ظلمات الغيهب الفصل الرابع وستون 64 - بقلم اساور حسين

<ظلمات الغيهب >
حلقة _11 _ الجزء الثاني ألأخير ..
بقلمي : اساور حسين .

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
......................><><><><><.....................
زهراء..

ام سما : ما أمن صرت اظل اني وياهه بذاك البيت
؏ اي ساعة يدخلون علينة ، طلبي يمكم إني دخيله
عدكم اعتبريني امچ يمة زهراء وهاي اختچ لا تصيرين
عصبية ولا تاخذين غير نظرة ، بس اني اطلب من أستاذ الغيهب
بس هل شهر يعقد ؏ سما ويتزوجها حتى يوگف بوجهم ..

زهراء : خالة ليش مصرين اطلعون أسوء مافيني
محترمتكم ودايسين بيتي وصار ساعة مثل امي ومثل
اهلي ومحترمة وجودكم حلوووووة من انزع ثوب
المستحات والباب الي دخلكم يطلعكم ؟

ام سما: افتمتي غلط يا عيوني والله عقد ورق والله .

وكفت على طولي واشرت على نفسي
وصحت بعلو صوتي : هو خلي يعقد على ام جهالة
وبعدين يفكر يعقد على بنتج ويساعدها ، المفروض
يرتب حياتنا وبعدين يرتب حياة الرايح والجاي .

ام سما : شنو معاقد عليج ؟

زهراء: عجيب انتِ شكوو بالموضوع ، ازيدچ من الشعر
بيت هو حتى المحامات هل فترة راح يتركهاا .

ام سما: داخله على الله وعليكم لا تحلي
يعوفنا بنص الطريق .

زهراء: يااااااااا طررررررررريق .

وكف الغيهب مقابيلي سد شفايفي بيده
وسع عيونه وهو يرفع راسي : اششششش كافي .

اريد ادفعه بس اتذكرت العملية ضربت الأرضية
برجلي وگعدت على تخم حتى يعوفني اريد احجي
_ طلعهمممم مو خطارك همَّ فوراً يطلعون
لا وحق ذيچ العزيزة تشوف مني شييييي مايعجبك.

الغيهب: صوتج كاااافي مايصير غير الي تريدي .

تعداني وراح للباب فتحه واشر بيده
_ نورتونا زيارتكم على العين والرأس تفضلوا .

ام سما: بغلات كل غالي عندك لا تخليني اني وهل يتيمة.

الغيهب: ام سماااااااااااااا رجاءً تفضلي
ترا اني محامي والله محامي ليش من
اساعد شخص يحتاجني يطمععععع ..

ام سما : وغلات هل بنية لا طمعت ولا غايتنا مو زينة
وياكم بس اني بشدة وهل شدة يحلها الي مثلك
انت تگدر عليهم يا يمه يا ابو النور .

كعدت ولزمت راسي اهز برجلي بعد ما اتحمل
كدامي شنووو هل صلافة تعرض بنتهااا على زوجي
وين صايرة وين ؟

سما : اني اذا اخلي نفسي بمكانج ام النور
حقج بكلشي تسوي وتحجي صعبة بس خايفين والله عايشين برعب .

الغيهب: ماقصر وياكم سبق وحجيت وياج وطمنتكم
اذا مو اني جماعتي موجودين وحتى اوكف على بابكم
حارس ، بس بهذا موقفكم خربتوا كلشي .

ام سما : اني ردت ..

رفع ايده يوقفها وهو كمل بدل عنها
_ حياتنا متوترة واني مريض واكفين على تك
رجل توصل وياكم تحچون بمثل هيج موضوع
حساس مقابيل زوجتي .

زهراء: المفروض يحچوو هيج موضوع
حساس وياك على انفررررراد مووووو .

الغيهب: نعم ؟

زهراء: انعم الله عليكككككككك .

الغيهب: زهراء شكو ؟

زهراء: كمل كمل عيني اتفق على مهر
غيهبنا غالي وانتوا جايين ايد وره وايد
گدام ما مقبولة منكم ..

كلهم صافنين مستغربين نزل الغيهب راسة
ورفع ايده صفگ بيها : هاا طارن رسمياً ..

زهراء: بفضلك وبفضل الناس الي مدري
منين ادخلهم على حياتنا ..

الغيهب : الموضوع بكبره مايستاهل تقهرين نفسج
وتحرگين بدمج علية منتهي وغلاتچ منتهي .

تركتهم ودخلت يبس حلگي واني اشرب المي
وهم صوتهم طالع ام سما تتوسل والغيهب نازل
عليهم بصوته العالي : صديقي يستلم قضيتكم واني
أتابعها كل فترة مشاكل ما اريد وهذا موقفكم
غايته هجمان بيتي ما أنسى الكم وكلام زايد
ما اريد الى الان حاسبكم حساب امي وأختي توكلوا .

أم سما: دخلت دخيلة عندك ورديتنا.

باوعت عليهم بدون مايحسون فتح الها ايده
يإشر ودمه فاير : محد وصلني لهل حال غير
طيبتي وكل دخيلة تدخل حياتي تاخذ من صحتي
وصحة مرتي وتهجم حياتنا وما تطلع اذا مو روحنا تطلع .

ام سما: اني احجي وياها ام النور مبينه طيبة وبنت ناس .

الغيهب: اخر دخيلة مرت بحياتنا ام النور فتحت راسها
ودخلت من وراها سجن فـ يا امي تسدين الموضوع لا
ابلششششش بيكم لان بعد كل صبر ما عندي .

ماسمعت غير الباب انسد بس غيهب ماكو اخذت
نظرة خاطفة على كراج واكف يشرب جكارة
والدكتور منعه منها ولااا يلتزم ولا يعرف معنى الالتزام .

صعدت فوك شفت النور والزينة گاعدين
يباوعون تلفزيون بس الزينة تكمز منا ومنا
وصيت عليها النور ورجعت نزلت لگيته
گاعد على سرير من شافني تعديته ودخلت
المطبخ ثواني واجه تجاهي : زعلان الحلو ما يگلي مرحبا .

زهراء : عجبك المسرحية المضحكة الصارت قبل شوية ؟

الغيهب: لا توكفين بطريق قسمتي حرام .

زهراء: عجيب ؟

الغيهب: رجال حلو اكيد خطابتي هواي .

زهراء: غيهب لا تخبلني ..

الغيهب: من الأخير تنطيني لو ماتنطيني اني موافق .

زهراء: موافق ؟

الغيهب: قسمة واجتني للباب ارفضها؟

زهراء: لاا ترفضيها عيني ست غيهوبه وافقي
واطلبي مهر عالي حتى لا يطلگج زوجج سما وترجعين عليَّ .

