رواية ظلمني حبه ( لهدير دودو ) الفصل الاول 1 - بقلم هدير دودو

"""""""""""""""""الكل متجمع في قصر الدمنهوري على الفطار

مراد بجدية و صرامة : شادي روح انت شوف الفرع اللي في اسكندرية

شادي : لا معلش  يا مراد اعذرني انا ورايا كام حاجة مهمة عشان فرحي انا و شهد قرب انت عارف

مراد : خلاص يا شادي هروح انا و امري لله

سارة بضيق : هو احنا هنفضل على طول نتكلم في الشغل انا زهقت

مراد بسخرية : لا معلش ...هنتكلم اهه في اللبس و الميكب بتاعك عشان سيادتك متزهقيش 

ضحك كل من على السفرة بشدة

سارة بغيظ : شايف يا جدو بيكلمني ازاي هو انا مش بنت عمه و لا ايه

الجد بطيبة : خلاص يا حبيبتي ثم قال لمراد بصرامة صحيح يا مراد فكرت في الموضوع اللي قلتلك عليه امبارح

مراد بنغي : لسة يا جدو اديني كام يوم كمان

الجد : ماشي

عند مراد بيفتكر اللي حصل امبارح في المكتب

"""""""""""""'"""" فلااااش باااك

الجد بطيبة : مراد انا عاوزك يا ابني في موضوع مهم

مراد باحترام : نعم يا جدي في حاجة تعباك

الجد : لا بس انا عاوزك تتجوز

مراد بخضة  : نعم ... اتجوز

الجد : و فيها ايه يا  مراد لما تتجوز ما كل الشباب اللي في سنك متجوزين و شادي ابن عمك كلها شهر  و هيتجوز انت بقا هتفضل كدة

مراد : يا جدي شادي حر في حياته و بعدين هو حاجة و انا حاجة تاتية خالص انت عارف ان انا مقرر من بعد ملك  خطيبتي الله يرحمها  متجوزش دلوقتي

الجد بصرامة : خلاص يا مراد ملك بنت خالتك ماتت الله يرحمها و بقالها سنتين يبقى نشوف حياتنا بقى ما هي الدنيا مبتقفش و اصلا انت كنت هتتجوزها عشان خاطر امك الله يرحمها

مراد بصرامة هو الاخر : ماشي .. بس انت عارف ان  انا حبيتها ثم قال بسخرية و مين بقا العروسة دي

الجد : سارة بنت عمك

مراد بخضة : ازاي يا جدي و انت عارف ان انا اصلا مبطقهاش في الكام دقيقة اللي بشوفها فيها دي تروح تقولي اتجوزها

الجد بصرامة و نفس طريقته :ايوة ما انت مش هتتجوز واحدة غريبة من العيلة لازم تبقي من العيلة

مراد بنفي للفكرة : لا يا جدي مينفعش انا و هي مبنطقش بعض اصلا جاي تقولي اتجوزها استحالة

الجد بصرامة : هديك فرصة تفكر يا مراد و للمعلومة انت مش هتتجوز واحدة غير من العيلة و مفيش غير سارة و كمان دي بنت عمك

مراد بهمس : ما هي دي المشكلة ثم خرج و هو بيفكر ازاي هيخرج من الموقف دة هو عارف ان جده لما بيصمم على حاجة بينفذها لأنه في هو كمان نفس الطبع دة

"""""""""""""""""باااك
سمية باطمئنان : في حاجة يا مراد مالك سرحت في ايه

مراد : مفيش بس كنت بفكر في حاجة .. طب انا هقوم عشان الحق اروح اسكندرية ثم ذهب

"""""""""""""""""""""""عند ضحى و حورية

ضحى باستغراب : مالك يا ماما في ايه .. بتفكري في ايه يا قمر انت

حورية : مفيش يا ضحى .. و قلتلك مية مرة اتكلمي براحة انت بتسألي كذا سؤال مع بعض

ضحى : خلاص يا قمر متزعليش بس قولي بقا بتفكري في ايه

حورية : مغيش بس بفكر عمك دة ازاي في حد كدة

ضحى : ليه عشان يعني مدناش حقنا .. يا ستي و لا يهمك المهم اننا عايشين قال عاوزني اتجوز سامي ابنه اللي شبه العصاية دة لا و انا اصلا ارجل منه

