رواية ظلمني حبه ( لهدير دودو ) الفصل العشرون 20 - بقلم هدير دودو

ضحى طلعت بعد ما قعدت مع مامتها شوية و اول ما شافت مراد جريت عليه و حضنته جامد بحب

مراد باستغراب : في ايه يا حبيبتي مالك .. فيكي حاجة

ضحى بنفى : لا مفيش انا مبسوطة اوي يا مراد .. بجد مبسوطة اوي

مراد متسائلا بعدم فهم : يارب تفضلي مبسوطة... بس مبسوطة اوي ليه .. و صحيح اتأخرتي تحت ليه

ضحى بفرحة و هي تمرر يدها على بطنها بحنان و قالت بابتسامة خفيفة  تملئ وجهها : انا حامل يا مراد يعني هكون ام و انت هتكون اب

اما مراد فكان مصدوم بشدة مما زاد توتر ضحى فقالت بارتباك : ف.. في ايه يا مراد هو انت مش مبسوط

اما مراد فقام بحملها و قال بسعادة : لا طبعا ايه اللي بتقوليه دة انا فرحان اوي بس مكنتش متوقع مش اكتر المهم انت عرفتي ازاي و مقولتليش ليه

ضحى بفرحة : انا اصلا معرفش بس لما بقول لماما تحت اني دايخة و كدة فقالتلي ممكن اكون حامل و بعاتنا جبنا اختبار من الصيدلية و عملناه و طلع في حمل بس ماما بقا قالتلي منقولش لحد احسن ميكنش حمل و بكرة نروح نكشف بس من فرحتي قلت مخبيش عليك و اقلك

مراد بفرحة و قال بتأكيد : فعلا عمتي معاها حق بكرة هاخدك و هنروح لدكتورة مش دكتور يا ضحى و نتأكد

ضحى باستغراب و عدم فهم : اشمعنى دكتورة ثم اكملت بغيرة  اه صحيح عرفت اكيد عشان تقعد تعاكس فيها كل شوية صح و لا لا يا استاذ

مراد بدهشة : والله هتموتيني بسبب ذكائك بحييكي عليه

ضحى بثقة : اه طبعا .. يبقى هنروح لدكتور

مراد برفض و غيرة  : لا طبعا دكتورة انا مش عاوز مراتي يشوفها دكتور ثم اكمل بصرامة و مفيش كلام في الموضوع دة تاني يا ضحى ماشي

ضحى بتذمر : هو كل حاجة اوامر اوامر مليش رأي انا

مراد ببرود و هو يزيد من استفزازها : ايوة بالظبط كله اوامر عندي ... انا  كدة  على طول

ضحى و هي تضع يدها على خصرها : يا سلام .. و انا كمان الكلام دة مش عندي انا حرة اعمل اللي اعمله و مباخدش اوامر من حد

مراد و هو يقترب منها : و انا مش حد يا ضحى .. انا جوزك عشان تبقى فاهمة

ضحى بتحدي : ماشي جوزي بس مش من حقك انك تؤمرني بردة

مراد ببرود : ضحى انت عاوزة تتخانقي  عشان بقالنا كتير متخانقناش و للاسف مش لاقية سبب تتخانقي عشانه فبتحاولي تدوري .. ثم اكمل باستفزاز لما تلاقي سبب مقنع تتخانقي عشانه ابقي تعالي نتخانق لكن غير كدة مش عاوز خناقات ثم توجه الى الفراش و قال لها : ايه يا حبيبتي مش هتيجي تنامي عشان بكرة هنقوم بدري عشان نروح للدكتورة

توجهت ضحى الى الفراش و اخذها مراد في حضنه و ناموا سريعا

""""""""""""""""""عند سارة بتكلم صافي في التليفون

سارة بتساؤل : ها يا صافي قلتي ايه

صافي بخوف : بس انت كدة عاوزاني العب مع مراد الدمنهوري مرة واحدة انت عارفة ممكن لو عرف يعمل ايه فيا اصلا

سارة بلا مبالاة : يعني هي اول مرة يا صافي ... هديكي اللي انت عاوزاه بس اهم حاجة اشوف ضحى و هي مكسورة قدامي

صافي بطمع: معاكي حق مش اول مرة ... بس اول مرة العب مع مراد الدمنهوري صحيح اما معرفهوش بس اسمع عنه و اسمع كتير كمان

سارة : هزودك الضعف يا صافي اهم حاجة ان مراته تشوفك و هو هيكون تحت تأثير البينج يعني مش هيعرفك اصلا كل اللي هيعمله انه هيلحق مراته تكوني انت مشيتي و بس

