#ذنب طاهر الفصل الثامن عشر 18 - بقلم سمو العراق

#ذنب طاهر....بقلمي«سموو العراق»😘

البارت...16...

ارجوك ايها الْقَدْرَ اتوسل اليك خُذِّنَّي مِنْ هَذِهِ الدُّنْيا اِنْتَشِلِنَّي مِنْهَا لَمْ اُعْدُ اطيق الْحَيَاةَ خُذِّنَّي الي عَالَمَ الاموات لَعَلَيِي اِرْتَاحَ مِنْ هاذا الْعِذَابَ هَيَا انا ب أنتظارك ياقدري خُذِّنَّي اليك
الى عَالَمَ لَا رَجْعَةَ فِيه...

مراد ببتسامه/...تفضلوا اهلا وسهلا

ام علاء/...شكرا زاد فضلك...

مشن لحد المشتمل جاي يدخلن وصاح عليهن مراد التفتن عليه اثنينهن....

مراد/...اذا احتاجيتوا شئ اني موجود وبخدمتم...

ام علاء/...تسلم بس بدون متصير عليك زحمه ردت ادوات تنضيف وتشغل النه الماطور حتئ ننظف المشتمل...

مراد/...تدللون هسه اخلي ديانا تجيب الكم ادوات تنضيف...

ام علاء/...تسلم....

دخلن للمشتمل وهو كوله تراب نزعت ورود صايتها بتأفئف وصفطتها طلعت ثوب زيتوني قصير ونص ردن راحت قفلت الباب بالمفتاح تخاف احد يدخل عليهن وراحت بدلت طلعت لابسه ثوب قصير زيتوني بارز ملامح جسمها الاثيرة وبياض ساقيها وخصرها النحيل...
ام علاء باانبهار/...لج شنووو هل الجسم وين جلال يشوفه..ولج ليش ماجنتي تلبسيله هييج؟:

ورود بتذمر/...خلي يطير هو بدون لبس ومخلصانين وبعدين علئ شنوو البس اله ميستاهل والله

اندك الباب ورود لزمت صايتها بخوف اما ام علاء صاحت منووو وطلعت ديانا ورود نزلت الصايه وفتحت ام علاء الباب...

دخلت ديانا لابسه تشيرت احمر نص ردن وبرموده بيضه وشايله سطل صغير ابيض بيه انواع المساحيق زاهي وصابون ومعطر ارضيه وديتول وعملاق وتايت وفرجه وبيدها الثانيه شايله ماسحه ومكنسه كهربائيه...

ديانا بتعب/...اوووي تعبت هذولي كوولهم جنت شايلتهم..اديه اتكسرو...

ورود بكلبها...احم ليسمعها يكول جانت تشتغل عماله
هنه كولهن سطل ومكناسه

ام علاء/..يااا جان صحتي عليه واني،شلتهن..

ديانا/...لا خاله علئ،شنوو اذا تحبون اساعدكم ؟؟

ورود ببتسامه/...لا شكرا هسه اني بسرعه انضف.

ديانا/...لا حساعدكم...

ترست ديانا السطل مي وزاهي وكعدت تنضف بالاثاث،...ورود كنست المشتمل كوله...وشكلت الصونده وغسلت المشتمل والسيراميك والحمام والمطبخ نضفتها ونضفت الكاونتر وسيراميك جلفته وتعبت حيييل حست بوجع ببطنها تذكرت مصطفئ وبعده عنها صارلها ايام محرومه من شوفته بجت بهدوء ومسحت دموعها وهي تتلوئ،من الوجع دخلت ديانا مسحت دموعها باارتباك وهي تخفئ ملامحها عنها..لكن ممشت علئ ديانا...

ديانا بتساؤل/...انتي لويش دا تبجين؟:

ورود ببكاء وهي تمسح دموعها وبكلبها..شكلج عمج الحقير اخذ ابني مني وخلاني محرومه من شوفته

ورود وهي تمسح دموعها/..مابيه شئ بس اشويه بطني توجعني.

ديانا/..حروح اصيح مراد يجي ياخذج للمستشفئ

ورود بسرعه لزمتها/...لا لا مبيه شئ هسه اصير زينه احتمال لان ممتريكه...

ديانا/ّ..اوك حجيبلج ريوك من بيتنه...

راحت ديانا بسرعه وورود حاولت تضبط انفاسها ومسحت دموعها وغسلت وجهها اجت ديانا حطت الريوك وراحت.....

