#ذنب طاهر الفصل العاشر 10 - بقلم سمو العراق

#ذنب طاهر....البارت العاشر...

بقلمي«سموو العراق» 😘
ما حكصل بالأمس أصبح تاريخاً، وما سيحدث غداً عبارة عن غموض، واليوم هو هدية من الله سبحانه وتعالى. لهذا السبب أسميناه الحاضر.

جلال/...شلون اسفرج وانتي حااامل؟؟
ورود بنحيب/...عرف !!! لا ياخاينه ياام علاء..
جلال بتساؤل/...شبيها ام علاء؟؟
ورود بنهيار وبكاء/...حقيرة وكلبه خدعتني خانتني هاي واني حلفتها مدكول وهي وعدتني بس طلعت مو كد الوعد...
جلال لزمها بعصبيه/...يعني مكنتي ناويه دكليلي جانت نيتج سوده تردين تاخذين ابني وتنهزمين هاي جزاتي. ورود عرضت نفسي للخطر وضيفتي للخطر وحتئ من ازوجتج ورفضتي يصير عندنا طفل قررت اسفرج ولا اكمل البديته لكن للاسف غدرتيني.
ورود بخووف/..لا جنت ناويه اكلك بس هي ام علاء سبقتني اني جاي اسويلك مفاجئه«جذابه😂»
جلال بوعيد/...لا تجذبين ورود وام علاء حسابها بعدين ولعلمج مو ام علاء كلتلي،هم هي خاينه مثلج اني لكيت التحليل البيتي،بسله الزبل واخذته للصيدليه كال هذا تحليل حمل والمدام حامل..«كالها بااستهزاء»..
رجفن شفايفها وهي تبجي/...انت راح تاخذ الطفل ومتسفرني اني،مااكدر اعيش هنا وانت متزوج ورافض زوجتك تعرف بزواجنا صرت بين نارين بين طفلي واخويه...اذا اختاريت طفلي راح اعيش،بعذاب انت مراح تسمحلي اخذه ولا اكدر اربي الان انت وعدت مرتك تتبنئ طفل..واذا اختاريت اخويه راح اعيش مرتاحه ولا خايفه من شئ،بس،راح يضل بالي عند طفلي ومااعرف شنوو الاسوي لذالك قررت اخذه بدون علمك واضرب عصفورين بحجر
جلال بعصبيه/...وعبالج اسمحلج تاخذين ابني وتنهزمين بي واني الاتمناه تردين تسافرين سافري بس بدون ابني وهذا اتفاقنه من البدايه واصلا وجودج خطر هنا...
ورود ببكاء/...يعني اضل 9اشهر محبوسه ولا راح تسفرني اكرهك جلال اكرهك
جلال لزمها من اديها/...اكرهيني بس ضلي عندي اني اريد ابني ولا راح اتركه
ورود ببكاء وهي تتوجه للسرير نامت وتغطت بعدها كامت كعدت وعاطت بعصبيه/...اخذ ابنك واطلع من حياتي فاااهم...
جلال وهو يكتم غضبه/...لو مو حامل جان عرفت اتصرف وياج واكيد اخذ ابني...

تركها وطلع خارج الغرفه كعد يدخن بشراهه وهي متضايق من اسلوبها ميعرف شنو التريده تريد اخوها وتريد ابنها ومتقبل تتنازل عن واحد منهم وهو مصر علئ ابنه ابتسم بحب وهو يتخيل طفلها بين احشائها ورود حااامل معناها راح يعيش دور الابوة ابتسم وهو يخطط للمستقبل وشلون يداري ابنه ولا يخلي يحتاج الاي شخص ومن يكبر يستارثه وكل املاكه اله ووعد نفسه يدخله احسن مدرسين حتئ يدخل طب ابتسم علئ تفكيرة هو بعده جنين وجلال خطط الكل شئ...قرر يسافر الاخته بااربيل ويتفق وياها علئ طفل منها..وراح تكون هي الطرف الرابع التعرف بزوااج جلال السري......
************************************
عند ديانا المقهورة...
وكفت امام المرايه وهي تدقق بملامحها وشعرها معقووله محلووو عليه بس صديقاتي دايكولن رووعه بس هذا القليل ذووق دا يرسل رسائل ودا يقلد عليه راحت اخذت موبايلها وفتحته رجعت قرات الرساله من المرسل كلي رجوله طاغيه..سبتها بكلبها وسبت رجولته..قرت الرساله ومنعت نفسها ماتبجي...

