#ذنب طاهر الفصل الحادي عشر 11 - بقلم سمو العراق

#ذنب طاهر....البارت«الحادي عشر»

بقلم الكاتبه«سموو العراق»😘😘

إن السعادة ينبوع يتفجر من القلب، وليس من الخارج، وأن النفس الكريمة الراضية البريئة من أدران الرذائل وأقذارها، ومطامع الحياة وشهواتها، سعيدة حيثما حلت، وكيفما وجدت. فمن أراد السعادة فلا يسأل عنها المال والفضة والذهب والقصور والبساتين والأرواح والرياحين، بل يسأل عنها نفسه التي بين جنبيه، فهي ينبوع سعادته، ومصدر هناءته إن اراد.

رموش بصدمه/..جلال انت دا تتشاقه موو؟:
جلال بجمود/..لا والله احجي الصدك..
رموش بضحكه محتارة/..ههه شلون مااصدك وعبير شلون وافقت؟؟
جلال بتنهيده/...دا اكولش بسر اكيد متعرف...
رموش بقهر/..ومنو هذي الفضلتها على عبير؟؟
جلال بهدوء/...بنيه عاديه شفتها عجبتني وقررت اتزوجها تزوجتها وصارت حامل
رموش بقهر/...يعني مو من عوائلنه الراقيه؟؟
جلال يكتم غضبه/...لا مو من عوائلكم الراقيه
رموش بصدمه/...يعني جايبلك بنت فكر دايحه اتزوجتك بسر وترة مميته عليك بس علئ فلوسك تبيع عبير بنت العز والدلال لخاطر وحده دايحه
جلال بعصبيه حااااده/...رمووش سدي حلكج احسلج ولا تتهمين البنيه باطل وبعدين انتي متعرفين ضروفها لا تحكمين عليها من اول موقف
رموش بحقد/...وشنوو ضروفها
جلال بهدوء/...هي متهمه بشغله تخص الجيش بس هي بريئه لكن لحد الان مثبتت برائتها تزوجتها وساومتها اسفرها للخارج مقابل طفل وصار بينه طفل والحمدلله
رموش بصدمه/...اووف انوب متهمه صخام بوجهي انت جلال العاقل هيج تصرف ممعقوله والله وبصراحه حيييل كرهتها...
جلال/...هههههههه والله اذا تشوفيها تحبيها
رموش ببصد/..مااحب هيج عاهات
جلال بغضب/...انتي شبيج عود اختي وجاي افرحج بطفلي مو كافي ورود مضلومه ضحت بطفلها علئ حساب سعادتي اني جاي اسفرها واخذ الطفل منها مقابل تروح الاخوها كافي لحبيتيها والضليتي مو بحاجه حبج كافي هي محابه نفسها...
رموش/..وشلون تضحي بطفلها؟؟

كعد جلال وكعدها حجالها الموضوع كوله من يوم اعتقالها لحد مساعدته الها وبعدها زوجها منه الئ حملها....حس برموش شويه لانت من ناحيه ورود

رموش بتساؤل/..شكد عمرها..وهي حلوة لولا ؟؟
جلال ببتسامه/..صغيرة 18 سنه.. وحلوه لو لا اممم حلووة ماشي حالها
رموش /..عندك صورتها؟؟
جلال/...لا والله ماعندي..عوفينه من هذا الحجي الاريده منج دكولين اني حامل بتؤم وراح انطي واحد منهم الجلال اوك:؟
رموش بتساؤل وخوف/..يعني راح يضل الطفل سري ؟؟
جلال/...اي حيكون سري هو بالخفاء ابنج وبالحقيقه ابني يارمووش اني من حقي يصير عندي طفل امنيتي اصير اب ومحد حققلي هاي الامنيه بس هاي البنيه انتي دا دكولين بنت فكر بنت الفكر كدرت تحققلي الماكدرت تحققه بنت العز الفلوس مو كل شئ الفلوس متجيب السعاده
حطت ايده علئ كتفه وبااسئ/...الله يسعد ياابوو؟؟
جلال ببتسامه/...اذا ولد ابو مصطفئ
رموش ببتسامه كبيرة/..مبروك ياابو مصطفئ

ابتسم عليها وطلب يكون الموضوع سري بينهم ومتحجي الاي شخص وحلفها برحمه ابوهم ومتخونه وهي حلفت متخونه ولا تفضح سرة بس جانت كووولش مقهورة علئ عبير لان صديقتها
************************************
جانت كاعده علئ القنفه وهي فاتحه جيس التمر هند وراشته مندوزي وتاكل وتمطك«لا تمطكون😂»

ان علاء كعدت بعصبيه وسحبته منها/..جيبي ولج شمسويه هذا يسوي عندج قرحه بالمعده ويطلع الطفل اكرع بدون شعر

ورود بغضب/..ّاهووو ام علاء جيبي انتي شلج شغل يطلع اكرع اشكر شنوو جاي تزوجينه ههههه

ام علاء ببتسامه علئ خبالها/...اي اريده اتزوجه ومااقبل زوجي يطلع اكرع...

