ظلمني حبه ( لهدير دودو ) الفصل السادس والعشرون 26 - بقلم دودو

عند مراد قاعد مع شادي

مراد : اه طبعا لازم تخاف و كمان تخليها تعيش في بيت لوحدها لأما همشي انا

قطع كلامهم رنين هاتف مراد و كان الظابط هو المتصل

مراد بدهشة : الو في حاجة جديدة حصلت

الظابط : بصراحة يا استاذ مراد البت اللي اسمها صافي قالت ان سارة مش صحبتها بس دي كمان هي و ابوها بيتاجروا في المخدرات و قدمت كمان ادلة و حاليا في قوة مبعوتة عندكم على البيت انا قولت ابلغك

مراد و هو يشعر بأنه غير قادر على نطق حرف واحد و قال بصعوبة : ت.. تمام شكرا

ثم قام بسرعة و ملامح الصدمة لا تزال مرسومة على وجهه

شادي باستغراب : في ايه يا مراد مالك و لكنه كان مشى بسرعة

""""""""""""""""""""عند سارة و أحمد بيتكلموا في التليفون مع شخص ليهم في الشرطة

احمد بعصبية : يعني ايه البت اعترفت .. و جابت الادلة منين و الاوراق منين

الشخص بعدم معرفة : احنا مش عارفين كل اللي نعرفه ان حاليا خرجت قوة كبيرة عشانكوا فلازم تهربوا

أحمد بصريخ : مااشي

سارة و عي تبلع ريقها بخوف و وجهها شاحب كشحوب الموتى و قالت بخوف : في ايه مين دي اللي قدمت الورق و ايه اللي حاصل

أحمد بعصبية : قومي معايا يلا بسرعة و هاتي فلوس

سارة ظلت واقفة تنظر له بعدم فهم

احمد و هو يصرخ بها : يلاااا بقولك

اتجهت سارة و اخرحت بعض الفلوس و قام احمد بشدها معه مسرعا

سمية و هي تراهم بهذا الشكل فقالت متسائلة : في ايه يا احمد مالك ماسك سارة كدة ليه ..هي عملت ايه

لم يرد عليها و تجاهلها و اكمل طريقه حتى خرح من البيت و بدأ بالقيادة سريعا

"""""""""""""""""""" الشرطة وصلت البيت مع وصول مراد بالظبط و دخلوا فورا

الظابط : احنا معانا امر ضبط و احضار لاحمد الدمنهوري و سارة الدمنهوري

استغرب الجميع بشدة مما قاله الظابط

سمية بخضة : يلاهوي ليه هما عملوة ايه دول لسة ماشيين حالا

اسماعيل بحدة و هو ينظر لمراد : في ايه يا مراد هما عملوا ايه

ضحى و هي تنظر لمراد بعدم فهم و لكن مراد تجاهل الجميع فهو بالفعل لا يعلم ما سيقوله لهم فأمسكت بيد شهد الذي بجانبها

الظابط بعملية : طب احنا معانا امر بتفتيش البيت يلاا انتشر جميع العساكر بالبيت يبحثوا عن احمد و سارة و لكن عادوا و قالوا له انهم لم يجدوهم في البيت بالفعل

مشى الظابط و هو يتوعد على ان يجدهم مهما كان الثمن

اسماعيل بتساؤل و صرامة : في ايه يا مراد فهمنا بدل ما انت سايبنا كدة مش فاهمين حاجة

سمية بتأكيد و هي تبكي و حورية واقفة بجانبها تربط على كتفها و تبكي هي الاخرى : اه و النبي يا ابني قولي في ايه

مراد و هو بنظر لهم و غير قادر على التحدث و قال بتوتر فهو لا يعلم رد فعلهم : ا.. اصل بصراحة عمي احمد و سارة .. طلعوا بيتاجروا في المخدرات و هربوا اهم .. اكيد عرفوا ان البوليس جاي على هنا

شهقت ضحى و شهد بصدمة اما اسماغيل فجلس و احس ان قدمية لم تعد تتحمله و سمية وقعت ارضا مغمى عليها فجري مراد عليها و احضروا الطبيب بسرعة

و شهد قامت بالاتصال على شادي فورا

شادي بمرح و حب : الو يا حبيبتي عاملة ايه ..وحشتيني اوي بس اعمل ايه في مراد مشي و سابلي الشغل انهاردة فمش هقدر اجي بدري بقا

قطع كلامه صوت شهد الباكي و قالت ببكاء : الو يا شادي ...تعالى البيت بسرعة .. الدنيا متبهدلة على الاخر
شادي بقلق و هو يحاول ان يهديها : طيب اهدي بس يا حبيبتي ...بس هو في ايه