بعد ماخلصن تنضيف قررن يرحن للشقه يجيبن اغراضهن...فمراد عرض عليهن يوصلهن بالبدايه مقبلن لكن هو اصر... ركبن ورة جان السكوت سيد الموقف ومحد شارك بالكلام انتبه الها مراد هدوئها يدل علئ رقتها وانوثتها وبرائتها اما هي فجان تفكيرها محصور فقط بمصطفئ ....

نزلن بنص الطريق مو قريب علئ الشقه حتئ ميعرف مراد هذي شقه عمه وام علاء تشكرت منه وراحن...

***********************************

جان كاعد علئ الكرسي المتحرك بمكتبه والمكتب امامه بالكرفان ولابس ملابسه العسكريه طلب اسناد يحمي ضهرهم بتل اعفر بعد ماانته من مكالمته دخل حسين....

حسين /..السلام عليكم سيدي

جلال بهدوء/...وعليكم السلام تفضل حسين.

حسين بشكر/...تسلم سيدي

كعد مقابيله وجلال يوقع علئ اوراق ومندمج وحسين يباوع الملامحه وابتسم اتذكر ديانا ومشاكله وياها وتقليده عليها....

جلال بدون ميرفع راسه وهو يكتب/... شنوو البارحه صدوك طالعين اسناد القوات سوات...

حسين بلهفه/...اي سيدي صرنه اسناد واعتقلوا القناص ابومصعب الزبيري...احتركت روحه قناص محترف يسولفون عليه يكولون حتئ الطير الطاير
هم يصيده شكد غدر بشباب

جلال شمر القلم علئ المكتب وانتبه اله/...وصلتوا لكيتوا مقتول؟؟

حسين/...نعم سيدي مقتوول..بس،شنووو يعني بصراحه شئ مو طبيعي انصدمت من شفته..

جلال بااستغراب/...ليش شبي؟؟؟

حسين/...سيدي جثه مو طبيعيه ضخخخخم حييل وسميين عبالك خنزير وميت والفاجئني كراتين المغذي والكانونات وانتبهنه الايده جانت متروسه
بقع مال ابر اضاهر جان عايش علئ المغذي.

جلال/...هههههه حلوة هاي مال عايش علي المغذي لا تخاف هذا يمولون اله
احسن اكل متشوفه مسوينه ثور استرالي

حسين/..اي والله بس عجبني الكراتين واخمطلي كارتونه واجيبها غنيمه حرب 😂😂😂

جلال/.ّ.ههههه وملكيت غير المغذي تجيبه غنيمه حرب يمعود اشمرة لا انوب يطلع بي مخدرات

حسين باانتباه/...اي والله صدك خلي اروح اشمرة لا اصير مدمن

جلال/....هههههه حسين انت وين بيتكم وعائلتكم شكد...؟: وشكد عمرك
حسين/...حسين عمري 28 سنه وبيتنه بحي اور وعائلتنه عندي ست اخوان 3 طالعين و3 ويانه وكلهم مزوجين بس اني ممزوج وعندي 3 اخوات 2مزوجات ووحده صغيرة تدرس..

جلال/...الله يحفظكم اني اليوم انزل اجازتي تنزل وياي...

حسين/...اي سيدي انزل هي اجازتي اليوم...

جلال/...اوك انتظرك

طلع حسين وجلال تنهد اتصل علئ،عبير وتطمن علئ،مصطفئ وبعدين اتصل،علئ ام علاء وطمنته علئ ورود وقرروا باجر ينتقلون للمشتمل.. طلب ورود تحاجي لكن هي رفضت علئ،شنوو تحاجي وهو منو وتحجي وياه هو مو محرم الها لذالك لازم تكطع علاقتها بي.

ابتسم عليها رفضت تحجي وياه لان تعتقد طليقها يحب امتناعها منه ودلعها الرباني كولشي،عدها ممنوع وحرام وممتوفرة اله بكل الاوقات.....كام من كرسيه وحط المسدس بخصره وطلع برة الكرفان جانوا الجنود متوزعين علئ السواتر والارض صحراويه وواسعه باوع علئ السماء واضطرابات ومشاعر جياشه بداخله بين ورود وابنه وعبير...
***********************************

جانت كاعده الوحدها بحزن علئ القنفه لامه رجليها الصدرها وعاقده حواجبها صعب تتخيل ابنها بحظن غيرها

ورود بنحيب/...بس كون اشوفك حبيبي الدقايق تمر سنين سنييين طووويله ياروح يامصطفئ يايمه متعرف بحالي بعد حالك اريدك يمه مشتاقتلك.