الغيهب: برأيج شكد اطلب مهر ؟

زهراء: اطلب راسك والله انطيك ضربة هسة على گلب .

الغيهب: منها لله .

بقيت اباوع بوجهه ابتسم وتقرب مني
رفع راسي وهمس : لا تزعلين الموضوع رخيص وتافه
مايسوى تشغلين بالج بي ابقي فكري بحياتنا الجاية
شلون وين نشتري بيت وعلى يا نمط نأثث .

زهراء: غيهب صدامات ما اريد .

الغيهب: صدك تحجي زهراء اني احارب حتى تبقين
ويايه ونحافظ على أطفالنا ونرجع احسن من قبل
ماكو كائن يهمني غيركم انتي والنور والزينة .

زهراء: شنو راح يصير عليهم ، صح غلطوا بتصرفهم
بس يمكن صدك محتاجين شخص وياهم شلون بهل حال ؟

الغيهب: اخابر جماعتي هم يستلمون موضوعهم
واكد على حمايتهم لا تخافين ما اتركهم بنفس
الوقت الحواجز موجودة .

زهراء: واحنا؟

الغيهب: خابرني ابوج مخابر ابوية وعلى ساعة
اربعة كلهم يتواجدون هنا نصفي الحساب ونحل
الموضوع وكل شخص يروح بطريقة .

نزلت الزينة اخذها من ايدها وراح هو وياها للصالة
صعدت فوك خابرت رجاء حجيت وياها هي واساور
بقيت بقلق خايفة على متوترة ما اعرف شنو ينتظرنا
وين راح تصفى شكد اكره هل شعور .

للعصر اجه ابوية قبل الكل وظل هو والغيهب
بالساعة يحجون وحدهم حتى اني مايقبلون
ادخل الى ان اندك الباب دخل ابو الغيهب
واخوانه كلهم وحتى هاجر وملاك وياهم
تعجبت ليش حتى البنات موجودات شنو القصة؟

فاتت بس هاجر ملاك تشوف الشيطان وماتريد تشوفني
هيج من الله الكره ، جهزت الچاي واسولف عن حالة
الغيهب وتحسنه الملحوظ ، دخل سيف اخذ الچاي
وكلها دقايق وسمعت الأصوات تعالت فتحت الباب
اريد ادخل وماشوف غير جلال فتح الباب وشمر
ملاك علينه: والله اذا يطلع صوتج تشوفين مني تصرف
مايعجبچ احترمي نفسچ .

بقيت اباوع عليها وهي تريد تاكلني
صاحت بيها هاجر : ماتخافين عليهم يذابحون
شنو من بشر انتي لج اخونا هذا ومريض استحي شوية .

ملاك : انچبي سدي حلگج مغسول عقلچ
انتِ من هل شيطانة وابوها .

زهراء : والله العظيم انتِ الي مغسول عقلچ
من ناس زبالة لعبوا بيكم طوبة تالي قنعتي
ابوچ يعيش يمهم يتستر على فضايحهم .

درت وجهي على باب من سمعت صوت
الغيهب رج البيت وكلبي : لكم عين تحچووووون
والله عمي زين فوكاها تتشرررررطون ؟

ابو الغيهب : انتَ تتأمر واني اطلب .،

رجعت اريد ادخل صاح بوجهي
_ إطلعي زهراء رووووووحي جوة بسرررعة يلة .

سحبتني هاجر وهمست : عوفيهم ابوج موجود .

زهراء: يمعودة بعده مو زين ميصير يصيح
ويتعارك يروح گلبه يوگف اسم الله .

هاجر : مع الأسف الغريبة تخاف علية
واهله يتعاركون وياه وهم سبب مرضى.

تحچي وتباوع على ملاك الي لازمه تلفونها
وتفتر متوترة ركزت وتقربت على باب اسمع
صوت عمي يصيح بيهم : تريدون ارجع وياكم
اختي ويايه هي وبنتها واحد منكم يتزوجها ويستر عليها .

اشرت على باب وصحت بهاجر
_ لج عيني ابوچ يريد يخبلني ، بالله ست ملاك من
يمج خابري ست موج نعرف منو تريد منهم هشام
الغيهب جلال امير ؟

ملاك : والله لو موجودة اخابرها بس غير منو وراچ
انتِ وابوج البنية بالسجن .

هاجر : مشربين لو مأكول ؟

ملاك : شنو ؟

هاجر : السحر انتِ وابوچ مو طبيعيين .

ملاك : لج بابا صح هي غلطت بس اخوانچ مو احسن
منها ، وتابت وصلحت نفسها وتعذيت بما فيه الكفاية
ويتيمة ومن عدنا خطية حرام عليكم فكروا خافوا الله بيها .

زهراء: اكرمينا بسكوتچ حبيبتي .

ملاك : انتِ تسكتيييييييييييين حيووووووانه
هجمتي بيووووووتناااااااا كلبة طلعي من حياتنا .

ما حسيت غير اندفعت على ميز وجلال هجم عليها
شمرها على حايط وضربها : تريدين تسوين مصيبة
موووووو ابوهاااا واهلها هنا تتعمدين تعلين صوتچ .

سحب الغيهب جلال من ملابسة ولزمها من طرف
ملابسها : والله ماكو غيرچ حيوانه وكلبة امشي
طلعي برررررا .

ابو الغيهب : عووووف اختك .

الغيهب: البيت بيتي وبكيفي اعوف الي يعجبني
واطرد شكو عااااار بكيفي وبمزاجي وبراحتي
وسكو واحد يعترض على كلامي يطلع برا
ما عداك وحشاك .

طلعها للگراج هي عدلت ملابسها
وصاحت : صرتوا ماتحبون ينذكرررر اسمهاااا
واذا ندافع المووووج تكرهونه الله ايااام صرتوا
دمم تذابحون علمودها صارت كخ هسة .

الغيهب: خليني لازم حدودي وحترمچ حلفت
ما ارفع ايدي لا تجبريني اخليچ هنااااا وادوس بمصارينچ .

ملاك: اتوقعها منك بعد انتَ واصل مرحلة متقدمة بغسل الدماغ بس ما اگول غير حسبي الله ونعم الوكيل
عليچ يا زهراء يا بنت رحيم ، والله ما اعوفچ وراچ وراچ .