شهد و هي لا تجد ما تقوله له : تعالى بس و هتعرف بس متتاخرش

قفلت شهد معه و ذهب شادي مسرعا هو ومحمد الذي كان جالس معه يحاول يقنعه بان يسافر

""""""""""""""""""عند سارة و أحمد في العربية

سارة بصوت عالي و عصبية : يعني ايه ...يعني احنا كدة هنتحبس ثم صرخت به و قالت انت السبب ..و اكملت بتأكيد اه انت السبب على فكرة حرام عليك انت اللي روحت قولت لضحى عشان طمعك

احمد و هو ينظر لها و يهتف بعصبية شديدة : انا بردو اللي طمعت و لا انت .. ما احنا كنا بنقسم مع بعض بالنص انت اللي صممتي على رايك ...فاضطريت اقول لضحي على خطتك و انا اصلا قايلك بلاش لكن انت اللي صممتي على تنفيذها فقلت اهي فرصة لما خطتك تفشل اخليكي ترجعيلي زي ما كنا الاول ...لكن الغبية ضحى هي اللي بوظت الدنيا لما بلغت البوليس

سارة و هي تنظر امامها بشر و قالت بحقد و جنون : فعلا معاك حق ضحى ... هي ضحى السبب بس والله ما هسيبها تفرح يوم واحد بعد انهاردة

احمد و هو يصرخ بها بعصبية و لا يرى أمامه : ما خلاص بقا ضحى ايه اللي انت عمال تفكريلي فيها ...بقلك هنتحبس تقوليلي ضحى اتفضلي شوفي هنروح في

لم يكمل كلامه بسبب اصطدامهم بشاحنة كبيرة

"""""""""""""""""في البيت اتفاجي شادي و محمد بوجود الطبيب الذي اخبرهم بانها عندها انهيار عصبي بسبب صدمة

مراد للطبيب بشكر : شكرا يا دكتور ...اتفضل

شادي بعدم فهم و هو يسأل مراد : في ايه يا مراد ايه اللي حصل لماما ...و ايه اللي ممكن يوصلها لانهيار عصبي

مراد و هو يأخذ شادي برة و يحكي له كل شي

شادي بصدمة و هو يحاول استيعاب ما قاله مراد : يعني ايه ... يعني بابا و سارة بيتاجروا في المخدرات طب ازاي و لية ...ازاي يعملوا كدة ...يعني انا ابويا مجرم و اختي زيه طب و انا

مراد ذهب إليه و احتضنه و قال له بأخوة حقيقية : ايه يا شادي اللي بتقوله دة انت اخويا انا ...تربية بابا و مرات عمي سمية ... استحالة تبقى زيهم و كمان هما هيتعاقبوا اكيد على اللي عملوه و قام بالتربيت على كتفه و قال خليك قوي بقا عشان مرات عمي لازم متضعفش قدامها

""""""""""""""""محمد بعد ما اسماعيل قاله قال بصدمة : يعني احمد بيتاجر في المخدرات كل العمر دة و احنا منعرفش .... كنت ساكت و مستحمل عن اي حاجة بيعملها مكنش بيهتم بابنه بقيت أهتم بيه انا و في الاخر يطلع كدة

اسماعيل بصرامة : خلاص يا محمد الموضوع انتهى و ميتفتحش تاني دلوقتي الشرطة هي اللي بتدور عليه و انا معنديش ابن تاني ...

تفهم محمد مشاعر والده فصمت

"""""""""""""""""""""بليل في الأوضة عند شهد و شادي كان قاعد شا د كان عقله ليس معه

شهد هي تجلس بجانب شادي و قالت و هي تمسك يده : شادي .. انا كنت

قاطعها شادي و قال : عارف اللي انت عاوزاه و مقدر كمان انك ازاي تكوني متجوزة واحد ابوه تاجر مخدرات و انت بنت رجل أعمال مشهور فلو عاوزة تطل...

قاطعته شهد و قالت بغيظ : ايه هتطلقني ما هو دة اللي ناقص فعلا....هو انت سمعت انا عاوزة اقلك ايه و لا بتحكم و بتتكلم مكاني كدة و خلاص انا بس كنت عاوزة اقلك متزعلش و ان مش احنا اللي بنختار اهلنا احنا مش في ايدينا نختار غير طريقنا بس و انا اخترت راجل عرف يختار طريقه و ابتسمت له

نظر لها شادي بحب فهو كان يتوقع انها سوف تطلب منه الطلاق فما يجبرها على العيش معه بعد ما علمته عنه و لكنها خالفت كل توقعاته

( طبعا عاملة زيي معاكم ..🤣🤣 )

