ويحاول يغير الموضوع : حرارتچ صاعدة شربتي العلاج اليوم ؟

زهراء: نسيت ..

راح ؏ مطبخ اخذ حباية ورجع بيده كلاص ماء اخذته
منه وابتسمت ؏ كلامه : اشربي هسة حتى الصبح
تگعدين لان الواضح حرارتچ تريد تلعب عليَّ اخاف
ناقصني ضيم .

زهراء: تتعاجز من مرضي ؟

الغيهب: ما اتحمل اشوفچ فاقدة صعبة عليَّ ..

زهراء: عيونك حمرة امشي ننام بالغرفة
راح يطلع الصبح النور والزينة على سرير
وهسة افرش النا بس اخلي مسافة بيناتنا .

اخذ ايدي گعدني ؏ تخم وهو يرجع المخده يعدلها
_ نامي هنا الارضية حتى لو تنفرش دوشك باردة
جربتها ونمت عليها .

زهراء: وانتَ ؟

الغيهب: بس انطيني ايدچ اريد اگعد يمچ مشتاقلچ .

زهراء: ماتنام ؟

الغيهب: انام عيوني ليش ما انام اگعد يمچ من تنامين انام .

نمت ؏ تخم غطاني بالبطانة ولزم ايدي وبيده الثاني
يتلمس بملامحي ويلاعب خصلات شعري بسكون وطمأنينة
تعبت من البچي واليوم متعب وطويل غفيت ؏ لمساته
مر وقت طريل فزيت شبعانة نوم بس صوت الباب خرب نومتي
وقلقني من شفت الغيهب واگف قريب مني ونزل المستواي
_ حبيبي روحـي كملي نومتچ بالغرفة ولا طلعين ابدددددد .

گمت واني ابلع ريگي وارفع شعري بعدني ما مستوعبه
_ منو بالباب ؟

سمعت صوت هشام يصيح : غيهب ادري بيك موجود افتح الباب .

زهراء: شكو ؟

الغيهب: ماكو شي وعيونچ فوتي جوة الچ الصافي .

عبرته ودخلت ماريد اطول بالأسئلة لان عيب صار الهم
زمان ؏ باب ، تركت باب الغرفة مفتوح شوية حتى اسمع
واشوف اول ما دخلوا جلال ودفع هشام الغيهب بخفه وصاح
_ انتَ صاحي لك البنية وين ؟

گعد الغيهب ؏ تخم وفرش ايده وبالثانية يشرب الجگارة
ويرد علية بطريقة مستفزه متعمد : بنية يا بنية ؟

هشام: موووووج وينها ؟

الغيهب: ينذكر اسمها من الصبح لعبان نفس مبين
اليوم شلون زفت .

هشام: اخر مرة أسأل البنية وين ؟

الغيهب: موج بنية ؟

هشام: لعد زلمة ؟

الغيهب: گول الـ******* الـ****** وين الـ********
بن شنو بنية تضحك ؏ عقلك وبعدين انتَ شنو اخر مرة أسألك
يعني شسوي مثلًا اذا ماجاوب تخووووووفني لووو شنو .

هشام: يا عيني ما اخوفك شعندي وياك بس ابوك تخربط
وبالمستشفى ومن البارحة طلعت اني وأخوتك الاربيل
وضعه كُل ساعة يسوء اكثر بهل حال شلون فهمني
يموت الرجال هذا أبونا غيهب مهما صار ابوك والله
عفت امير عنده ورجعت اني وجلال .

التفت الغيهب الجلال اشر علية من فوك ليجوه
وصاح بي بستهزاء: وحضرتك يا استاذ هم ادور ؏ البنية الشريفة ؟

هشام: راح علمود ابوية واني رجعته ويايَّ حتى لا يسوي مشاكل
ومابيَّ حيل اسوق هو يسوق الطريق طويل .

الغيهب: عبالي انقهر عليهه بعد الكتل ههههههههه .

هشام: غيهب نزل رجلك واگعد عدل واحجي ويانا
لا تخبلني عليك شبيك يا اخي شبيك اكلك ابوك موووووات .

الغيهب: المطلوب ؟

هشام: لك ابني ابوك مريض يريد يموت من عملتك
بنت اخته وين وديتها موتتها شسويت بيها فهمني ؟

الغيهب: يموت من ايده هو اختار العذاب ما عجبه دلال الغيهب
ومداراتي راحت طارت ويه الهوى هباء منثورًا .

صار قريب منه وعاط بوجهه : ابوووووووك ابوووووك
عقلك انغسل كلش ماعندك بعد ذرة أنسانية ؏ ابوك
ترا الزوجة تگدر تزوج غيرها بس ابوك اذا يموت وين تحصل اب بعد .

