ثمار العار بالحلال الفصل الثامن 8 - بقلم نهى

ثمار العار بالحلال
للكاتبة nuha-d-h

......................
سهى جنت كاعدة منتظرة سارة
حسيت واحد حط علاكة سودة على الميز گدامي
رفعت راسي اتفاجئت
شفتة عساف
-هلو سهى
عندي امانة تخصج
طلبو مني اسلمها الج
ترة اني عبداً مأمور
سهى باوعت لعساف متفاجئة
-شنو هاي الامانة ومنين

انتبهت على سارة اجتي علية وشايلة بيدها صينية
وعيونها تنتقل بتسائل مني لعساف
عساف- هاي من ثائر فتحيها وشوفي
فتحت العلاگة وشفت بيها باكيت نقال ايفون
باوعت لعساف
سهى- هذا نقال شنو لتكول هذا جايبة الي
عساف - اي الج
حتى تكدرين تتواصلين وية ثائر
لان يريد يحجي وياج وماكو طريقة غير هاي
ترة بس صدكي اني اعرف ثائر كلش زين
واعرف نيتة وياج شريفة مو ديلعب وياج
سهى-لاااا هذا صدك زودها
شوف عساف هسة تاخذ النقال وتكلة بالحرف الواحد
اني بنية مو بهيج سوالف تعبانة يكدر يوكعني
ترة لاهو ولا عشرة منة يخلوني
افقد ثقة اهلي بية واضعف امام هيج تصرف
طبعاً اني احجي وجسمي كلة يرجف من وراه
خرب يومة شنو من شخص عنيد وقح
سارة-عساف رجعة لصاحبك
ترة ثق بالله گلة بهذا تصرفة راح يعم على البنية
وراح تبطل من وراه
لان اهلها حيل متشددين
-سارة افتهم كلامج بس صدگي
ما اخطي هيج خطوة ولا اساعدة لوما اعرف شنو نيتة
ترة ثائر ما يحب يلف ويدور
يعرف بيها متقبل تحجي وية اي واحد امام الطلبة
لذلك اشترة النقال حفاظاً عليها
وراد يحجي وياهة بشغلة تخصة وتخصها مينفع
يحجيها الا وياهة
سهى قفلت عندها
-اسفة عساف هذا كلامك مراح يغير عندي شي
جوابي نهائي مراح اتواصل وياه لا بنقال ولا بدون نقال
گلة حتى لو كان عندي عشر نقالات هم مراح اتواصل
لا وياه ولا وية غيره
راح عساف وتركني
وصرت كلي ارجف
هو صحيح شكلة وشخصيتة ملفتة للانتباه
بس عندة جرئة وغموض يخوف
سهى-لج دبريني بهاي الورطة الوكعت فوك راسي شلون شسوي
-ما اعرف احسدج لان عندج هيج معجب لو اخاف عليج لان عندج خوان ميصرفلهم هذا الحجي
وخاف يعم عليج وتبطلين
خلصت يومي
واني ما افتهمت اي شي من المحاضرات
فكري انشغل بهذا ثائر الله يلعن بليسك
من وراه على مرتين الاستاذ يفشلني
لان بالي مو يمهم
واحنا بالسيارة بطريق الرجعة
سارة-لج سكتي جبتلج اخبار عن صاحبنة ابو الشخصية
سئلت عنة عساف
سهى بفضول - يعني اشتغلتي محقق وتالي وياج ماتبطلين دور مختار المنطقة
بالله شو احجي شنو گلج عساف

سارة - ههههه مو بيدي هاي هوايتي
لج حجالي عن تاريخ
عائلتهم واحد واحد لج هذا طلع داهية
هذا من عشيرة كلش معروفة وذايعة الصيت
لج هذولي تكدرين تگولين الجنوب كلة بجيبهم عندهم سلطة ونفوذ قوية
متشوفينة اجة عليج مسيطر
الظاهر الاستاذ متعود كلشي يريدة ياخذة