دفعها امي وسحبها برا صعدها بالسيارة
درت اريد ادخل لمحت عمي يباوع عليَّ
تعديتهم ورجعت دخلت ابوية واگف
وهمَّ بعدهم يتحاجون برا : كاعد ؟

رحيم : ما اريد ادخل بيناتنهم اني ساكت
وگاعد هنا الخاطرچ اريد اشرف الج حل
اريد اعرف شلون تصفى وياهم .

زهراء: تصير سوالف .

رحيم : شنو ومنو جابرچ تتحملين هل مهزلة
ناس تحچي عليچ وناس تدعي لچ بابا طاوعيني
وامشي ويايه .

زهراء: يكفيني الغيهب ويايه ومايقبل على احد يمسني
بكلمة حتى لو اخته وانت شفت بعينك ، ولان ابو اطفالي
يريدني ويحارب الخاطري تساوي الدنيا بعيني .

رحيم: مايكفي .

زهراء : سمعت بأخر موقف بينك وبين امي تعاركت
انت واهلك الفرق الغيهب يحارب علينه، يابا انتَ
شنو الي منك تحارب الخاطرنا .

رحيم : جنت صغير وبعدني ما ادركت حياتي
بعدين دورت عليچ وعلى امچ الله يرحمها
بس هي تزوجت ونبهت محد ينطي عنوانكم .

زهراء : اني تبهذلت وعشت شعور الطفل يكبر بدون
اب وهو أسوء شعور ممكن يكبر علية اي طفل
والخاطر اطفالي من المستحيل اترك الغيهب
ما دام يدافع ويحاول ويحارب حتى نرجع بيت واحد
هو وعدني راح يجي يوم ونعيش وحدنا بيت بعيد عنهم
ممكلتي الخاصة وعدني يعيشني ملكة واني واثقة منه .

الغيهب: شكو ؟

زهراء: كلشي ماكو .

باوعت على ابوية نزل راسه بس الغيهب
شك بالموضوع ظل يباوع علينة تركتهم ودخلت
شربت گلاص ماي وگعت ظل الباب مفتوح
استمع الكلامهم بوضوح .

الغيهب : لعندي حچيته شرطي الوحيد حتى
تطلع بنت اختك الشريفة من السجن تتعهد
بصمة وتوقيع رجلها القذره ماتعتب بغداد
خلاف هل شرط ترجع للحبس اذا موافقين
بس افرغ اروح اطلعها او اخابر صديقي
المحامي يجهز هل تعهد ويروح يوقعها
ويبصمها ويطلعها القرار يمك ؟

ابو الغيهب: موافقين عمي بس طلع البنية عيب .

الغيهب: يكتلني من واحد مسوي مصايب لا ترضي
الله ولا عبادة ويگول عيب ، يا عيب ظل عيب ..

هشام : وموضوع البيت ؟

الغيهب: موضوع منتهين منه هل بيت كل
ما ادخل بي لو واحد من اخوتي يغدرني
لو تتزاگط الدخيلات عليَّ ، والمشاكل
خلصت عمري وحيلي ما أريده أبيعه وبأسرع وقت .

هشام : بس هذا بيت الطفولة أيامنا الحلوة كلها هنا .

الغيهب: ياااااا طفوووووولة انعل ابو الطفولة
اني تبهذلت انتوا مستقرين كل واحد بمهجوم
وهل بيت بيتي واني حررررر ابيعه ابقي بكيفي .

ابو الغيهب: بكيفك شنوووو ؟

الغيهب: ماكو واحد بيكم اله حق يمي
البيت بيتي واني من فلووووسي انطيت
حق كل واحد بيكم من البيت وكلكم
وقعتوا ويصمتوا والبيت صار نصيبي
واني حر التصرف بي ..

ابو الغيهب: مافكرت اني وين اروح هذا بيتنا .

الغيهب: بيوتنا كلها مفتوحة الك واذا ما يشيلك
بيت بعيونه نشيلك رغم الصار منك مو قليل
بس ما اقصر وياك مهما يكن وصار تظل ابوية .

هشام: عيد التفكير بالموضوع غيهب .

الغيهب: اكرمني سكووووتك المفروض انت اول
واحد توافقني الرأي موووو تعارض بس حقك
ماكو شخص متبهذل غيري وغير عائلتي وبسببكم مبهذلين .

هشام: اني اشتري هذا البيت غالي عليَّ مايهون
على كلبي ينباع الغريب واصلاً اريد اخذ بيت اكبر
من بيتي وهذا يناسبني بيعني البيت .

الغيهب: مو زين عليك عوفه اني مستعجل عليَّ
واريد ابيعه وأشتري بأسرع وقت بيت اريد استقر تعبت .

هشام: بس أنطيني مهله سبع ايام اسبوع واحد وكلشي
يصير مثل ماتريد وأحسن بعد ، انت روح دور على بيت
بين ما ابيع بيتي واخذ هذا .

گعد الغيهب ايده على راسه حاير بين يوافق
وبين يرفض بس رغم مصيبة ابو وياه مايهون
عليَّ يكسر بخاطرهم ويتركه بلا بيت : وافقت الك سبع ايام بسسس .

رحيم : ابو هشام بنت اختك تطلع هل ايام والبيت ينباع ابنك
بعد تأمر بشي ثاني ؟

ابو الغيهب: كفيت وفيت ابو سيف رايتك بيضه .

وكف عمي اخذه هشام وطلعوا ظل بس جلال
عافهم الغيهب ودخل للحمام يغسل وجهه انطعن احمر
دم ادري بي مقهور على ابو ومايهون علية يشوفه يطلع من البيت .

رحت للغرفة أخذت منشفة اريد اطلع وصار مقابيلي سد الباب
وتقرب بتجاهي : لازم تجهزين نفسج ابوچ راح ياخذچ وياه .

زهراء: وانتَ شلون ؟

الغيهب: صرت احسن لا تخافين اكدر اعتمد على نفسي .

زهراء: كلبي ماينطيني اعوفك بهل حالة .

الغيهب: واني كلبي مايقبل ما اصبح بهل وجهه الحلو
اريد وبأسرع وقت نشوف بيت ونستقر .

زهراء: عادي أبقى هنا وندور سوية .

الغيهب: ابوچ خايف عليچ مني تعرفين بعد صرت زين
حچاها وغمز بتلاعب رفعت حاجبي اريد ابتعد ثبتني
_ مشتاقلچ .

رفعت ايدي على باب اشرت نزلها وأخذها باسها
_ من باجر ندور على بيت ، ارجعي وياه وداومي باجر
بالمختبر صار فترة مهمل ، والظهر اجي من وقت اخذچ
ونروح سوية ندور بيت يليق بيچ .

زهراء: مايهمني البيت بگد مايهمني نكون سوية .

