ظلمني حبه ( لهدير دودو ) الفصل السابع والعشرون 27 - بقلم دودو

"""""""""""""""بعد مرور سبع سنين

كانت حياة شهد و شادي في غاية الجمال و الحب و معهم توأمهم زين و زياد

اما حياة ضحى و مراد كانت جميلة و لكن لا تخلو من مشاغبات ضحى و حور ابنتها التي كانت تشبهها كثيرا في الشكل و الطبع اما ابنها يحيي ذات الخمس سنوات كان يشبه مراد كثيرا ايضا في الطبع و الشكل و هما الان يقضون بعض الوقت في ايطاليا حاليا

ضحى بهزار و هي تصحي مراد فقالت و هي تنظر الى حور بصوت عالي : مرااااااد

مراد و هو يقوم و يقول لهم بصوت عالي : انتوا مش هتبطلوا حركاتكوا دي

حور و ضحى و هما يدعون البراءة : احنا كما بنصحيك عشتن عاوزين نخرج و انت و الاستاذ يحيي نايمين

حور لضحى بهمس : طب يا مامي هروح اصحي بقا يحيي على بال ما بابا يخلص المحاضرة بتاعتوا ليكي و جريت بسرعة لكي تصحي يحيي هو الآخر

مراد لضحى بزعيق : ايه يا ضحى حركات الاطفال دي .. كل يوم بتصحيني كدة ...حتى حور اتعلمت حركاتك دي ايه بقا شغل الاطفال دة بدل ما تقوليلها عيب كدة بتساعديها على اللي بتعمله .. المفروض ازعقلها هي و لا ازعقلك انت ..مش كفاية وافقت على السفر في الوقت دة و سبت الشغل كله لشادي

ضحى و هي تذهب و تجلس على قدمية و تلف ذراعها حول عنقه و قالت : يعني يا حبيبي اديك قلت اهه اننا جينا يبقى المفروض نخرج سوية مش نفضل نايمين انا و حور صحينا فقلنا نصحيكم عشان ننزل بقا

مراد و هو يبلع ريقه بتوتر و قال : م ..ماهو احنا لو فضلنا كدة احتمال مننزلش بقا

ضحى بلا مبالاه : طب و فيها ايه يا حبيبي

قطع كلامهم دخول حور الى الغرفة

حور : ايه دة يا ماما انت و بابا ابقي اقفلوا الباب عليكم انتوا عارفين كام مرة ادخل الاقيكم كدة امال الباب معمول ليه بقا

ضحى و هي تبعد عن مراد و دخلت الى الحمام و تركتهم
مراد لحور بتبرير و هو يحاول ان يرسم الجدية : على فكرة انا كنت بزعقلها عشان صحتني و جه دورك انت كمان على فكرة

حور و هي تضع يدها في وسطها : يا سلام يا بابا يعني هي اول مرة اقفشكوا على العموم انا نازلة بس متبقاش تنسى تقفل الباب بقا اديني فكرتك اهه

خرجت ضحى من الحمام

مراد و هو ينظر بدهشة و قال : عاوز اعرف البت دي عندها سبع سنين و لا انا اللي نسيت

ضحى و هي تضحك و قالت : لا يا حبيبي سبع سنين بس طالعة لأمها بقا ..و قالت بحماس يلا بقا يا حبيبي هروح اجهز يحيي و حور و اساعدهم عشان ننزل و سابته و مشيت

مراد لنفسه بتوجس : كله من حور هي اللي قطعت علينا ربنا يسامحها و تقولي اقفل الباب اهي راحت ثم اتجه الى الحمام لكي يأخد شاور

"""""""""""""""بعد ما جهزوا كلهم و نزلوا

يحيي بتذمر : بابا احنا لسة بدري كنا نزلنا متاخر شوية عشان الشمس

مراد : معلش يا حبيبي بس اعمل ايه حور و ضحى عاوزين ينزلوا ... دماغهم كدة

ضحى و هي تذهب الى مراد و قالت : فاكر يا مراد لما جينا في شهر العسل مع بعض وقتها مكنش معانا حور و يحيي

مراد و هو ينظر لها بحب و يقول : طبعا يا حبيبتي هو انا عمري نسيت اي لحظة بينا

ضحى و هي تهز رأسها بنفى و قالت : لا. .. بس كمان فاكر اول جوازنا خالص

مراد و هو ينظر لها و قال بندم حقيقي : اه طبعا فاكر و دي اكتر حاجة بتبينلي ان انا كنت غبي و همنع نفسي من اكبر نعمة و سعادة في حياتي

ضحى و هي تحتضته و قالت : ربنا يخليك ليا يا حبيبي

بدأوا يتجولوا في انحاء المدينة و دخلوا مطعم و اكلوا ثم عادوا الى البيت

حور بحماس : والله يا ماما اتبسطت اوي بجد

يحيي : انت طول عمرك عاملة زي ماما

ضحى و هي تذهب اليه و تمسكه من ثيابه : و مالها ماما يلاا..

