#ذنب طاهر الفصل العشرون 20 - بقلم سمو العراق

#ذنب طاهر... بقلم...سموو العراق..اني😚

البارت.....17...

انا كالبحر
أتحمل أصبر واتقبل الكثير
لكن احذري عندما يعصف جوي وتغضب امواجي ،،،

عبير بصدمه/...شنووو؟؟؟
جلال/...والله السمعتي...
عبير برفعه حاجب/...يعني ميشرفك نسب اخويه
جلال بجمود/..بصراحه ميشرفني
عبير بقهر/...واخويه هماتين ميشرفه نسبكم ولا ميت عليكم ميت وحده تتمناه
لزمها من فكها بعصبيه/...سدي حلكج لا ابتلي بيج وخلي ياخذ اي وحده من الميه اليتمننه
عبير بعناد/...والله لاخلي رائد يتزوج ديانا وبعدين انت شكوو متريدها تزوج اخويه

دفعها بقووة علئ السرير/...والله والله ياعبير اذا ما ابتعدتي عن ديانا والله اخليج تبجين دم وديانا انطيتها الصديقي. .

عبير/...تنطيها الواحد مهتلف فكور وتعوف نسب اخويه...

جلال بعصبيه/.ّ.حسين غني بااخلاقه واخوج فكر بااخلاقه وبعدين هي بنت اخووي لو اعرف انطيها للجلاب وماانطيها الاخوج السافل نسيتي، سوالفه بالبارات والملاهي اليليه ويوميه سكران هذا اءمن بنت اخووي عنده؟؟

عافها وطلع من الغرفه ركضت وراه ومنعته من الخروج لكن هو دفعها...نزل جوة كعد بالاستقبال وسد الباب طلع باكيت الجكاير وضل يدخن

دخلت كعدت بصفه بهدوء حاولت تاخذ الجكارة من ايده لكن هو رفض سكتت منه حضنته وهي تحط انفها علئ خده وتهمس بهدوء...

عبير بهمس/ّ...جلال حبيبي اني اسفه ونبي بعد مااعيدها اصلا اني شدخلني وهي قسمه خليها تتزوج حسين مابيه شئ...

جلال بجمود/....روحي عبير خليني ارتاح...

عبير تلصق بي اكثر/...جلالي يهون عليك بعدي؟؟

جلال بهدوء وهو يدخن/...روحي عبير هسه مطايق نفسي روحي خليني بحالي

انقهرت منه حييل كامت بعصبيه وطلعت ضربت الباب حيييل وراحت....

نام علئ القنفه وهو متضايق من كلام عبير وخلته يأخذ قرار ويزوج ديانا لحسين احتار شلون يفاتح حسين ويكوله ديانا الك يحسها صعبه بس قرر يفاتحه ويحاجي....

طلع رقم ورود وتصل بيها ماردت بعدها دزلها رساله كتب الها...«كاعده ياورده» ماردت....تذكر موقف وياها من قبل لا تحبل...

جان نايم علئ السرير ورود تسويله مساج الضهرة بعد رفض كبير منها ومقبلت تسويله وهو اصر...

ورود بتذمر/...كافي لو بعد؟؟

جلال/...بعد

ورود باانزعاج وهي تضغط علئ عضلات ضهرة/ّ.. شنوو تكسرن اديه صارلي ساعه اسويلك مساج هي لو اني جان ماسويتلي وضليت هلكد «حجتها بدون قصد»...

جلال كيف/...تعالي تمددي واسويلج احلئ مسااج

ورود بعصبيه/...شكرا مااريد

جلال/...لعد كملي بسكوت لا اكوملج...

ورود باستهزاء وهي عاقده حواجبها/..شتسوي؟؟

جلال/...عيب بعدج صغيرة علئ هاي السوالف كملي

ورود وهي تضغط باديها حييل/...اي صدك شكد عمرك...

جلال/...شكد تنطيني؟؟

ورود بسخريه/...16 سنه...😒

جلال/...ههههه 34 سنه...

