#ذنب طاهر الفصل السابع عشر 17 - بقلم سمو العراق

لحد يفرح😂😂 مو بارت بس الاكثر دا يكولون البارت مطلع عندهم لذالك عدت نشرة

#ذنب طاهر...بقلمي«سموو العراق»😘

البارت15....

ارني في الحلم
قوية سعيده جميله,,,

واستيقظ على طعنات الحياة وصرخااات حزن,,,
وابكي واجري في بستان
لا ماء به ولا زهر
وانا ضعيفة لا عندي حب او غزل,,,

واهرب من بستان العذاب
باحثت عن الوهم باحثت عن السراب في وسط الحلم,,,

وابكي من نفسي
لالي حب...... ولا وطن......

اين انا من ......امومتي المبتورة......😢😢

حضنت مصطفئ بحنان وهي تبوسه ممصدكه رجع الاحضانها خلته علئ السرير وهو يشهق من الضحك وهي تلعب بي وتحرك اصابعها علئ بطنه وصدرة تدغدغ بي وهو يضحك ويحرك بنفسه يريد يفلت منها

حضنته الصدرها وهي تضحك وتضمه حيييل وتبوسه/...مصطفئ ياابوي لا تعوفني يمه مالي غيرك انت ابووي وكل اهلي انت امي واخوي انت سندي بالحياة احبك يمه احبك انت قطعه من كلبي الكل اتخلئ عني بس انت لا انت الوحيد التحس بيه..

ابعدته شويه عن صدرها وهي تباوع لعيونه مد ايده الناعمه الوجهه الحزين وهو يعبث بوجهه ضحكت عليه وقبلت اصابعه الناعمه بحنان ورجعت ضمته الصدرها وهي متمسكه بي حيييل تخاف ياخذوا منها
تخاف تفقده مرة ثانيه

رمشت بعيونها وهي تحاول تصحئ من سبتها وتتذكر هي وين فززت مرعووووبه لما حست ابنها مو وياها معناها جانت تحلم؟؟ استوعبت هذا حلم ومو حقيقه خنكتها العبرة وسقطن دموعها لا ارادي رجعت نامت علئ مخدتها مخزن احزانها والامها ضلت تشهق مرعوبه حست بلل على صدرها لمسته ومكان اله حليبها ....صدرها يدر على مصطفئ ضلت تبجي بحزن وكامت من مكانها طلعت الها ملابس ودخلت للحمام سبحت وبدلت طلعت من الحمام كعدت تمشط بشعرها... تذكرت موقف وياه لما انفتح شعرها كدامه وهو اعجب بشعرها ودخل اصابعه بخصلات شعرها وامرها متكصه لان يحب الشعر الطويل والاسود.....

قامت من مكانها بقهر وهي تدور علئ المقص وتريد تكص شعرها...

ورود بعصبيه/..تحبه ياجلال تحب شعري وتحب طوله والله اله اكصه واقهرك مثل ماقهرتني ياخبيث. وشعري مو اعز من مصطفئ.....

لكت المقص حطته كدامها علئ الميس ومشطت شعرها وضفرته ضفيرة طوويله حطت المقص علئ بدايه ضفيرتها وهي ناويه تنهيها......لكن دخلت ام علاء ومنعتها من كص شعرها...

ام علاء اخذت منها المقص بالكوة/....ولج ليش تردين تكصين شعرج هو اكوو احلئ من شعرج تاج المرأة شعرها...لاتضحين بشعرج

ورود ببكاء/...مااريد هيج تاج اني ضحيت باابني شعري شنووو شعري وروحي وكلي متسوة شئ بدون مصطفئ...منوو يرضئ اني هسه نفساء مصار الي عشر ايام من جبت ياخذ ابني مني والله كرهته وكرهت روحي الله ياخذه وياخذني ...اااااااه ...

ام علاء حضنتها/...حبيبتي هسه مو كلج راح يضل مصطفئ بيني وبينج وراح ننتقل قريب عليهم

ورود/..وشنوو الفايده ام علاء راح اشبع قهر بالزايد يعني هينه عليه اشوف ابني بحظن غيري والله امووت الف موته ومحد حاس بيه

ام علاء بتنهيده/...الله يعينج ياورود اتحملي مو هاي اني هل ضاله الوحدي وعلاء بالخارج صار لي سنين مفاركته...

