#ذنب طاهر الفصل الحادي والعشرون 21 - بقلم سمو العراق

#ذنب طاهر....بقلمي«سمو العراق»😚

.شيصبر #الگــلـب
مـن يهــجر #الغــاليـن
#يضـــل مثل الحــمام
المنـ💔ـكسر #جنحــه
لايــگـدر يطير
ويلحك #العافو
ولايگدر يضل
ويتحمل #الذبحــه

شافتهم دخلوا من الباب الرئيسي هي كدامه وهو وراها حست باانقباض بقلبه وسرعة دقاته وهي تشوف احبابها بااحظان غيرها كتمت عبرتها وهي تبلع ريقها بصعوبه مصطفئ ابنها الغالي ما إلها حق بمقابلته تشوفه بااحظان عبير وفرحانه بي وهي لا
رفعت راسها لليفوك وهي تتنهد وتمنع دموعها من الهطول باوعت عليه وهي تعاتبه بعيونها ولمعت الدمعه بعينها...

اما هوو اول مدخل سرقت انضارة منه صعد الدم الراسه وهو يشوفها كاعده بالقرب من مراد واول مشافته قامت واقفه وقف مراد وديانا وياها شاف فرق الطول بينها وبين مراد وشكلها المغري رغم التزامها بحجابها...حاول يسيطر علئ اعصابه لازم يبعدها عن مراد ويبعد مراد عنها....

تقرب منهم وهو يسلم عليهم....

عبير وهي شايله مصطفئ وخافيه ملامحه عن الانظار /....هلاوووو بيت دنوو شلونكم

ديانا باستها واخذت مصطفئ/....هلاووو باجي انطيني صووفي ....اخذته منها

مراد بعدم اهتمام/...هلاووو ام مصطفئ

ورود انصدمت وهي تباوع المراد بصدمه حست مثل الا نضربت كف علئ وجهها من كلمه مراد ام مصطفئ عبير ام مصطفئ واني ام منووو؟:

جلال بجموود/.... السلام عليكم...

ديانا ماردت زعلانه ومراد رد/....وعليكم السلام

اما هي جانت تنظرة بنظرات حاااده وهو حاس بنظراتها ميلومها لو تاكله بااسنانها ميلومها صعب عليها تشوف ابنها ومتحتضنه ضلت مركزة بنظرها عليه وعبير انتبهت سحبت جلال بدلع مصطنع /..يالله حبيبي خلينه ندخل تكسرت رجليه من الحذاء كووولش عالي

جانوا يردون يدخلون وهي تغلي وبأي لحظه تنهار قبل لا يدخلون حاجاها مراد....

مراد بهدوء/...ورود تعالي ادخلي ويانه...؟؟

ورود ببتسامه مقتوله وهي عينها علئ جلال/...لا شكرا مراد خلي عمووو ومرته ياخذون راحتهم

انصدم صدمه كبيرة من كلمه عموو كدام الكل ناويه تستفزة وتلعب علئ الوتر الحساس ابتسم بتوتر وهو يمسح وجه ورمقها بنظراته وهو يرفع حاجبه مقابل بكلمتها....

اما هي تركتهم مقهوورة محطمه حد اليأس مكدرت ماتدير وجهه عليهم وتصورهم بنظرها هو وعبير وابنها شافته دار وجه عليها بعد مادخلوا كلهم ركضت هربانه من نضراته ومن واقعها الئليم

دخلت للمشتمل وهي تخلي ايدها علئ شفايفها وتمنع صوت بكائها دخلت للغرفه وهي ترمي نفسها،علئ،سريرها تحطمت بجيه عبير الاخذت كولشي منها والاهم اخذت ابنها الغالي الئ طار قلبها من بين اضلاعها وجانت تتمنئ تاخذه منها لكن تخاف يغدرون بيها ويعرفون بالحقيقه ويسفروها غصب عنها

نامت علئ وسادتها وهي تدفن وجهه بيها وتنتحب وام علاء مموجوده/...مصطفئ تعااال اني قريبه عليك اني امك مو هي اني التعبت بيك وشفت الضيم كل طلقه بيك ينهد حيلي قبري انفتح اربعين يووم شفت الموت بيك تاليها تروح الحظنها وترفض حضني،يايمه سودة عليه ياحبيبي ياكلبي تعال بعد امك طيب جروحي احظني كولي ماما حسسني بوجودك ارررريدك...

كامت وهي تفتر بالغرفه ومنهاارة شافت وجهه بالمرايه رغم جمالها لكن جمالها طفئ سود حالك تحت عيونها وشحوب بشرتها وضعفها عكس عبير الاجت علئ اخر حبايه وكأنها طالعه من الصالون..