(((((())))))
بعد مرور شهرين
اتعودت كل فترة انتظر اشوف ثائر يجي عالجامعة
يجي مرة بالاسبوع مدة ربع ساعة عشر دقايق ميتأخر
ههه صرت احفظ مواعيد جيتة عالكلية
جنت اسرق النظرات حتى اباوعلة
مرات اراقبة بدون ميحس علية
ومن عهد سالفة النقال
بعد ما حاول يقترب مني
بس بعدة يراقبني بنظراتة
من بعيد
هو صحيح يجي عشر دقايق
بس جان لازم اشوفة يعدي من يمي
واشم ريحة عطرة تجنن تدوخ
من اشمها احس تداعب انفاسي وكأنما حاطة
راسي برگبتة وانتفسة
اهووووو هاي اشبيج سهى شنو هاي الافكار
عيب استحي شوية
اعوذ بالله اني شگاعد احس
هزيت راحسي حتى ابعد الافكار الغريبة
صحيت من حالة التفكير
على ضربة كوع سارة لخاصرتي
حتى انتبه على الشخص القادم
((فقرة الغيبة))
شفت بنية ويانة بنفس المرحلة اسمها سما
اجتي للشلة مالتي اني ومنى وسجى وسارة وسئلت سارة گدام البنات
سما-هلو سارة شلونج
سارة بستغراب لان هاي الطالبة ابد ولا مرة جاية وكاعدة ويانة احس بيها متكبرة
-هلة بيج حٍٍِْــًبٌٍـــِٓېٍٓ سماوي تعاي اتفضلي
اباوع عليها وعلى لبسها
كلشي بيها يجنن لبسها واستايلها
كلة حصر والتقاسيم عندها فول مواصفات
كانت سافرة
طبعا ثلثين طلاب مرحلتنا زاحفين عليهة بس هي متنطي وجه لأي واحد
اني جنت اشرب عصير واكل كيك واباوع عليها
سما- حٍٍِْــًبٌٍـــِٓېٍٓ سارة سؤال اذا متصير زحمة
سارة -لا عادي رحمة گولي
-اةة بس حبيت اسألج على ثائر الي دائماً
يمشي وية عساف عفية انتي عندج
ميانة وية عساف تكدرين تجيبيلي رقم ثائر من عندة
اني جنت اشرب عصير من سمعتها جابت سيرتة
شرگت بالعصير وطلع من خشمي
منى وهي تضرب على ظهري وتنطيني اكلينكس
-اسم الله اسم الله هاج اخذي مسحي هدومج

ظليت امسح واباوع على سارة شلون رفعت حاجبها
علية عودك اني انفضحت وعرفت سري
بس عودك اني شنو ميتة بدي الزم هاي المايعة من شعرها وامسح بيها الگاع شنو عيني هو بكيفها
سارة -اسفة حٍٍِْــًبٌٍـــِٓېٍٓ بس اني ما اشتغل دلالة
تردين رقمة ذاك هو روحي احجي وياه اني شكو امة اختة جاية علية
ظليت اكرص بسارة
حتى تسكت بس شفتها رادت تروحلة
مكدرت اتمالك نفسي
سهى-اوكفي حبيبتي سما خلي انبهج على شغلة
كلش مهمة لان ادري بيج خوش بنية وحبابة
ترة الولد ميفيدج مو راحة ووووووو
ظليت اگلب عيوني اريد اكمل الجذبة
ساندتني منى
منى-اي اتذكرت ترة هو شراب سكير واحتمال حتى يبيع مخدرات
اني من يمي صدكتها وشهگت
عمة بعينج منى عاد مولهدرجة سويتي الولد تاجر مخدرات ومافياا
سمااا بدلع-اوووف. عاااتي حتى لو يطلع اربعة ارهاب هم اريدة
راحت وعافتنا
بالقران هي تحجي واني گلبي اشتعل نار
سهى وهي تهفي بيدهة على وجهة
-اكول منى اليوم شنو الجو حار لو اني محترة
سارة بنذالة-لا حٍٍِْــًبٌٍـــِٓيبتي هاي نار الغيرة
بس تدرين والله حاتة اذا راحت لثائر والله تضيع علومة
ويصير صاحبنا في خبر كانة
كمت من مكاني عبالك اتكهربت
سهى- اگلج انتي ليش هيج نذلة
كلامج يدق
سارة بضحكة خبيثة
-هههههه اي اني ابو الهيل اني نذل والله نذل
-بالله شو گومي خلي نروح وراهة
خاف راحت لعندة عزة بس
لا تفتن علينا عندة
تصيرلها حجة حتى تتقرب منة
جريت سارة من ايدها وگومتها گوة ومشيت ومنى تمشي ورانة
منى-ولج شبيج اتخبلتي اوكفي
رحت وجمدت بمكاني شفتها كاعدة بصفة وتضحكلة
وتحجي وياه وهو خربان ضحك