الغيهب: واني مثلچ بس اريد الچ بداية جديدة
حياة جديدة بيت جديدة انتِ الملكة بي ،أطفالنا فرحانين
ما اطلب اكثر بس أريدكم ويايه.

زهراء: تصير والله .

الغيهب: ابوچ اقترح علية ادور بيت قريب على بيتهم .

زهراء: بس المنصور غالية .

الغيهب: اذا ابيع هذا البيت والسيارة وعندي مناك اگدر اخذ بيت .

هزيت راسي بقهر وهمست : لااا لااا تبيع سيارتك شنو
لا تضغط على نفسك نشوف بيت حلو بمنطقة مناسبة .

الغيهب: اني من زمان بالي نعيش هناك منطقة هادئة
وماكو شخص يدخل بشخص ، انتِ عليچ تجين ويايه
وتختارين البيت الي يعجبچ اهم شي يعجب هل عيّون الحلوة.

زهراء: احبك .

باس راسي ونزل يبوس بيدي : مو بگدي نعمة الرحمن .

تركني وطلع جهزت النور والزينة وبدلت نزلت الجنطه
هو من شافني نزل راسه يخفي زعله ، انتبه ابوية علية
ابتسم وهو يصيح :استعجل على بيت ترا اذا تجي قسمتها ازوجها .

الغيهب: رحيم ارحم حالنا لا والعباس اخذها واشرد منك
اخليك ادگ وتلطم عوفني ادور براحتي توتر لا توتررررني .

رحيم: شلون بالله نوگف قسمة البنية ؟

زهراء: هو قسمته ماشيه اكثر مني الصبح نخطب مني الله وكيلكم .

گعدنا نحچي بالموقف سيف وهاجر وجلال احجي الهم
وهمَّ يضحكون ويرجعون يحششون الى ان ابوية
اخذنا وطلعنا وظل بس جلال ، باس الغيهب الزينة وهي تبچي
ماتقبل تروح اخذهاللمخل اشترت وهمَّ يمشوف هو يحجي وياها
ويفهمها ويقنعها ساعة الى ان اقتنعت وتحركت السيارة
النور گاعد ينتظر نخلص ، رجعت البيت اهلي لگيت رجاء ادرس
بابنها وتنتظرنا .

رجاء: ماعدنا بنات يعيشون ويه زلم غربة لچ
تعالي اليوم املص اذنچ .

سيف : تعنفين حضرتچ ؟

رجاء: هم ادخل يريد اخابر سمر اگول الها
البارحة بيش الساعة دخلت للبيت عوفني فاعلة خير .

سيف: بشاربچ لااا .

رجاء: ماعندي شارب راضيني دللني اريد اطمع بيك .

ضربتها على رأسها بخفه وصحت : شگد تحچي ولج راديووووو .

گامت علية عوجت ايدي وصاحت بضحك
_ هاي لوووو ابو هلهوله يحچي تسكتي .

سيف : اكلكم شوكت تزوجوني راح ابدي افضح بيكم .

رحيم: شسوي ؟

سيف : كلشي ماسوي يابه اشاقة اني وهل كيك بناتك .

گعد ابوية على تخم مدد رجله ورفع ايده على تخم
_ شعندك متزوج ظل عزابي .

سيف : ايدك بمي باردة مو مثلي ايدي بماي النار .

رحيم: اجي اصب ماي النار على راسك .

سيف : ام النور خنستي احچي سوي مداخلة عاجلة .

زهراء: الزواج بس مشاكل لا تتزوج احسن ابعد عن الهم وغنيلو .

سيف : شسويلوووووو الهممم يا هممم هسة اله أتلبس شخصية
الغيهب واطگها هلهوله اله اخذ حقي .

رحيم : شسوي .

رجاء: من البارحة هلهل يمي وناوي على هلهوله تخليكم طشار .

رحيم : رجال اذا طول لسانه بعد وكت على زواج مو هسة .

زهراء: اعرف ملامح قبل الهلاهل بس نگعد انتظر نغسل .

سيف : ابد والله .

رحيم : شفت خواتك عبالك ماسوي شي إذا موجودات .

هز راسه سيف وكعد مقابيل ابوية فتح سحاب القمصلة
ضهرت بدلته العسكرية اشر على رتبة : صرت جبير وشديت رتب
شوكت تزوجني من اتقاعد استويت حتى البنية خلص صبرها استوت ويايه .

رحيم : سسسسسسسسيف .

هو يحچي واني ورجاء وهاجر اختنگنا من الضحك
سيف : روح سيف وعقله ابو سيف العلم تاج وباج زوجني تعبت .

رحيم : تعبت من شنو ولك .

سيف : اني ضابط الضابط مايتحمل بدون نسوان اختناق ولك ابراهيم
ارررررررررحمني ابررررراهيممممم زوجني العباس عليك تزوجتي .

گام ابوية علية فر ايده ونومه على تخم : شبيك ولك .

سيف : زوجني امشي عليك جوامع بغداد .

ضربة على رگبته وعاط بي : بعد وكت لككككككك .

سيف : صار سنة مخطوبين يعني شوووووكت نزوج
مو مشاكلنا وصلت للفضائيين يحلون بيها بالمريخ .

رجاء: اوافقه الرأي مشاكلهم لعبان نفس على سلام عليكم يتعاركون .

رحيم : بعدكم ما متزوجين ومشاكل من تزوجون شلون ؟

سيف : تختلف هي البنية اذا بعيدة عليك تستفحل يطلع السانها
دخليها تجي يمي واسمع صوتها اطگها بوسة تسكت .

رحيم: باع هذا ولك من تلزمهن طنگورة لو تبوسها انت والعشيرة ماتفك .

سيف : بوستي غير هسة زوجني ومعليك .

رحيم : معليك شنو ادب سززززز حيوان .

سيف : معليك بالبوسة اقصد شبيك رحومي العلم .

رحيم: هذا صار كم يوم يگعد هو وهذا زوجج الشعار
صار يحچي مثله وعلي اموتك اذا تحجي مثله وعلي .

سيف : والعباس سوالفه حلوة تضحك .

رحيم : ها رجاء صدگتيني هسة وعلي هذا غيهب شايل سحر
من تگعدين تحچين وياه يخدر عقلچ والناس تحبه .

زهراء: ههههههههههه مرته هنااا والله يا سحر هذا يابه
هو سوالفه حلوة ويضحك .

رجاء: غير تگعد ياسمين صبري وأبو هشيمة .

سيف : والعباس يضحك وسوالفه ماتنمل .