الغيهب: وروح امك اني هم موات لا يغرك گاعد واسولف
واسافر اني بكل ساعة بيني وبين الموت شعرايه بس ربك ساترها
وبعدني بينكم عايش .

هشام: بس فهمني وين وديتها ؟

جلال : اوكف عوف نعال ركز بـ اخوك شبيك غيهب
ناخذك مستشفى هو صدك وجهك تعبان الى درجة وصاير اصفر .

الغيهب: يا اخي ما اريد لا مستشفيات ولا تسألون
بس ابتعدوا عوفوني اعيش براحه كسفتوها
الحياتي وبزعت من تصرفاتكم ، مع الأسف عليك هشام
المفروض تجي وتوكف بصفي خلصتكم من هل عار
مو تجيني هداد تريد تعرف مكانها وتسميها بنية منوو بنية
شنو صرت مثل ابوك تسوي للـ**** صيت .

هشام: موتتها ؟

الغيهب: لاااااا تدخلون اطلع من الموووضوع لا يلوحكم الطشار .

هشام: غيهب احنا براس امها تريد تشتكي عليك
خوية ابوس راسك ، راح باس راسه وكمل : ابوس راسك
واني اخوك الجبيرة خايف عليك لا تردني فهمني هل عار وينها
والله اني انطيك وعد اخلصكم منها واسفرها هي وامها
بس عرفني مكانها .

الغيهب: الأخر مرة أحذركم يا اخواني هل موضوع خليكم
بعيدين عنه اني اعرف شغلي ودارس تحركاتي وخلصت
من يمها ما انتظركم تنطوني وعود تخلصوني منها
هل سم قضيت عليها انتهت .

هشام: والله لو مو جبير اضربك بوكس افرفر وجهك
لك ساقـ **** شنووو من بشر انتَ تخبلت بعقلك
نهيت عليهه شنووووو لعب شنوو تدخل شنووو
انطني عنوانها ولك وينها وينهااااااا ماريد أرجع الأبوية
ايدي فارغة تعنيت من بغداد للشمال ومن الشمال البغداد
وهسة ماشوف گدامي احترم نفسك واحجي .

وگف الغيهب وراح يمشي للباب فتحه وهمس
_ احترم نفسك انتَ بيتي واطفالي نايمين صوتك
تنصي خليني محترمك وشرفتوني بزيارتكم
وهسة خلص وقتكم تگدرون تتفضلون تطلعون توكلوا
وخلوا النفس طيبة عليكم حبيبي يلة .

هشام: تطردني صدك تحچي ؟

بعدهم يحچون وما أشوف غير انسحب الباب طفرت
حتى ما يشوفوني طلع النور يركض عليهم ويصيح
_ عموووو جلال وأخيرًا .

فتح جلال ايده وشاله يبوس براسه وبخده
_ يا عيون عمك جلال شلونك ولك مشتاقلك ..

النور : اذا تشتاق اليه ليش ما تخابرني ؟

تذكرت اني مسويه الهم بلوكات من كُل مكان
خفت وانحرجت شلون اذا يفتهمون اني مسويه بلوك
بس صدمني من گال : انتظرتك انتَ تخابرني لان اني الچبير .

عرفته فاهم الموضوع ويدري اني مسويه بلوك
بس غلس مايريد يسوي مشكلة : نور بابا انزل
عمو يريد يروح مستعجل .

النور : بابا الله يخليك خليني اروح وياهم .

اخذه هشام من ايد جلال وسلم عليه
_ ولك كبران وصاير ثگيل مابيَّ حيلك انزل .

رجع النور بحضن جلال صاح بي ابو : نور مو احجي وياك بابا
يريدون يروحون روح للغرفة .

هشام: ما اطلع اذا ما اعرف موج وين ؟

وسع الغيهب عيونه وتقدم ؏ هشام ماعرف شنو
يحجي بس اشر ؏ النور هشام دفع الغيهب وطلع
وهو يتوعد ويسب جلال نزل النور وفهمه : اني طالع للشمال
عمو وهناك باردة بس ارجع اجي اخذ موافقة من ابوك
واخذك تظل يمي يومين متفقين .

هز راسه بالموافقة ورجع حضنه بكل قوته
من عافه بسرعة طلع جلال يركض وره هشام
فتحت الباب من الغيهب دخل : ليش ما بلغتهم موجودة بالـ***

بعدني مخلصت كلامي وغير الموضوع وهو يباوع
؏ النور يحذرني اكمل مايريده يسمع : ها بابا شبعت نوم .

