ثمار العار بالحلال الفصل السابع عشر 17 - بقلم نهى

🌷🌷مساااااااء المسرات والسرور على قرررررائي الاعزاء اتمنى لكم قراءة ممتعة 🌷🌷🌷

ثمار العار بالحلال ج٢
للكاتبة nuha-d-h

سافرنا وبدت رحلتنا
وقطعنا طريق طويل وكانت الافكار تتراكم على راسي وتوديني لغير عالم
ما اعرف افكر بمنو بأختي ريم الي فرت روحها مثل الطير المذبوح علينا
ومنظرها الي هد حيلي
لو افكر بصديقة عمري سارة الي انتكست حالتها على
فراكي لو على البيت الي اصبح مهجور وتركناه خلفنا عفية گلب شكد تتحمل
مرت بيا رجفة گلب وسرة باطرافي الخوف
اتذكرت اخر اتصال وية سارة
.........:
سارة : لج سهى لحكي ثائر سأل عساف عنج وعن
زوجج
شهكت بخوف: عزة وعساف شنو كلة
: لج لو تشوفين وجه عساف من اجاني وظل يحجي علية يكول من وراج انتي وصديقتج راح افقد اعز صديق عندي
وتعمون علية
يكلج ثائر صاير نار
لج عساف يگول والله خفت من عندة من اجاني جنة عاصفة وجهة اظلم ظل بس يسب ويغلط كوة عساف هدئة وظل يتهرب من الجواب
كلة اني شمدريني ما سائل سارة عن زوجها
وانت شمدريك اتزوجت منو كلك
منين جبت هذا الخبر
ثائر : لك شفتها بعيني بحضن زوجها بالمستشفى
عساف
صرت مثل بلاع الموس لا بية اطلعة ولا بية ابلعة
بالحالتين راح اكل تبن
الصوج كلة من سارة وسهى
ما اعرف شجاوبة اخاف اكلة ماكو هيج كلام خاف
يهد علية ويمسح. بية الكاع ويروح على سهى
ويسببلها بمشاكل لا لها اول ولا الهة تالي
صديقي واعرف اطباعه
ما راح يخلي الموضوع يعدي مرور الكرام
والله اليستر اذا يعرف بالحقيقة
.........................
فزيت على نور وهي تهمس يم اذني
: شنو وين الحلو صافن ترة الصفنة مو الج لابو صابر
التفتت عليها وضربتها على راسها
: عفية بالشاطرة ما اوصيج هاي سوالفج كلها طلعيها هناك يم عيالج حتى يوم ثاني بجلاق واحد يطيروج
ويرجعوج بحضن امي
: لا يمعودة بس اوصل هناك ابيع ثكل واصير حبابة
وام بيت ترة اني اعجبج
واستمر الطريق وبانت امام ناظري معالم الجنوب
كان الجو حار والشمس ساطعة صيحيح كنا مشغلين
تكييف السيارة لكن ما كدر يمنع الحر
سافرنا بسيارة امجد اخوية بعد ما حمل الجنط والغراض الباقية بالنقليات بس ما نقل اثاث البيت بس اشيائنا المهمة
كنت كاعدة وحاضنة ابني حسن
طبعاً اتصلت على عمه اخو فراس بس ما ردلي خبر
ولا جاوب على اتصالي
وبعدين رجعت اتصلت عليه خمس مرات وكان الرد الجهاز مغلق او خارج منطقة التغطية
قرر امجد يترك خبر عند الجوارين خاف يجي احد يسأل عن حسن ابني من طرف عمامه
حسيت تركت هواي اشياء خلفي من نوينا الرحيل وخالاتي كانو جداً
حزينات لان كلش متعلقات بأمي تركنا خلفنا ناس
نحبهم ويحبونا لكن الظروف جبرتنا لتركهم غصب عنا
حالنا حال هواي عوائل تشردت اضطرو ان يتركون بيوتهم ويتهجرون ينشدون الامان
بعد سفر دام مدة طويلة حسيت بالتعب والاجهاد اول مرة بحياتي اسافر هيج طريق طويل
وصلنا على منطقة نائية تكثر بيها
الطسات طريق متعرج
يمكن لان المنطقة معزولة عن بقية مراكز المدن من وصلنا لأطرافها
انتبهت على سيارتنا اتوقفت
باوعت من جامة السيارة شفت مجموعة زلم
اتجهو لسيارتنا وحجو وية اخوي امجد الي نزل من السيارة
شفت واحد منهم لازم سلاح وحجة بجهاز اتصال اللاسلكي
ونوب رجع حجة وية امجد
بعدين شفت امجد رجع ركب بالسيارة وشغلها
ام سهى: يمة امجد هذولي شنو يردون من عندك
وكفو سيارتك
امجد: يوم هذولي مثل ما كال عمي قاسم
حماية السلف منتشرين على طول حدود
المنطقة هذولي الحرس راجعين
لنسابة عمو قاسم اهل مرتة
ام سهى : هااا هذولي همة نفسهم الي اجونا وية عمك قاسم بيوم اتصوب احمد
: اي همة نفسهم والله ناس خيرة واهل نخوة