رجاء: حتى ايهاب هيج يحجي الحمدلله اني وابوية ولا نتأثر بالسحر .

سيف : هسة شوكت تزوجوني طلعتوا روحي .

رحيم : هل فترة بس اصبر اثگل .

سيف : ظل بيها ثگل .

رحيم : يجبرني اضربه والله .

سيف : اروح انام واحترم نفسي .

زهراء: جهز نفسك عرسك قريب .

سيف : الله زمايل بكلبي تزاگط اروح ابشرها لا طلگني هل فلك .

هو صعدت وسحبتني رجاء من ايدي دخلتني للمطبخ
رجاء: سولفيلي شصار وياكم .

بديت احجي وياها نهاية الموضوع ولزمت ايدي تمسح بيها
زهراء: ايدج باردة عوفيني ثلجت .

رجاء: شنو هل سوار الحلو اريده .

زهراء: هووو شنووو نعمممم شكووو مالتي تررررا مالتي .

رجاء: اختچ اني .

زهراء: انطيني الحجل هذا واخذي السوار .

رجاء: هدية من ايهاب عرف راح تجين گال حتى اميز بينچ
وبين اختچ البسي .

زهراء: شنو بقرة ولابسة جرس ايعععععع لعبت نفسي منه ماريده .

رجاء: بس اني بعدني اريد السوار .

زهراء: جديد بعدني اول لبسه .

رجاء: حلات الخمط جديد .

اخذته من ايدي ولبسته تتكشخ بي واني اباوع عليها
عفتها وطلعت شفت اطفالها واطفالي يلعبون بالحديقة
بيد الشغالة صعدت فوك فتحت الجنطة مكالمتين من الغيهب
إتصلت علية جاوبني بصوت ناعس مبين نايم : گعدتك .

الغيهب: عادي .

زهراء: شلونك ؟

الغيهب: نسيتي الشال مالتچ الثاني هنا لزمته بيدي ونمت .

زهراء: اسفة عفتك وحدك .

الغيهب: ماقصرتي حبيبتي سهلة كلها ايام ونرجع نجتمع .

بقيت وياه على خط الى ان صار اليل ونومت الجهال وهو
نام واني اريد انام سديت الخط ونمت الثاني يوم من الصبح
داومت بالمختبر الشغل متراكم والدكتورة تعاتبني هم لو يعرفون
شيصير ويايه يتعاركون اذا اداوم الناس عليها المظهر وبس
كملت شغلي شبه المغرب بحيث الغيهب تهستر كل ما يخابر
أجاوبه بعدني .

طلعت منتظرني برا صعدت وسلمت وهو يهلهل لان تأخرت
دخلنا مطعم لا هو ماكل ولا اني أكلنا ورحنا نفتر على بيوت
اي بيت نشوفه يا اما كُلش غالي او مو على مرام .

ويوم يجر يوم احنا نفس النظام ندور ونرجع ندور
لليل نفترق وكل واحد يروح بمكان ، سبع ايام وهشام
نفذ الوعد وباع بيته وكل الفلوس عنده واخذ بيت العائلة
ثالث يوم بعد البيع برغم مرض الغيهب على بيت وعلى
ذكريات وصعوبة طلعته منه بس حياتنا جانت دافع قوي
حتى يكمل بحث والحمدلله بيوم وليلة خابرني فرحان
_ بدلي شفت بيت رنان دقايق واجي اخذچ نشوف يعجبچ حتى نشتري .

بدلت واستأذنت من ابوية وعفت اطفالي عند هاجر ورحت
مو بعيد عن اهلي هواي مسافة بسيطة بيناتنا نزلت من السيارة
واجهت البيت جديدة وعبارة عن اضائة بكل مكان وعلى واجهة البيت
صقر كبير ، فتح الباب ويانا صاحب البيت دخلنا اكو حديقة صغيرة
مرتبة ومدخلين واحد على استقبال والثاني على مطبوخ تصميم حديث
وراقي مثل الرسم لبالي وبال الغيهب .

غرف على عددنا وللضيوف عجبني الى درجة طرت من الفرح
بي الى ان وصلنا الموضوع السعر من سألت انصدمت وخابت
امالي : نشوف غيره .

الغيهب: ليش حلو وفخم وراقي وعجبني وعجبچ .

زهراء: غالي والميزانية متسمـ ..

غمض عيونه ورفع ايده ودار على جهة الرجال بمعنى اسكتي
الغيهب: هاي هي خوية عجبنا نتوكل ونشتري .

طلعنا وهو يتفق وياه راح الرجال واني صعدت بالسيارة هو
اجاه اتصال بحيث صعد وهو ينبه : محمد اذا كملت الأوراق
باجر روح وطلعها هاي هي اريد راسي يبرد لعبت روحي
من الملحه .

سد المكالمة بعد حوار طويل سألته : راح تسافر اطلع مـ .

الغيهب: لا تذكرين هل قذارة وتوصخين هل شفايف بذكرها
رددي اسمي كلبي يوجعني خليني اطيب .

اخذ ايدي تمسك بيها بقوة : اي ايدج الحنينه من تصير بيدي
احس بروحي ملكت الدنيا ومابيها .

اخذتها بحضني ارسم عليها دوائر واهمس : ومن تصير يمي بعد
مافكر ادري بيك تحل كلشي يشغل بالي حتى مايتعب راسي غير بيك
انتظر الحظات إلي فعلا نرجع نعيش بيت واحد وأطفالنا حوالينا.

الغيهب: وعد مني مو بيت اسوي الچ مملكة تفصلين وتخططين
وتأمرين بيها براحتچ وعلى مرامچ وذوقچ حياتنا تمشي .

ابتسمت بخجل ونزلت راسي وصلني للبيت وقبل لا انزل
استفسرت : المبلغ الباقي شلون أدبره ؟

الغيهب: محلوله .

زهراء: اي غير اعرف فدوة احچي امانة .

الغيهب: بس مو تعترضين .

زهراء: تبيع السيارة مالتك مو ؟

الغيهب: اي بدون اعتراضات ميهم هسة لا سيارة ولا فلوس
بس اريد ترجعين انتي وجهالي يمي ضايع بدونكم الكون
كله ياكل بيه من انتوا بعاد عني .

زهراء: غيهب تحبني ؟

الغيهب: ههههههههههههه وتسأليني؟

زهراء : تحبني ؟

الغيهب: اني حبي الچ حتى ماينوصف
احبچ الدرجة اتمنى ارجع بالزمن وادور عليچ وابدي عمري وياچ
هو العمر ماينحسب بلاچ والله
انتِ جبرت خاطري ، اني ضيعت العمر الفات بدونچ
تدرين زهراء من اتعب اتذكر ضحكتچ ترد روحي .

