رواية ظلمني حبه ( لهدير دودو ) الفصل السابع 7 - بقلم هدير دودو

مراد بهمس لضحى بنبرة حنينة : مالك يا ضحى سرحانة في ايه

ضحى بنفى : مفيش حاجة

مراد باصرار : لا فيه. .. قوليلي مالك انا شايفك بقالك يومين متلغبطة و يا ستي احنا اتفاقنا اننا نبقى اصحاب

ضحى بشجاعة و صوت منخفض : مراد .. انا .. بحبك بصراحة ... و متسئلنيش امتة و ازاي

مراد قام و سابها و هو بيفكر في حاجة مهمة

ضحى بندم و هي تؤنب نفسها فهي الان شعرت بأهانة كبيرة : انت اللي غبية يا ضحى و رخصتي نفسك دة واحد زبالة و حيوان ميستهلكيش خالص ثم صعدت لغرفتها و قعدت تفكر في تصرف مراد معها و شعورها بالاهانة و الندم متغلب عليها و ندمت كثيرا على ما قالته لكنها كانت لا تريد ان تعلق نفسها به اكثر من ذلك

"""""""""""""""""""""""'اما مراد
دخل لجده الاوضة

اسماعيل بحنية و استغراب : مالك يا مراد في ايه

مراد بجدية : جدي انا اخدت قرار في اللي قلتهولي و لقيت انك فعلا معاك حق عشان كدة انا موافق

اسماعيل بفرحة شديدة : بجد .. يا حبيبي يعني وافقت انك تتجوز سارة بنت عمك انت مش عارف انا فرحا..

قطعه مراد بصرامة و جدية : لا يا جدي انت فهمت غلط انا بقلك كلامك صح اقصد اني اتجوز واحدة من العيلة لكت مش سارة يا جدي

إسماعيل و قد عقد حاجبية بايتغراب و عدم فهم فقال بتساؤل : امال هتتجوز مين يا مراد

مراد بصرامة : هتجوز ضحى بنت عمتي حورية

إسماعيل بصدمة : يعني ايه يا مراد ..لا طبعا مينفع

قاطعه مراد بجدية شديدة و صرامة : يعني قررت اني اتجوز ضحى و لا هي لا بلاش ... ها يا جدي قلت ايه

اسماعيل بقلة حيلة : يعني ايه يا مراد يعني هتتجوز ضحي و سارة لا

مراد ببرود : ايوة يا جدي و فرحي انا و ضحى بعد اسبوعين مع فرح شادي

اسماعيل بقة حيلة و توجس : براحتك يا مراد ..ثم اضاف بمسكنة هو انا من امتة هتحكم فيك .. على طول اللي بتقوله بتعمله مش مهم الباقي موافق و لا لا المهم يكون عاجبك

مراد ببرود : طب كويس يا جدي عن اذنك بقا

ذهب مراد متوجه الى غرفة ضحي و طرق الباب

ضحى و هي تمسح دموعها قالت بضعف : ادخل

دخل مراد و قعد جمب ضحى

مراد بتساؤل و هو يدعي الجهل : في ايه يا ضحى ... شكلك معيطة .. عيطتي ليه ..

ضحى بغيظ و هي تلوح بيديها : ملكش دعوة بيا .. ماشي

مراد و هو يدعي الدهشة : ايه دة كله ليه .. و انا اللي جاي اقلك على حاجة مهمة

ضحى بفضول و انتباه : عاوز تقول ايه ..

مراد ببرود : و لا حاجة جاي اقلك اني هعمل فرحنا بعد أسبوعين مع شادي و شهد

ضحى و هي تفتح فمها بصدمة من كتر الدهشة

مراد ببرود : اقفلي بقك دة يا ضحي

ضحى بعد تصديق : انت قلت فرحنا

مراد ببرود كأنه يحدثها على شئ عادي : اه يا ضحى فرحنا هو مش انت بتحبيني يبقى لازم نتجوز ... و لا هنفضل كدة

ضحى و قد تداركت الأمر فهتفت بعصبية و ضيق : ايوة انا فاهمة بس ازاي تحدد الوقت من غير ما اعرف و لا تقولي حاجة .... و ازاي فرح على طول من غير خطوبة

مراد بتفهم : اولا انا قلت اننا قاعدين في بيت واحد فمينفعش نعمل خطوبة و كدة فقلت نتجوز على طول و لا انت عندك مانع

ضحى باحراج و كسوف و قد احمرت وجنتيها : لا.. بس .. بس روح قول .. ل ماما و كدة

مراد بمشاكسة و هو يطرح سؤال : كان في واحدة هنا عمالة تزعق متعرفيش راحت فين

ضحى تهز رأسها بنفي

مراد و هو يقترب منها و يقول بهمس : لا روحي انت و قولي لمامتك و انزلوا  مع بعض تحت عشان اقول للكل

ثم تركها و نزل اما ضحى فذهبت الي امها

ضحى بخجل : ماما .... عاوزة اقلك على حاجة لو سمحت ماشي

حورية بقلق : تعالي با ضحي والله ما بخاف غير لما تكوني هادية كدة مش متطمنة اصلا

ضحى بخجل و ارتباك و هي تفرك في يديها : ماما بصراحة مراد عاوز يتجوزني

حورية  و قد فتحت فمها من كتر الصدمة فدائما ضحى و مراد بيتخانقوا مع بعض على طول فقالت بصدمة و عدم تصديق : مراد مين ... تقصدي ابن اخويا