دخلت ام علاء وهي،شايله اكياس،شافتها تبجي حزنت على حالها حظنتها وهي تحاول تفرحها

ام علاء وهي تفتح الاكياس/...شوفي شجبتلج هذا تراك مال نوم ترتاحين بي وهاي صايه جديده وهاي كلبيات ثنين وشالات وحذاء بعد شتردين

حظنت ام علاء بفرح/...شكرا ام علاء شكرا بس انتي تحبيني وتذكريني احسن من ذاك التافه الكلشي محصلت منه بس القهر...

ابتسمت ام علاء بفشله ومتعرف ورود الفلوس من جلال وهو طلب تشتريلها/...جبتلج حتئ موبايل

ورود بفرحها وهي تبوس ام علاء/...شكرا شكرا ام علاء متعرفين شكد محتاجه للموبايل هسه اكدر اخلي صور صوفي واشوفه شوكت مااريد يمه ام علاء مااعرف شلون اجازيج.

ام علاء/...تستاهلين حبيبتي؟؟:

ورود/...ام علاء باجر نروح البيت اخوو جلال

ام علاء/...اي نروح وجلال كال جيبوا بس الملابس لان هو راح يأثث المشمتل...

ورود بزعل/...منريد منه شئ بس خلي يكفينه شرة ويرجع مصطفئ...

ام علاء/...تعرفين مصطفئ ميرجع بس اذا جلال وكعتي بحبج راح يعلن زواجكم ويرجع طفلج

ورود ببكاء/...ام علاء شتحجين هو طلكني واخذ ابني لو يحبني مااخذه مني وانطاه الغيري كرهته والله كرهته اشترة ابني مني وهداه الغيري واني الحقيرة بعته برخص...

حطت ايدها علئ شفايفها وركضت للغرفه وهي تبجي بقلب محروق محمل بالجراح محد يواسيها علئ فقدان غواليها فقط دموعها ووسادتها...

************************************

كانوا كلهم كاعدين بالاستقبال علئ القنفات وعبير فوك تبدل المصطفئ،

جلال بتساؤل/..اليوم اجاكم الناس الاجروا المشتمل

مراد ببتسامه/...اي اجووو ونضفوا المشتمل وراحو

ديانا/...اي اجووي نضفوا واني هماتين حبيت اساعدهم وساعدتهم بس يالله بنتهم هوايه مغرورة وجامده حتئ متضحك بصراحه محبيتها

جلال بااستغراب وابتسامه/...ورود مغرورة لا انتي غلطانه
مراد ببتسامه/...لا بالعكس هي ممغرورة بس هادئه وخجوله هذا المبين عليها

جلال سكت وهو يحس بعصبيه.

ديانا/...لا مغرورة اني عطفت عليها وجبتلها ملابس،دا اريد اساعدها اشوو هذي مقبلت تاخذ ورجعت فشلتني وهنه كوولهن جدد ونبي مدا البسهن اصلا...

جلال بغضب/...هي معايزه حتئ تتصدقين عليها وهي تستنكف تاخذ من اي شخص وبعدين خالتها موجوده وتشتريلها لا تحسسين البنيه هي اقل قدر منج.

ديانا بصدق/...اني مجنت دا اريد احسسها بس هي تحسست وحتئ اني ساعدتها بالشغول ومن تخربطت جبتلها ريوك وكولتلها اخلي مراد ياخذج للمستشفى وهي رفضت...

جلال بالهفه وخوف/...شبيها ؟؟

ديانا/...مااعروف بس هي دا دكوول بطني دا تأذيني وتبجي من بطنها...

كام جلال وكف وهو يعدل بقميصه.

مراد/...اي اني انتبهت عليها جانت تتلوئ وتتوجع من اخذتها هي وخالتها وصلتهن جنت مركز بنظري عليها دا اريد اسئلها شنو اليوجعها وليش ملامحها حزينه بس تراجعت لان هي خجوله محبيت اخجلها اكثر.

صك على اسنانه بقووة وهو بكل كلمه من مراد يحس يفقد اعصابه اكثر واكثر اتمنئ يضرب مراد بالمزهريه علئ راسه ويصرخ بوجه منوو سمحلك تأخذها ونظراتك الحقيرة لا تنظرهن الورود اني الوحيد المحظوظ بالنظر....لكن تحكم بااعصابه وطلع لاكته عبير وهي شايله مصطفئ...

عبير وهي تعترض طريقه وتحجي مثل الاطفال/ .. وين دا يريد يروح بابا الحلووو ؟؟

جلال ابتسم بحزن باسه بخدها وطلع تنهدت عبير عليه ودخلت عندهم اخذته منها ديانا بالهفه وهي تبوسه وتعضه بخدوده وهو مزعوج منها...

