رواية ☆ ذنـــــبٌ بـــلا ذنـــــب ☆ الفصل الرابع 4 - بقلم Hend_AlBoor

- مو گلتي ارجع وينج ،  يمةة فدوة لا تعوفيني ،  اموت اذا بقيت هنا عيوني يمة

توصل امها و شاكر تركض الام بلهفة و دموع
- سري يمة بنيتي اجيت
تطلع من بين الزرع تبجي - يمة ،  يمة لا تعوفيني

تحضنها و تبوس ببنتها

- سودة علية يمة ما اعوفج رويحتي هياتني يمج 

يمسح دموعه شاكر - خالتي
تنتبهله سري و تحجي وياها بالم - شفت شصار بية شاكر ،  هسة شلون شسوي شگالوا ابوية اخواني
- اهدئي عيوني انتي شنو ذنبج
بانفعال - و اهلي ،  شگالوا
يسكت و ينزل راسه
الام - صاروا نار عليج ابوج غده جمرة من القهر عليج
- يعني ارجع ،  اگدر ارجع
ليش سكتو؟ اگدر ارجع لو لا
- لا يمة
- يردون يطهرون شرفهم ، تنفعل و تبجي
- ما اتوقعت شي لاخ ما ادام احنا بهاي القرية الزبالة

يلزمها شاكر يهدئها  - كافي سري هيج راح تهلكين نفسج و البيج كافي
تصرخ و تلطم وجهها - شلون شاكر شلون بية وين اروح
- صار الصار بعد و الله ينتقم منه النگس والله لنحرگ المقر على روسهم
- شاكر يمة لازم نهزمها بنتي ما تبقى هنا لا ، اخوتها راح يدوروها بكل شبر 
تبجي - وين تهزميني يمة وين و احنا مانعرف شي
- للولاية يمة لابعد مكان اگدر عليه
- ماعرف شي بيها
- ماريد احد يندلج يمة ابعدي عن عيني المهم تتنفسين الهوا
- ماگدر اعيش هناك ،  شاكر احجي شي انطينا حل
- ماعرف سري ماعرف لا على البال و على الخاطر ماعندج غير هالحل
- شلون اعيش بالولاية اموت ،  و بدونكم مستحيل
- انتي قوية يمة ماعندي غير خيار ابوس ايدج الولاية و لا الگبر
- تعال وياي شاكر ما اگدر وحدي
- طلبه ابوج اذا غاب يحسون و هم يعرفون هو قريب منج من زمان ،  طلبه يمة الليلة من يهجمون
تگعد و تبجي تخلي ايديها على وجهها - لو الغربة لو الگبر گدامي شنو ذنبي اني شنو
يسمعوت رمي قريب تصيح الام و هي تسحب ببنتها - شاكر بسرعة لا يلگونا

يصعدون بالسيارة تنطلق طول الطريق تبجي بحضن امها يدخلون المدينة بالليل ترفع راسها تشوف الاضوية بالشوارع توگف السيارة
خالة خلي اروح وياها
- و ابوها و ابوك اذا حسوا يمة راح يعرفون هي مو عند الامريكان

بصوت هادئ - لا شاكر اني ادبر روحي ،  هذا اختباري وحدي
- انتي ما تعرفين شي عنها سري
- الله الي قدر هالشي يصير لازم هيئلي مكان هنا
- سري
تفتح الباب و تنزل - صار الليل راح ينتبهون لغيابكم
- يمة سري
تحضنها امها و تبجي وياها
ماريد اعوفج بنيتي ماريد يمة وعديني اشوفج بيوم
تنطيها عبايتها يطلع محفظته شاكر
- بيها فلوس تحتاجيها سري لا تبتعدين اكثر بس اشوف فرصة اجيج
- ان شاء الله
- وعديني نتلاگة يمة
- اذا النا قسمة نتلاگة و اذا متت لا تعتبين علية يوم
تحضنها و تبجي - اسم الله عليج يمة الله ما يظلم عباده هيج
تبجي - ادعيلي يمة فدوة لا تنسيني بكل صلاة
- انسى روحي يمة و ما انساج
تفتح شيتلها و تطلع الجنسية  - هاج يمة بقت يمي من رحت جبت شهادتج سودة علية
تبجي و تبوس امها و تشمها توگف و هي تشوف شامر يجر بامها و يروحون ، يغيب عنها السمع بس اصوات السيارات تنرل دموع الوحدة و الغربة و الخوف تمشي بالم لوجهه غامضة
الفجر بعد هجوم عشيرتها على مقر منقبي الاثار الامريكي

سالم - بوية امشي ارتاح هلكت روحك هنا
-  ماتحرك منا لو ابقى دهر اريد بنيتي
سلمان - ماطول محد بين من هالكفار معناها دافنيها لو عايشة جان طلعوها و خلصوا ارواحهم
جبار - ننبش گبرها و نطلعها ندفنها على الاصول
توصل سيارات حكومية امنية لفض النزاع