عاااااااا اني هنا بس واحد يطخني
والله اذب روحي بالكاع
مثل الطفل وابجي
صرت احوم اريدة بس يباوع علية ماكو
سهى بغيض
-لج سارة باوعي صاحبنا ابو الشخصية شلون غرك
من اول كلمة اووووف عمة حتى عمة
ممصدك وحدة تحجي وياه والله ياربي
طبعاً اني احجي وعيني عليهم اريد ابجي
سارة-خطية يستاهل ثائر يلوكلة هيج حاتة
احسن من بعض الناس الي ضاربين السكتة لا انطيك ولا اخلي رحمة الله تنزل عليك
سهى بقهر-يعني شنو ترديني اسوي اروح اخذ منة النقال واكلة تعال خل نكبل وللصبح
سارة-انتي منو يمج شنو قابل اني ذكرت اسمج لو هو الي بعبة طلي يكوم يمعمع
التفتت عليهم يمة شفتها سحبت نقالة من ايدة وكعدت اطكطك بي
-عاااااااا اكلكم بنات هاي انطتة رقمها
منى وهي تضحك-اكووول سارة اشو الاخت صارت علينا مراسل صحفي من قلب الحدث
كلساع تنقلنا خبر
بالله سهاوي شوفيلنا وياج ثائر شوكت يتزوج سماااا
عاد اني سمعت هيج
بعد ما استحملت لميت كتبي
وكمت من يم البنات وردت اروح ارجع للقاعة
بعد ما اتحمل شقاهم وياي
واني احر ما عندي ابرد ماعدهن
مشيت من القهر ما اشوف دربي بس ادردم
انضربت بولد خطية جان شايل بيدة
كوب كوفي وانگلب على ملابسه
يابة صرت بنص هدومي
عودك ليش الثول ينزل عالواحد فرد نزلة
الولد-اخ اخ احححح حارر
سهى-اسفة والله اسفة منتبهت عليك
رفع راسة وباوعلي وابتسم
وهو يبعد عن صدرة التشيرت المتروس كوفي
-لا عاادي مصار شي لا تتأسفين فدوة الج التشيرت وصاحبة
منتبهت على كلامة من گد ما جنت مخبوصة اريد اطلعلة كلينكس
طلعت من جنطتي الكلينكس
وانطيتة للولد اخذة مني وهو يبتسم
الولد-شبيج مصار شي لتنخبصين
رجعت هم طلعت كلينس مرة ثانية ورفعت راسي وابتسمتلة بعتذار
كنت غافلة عن العيون
الي كانت تراقب الموقف من اول ما اسطدمت بالولد
اتفاجئت على ايد خشنة انمدت بيني وبين الولد
واخذ الكلينكس من ايدي
ثائر والنار تطلع من عيونة
همس بصوت ناصي
شوفي ولج هسة اذا ما ابتعدتي عن الولد لمسح بيج الكاع واسويلج سالفة
اخذ مني بقية الكلينس وانطاه للولد
وقبل لا اروح
الولد-العفو شنو اسمج
ثائر وهو يدفعة من صدره
-انت شكو وتسأل عن اسمها تريد تطلعلها جنسية
الولد -العفو انت شنو دخلك بالموضوع ترة البنية عندها السان وتجاوبني
سهى
يمة شفت الشرارة بعيون ثائر
باوعلتلة دفع الولد والولد هم دفعة
اني هناااا كطرة دم مابية
عزة بعيني راح يتعاركون
حجيت والبجية بعيوني
بتوسل
-ثائر اروحلك فدوة لتتعارك
اتركة للولد مصار شي