ضحكت حورية و قالت : بس يا بت بطلي تقولي كلامك الغريب دة ة يلا عشان تروحي على الشغل بدل ما تتأخري و انت عارفة ان المدير  الاساسي جاي انهاردة و دي اول مرة يجي و انت موجودة

ضحي  و هي تضرب مقدمة راسها : صحيح فكرتيني  كويس والله دة انت قمر

حورية : طب يلا و انت عمالة ترغي من الصبح رغاية اوي انت بصراحة

مشيت ضحى عشان تروح على شغلها

( حسين  : عم ضحي عاوز يجوزها لابنه سامي شخص اناني اوي

سامي: ابن عم ضحى واد ملوش شخصية مش هيظهروا كتير )

""""""""""""""""وصلت ضحى الشركة و الكل كان قلقان عشان المدير جاي

ايه صحبت ضحى : صحيح يا ضحى مستر عبد الرحمن طلبك عنده

ضحى باستغراب و تساؤل : متعرفيش ليه .. عاوزني في ايه دة

عبد الرحمن من وراها : متخافيش يا ضحى انت قد ولادي و بطلي لماضة شوية تعالي معايا على المكتب

مشيت ضحى و راحت المكتب مع عبد الرحمن

عبد الرحمن بصرامة : بصي يا ضحى انت عارفة ان مستر مراد اول مرة يجي هنا فياريت تخفي شوية من لماضتك و شقاوتك اللي بتعمليها هنا

ضحى : طب اشمعني انا اللي بتقولي كدة هو مفيش غيري هنا و لا ايه

عبد الرحمن : هو فعلا مفيش حد بيعمل التصرفات و الحركات االي بتعمليها انت دي ... انت اصلا انسانة فظيعة جدا

ضحى : ماشي مقبولة منك يا معلم

عبد الرحمن : شفتي .. ياريت تهدي شوية بقا

ضحى : حاضر ثم ذهبت الى مكتبها

ايه باستفسار : كان عاوز منك ايه

ضخى بلا مبالاه : و لا حاجة بس كان بيقولي اهدى شوية يعني

ايه : ياريت تسمعي كلامه بقا

ضحى و هي تدعي البراءة : في ايه ... هو انا اصلا بعمل حاجة اصلا

ايه : لا طبعا فاكرة لما جبتي البت منال قبل ما تمشي من شعرها عشان اتكلمت عليكي و قعدتي تشتميها والله  لولا ان مستر عبد الرحمن كان يعرف باباكي الله يرحمه كان زمانه طردك من زمان

ضحى : اديكي قلت .. انا مبعملش حاجة لحد غير لما يكون هو اللي بدأ معايا

ايه : طي يلا يا حاجة اشتغلي و بطلي رغي يا رغاية

ضحى : والله فعلا ماما هي كمان بتقولي كدة عشان كدة هعديهالك

بدأ الجميع يشتغل

"""""""""""""""عند سارة دخلت لجدها

سارة بتساؤل : ها يا جدو كلمت مراد و قلتله اني بجبه و عاوزة اتجوزه و لا لسة

الجد بأطمئنان: متخافيش يا سارة انا قلتله و هو اكيد هيوافق انا عارف انك بتحبيه و دة اللي مخليني اساعدك