ام سهى :الله يرضى عليهم شعجب رغم خيرهم
ما تركو سلفهم بقو عايشين هنا
: اي صحيح ما تركو منطقتهم بس لا تنسين همة اتعودو على حياة السيادة وهمة هنا القانون
وكلمتهم تمشي عالكل لذلك فشي اكيد ما راح يلكون
مكان احسن من مكانهم يرتاحون بي
اسمعهم واني اباوع على الطبيعة والخضار
على مدى النظر
حقهم ما يتركون هيج حياة وصفاء شعندهم رايحين هناك بالغبرة وتاركين هذا النعيم
امجد : اي واخيراً وصلنا وهذا ناصر ابن عمي قاسم واكف ينتظرنا بالطريق
حسيت على حركة نور المرتبكة
سهى: هَـا اشو صرنا نستحي
نور بخجل : لا عيني شنو شايفتني امشي وتعارك طبعاً استحي
اصلاً اني من يومي خجولة واستحي من خيالي
اكول بس شوفي شكلي مرتب
: اي مرتبة ههه شوف شلون گلبت
دقلة علمود حبيب القلب ناصر
واكف منتظرنا والحلك مشكوك
: اشششش بالله شو سكتي خليني اشوفة
لج يوم گلبي راح يطير لعندة وبعد ما الحك عليه
: اسم الله على گلبج بس ستري علينا لا يشوفج اخوي امجد لو امي ويرجعولج كلبج بضربة عالراس
ثكلي شوية
ناصر وبصوت خشن
اقترب من سيارة امجد ودنك راسه
وباوع لنور الي كاعدة ورة وكانت اللهفة باينة على وجهة وفاضحتة
: ياااا هلا وكل الهلا بالجاي لينا
نورتونا
امجدوهو يلزمة من ياخة الثوب
ناصر كان لابس دشداشة
: بالله اشو الاخ مستخف دمة
ترة مو عبالك جاي لبيتكم
تكوم تغازل براحتك
ترة هَـا اخلي وارجع منين ما اجيت
ناصر: افااااا والله ما هي من شيمنا الي تحجي عنا
ترانا ناس خيرة وولد حمولة
على الاقل خلينا انضيفك
لا ابوي قاسم يجيب اجلي
اذا يسمع بيك جاي لعدنا وراجع
وما شارب كهوتنا والله يزعل
ياولد العم تراني موش قليل ناموس واصل
واخليك ترجع زعلان
امجد وهو يضحك على كلام ناصر
: حيا الله اصلك وفصلك بس سويلنا طريق ترة
طاح حضنا من ورة السفر
ام سهى : اكول يمة امجد هذا شنو يحجي ما افتهمت عليه ولا كلمة
نور بحب همست لسهى
:لج يوم خليني اسمع هاذي الكلمات والمسطلحات التي لم اجد لها الى الان اي تفسير
وحتى قاموس اللغة العربية عجز عن ترجمتها
بس رغم ذلك حبيت كل كلمة نطقها ناصر
سهى
نور تحجي واني عقلي سافر لبعيد
اتذكر بنفس هاي الكلمات همت وذبت
ووقعت بحب شخص وصرت اسيرة هواه
كان يستخدم نفس هذه اللهجة
كدر ببعض الكلمات وبصوته ينسج تعويذة حبه
لداخل گلبي عبالك مثل السحر ماله علاج
هزيت راسي
حتى انفض الافكار الي احتلت عقلي مثل الغزو
شكلي كلش اتأثرت بالجو
شغل امجد السيارة وهو يحجي وية امي
ومشى خلف سيارة ناصر العالية كانت بيك اب نيسان
وصلنا على بوابة كلش جبيرة باوعت على ناصر وكف
وحجة وية واحد وانفتحت البوابة ودخلت سيارة ناصروبعدها دخلت سيارتنا
عبالي راح اشوف بيت
لكن اتفاجئت من شفت مجموعة بيوت يحيطها هذا السياج العالي
شفنا سيارة ناصر وكفت قرب بيت كلش حلو
بس ما يلحك جمال البيت الي يصير بالنهاية كان ذاك البيت جداً ضخم او بالاحرى ما نسميه بيت المفروض
يسمى قصر او فلة من الفلل العثمانية
كان ملفت للنظر
نزلنا اول ما نزلت حسيت برجلي عثرت
سمعت صوت رجال جبير بالعمر
كان واقف بقرب عمو قاسم
: الله يا بنيتي سمي بأسم الله ودخلي بيمينج

