رواية ظلمني حبه ( لهدير دودو ) الفصل الثامن 8 - بقلم هدير دودو

عند مراد رجع بليل لاقى الكل نايم فطلع على اوضته و هو بيفكر في حاجات كتير مش عارف هي صح و لا لا دخل و اتفاجئ بشادي

مراد ببرود فهو عارف شادي عاوز ايه : شادي .. ازيك في حاجة .. و ايه اللي مقعدك في اوضتي كدة

شادي بعصبية : يا برودك يا اخي ... انت بنتكلم و لا كأنك عامل مصيبة... انت ايه مفيش دم

مراد و هو يدعي عدم الفهم و الاستغراب : مصيبة !! مصيبة ايه دي .. انا كل اللي قلته اني هتجوز ضحى فيها ايه دي

شادي و هو يأخذ نفس فهو يعلم ان العصبية لم تأتي مع مراد ابدا : اظن انت عارف انا بتكلم على ايه ... و انا استحالة اسمح انك تخرب حياة ضحى عشان بس تنقذ نفسك من سارة و طمعها و اللي ناوية عليه

مراد ببرود : طب ما انت عارف ... و انا بنفسي قايلك ان انا لازم اخرج نفسي من الوارطة دي

شادي بعصبية : اشمعنى ضحى بالذات يا مراد .. انت عارف ان ضحى دي بنت عمتك و انسانة طيبة و محترمة و انت جاي بكل بساطة عاوز تتجوزها بس. عشان متتجوزش سارة فليه هي بالذات

مراد ببرود و غموض : اولا هي من العيلة ... ثانيا بقا ودة الاهم ان في بيني و بينها تحدي تاني انت متعرفهوش اصلا

شادي بعدم فهم : تحدي .. ايه يا مراد .. ايا كان التحدي دة مش لازم تكسرها بالشكل دة

مراد بعصبية : ما خلاص بقا يا شادي .. وجعتلي دماغي بأم المصيبة دي .. مش كفاية ان انا مستحملها

شادي بعصبية هو الآخر : ليه مالها ضحى اظن انت جربتها في الفترة اللي فاتت كانت انسانة ممتازة

مراد بعصبية ؛ و انت زعلان اوي كدة ليه .. اوعي تكون عاوزها مثلا عشان اقتلك فيها قسما بالله يا شادي و انا مبهزرش

شادي و هو ينظر لمراد بعدم تصديق : ايه اللي بتقوله دة انت بتهزر .. عاوز ايه .. انت دماغك كلها بقت كدة و بعدين انت عارف ان انا بحب شهد اوي

تنهد مراد براحة لم يعرف سببها

اما شادي فأكمل باستفزاز لصديقه و اخيه لكى يعرف شعوره الصحيحة فقال ببرود : و افرض يعني عاوزها انت مالك بردو انت نسيت عاوز تتجوزها ليه و لا ايه

مراد بعصبية شديدة : عشان اقتلك بجد ... و انت عارف ان انا لما بقول حاجة بنفذها ... ملكش دعوة اتجوزها ليه انا حر..ثم اكمل بهمس فحيح أبعد عن ضحى اديني حذرتك يا شادي

شادي بخوف من طريقة مراد اللي اول مرة يكلمه بيها : حاضر يا مراد و اهدي كدة .... انا خايف على ضحي عشان هي بنت عمتي يا مراد... و على فكرة انا هروح اقولها يا مراد على اللي ناوي تعمله

مراد مسكه و قال : شادي اظن ان احنا عمرنا ما كنا كدة فمتخلنيش اندم اني قلتلك حاجة ماشي

شادي : طب انت عارف ان بكرة كتابكوا و لا لسة

مراد بفرحة : لا معرفش بس كويس انك قلتلي بس صحيح مين اللي قال كدة عمتي و لا امك و ابويا

شادي : عمي محمد اللي قال ..بس ليه حاسس ان جدي مش موافق على الجوازة دي

مراد بسخرية : حاسس ... لا يا حبيبي اتأكد هو عاوزني اتجوز سارة .. المهم يا شادي ضحى متعرفش حاجة .. ماشي

تنهد شادي بااموافقة و خرج و ذهب الى غرفته و قال لنفسه : بقا بذمتك يا مراد انت مبتحبهاش انت مشفتش نفسك كنت عامل ازاي و انا بتكلم دة انت الغيرة كانت هتموتك و انت كنت ناوي تموتني دة انا خفت منك يا شيخ .. بس ماشي يا مراد مش هقولها لغاية ما انت تعترف بحبك دة اللي انا واثق منه

""""""""""""""""""""""تاني يوم الصبح

محمد لمراد : مراد لازم تكتب كتابك على ضحى انهاردة عشان انتوا قاعدين في بيت واحد و ..