يحيي : اهدي بس و كنت سيبيني اكمل كلامي اقصد انها عاملة زيك بتفرح باي حاجة يعني مثلا يا ماما لو بابا جابلنا شكولاتة هتفرحي و ساعات بتتخانقي معانا عليها و لما بتكليها بتفرحي ...يعني حاجة حلوة مش وحشة يا ماما

ضحى و هي تتركه : اه اذا كان كدة ماشي يا حبيب ماما
يحيي : شفتي اقصد كدة يا ماما ثم ذهب جري الى غرفته

حور : طب باي يا ضوضو هدخل انام ثم دخلت

ضحى لمراد بغيظ : شايف ولادك بيعاملوني ازاي هو انا مش امهم يعني

كراد و هو يحاول ان يكتم ضحكته بصعوبة و قال : لا يا حبيبتي امهم ما هم بيقولولك بتجري وراهم عشان شوكولاتة هو فيه كدة

ضحى و هي تدب الارض بقدميها كالاطفال و قالت : حتى انت يا مراد بتضحك عليا

مراد و هو يذهب اليها و يجذبها إلى حضنه و قال بحنان : لا يا حبيبتي طبعا هو انا اقدر بس بصراحة يا ضحى انت فعلا مع ولادك بتبقي عاملة زيهم و خاصة لما بتتفقي مع حور دة اللي اقصده لكن محدش يقدر يضحك عليكي خالص طول ما انا موجود و انت عارفة انهم بيهزروا معاكي عادي

ضحى : عارفة يا حبيبي

""""""""""""""""""بعد مرور شهرين كانوا رجعوا القاهرة و الحياة ماشية طبيعية

ضحى و هي تجلس مع شهد : صحيح يا شهد ولادك عاملين ايه لسة بيتخانقوا

شهد : و عمرهم ما هيتغيروا ..و شادي معاهم هو كمان بيعلمهم الشقاوة اكتر

ضحكت ضحى بشدة

فجاءة جاءت لها رسالة من مراد بيقول لها تلبس عشان هيعدي عليها و يخرجوا

لبست ضحى فستان حلو من اللون الكاشميري

و نزلت لاقته مستنيها تحت و ركبت

مراد و هو ينظر لها بحب و قال : زي القمر يا حبيبتي

ضحى : اه طبعا يعني هو انا خارجة مع اي حد دة انا خارجة مع حبيبي لازم ابقى زي القمر

ضحك مراد بشدة عليها و ذهب بها الى ان وصلوا الى يخت في النيل و كان متزين كله

ضحى بدهشة : الله يا حبيبي شكله حلو اوي

مراد بتاكيد : طبعا عشان انهاردة عيد ميلاد حبيبة قلبي و روحي و حياتي كلها

ضحى و هي تضرب على جبهتها و قالت : يوووه تصدق فعلا كنت ناسية خالص بس ازاي انسى عيد ميلادي

مراد و هو يحتضنها : عشان انا اللي المفروض افتكره مش انت خالص يا حبيبتي ...و نقعد براحتنا اتفقت مع عمتي تخلي بالها من الولاد عشان كل مرة بنروح بدري بسببهم

ابتسمت له ضحى بحب و شكرت ربها عليه

و قام بتشغيل اغنية و بدأوا يرقصوا مع بعض ثم أخرج هدية و اعطاها لها و كان هذا الخاتم

ثم قال ل بعشق شديد و هو يهمس في اذنها : كل سنة و انت معايا يا حبيبتي و يخليكي ليا و لاولادنا

ذهبت ضحى و احتضنته بشدة و قالت بحب : و يخليك ليا دايما يا حبيبي 💖💖

************************************

كدة الحمد لله خلصت الرواية خااالص و انتظروني في روايتي الجديدة احتمال. .بكرة انزل الشخصيات
تفااعل و متنسوس تصوتوا ***

الكاتبة : دودو