ثائر لاول مرة اسمع اسمي على السانها
التفتت عليها وشفت الدموع بعيونها
توسلها وخوفها لفت انتباهي
كانت عيونها تحجي عن خوف عميق قديم مدفون
بس مو انة سببه
غضبت ردت اعرف سبب خوفها
حتى اخفيه من الوجود
محبيت اشوف هاي النظرة الضايعة بعيونها
حسيت هاي البنية مجموعة الغاز وعندها هواي اسرار
بحياتها
اشوفها متحب تلفت الانتباه الهة ولا تحب احد يقترب منها طريقة تحفظها كان جداً مبالغ بيها
سهى بصوت هامس ضعيف -
: ثائر تصرفك هذا راح يعم علية ويسببلي مشاكل

اتمنيت اخذها لحظني واطمنها بس ما اعرف من شنو
بس استسلمت لتوسلها
بحيث اضطريت اسكت واهد الولد واجة عساف
برد الوضع
شفتهة مسحت عيونها وراحت تمشي بضعف لصديقاتها

بس ااااااااخ بوية والله
گلبي اجة يطلع من صدري بيوم شفتها اسطدمت بالولد وكعدت تبتسملة ويبتسملها
احس اجيت انشل من الموقف
وبلحضتها حسيت اكو شعور بگلبي بتجاهة اعمق
من الاعجاب

.........

رجعت عالبنات وشفتهم وظليت ابجي
وحجيتلهم كلشي
سارة بضحك -انقلب السحر على الساحر والله انتي تحفة
منى- يالله على الاقل نجحتي بابعاد سما عنة هههههه
بيومها رجعت للبيت
وبداخلي مجموعة مشاعر
خوف على لهفة على تردد على اعجاب
صارت مشاعري عبالك مضروبة بخلاط
وصايرة كوكتيل
اووووف دخلت على بيتنا وعقلي وفكري
مشدوه وبغير عالم

سمعت احمد يحجي وية امي بالمطبخ
سلمت عليهم
وردو السلام
ام سهى-روحي بدلي ملابسج وتعاي خل نتغدة سوية ورة مكملت ورجعت للمطبخ سمعتهم يحجون
احمد-يمة والله خوش رجال صحيح عمرة ٤٧سنة
بس الرجال الله شايل حمالتة ويريدها على سنة الله ورسولة
ام سهى-لك يمة هسة العمر وگلنا عادي
بس يمة هذا متزوج تلاث نسوان ويريد سهى الرابعة
ترة لا الله يقبل ولامحمد يقبل بهيج قسمة
سهى عزة بعينك احمد تريد تزوجني لرجال جبير بكد ابوي ليش هذا شبي
دخلت عليهم
سهى -شوف احمد خلي اطمنك زواج ما انزوج لو تموتوني مراح اقبل لا بهذا التحفة ولا بغيرة
سامعني مو بكيفك
احمد-لج اكلي تبن عار انتي هم الج عين وتحجي
احسنلج سكتي وسدي حلكج لا ادفنج هنا
سمعت صوت امجد جان ستوة جاي من الشغل
امجد -السلام عليكم
ام سهى غمزت لاحمد ولبنتها حتى يكطعون السالفة
لان تعرف بامجد اذا يسمع بكلام احمد احتمال تصير عركة
وبيومها
شردت لغرفتي كالعادة الهروب من الواقع
(((((((((((()))))))))..