ورود بتساؤل/...ام علاء انتي متزوجه لو لا وشنوو قصتج اشوو دائما موجوده هنا ومن يخابر جلال تجين بسرعه كانوا ماوراج عائله..؟؟

ام علاء بتنهيده/...اني جنت شابه حلووة وشافني ابو طارق جان رجال كبير بالعمر ومزوج ونعجب بيه وهو من الناس الفايخين خطبني من ابوي وابوي وافق هو جان عمرة خمسه واربعين سنه واني 25سنه تزوجني وهجر مرته وعائلته

ورود سحبت جيس التمر هند وخمطته بدون متنتبه ام علاء وضمته جواها/...اي ام علاء كملي جنها قصتي...

ام علاء تكمل/...اي وجذب علينه يكول زوجته مريضه بيه مرض خبيث كعدني ببيت الوحدي بشارع فلسطين بيت يجنن حبلت منه وصار عندي علاء جنت اشوف الدنيا كلها بي كبر وسافر للخارج بااوكرانيا يدرس ويشتغل نادل هناك

ورود وهي تاكل بالتمر هند وام علاء نستها /..اي ام علاء كملي زوجج هسه وين؟؟

ام علاء بألم/...مات قبل خمس سنين واني ضليت الوحدي امي وابوي ماتوا وضلوا اخواني ثنين كلمن ملتهي اله وعلاء بالخارج واهل زوجي يكرهوني لان تزوجني ابنهم وفضلني علئ جنتهم وسجل بيت بااسمي لهذا السبب مالي علاقه بيهم

ورود وهي تاكل وتمطك/..زين ام علاء شلون تعينتي منتسبه؟؟؟

ام علاء/...ضليت كاعده بالبيت الوحدي الوحده تكتل تطلع الروح حسيت راح تصير بيه حاله نفسيه تعينت مفتشه بالامام الكاظم عليه السلام وبعد فترة تطورت وصرت منتسبه تعرفت علئ صديقات ومليت فراغي وبعدها تعرفت عليج واحسج بغلات علاء

ورود ببتسامه/..وانتي بغلات امي والله بس ام علاء من اطلك اخطبيني العلاء هههههههه

ام علاء/..ههههههههههه حتئ جلال يسجني انفرادي

ورود/..ههههه هو شعليه حيكون طليقي..

ام علاء بتساؤل ونص عين/..تحبينه؟؟:

ورود كامت اخذت جيس التمر هند وركضت علئ كيف وصلت الباب الغرفه وهي تشوفها الجيس معناها اخذته وهي تضحك/...لا مااحبه احب هذا «وهي تاشر علئ التمر هند» ههههه

اول مدخلت الغرفتها اختفت ابتسامتها وصراعات بين روحها وقلبها وعقلها...هي هل فعلا تحب جلال لو لا...ليش من يتقرب منها تذوب وتغوص بثوبها خجلانه منه خجلها اكثر من حبها تحب حنيته عليها وتضوج من يتعصب ولا تعرف شنو التريده؟؟

نامت على فراشها وهي تبكي حتئ اذا تحبه هو ميحبها يحب زوجته مالها مكان بكلبه بكت وحدتها والمها وقله خبرتها بالحياة وبكت شضام الها المستقبل من عذاب ميهون عليها طفلها الغالي علئ قلبها تنطي الابوو وهي متعرف تتصرف تريد اخوها ولا يمكن تضل هنا.....
***********************************
عند عبير جانت بصالون اريدوو صبغت شعرها ازرك وحددت اطرافه بالون الثلجي وبعدها سوت تاتوو الحواجبها جلسه وحده وبعدين تجي تكمل باقي الجلسات شافت روحها بالمرايه وبابتسمت طلعت من الصالون ركبت تكسي ورجعت للبيت صعدت الغرفتها وخابرت ديانا وفتحت كاميرا وشفتها شعرها وديانا ضلت تتنغوص عليها و.واااو وروعه وجونان...شافته دخل ابتسمت وقفلت الخط بدون متسمع رد ديانه

