رواية ☆ ذنـــــبٌ بـــلا ذنـــــب ☆ الفصل الخامس 5 - بقلم Hend_AlBoor

-استغفر الله ،  استغفر الله ربي عيوني ما تحمل كل هذا ،  لا هيج فدواتك هذا ذنب ،  هذا ابن حرام يدخلني جهنم،
تصرخ - شنو ذنبي فهمني

ترجع ام سيناء المغرب تشوف سري نايمة تروح على بنتها سينا
- ماما ،  ماماتي يروحي گعديتي تشوفين ماما

تصحى سري - شوكت اجيتي
- خما فززتج
- لا عادي مددت مادري اخذتني الغفوة ،  اگوم اسوي اكل اكيد جوعانة
- خليج حبت لفات وياي
تنطيها اللفة تنتبه لعيونها حمو - باجية ؟ لا تبجين هي هاي الدنيا ضيم بضيم
دتاكل اللفة تفز من مكانها و تطلع ترد من راسها ،  تخلي طفلتها بالكاع و ترمض وراها ام سينا
- اسم الله شبيج ؟  بسلا الكبدة فاسدة ، شبيج تبجين صدك جذب
تسندها و تگومها - گومي گومي ارتاحي
تدخلها بالغرفة و تگعد يمها
- هسة شكو تبجين فهميني صاير وياج شي احجي اني اختج
ببكاء - ام سيناء الدورة فاتتني اسابيع

تخلي ايدها على حلگها و ترد - گولي يالله و شكو تبجين و اذا حامل
بانفعال- لازم انزله ،  ماريده
- تخبلتي اكيد حرام شنو تنزلي استغفري ربج
- مو حرام الحرام اذا جبته للدنيا
- شتدحجين سري شبيج اكو وحدة تذبح ابنها و اذا فگر و ماعندج احد و بعدين هياتني يمج ما نموت جوع
- وين اودي وين و شلون اعيشه و اني لنفسي مداكدر اعيشها
- الله نطاه الله يرزقه وياه على كلامج الفقرا يدفنون اطفالهم
تمسح دموعها و تسكت تكتم جرحها يدور ببالها الذنب الي تحمله برحمها تمنت لو بس الفقر همها ،  ترد ام سيناء
- ادري حياتنا صعبه و ما عايشين مةل البشر بس حرام تكتلين روح مهما كان السبب وين تروحين من الله

بالليل تباوع على ام سينا و طنلتها نايمات تبجي و تشكي لله - ليتني متزوجة ابن عمي و لا هالهم ، ربي عيونه بعدهم براسي مليانات شر ذبحني بالحياة شلون تنطيني طفل منه فهمني
تمر اشهر كلما تكبر بطنها كلما يزيد كرهها و همها تهد حيلها بالشغل و التعب تكنس و تحجي وية نفسها - شتوقعك تطلع اكيد حقير و نذل على ابوك 
توگف بانفعال - ماريده ، احسه دياكلني كوابيس ابو ما عافتني لليوم
تشمر المكناسه و تطلع تمشي سريع تبدي بالركض بطريق خالي و تصرخ - موت ،  موت و خلصني منك ماريدك
تدخل ام سينا للغرفة - سري ،  وينج اجيت
تروح على طفلتها نايمة تطلع برا تباوع بكل الاتجاهات ماكو
- وينها؟ ماتعرف احد وين راحت بسلا سوت بنفسها شي
تركض تطلع مرة من بيت توگف - ما شفتي سري ، البنية العايشة وياي
- اي عيني قبل شوي راحت تتمشى بهذاك الطريق
تعوفها و تركض لحد ما تلمحها م بعيد واگعة  تنادي - سري ،  سري

توصللها تشيل راسها تضربها خفيف تحاول تصحيها - سري ،  سري اصحي
تشوف دم ينزل تفز من مكانها تحاول تشيلها ماتگدر تلمح سيارة من بعيد توگف بنص الشارع و تأشرلها توگف السيارة
- فدوة ساعدني الله يخليك اختي دتموت
ينزل السايق بسرعة - شبيها شبيها
- حامل و دتنزف راح تموت فدوة
- يالله ،  يالله
يشيلوها يخلوها بالسيارة و يروحون لاقرب مستوصف ،  تفحصها الطبيبة و يخلولها مغذي،  تصحى بعد ربع ساعه تتلوى من بطنها
ام سينا - الحمدلله على سلامتج
- شجابني هنا
- وين جنتي اكيد جنتي تنزلي مو
بانفعال- بعده ،  ماريده مو گوة
- اششش لا يسمعوج و النبي يسجنوج  لان هاي جريمة
- ماريده خلي يسجنوني
- صارت بي روح و تريدين تذبحي وين تروحين من الله
بانفعال و همس - و حياتي الي نهدمت ليش الله ما حاسب السبب ليش كل الحمل و الذنب براسي صار  
- شدتحجين الحمل تلف اعصابج
- ماريده افهمي اوگعه هسة و لا اخنگه من اولده
- من تجيبي عود اكتلي بس لا تحاولين هسه لان تتاذين و تخسرين الدنيا و الاخرة
- ريحة الادوية اذتني اريد اطلع
- هو بكيفي غير الدكتوراه تنطي الاذن
- وين بنتج؟
- بالغرفة
تنفعل - شلون تعوفيها وحدها
- خايفة عليها دخافي على الي ابطنج
- شكو گاعده ببرود گومي نطلع بنتج وحدها
- ماعليها شي مو جنت اعوفها و اتسول