ديانا وهي تعض مصطفئ/..ّاوووي فديت ابويه صوفايتي تخبووول شنوو هذا الجمال امووت اني

بجئ مصطفئ مزعوج منها ومن عضها لخدوده الصارن حمر ...ديانا بزعل/...لا يعمري لا يحوبي اني كوولش اسفه فديتك وفديت دموعك

اخذه منها مراد هو يسكت،بيه ويبوسه ويضرب دنو بالشقه حتئ،يسكت مصطفئ...
***********************************
فتحت ام علاء باب الشقه وفتحت الباب الجلال بعد مااتصل بيها دخل سلم عليها سئلها عن ورود وجاوبته بغرفتها.....

لبست التراك الجابته الها ام علاء جان قماشه قطني والتشيرت مالته رصاصي وبالوسط دب وردي والبجامه ورديه وبيها دبب صغيرة بالرصاصي فتحت شعرها وناويه تلمه لكن هو دخل عليها شافته تفاجئت اما هو انبهر بشكلها الطفولي والتراك زايدها جمال ورونق...ركضت للسرير وهو ترفع حجابها وتخلي علئ شعرها اما هوو تقرب منها وسحبه بقووة

ائذتها سحبته لحجابها صرخت بوجع وهي تلزم رقبته/....اوووي شبيك ياهمجي كسرت ركبتي

جلال بصوت هادئ/...لا تلبسين حجابج كدامي.

ورود بعصبيه وبكاء وهي تسحب حجابها/.ّ.جيبه انتي منووو وماالبس حجابي كدامك

سحب حجابها وفتحه لبسه الها بهدوء وهو يرتبه عليها وخصلات شعرها هاربه من حجابها

همس الها بهدوء/...حافظي علئ حجابج ولا تتهاونين بي وخاصه كدام مراد فاهمه يا وردة...

دفعته بعصبيه/...حجابي مااتهاون بي لا كدامك ولا كدام ابن اخووك فااهم

جلال/...اي صح ذكرتني مراد مااريدج تحتكين بي ولا تنطينه اي اهتمام والله اذا سمعت مسولفه وياه او منطيته اهميه متلومين اله نفسج مراد خط احمر واني جااد بكلامي احرمج حتئ شوفه مصطفئ

ضربته بقووه علئ صدرة/....تخسئ انت وابن اخووك شلوون وجوة تكطع الرزق عابتلك وعابت اله شكد اكرهكم...

جلال بهيام وهو يحتجزها علئ الباب/...صح والله مراد وجه يكطع الرزق بس اني لا مووو؟؟

ورود بغضب/....انت وجهك مو بس،يكطع الرزق لا حتئ يكطع الكهرباء وحتئ النت عابت شلون شايف نفسه

تقرب منها اكثر وهي عرفته يريد يبوسها بالحرام نزلت راسها وهي تدفع بصدرة لكن هوو ثبتها ورفع راسها غطت وجهه بااديها وهي تمنعه من تقبيلها فتح اديها بقوة من وجهه وقبلها قبله عنيفه بسبب مقاومتها وجرحت شفايفها دفعته بقووة.

يالنومك فراشه وكعدتك وردات...
بس كلي الفراشه بنومها شتحلم....
من يوم العرفتك ماشربت الماي....
شلون اشرب الماي وشفتك زمزم...
يالخصرك قصيد وشاعرك مجنون....
من شفت العسل وياك كلت اخوان...
لان اخذت الشبه بيناتكم علئ الدم...

دفعته بقوة وهي تمسح شفايفها ووجها متروس دموع وتشهق من البكاء/...لا تلمسني ياكافر انت مو طلكتني حرام عليك وصختني لا تلمسني ليش،تكرهني،بيك ليييش ....

ابتسم علئ شكلها المقهور....وجانت ابتسامته مثل الصفعه علئ وجهها وادركت وجودها بالغرفه غلط طلعت من الغرفه وهو طلع وراها بدون اي كلام طلع من الغرفه بكبرها شافت،ام علاء نايمه وتاركتها الوحدي بجت لما حست بالوحده لو امها هنا متسمح اله يختلي بيها ويتحرش بيها وهو طليقها نست تساله عن مصطفئ وادركت شرفها عز من ابنها...راحت وهي تحاول النوم تتناساه تبكي بكل الاوقات تبكي وهي نايمه تبكي وهي كاعده تبكي منذ ان انتمت اليه...
************************************

ثاني،يووم «احتمال بمولد مصطفئ»