شهد و هي تحتضنه و قالت: شادي انا بحبك بجد و مش ممكن اسيبك ابدا عشان اي حد

شادي بحب حقيقي رغم ما يمر به : و انا كمان بعشقك يا شهد

"""""""""""""""""" في أوضة مراد و ضحي

مراد : حقيقي مكنتش اتوقع ان سارة و عمي ممكن يطلعوا كدة

ضحى بتاييد : فعلا يا مراد انا اتفاجئت بردو

مراد و هو يحتضنها : طب انت عارفة انك السبب في القبض عليهم يا حبيبتي

ضحى و هي تنظر له بدهشة و عقدت حاجبيها و قالت متسائلة : انا طب ازاي

مراد : هو مش انت اللي طلبتي من شادي يبلغ على صافي فهي راحت معترفة عليهم و ان شاء الله ويعرفوا يجيبوهم و يعاقبوهم

ضخى بغيرة : امال كنت عاوزني اعمل مع الست صافي دي ايه ... و لا هي بقا كانت عجباك

مراد بدهشة : يعني هو دة وقت اللي بتقوليه يا حبيبتي

ضحى بتساؤل : مراد رد عليا بجد هي احلى مني صح و انا بقا شكلي وحش بسبب الحمل صح

مراد و هو ينظر لها بعدم تصديق و لكنه قال لكي يراضيها : يا حبيبتي هو انا حتى شفت صافي دي انا مشفتهاش غير في التحقيق و كانت متبهدلة و بعدين مين دي اللي وحشة دة انا عاوز اروح اخنق الدكتورة و جاية تقوليلي وحشة

ضحى بفرحة كالأطفال: بجد يا مراد

مراد بابتسامة : بجد طبعا يا عيون مراد

قطع كلامهم رنين الهاتف و كان الظابط بلغه بأن سارة و احمد توفوا و طلب منه أن يحضر لكى استلموا الجثث

الصبح مراد اخبر الجميع و عم الحزن على البيت كله

"""""""""""""""" بعد مرور ثمن شهور

كانت ضحى اليوم في غرفة العمليات بتولد

و كان الجميع واقف برة قلقان عليها بشدة حتى اسماعيل الذي اصر على الذهاب معهم

شهد بخوف لشادي : شادي انا خفت من الولادة اوي انت شايف دي بقالها قد ايه جوة

شادي و هو يمسك يدها لكي يطمنها : متخافيش يا حبيبتي احنا لسة قدامنا خمس شهور

خرجت الممرضة و معها طفلة و اعطتها لهم

مراد بإطمئنان: طب و ضحى عاملة ايه

الممرضة بضحك : هى الحمد لله كويسة و شوية و تفوق و قبل ما البينج يثبت قبل الولادة كانت مجننة الكل جوة ربنا يكون في عونك ثم مشيت

حورية : الله يا مراد كلها ضحى اوي

شهد : هتسموها ايه ضحى مرضيتش تقولي اكيد شهد صح و لا لا

مراد : لا انا و ضحى متفقين على الاسم و لما تفوق هنقلكوا عليه

دخل الجميع إلى الغرفة بتاعت ضحى و بدأت ضحى استعاد وعيها و جاء الطبيب طمنهم عليها

ضحى بضعف : مراد عاوزة اشوفها و اشوف شبه مين

مراد باستسلام : حاضر و احضر لها الطفلة الصغيرة

سمية بمرح : دة ربنا يكون في عونها عشان ضحى امها ضحك الجميع

محمد بتأييد: فعلا معاكي حق دة غير ان مراد أبوها

شهد بتطفل و فضول : ها هتسموها ايه

مراد و ضحى و هما ينظران إلى الطفلة بحب و قال في وقت واحد : حور

مراد و هو ينظر إلى حورية: عشان انت اللي جبتي ضحى اصلا لينا و كمان انت اللي جيبتيها في حياتي

اخد اسماعيل يشاهد ما يحدث أمامه و يشكر ربه على رجوع العائلة مثل ما كانت

ثم اتجه و قبل جبهة ضحى و رددا اسم ابنتهم بحب : حور

************************************

ايه رأيكوا في نهاية سارة و احمد ..؟؟

ايه رأيكوا في الفصل...؟؟

ايه رأيكوا في الرواية كلها ...؟؟

استنوني بكرة هنزل الخاتمة ❤❤

طبعا حبيت اشكركم على تفاعلكوا معايا على الرواية و كماااان على توقعاتكم المبدعة اللي بتتوقعوها انا ببقى هموت من الضحك و يبقى سعيدة و انا بقراها و اسفة لو كنت اتأخرت عليكم في يوم متنسوش نتفاعل على الفصل الاخير و تصوتوا **

الكاتبة : دودو