تطلعها من المستوصف يروحن للغرفة ترتاح تكثر ساعات نومها حتى  تخلص من المها و همها كلما مر شهر كلما زاد الثقل و الهم و الشكوى اقل حركة منه بداخلها تتذكر المها و تبجي حالها و حاله تستغفر الله بكل وقت  تدخل شهرها
- ام سينا
- ها
- بعد اطلع وياج
- وين
- ميصير انتي وحدج تشتغلين ممجبورة تعيشيني
- ماقبل منج هالحجي انتي شماخذه مني دتاكلين منونفس ماعوني اطمني لا ثقل و لا شي
- حتى لو خلي اطلع وياج هم احصل كم فلس يساعدنا
-  ولدي طفلج بالسلامه و عود اطلعج وياي الله كريم
- الله كريم
- سرّي
- ها
- ليش لهاي الدرجة متريدي؟ اخاف غلطانة اني اختج احجيلي ؟
- لا استغفر الله ،  بس ابو حيل اذاني كرهني بالحياة
- و هو شنو ذنبه بغلط ابو
-مادري اشوف الاحسن لو ميجي للدنيا و يتعذب وياه
- لاتعبين نفسج لهاي الافكار ارتاحي و ربج كريم
- و نعم بالله
ثاني يوم الفجر تصحى على الم الطلوگة تگوم تفتر يزيد الالم تگعد بالگاع تتلوى - فدواتم ربي ساعدني راح اموت ،  ااه  اووف يمة الحگيني يوم 
تصرخ - ام سيناء اويلي يمة بطني رااح اموت
تفز على صرختها تركض عليها تگومها
- يلة يلة ماكو شي اتنفسي سري اتنفسي
- دخيلك ربي مابية راح اموت
- وج مي الراس طگ
تنومها بالفراش - هسة اجيج مو تترحكين زين
تصرخ - يا مي راس وين رايحة لا تعوفيني داموت
تلبس عبايتها و تطلع ركض
تصرخ و تبجي - لا تاذيني كافي كافي مو ذنبي هذا
تدخل ام سينا وياها القابلة تخلي جنطتها و تگعد تجيكها
- دتولد حضري مي دافي
- صار صار
تصرخ من الالم و تعصر ربع ساعه تتعب تصرخ - مديطلع مابية بعد ربي اخذني و خلصني
- اخذي نفس سري اخذي نفس مابقى شي لا تستسلمين
تصرخ - يمة وينج طلعووو تعبت منه
القابلة - طلع طلع شدي حيلج مابقى شي بس شوي بعد 
تسحبه القابلة يصرخ سري ممدده بجسم منهك و نفس سريع
تصرخ ام سينا بفرحه - تبارك الله سري بنية بنية تجنن الله اكبر اللهم صل ع النبي
سري ،  سري ،
تنهار  - وج عيني ام محمود شبيها خما ماتت
تضرب على وجهها فاقدة الوعي
- بسرعة كلاص مي و ملح زايد
تركض تخبط مي و ملح بكلاص و تنطي للقابلة ترفع راسها و تفتح حلگها و تخلي بي

- يمة؟
- بنيتي
- لا تروحين يمة لا تعوفيني
تفز تگعد لازمة رگبتها و تكح - مي ،  مي راح اموت
تنطيها مي تشرب و تبجي - امي جتي علية شفت امي
- اهدئي انتي تعبانة من الجيبوبة مو زين عليج
القابلة - الحمدلله على سلامتج و مبروك على الملاك تتربى بعزج
يلة اني اروح عندي كم حامل امر عليهن
- تعبناج عيوني ام محمود عاشت ايدج
تطلع وياها و تنطيها الاجر  ترجع للغرفة
- بعدج تبجين گلت هسة شافت بتها و نست الوجع كافي
تهجم عليها و تصرخ - كاه منك و من ابوك
ام سينا مصدومة و تصرخ - عوفيها انتي مخبلة شدتسوين
تحل گماطها بعصبية و حقد تسكن من تشوفها
- بنية؟
تمسح دموعها و تشيلها
- اوي فدوة شوفيها ملاك
تضحك و تبجي - عدها شعر ام سينا شوفي ذهبي
بغنج - اي اووي فدوة دشوفي هذا خشمها لو متداينته
- شوكت ارضعها
- شوفي صدرج من يفرز الصمغه انطي الها سري هذا اهم شي
- اي ميخالف
- سري عليمن طالعة شگرة
تصفن و تنفعل تخلي الطفلة بالگاع
- ابعديها عني