اجووو اهل عبير اخواتها اثنين وبنات اخوها واحد من اخوانها وامها وابوها سوو حفله بالبيت وجابوا انواع الكيك والعصاير وزينوا البيت وشغلت الديجي مشغله اغنيه«شو واثق بيحق اله شو قلبو قوي😂»

جانت لابسه فستان ذهبي ضييق وحلووو ومسويه تسريحه بسيطه وشايله مصطفئ ويه ترقص علئ انغام الاغنيه وتركص بمصطفئ الي ينظر الها ببرائه

جلال اعتذر ومحظر الحفله عنده شغل بالداخليه ومراد كذالك اعتذر عنده شغل بالمعرض اجتي،بس ديانا جانت لابسه فستان تركوازي طوويل وردانه تور خفيف وحاطه مكياج وفاتحه شعرها الاشقر...

راحت للمطبخ تجيب العصير وهي ترقص،بخطوات بسيطه اول مدخلت للباب انصدمت بواحد طويل وضخم حيييييل باوعتله..

جان شكله ضخم وسمين وطوويل وشكله احمر وشعرة خفيف حييل «بدايه صلع😂» ولابس،قاط وحاط القلم بجيب السترة يجي عمرة فوك الاربعين

ديانا بزعل/...العفوو اني كوولش سووري ونبي مشفت دا اريد اخوذ الكاتووو..

ضل ينظر الها بنظرات خبيثه/...انت بنت منوو ؟؟:

ديانا/...اني بنت اخوو العموو جلال زوج عبير

رائد/ّ..اني رائد اخوو عبير تشرفت بمعرفتج

ديانا/...الي الشرف اهلا وسهلا هلاوو عمووو

اخذت صينيه الكيك وهو يباوع عليها ويخترقها بنظراته خصرها النحيل ونعومتها ورقتها وشعرها الاشقر اغره فاتت من امامه هو ساد الطريق عليها

ديانا/...عموو ممكن تبتعد شويه دا اريد اطلع.

رائد/...اي تفضلي.

راحت وهو اتبعها بنظراته وحلف اله تكون اله ضحك عليها هو اعجب بيها وناوي يزرعها بحظنه وهي دكوله عمووو حلف لو يصير مهرها مليار يدفع بس،كون تصير اله وقرر يحاجي اخته قبل لا يرجعون البنان
***********************************
باليل كان كاعد يلعب،بمصطفئ ويبوسه ومصطفئ،يلعب باديه ولابس بيجامه بيضه وتشيرت ابيض وبيده تميمه ذهب هواي بي شبه من ورود

اجت عبير لابسه ثوب نوم وحضنته من ورة وهي تباوع المصطفئ وتضحك ابتسم عليها...

عبير/...جلال انت تحب صووفي؟:

جلال بصدق/...والله متصدكين اغلئ من روحي ومن كل ناسي،ولو يصير عنده عشر اطفال محد يجي بمعزته...اله معزة خاصه

عبير بضيق/...لعد لو من صلبك جان شسويت وشنوو كانت معزته؟؟:

اتمنئ يصرخ بوجهها ويكولها ابني ومن صلبي ومن طفلتي ورود...لكن فضل السكوت وعقد حواجبه باانزعاج وزعل...

شافت انزعاجه وحبت تغير مزاجه/...عندي الك خبر كووولش وااااو ...وهي تغمز اله

جلال بااستغراب/...شنوووو؟؟؟

عبير ببتسامه/...اخوويه رائد طلب ايد ديانا ودا يريد يتزوجها ومستقتل عليها دا يريد ينجن وشنوو التطلبوا هوو حاضر وانت تعرف رائد ونفوذه..

جلال باانصدام وانزعاج وصياح وهو يعدل كعدته/..شنوووو؟: لو تطلع نخله براسه شنوو اكبر منها 22سنه وبعدين اخوج تعرفينه كولش زين وبارات لبنان تشهد عليه نسيتي مخلص فلوسه علئ شنووو؟؟

عبير بصدمه من كلامه/...صح هو جان هيج بس،تغير وهو طالب ديانا والمهر التئمرون عليه وترة مراح تلكه نفسه يدللها دلال وبعدين العمر مو مهم ويجوز هي تقتنع..

جلال بجمود/...اعذريني ماالكم عندي مرة..

عبير/...عاادي اني اقنع ديانا حتوافق...

جلال بعصبيه/...مو بكيفها توافق وتكسر كلمتي اني انطيت كلمه الصديقي حسين وكتله بنت اخوي الك وهذا الخميس،يجون يشوفوها...

عبير بصدمه/...شنوووو؟؟:

نهايه البارت.....يتبع😘