رواية ظلمني حبه ( لهدير دودو ) الفصل الحادي والعشرون 21 - بقلم هدير دودو

وصلت ضحى الى غرفتها و دخلت نامت على طول من التعب اما مراد فنزل عشان شغله

سمية بتساؤل : ايه يا حبيبي انت رايح فين و سايب ضحى كدة لوحدها كنت قعدت معاها انهاردة

مراد ببروده المعتاد : لا انا هروح الشغل و كدة كدة ضحى نامت اصلا عن اذنكوا ثم ذهب

اسماعيل بخوف شديد على ضحى و حفيده : طب ما تطلعي يا حورية تقعدي جمب ضحى عشان لو صحيت او عازت حاجة

حورية : حاضر يا بابا و طلعت قعدت في اوضة ضحى

""""""""""""""""""في الشركة عند مراد الباب خبط

مراد ببرود : ادخل

دخل شادي و قال لمراد بسعادة حقيقية لا يستطيع ان يخفيها : مبروك يا مراد حقيقي فرحتلك اوي .. بقا انا هبقى عمو

مراد بابتسامة : اه يا شادي تخيل كدة انك انت بتفاهتك دي هيجي ابني و يقولك يا عمو

شادي بهزار : ماشي هعديهالك يا مراد .. انت تخليني انا اللي اربيه و هعلمه كل حاجة يعني هيبقى نسخة مصغرة مني بالظبط

مراد : ليه حد قالك ان انا مستغني عن ابني او بنتي عشان اسيبهوملك و بعدين ما انت اللي مأجل موضوع الخلفة مش عارف ليه

شادي بجدية : مش هبقى قادر على المسؤولية دي يا مراد فمش عاوز اظلمه احنا مأجلينه سنة او سنتين و باذن الله بقا نبقى نخلف

مراد بتفهم : ان شاء الله المهم عملت ايه في ورق المناقصة الجديدة

شادي بعملية : الحمد لله كله تمام و مجهزه خد راجع عليه بقا و كمان مين اللي هيسافر المرة دي انت

مراد بنفى : لا طبعا عشان حمل ضحى فمش هعرف اسيبها لوحدها ممكن انت او بابا

شادي برفض : و انا كمان مش فاضي اليومين دول خالص مش هعرف اسيب شهد و اسافر دة احنا لسة عرسان بردو راعي دة

مراد بسخرية : عرسان ايه احنا داخلين في خمس شهور اهه و خلاص روح انت اتصرف مع عمك و اقنعه و لو وافق يسافر هو ....موافقش غصبا عنك يا عريس هتسافر انت

اومأ له شادي ثم ذهب الى مكتبه

"'"""""""""""""عند سارة قاعدة في اوضتها متغاظة بشدة من ضحى و قالت بحقد : اهه دي الحاجة الوحيدة اللي معملتش حسابها خالص بقا ضحى دي حامل في ابن مراد اكيد جدو مش هيسيبها و هتاخد كل حاجة مننا بس دة بعينها اكيد انا مش هخليها تعمل كدة انا لازم انفذ اللي انا عاوزاه بسرعة واخلص قبل ما تطلعلي حاجة تانية ثم قامت بالاتصال على صافى

سارة : بصي با صافي انا عاوزاكي تنفذي بكرة

صافي متسائلة باستغراب و دهشة : هو انت مش كنت قايلالي بعد اسبوع

سارة : لا خلاص خليها بكرة قبل ما يحصل حاجة تعطلهالنا

صافي بلا مبالاه : خلاص ماشي .. براحتك ثم قالت بتساؤل صحيح يا سارة جمعتوا الصفقة و لا لسة

سارة بغرور و تعالي : اه طبعا جمعنالها انا و بابي و محدش هياخدها غيرنا يلا باي

أغلقت سارة الهاتف و هي و تشعر بالفرحة و الانتصار لأنها سوف تتغلب على ضحى

""" """""""ضحى صحيت و لاقت مامتها

ضحى باستغراب : في ايه يا ماما ايه اللي مقعدك كدة فيكي حاجة

حورية بهدوء : لا با حبيبتي دة جدك قال اقوم اقعد معاكي عشان لما تصحي .. اصله خايف عليكي اوي يا ضحى .. دة من زمان و هو نفسه يجوز مراد و يشيل ولاده و انت اهه بتحققيله اللي بيتمناه يا حبيبتي

ضحى بفرحة : و انا كمان يا ماما فرحانة اوي من اول ما اتجوزت و انا نفسي في اولاد

حورية و هي تشعر بالفرحة و هي تري السعادة تلتمع في عيون ابنتها فقالت بحب : يارب يا حبيبتي تفضلي فرحانة كدة

ضحى : يارب ثم قالت هتصل بمراد بقا

حورية : طب هخرج انا و اسيبك تتكلمي براحتك و خرجت اما ضحى فقامت بالاتصال على مراد

مراد بلهفة و قلق خوفا من ان يكون حصلها حاجة فقال ؛ الو يا ضحى يا حبيبتي فيكي حاجة

ضحى : لا يا حبيبي دة انا لسة صاحية فقلت اكلمك شوية و اشوفك هتيجي امتة

مراد : انا ورايا اجتماع و هخلصه و هاجي على طول

ضحى : ماشي يا حبيبي باي

قفلت ضحى معاه و نزلت قعدت مع  شهد شوية

شهد بفرحة و حماس : ضحى لو جبتي بنت حبيبة خالتو سميها شهد عشان خاطري

ضحى برفض : لا طبعا انا هسميها اسم جديد

شهد بمحايلة ؛ عشان خاطري بقا سميها شهد

ضحى : لا يعني لا ابقي سمي انت بنتك لما تجي شهد

زفرت شهد بأحباط و قالت : خلاص يا ضحى انا لما اجيب بنت هسميها شهد زيي

ضحى و هي تهز راسها : ايوة كدة شطورة يا شهد

اخدوا يضحكوا مع بعض

"""""""'''''''''""""عند احمد و سارة

سارة بفرحة : خلاص يا بابا قلت لصافي تنفذ بكرة و هنرتاح بقا

احمد بلا مبالاه : اه عشان موضوع الحمل ... المهم خلينا في الصفقة مش ناوية تغيري رأيك بقا

