ظلمني حبه ( لهدير دودو ) الفصل الثلاثون 30 - بقلم دودو

طيب يا بنات الغصل دة بمناسبة ان الجروب بتاعي انا و نسرين حبيبة قلبي 💖💖 و اسماء حبيبتي 💖💖وصل لل 700 عضو عقبال ال 1000 ان شاء الله قولت انزلكوا مشهد اضافي كدة لذوذ و خفيف من رواية ظلمني حبه بما أنكوا اختارتوها هي في التصويتات اكتر عشان انا ديموقراطية 💖💖 نبدا الفصل بقا عشان انا رغاية بس اللي لسة مدخلش الجروب اللينك على صفحتي هنا مستنياكوا ...

"""""""""""""""" عند ضحى كانت نايمة صحيت على لمسات خفيفة حنونة في وجهها و شعرها فقامت و ابتسمت بحب

مراد بحب و هو يقبلها من رأسها : صباح الخير با حبيبتي كل دة نوم

ضحكت ضحي ثم قالت : معلش يا مرادي... بس سهرت بليل مع شهد و بعد كدة حور بنتك استلمتني بقا

مراد و هو يضمها اليه بحب و تملك و يقبلها من فمها قبلة عاشقة ثم قال بتلعثم و هو بحاول السيطرة على مشاعره التي تحتجزه اول ما رأها : قومي ... يلا يا حبيبتي ناخد شاور و ننزل ثم اكمل بغيظ و حنق من تصرفات ابنته قائلا بدل ما نلاقي الست حور داخلة علينا زي كل مرة ...

ضحكت ضحى بصوت عالي ثم قالت بدلال و هي تلف يديها حول عنقه : معلش .. يا.. حبيبي ... بس هي لسة صغيرة.. مش فاهمة... حاجة

مراد بغيظ : دي لسة صغيرة آمال لو كبيرة هتعمل فينا ايه ... ثم قال بجدية يلا يا ضحى ندخل ناخد شاور خلينا نلحق ..

قامت معه ضحى و اتجهوا الى الحمام

""""""'"'""""" تحت كان الجميع جالس

حور بتساؤل : هي ماما و بابا منزلوش ليه

شهد : معلش يا حبيبتي تلاقيهم لسة نايمين عادي

حور : طب خلاص هطلع اصحيهم

حورية برفض : لا يا حور هما لما يصحوا هينزلوا لوحدهم بطلي بقا لماضة و متتعبنيش زي امك

حور بتصميم و عناد : لا يا نانا هطلع اصحيهم عشان هما ناموا كتير اوي

يحيي بعصبية خفيفة : ما خلاص يا حور اسمعي كلام نانا هتتعبي الكل يعني معاكي ... اصلا بابا قالك متطلعيش تاني ليهم انت اللي بتحبي تطلعي

جاءت ضحى و خلفها مراد ثم قالت ضحى متسائلة بلطف : عملت ايه حور يا يحيي عشان تاعبة الكل كدة

حور ببراءة مصطنعة : انا معملتش حاجة يا ماما .. انا بقعد ساكتة خالص هما اللي بيضحكوا عليكي مش كدة يا اونكل شادي

نظر لها شادي ثم قال بسخرية : ملااك .. انت ملاك ثم اكمل بغيظ امي هي اللي لسة مزعقة ليحيي و كان هيتخانق معاها و هي اللي لسة ضاربة زين ابني و كانت هتدخل على زياد عشان على صوته عليها صح يا حور

سمية بضحك : طب و أنا مالي يا شادي بتدخلني في الموضوع ليه

نظر مراد الى ابنته ثم قال بجدية و هو يشير ارضا : تعالي هنا يا حور

اتجهت حور اليه و هي تطأطأ راسها ارضا و قالت : نعم يا بابا في حاجة ... انا كنت بهزر معاهم

مراد بحدة : هزار ايه دة اللي يخليكي تعملي فيهم كلعم كدة ها ...