زهراء: ما اگدر أحضنك بس اعوضك عود بعد الزواج هههههه
احبك شنوو احبك غير امووت واعشق ربك فديت ربك .

الغيهب: دمشي نزلي لا افر السيارة وبوجهي
للبيت والله يستر هناك شيصير تعرفين شسوي امشي يلة گدامي .

نزلت واني اضحك لوحت بيدي ودخلت ابوية منتظرني
شافني اضحك صاح بيه: لهل درجة صاير الغيهب يضحك .

سيف : نهنش تنهنش ..

رحيم : صوتك .

سيف : ام السوس على خط احترامات اريد فول .

رحيم : انطينياها اسرد تاريخك كله يمها .

سيف : اطلگني تريد يصيحون علية سيف المطلق ما اتحمل
نظرة المجتمع تجرحني تعور شرياني .

رحيم : سيف بابا خليني محترمك اصعد فوك بغرفتك
دردم انت وهاي الراديو لا تتعب ولا تمل من الحچي .

سيف : هاجر قابلة على زلمتچ يحچي على زوجتي
اذا راضية گولي حتى أسويها موزينه .

هاجر : گدامك حبيبي شفت سمعت شلون يهددني .

رحيم : يخسي .

سيف : عود وصيني على حلويات يهاجر
لو بعد تشعلين اصابيعچ العشرة شمع بعد فلا اسامحچ .

هاجر : ذكرتني بالحلويات حبيبي نريد سيف يشتري النا حلويات .

رحيم : هاك گدامي روح جيب حلويات للغاليات
حلويات يريدن ياكلن حلويات .

رجاء: اجمع بناتي اسمعچ واتغزل بيچ يمرتي .

رحيم : لا ادب سز انتن حلويات والله .

سيف : صاعد انام .

رحيم : خوش اصعد واشوف منو يزوجك .

سيف : الحلويات على حسابك لو على حسابي .

هاجر : كريم وبالكرم معروف .

زهراء: وحاير شرد اوصفنك .

سيف : اشتري الكم واني الممنون بس زوجوني تعبت .

رحيم : درووووووووووووح .

سيف : هلهل الواء رحيم .

اخذ مفاتيح السيارة وهو يأشر الهاجر : اريد اشوفچ بعد تخابرين
وتطلبين اجي اخذچ من الدوام بعلي اخلي الشمس تاكلچ اكل .

رحيم : اسحب السيارات ؟

عافهم وطلع وهاجر ترفع بحاجبها ودفع بي حتى يطلع
رجعت علية تغمزلي : اي ام ضحكة الحلوة انطقي فرحيني وياچ .

رحيم: عجبكم البيت .

زهراء: اي بس عندي طلب اطلبه منك .

رحيم : امريني من المليون لـ 100 مليون خادم اني الچ بابا .

زهراء: لا لا شكراً بابا والله مو هيچ الموضوع وان شاء الله
مانحتاج اصلا تعرف انت الغيهب لو شميصير مايحب ياخد
من شخص حتى لو أهله هو فلوس شغلي وامشي عليك الف
يمين وعود لو يوافق لو لا .

رحيم: لعد ؟

زهراء : البيت غالي والغيهب ناوي يبيع سيارته واني ما اريد
يبيعها تعرف الرجال بدون سيارة يتبهذل والغيهب من يوم يومه متعود
على سيارة مايعرف بدونها وبالخصوص هاي السيارة كلش يحبها
بس هو مستعد يبيعها علمودنا اني ما اقبل بهل شي .

رحيم: اني انطيچ ولا تگولين من ابوية .

هزيت راسي وحاولت افهمه بهدوء
_ ما اگدر بابا عندي فكرة ثانية ، سيارتي صار فترة متروكة
الصراحة ما احتاجها بهل فترة اريد ابيعها واساعد زوجي
وبعدين اشتري ما مضطرة عليها .

ابتسم بفخر وثقة: مابيها شي كلش فخور بيچ تريدين تساعدين
زوجج مبادرة حلوة بابا .

زهراء: عبالي راح تعارض ..

رحيم : لا بالعكس .

زهراء: تساعدني ونروح باجر نبيعها ؟

رحيم : اني اشتريها منچ احتاجها حرامات جديدة .

ابتسمت واني خجلانة منه : ماشي براحتك .

بقينا سهرانين الصاني يوم رحت سجلتها بأسم ابوية وسلمني فلوسها
خابرت الغيهب بعد ما راح ابوية ما اريد أحرجه واحجي مقابيل شخص
بس طلع من المحكمة أجاني للمختبر اخذني بعد السلام بقّيت خايفة
ومترددة: بيچ شي حايرة صاير شي ؟

زهراء: شسويت على شغلة بنت عمتك ؟

الغيهب: وقت تعهد وطلعت خلصت منها ، المهم انتي شبيچ .

زهراء: اذا تحبني تسمعني للأخير ولا تعصب مني امانة .

الغيهب: شكو فهميني شصاير ؟

زهراء: ماتصير عصبي ؟

الغيهب: خوفتيني شمسويه زهراء والله ما اصير عصبي
واسمع للأخير بس احچي .

زهراء: اني وياك مو واحد انت شريك حياتي واني شريكة حياتك
مثل ما انت كلشي عندك من مبالغ راح تنطيهم للبيت اني هم لازم
اشارك وياك بصفتي زوجتك وام اطفالك .

قلص عيونه وهو يباوعلي بس مبتسم : وجودچ كافي ما اطلب اكثر منچ .

زهراء: لا اني اريد اساعدك فدوة لا تردني .

الغيهب: وشلون تساعديني ست زهراء .

رفعت الجنطه فتحتها وهمست : هذولي ..

قوس حاجبة مستغرب يبوع على جنطة ويرجع يباوعلي
_ شنو هذني ومنين بس لا بعتي الذهب ؟

زهراء: سيارتي ، قبل لا تحچي تعرف اني ما احتاجها والله مو بحاجتها .

الغيهب: كم مرة نبهتچ ممنوع تتصررررررفين بدون علميييييييي ؟؟؟

زهراء: مو حلفت ماتصير عصبي .

الغيهب: ما احتاجهن اني اعرف ادبر امري
سيارتچ تبيعيها ليش منو گال اقبل خابري انطيني علم
شلون بعتيها وشوكت ومنو اخذها ؟

حجيت كل الصار بكل هدوء وساعة واكثر من ساعة
اني احارب حتى يقبلهم وهو قافل الى ان ظل يستغفر
وصاح : انزلي زهراء للبيت بعدين اخابرج ونتفاهم
روحي صارت بخشمي .