النور : اي والله السرير مريح والغرفة دافية هنا باردة .

الغيهب:هل يومين نرجع للبيت وللغرف مالتنا .

راح گعد بحضن ابو ويفتح بعيونه : بابا عيونك حمرة تخوف
عبالك زومبي .

رفعه الغيهب يدغدغ بي ويفتح بعيونه حيل ويصيح
_ بووووووو اجيتك اكلك اليوووم .

وهذا خربان ضحك طلعت ام طنگوره من الغرفة
مكتفه ايدها وضايجة وتريد تكتلنا : صباحو زينة ماماتي .

اني حجيت هيج وهي هجمت عليَّ ضربتني
؏ بطني ورجعت النفس المكان ، فتح ايده ابوها وصاح
_ ماتريد ماما هي تريد ابوهاا طريق سولها طريق .

ركضت وهي تصرخ انطته راشدي معدل ورجعت المكانها
زهراء : هههههههه لا هواي تريد ابوها .

الغيهب: بنت الحلوووووو ليش تضربين
بابا من هسة الفيوز طابگه من تكبرين شلون .

هو يحجي وهي تباوع بوجوهنا كلنا ما نعجبها ست زينة
سحبت فستانها حيل تجر بي : شبيچ ولچ منو وياچ .

طلعت السانها ودارت وجهه
النور : بابا اريد كاهي وگيمر .

الغيهب: هو ابوك كاهي وامك گيمر ميحتاج بابا .

النور : ؏ گولت خالة رجاء يارب شوية من ثقتك .
ويرفع ايده ويدعي وابو خربان ضحك علية

الغيهب: امشي انتَ وخالتك روح من وجهي .

النور : كاهي وگيمر لو ما اتريگ .

زهراء: الساعة بـ1 الظهر ماما هذا يا كاهي ويا گيمر .

الغيهب: ندور للنور اليوم ياكل كاهي وگيمر مايغلى علية .

ظل يگمز فرحان راح الغيهب للحمام غسل ولبس القمصلة
دار ؏ زينة نفس وگفتها : غير تحجي شبيها اليوم طولت .

رفعت ايدها صغيرونه تأشر اله تعال : تتأمر بنت الداهية .

راح يمها اشرت اله ينزل هو نفذ وگعد مقابيلها
_ شنو تريدين بس فهميني .

مالت وجهه وتأشر ؏ خدها: شنو ؟

طگيتها ضحكه من كُل گلبي عليهه
زهراء: تريدك تبوسها عيني .

الغيهب: علمود هاي زعلانة ؟

هزت راسها لا وعود تشاور بي ماتريد احد يسمع غيره
وعي كلامها مكسر ولا ينفهم ابد وهو يحاول وياهه
الى ان افتهم وخرب ضحك : جنت طالع والله اليوم بليل
انومچ بحضني صدگ هذا النور يضوج بالنوم بس يدفر .

طلعت تريده ينام يمها وضايجة من النور لان يمها
_ وهسة بعد هل بوس المكثف عادي نروح اشيلچ
لو تضربيني ترا مابيَّ حيل اعضچ بس تضربيني .

حضنت رگبته تبوس بيها وتباوع عليَّ بغرور هيج
عود شوفيني هو شافها وصاح بعالي صوته
_ سامحيها حيه ؏ خالتها وبنفس الوكت اثار
صداقتچ انتِ والكوبرا لا لحظة الكوبرا خوش بنت
طلعت مرتي كوبرا توهمت .

زهراء: هيج صارت غيهب طگ بطگ .

الغيهب: اراضيچ مثل ما راضيت بنتچ .
كمل كلامه وغمز بمكر وهو يباوع ؏ شفايفي
درت وجهي ودخلت للمطبخ هو اخذهم وطلع
وسد الباب وراه ، خليت الماء بالغلايه الكهربائية
اجهز الشاي بين مايرجعون وطلعت بيض والطاوة
اريد اطگها واندك الباب غسلت ايدي وصحت : غيهب مو عندك المفتاح ؟

هشام: هاي اني ام النور افتحي الباب وخلي شي ؏ راسچ
الله يرضى عليچ بسرعة ؟

انقبض گلبي مارتاحت من رجعتهم واضح يعرفون
الغيهب طالع بس آني موجودة سحبت جادر الصلاة
لبسته وفتحت الباب بسرعة دخلوا وگف بنص الصالة
واشر ؏ تخم : تفضلي اگعدي عندي كلام وياچ ..

زهراء: شصاير ؟

هشام: تفضلي .