سمعت عمو قاسم كعد يعرفنا على الرجال
: هذا الشيخ مزاحم عمي ابو المرة
وشيخ عشيرة ال...........
امجد: يا اهلاً وسهلا اتشرفنا بيكم وباصلكم الطيب
: النا الشرف يا ابن الغالي
ابوك كانت له مواقف مشهودة معانا ابد ما ننساها
: اشكرك شيخنا لان انتو اجاويد
فما راح تنسون الطيب
دخلنا للبيت
واستقبلتنا زوجة عمي منتهى وبناتها عذراء وسلمى
ورشا ووحدة ثانية ما عرفتها بس الي عرفتة اسمها رواء تصير بنت اخو عمة منتهى
بس كانت كلش حبابة
استقبلونا بالاحضان ورحبو بينا وباوعت على عذراء شلون كبرانة ومتغيرة
طالعة جنها لعابة تشبه الممثلة المصرية مي عز الدين
تجنن وسلمى ورشا توم وناصر بالله اعرفة وحارث ابن عمي الثاني مسافر يدرس بالخارج طب
التهينا بالسلام والترحيب ونسينا ندخل للصالة وكملنا ودخلنا وشفنا بعد نسوان كعدنا نسلم عليهم وعمتي منتهى تعرفنا عليهم وحدة وحدة واني
لو اموت مراح اتذكر اساميهم ولا القابهم
فلانة ويصيحونها ام فلان
يحسسوني كاعدين بدولة الخرافة داعش (الاسم صكبان المكنى او الملقب ابو حذيفة )
المهم شكل السلام والتحية طولت
ماشاء الله عندهم هواي خطار لكن صدمتي كبرت
من كالت عذراء هذولي كلهم مو خطار
هذولي كلهم عائلة وحدة
:يعني شنو ما افتهمت
: اني افهمج انتي قبل لا توصلين على بيتنا
مو دخلتي من بوابة وسياج عالي
: اي
: شفتي مجموعة بيوت
: اي شفت بيوت
: عليج نور هذني البيوت كلها راجعة لخوالي اخوان امي وخالاتي يعني احنا كلنا نعتبر سكنت بيت واحد
: هَـا يعني السياج هو الي يجمعكم والبيوت تعتبر بيت واحد افتهمت
نور : احم اكول عذور يكولون انتي انخطبتي
بس اشو ما دا اشوفج لابسة حلقة