زهراء: عطسها .

اني حچيت هي هيچ وهو تذكر قبل من حچاها
ابتسم بتعب وگرصني : انزلي .

زهراء: انتَ موجود ما احتاج لا سيارة ولا غيرها
وادري بيك تعوضني بالأحسن منها امانة بغلاتي عندك تقبل .

الغيهب: فلوس سيارتچ زهراء صعبة .

زهراء: اني وياك واحد الخاطري حبييبي اقبلها ولا تبيع هاي السيارة .

سحب راسي باستي وهمس : مواقفچ كثراً زهراء خايف
يصير بيَّ شي وما الحگ اعوضچ لچ انتِ شنو بس فهميني
والله اخچل گدام تصرفاتچ اني الصلف اخچل .

زهراء: تعوضني من تعيشني ملكة مو وعدتني انتظر التنفيذ .

الغيهب: راح تشوفين بعينچ وماراح تتندمين بيوم بعد والله .

باس اسدي سلمته المبلغ حرك السيارة وراح اخذ باقي
المبلغ وطلعنا على صاحب البيت تكاتبوا وباقي الإجراءات يمشون بيها
شي بعد شي على راحتهم هو الغيهب بيوم يخلصها .

سلمنا المفتاح والغيهب فتح ايدي ونزل المفتاح
_ مملكتنا الجديدة ملكة گلبي .

فتحت الباب واني طايرة من الفرح الأرض ما واسعتني
اريد احلق واطير اريد اصرخ حققنا الحلم دخلت البيت
بس هل مرة بيتي ملكي وحدي ، ما حسيت غير الغيهب
يحضني لدقايق اني وياه ما مستوعبين من فرحتنا
الى ان رجعنا هو بسرعة طلع سديت الباب وطلعت
يأشر بيده : للسيارة مو مال نظل وحدنا امشي گدامي .

نزلت بايات الباب ولابسة كعب اطگطگ وهو يمسح بوجهه
رجعني للبيت ابوية واهلي من عرفوا فرحوا اكثر مني يمكن
الثاني يوم اجه الغيهب من الصبح ابوية يريد يطلع للدوام
هو وايهاب وسيف واگفين بصف السيارة طلعت اني وهاجر
تقرب منهم سلم وكلهم يباركون بس ابوية والفيهب العم رأي ثاني .

الغيهب: قطيت بنتك .

رحيم : بنت رحيم ما تنقط برضاتها سلمتك .

الغيهب: اخذتهن بعد رضاتها مو رضاتها قطيتها .

رحيم: وشترررريد هسة اجي انطحك والله .

يريد يحچي الغيهب وصاح بي : ديرررر بالك تجفص
بغلي هنا انومك جوة السيارة .

الغيهب: لا شسالفة عمي الغالي مفتهم الموضوع غلط
كل الحب والاحترام الك يالذهب يالصافي .

عرفته يحمل حفصه لزم ايدي صعدني بالسيارة
وأبوية بالسيارة حركوا هم يمشون وهو يمشي بصفهم
دگ هورن سيف فتح الباب مد الغيهب ايده وصاح
_ لك سيف ..

سيف : هااا نسيب .

_ ربك ما لابس احمر چان ابوك نطحني .

هو حچاها وابو عاط بعلو صوته : لككككك امين ادعمهههههههه
اضررررب سياررررته والله افصلك اضررررربه .

الغيهب: يريد ينطحني من الصبح اطفر عيوني .

شخط السيارة فطيت وجهي من السرعة
صار ايهاب قريب منه خربان من الضحك
غمز اله الغيهب وصاح : اني اخذ بثاري وثارك .

ايهاب : كفووووووو ابو النور يرحون الك فدوة كل من يكرهك .

رفع الغيهب الجامة ولبس المناظر وهو خربان ضحك
_ شلونها الحلوة ؟

زهراء: الحمدلله انت شلونك شلون صرت ؟

الغيهب: بخير عيوني انتي ، نتريك ونطلع نجهز اثاث البيت .

زهراء: متفقين حبيبي يلة توكل .

أكلنا بأحد مطاعم بغداد وطلعنا المحلات تفصال الكاونتر
اختاريت تصميم وخلال شهر يتنفذ بالكامل ، فصلنا التخم
وخلال شهر يكمل ، باقي البيت رحنا نشتري شي بعد
شي ويوم بعد يوم نجهز بدون استعجال وبتنسيق
الألوان والأثاث وكل غرفة بالبيت ديكور مختلف عن الثاني
بس كل البيت فواتح مختارين والاكثر ابيض وذهبي
يفتح النفس ما اختارينا غوامق ابد نريد البيت يفتح النفس وينور
حياتنا الحديدة عبارة عن نور وهدوء وسكون .

رجعنا ندور على ( مالي )المساعدة مالتنا وبعد بحث مطول عرفت مالي
راحت بيت وعرفت عنوانهم ما اگدر بدونها رحت
لهذا البيت ودخلونا رحبوا بينا وبعد السلام طلبنا
منهم مالي اجت تقدم وهي شافتني گعدت تبچي
يم رجلي سحبتها گعدتها يمي من شافوها شگد
تحبني اقتنعوا ورجعوها ويانا بعد ما رحنا للمكتب
وتم الاتفاق على كلشي رجعت مالي احسها جزء من حياتنا صارت .

نظفنا البيت بالكامل خلال اسبوع وصرنا نجهز بالحديقة
ونرتب الأغراض شي بعد شي واخر شي وصل الكاونتر
والتخم خلال شهر ونص كمل الليت بالكامل وصار مثل
ما جنت اريد واحلى بقاطات بفضل الله سبحانة الف الحمدلله وماشاء الله .

وصار وقت زواجنا بعد هل فترة بالكامل تحدد يوم
زواجي الجديد من حبي وحلمي المحقق وابو اطفالي
الكون بكبره حسيت فرحان بيومها السعادة لا توصف بحرف
ولا بكلمة ، امنت على اطفالي عند رجاء ، واني جهزت نفسي
لبست فستان ابيض على ذوق الغيهب رحت اني وابوية واخوية
والغيهب وأخوانه للشيخ ايده طول الوقت بيدي جنت خجلانه
على متوترة على لازمتني الضحكة من الموقف وكل عادة
ومو جديدة طلة وشياكة وترتيب واناقة الغيهب بهل يوم سحروني
هو يتغزل واني اتغزل على واهس بس مقابيلهم اني فول ثگل
وبس هو يتغزل ويتحارش .