ضحى بدفاع : ما خلاص يا مراد هما اتصالحوا و مش بيزعلوا منها اصلا ..و دة هزارها عاجبهم ... عاجبهم مش عاجبهم ميهزروش معاها

اتجهت حور الي ضحى و قامت باحتضانها ثم همست في اذنيها بصوت خافت لا يسمعه احد غيرهما : شكرا يا ستي هديكي الشوكلت بتاعتي الاسبوع دة كله

ضحى بفرحة كالاطفال : اي خدمة بس الاسبوع كله متضحكيش عليا عشان هتهانق معاكي انا

حور بمزاح : متخافيش كله كله

محمد : خلاص بقا يلا ناكل عشان نروح الشغل

ذهب الجميع و توجه إلى مائدة الطعام

حور بصوت عالى : ماما هو ينفع انهاردة معملش الواجب عشان كتير

مراد بجديى : حور وطي صوتك .. و هتعملي الواجب بتاعك كله مفيش مناقشة

زفرت حور بتذمر و بدأوا يأكلوا

"""""""""""""""""""""" عند ضحى قاعدة مع شهد شهد بتساؤل : بت يا ضحى مالك متغيرة ليه

ضحى بزعل : بكرة عيد جوازي انا و مراد و مقاليش حاجة خالص حتى على طول بيقولي قبلها بيومين او حاجة ... دلوقتي مقالش كلمة

شهد : معلش يا اختي انا الحمد لله شادي قالي و طلع فاكر الراجل و هيجيبلي هدية

ضحى بغيظ : بس يا بت انت بتغظيني يعني

شهد : لا يا اختي مش بغيظك و لا حاجة انا بقولك بس هروح اشوف ولادي ربنا يهديهم ثم ذهبت جاءت حور و يحيي الى ضحى الجالسة

يحيي لضحى : ماما انا خلصت الواجب بتاعي خدي شوفيهولي هروح العب مع زين و زياد

اومأت له ضحى ثم قالت لحور مسائلة : و انت يا حور عملتي الواجب و لا لسة

حور و هي تغمز لها بعينيها و قالت : بصي يا ماما هتعملي الواحب و انا هقولك على سر خطيير اوي لبابا انت مش عارفاه

اسرعت ضحى تقول بلهفة و بفضول : خلاص ماشي موافقة هعملك انا الواجب انهاردة بس ايه هو بقا السر اللي هتقوليه على مراد

حور و هي تقترب منها ثم تقول بصوت منخفض : امبارح سمعت بابا بيكلم واحدة اسمها جوليا و بيقولها خلاص ماشي بكرة هعدي عليكي

نظرت لها ضحى بصدمة ثم قالت بعدك تصديق : انت كدابة يا حور و بتضحكي عليا صح عشان اعملك الواجب

حور و هي تهز راسها بنفى ثم قالت : لا والله يا ماما بجد و حلفت كمان انا سمعاه بيقولها كدة بس اسمها جوليا يبقى اكيد حلوة عشان اسمها حلو و اجنبية تلاقيها كمان ... يعني احلى منك

ضحى بزعيق و عصبية : بس يا بت اطلعي برة و خدي كتبك دي كمان معاكي

خرجت حور اما ضحى فظلت تفكر في كلام ابنتها و قالت : فعلا يا حور معاكي حق ما هو ناسي اهه عيد جوازنا و بقاله فترة بتجيله تليفونات و بيقوم لا انا لازم اشوف مع الاستاذ دة ايه اللي حصل و مين جوليا دي ثم اكملت بغيظ و التانية تقولي احلى مني ليه دة انا قمر و مفيش حد أحلى مني ابدا