گاعدة للظهر بالطريق تنتظر ما بين شاكر تگوم تمشي توگف كوستر تباوع بيها ناس تصعد طول الطريق تتذكر و تبجي تنزل بگراج  تمشي بنص المدينة و تباوع ماكو مزارع ماكو حيوانات ، سيارات بكل مكان ضوضاء عالي روح الحياة مقتولة توگف يم عربانة لبلبي تاكل
تمشي و تتخفى بعبايتها تتعب و تگعد بطريق تغفى ،  تصحى بالليل تگوم من مكانها بحيرة وين تروح ،  تبجي تسمع صوت وراها
ام سيناء - لله يا محسنين ارملة و عندي يتيمة من مال الله ،  الله يفرح گلبج
تمسح دموعها و تطلع فلوس و تنطيها - الله يعينج
- شبيج تبجين مهمومة
- بس الله يعلم بهمي
- مبين عليج مو منا
- الصبح اجيت و ماندل شي
- شنو ماعندج احد هنا
- بس الله
- حالج من حالي يخية ضايعين بالدنيا و نصيح النا الله و الحمدلله
- انتي هم مو من الولاية؟
- لا منها بس من مات رجلي ضعت و دتشوفين حالي اگدي حتى  اعيش بنتي
سرّي : ليش انتي همين جديدة
- ليش ما تشتغلين احسن من هالبهذلة
- لو اعرف جان اشتغلت منو يشغلني و لا اعرف اخيط و لا اطرز و لا شي ينفعني
- الله يساعدج
- انتي اهلج شلون عافوج تجين وحدج
ترتبك و ترد - اني يتيمة
- ما متزوجة؟
- لا ،  اي و مات
- الله يرحمه لعد امشي وياية
- وين؟
- شبيج خفتي اطمني امشي و معليج
تجرها من ايدها و تمشي - اوگفي
تضحك - حقج تخافين بس اطمني مو من البايعات شرفهن
يصعدن سيارة مسافة طريق نص ساعه و ينزلن تمشي بيها لحد ما تدخل منطقة فقيرة باطراف المدينة بيوتها اغلبها طين و بلوگ
- هنا بيتج؟
- يا ريت بيت دتشوفين هذيج الغرفة المعزولة عن العالمين
- ياا بعيده
- هذا بيتي زوجي بناها هذا الي گدرنا عليه الحمدلله
تدخل للغرفة البسيطة من الداخل مفروشة ببسط و بيها صوبة نفطية و كم جدر و ماعون
- اگعدي لا تخافين بس اني و بنتي عايشين بيها
بدهشة - شلون عايشة هيج
- الحمدلله رزقي قليل بالدنيا شسوي قابل استمر مثل ما الله كاتب
- الحمدلله ا
بعد مرور يومين
ببكاء - گلبي فرغ عليها شاكر ما لگيتها
- خالة ماخليت مكان بهذيج المنطقه ما فريته برجلي ماكو
- وين راحت بنتي شاكر شصار بحالها
- لا تخافين هاي يمكن من تاخرت خافت من المكان و راحت للولاية
- يعني عايشة
- ان شاء الله و اني مراح امل حظل ادورها

- انگلعوا الانجاس و لا كانو فطروا افادي راحوا و لا كانهم ذبحو بنتي
- لوما تدخل الحزب وسيط جان ذبحناهم بس لا اله الا الله ( انبه القراء حقبة القصة بالتسعينات و الامريكي من مقر باحثين اثار عراقية يعني مو الاحتلال الامريكي الاخير ) 
- اويلي علية سري شصار بيج يمة
- خالة اهدي الحمدلله اخوتها اقتنعوا هي ماتت
- شسويت على جنسيتك يمة
- راح اطلع بدل ضائع
- تبهذلت يمة الله يوفقك على وگفتك هاي
- خالة انتي امي لا تحجين هيج

ام سيناء - سرّي انتي ماتعرفين شغله شي تسويها
- لا والله عدا الطبخ شاطره بي
- ما يفيد هنا قابل يشغلوج بالمطاعم خطر
- ليش خطر
- كلها زلم و بعدج صغيرة
- لعد شلون نعيش
-  عادي اني من الجدوة اطلع المسواگ
- و اني خوما ابقى گاعدة انتي يادوب دتكفين اكلج و هالطفله
- الله كريم ربج مينسى عبده و بعدين انتي هم خلف الله عليج باقيه يم سيناء تهتمين بيها
- و نعم بالله لا گلبي هذا اقل شي اسوي مقابل كرمج بية
تمر ايام و سري بالغرفة تعيل الطفلة الي بعدها بالگماط ، تحس باستقرار بعد شعور الضياع الي ملاها تسحب الرضاعة من الطفلة الي غفت تخليها بفراشها و تگوم تباوع من الشباك ،  تحجي وية نفسها
- حسبنا الله اول مرة اشوف هيج عدد من الفقرا بالعرب ابد ما نجوع و اذا حصار المزارع تكفي و تزيد
تتأفأف و تمسح العرق من گصتها - الدنيا نار
تلعب نفسها بدون ما ترجع تغسل وجهها تحس بدوار تمدد بالگاع
- من الجوع بعد ما بيو اوگف يمة
تفز من مكانها و تگعد - شوكت موعدها
تحسب باصابيعها و تبدي بالانفعال
- اسبوعين ،  اسبوعين المفروض جايتني قبل اسبوعين
تنهار و تردد - استغفر الله ،  استغفر الله ربي عيوني ما تحمل كل هذا ،  لا هيج فدواتك