عضت شفايفها بقهر والعبرة خانكتها هزت راسها برفض/...ام علاء ابنج كبير ويعرفج اني مصطفئ طفل اريد ارضعه ابدله اغسله اريد احس بالأمومة وياه...ليش احس بأمومتي مبتورة

ام علاء/..الله كريم ياورود يالله حظري نفسج خابر كال نص ساعه واجي اخذكم البيت اخووي حظري نفسج....

ورود بعدم اهتمام/...ماعندي شئ هو بس البس الصايه والحجاب....

ام علاء بتنهده/..يالله

طلعت وعافتها حظرت صايتها وحجابها وضلت منتظرته وهي مزعوجه ومقهورة....
************************************
جانت لابسه تشيرت طوويل وعريض فستقي ولابسه برموده ستريج سووده وكاعده بالاستقبال وهي حاطه مصطفئ بحظنها وفاتحه كاميرا وتصور بروحها هي ومصطفئ واخوتها يباوعن عليها ويباركن الهاا شافت جلال اجه ابتسمت وهو اخذه منها وضل يلعب بي،وهي قفلت الخط وكعدت قريب منهم....

عبير /...اكولج جلال شوكت نروح ان لقح مصطفئ،وترة باجي دا ادكول مصطفئ بيه ابو صفار

جلال بخووف/..شنوو ليش مكلتيلي لازم اخذه للدكتور شلون هيج تسكتين جان لازم دكليلي

عبير وهي ترفع ايده وتهدي/..اهدئ جلال عاادي ترة كوول طفل هيج يصير بي يعني لاتخاف

جلال بعصبيه/...كومي حظري نفسج ناخذ مصطفئ للدكتور...
عبير/...اوك حبي لحظات واحظر نفسي

راحت وتركته اما هوو شال ابنه وهو يبوس بيه ومقهور عليه حييييل..لو تعرف ورود يمكن تتخبل وهو خاف عليه حييل لان وجه اصفر ومنعس...

نزلت عبير لابسه بنطرون ابيض ضيق وتشيرت وردي طوويل وشال كريمي وحذاء نفس اللون وجنطه وراحت هي وجلال ركبوا السيارة اخذوا للمستشفئ بالكراده مستشفى الراهبات الاهلي دخل علئ الدكتور وعبير كعدت علئ الكرسي والدكتور طلب تطلع رجل مصطفئ ياخذ دم لان اوردته صغيرة وممبينه لذالك قرر ياخذ من جوة رجله ضربه الدكتور باادات صغييرة حييل حاده مثل الموس برجله وجرحه وهوو صرررخ بصوت عالي ورفس رجله «عاااا😭»
والدكتور اخذ دم باانبوبه صغييرة وراح يحللهاا

جلال شاله وهو يبجي/...حبيبي باباتي لا تبجي ياروحي يالله انت بطل يالله مصطفئ سبع

الدكتور ببتسامه/...الانبوبه انكسرت وراح الدم ولازم اخذ دم جديد..

جلال بغضب/...شنوو دكتور خطيه مو جاي تشوفه
شلون يبجي انوب تريد ترجع هم تسحب دم لا خطيه

الدكتور /...لازم هسه احطله مخدر مااذي بسرعه اسحب منه

عبير بتسامه/...شبيك جلال عادي هو طفل بسرعه يطيب جرحه...

اخذه الدكتور ومسح راحه رجله بقطنه وضربه وصررخ مصطفئ،موجوع وجلال كلبه طار علبه وهو يمسح دموع مصطفئ ضلوا نص ساعه وطلع تحليله عنده نسبه ابو صفار وانطاهم علاج وراحووا....
***********************************
ورود بزعل /...ادري نام وين رااح

ام علاء/...هسه اخابرة...

جاي تتصل وهو اتصل....

ام علاء/...هااا ابو مصطفئ اشووو تأخرت ؟؟

جلال/...وصلت خمس دقايق واني،يمكم حظروا نفسكم...

ام علاء/...ماشي...