ضربت نور على راسها عيب تحرج عذراء
: اي اني مخطوبة بس مع وقف التنفيذ
: هاي شنو موديل جديد
: لا يعني تكدرون تكولون مخطوبة وغير مخطوبة
يعني اني معلگة والفضل يرجع للاستاذ
الي معلكني الى الان
سهى بقهر: عيني هاي شيسمونها يعني هو قابل بكيفة
كولي ما اريدة وفضيها وشوفي حياتج
عذراء : اهووووو هاي سالفة طويلة ذكريني من نفرغ
احجيها الج
: ان شاء الله ما اعوفج الا من تحجيها الي
: ان شاء الله هسة امشونا خلي ادليكم غرفكم
بعدين راح نلتهي بالشغل المنتظرنا
نور بتسائل : يا شغل
: جدي امر ناصر يذبح ذبيحة لخاطر جيتكم وعزم
الشيوخ لحتى يرحب بابن اخو قاسم هههه الي هو اخوكم ابن عمي
اكول عودك صدك ليش ما امجد ينهي علية
ويخلصني من هذا العكرة المغرور الي شايف حالة علية ابن اللذين
: طبعاً كلساعة تشمرين بالكلام وتخليني اتشوق اسمع منج قصتكم
:اصبري يا عيني لتستعجلين على رزقج

التهينا بترتيب غراضنا وخطية كانت زوجة عمي
مجهزة غرفتين كاملات حتى ناخذ راحتنا
صفيت اني ونور بغرفة وحسن وامي بغرفة
بيتهم ما شاء الله جبير
خلصنا ترتيب غراضنا وارتاحينا
ولبست تراك تركي
ونزلت اجتي عذراء تركض
: خايبة من عزة بعينج وين كاعدين
ولج احنا هنا موش بغداد وبيت الخلفوج تلبسين براحتج
: شنو ترة عادي شفت البيت كلة بنات فكلت براحتي البس
: لا حبيبة هاي عاتي ببيتكم
هنا حتى لو كاعدة بروحج لازم تتحشمين
: هسة الي يسمعج يكول مصلخة
: لا حبيبة مو مصلخة بس هذا لبسج يجيب التايهة
وعندنا ولد وخليها ببالج ترة احنا ما عدنا شي اسمة خصوصية
يعني كلنا بيت واحد الشباب اولاد وبنات خوالنا يجون ويدخلون
على بيتنا شوكت ما يطري على بالهم فلازم كون احنا اربعة وعشرين ساعة الطرحة على راسنا ابد ما ننزعها
الا بغرفتنا
ظليت فاتحة حلكي على كلامها شكلي راح اكل تبن هنا
اني متعودة اخذ راحتي باللبس ببيت اهلي
ههه واني البطرانة اكول محبوسة ومخنوكة
واطالب بالحرية استغفر الله لعد هذولي
شنو يسمونهم سجناء ابو غريب
عمي صدك الي يشوف بلوة الناس تهون عليه بلوتة
بس لحظة اشو ما شفت عذراء تتشكى من هذا الوضع الي هي بي
بالعكس احس بيها من تحجي بطاري الناس والخطار والاستعداد اشوفها مفتخرة وكأن
الهم الفخر من يدخلون عليهم اقاربهم
ما اعرف بس يمكن مفهومهم للراحة النفسية يختلف
عن مفهومي
عذراء : بس تدرين كلش عجبتني البجامة
: كدام وجهج حبي
: اشكرج حبيبة بس اريدج وياي تجهزين نيشاني
ابوي كال بنهاية هذا الشهر راح يسون مشية زلم وشيوخ حتى يخطبوني
: الف مبروك عذورة تستاهلين كل الخير
تدللين بَـــأي وقت تحتاجيني اني برسم الخدمة
: انا احجي وية ابوي حتى ياخذنا ناصر للمدينة اني وياج واجهز نيشاني
: ان شاء الله
ضربت على كصتها
: اهووووو والله نسيتيني شكلي راح اشبع رزايل من وراكم دروحي بدلي ملابسج قبل لا احد يشوفج ولبسي دشداشة
: اوك
: استعجلي راح اشنك العجين ( تعمل كرات)
وراي خبز تعاي وياي حتى اراويكم المزرعة الخاصة
ببيت قاسم
صعدت ابدل واضحك على كلام عذراء
تصيح باسم ابوها قاسم حاف بدون مقدمات
خرب هاي والله فلم
طلعت ثوب ضيك من فوك ويصير واسع من تحت
لونة نيلي مطعم بوردي
وشمرت على راسي شال
نزلت واباوع على العيون تراقبني بفضول خالاتهم وبنات الخوال منتشرون في جميع انحاء البيت
انهم يتكاثرون خرب حظي
ما اعرف ليش ينتابني شعور المداهمة احس مسوين كبسة على بيت عمو قاسم
وماخذين راحتهم ابد ماكو نظام هوسة جهال بكل مكان
ام ناصر منتهى
: تعاي حبيبة سهاوي
عذراء تصيحج بالمطبخ
رحت على المكان الي اشرت عليه دخلت شفتة مطبخ جبير حلو ومرتب عندهم النظافة
تنطق بكل مكان رغم الهوسة الي شفتها بس ما مأثر على نظافة البيت
بس شكل هاي اللمة على الاكيد تعتبر ترحيب
بجناب حضرتنا لاننا شرفنا سعادت حضرتهم