ثائر...
اليوم لازم ارجع لان عندي شغل هناك هواي هاملة
كملت شغلي الي ببغداد
ما اعرف هاي منين طلعتلي بنت الاوادم
متعجب على نفسي
اول مرة بحياتي اهمل شغلي واأجلة علمود بنية
شجاك يالوحش
اول تالي انتة تخلي بنية تتحكم بيك وتخليك تتصرف مثل المراهق وتبديها على شغلك وناسك
واعمالك
والله خربطت احوالي
زين شمعنة هاي الي تخليك مدوهن ومصفن
عفو عليك وحش مو انت الي تشغلك مرة

................................
دكيت هورن لاخوي عدي
ثائر -يالله عدي استعجل اركب ترة اتأخرنا

عدي - هلة بالوحش ماتكلي وين صرت صارلي ساعة
ملطوع هنا انتظرك ادري متكول هذا الحيوان خطية واكف بالشمس ينتظر
ثائر-جانت عندي شغلة مهمة خلصتها واجيت
- خايب اسكت
يكلك شيخ مزاحم كالب الدنيا علينا وحارك البيت على راسهم
ظال بالة عدنا لان اتأخرنا وهذا انصير الشيطان حارك فلمنة عندة يكلة ثائر وعدي كاضيها
ملاهي ونسوان ولعب
ثائر وهو يضحك-خل يول عودك يحرك فلمنا
هههههه والله يا انصير كون الزمة الا اتوبة
رجعنا لديرتنا

اباوع عالخضاروالزرع وهاي اول معالم ديرتنا
افيييش يا ريحة اهلنا
عدي وهو يضحك- ها يالوحش حنيت لتربتنا
انت والله عجيب امرك
اشو انا مو مثلك اشو اضوج من ارجع لهنا
هنا الحياة هادئة ومملة
احس هناك ببغداد ونسة اكثر

ثائر-لك هاي ديرتنا ما ابدلها بكنوز الدنيا بس هواها
النقي وخبزة امي يسوى الدنيا ومابيها
وصلنا للبيت
طبعاً احنا اصحاب حلال وخير من الله
ومن سكنة الجنوب نملك مزارع على اطراف الجنوب وجدي شيخ عشيرة وجبيرالسلف
هو الامر الناهي يعني هو القانون هناك
كلمتة هي الي تمشي على الكل
اتذكر كم مرة اتعرضت قريتنا
لاهواي هجوم سواء من دخلو الامريكان
او من ورة العصابات ومهربين المخدرات والكاز هذولي لوحدهم مافيا
لان منطقتنا معزولة وبعيدة عن المدن تكون حدودية وموقعها يشرف على انابيب النفط
و كدرنا بفضل الله وجدي الشيخ مزاحم وانا واخوتي والعشاير الي تحت طوعنا كدرنا نواجهم ونخليلهم حد ومحد كدر يندك بينا
ومن عهدها جدي الشيخ مزاحم اصبح الامر الناهي هناك وصارت المنطقة كلها ملك النا
وكل العشاير الي ساكنين هناك صارو تحت حمايتنا وتحت طوعنا
وصارت حماية هاي المنطقة من ضمن مسؤليتنا
خصصنا مجموعة رجاال مسلحين مجهزين بانواع العتاد
حتى يطوقون السلف ويكونون مسؤلين عن حماية المنطقة وحماية اهلها من العصابات العابرين عالحدود وغيرهم من المهربين
الي يقتربون على انابيب النفط
وصار محد يكدر يدخل عالمنطقة اويطلع منها بدون علمنا
جان جدي من يكعد يگول انة وابوكم العقل وانتو القوة
واليد الي تنفذ القانون هنا
كان دوري بالنسبة للشيخ مزاحم تكدرون تگولون
ايدة اليمنة اني يلقبوني هنا بالسلف
بالوحش محد يصيحني باسمي ثائر كلة الوحش
اما مسؤليتي بالعائلة تكدرون تگولون وزير المالية
يعني ادير شؤون الحلال كلة
لان جدي سلمني زمام امور والتهيت بتطوير العمل
انة واخوتي