من نطقها الشيخ ورجع گال : أعلن أنكما زوجا وزوجة .
روحي رفرفت بمجرد ما وگفت لان الشيخ وگف
سحبني الغيهب من ايدي مقابيل الكل وحضني
وهو يبوس براسي طبطب ابوية على ظهره: الف مبروك الله يسعدكم .

عشام وجلال وامير يباركون وهو فاصل يباوعلي بفرح
دقايق وتشكر منهم حرك السيارة وعلى اتفاقنا : الجنط بالسيارة ؟

الغيهب: كلهن يا گلبي عوفي ايدچ بيدي لا تشيليها .

الطريق عبارة عن غزل وتخرشات وبوسات الغيهب
الى ان وصلنا أربيل ، نزلنا بأرقى الفنادق ليلة عشناها
من احلى ليالي حياتنا ومثل ما گال : هذا اعتبره اول عوض
تعبتچ بأول ليلة بزواجنا تنمسح هنا هل ذكرة ونبني ذكرت
اول ليلة زواج جديدنا هنا بهل مكان وهل غرفة تقبلين اعتذاري .

أومأت براسي وعشت لحظاتي مع حب حياتي ملك گلبي الأبدي .

اسبوع عسل لحظاته موثقه بالكامل عندي
عوض وفعلاً عوض لا يوصف من حب واهتمام
وكلام حنون وتعامل ولهفة أشوفها بعيون الغيهب
غيهب القديم وكأن تبدل وصار بمكانه انسان جديد بكلشي
وما احلى من انسان ملك روحي وكلبي وصرت احبه اضعاف حبي .

رجعنا لبغداد بعد هل ايام الحلوة بطريق الرجعة
وتلفون الغيهب رن : منو ؟

الغيهب: ام سما جاوبيها ..

اخذت التلفون فتحت خط تناشغ وتصيح
_ سلامات خالة شبيكم سما بيها شي ؟

ام سما : خاتلين بالغرفة وعمامها برا وياهم تيم
يتضاربون عمها يگول بعد ماعندك بنية يمنا
أريدها لابني والثاني يصيح على جثتي تأخذوها .

سحب التلفون الغيهب وساق سريع سد المكالمة
واتصل على نجدة انطاهم العنوان وخابر صديقه
اكد علية ضروري يروح الهم .

وظل يستمع للأخبار بس بدون مايروح الهم
تأكد عمامها وتيم بالمركز استقر وصلني للبيت
دخل وهو بالحديقة يشوف لأخبار ولا ساعة ولا ساعتين
فات للبيت : ها بشر حبيبي شصار وياهم ؟

الغيهب : طلعوا من السجن وسما وامها موجودات بالبيت
لو يسافرن احسن الهن .

زهراء: اي اذا عليهم خطر السفر امان الهن اكثر.

دخلوا اهلي علينا والتهيت بيهم بس الغيهب كل ساعة
يطلع للكراج الى ان صار اليل وراحوا اهلي صعدت
قبل الغيهب من ناموا النور وزينة بغزفهم
صعد بس عصبي سالته شبيك صاح : تعاركت اني وام سما
ماتستحي هل انسانه فوك زيناتي تطلب طلبات تخليني امره
نفسي لان انقهر عليها وعلى امثالها.

زهراء: رجعت على نفس موضوع الخطوبة .

الغيهب: والظاهر ماراح اتوب .

حضر رقمهن وكلف صديقة وتركهن ايام وليالي
الى ان تحدد موعد سيف مو شريكة دربك صديقته
حب حياته حماسة فرحته يفرحون كل شخص يشوفهم بهل حالةً.

جهز كلشي على ذرقه وذوق سمر ذوقهم راقي وحلو
تجهيزات وركض الاعراس متعبة اكثر من تعب العروس بعرسها.

سيف وسمر چانوا على مرام لايگين البعض وكانهم
دولة بعد الاحتلات خرابات بس ترممت وصارت حلوة
سيف يحب الحنان لان محروم منه من الطفولة
بعد تفكير ونقاش طويل تحدد العرس

جهزت نفسي واطفالي وزوجي على اتم وجهه
قرروا يصير بس عرس والباقي يسافرون على
دول لمدة عشر ايام متواصلة .
لبست لبس رسمي والغيهب والنور والزينه كلنا طقم رسميات .

فرحت بهل يوم فرحت أم لابنها وبدون نقاش
قررت اشارك العرس على انستا واشارك حبيباتي هل لحظات ..

واخيراً اخذ سيف حب حياته سافر يعيش أيامه ويرسم مستقبله وياها ..

عمي ابو الغيهب من عرف بزواجنه اخذ موج وامها وسافر على تركيا .

وكل فترة يرجعون للعراق وبكل رجوع مستحيل ماتصير مشاكل
بسبب ست موج ومراقبتها اليه وللحسابات شنو انشر تفكر اقصدها
حتى لو دعاء معناها ادعي عليها واني والغيهب متجاهلين
الوقت تجاهل تام بحيث توصل بيها من العصبية توگع وتدخل مستشفى
وهاجر تصيح : تغار من تشوف تنشرين بيتكم ويومياتكم وحبكم
تنقهر من تشوف شخص چان وياها وتعداها ونساها وتخطاها .

وفعلاً الغيهب مايحب ذكراها وصل مرحلة من التصالح
لا يحبها ولا يكرها بس ما يريدها تقترب من عائلتنا وخلص
هي بحياتها واحنا بحياتنا .

سما : مازالت موجودة هي وامها بحياتنا وكل فترة
يطلبون مساعدة من الغيهب وهو ينقهر مايحب يرد محتاج
بالخصوص نسوان بدون سند ، بس كلشي بحدود المكالمة
الكلام كلشي بحدود واذا هو مموجود تظل المكالمات لم يرد عليها
الى ان يرجع يتصل مقابيلي بدون طلب مني بس مايحب يشغل
بالي يريدني أظل مطمئنة دائماً .

حياتي صارت وردية كلها نور مثل أمنياتنا مستقرين
حبنا اكبر من كل الظروف نگدر بحبنا نحارب كلّ الصعبات
وكل شخص يحاول يدخل بحياتنا ويخرب بيناتنا صفحتنا
بلشت من جديد ولليوم نظيفة بدون شخوط عيشني على مبدأ
حالياً انتي بمرحلة العوض عوضني ومستمر يعوضني
الحمدلله دائماً وأبداً ..

الــنــهــايــة ..

حساباتنا على instagram
أساور حسين

حساب زهراء حبيبتكم 🫂🤍

حساب رجاء اخت زهراء 🤍