گعدت مثل ما گال وعيوني ؏ جلال من لزم هشام
وسحب ايده : هشام اذا يرجع الغيهب يهجم المجمع ؏ راسنا
شلك بدوخة الراس اسمع مني وخلينا نطلع .

هشام: دقايق ونطلع .

سحب التلفون من جيب البنطلون واتصل
شوية وصار يحجي هو والطرف الثاني
_ يابه هاي زهراء مقابيلي بشنو تريدها احجي تسمعك ؟

صار يكح بصوت مخيف يريد بس يصيح وصوت
ام موج بصفه عود خايفة الفاشلة
ابو الغيهب : هجمتي بيوتنا لج *** خليتي ابني مايشوفني بعيونه
الصغيرة ، وقريتي براسه ؏ بنية اليتيمة وشمرها مدري قتلها
ولچ خافي الله خااااافي .

بقيت صافنه ؏ ايد هشام بيها التلفون مقدمها عليَّ
ابتسمت بتعجب وبس كمل همست : ابو علي اذا كملت اخذ التلفون
واخذوا راحتكم رجاءً اني وحدي بالبيت لا تخلون المشكلة تكبر اكثر .

ابو الغيهب: ولكم تهدد بيكم واگفين تباوعون عليها هاااي دمرتكم
دخلت بزون البيتي نسيتي لج نسيتي جان يدگ ؏ فرگج ليل ونهار
واني احميچ منه تفرعنتي بنت الـ***** كبر راسچ ابني
بنت الفكر جنتي تطبخين للعالم وهو بيده كبرررررج وكبرتي علية
طيح الله حظه .

زهراء: اذا اني بنت فگور اتشرف بهل لقب ؏ اقل تربيت تربية
صحيحة وتعلمت شلون ما اعض الأيد الي تنمد اليه وتساعدني
تعلمت ما ازني مثل بنت اختك الفگور علموني احافظ ؏ شرفي
وما ارخص نفسي ، واصبر ؏ ابنك الي من ايدكم تحول وحش
وتحملت وعوضني ترضون ما ترضون مشكلتكم .

ابو الغيهب: والله يا زهراء يا بنت رحيم من تالي طلع رحيم
وصرتي شيطان بوجودة تسبعتي مووووو بس اسمعي
والله اذا البنية ماترجع يوووومين بس يومين اذا موج ماترجع
اگلب سماكم ارض وارضكم سماء والله يا زهراء وحق من انزل
القران ازلزل حياتچ .

زهراء: وحق القران الي تحلف بي وروحها الي تگول عليها
ربتني بالفگر بنت اختك بالسجن وماتطلع هسة لو تنگلب
السماء ؏ ارض والأرض إلي تزلزلها تحتي اليوم الغيهب
يزلزلها تحتكم افتهمتوووووا لان انتوا عبرتوها الحدودكم
داخلين بنص بيتنا وتهددون بيه بعد ما نهجم بيتنا بسببكم .

ابو الغيهب : مابيكمممممممممم رجال يرگعها ؏ حلگهاااااااا
ويكسررررررر سنونهاااااااا ولكممممم لوووو يمي اااخخخخخ
بسسسسس اخخخخخخ .

جلال : انتوا ردتها للمصيبة وراح تحل عليكم انتظروا
القاضية من الغيهب انتظرررروهاااا اماااا اني طلعوني
خارج قوس بالاساس علاقتنا متوترة.

هشام: زهراء خوية لازم تفهمين الغيهب عيب عرضنا
ينام بالسجون خزي عار علينة .

زهراء: يااا صدك هسة صار عيب وخزي لعد من جانت
تتنقل من شقة الشقة شنو ما جانت شرفكم لو من سافرت هي
وامها تتزوج وطلق بالزلم ما جانت شرفكم بس من هجمت
بيت اخوكم وراح اخذ حقه منها وشمرها سجن صارت شرفكم .

هشام: عيب هل كلام ام النور اني اكبر منچ من احجي
وياچ اسمعيني ولا تعلين صوتچ .

زهراء: ؏ عيني وعلى راسي اذا كلامك حق بس اذا تمشي
ويه الباطل تعذرني ماعندي كلام وياك انتظر اخوك وتفاهم
وياه وبلغه دخلت للبيت وبيدك تلفون حتى ابوك يتجاوز عليَّ
هاي مجازات تعبي مع الأسف .

عفتهم ودخلت للغرفة قفلت الباب عليهه ماريد اشوفهم
طلع جلال وهو يصيح ؏ هشام : والله ماراح تسكت وتحچي
كلشي الاخوووك طلعني من المووووضوع هذا غلطك انتَ وابوك
فايتين على بنية نتجاوز عليها ونصيح بنت الفگر يافگر هذا
يا تربية احنا ماعدنا تربية والفگر هذا عدنا ابوها واخوانها وعمامها
يسدووووون عين الشمسسسسس مخابيل انتوااااا ..