مضمون الرساله« ما هذا بحق السماء فاانتي تزدادين بشاعه بحجم السماء...ايتها الجنيه الزرقاء لقد اخفتني حقا...المرسل كلي رجوله طاغيه»

ديانا بقهر اخذت الموبايل واتصلت عليه رن رن وبعدها اجاها صوته الرجولي واربكها ضلتت تتنفس بعصبيه وقهر وهي ناويه تطين عيشته وعيشه اهله

حسين بصوت رجولي/...الووووو
ديانا بعصبيه وقهر/...وعلوو حتئ علوو منوو انت وشنو الدا تريده مني ؟؟
حسين ببرود/...اوووي عيني علئ كيفج الاعرفه بيج دلووعه ونويصه شبيج انكلبتي عليه هتلر
ديانا/..هوتلر بعينك يافاشل شدا تريد مني مدكوولي؟؟
حسين ببرود/...نويصه ممكن تسكتين صوتج يجيب المغثه بس سؤال ليش تحجين بخشمج معقووله منشوووله ههههاي
ديانا بقهرر/..اكولك انت شبيك مصخن
حسين بااستفزاز/..لا مسخووون ههههههاي
ديانا بعصبيه/..والله والله اله اكول العموو عليك اخلي يطلعك من اخر الدنيا واخلي يكسر تكوسر..
حسين/..اوك اني اريد واحد يكسورني« يقلدها» لا بس بصراحه نويصه من دكولين اكعود ويكسور متختنكين..والله اني هسه اقلدج احس انسدت عندي قنوات التنفس وصار عندي التهاب بالقصبه الهوائيه وجيوب انفيه..انتي هم مثلي لو بس اني...
ديانا بغضب/...لا بس انت لان همجي ياهمجي وبعدين ليش دا تقلد على لون شعري معاجبك طنش وانت منوو ومنين تعرفني وليش دا تقلد عليه
حسين/..اهووو نويصه شكد تلغين وبعدين اكوو وحده تصبغ شعرها ازرك شنوو قلت الوان طالعه جنج عصفور ابو الربع وبعدين انتي ضعيفه ومهلسه ميلوكلج هذا اللون ياكلبي اخذيها نصيحه مني وصبغي اسود وكافي ان اول ضحيه لهذا اللون المقرف....
ديانا بعصبيه/...انجببببب
قفلت الموبايل قبل لا تسمع رده وائمنت رقمه غثها بكلامه المستفز حست الدمعه بطرف عينها منعت نفسها من البكاء مو هي التبجي من اول موقف بس هذا كرها بروحها وهي الي دائما تتبها بروحها وبجمالها الئ الكل يمدحونه وهذا اول شخص ماعاجبه شكلها.....
************************************
كعد من نومته شافها مموجوده علئ السرير تنهد عرفها كعدت وطلعت برة الغرفه...تذكر من لكه تحليل البيتي بسله المهمات الموجوده بغرفته هو يعرفه واكيد يعرفه يما جاب من عنده العبير ويااما كل شهر تشك بنفسها حامل من كثر ماسوت تحليل دم بطلت ضلت تسوي تحليل بيتي وهو يعرفه اخذه للصيدليه والطبيب أكد اله المدام حااامل جانت فرحته كبيييييرة ماتنوصف ابتسم ابتسامه كبييييرة وراح الها ملهفوف تفاجئ من معرفته وخفاء حملها عن لكن ماعاقبه وقرر يسفرها وياخذ ابنه...دخل للحمام سبح وبدل طلع من الغرفه وسمع صوت بكائها من الصاله