سارة بحقد و طمع : لا طبعا ... انا قلتلك ان موضوع الصفقة دة منتهي و مش هغير رأيي فيه

احمد بعصبية : بقا كدة يا سارة دة انا اللي معلمك الشغلانة دي و مدخلك فيها

سارة بسخرية : أظن انت عارف الشغلانة ايه فبلاش بقا نفتح مع بعض كتير

خرج احمد و هو يستشاط غضبا من طمع ابنته الذي زرعه فيها منذ الصغر

""""""'''''"""'' في الغرفة عند مراد و ضحي

ضخى و هي تدعي البراءة : تعالى يا مراد نقعد نتفرج على التليفزيون شوية مع بعض

مراد و هو يمرر يده في شعره و قال بعصبية : ضحى ابعدي عني دلوقتي عشان انا ماسك نفسي بالعافية اصلا

ضحى متسائلة ببراءة : ليه يا مراد هو انا عملتلك ايه عشان تزعق كدة

مراد و هو ياخذ نفس يحاول تهدئة نفسه و قال بهدوء : مفيش يا حبيبتي انت معملتيش حاجة الدكتورة هي اللي عملت و للاسف احنا مضطرين نسمع كلامها بقا نعمل ايه .. فاهدي بقا و ساعدينا نقضي الكام يوم لغاية ما هي اللي تقولنا قال اخر جملة بغيظ ثم اتجهة الى السرير و قال انا هنام احسن

ضحى و هي تتجه الى السرير هي الاخرى و قالت : و انا كمان هنام معاك اهه

مراد بغيظ : يلا ننام و اخذها في حضنه و ناموا

"""""""""""""""""تاني يوم الصبح سارة ادت لحورية كوباية عصير

حورية بطيبة و ابتسامة : شكرا يا حبيبتي و بدأت بشربه

سارة : طب عن اذنك بقا يا عمتو هقوم شوية

اومأت لها حورية

فطروا كلهم و ذهب شادي و محمد و مراد و   الى الشركة

فجأة احست حورية بوجع في بطنها و اغمى عليها

ضحى و هي تتجه الى والدتها بخوف و قالت بخضة : ايه دة ماما حبيبتي مالك

اسماعيل بخوف على ابنته الوحيدة  : ايه دة تعالى يا احمد شيل اختك و يلا بسرعة ثم قال لضحى خليكي انت يا ضحى هنا عشان متتعبيش

ضحى برفض و اصرار  : لا طبعا انا عاوزة اروح مع ماما

ذهبوا جميعا متجهين الى المستشفى

                   في المستشفى 

شهد كلمت شادي عشان تقولوا
و شادي راح على طول عشان كان في اجتماع برة الشركة و بدأ يتصل بمراد و لكن كان موبايله مقفول

سارة سرقت موبايل ضحى و بعتت رسالة لمراد أنها في بيت بتزور واحدة صحبتها  ..... و  يجيلها بسرعة

ثم قامت بالاتصال على صافي و قابلتها و دخلوا العربية بسرعة

سارة : بصي يا صافي ما يطلع   و تقفي ورا الباب أول ما يفتح رشيه بالبينج و الواد اللي معاكي و نحطه على السرير و البينج قوي المفعول مش هيقوم منه بسرعة

صافي بخوف و قلق : حاضر و دخلوا

جه مراد البيت بسرعة و استغرب عدم وجود احد في البيت و لكنه بدا  يبحث عن ضحى و لكن قامت صافي برش البينج   و اول ما فتح رشت صافي البينج و وقع و جه الواد سندوا لغاية السرير و بدأوا يبدلوا ملابسه و صافي لبست شئ قصير جدا و نامت هي الاخري و خرج الواد اللي كان موجود و بعتت صافي رسالة لضحى ان مراد بيخونها و العنوان ...  زي  ما سارة قالت

في المستشفى الدكتور طمنهم على حورية

اسماعيل : طب يلا يا ضحى نروح انا و انت و سمية و شهد و شادي يحي يوصلنا و يرجع تاتي هو و مراد

اضطرت ضحى توافق عشان الحمل و اول ما وصلت البيت شافت الرسالة و نزلت تروح

شادي بقلق و هو يراها : في ايه يا ضحي

ضحى : تعالي وصلني ... بسرعة عاوزة الحق

شادي و هو يذهب معها و قال متسائلا : في ايه يا ضحي فهميني

ضحى بعياط : ..............

شادي محاولا تهديتها و هو مصدوم بشدة  : طب اهدي يا ضحي بطلي  عياط و هنروح اهه

وصلت ضحى و  قالت لشادي يستناها تحت وافق شادي بصعوبة و طلعت لاقت الباب مفتوح و اول ما دخلت اوصة النوم لاقت مراد و صافي نايمين

*************************************

ايه رد فعل ضحى ..؟؟ هتسيب مراد و لا لا..؟؟

سارة مين اللي هيكشفها هي و احمد ..؟؟

ضحى هتعمل ايه بالظبط ...؟؟؟

ايه رايكوا في الفصل ..؟؟

توقعاتكوا ... و تفاااعل و متنسوش تصوتوا على البارت***

الكاتبة : دودو