وشفت عذراء ونور وناصر واكف ديشرب ماي وعيونة على نور الي كل ساعة ترفع طرف عينها تباوع عليه وتدنك تبتسم بخجل
اي حقها وين شايفة هيج جمال ورزانة يغازل بيها
انتبهت على عذراء ملتهية بالعجين
: السلام عليكم
ناصر وهو يدنك: وعليكم السلام ام حسن نورتو الدار
بجيتكم
: متأكد اني نورت الدار لو اكو نور ثاني هو الي نور داركم
: لا افا انتي النور كلة
باوعت على نور عقجت الجهرة
وهو انتبه عليها
: انتي نورتي دار قاسم ونور نورت دار ناصر
هنا اباوع لنور ساحت من الخجل بنت اللذين
اول مرة اعرف بيها عندها مشاعر واحاسيس خرب هاي مصدكة حالها بنية عايشة اللحضة
ضربتها بكوعي على خاصرتها وهمست
: لمي حلكج شهرتينا ضحكتج من الاذان للاذان
شبيج هسة يخترع الولد ويبطل ما يتزوج
شفتها شهكت وحطت ايدها على حلكها
كملت عذراء صينية العجين وصاحت لسلمى
حتى تشغل التنور
عذراء : يالله يالذيب راوينة عرض اجتافك
لا يسأل عليك الشيخ مزاحم ويعرف بيك
كارص هنا يمنا ويضيع علومك وتصير بخبر كان
ناصر : يالله ماشي ماشي بس خو ما تحتاجون شي
يباوع لنور ويحجي
نور بهمس : لا سلامتك منحتاج شي تؤبرني ابن عمي
عذراء : بالله شو كدامي العگيد ابو شهاب
لا يجي جدي ينتف شنبك
التفت عليها ضربها على ركبتها وطلع
واني خربانة ضحك
سهى بضحكة :ليش هيج تسوين هادم اللذات حرام عليج خطية
عذراء: لا حبيبة الرجال ما ينطي عين
ما اوصيجن يا بعد شيبي
شما بيجن بيعن ثكل وهمة يجون زحف
اخذنها حجاية من عمتكم عذراء
شما تستخفن يستهانون بيكم
هي مثل المعادلة الكيميائية
بيها طرفين ولازم توازنيها
ظليت فاتحة حلكي على كلام عذراء
: اكول عذورة انتي شنو مخلصة ولو هذا سؤال غريب تطرحة بنت عمج
: لا عادي حبيبة انا مخلصة معهد معلمات
بس حقكج من ورة الي صار بيج ما خلاج تعرفين
بالناس واحوالها عاذرتج
يالله امشينا خلي نخبز لا تجي امي وتسوينا خبز العباس
...............................