عبير باسته بدلع/...الحمدلله علئ السلامه ياعمري
جلال باسها بخدها/...الله يسلمج حبيبتي
عبير/...شنو سويت حبيبي اتفقت ويه رموش دا تنطيني طفل؟؟
جلال بهدوء/...اي ان شاء اللة بعد تسع شهور اروح اجيب الطفل الوحدي واجي..
عبير بفرحه ودلع/..يالله لعد خلينه نروح نشتري ملابس للبيبي بس مااعرف اذا ولد او بنيه؟:
جلال بتسامه/..كولي يالله بعد وكت حتئ جنس الجنين منعرفه شنوو من يجي الله كريم
عبير وهي تحرك اديها بدلع/...لا هسه هسه اني اريد كوولشي تمام وبعدين يجون صديقاتي يباركولي لازم كووولشي علئ اصوله وعلئ الاتكيت مااريد صديقاتي يحجون عليه اذا مااخليهم كلهم يسولفون بعزيمه البيبي مااكون عبوورة حبيبتك
جلال ببتسامه باهته/...مو مهم المضاهر المهم الطفل ...بعدين انتبه لون شعرها...دخل أصابعه بشعرها وكأنه يمشطه...حلووو شوكت سويتي؟؟
عبير بدلع/...قبل الشويه ودكيت تاتوو يعني تغير لوك شنوو عجبك؟؟
جلال بهدووء/..حلووو. بيش سويتي؟؟
عبير/...الصبغ 150الف والتاتوو كذالك بس بعد ورايه جلسه...
جلال بااستغراب/..شدعوة هو كووله عصارة
عبير عقدت حواجبها/..شنوو هاي صاير بخيييل
جلال/..مو بخيل بس متسوة وبعدين الشعر الاسود احلئ،بس هذا هم حلوو وحلوو عليج بالعافيه حبي«محب يكسر خاطرها»
عبير باسته/..شوكرا...

تركها وراح تذكر ورود حلوة بدون اي شئ حتئ ماتملك مساحيق تجميل تذكر موقف وياها نسترجعه...

كانت طالعه من الحمام ولفه المنشفه عليها واصله لحد ركبتها ورافعه شعرها الطوويل فوك لافته والمي ينزل علئ وجهها وترجف من البرد....دخل فجاءة اول مشافته فتحت باب الكنتور وصارت وراه

ورود بخوف وخجل/...اطلع اطلع بعدني ممبدله
جلال ابتسم وتقرب من الكنتور وهي من الخجل طبكت باب الكنتور عليها
ورود بعصبيه/...مو اكلك اطلع اني بعدني ممبدله ابدل وتعال ادخل....
جلال بهدوء/...شعليه بيج متبدلين جاي اخذ ملابسي

حاولت تبعد عنه لكن هو ثبتها من اكتافها العاريه قبلها بحنان وهيام وهي تبعد بي وتتنتحب وتبكي لكن هو سكتها بقبله هادئه علئ شفايفها وشالها نومها على السرير وسط شهقاتها وخجلها منه لكن هو طمنها وضمها الصدرة وتقرب منها اكثر .ووووو.....استفاق من ذاكرته وابعدها من تفكيرة هي مجرد صفقه ملازم يفكر بيه لكن برئتها وخجلها وتواضعها يغري يجننه المقارنه بينها وبين عبير كبيييرة عبير من النوع التحب الاتكيت والتباهي بنفسها وتحب تكون احسن الناس عكس ورود.... ***********************************

كانوا كاعدين كلهم بالحديقه يشربون عصير وديانا كاعده بالمرجوحه وتتمرجح فاتحه شعرها القصير ولابسه تراك بنفسجي برموده وتشرب عصير ومراد وامها على الكراسي

ديانا بمرح/...مراد شوكت تعرس دا اريد اركووص بعرسك
مراد بمرح/...عرسي اسوي بالقاعه حاب احجز قاعه مسايه بزيونه
ديانا/...الله امووت علئ القاعه انجن لازم اطلع فد شئ بعورسك انت اخويه الغاليه يالله شوكت تعرس؟

مراد/..هههههه حياتي والله دا ادور علئ عروس بس مدا اقتنع بااي وحده اريد وحده حلوة وملامحها بريئه مااريد تاتوو وصبغ ومااعرف شنوو عبالك شكلها اصطناعي

ديانا بزعل/...شنوو قصدك؟:

مراد بصدق/...مالي قصد بس بصراحه احب البنيه التحتفظ بجمالها الطبيعي...

ديانا تركته وراحته زعلانه حست مراد قصفها ومنين تتلكاها من حسين لو من مراد بعدين تذكرت حسين اليوم ماكوو وصارله فترة ميرسل رغم ائمنت رقمه لكن اتصل من رقم جديد.

************************************بعد مرور تسع اشهر...«تسريع للاحداث»

كانت نايمه بهدوء وهو نايم بصفها كعدت من نومها وهي تحس بوجع خفيف كعدت لمت شعرها شافته نايم بصفها لابس كيمونه تنهدت بووجع ابتسمت علئ ملامحه الحاده وفكرت يمكن الطفل يطلع يشبه...بعدها حست شئ طك ببطنها كامت موجوعه وانفتح شعرها الطوويل وغطاء ضهرها تعاجزت تلمه حست نفسها محتاجه للحمام مع وجود اوجاع تروح وتجي ولا تعرف شنوو هي دخلت للحمام وهي تستند على الحائط حست بووجع كوولش قووي تفاجئت من ملابسها الغركت بالمي تفاجئت دخلت للحمام بسرعه نزعت ثوبها الاسود وشافت المي مغرك رجليه واشياء غريبه عليها ووجع قاتل يصير وياه
صرخت بووجع قاااتل وخووف ورهبه/...جلااااال

نهايه البارت....يتبع....

اعتذر عزيزاتي عن التاخير لكن ضروفي عطلت مسيرت القصه😘😘😘