ورود بقهر وبكاء/...اي حقه الكلب كاتل روحه عليها مدوخته ببنطرونها شاف ورود مو من امهات بنطرون وترضئ،بكل شئ وماتتنغوص اكرهك الحقير الكلب والله يجيب ابني وغصبا عليه بعينه اني مو حلوة وعبيرة حلووة ام المكياج...

رفعت علبه فرش الشعر وضربتها بقوووة علئ المرايه انكسرت بس ماوكعت ومن خلالها ضهرت صورة ورود مكسورة ومهشمه الئ اجزاء....

ورود بنحيب وهي تدقق بوجهه/...هذا حالج مكسورة مهشمه مثل هاي المرايه مكسورة وواكفه علئ رجليج تتصنعين القوة وانتي اصلا فاقدتها منوو يجبر المكسور غيرك ياااربي اجبر كسري وريحني.

نامت علئ،الارض وسقطت قزازة من جام المرايه قريب منها لزمتها بيأس ودموعها تنزل بصمت حطتها علئ،وريدها النابض وقررت تنهي هذي المئسات رفعت عيونها وهي تتذكر من اخذوها معتقله وبعد مساومه جلال الها وزواجه منها وبعدها اعترافه بموت والدتها وحملها وولادتها والاصعب من هذا كوله تضحيتها باابنها الغالي شمرت القزازه مرعوبه منهارة لايمكن تنهي حياتها وتنوت كافرة قررت تساعد نفسها وتصبر روحها وتخلي الايام هي التحكم..
************************************
حسين بهدوء/...يمه شكوو بيها وبعدين استحي ارفض الضابط مالتي ومااحب ازعله..

ام حسين/...خيب يمه حسين وين جايب هاي النواصه ولك هاي متعيش ويانه احنه ناس علئ كد حالنه وعايله وبيتنه صاير طكه وطيح من نكعد الصبح نلزم سرة علئ الحمام جاا شلون بديانا تلزم سرة ويانه هل مايعه؟؟

حسين/...ههههههههههه يمه راح ابني مشتمل فوك وابني حمام وتعالي،يمي الزموا سرة الدخله بألف

ام حسين/...وغوغه الجهال ومن يجن اخواتك خطار وتكب العيطه وكلهم جهالهم مو مؤدبين وشغله ثانيه مااجونه ناس خطار ذا مضاع نعالهم...جاا شلون بنعال ديانا...

حسين بضحكه علئ عفويه امه/...هههههه نجيب سلسله ونربط نعال ديانا واريد كلب ابن سطعش كلب يخمطه...يمه استحي من عمها مااكدر ارده

ام حسين ببتسامه/...كول عاجبتك المايعه يحسين ولا تتحجج بعمها ...وبعدين هي مو محجبه...

حسين /...تتحجب وغصبا عليه شيكولون عليه اصدقائي كرن ومرته ضاله تفتر بكفشتها...وبعدين هي مسلمه لازم تطبق الاحكام...

ام حسين/...الله يعينك يحسين اخاف تطلعلك كرون هل نواصه....الله كريم هسه شوكت تروح تشوفها ؟

حسين ببتسامه/..باجر. هسه لازم اروح اشتري ملابس واحلق وزين شعري حتئ تتخبل رسمي «حميت حسين😂»بكلبه...

ام حسين/...جااا تتخبل تلكه احسن منك واحلئ منك هل معصعصه...مو زين كلبتها...

كمت واني اضحك علي كلام امي ماعجبتها ديانا لان مايعه واحنه عوائل وعدنه كومه جهال...وجهال اختي من يجون عبالك القوات القذرة يسون اقتحام مفاجئ الله يساعد ديانا عليهم...«اكيد حتتخبول» بصوتها😂
عمي نبني الها فوك تدلل ديانا حداد...
************************************
ديانا وعبير اخذهن مراد للمول وضل مصطفئ،عند جلال وام مراد دخلن المول النخيل يشترن الملابس للديانا لان باجر حسين يشوفها ومراد راح للمشتل يبيعون بيه حيوانات اليفه يريد يشتري هديه لدنوو لان نجحت وهنه كملن شرايه وكعدن بالكافتريا منتظرات مراد....

عبير بتعب/...تكسروا رجليه ونبي

ديانا/...اي ونبي اني هماتين رجليه دا يوجعني...

عبير بخبث/...ونبي كوولش مقهورة عليج يعني معقوله هيج جلال يشمرج هاي الشمرة انتي،لازم تاخذين واحد من مستواج مو هيج يعني حسين بصراحه مو من اتكيتج مااعرف شلون حتتراهمون

ديانا بقهر/...عموو دا يكول حسين ماكوو منه ومن انطيج اله اخليج باايادي امينه وبعدين هي حتحدد فترة الخطوبه واحتمال افسخ العقد...