ورود بصدمه مصطنعه/...عزا العزاني شويب اشوو مكلتلي علئ عمرك عموو ؟؟

جلال سحبها يمه نومها وحط ذراعه علئ رقبته وهو يتقرب منها اكثر/...والله يابعد عمج ماصحتلي،فرصه

ورود بخجل وهي تحاول تبتعد عنه/...دعوفني يالشايب،اكبر مني ب16 سنه واني ماادري

جلال بحب/...منووو الشايب؟؟

ورود بااصرار/...انت

جلال/...منوووووو؟؟

ورود وهي ترفع حاجب/..انت...

جلال وهو يفتح تشيرتها/...منووو؟؟

ورود لفت اديها على رقبته بخوف وخجل/... لا لا اني عجوزة اصلا انت بعدك جنين...

جلال بضحكه/...هههههههههههاي.. باسها بخدها وضمها الصدرة وهي تمسكت بيه خجلانه

افاق من ذاكرته وابتسم عليها رجع رسل الها رساله كتب...«حرسلج صور مصطفئ ردي عليه»

ردت عليه اسرع من البرق...«صدك يالله بسرعه مشتاقتله»...

رسل الها...«لا ياخبيثه صارلي،ساعه اراسلج متردين نقطت ضعفج مصطفئ...»

ورود...«هسه ترسلهن لو شنووو اذا حاب تغثني،فااكلك باي راح اخذهن من ديانا»

ابتسم عليها ورسل صور مصطفئ الها...
***********************************
وصلتها صور مصطفئ صار الها عشرين يوم مشايفته انصدمت وهي تشوف صورة متغييير حييييل سمنان ومو مثل ماعهدته باست الصورة حيييل وترشت الشاشه دمووع...

ورود وهي تبجي وتبوس الصورة وتمسح دموعها انحجبت عندها الرؤيه/...يمممه صووفي يممه ردت اشتريك وماكدرت يممه تعال،اريدك احبك....مسحت دموعها وهي تتذمر...ليش متخلني اشوف مصطفئ ليش تشوشن عليه شوفت ابني حتئ انتن يادموعي حاقدات عليه وتكرهني حارماتني من شوفت ابني..

ضمت الصورة الصدرها ونامت علئ فراشها وهي تشهق بأنين مفجع وحاطه الصورة علئ شفايفها ودموعها تنزل يغزارة نامت وهي تتمنئ،يرجع الحظنها.....
************************************
حسين جان منتظرة علئ كورنيش الاعظميه بعد مااتصل بي جلال وطلب منه ينتظرة ويجي للكورنيش وفعلا حسين اجه واستغرب من طلبه.... شافه اجه من بعيد لابس قميص ابيض وبنطرون اسود ابتسم تقرب منه وسلم عليه وكعدوا علئ الكراسي ضلوا يسولفون بمواضيع عاديه وبعدها اجت لحظات الجد......

جلال/...حسين انت ليش متتزوج؟؟
حسين بصدق/...سيدي وين اتزوج اذا هو بيتنه صاير فندق شيراتون 3 عوائل بي وكل واحد عنده خمس جهال والعرك كايم ومن يجن اخواتي خطار اروح انام فوك السطح من هوستهن...

جلال/...ههههههه الهلدرجه....

حسين/ّّّ...واكثر والله...

جلال ببتسامه/...واني ناوي انطيك مرة...

حسين ببتسامه/...والله يا ابو مصطفئ احنه من نزوج منهتم للمكان والهوسه نجيب ونخلي ونخلف بس شنوو قصدك انطيك مرة

جلال/...بنت اخووي الوكعت من الدرج الكهربائي حاب ازوجه الك وطبعا اختاريتك لان انت قليل امثالك واعرف تحافظ عليها وتغير من اطباعها...

حسين/...شنووو ديانا؟؟؟

جلال بقهر/...ليكون مقابل....

حسين ببتسامه غريبه/...لا بالعكس الي الشرف احطها علئ راسي والله بس بصراحه تفاجئت بس بما ان انت اختاريتني فااكيد مااضيمها وماتتندم انطيتها الي...