""""""""""""""" عند زين و زياد كانوا قاعدين بيتخانقوا

زين : بس يا بارد هات العربية بتاعتي

زياد : لا طبعا مش هديك حاجة انا هاخدها

زين بتصميم : والله مش هسيبهالك

جاء اليهم يحيي ثم قال متسائلا : في ايه بتتخانقوا ليه

زين ليحيي : تعالى يا يويو شوف زياد الرخم مش عاوز يديني عربيتي

يحيي مقترحا بذكاء : خلاص انا كمان اصلا عربيتي اتكسرت فايه رايكوا نلعب بالعربية دي احنا التلاتة

وافق الجميع و بداوا يلعبون مع بعضهم كما قال زياد

"""""""""""""""" بليل مراد اتاخر

نزات ضحى و راحت لشادي الجالس تحت مع الجميع ثم دخلت عليهم باندفاع

شهد بتساؤل : في ايه يا ضحى مالك ..؟؟

تجاهلتها ضحى و اتجهت الى شادي و قالت مسائلة بصوت عالي : هو سؤال واحد يا شادي فين مراد

نظر لها شادي ثم قال بعدم معرفة : والله ما اعرف هو قال وراه مشوار مهم لكن مقالش فين بالظبط

محمد محاولا تهدئتها قائلا بهدوء : اهدي يا ضحى... محصلش حاجة يعني اكيد في شغل مهم ما انت عارفة انه نش بيحب يتأخر اصلا

ابتسمت ضحى بسخرية ثم قالت لنفسها : فعلا الست جوليا هي الشغل المهم اكيد ثم قالت : طب انا هطلع انام عشان تعبانة ثم صعدت دون ان تسمع الى احد و هي تتأكل من الغيظ

سمية باستغراب : مالها ضحى انهاردة يعني هو اول مرة مراد يتاخر

حورية : عادي ما انت عارفة ضحى و جنانها اللي بيطلع مرة واحدة دة

ليضحك الجميع و يكملوا حديثهم

'"""""""""""""" فوق طلعت ضحى اتجهت الى غرفتها و ظلت تفكر في علاقة مراد بجوليا الى ان غفت في النوم

دخل مراد ثم زفر بارتياح عندما وجد ضحى نائمة و قام باخد شاور و بدل ثيابه الى شورت ازرق قصير ثم اتجه الى السرير و قام باحتضان تلك النائمة بجانبه ذات الملامح البريئة ..

قامت ضحى الصبح فوجدت نفسها مقيدة بيد مراد النائم بجانبها فقامت بأيقاظه سريعا و هي تنكزه في كتفه

قام مراد متسائلا بخضة : في ايه يا ضحى .. مالك يا حبيبتي ..

ضخى بصوت عالي : ايوة بقا قوم يا بتاع جوليا ..يا خاين ثم اكملت متسائلة طب بذمتك مين احلى انا و لا جوليا

مراد بتساؤل و اثار النوم لسة عليه : جوليا مين يا ضحى .. و خيانة ايه انت نايمة بتحلمي يا حبيبتي

ضحى بغيظ : لا قوم يا حبيبي كدة و فوق حلم ايه لا خلاص انا عرفت كل حاجة حور بنتي حبيبتي قالتلي و سمعتك يا حبيبي و انت بتتكلم

مراد و هو يعتدل في جلسته و قال متسائلا بغيظ و هو يحاول التحكم في عصبيته : و حور بنتك حبيبتك بقا قالتلك ايه ... عشان تقولي كدة

ضحى باندفاع : قالتلي كل حاجة ... قالتلي على جوليا اللي بتخوني معاها و هتعدي عليها كمان و انا مرمية هنا في البيت مع ولادك

مراد و هو يحاول التحكم في عصبيته و قال بجدية و حدة : ضحى انت هبلة.. و انا مش ناقصك بجد...و خليكي ماشية ورا حور اللي هتوديكي في داهية قريب

ضحى متسائلة بأمل : يعني انت مش بتخوني و متعرفش جوليا دي صح

ابتسم مراد رغما عنه ثم نظر لها بحب و قال بصدق : انا مقدرش اصلا يا ضحى اشوف واحدة غيرك ثم اكمل محتضنها انت حبيبة قلبي و ضي عيوني كمان