عبير/...ونبي رائد اخويه شافج وانجن عليج وعلى جمالج وكال لو مهرها مليار موافق واحلئ،بيت بالبنان بس مااعرف ليش جلال. رفضه؟؟

ديانا /..هو بعد عمو يعرف بمصلحتي...

حاولت تغير من قرار ديانا وتحببه باخوها الاصلع 😂
لكن ديانا كانت بين التقتنع والترفض قررت تشوف حسين وبعدها تقرر....
************************************
بعد مااتصل باام علاء وتطلب منها تجيب ورود وتجي البيت،ام مراد لان محد بالبيت وبحجه تريد تشوف ام مراد اجت ام علاء دخلت للبيت شافت ورود نايمه علئ الارض وتبجي وبيده الكزازة تنهدت عليها وعرفتها مقهوورة حيييل تقربت منها وحظنتها الصدرها مسحت دموعها بحنيه ورود شكت منه ومن رؤيتها الزوجته وابنها...

ام علاء/...كومي يا كلبي خلي نروح الهم يالله حتئ،تشوفين صوفي هو خابرني كال خلي تجي راحوا للمول الجماعه...

فزت فرحانه كامت غسلت وجهه بسرعه ورتبت نفسها لبست حجابها وحطت الدبوس ولبست صايتها وطلعت فرحانه ومهبوطه ومشاعر ملخبطه من شوفه ابنها بعد ما بعد عنها 20يوم....

دخلت هي وام علاء بعد ما طرقن الباب البيت ام مراد وشافته حاطته بالعش مالت الاطفال علئ القنفه ويمه مميته وحليبه اول مشافت هيئته سقطن دموعها لا ارادي ابنها الغالي مصطفئ لحظات ويكون بحظنها....كعدت قريب منه وهي متلهفه عليه ضلت تلمس بوجه وهو نايم وتكتم عبرتها وتحارب دموعها لا يفضحوها...انتبهت عليها ام مراد وام علاء تداركت الموقف....

ام علاء/...ورود كووولش تحب الاطفال...

ام مراد/...ليش هو منو ميحب الاطفال فديتهم كولهم براءه ورقه...هذا صوفي ابن حمايه جلال امه عافته وراحت للمول هي وبنتي لان باجر يجون خطابه علئ دنوو...

ام علاء ببتسامه /...الله يحفظه....

شالته ورود بادين ترجف وضمته الصدرها ابتعدت عنهم شوويه وهي تحظنه وتحاول تسيطر علئ نفسها باسته بشفايفه وعيونه وصدرة وهو فتح عيونه الها وباوعتله بحسرة ودموعها شلال ضلت تبوس بي وتحظنه وتشمه وهي ممصدكه ريحته تجنن ومن بين استنشاقها العطر ابنها حست عطر مصطفئ ممزوج بعطر جلال ضمته الصدرها وهي تشم ريحته الغاليه علئ قلبها...

ام مراد/...حبيبتي ورود بلا زحمه ممكن تسوين ممه لمصطفئ وقت جواعته....

ورود بحنيه/...يتدلل اصيرله خدامه هسه اسويله احلئ ممه...

قامت راحت للمطبخ تغسل مميته...دخلت شافته كاعد علئ الكرسي وطاوله الطعام امامه ويدخن وماد رجليه علئ،الكرسي الثاني ويدخن بهدوء
رادت ترجع بس مصطفئ جوعان فاتت للمطبخ وكفت علئ السنك وهي،تغسل مميته.....

ابتسم وكام الها حظنها من خصرها وهي صرخت لكن كتم صرختها بيده

جلال بهيام/....اششش لا تخافين اني جلال حبيبج

دفعته بعصبيه/...حبيبي ؟؟ ترة شايف نفسك زايده عن الزوم وبعدين لا تفرح نفسك اني ماعندي حبيب غير مصطفئ اما انت بصراحه مااتذكرك منوو

جلال بجمود/...اني كم مرة كتلج لا تحتكين بمراد ليش تعانديني ؟؟؟ متعرفين شصار بيه من شفتج واكفه بصفه اتمنيت ادفنج وادفنه بمكانه...

ورود/...عابت عابت عود يغار روح غار علئ ذيج ام بنطرون مخليها تفتر لوحده من غارت عليكم القوات المسلحه ان شاء اللة...انوب اسمها عبير ييع شلون اسم....