ورود ببكاء/...عرف ام علاء عرف يعني مراح اخذ الطفل وياي حسافر وحدي
ام علاء لزمت اديها وتهدي بيها/...هو اول وتالي يعرف وانتي جان لازم تكليله حتئ تكبرين بعينه هسه صغرتي بعينه
ورود بنحيب/...ام علاء والله مقهوورة البارحه هو ضاج وضل يحجي
ام علاء بلوم/...حقه بس هوو منو كله انتي مو كولتي مااكوول ليش غيرتي رئيج؟؟؟
ورود/...لا ام علاء مو اني هوو شايف التحليل وماخذه بس ام علاء الله عليج حلليني البارحه سبيتج وانتي مالج ذنب...
ام علاء بصدمه /...وشكلتي عليه ولللج؟؟
ورود باارتباك وخجل/..كلت حقيرة العفوو وووو
ام علاء بقهر/...ياحقيرة يامتستحين هاي واني مساعدتج وضامه سرج وتغلطين عليه واني مرة بكد امج يالعووبه..
ورود بضحكه كامت باست خد ام علاء وام علاء دفعتها زعلانه/...ههههه والله عبالي انتي حجيتي والله ماادري العفوو ام علاوي انت بغلات امي والله.....باوعتلها ام علاء بطرف عينها وورود ابتسمت الها ورجعت باستها وكلتلها راح اسويلج احلئ ريوك. مشت بسررعه وهي تضحك علئ ام علاء وزعلها صدمت وهو لزمها من اكتافها ويثبتها لا توكع

جلال بجموود/..علئ كيفج تلحكين ياحلوة لا يصير الج شئ انتي مو الوحدج...حط ايده على بطنها وهي رجف كل جسمها من لمسته وكمل..ببطنج طفل ديري بالج عليه ترئ،هذا امانتج...

بعدت ايده عن بطنها وهي عاقده حواجبها وبخجل/...شنوو ملزكته بااميري؟؟

جلال بهدوء/...اي ملزكته بااميري ان معولت يصير عندي طفل لذالك كوولشي لا تسوين وتشتغلين اذا تردين اجيب وحده تشتغل شغل البيت

ورود انزعجت...وام علاء /ّ..لا عليمن اني اشتغل اصلا ماعدنه شئ ودائما اني اجيب اكل من برة والشقه انضفها مرة وتضل نظيفه اسبوع كامل.

ورود بعناد/...بس اني احب التنظيف...

رفع اصبعه بتهديد وبعصبيه زايده/..ورود لا تعاندين اني مااحب اعيد كلامي

ركضت مبتعده عنه وهي تخلي ايدها على شفايفها
دخلت للحمام وام علاء وراها ضلت تتقيئ وتكح بصوت مسموع وعيونها تدمع ابتعدت ام علاء من شافته دخل وطلعت تقرب منها وهي يحط ايده على خصرها ويغسل وجهها وشفايفها سحب المنشفه ونشف وجهها حطت راسها علئ صدرة وهمست بصوت تعباااان...مشتهيه تفاح اخضر صغار ورش عليه ملللح
ابتسم عليها وطلعها من الحمام وهمس الها وهو يقبلها/...تدللين حتئ لو ماكوو اجيبه من اخر الدنيا
ضلت تنظر العيونه الملهوفه وقابلته عيونها الحزينه بعدت وجهه عنه ودارت للجهه الثانيه تنهد عليها وطلع...اخذ مفاتيحه وموبايله وانطه فلوس الام علاء وطلب تجيب الها تفاح اخضر وتشتري الها التريده لان هوو راح يسافر كم يوم ويرجع....
************************************

كان كاعد وهو يسولف ويضحك وبيبيته تضحك عليه وعبير جانت كاعده لابسه ثوب قصير سلفي من كدام قصير من ورة طويل وردي ومقلم بااسود ومن فوك مثل الصدريه نص ردن وفاتحه شعرها ومشسورته دخل وهمه كلهم ابتسم سلم على ابن اخوو وامه حاس بفرحه عضيمه وياريت يكدر يفرحهم لكن هو ضم سرة الحاله ضل يضحك ويه مراد ويسولف بعدها انتبه علئ لبس عبير وتبرجها اشر الها وهي كامت ولحكته شافته واكف ينتظرها يم الصاله...