سارة بفرحة : اه طبعا يا جدو شكرا اوي ليك

الجد : ماشي يا سارة شوفي بقا انت رايحة فين و سيبيني ارتاح شوية

خرجت سارة و هي فرحانة انها خلاص هتتجوز مراد و هدفها هي و ابوها قربوا يوصلولوا

احمد بخوف : ها يا سارة قالك ايه

سارة بفرحة : متخافش يا بابا خلاص مراد و فلوسه مش هتكون غير بتاعتنا

احمد : ماشي اهي انت فعلا اللي مريحاني مش اخوكي الفقر عامل زي امه

سارة بلا مبالاه : طب انا رايحة النادي باي
ثم خرجت

"""""""""""""""""عند شادي و شهد

شادي بفرحة : كدة خلصنا كل حاجة مش ناقص غير فستان الفرح انا مش مصدق نفسي

شهد بتأييد  : و لا انا والله

شادي بحب : لا يا حبيبتي صدقي .. خلاص كلها شهر و هنتجوز خلاص و تبقي مراتي

شهد بفرحة : و انا كمان مبسوطة اوي والله

شادي : طب يلا انت عارفة ان ماما انهاردة عازماكي على الغدا

شهد : اكيد طبعا هو في حد زي طنط سميه انا بحبها اوي والله يا شادي

شادي بخبث : طنط سمية بس مفيش حاجة لابن طنط سمية .. يعني حاجة كدة و لا كدة ناسية تقوليها

شهد بكسوف : لا .. مفيش حاجة

شادي : لا نسيتي تقوليلي حاجة مهمة

شهد بكسوف : ماشي هقولها بعدين

شادي : ماشي براحتك

""""""""""""""""""''"" عند ضحى
ضحى : اية انا هنزل اشتري كم حاجة عشان الغدا

ايه بخوف : ماشي .. بس متتأخريش

ضحى بثقة : متقلقيش مش هتأخر

ايه : ماشي

نزلت ضحى اشترت و و هي راجعة كان في عربية هتخبطها بس وقفت على اخر لحظة

الشاب بأسف : انا اسف مكنش قصدي

ضحى بعصبية : اسف ايه و زفت ايه وقعتلي الاكل على الارض اعمل ايه انا بقا بأسفك دة

مراد بعصبية هو الاخر : تصدقي ان انا غلطان اني بكلم واحدة زيك بأحترام انت اصلا مينفعش معاكي

ضحى بزعيق : واحدة زيي !! و مالي ان شاء الله مش عاجباك و لا مش عاجباك و بعدين انت اصلا اللي غلطان انسان حمار قدام مش بتعرف تسوق بتركب عربيات ليه

مراد بنفس الطريقة : هو انا بردو اللي كنت ماسك شنطة الاكل اللي وقعت دي و عمالة ابص فيها و مش باصة قدامي يارتني كنت دستك فعلا كان زماني ارتحت

ضحى : لا يا بابا لم نفسك عشان انت اصلا مش قدي انت كبيرك واد مدلع و اهله مربهوش صحيح  انسان متخلف و مستفز قليل الادب صحيح ثم تركته و مشيت بسرعة قبل ان يرد عليها حتى متعلمش الزوق مش كان جابلي اكل بدل اللي وقعه مش مهم بقا هبقى اكل مع اية مش مشكلة

اما مراد فوقف متعصب انه مخدش حقه منها و مشيت قبل ما يرد عليها ثم قال : اه لو اشوفك تاني متعرفيش هعمل فيكي ايه انسانة متخلفة معندهاش احترام

*******************************
ايه رأيكم في الفصل الاول ...  ؟؟

تفتكروا مراد لما يقابل ضحى في الشركة هيعمل فيها ايه و هي هتعمل ايه ....؟؟

ايه رأيكم في شخصية ضحى .. مراد ...
هيعيشوا ازاي بعد كدة ...

اكتر شخصية حبتوها و تحسوها دخلت قلبكم ...

تفاااعل بقاا .... توقعاتكم .....

نزلت بدري عشان بليل مش هبقى فاضية اشوفكم بكرة

متنسوش تدوسوا على النجمة الصغننة اللي تحت**

الكاتبة :دودو