قفلت الخط وكامت حظرت نفسها وورود هماتين لبست صايه سووده وشال اسود وحذاء افلات وهو وصل ضل ينظر الها وهي ماانطته اي اهتمام ولا سلمت عليه هو حس بيها لكن برد من ناحيتها ركبوا بالسيارة كعدن ثنينهن ورة عدل المرايه عليها وهو يرمقها بنظراته من جام السيارة حست بي دارت وجهه زعلانه منه ولا رجعت رفعتها...

وصلوا للبيت نزلت شافت واجهيه البيت تدل علئ الرقي والذخ تفاجئت عبالها المول😂 رن جلال الجرس وهي واكفه بينه وبين ام جلال فتح الباب شاب طوويل ابيض ومرتب وجماله أخاذ نزلت راسها خجلانه منه وصارت ورة جلال

مراد ببتسامه/...هلاووو عموو تفضلوا تفضلوا.

جلال /..اهلا بيك الجماعه يردون ياجرون المشتمل

مراد/...اي اي تفضلوا اهلا وسهلا.

دخلوا كلهم للبيت واخذهم مراد للمشتل داخلوا جان مرتب حييل حتئ اثاث بي بس،مو نظيف ومترب

مراد /...هذا المشتمل هو حتئ اثاثه بي بس هو شويه مو نضيف ينراد اله تنضيف وتصير كعدته حلوة...

ام علاء/...اي ورود معدله هي تنضفه تسوي يخبل

اثنينهم ركزوا بنظرهم عليها اما هي ابتسمت ونزلت راسها وهي تفرك اديها بتوتر وبلعت ريقها بخجل ابتسموا عليها وعلئ خجلها

جلال وهو يكسر حاجز الخجل/...يالله ان شاء اللة تجي باجر الصبح وتنضفه....

دخلت عليهم ديانا جانت لابسه تراك برتقالي البدي مالته والبجامه رصاصي وفاتحه شعرها كاصته مشفر
وصابفته عسلي ومخصل بلاتيني«صبغت جديد😂»

ديانا /...هلاووو

ردوا عليها ورود فتحت حلكها مصدومه منها ومن لبسها وجمالها وشعرهاذ/..هلاووو

ديانا بمرح/..شلونك عموو حبيبي؟:

جلال ببتسامه/..اهلا وسهلا جبتلج صديقه هاي ورود صادقيها وخلصن وقت..

مدت ايدها ورود لديانا وديانا مدت ايدها بعدم قبل سلمت عليها بااطراف اصابعها ورود ضاجت بس مابينت وضلت سااكته...

ديانا بدلع/...عموو صدووك صووفي بي ابو صفار؟؟

ورود انصدمت وانهبطت مصطفئ مريض ومتدري بي زمت شفايفها ولمعت الدمعه بعينها وصدرة ضل يرتفع وينزل وضاق تنفسها....

جلال انتبه الورود وتدارك الموقف/..اي اخذته للدكتور يكول نسبه قليله متأثر وانطانه علاج وان شاء اللة يروح...

خزرته بقهر وهي بودها تخنكه....

ديانا/...اشوو عبورة دا دكول كووولش نسبته عاليه ووجه اصفر

جلال/..لا مابي شئ...

ورود بعبرة/...يالله ام علاء امشينه ....جرتها وهو طلع كدامهن...

صعدوا بالسيارة وهي ضربته بعصبيه علئ ايده تفاجئ منها وعصب./...شبيج؟؟

ورود وهي ترجف وكوة تتنفس/...شبيه ؟؟ مصطفئ مريض ومدكلي الله لايوفقك ابني نسبته عاليه باابو صفار ومتحجي جيب مصطفئ انت مو كد الامانه

جلال بعصبيه/...شنوو انتي احرص مني علئ مصطفئ اخذته الاحسن دكتور وطمني وكال اي طفل يصير بي ابو صفار لاتحسسيتي مقصر ويه مصطفئ..

حطت ايدها علئ شفايفها وهي تبجي ماحبت يشوف دموعها ويعطف عليها غطت وجهها بشالها وضلت تبجي حضنتها ام علاء ومسحت دموعها ام هو تنهد بضيق عليها....