جلال بتسامه/...اختاريتك لان اعرفك رجال واخو اخيتك ان شاء اللة الخميس تجي تشوفها...

حسين بفرحه /...ان شاء اللة الي الشرف...وبكلبه.. هلا رووح حسين النواصه راح تصير من نصيبك عوزا شلون حتحملها....«بصوتها😂».. والله والله اذا تغثني بحجيها وتضل تفتر بكفشتها اكسرها تكسر ماعدنه بنات يطلعن بدون حجاب أي والله بعد صارت مرتي...«اثقل بعده مو مرتك😂»ّّ... بس خاف هي متوافق...يطبها مرض لا توافق المايريدني مااريده
لا ان شاء اللة توافق....
************************************
وصلت للمشتمل دخلت هي وام علاء لكته ماثث من كووولشي وكولش حلوو هو جايب كولشي وكلهم هذي اغراضهم بدون محد يعرف ...

دخلت جنطتها وفتحت الكنتور كعدت تصفط بيهن ورتبتهن ومن بين ملابسها ملابس،المصطفئ... باستهن بحنان وشمت عطرة صفطته ويه ملابسها لكت من بين اغراضها ساعه جلال رادت تشمرها بس كلبها ماانطاها قررت تضمها ومن يجي تنطيها اله....

تنهدت لبستها بيدها ابتسمت وهي تشوف كبرها عليها...نزعتها وحطتها بصف ملابسها وقفلت الكنتور بعد صارت بيت مراد يعني راح تكدر تشوف مصطفئ وتتعرف عليهم اكثر وتشوف زوجه جلال القاتل،روحه عليها واستغل ورود الخاطرها.....
************************************
عند ديانا خابرتها عبير وخبرتها بجلال شسوة وانطاها الحسين وديانا تخبلت وضلت تحجي ورفضت رفض قاطع عبير كلتلها بعد هو محاجي حسين وهم حيجون ومتكدرين تكسرين كلمه جلال ضلت تبجي وانقهرت وضاجت من عمها وضاجت من تحكمه بيه نزلت منشور علئ الفيس كتبت..

«من امر ريحه عطري يشتمه سابع جار....يشعر بالحزن😢»....والتعليقات صارت ركع عليها ليش دنوو منو مزعلج....مدا اصدوك دنوو تشعر،بالحزن ومن هاي التعليقات....

اجتها رساله علئ الفايبر عرفتها من ابوو رجوله وطلع حدسها صحيح....كاتب..«من كثر ماادخل علئ الفيس مالتج اجاني اشعار هل تريد ان نخطبها لك...ليش ولج تشعرين بالحزن ...بس بصراحه عجبني الشعر،بس،سؤال معقوله جيرانكم جلاب ويشتمون من ساابع جااار😂»

كتبتله«اكولك انت لويش ماتنلصم ترة ونبي روحه واصله الخشمي وروحي دا تريد تطلع»

حسين بحزن مصطنع«ليش»

ديانا..«عمووو دا يريد يزوجني لواحد صخل ومهتلف وماعنده ذووق وغثيث وماعنده ثقافه»

حسين ضاج..«لا ياصوخله...انتي احمدي ربج دك بابج لج هو وين اكوو زلم بهلوكت اشوو نص استشهدوا نص غركوا نص طلبوا لجوء منج ومن اشكالج لحكي علئ روحج واقبلي بي ترة يجي زمن كل اربعين مرة برجال...»

ديانا بعصبيه«شنو انت شدا دكول وين اكوو هيج حجي»

حسين«اي اكوو هسه مو راح ياخذج وبعد وراه 39 وحده لعد شعبالج الرجال شويه يابه اخذي وصوصي ولبدي بسده ترة خووش ولد معدل...

ديانا بعناد..دا اريد ازوجك...علئ الاقل انت تونس احسن من ذاك العصبي وبس ينتقد لبسي

حسين بضحكه..« اعذريني احب وحده تجنن وبعدين انتي هواي تصبغين الراتب يخلص علئ كفشتج روحي بابا مااريد ازوج ولا تسويلي سحور ترة مايمر بيه...