ابتسمت ضحى و قامت باحتضانه بشدة و قالت : أنا عارفة ان حور اكيد كذابة انا عارفاها

مرر مراد يده على ظهرها بحنان ثم قام بتقبيلها قبلة عميقة اما ضحى فلفت يديها حول عنقه و بادلته القبلة بكل حب و شغف و عشق مشاعر كثيرة تجمعهم هما الاثنان رغم كل هذه السنين التي مرت على زواجهم و كان كفيلة تلك القبلة ان يذهبوا الى عالمهم الخاص يثبتون فيه حبهم و عشقهم لبعض

"""""""""""""""" تحت كان الجميع مشغول للحفلة الذي كان يحضرها مراد مفاجأة لضحى بمناسبة زواجهم

شادي لشهد بحب : كل سنة و انت طيبة يا روحي

شهد : و انت طيب يا حبيبي بس خلاص احنا احتفالنا في اوضتنا امبارح

شادي و هو يغمز لها و قام باحتضانها و قال : احلى احتفال كان يا روحي والله

شهد و هي تحاول ان تبعد عنه و قالت : بس بقا يا شادي اوعى ايدك احسن حد يشوفنا هيقولوا ايه علينا

شادي : عادي يا حبيبتي هيقولوا واحد و مراته احنا مالنا بيهم بلاش نقطع عليهم

شهد و هي تحاول كبت ضحكتها و قالت : بس يا شادي بجد و اوعي بقا خليني اروح اشوف الولاد

قطع عليهم دهول حور قامت شهد بزق يد شادي جامد و وضعت رأسها في الارض من الخجل

شادي و هو يبلع ريقة باحراج و قال متسائلا : في حاجة يا حور ... يا حبيبتي

حور : لا خلاص يا اونكل عادي ما انا بقفش بابا و ماما كتير بس كنت فاكراكوا غيرهم

وضع مراد راسه في الارض هو الاخر و قال : كنت جاية ليه يا بت انت كفاية لماضة

حور لشهد : كنت جاية اقولك يا طنط شهد ان زين و زياد
بيتخانقوا و يحيي بيلبس فمحدش هيعرف يسكتهم خالص

شادي بغيظ : طب يلا روحي انت البسي و هي هتروح تشوفهم شكرا لخدماتك

حور : و انت مالك يا اونكل انا بقول لطنط شهد مش ذنبي انك واقف تحت طب حتى اطلع اوضتك

شادي بغيظ : و انت مالك يا بت انت روحي البسي و أبعدي عننا

ذهبت حور لكي تلبس هي الاخرى

شادي بغيظ : انا عاوز اعرف ايه البت دي .. دي رخمة اوي شايفة يا شهد عمالة تتكلم ازاي و لا كأنها انسانة كبيرة و فاهمة مش لسة طفلة

شهد : ما هي بصراحة معاها حق ... انا هروح اشوف ولادك دول اللي تعبوني بجد

شادي بحب : سلامتك يا روحي بس اكيد طالعين لابوهم

شهد بغيظ : جدا جدا يعني ثم تركته و ذهبت لكي تشوف اولادها

"""""""""""""" عند ضحى و مراد بعد ما اخدوا شاور كلنت ضحى واقفة قدام المراية بتنشف شعرها

مراد و هو يتجه اليها و يقوم باخذ الفرشاه و يبدأ هو بتسريح شعرها

ضحى بتساؤل رغم ما بداخلها من غيظ فكبف له ان ينسى تاريخ زواجهم: مراد انت كنت فين امبارح و اتأخرت ليه كل دة

مراد و هو يتجه اليها و يبدأ يقبل عنقها و قال بصوت لاهث متقطع : كان ورايا حاجة مهمة اوي