جلال بهدوء/...لا تخافين والله مابي شئ يعني من كل عقلج اخلي مصطفئ مريض والله تخبلت عليه

ورود وهي تشهق وتمسح دموعها/..جلال انطي عسل خلي ياكل اتذكر مرة صار بيه واكلت دبس وعسل وصرت زينه...

جلال/...ههههههاي لج همزين ممخلي عندج جان موتي شلون تردينه ياكل دبس وعسل؟؟

ورود بغباء/...ليش؟؟؟

ام علاء/..لج ورود هو طفل وينه وين العسل بس خلي يمه ضوة بسحب الصفار وخلي اله سبع ثومات هم تسحب الصفار...

ورود/...يييع ام علاء تصير ريحته مو طيبه

جلال/...لا الدكتور انطاني علاج وان شاء اللة يصير زين...
ورود بعبرة/...عندك صورته بموبايلك...

جلال بجمود/..لا ماعندي

همست بعبره لام علاء/...حقير والله عنده بلكي باجر يجيبه واشووفه طك كلبي والله

ام علاء/..الله كريم....
***********************************

باليل الساعه 12 ليلا....

كانت نايمه وحاطه قناع اسود الوجهه وخيار علئ عيونها وحاطه السماعات وتسمع اغاني... وتدنن وياها انقطعت الاغنيه ووصلتها رساله ابتسمت عرفته ابو الرجوله الطاغيه بعدت الخيارات وقرت الرساله...

كاتب«مبروك زليخه كووولش حلوو خطيبج احلئ منج ربي يتمم علئ خير وتربينه بدلالج»

كتبتله«ونبي دا احس انك تعروفني الله عليك انت منوو وليش دا تقلد عليه اني بشنو غثيتك»..

حسين«وروح ابويه مااعورفج ومااعرف اني منوو صكوود اني منوو»

ديانا بعصبيه«اهووو احجي عدل مدا افتهمك»

حسين«مدا اكدر اغيورها حلوة عاجبتني...الله لا يوفقج حلكي صار بااذاني احجي عدل»

ديانا بعصبيه«امشي ولي قليل ادب ماعندك تربيه بعد

حسين«اوك دروحي ام كفشه الزركه فضل مني ومنطيج من وقتي شويه بس وجوه ما مال نعمه »

قفلت الفايبر ولا ردت عليه ورجعت تسمع اغاني راحت شالت القناع وجابت قطع ثلج وسوت بيه مساج الوجهه تغلق المسام«خوش وصفه😂» وراحت نامت ....
************************************
الصبح جانوا كاعدين يتريكوون وهو تفكيرة محصور بورود سمعها تحاجي ابعد الجاي من شفايفه وانتبه الها....
جلال بهدووء/..نعم..
عبير بمرح/..دا اريد اسوي حفله لمصطفئ واهلي باجر يجوون ودا اريد اشتري شغلات شنو رئيك نطهرة بالحفله

جلال/...لا بعده صغير عوفي هسه واذا علئ الحفله عادي سووي وروحي انتي وامي للمول واخذوا مراد لان اني باجر بالدوام

عبير/...اوك براحتك...خلي اروح اشوف صوفايتي

جلال بجمود/...رووحي

راحت وهو ضل يفكر بورود واضطرابات بروحه ولا يعرف مصدرها شنووو قام وصعد يشوف مصطفئ
***********************************
نزلن من التكسي ووصلن البيت ام مراد

ورود بمرح/...ام علاء جبتي بطل زاهي البارحه سووني معدله ههههه

ام علاء/...ههههههههههه من نوصل اخليج واروح اجيب زاهي..

ورود/...ياااا والله ولا ترحين اروح وياج رجلي على رجلج شنو مخليتني بيتهم الوحدي..

ام علاء/... ههههههههههه ولج مااعوفج...

دكن الباب عده دكات وطلع الهن مراد فتح الباب باوع علئ ام علاء وبعدها علئ ورود ابتسم بوجه ورود وهو يتمعن بعيونها الامعه اما هي نزلت راسها خجلانه ومتضايقه.....

نهايه البارت......يتبع.....😘