ديانا«امشي ولي...»

عافته ونزلت جوة كانت لابسه تشيرت بهاري وبجامه بيضه وبيه قطع مال فراوله كعدت علئ المرجوحه وتهز بنفسها ضلت تبجي من ذكرت كلام حسين بالموول هي تحب الحريه وتحب ستايلها ومتحب تتقيد بزواج مسحت دموعها وقررت تشلع كلب حسين وتخلي يكرها ويعوفها ....

شافتها ورود من الشباك حزنت عليها طلعت من المشتمل بعد ما لبست حجابها وصلت عندها وحطت ايدها علئ كتفها وديانا انتبهت عليها كعدت بصفها وهي تبتسم بوجهها بهدووء..

ورود بحنيه/.ّ.بيج شئ محتاجه شئ اكدر اساعدج كولي احسبيني صديقتج...

ديانا سقطن دموعها بسرعه/...عموو جلال دا يريد يزوجني واني كوولش مقهورة ومجبورة

ورود مسحت دموعها وانقهرت حييل/.ّ.شكد حقير الئ متئ تدخل بحياة العالم...

ديانا بااستغراب وزعل/ّّ..منوو الحقير ليكون علئ عموو:؟

ورود بخوف/ّّ...لا مو علئ عمج علئ هذا الخطبج

ديانا رجعت تبجي/...اي حقييير كووولش

ورود بحنان/...الله كريم كولشي بالقسمه...

شافن مراد اجه وديانا طلبت من ورود تسد الموضوع ورود سكتت رادت تكوم لكن ديانا رفضت وضلن كاعدات....اجه مراد جاب كرسي وكعد مقابيلهن...

مراد وهو نظراته الورود/...هلاووو صبايا...

همست بصوت خجول/.ّّ..هلاوو

ديانا انتبهت علئ ورود محافه/ّّّ..ّاكولج انتي لويش محافه؟؟

ورود بخجل/...امي متقبل

ديانا/...لج اذا احفهن الج يصيرن يجنن ويبرزن عيونج اذا تردين اسويهن جناح الطير يبرزن عظمه الجفن او اسويهن موديل تركي عدل كوولش حلوة واصبغ شعرج تطلعين روووووووعه

مراد/.ّ.هييي ديانا عوفي البنيه بحالها لا تطلعين عينها...

ديانا/ّ...مو صارلي هواي مصابغه شعري عجبني لونه ودا اريد اجرب هذا الصبغ من ماركه لوريال كوولش حلوو دا اريد اجربه بشعرها...

مراد وهو يضحك ويه ورود /.ّّ..مهووسه مال صبغ اكولج انت شكد عمرج؟؟ وشنو تحصيلج الدراسي

ورود/...18 سنه ..وخامس علمي وتركت بسبب الاوضاع بس جنت كولش شاطرة

مراد/...ههههههههههه هلا شطورة وكتكوته وخجوله

ضاجت من كلامه حييل وغلست عليها اشاحت بنظرها للباب شافت وحده دخلت لابسه بنطرون جوزي وبدي طويل بيجي وفوكه بليرة بيجيه وشال،جوزي وضاربه المكياج ومبين عليها الخير،عكس ورود العيونها محورة من البكاء. جانت شايله طفل بيدها وبيدها الثانيه جنطه استغربتها وماعرفتها لكن من دخل جلال وراها عرفتها هذي عبير والشايله ابنها..

وكفت مصدوومه منهارة صعب تشوف احبابها ويه غيرها التقت عيونها الحزينه بعيونه الحاده وعاتبته بنظراتها اقسئ وجع مر عليها ابنها مالها حق بااحتضانه وهو بحظن غيرها....

الوجع ان اراقبك من بعييد واختنق ولا استطيع الاقتراب منك...😢»

اما هوو عقد حواجبه بغضب من وجود مراد بنصهن وهي كاعده قريب منه....

نهايه البارت.....يتبع....كونوا هنا كونوا بخير😘

هذا يشبه يابطل من ابطال القصه برئيكم😍