ضحى هزت رأسها بتأكيد فدخل مراد عليهم و قال لعمته : بصراحة با عمتي انا عاوز اتجوز ضحى . و ياريت نتجوز على طول عشان قاعدين  مع بعض و كدة فقلت ياريت يكون الفرح مع فرح شادي و شهد

حورية بصدمة اكتر : فرحكوا

ضحى  بملل : في ايه يا ماما مالك كل كلمة هتعملي كدة عليها و لا ايه

حورية  باستدراك : لا معلش بس بستوعب اصلكوا على طول بتتخانقوا .. على المهم ربنا يسهل يا مراد لو ضحى موافقة يبقى مفيش مشكلة
( معلش اصل الحاجة حورية متعرفش بنتها عملت ايه مع الواد  ..؟؟؟؟؟ 😂😂)

مراد : طب عن اذنكوا و ابقوا انزلوا تحت عشان نقول للكل و خرج و تركهم

حورية بتساؤل لابنتها : ضحى حبيبتي انت موافقة ... و عارفة ايه اللي هيحصل انت هتتحوزيه يعني مفيش هزار و لا لعب عيال

ضحى هزت راسها بالموافقة.  قالت بهمس : ايوة يا ماما عارفة و فاهمة

( معلش مكسوفة من امها و مراد لا متكسفتش منه ا
استحملوا 😂😂)

و نزلوا تحت

"""""""""""""""""""""تحت الكل متجمع

سارة بملل و قلق لابوها : بابا انت متعرفش مراد عاوز ايه مننا بالظبط

احمد بجهل و عدم معرفة : لا مش عارف .. اهه انا مبخافش غير منه و من قراراته دي بس اصبري

سارة بغيظ و حقد و نبرة سخرية : خلينا مستتين السفيرة لما تنزل هي و امها

و نزلت ضحى و حورية مع بعض و قعدوا

مراد بنبرة صارمة و حادة : انا انهاردة حبيت اقلكوا ان انا هتجوز ضحى و جدي عرف و وافق و قررت اعمل فرحنا انا و هي بعد اسبوعين مع فرح شادي و شهد

الكلام نزل صدمة على الجميع سارة الذي احست بالفشل و ازدياد كرهها لضحى و أحمد اللي احس ان خطته بتفشل و فرحة محمد و سمية اما شادي فكان معترض على كلام مراد

سمية بفرح : مبروك يا حبيبي .. مبروك يا ضحى

ضحى بفرحة : الله يبارك فيكي يا خالتو

هتف مراد ببرود : الله يبارك فيكي .. عن اذنكوا عشان ورايا اجتماع

اسماعيل بدهشة : اجتماع دلوقتي .. ليه

مراد : اصل مدير الشركة الفرنسية هيسافر بكرة فلازم اقعد معاه عشان العقد قبل ما يسافر عن اذنكوا ثم ذهب
محمد قام و راح لضحى حضنها و قال بفرحة : مبروك يا ضحى يا بنتي بجد فرحتلك انت و مراد

ضحى بفرحة هي الاخري : الله يبارك فيك يا خالو

محمد لحورية ؛ مبروك يا حورية ... فعلا مراد عرف يختار
حورية بابتسامة و هدوء : الله يبارك فيك يا محمد

اسماعيل بنبرة خالية من المشاعر : مبروك

ضحى باستغراب : الله يبارك فيك يا جدو

محمد : على فكرة انا هقول لمراد ان بكرة يكتب الكتاب عشان انتوا قاعدين في بيت واحد عندك اعتراض يا ضحى

ضحى بكسوف : اللي تشوفه يا خالو

محمد لوالده : و انت ايه رأيك يا بابا

إسماعيل ببرود : اعمل اللي يعحبك يا محمد

سارة بسخرية لضحى : لا وش كسوف اوي يا ضحى

ضحى بحدة و تحزير : ملكيش دعوة بيا

اما شادي فكان معترض على قرار مراد فهو اول مرة يعترض على قرارات مراد لكنه المرة دي نفسه لو يقوم يكسر له دماغه دي فهو لم يتوقع ابدا هذا و لا حتى في حساباته عارف ان مراد مش بيحب ضحى يمكن علاقتهم اتحسنت لكن مش للدرجة دي فكان يتمنى لو يكلمه بس للاسف مراد مش موجود اما احمد فكان متضايق جدا هو الاخر فهذا سوف يخرب كل  تخطيطه

********************************

ايه رأيكوا في رد فعل مراد ... و تصرفه مع ضحى ..؟؟
مراد حبها و لا لا .. ؟؟؟

شادي مش موافق ليه بالظبط ....؟؟؟

علاقة مراد و ضحى هتبقى عاملة ازاي ..؟؟؟

ايه رأيكوا في الفصل. . ؟؟

انا عارفة انه صغير بس مش قادرة اكتب تاني و مخنوقة اوي ياريت تدعولي و النبي ...

عاوزة تفاااااعل بقاااا... .....توقعاتكم......

متنسوش تدوسوا على النجمة الصغننة اللي تحت عاوزة عدد المشاهدات يكون قد التصويتات **

فرحوني شوية عشان بصوا انا مخنووووقة موت و عاوزة اعيط والله من غير سبب فادعولي بجد من قلبكم و منكدتش عليكم اهه

الكاتبة : دودو