جلال حظنها بقوووه وهو يتقرب اكثر/...ترة انتي وياه نفس الاسم وينطي نفس المعنئ بس كلمن عطرها وانتي عطرج مصيبه...«وهو يشم خده»

دفعته جزعانه/...عووفني حرام عليك ياكافر اني،مو ملكك وبعدين لايجي واحد ويشوفنه وتفروه عليه دكولون اني تحرشت بيك ..

ابتسم عليها وحاول يقبلها لكن هي ضمت وجهه بصدرة هربانه من تقبيله لكن هوو رفع وجهه بقوة وهي مغمضه عيونها وتقاومه بيأس لكن هو باسها بشفايفها بوسه عميقه وهو يبتسم علئ ملامحها البريئه .....

دفعته وطلعت تركض وتعدل بحجابها بعد ماخربطه الها سوت الممه وهي ترجف من ابو مصطفئ الخجلها بتصرفاته لزمت مصطفئ وكعدت ترضع بي،وتحتضنه وهي خايفه ياخذوا منها حست بيهن اجن نومته بفراشه

باسته حييل وشمته حييل وهي تبكي طلعت من الباب تاركه ام علاء ويه ام مراد التقت بعبير وديانا ومراد مارفعت وجهه الهم لكن حست بنظرات عبير المستحقرة الها...مااهتمت اله وعافتها وراحت. .

وانتهئ اليوم علئ خير وكل من راح علئ بيته

************************************
يوم جديد علئ ابطالنه ....عند ديانا...

لبست قميص ابيض ونص كت وتنورة سوده وبيها ورود صغيرة بالون الوردي ولبست حذاء باته ورديه وشسورت شعرها وحطت ميك أب خفيف منتظرة تشوف حسين وحسين لحد الان مشرف....

نزلت بالفيس....«‏مازالت في داخلي طفله مُشاغبه تهوى الركض،
طفله إنّ عبست ملامحها
تُرضيها الدمى وقطعة من الحلوى.

اشكر اخويه الغالي مراد علئ الهديه الحلوة قطه من النوع الشيرازي بمناسبه نجاحي😍»

نشرت صورة القطه..«جانت كوولش حلوة بيضه ومدنفشه وعيونها زرك وصغيرة وبعنقها طوق وردي ونايمه علئ،سرير ديانا»ّّّ...يشعر بالحزن😢

واجتها التعليقات تركع....

************************************
عند حسين لبس قميص بيجي وسترة نيليه وبنطرون ازرق كابوي ومشط شعرة ورش سبري وقف التسريحه ورش عطر ضل يباوع بالمرايه ويعدل بشعرة ويرفع حاجبه بعدها اتصل بجلال وجلال كله راح اروح البيت اخووي...فتح الفيس،لكه ديانا منزله منشور قراها مات ضحك علئ،بزونتها...ضل يفكر اذا اجت هاي البزونه ويه ولد اخوو وجهال اخواته احتمال البزونه يصير بيها جني كتب لديانا...

خرب يومج ذكرتيني بكالورين الله يرحمها....

انتضرها شويه وردت كتبت«منو كالورين؟؟»

حسين...بزونته كالورين جانت الها معزة خاصه جانت طويله وصفرة وعضامها مبينه ومعروفه بالمنطقه ومتصاحب ياهو الجان تصاحب شخصيات منحرفه لو عتوي طاير ذيله لو عتوي مفكوسه عينه واخر واحد صاحبته جان فضيف سميين وطابر حاجبه الله يرحمه لو موجوده جان خليتها صاحبت بزونتج وطلعتها عن الطريق

ديانا...هههههه ولويش مسميها كالورين...

حسين...علئ اسم بطله المسلسل التركي علئ مر الزمان كالورين مخلت واحد مزوجته طبقت مقوله كل اربعين مرة برجلين لا هي كلبتها كل اربعين رجال بمرة....وبزونتي ماخذه من اطباعها هواي تالي،يمكن اخوي قتلها وغسل عارنه....

ماشاف ردها لان اتصل بيه جلال يخبرة عن وصوله طلع من البيت وامه دعتله ركب سيارته وهو مهبوط من ردت فعل ديانا وهل راح توافق عليه...

وصل البيتهم واستقبله مراد وجلال وكعدوا واحد سلم علئ الثاني وضيفوا بعدها راح جلال يجيب ديانا....

دخلت ديانا وهو لازمها جلال من اكتافها ودخلها علئ حسين كانت ايه من الجمال وبملابسها الجميله وشكلها الفضيع رفع حسين عيونها اله وتفحصها من فوك ليجوة انتبه علئ حذائها الباته وابتسم ادري جاي تلعب طوبه البس كعب يادنووو..

نهايه البارت.....يتبع....😘

لا تنسوا التصويت عزيزاتي كونوا هنا كونوا بخير😘