لفت اديها علئ رقبته/..خير حبيبي شفتك اشرت اليه ؟؟
جلال نزل اديها/...عبير يعني الئ متئ اني انصحج علئ لبسج ترة والله ضوجتيني
عبير بضحكه/...شبي لبسي اكولك جلال شنو انت دا تغار من مراد ترئ عادي مراد مثل اخويه
جلال وهو يكتم غضبه/..مو قصه اغار بس الحشمه حلوة حتئ بهيج شئ يقل احترامج والشيطان ممات وهو شاب وانتي شابه وحلوة من هذا الباب اني انصحج وبعدين انتي زوجتي ومن حقي أحافظ عليج...
عبير بدلع وهي تقبل شفايفه/...حبيبي مو هي ديانا دا تلبس كوولشي وادا توطلع بكيفها اي بس اني لويش هيج دا تسووي...

جلال بتنهيده وهدوء/...انتي ليش تقارنين نفسج بديانا ديانا اخوها موجود وهو ينصحها وانتي زوجتي وملكي واني دا انصحج...

عبير بحب/...جلال صدووك حبيت اصبغ شعري ازرك هي ديانا صابغته وطالع كووولش روووعا ودا اريد اصبغ مثلها...شنو رئيك حياااتووو

جلال بااستغراب/...شنوو قله الوااان
عبير بمرح/...لا كووولش واااو صابغته ديانا وروعه عليه واني دا اريد اصبغه واريد اشوف منو احلئ اني لو ديانا بس اني متاكده اكسرها ههههه

نظر الها بعدم رضا وهز راسه مقابل وصعد فوك ماا هي اختفت ابتسامتها وحست بخطئها صعدت وراها وحضنته من خصره وضل تبوس بي طلب منها تحظر اله جنطه لان راح يرووح الاخته بااربيل راحت تركض وهو يتبعها بنظراته...

ابتسم عليها وكلم نفسه بخفوت/...تغار من ديانا وهي لو تشوف الورده العندي جان انتحرت اووف يورود خلقه متعووب عليها كولشي،بيها حلووو وبريئه لحد الجنون الله يحفضها ويكومها بسلامه..

دخل سبح وتغده واخذ جنطته وراح الاربيل للاتفاق ويه اخته....
***********************************
كانت كاعده علئ القنفه وهي لابسه ثوب اسود بارز بياض بشرتها وحاطه صحن التفاح بحظنها والملح بصفها وتغط التفاحه بالملح وتاكلها وتمطك😂

ورود بحالميه/...ولج ام علاء شكد طيب امممممم اول مرة بحياتي اكل هيج تفااح طيب انوب حامض اوويلي

ام علاء صار الها واهس/..بالله انطيني سويتلي واهس وضليت امطك....ههههههههههه

بعدت الصحن منها/...شنوو ام علاء انتي هم تتنسين؟؟
ام علاء بقله صب/..اي ولج اتنسئ انطيني
ورود بمزح/...واني جاي اخطبج الابني بس طلعتي مو باكر بعد مااريدج ههههههه

ام علاء/..ههههههه ولج اني صايرة اكسباير ياابنج ... اخذت منها التفاااح وكعدت تاكل ويسولفن ويضحكن حست شويه نست همها وارتاحت....
***********************************
بعد مرور يوم كامل وصل الاخته ارتاح وسبح ونام كعد ثاني يوم اتغدوا وضل كاعد ويه اخته المزوجه كردي اطفالها كوولش حلوين عدها بنيه وولد هي تزوجت ويه جلال وابنها الكبير عمرة ست سنوات وبنتها 3سنوات ضلت تسولف وياه وتضحك وهو يبوس ببنت اخته

رموش باوعتله بحزن وهي تبتسم حطت ايدها علئ بطنها/..جلال هذا الطفل البطني الك...

ابتسم الها/..لا شكرا

رموش بااستغراب/...ليش بس عبير كالت انت اتفقت وياه وراح تاخذون طفل مني؟؟

جلال بفررح/..بس اني راح يصير عندي طفل من صلبي مو بحاجه اتبنه طفل...

رموووش بفرحه عارمه/...عبيييير حااامل:؟

جلال.ببتسامه هادئه/..لا تزوجت بسر وزوجتي حامل

رموش فتحت حلكها بصدمه/..هاااااا؟::

نهايه البارت......... يتبع......😘😘😘