ثائر
: الو هلة بوية اي جايكم بالطريق واصل ما راح اتأخر عليكم
عدي يلتفت على ثائر
: ابوي شنو رايد منك
: يكلي استعجل بالجية لان بيت عمي قاسم رجل عمتي
جايين بيت اخوه عندة وجدي عازم على شرفهم الشيوخ
انا ما اعرف غير ابوهم الله يرحمة من جان يجي لهنا
زيارة لعمي قاسم
اذكر عليه قاضي
: هاااا اتذكرتهم همة موش نفسهم الي راحو عمامي وابوي لعندهم بيوم اتصوب ابنهم
: اي همة يمكن نفسهم وانت تعرف بجدك شلون كريم
وديوانه بالكرم مشهود
امشينا خلي نروح
وصلنا على اطراف السلف ونزلت من السيارة ورحت
امشي وتركت عدي يركن السيارة
عدي
نزلت من السيارة وشمرت سويج السيارة على الحارس
واجيت افوت گبل عالديوان بس لفت نظري
بنية خطفت من يمي وشايلة بيدها طبك حبز ولابسة
شال اسود على راسها
رفعت عينها وصارت بعيني
ولك بوية موش عيون تذبح نظراتها جنها اسهام
خزرتني بعيونها جانت بلون العسل
وحطت طرف شالها على خدها وحلگها
وكأنها تريد تظم نفسها من عيوني
حسيت واحد وراي يعاين عليها التفتت شفتة
ثائر
صرت گباله وكطعت عنة النظر
ما اعرف انا ليش سويت هيج
بس كل الي اعرفة ما اريد احد
يعاين عليها غيري
منهي هاي
بت منو ردت اروح وراها واسألها
يا حلوة هلج وين
بس حسيت على ايد لزمت اجتافي ووكفت حركتي
: خير يالذيب اشو جنك نسيت الدار الهة حرمتها
حشم نفسك لا يقل مقدارك
كلام الوحش كان صائب
بس ما ادري شجاني

...........................
سهى
كنت اساعد البنات بالمطبخ ودخلت عذراء علينا ولازمة بيدها صينية خوص حاطة بيها الخبز
حطتها على ميز الطعام وحطت ايدها على گلبها
وبأيدها الثانية تهفي على وجها جنها تطلب الهوى
رحت ركض عليها وجها كان احمر
خطية هاي يمكن من الحر لان جانت تخبز
رحت جبتلها كلاص ماي وحطيتة بيدها
ونفخت على وجها
: شبيج عذور اخذي نفس عميق
اخذت الكلاص من عندي وصكت عليه
وجرت النفس
عذراء: خايبة سكتي گلبي اجة يوكف الا شوية
ولج شفتة وشافني وصارت عيونا تعاين على بعض
: منو احجي
: ولج خايبة زوج المستقبل منو بعد يمة يمة يمة
لو تشوفين شلون كام يعاين علية وعيونة اجت تطلع من مكانهم بس هاااا
انا اختج واعجبج
خزرتة بنظرة وغطيت نص وجهي عنة حتى يظل يتحسر على شوفتي
بس عودك انا شهي غديت ماي عساج ما تشوفين حالي
صار الطريق علية شطولة لبيت قاسم
: ههههههه والله انتي اكبر مخبلة
صارلج ساعة تبيعين براسنا دروس وعبر وتالي بأول اختبار اتزحلكتي لج ثولة هاي بس نظرة وهيج تخربطتي لعد
لو تنخطبون وتعقدون ويلزم ايدج شنو تسوين
: هههه اجيب العيد وافضحكم
: قصدج وتشردين الولد
ناصر : يالله يمة صبو الغدة وصل الوحش والربع كلهم
يالله شدو الهمة بيضو وجهنا
بنات تحشمو راح يفوتون الولد حتى ينگلون الاكل للديوان باوع لنور وانطاها نظرة
حسيت بي يريد يحجي وياها
دفعتها بكوعي وراحت قريب عليه
همسلها
: يانور عيون ناصر تحشمي وخلي نورج بس لنظر ناصر
: صار ٺــڊٍلََُلََُؖ من عيوني
لزم گلبة وهو يضحك: من غديت فدوة لهالعيون
اباوع عليهم مثل العصافير يا رب ديمها عليهم واستر على اختي وفرحها
عدلت شالي وصرت بطرف المطبخ وبعيدة عن الانظار وكمت اساعد البنات
لان كلها اتحزمت
طبعاً عمتي منتهى كالت
حبيبة كعدي ما يصير خطية انتو جايين تعبانين من السفر
: لا عمة شنو السالفة تعبكم راحة ترة اني ونور بحسبة بناتج
: والنعم منج وردة اصيلة
انتبهت على عذراء استلمت الامور الادارية للاكل
وصارت بنص المطبخ
وتنطي الاكل والصواني للولد
اني ابد ما رفعت راسي عيب زحمة
شنو يكولون علينا بنات اخو قاسم مستخفات
سمعت شهكة عذراء يم باب المطبخ وصوت الصينية وكعت بالكاع رفعت راسي
شفت عذراء واكفة ورجال من بعيد واكف كبالها
ما انتبهت على شكله
لان اجة ناصر يركض
وسمعت عمتي منتهى
: خايبة شمالج مدوهنة وين عقلج يالفاهية
التفتت علية وباوعتلي وخدودها حمر ههههه
خرب حظي هاي تبقى كلما تشوف خطيبها المستقبلي
تسوي كارثة ههههه