قاطعه مراد بصرامة : عارف يا بابا اتفق مع المأذون و نكتبه انهاردة انا معنديش مشكلة خالص

محمد بفرحة و هو يحضن مراد : مبروك يا مراد .. مبروك يا حبيبي فعلا عرفت تختار

اومأ له مراد

محمد : طب يا مراد متروحش الشغل بقا عشان كلها ساعة و نص و المأذون يجي

مراد ببرود : ماشي

"""""""""""""""""""في الاوضة عند ضحى
ضحى قاعدة مع امها و سمية و شهد

سمية لحورية : طب يلا عشان تلبسي عشان كتب الكتاب

حورية بطيبة و فرحة : ماشي .. يلا و خرجوا

شهد لضحى بعد ما خرجوا بفرحة و عدم تصديق : لا يا بت يا ضحي ..انا مش مصدقة بقا انا و شادي بقالنا ست شهور خطوبة وكدة و انت و مراد خلاص هو اسبوعين و هتتجوزوا ايه دة عصر السرعة

ضحى بهزار : الله اكبر هتحسدينا على فكرة

شهد بمرح : لا خالص انا عمري ما حسدت حد خالص انا بس بدخل عيني شوية

اخذوا يضحكوا مع بعض

ضحى بجدية : تعالي بقا اختاري الفستان اللي هحضر بيه كتب الكتاب

شهد : ماشي يلا

اخذوا يختاروا مع بعض في الفساتين

شهد : اهه دة حلو اوي بس مش عارفة كل الفساتين اللي عندك حلوة

ضحى برفض : لا حساه مش هينفع

شهد باصرار والله حلو البسيه و اسمعي الكلام

ضحى برفض : لا حساه قصير اوي

شهد باصرار : روحي بقا دة احلى واحد

اومأت لها ضحى بعدم اقتناع و ذهبت لكي تلبسه

بعد مرور ساعة نزلت ضحى مع شهد و حورية و اتفاجئ مراد بجمالها فكانت فائقة الجمال هو دائما يراها تلبس اشياء عادية

فستان ضحى 👇👇

سمية بفرحة : بسم الله ما شاء الله عليكي يا ضحي بجد مكنتش اعرف انك قمر كدة

ضحك الجميع و جاء المأذون

حورية بتساؤل : امال فين بابا مش موجود ليه

مراد بغيظ من جده و لكنه تدارك الامر و قال بإنقاذ : اصل بصراحة يا عمتي جدي تعب شوية و استئذن مني مكنش قادر فدخلته يرتاح انت عارفة الدكتور قال ايه

اومأت له حورية بتفهم

سارة بهمس لاحمد : كويس يا بابا شكل جدو مش موافق على الجوازة و دة لمصلحتنا

احمد بتأييد : فعلا معاكي حق

تم كتب الكتاب و كان محمد هو وكيل ضحى قدام مراد

""""""""""""""""""" بعد ثلاث ايام

ضحى و شهد نزلوا يجيبوا حاجات مع بعض

شهد بخبث لضحى : ضحى حبيبتي .. ينفع اسألك سؤال

ضحى بلا مبالاه و هي تأكل الايس كريم : أسألي على رأي ماما مبطمنش للاحترام

شهد بخبث : هو انت بتحبي مراد و لا لا

ضحى بدون تفكير و لا تركيز لما تقوله : بحبه اوي والله معرفش امتة حبيته ..بس مرة واحدة بقا كل تفكيري .. و كل حاجة على طول بفكر فيه

شهد بمرح : الله .. الله على الحب ... ايه يا بت دة بتقولي فيه شعر مبتتكسفيش و لا ايه

ضحى : بس يا بت هو انا بتكلم مع حد غريب .. دة معاكي انت بس

شهد بدعاء و فرحة صادقة لصحبتها : ربنا يفرحك دايما يا ضحى المهم يلا اختاري الحاجات الشخصية دي و اخلصي
ضحي بكسوف : بس بقا

شهد باستغراب : يا سلام بقا مكسوفة من اللي بقوله و مش مكسوفة من الشعر اللي كنت لسة بتقوليه

قعدوا يلفوا مع بعض

شهد باستغراب : بت يا ضحى انت مش بتشتري ليه عمالة تتفرجي بس

ضحي بكسوف و خجل فقالت متمتمة ب ارتباك : ا.. اصل بصراحة كدة كل الهدوم دي قليلة الادب

ضحكت شهد بشدو حتى ادمعت عيناها

ضحى بغيظ و هي تضرب الارض بقدميها : لمي نفسك يا بت انت .. و اكملت بتساؤل بتضحكي على ايه اصلا فهميني ..

شهد و هي تحاول كبت ضحكاتها حتى لا يتفرج عليهم احد اكثر من ذلك قائلة لضحي : بس بقا وطي صوتك و بطلي تدبدبي في الارض كدة الناس هتتفرج عليكي و بعدين مفيش حاجة هدوم اسمها قليلة الادب .. و بصراحة كدة اللي يشوفك دلوقتي ميشفكيش و انت بتتخانقي مع مراد في البيت و في الشركة ساعات

ضحى بغيظ : بس بقا .. و هختار اهه

و بدأوا في اختيار الهدوم مع بعضهم

********************************

ايه رأيكوا في الفصل ..؟؟

اوصفولي مراد دلوقتي في نظركوا ...؟؟؟

ايه رأيكم في تصرف شادي ..؟؟؟ و المفروض يقول لضحي و لا يساعد مراد عشان احساسه بحبه .. ؟؟

ضحى هتعمل ايه لما تعرف نوايا مراد الحقيقية ...؟؟

سارة و احمد هيعملوا ايه ..؟؟

اسماعيل ناوي على ايه .. هيساعد سارة و أحمد و لا لا. ...؟؟

ايه رأيكم في الفستان. ...؟؟

ازيكم يا بنات 😍💖
اولا كدة حابة اشكركم على دعواتكم ليا بس حقيقي امبارح كنت مخموقة اوي من غير سبب و عاوزة اعيط و عاوزة بجد اشكركم يا احلى فانز و ياريت تفااعل بقاااا ...توقعاتكم و ياريت تصوتوا على البارت

متنسوش تدوسوا على النجمة الصغننة اللي تحت**

اللي عندو فيس ياريت يدخل الجروب بتاعي اللينك في صفحتي الشخصية ( للبنات فقط )

الكاتبة : دودو