تساءلت ضحى بغيظ : مراد هو انت مش ناسي حاجة خالص انهاردة

مراد بلا مبالاه : لا يا حبيبتي مفيش حاجة .. انت في حاجة مهمة انهاردة

ضحى و هي تقوم من امام المرآه ثم قالت بغيظ : لا كبعا مفيش حاجة كنت بسأل .. بس على فكرة يا مراد انت الايام ظي بقيت بتنسى اوي اوي يعني

اتجه اليها مراد و هو يحاول كبت ضحكته من منظرها و قال بحب و يرفع يديها و يقبلها : اكيد طبعا يا عمري ... عمري ما انسى احلى تاريخ في حياتي زي انهاردة اتجوزتك طبعا يا عمري ... هبلة اوي لو كنت فاكرة ان انا انسى حاجة مهمة زي دي

حضنته ضحى جامد ثم قالت بعتاب : اصلك اتأخرت اةي و كل ما المحلك تقولي مفيش مفيش قولت انك ناسي

مراد و هو يحتضنعا و قال : لا طبعا انسى ازاي و حياة جوليا مش ناسي

ضحى و هي تبتعد عنه و قالت متسائلة بغضب و غيرة : و مين جوليا بقا دي كمان

مراد : اهدي بس يا حبيبتي جوليا دي مصممة الفستان اللي هتلبسيه في الحفلة و كلمتني و قالت انها خلصت الفستان عشان كدة هعدي انا عليها مش اكتر يا روحي هو انا اقدر اشوف واحدة غيرك اصلا دة انت حبيبتي و حياتي و عمري كله

جريت ضحى عليه و قامت باحتضانه ثم قالت : يعني انت عامل حفلة بمناسبة عيد جوازنا و انا اللي عمالة اشتمك عشان ناسي انا اسفة يا حبيبي

مراد و هو يمسكها من اذنيها و قال : تشتمي مين يا ضحى لمي نفسك يا بت بدل ما اضربك انا

ضحى و هي تضحك بسعادة و فرحة ثم قالت : بهزر يا حبيبي انا اصلا مقدرش اقول على حبيبي كلمة واحدة

مراد : طب يلا يا حبيبتي عشان نجهز

ضحى : تصدق فعلا انا غبية ازاي مبصتش في الساعة و عرفت انك اتاخرت على الشغل و مش رايح اصلا و قعدنا وقت طويل جدا

مراد : يلا يا ضحى اجهزي عشان انا مش ضامن نفسي

ضحى بتساؤل : امال فين الفستان طيب

اتجه مراد الى غرفة الملابس و يغيب عدة ثواني ثم يخرح و هو يحمل فستان بسيط اللون مطرز شديد الجمال

ضحى اول ما رأته اتجهت لمراد و قامت باحتضانه ثم قالت : شكرا يا مراد بجد مبسوطة اوي اوي

مراد بحب : يارب دايما تفضلي كدة يا حبيبتي .. انا لو كولت اجيبلك نجمة من السما عشان تكوني فرحانة بس مش هتردد ثانية واحدة ثم اكمل بجدية : يلا يا حبيبتي اجهزي ...

"""""""""""" بليل نزلت ضحى و هي ماسكة في زراع مراد بحب و تملك صفق الجميع اول ما شافهم و اتفاجأت ضحى بعدد الحاضرين فهى كانت متوقعة ان العائلة فقط من سوف تكون حاضرة و لكن يوجظ الكثير من رجال الاعمال و زوجاتهم و بعض رفاقها

بدا الجميع يهنيهم قام مراد بالهمس في اذن ضحى و قال : كل سنة و انت معايا يا حبيبة قلبي و ازداد من ضمها اليه بحب و تملك

*********************************************

ايه رايكم في الفصل ...؟؟

فصل خفيف اهه و لذوذ ..ايه رايكم في حياة ضحى و مراد و اولادها ...بحبكم عاوزة تفاااعل و متنسوش تصوتوا على الفصل **

الكاتبة : هدير دودو