صافي بطمع : خلاص ماشي موافقة

سارة بفرحة و قد تهللت اساريرها : ماشي يا صافي باي يلا

انهت سارة مكالمتها مع صافي و لفت وجدت والدها

سارة بفزع : ايه يا بابا مش تعمل اي حاجة خصيتني افتكرتك حد تاني

احمد : معلش بس انا كنت عاوزك في موضوع الصغقة انت عارفة انت بتقولي فيها ايه

سارة بلا مبالاه : اه عارفة بقول ايه .. و مش هغير اللي قولته انا اللي دافعة فيها اكتر يعني حسابي لازم يبقى اكتر منك

احمد : ماشي اكتر بس مش لدرجة 75 في المية كدة مينفعش خدي 60 في المية بس اظن كدة كفاية اوي

سارة بتصميم و عناد : اظن اني قلتلك اللي عندي انا مش هاخد اقل من اللي قلته واحد في المية عجبك عجبك مش عاجبك دي حاجة متخصنيش انا ..و اتفضل بقا عشان عاوزة انام يا بابي ..

خرج احمد و هو يزداد غيطا من ابنته و اعمالها معه

"""""""""""""""""""""""تاني يوم الصبح

قامت ضحى و مراد و لبسوا و نزلوا و لكنهم قابلوا شهد و نادت على ضحى

شهد بتساؤل : ايه دة على فين انهاردة كمان يا ضحى

ضحى : هروح انا و مراد مشوار كدة

شهد : ماشي بس مش ملاحظة ان الايام دي بتخبي عليا يا ست ضحى

قاطعهم صوت مراد الذي مناديا على ضحى

ضحى باستعجال : باي بقا هروح مع مراد

شهد : مش هتفطروا معانا و لا ايه

ضحى بنفى : لا مش هنفطر عشان مستعجلين اوي ثم ذهبت الى مراد و مشيوا

اجتمع الجميع على السفرة معادا مراد و ضحى

احمد بتساؤل : امال فين مراد و ضحى مش شايفهم انهاردة

حورية : اصلهم راحوا مشوار مع بعض

سارة بحقد و غيظ : طبعا ما هما على طول بقوا كدة امتة هيتنازلوا و يفطروا معانا على طول في مشاوير

محمد بصرامة : ايه يا سارة يا حبيبتي دول لسة عرسان سيبيهم براحتهم ربنا يسعدهم

حورية و سمية بطيبة : يارب

""""""""""""""""في العربية رجع مراد و ضحى من عند الدكتورة اللي اكدتلهم فعلا ان في حمل و اديتهم بعض التعليمات مما زاد من فرحتهم بشدة 

ضحى بتساؤل و هي تنظر الى الطريق باستغراب : احنا رايحين فين يا مراد

مراد :هنروح ناكل احنا مشينا من غير ما ناكل عشان كنا مستعجلين و مش قادرين نصبر

اومأت له ضحى و وصلوا الى مطعم و اكلوا و وصلوا البيت

حورية اول ما شافتهم راحت لهم بسرعة و قالت بتساؤل و قلق : ها يا حبايبي طمنوني

ضحى بفرحة و هي تجري تحتضنها و قالت بفرحة : فعلا يا ماما الدكتورة قالت ان انا حامل انا بجد مش مصدقة

صدمة حلت على كل من كان موجود و اولهم اسماعيل و سارة الذي كانت سوف تتمنى أن تجيب ضحى و تضربها

اسماعيل و هو يحتضن ضحى بحنان : بحد يا حبيبتي مبروك ثم قال بفرح مكنتش مصدق اني اشوف ابن مراد و قام باحتضان مراد بحب و سعادة

محمد و هو يتوجه إلي ضحى و يقوم باحتضانها هو الاخر و يقول بحب  : مبروك يا حبايبي خلتوني ابقى جدو مرة واحدة

سمية و هي تتجه اليهم بسعادة صادقة و تقول : مبروك

شهد و تحتضن ضحى و قالت بفرحة  : مبروك يا ضحى هتبقي مامي بقا و انا هبقي خالتو هروح تتصل بشادي و اقوله

اما سارة فتوجهت الى غرفتها و هي تكاد تموت من الغيظ و قالت بحقد : ماشي يا ضحى بكرة اشوفك و انت ماشية من العيلة و تخرجي من حياتنا و اخدت تضحك بشر و حقد

مراد لضحى : طب يلا يا حبيبتي عشان تطلعي ترتاحي زي ما الدكتورة قالت

صعدت ضحى برفقة مراد الى الغرفة و هو محتضنها بسعادة ثم همس لها بحب و قال بحبك يا قطتي

ضحى بحب : و انا كمان يا مراد بحبك اوي

*************************************

ايه رايكوا في الفصل ...؟؟

مين اللي هيكشف احمد و سارة ..؟؟

توقعاتكوا و تفاااعل و متنسوش تصوتوا على البااارت**

فصل لذوذ و خفيف اهه هدوء ما قبل العاصفة

الكاتبة :دودو