اما بقيت اخوتي فموزعهم حسب احتياجي الهم وكل واحد مسلمة مهمة بس
اخوي الجبير علي دائماً وية جدي وابوي بالديوان
واني واخوتي علينا التنفيذ
رضعت واترعرعت بهاي الكاع لحد ما عشقتها
مثل عشق الطفل لامه
شكد اسافر للمدينة علمود الاعمال
بس ابقى ارجع لاصلي لان هنا راحتي
هنا اتصرف على طبيعتي
عكس هذا الاعوج الي كاعد بصفي
ابو النسوان
وصلنا وفتحولنا باب المزرعة ودخلنا
ونزلت وشفت صگبان البواب
شمرت عليه السويج مالت السيارة
ودخلت فتت جوة للبيت
اتلوگوني الجهال بصياحهم وهوستهم
وجدتي لازمة عصتها تهش بيهم عبالك غنم
-ول ول لا بارك الله بيكم من فروخ
ثائر ببتسامة
راح باس جدتة من راسها
-خل يولون عنج يالغالية لتشلعين گلبج بيهم
انتي گليلي منو الي يضوجج وانا اجيبة لحد عندج حتى
تكسرين راسه بالعصا
- هلة جدة هلة بالوحش الحمدلله على سلامتك
والله يايمة شوفت عينك دوخوني بصياحهم
كلشي ما افتهمت من الصلاة من وراهم وامهاتهم خارمات
وفاهيات ما يعرفن يردن بزرهن
سحبتة وگعدتة بصفها
-تعال يمة وحش خل اسولفلك
والله شفتلك مرة تگول للگمر غيب وانة بمكانك
اريدك تشوفها
ثائر -حجية خاف مثل ذيج المرة وتطلع خراعة خضرة
ووجها خريطة من المكياج
اذا اريد اشيل المكياج منها احتاج فلاش منظف يالله يروح استغفر الله

دخلت رواء اخت ثأئر البالغة من العمر ١٨سنة
-ياهلة توة نور الدار الحمدلله على سلامتك خوية
وراحت عليه وباستة
عدي-ليش ولج وانا مو اخوج اشو ما شعرتي لي مثل ما شعرتي لثائر
ثائر-لك الله وكيلك ما صام ولا صلا الا لحاجتاً تقضى
لك هاي ورة المصلحة علمود موصيتني على نقال جديد
رواء وهي تغنتب -اه مو صوجكم صوجي اني الفرحانة بيكم
عدي-خاب تعال اسمع هاي تكول اني
بالله الله عليك هاي تكول اني
والبنات هناك يگولن اني
خايب ياهو الاجة ونجر
ثائر ما اعرف ليش كلام عدي ذكرني بوردتي
الي تركتها ببغداد وگلبي معلك عندهة هناك

لكزني عدي
-شنو وين صفن الوحش
ثائر وهو يخزر اخوه الي يكون اصغر منة بالعمر لكن
اقرب واحد من اخوتة الة
يعني يعتبرة ايدة اليمنة
انتبهو على دخول ابوهم وجدهم
الشيخ مزاحم
كام ثائر وعدي كالعادة احتراماً للشخص القادم الي هيبتة وشخصيتة تفرض الاحترام عالكل
وهمة ورثو هاي الخصال منة
بعد السلام كعدو يتبادلون الاخبار بينهم
الشيخ مزاحم
رجل كبير بالسن لكن قوي البنية والجسد

الشيخ مزاحم بأمر
-شوف ثاير اريدنك تشوفلي سالفة هالورع فلّيح ابن جويسم وصلتني اخبار عنة ماهي زينة
اعرفلي شجاي يخبص
علي برزانة -جدي من بعد اذنك ترة انة سمعت من الربع ان هو ملفي لبيتة ناس تعبانين والجوارين يشكون منة يكولون بتالي الليل يسمعون غنى وطرب ومنكر