صوت عمي يدگ براسي يذبح بكلبي
والله هذا مو عمي مستحيل هذا الطيب
الي يخاف يسمعني حرف ويجرحني
واذا الغيهب يفكر بس يفكر يرفع صوته
يلعب لعب هيج يجاوز مصيبة ياربي
شلون وصل الهل مرحلة شلوووون ..

طلعت من انسد الباب وكفت ؏ شباك يصير
مقابيلي الگراج بس الشبابيك ماتنفتح
ركزت بالسيارة بقيت جامدة الغيهب
وگف السيارة وهذولي طلعوا من العمارة
هو شافهم لو عيونه صارت براسه
جسمه صار ينفض هم ركض صعدوا بالسيارة
اتصل ما اعرف ؏ منو بس صار يرفع بـ ايده
ومبين يغلط ويصيح بس سد المكالمة شال
الزينة وصار يمشي بكل سرعته للبيت والنور
يركض يريد يلحگ بـ آبو دخلت للحمام غسلت
وجهي ما اريد يشوفني ابچي ونشفت دخلت للمطبخ
خبطت البيض وشغلت الطاوة همَّ دخلوا نزل الزينة
واخذ العلاگة من النور : بابا نور اخذ اختك وروحوا بالغرفة
هنا بارده انجهز الريوك ونجي ناكل سوية .

اخذها وراح وهو دخل ذب الغراض وسحبني
من ايدي : شصار تجاوز هااا سمعوچ كلمة مو حلوة ؟

زهراء: لا كلام عادي يعني بس يريدون اقنعك موج تطلع
واني رفضت ادخل بهذا الموضوع وراحوا .

تعديته ورحت للكاونتر اطلع گلاصات
سحبني قوي وشمرني ؏ حايط رفع
راسه وهمس بتحذير : كذابة لا تكذبين عليَّ احچي الصار
اذا تبقين ساكته اعرف بطريقتي ومايصير خيررر بعدها .

زهراء: غيهب ترا هاي مو حياة باليووووم الف تهديد
شبيكمممممم بالتهديدات شبيكم ماتعرفون تحجون اذا مو تهديدات
شنوووو هل لعبان النفس والقررف هذا .

عافني وطلع للصالة يخابر ماكو ثواني وصاح
_ لك جلال اذا ماتحجي كُل الصار اجي هسة
مثل ما دخلتوا بيتي وسمكم صار علنًا اني اعلن
كلشي وابو فاضل اجي بنص بيتك افضحك گدام مرتك .

سكت بس يستمع صار يقبض بيده وانفجر بي
انواع الغلط والفشار والسب والشتم بكل انواعه
ينطق بي سديت اذني منه اريد بس اعبر للأطفال
خفت : شلوووون ولكممممم شلوووون تغلطون هيچ
تقبلون اسوي مثل ما انتوا تسووووون ويايَّ ويه عائلتي
انتوا شنووووو ما تنردون اله اكتلكم واخلص من شررركم .

جلال يحجي وهو يرد : هووو شنووو معليك لك انتَ ابو المصايب
ابووووكم شنوووو ابوكممممم اني هسة أرجعها الاهلها ومسافر
الاربيل اذا ما ازرفهممممم واخلصصصص منكم سهلة صبرررر
بلغوووووا ابوكم بلغوا .

سد الخط وفات للمطبخ جرني ثبتني مقابيله
وصاح : ليششششششش تجذبين هاااااا ليشششش ماتحچين .

زهراء: بس تنفس غيهب كلبك يوكف والقران اذا تستمر
؏ هل صراخ تموووووت .

الغيهب: بدلي بسرعة بدلي ارجعج ؏ اهلج انتِ والجهال .

زهراء: دخيلك لا تروح ابوس ايدك لاتروووووح .

راح ؏ مجر سحب المسدس ثبته بالبنطلون وهو يصيح
الغيهب: اششششش تعبتوني اششششش .

يتبع ...

البَـاقيـات الصـالحـات🖤:-..

‏- سُبحـان الله .
‏- الحَمـد لله .
‏- لا إلـه إلا الله .
‏- الله أڪبـر .
‏- أستغفِـرُ الله .
‏- لا حَـول و لا قـوة إلا بالله .
‏- سُبحـان الله و بِحمـده .
‏- سُبحـان الله العَظيـم .
‏- اللهُـمَ صَل عَـلى مُحمـد وآلِ محمد