.........................
سمعت ناصر صاح للولد حتى يساعدونة
بنقل الاكل للديوان
واني صرت كريم ولو هاي مو من عوايدي
وتبرعت بالمساعدة
كلت هاي فرصة بلكت اشوف غزالة بيت عمي قاسم لان اول مرة تصير عندهم مناسبة وادخل على بيتهم

طبعا انا الوحيد من اخوتي جنت لو اموت ما ادخل على بيتهم
اشرد من سيرت العلة عذراء
من وراها حرمت الدخلة على بيت عمتي
عكس اخوتي براحتهم يرحون هناك ويسوون كعدات ونركيلة
استغليت الفرصة ودخلت بحجة انقل الاكل
والله واول ما دخلت وصارت عيني يعينها
جانت لازمة صينية اكل
اول ما صدت عينها بعيني وكعت الصينية من ايدها
واجة ناصر يركض علينا
وهي صارت خدودها حمر
دخيل الكبعة شلون خدود
برطمت شفايفها عبالك تريد تبجي وسمعت صوت عمتي منتهى كامت تحجي عليها
شفت بعيونها اتجمعت الدموع من الفشلة
اتمنيت اكسر مواعين بيت قاسم كلها على راس
ناصر وعمتي
شلون يتجرأن ويحجون عليها
ويهضموها
كسرت گلبي اي مو خطية يتيمة جاية عندكم خطار
ادري هيج تذولونها اااااخ يا بوية الهمني الصبر
دارت وجها وراحت ترجف وصار گدامي ناصر
والتهينا بالخطار والغدة

بس انا ضاعت علومي
وصوبتني غزالة عمي قاسم
ااااخ الله هاي البنية يمكن بنت اخوه لعمي قاسم الناس الجدد الي اجونا
اي هي ماكو غيرها
ولك بوية غير عليها عيون تذبح
ودخيل الله عودها شكد ريان

.....................
وكت العصر
رحت كعدت يم الوحش
بالكعدة تصير بنص البستان
: اكول ياخوي كولتك هاي الغزالة الي شفتها اليوم تعود لعمك قاسم
اذا كلت لبوي يخطبها الي يقبل
اجتني ضربة قوية على اجتافي من ثاير
: خايب شمالك تسودنت انت شارب شي
جا انت موش خاطب بنت قاسم عذراء
شلون تجي وتكول اريد اخطب بنت اخوك
بالله هذا يا عاقل راح يعقلها
: جا شلون بالله يردون يورطوني بعذيرة
وينطوني النخالة وويبيتون العسل
ترة هاي سالفة واكفة
: خايب ما تكعد انت شعرفت بيها وكبل
تريد تخطبها
: تصدك اذا اكلك ردتها تصير من نصيبي اول ما وگعت عيني عليها
جنا نسولف وفجاءة
سمعنا صوت صريخ مرعوب
طفرنا من مكانا انا وثاير بفزعة
........................
ثائر : شنهو يا ستار استر

يتبع