مزاحم وهو يضربت بعصاه الگاع
ثائر يعرف شنو تعني هاي الحركة
ثاير بصوت خشن :صاااار يالشيخ تم
الباجر تجيك علوم ابن جويسم
مزاحم بنظرة فخر
:كفو منك يالوحش كفو
التفتت على عدي واشرلة بالعصا مالتة
اي اتذكرت قبل لا انسة عدي حجزتلج على
بنت عمتك الصغيرة
لان سمعت من ابوها جاينها خطابة
وانة گتلة عذراء لعدي
عدي بصدمة-شششنهي شيخنا على بختك
انة برگبتك مالگيت تزوجني الا عذارء
بنت عمتي ساجدة والله انتحر ولا اتزوجها

عدي
وهو يتذكر
عذراء بنت عمتة الي صارلة هواي من شافهة
بس كانت صورتها بمخيلتة
بنية سمرة مسوية ظفاير اثنين وحاطة تقويم اسنان
جنها بومة

ابوعلي - انجب ولا كلمة ماكو كلام ينگال من بعد كلام جدك تتزوجها وانت الممنون
عدي -والله حرگوني ولا اتزوج لو اعرف ابقى ما اتزوج طول عمري شنهو قابل انة مرة وتجبروني
وعافهم وطلع
وابوه راد يگوم وراه
اشرلة الشيخ يگعد
-تركة ماعليك منة هو من وحدة راح يجيني برجلة ويكلي زوجني عذارء
وبساعتها الا اشلع گلبه
ثائر وهو يگلب بسبحتة وبالة وعقلة مشغول
بغير مكان
...
هدوءها رزانتها سترها التزامها
نعومتها
راح تجنني ردت بكل طريقة اوصلها
انصدمت من رجع عساف النقال
وحجالي شنو گالت
تصرفها كبر قدرها بگلبي
وكل موقف وياهة يخليني اكتشف مشاعر جديدة الهة بگلبي واخر موقف الي شعل الغيرة بگلبي
وبوقتها اتأكدت انة اريدها تصير حلالي
وماكو غير طريقة وحدة وهي المداهمة
واطلبها من اهلها
حسيت بيها تلعب دور وحدة صعبة المنال
لان حسب تجاربي وية النسوان مستحيل
اكو هيج بنية محافظة بهالزمن

طبعاً انا تايب من بنات المدينة
وتوبت اهلي من وراي
لان مرتي الاولى كانت من المدينة
اتزوجتها عن طريق معارفنا الي ببغداد
وصارت عندي منها بنية
طلبت الطلاك لان مگدرت تعيش حياتي ومقبلت
تكمل وياي غرتها فلوسي وجاهي
بس ما حبت حياة التقييد بالريف والمزارع والبساتين
مصرفلها عيشتنا هنا وبساطتنا
واني بوقتها خيرتها بيني وبين تعيش هناك للاسف
خذلتني واختارت تعيش عند اهلها
واني قررت ادزلها ورقة طلاقها
لان الي يريدني ويحبني لازم يحب وياي ارضي
واهلي وناسي
بس شكل گلبي ميتوب واتعلگ هالمرة
بهوى بنت المدينة

لكن هاي غير هاي شايلة براءة تختلف جذرياً عن بنات جيلهة
و صار عساف حجة لحتى اروح لهناك واشوفها
بالرغم غرگان بالشغل ومفارغ احك راسي
بس مو بيدي اتعودت افرغ نفسي حتى لو
وقت قليل مرة بالاسبوع بس كون
اشوفها
استغفر الله اتعلقت بكلشي بيها ابتسامتها
بقوامها القصير بالنسبة لطولي كلش قصيرة
خجلها
طبعاً صارلي هواي مرايح على عساف
هاي الايام الي مشفتها بيها
عبالك مضيعلي حاجة ثمينة
احس اريدها بكل معنى الكلمة اريدها مثلما الرجال يريد المرة تصير ملكة وبحضنة خاصة بية

ما اريد اي واحد غيري يباوع لبرائتها وحسنها
من يوم الي وگعت عيني عليها
حسيت صارت ملكي
..............
الجد -ايه يثاير شنهو اشو جنك مشغول البال
عيونك بيهن كلامن جثير

................................
يتبع